تازا ائلدور سیزه من مهر و وفا آرزولورام اورگیزدن گیده مین درد و بلا آرزولورام تازا ائلدور دییون آمین ائلیوم منده دعا ال آچوب، کیمسه مریض اولسا شفا آرزولورام اوزومی کرب و بلا شاهی قبول ائتسه اگر قاپوسیندا یوزی بیر قاره گدا آرزولورام کربلا عطری مشامه دگه روحوم پر آچا بونا خاطردی که بیر باد صبا آرزولورام گویلوم ایستور اوتورب تلّیده بیر نوحه یازام گوزی یاشلی ائلیَم شور و نوا آرزولورام بیرده هر کیمسه حسین عشقینه یانسا اورگی تازا ائلده اونا بیر کرب و بلا آرزولورام کعبه غبطه ائلییر شانینه بین الحرمین سیزه بین الحرمینینده صفا آرزولورام کربلا گورمینه کرب و بلا ایستییورم کربلانی گورنه بیت خدا آرزولورام رمضان گلدی گوزون آیدین اولا ای #شیدا من بو آیدا سنه مقبول دعا آرزولورام رمضانیله بهارون متقاریندی بو ایل بو گوزل جَمعیمیزه حقدن عطا آرزولورام حضرت حق بیزی الطافینه شامل ائلیه آدیوی ثبت ائلیه اهل بکا آرزولورام #محمدرضاصادقی‌شیدا

در ولادت امام حسن مجتبی ع نصف ماه صیامیده یزدان عالمه شامل ائتدی لطفون عیان نور اعلا و نور فاطردن یارادوب نور محسنی منان گتوروب دودمان زهراده بیر بالا گل یوزی مه تابان مرتضا کام آلوب نگاهیندن جدی پیغمبری ائدوب شادان یر یوزین ائتدی رشک باغ عدن گلدی دنیایه تا امام حسن بوندا وار حسن حی لم یزلی گلمیوب گلمز عالمه بدلی گل دوداقون ئوپردی ایگلردی آناسی فاطمه آتاسی علی گوزلری مرتضایه بنزردی یریشی ختم الانبیایه ولی یثرب ایچره دیردیلر حسنه حشره تک خلقتین بودور گوزلی یریوزین ائتدی رشک باغ عدن گلدی دنیایه تا امام حسن روشن ائتدی او نور سبحانی تک نه یثرب تمام دنیانی وئردیلر مژده مجتبی گلدی شاد ائدوب دهریده محبانی حسنی یوسفلری قویار حیران جاهی جذب ایلیر سلیمانی لطفیله حق ائدوب اوزی احسان بیزلره پای وئروب بو مولانی یر یوزین ائتدی رشک باغ عدن گلدی دنیایه تا  امام حسن مجتبی نور چشم طاهادی اولین یادگار زهرادی قدرت و صولت و شجاعتده آتاسی مرتضایه همتادی بذلیده حاتم اولسا گر قطره بو سخاوتده مثل دریادی کور اولا گوزلری وهابیلرون بو شفیع سرای عقبادی یر یوزین ائتدی رشک باغ عدن گلدی دنیایه تا امام حسن باغ زهراده آچدی بیر گل باش کربلا شاهینه اولار قارداش حمدلله خدای بی همتا زینبه وئردی بیر گوزل یولداش بو ولادتده حی یکتایه ذکر تسبیح و حمد ائدر داغ داش ایستیون حق وئره بیزه عیدی او بقیعنون زیارتون پاداش یر یوزین ائتدی رشک باغ عدن گلدی دنیایه تا  امام حسن باغ عصمتده بلبل شیدا گل جمالینده نور حق پیدا گلستان رسول خاتمده مجتبی اولدی بیر گل زیبا ایله بیر گلدی تا شکفته لنوب شاد و خوشحال اولوب خانم زهرا وصفی گلمز سایا اگریازالار مین «حسینی» و« ذهنی» و « شیدا » یر یوزین ائتدی رشک باغ عدن گلدی دنیایه تا امام حسن #محمدرضاصادقی‌شیدا

در شهادت امیرالمومنین(ع) مسجدده صبح اولونجا محراب آغلیوردی گویدن باخوردی فرشه مهتاب آغلیوردی ایوای او دم که شمشیر اُول قانلی سجده گهده اولموشدی چون پشیمان بی تاب آغلیوردی آئینه ء ولای سیندیردی خنجر کین آئینه ،نور حقّه در قاب آغلیوردی دولدوردی کوفه نی تا" فُزتُ وَ رَب " صداسی وا مرتضا دیلینده اصحاب آغلیوردی آسوده یاتمشیدی نامردمان کوفه تنها یتیم اوشاقلار بی خواب آغلیوردی دولدورموشیدی شهری گرداب غم سراسر چشم فلک میان گرداب آغلیوردی نهرات فراته بیر آن پر آچدی مرغ طبعیم گوردوم کی هم دوشن قول هم آب آغلیوردی عطشان دوداقی بیرآن تا گئجدی خاطریمدن گوردوم او پاره مشکی بی تاب آغلیوردی شرمنده اولدی علقم عباس خجلتیندن سقّایه اُول زمان کی ارباب آغلیوردی #محمدرضاصادقی‌شیدا

واقعه شهادت حضرت امیر المومنین (ع) واحسرتا داغتدیلا رکن عدالتی ئولدوردولر یر اوسته وصی رسالتی ئولدوردولر علینی ائوین یخدیلار دینین ئولدوردولر او گون کی امیر عدالتی گئچدی چراغ امت پیغمبر مبین خاموش ائدنده سجده ده نور هدایتی جنتده سالدی باشه قرا باغبان دین گئتدی او گون کی گلشن دینون طراوتی سجده حالیندا یاردیلا محرابیده باشین توپراقلار اوسته سالدیلا کان نجابتی سسلندی جبرئیلِ امین سیندی رکن دین چشم فلک به عینه گوروبدور قیامتی عُمرِ علینی ائتدی خزان اَشقَی الاَشقیا اُول دم کی ووردی باشینه ظالم جراحتی بیر ضربتیله دینون ائوین یخدی اُول شقی ئولدوردی مرتضانی یتیم ائتدی امتی #شیدا بو غمده حشره کیمی آغلا وور باشا اولسون جزاده شامل حالون شفاعتی #شهادت #محمدرضاصادقی‌شیدا

در وفات خانم ام البنین ( س ) عالمی ماتم دوتوبدی گوزلریمی نم دوتوبدی اولدی پرپر الهی گل یاس یومدی دنیایه گوز اُمِّ عباس تسلیت تعزیت یا ابالفضل (۲) شهر یثرب غمله دولدی گلشنی بو غمده سولدی گئتدی الدن اوغلوللار آناسی حشره تک قالدی دلده یاراسی تسلیت تعزیت یا ابالفضل ( ۲ ) همسرِ سلطان خیبر تالی زهرای اطهر جان وئروب ، آغلاماقدان مُسلّم یثربی ائیلدی غرق ماتم تسلیت تعزیت یا ابالفضل( ۲ ) بو خانم ، ام البنینیدی امِّ سقّای حسیندی باب حاجتدی اهل یقینه لطفی شامل اولار مومنینه تسلیت تعزیت یا ابالفضل ( ۲ ) ماتمینده سوگوارم غصه سینده اشکبارم بو اَلَم قلبمی درده سالدی محنتی صبریمی الدن آلدی تسلیت تعزیت یاابالفضل ( ۲ ) بو مُحنده آغلارام من باشی اوسته اولمادون سن گوزلرون اوخشات ایمدی سحابه آغلا قبرونده اُول دلکبابه تسلیت تعزیت یا ابالفضل ( ۲ ) وار یری بو غمده #شیدا آغلیا محشر اولونجا سَسلَنَه ای اوغوللار آناسی مرقدِ پاکیوین من فداسی تسلیت تعزیت یا اباالفضل ( ۲ ) #محمدرضاصادقی‌شیدا

درد دل به امام زمان (عج) یا اباصالح گوزوندن لطف ایله آتما منی آشنا فرض ائت آقا بیگانیه قاتما منی خلق ائدوب الله منی برده سنه ای محترم دوزدی چوخ نالایقم ای صاحبیم ساتما منی آغلوسان گرچه منیم اعمال ناشایستمه آغلاما آغلار گوزون قربانی آغلاتما منی #محمدرضاصادقی‌شیدا

استغاثه از محضر امام عصر (عج) سالوبدی قلبیمه هجرون شراره یا مهدی دوزنمورم داخی بو انتظاره یا مهدی یورولموشام منی گل قویما منتظر مولا گلوبدی تنگه اورک ایله چاره یا مهدی منیم سوزیمده اثر یوخ اوزون دعا ائیله سنی قسم وئرورم کردگاره یا مهدی کوسوبسن اولمیا مندن گناهیمه خاطر آقالیق ایله باریش باخ بو زاره یا مهدی نمک ییوب سرسفرنده ناسپاس اولدوم اگر چه لطف ایلدون سن دوباره یا مهدی حلال ایله ، ولی گوزله سنی آنان زهرا شکایت ایلمه پروردگاره یا مهدی گوزوندن آتسان اگر سن منی ائویم یخلار دوشر جهیمیده جسمیم فشاره یا مهدی هایانداسان آقا باشسیز قالوبدی شیعه لرون فراقون ایلیوب هر قلبی یاره یا مهدی اگر چه شیعه لرون قلبیوی سالوب درده تیکوبله گوز ولی سن تک نگاره یا مهدی دولانما چوللری آغلار گوزون فداسی اولوم بو قدری گوزیاشی توکمه عذاره یا مهدی قابار ایاقلاریوا بو ذلیل جانیم قربان هاچان یولون دوشه جاق بو دیاره یا مهدی دوتوبدی ابر ستم آسمان دنیانی باتوبدی یر یوزی گرد و غباره یا مهدی بیر عده شیعه لرون گل کیمی سولور سارالور اسور خزان یلی عمر بهاره یا مهدی بیر عده ال چالوری شیعیه بیر عده گولور ورور اورکلره هر آن شراره یا مهدی نه اینکه ظلم الی عرشه چاتوبدی ، جانیلر سالوبلا شیعه نی حال فکاره یا مهدی خدادن ایسته ظهورینده ایلسون تعجیل اجازه آل آپار اَل ذوالفقاره یا مهدی فسادی ریشه کن ائت ظلمی مضمحل ایله عدالتین علمین وور بو داره یا مهدی بو یرده سندن آقا ایلورم ایکی خواهش جسارت ایلورم اُول شهریاره یا مهدی بیری بودور که بوخیر ایشده چوخ شتاب ایله نه اینکه خیر ایشه یوخ استخاره یا مهدی ایکمجی اوز باشینا بوشلاما بو "شیدا "نی قاپوندا نوکریوه قیل نظاره یا مهدی #محمدرضاصادقی‌شیدا