نوحه شام غریبان زبانحال حضرت زینب علیها السلام قراریمی غملر آلوب قارداش باجون یامان حاله قالوب قارداش قـــــــــرا گین زینـــــــبی مقــــــــتلده سورونمگون درده سالوب قارداش ای روح و روانیم قربان سنه جانیم وجودیوین یاره دی هر یانی سوروندوقوجا سوزولور قانی خیامه ساری یوزون اوسته سورونمه سن بیل ننمین جانی قراریمی غملر آلوب قارداش باجون یامان حاله قالوب قارداش قـــــــــرا گین زینـــــــبی مقــــــــتلده سورونمگون درده سالوب قارداش ای روح و روانیم قربان سنه جانیم بلانی جانه آلارام قارداش سوزومون اوسته قالارام قارداش جفائیلن قانه باتان جسمه ئولونجه لای لای چالارام قارداش قراریمی غملر آلوب قارداش باجون یامان حاله قالوب قارداش قـــــــــرا گین زینـــــــبی مقــــــــتلده سورونمگون درده سالوب قارداش ای روح و روانیم قربان سنه جانیم ✍شعر از حاج فرهنگ خدایی

☑️سینه زنی شام غریبان سال 96☑️ 🖤🖤😭😭 🎤با مداحی استاد حاج محمد باقر آقایونفر ✍شعر از حاج فرهنگ خدایی

شام غریبان حضرت امام حسین علیه السلام تنور خولی به قلم کربلایی صابر ثمودی سبک دئدیم یات خسته دور جانین 🏴🏴🏴 کول اوستون ائتمیسن بستر بالام لای لای گولوم لای لای جمالون اولدی خاکستر بالام لای لای گولوم لای لای و یا حسینیم وای. حسینیم وای 🏴🏴🏴 سنون عشقون منی چکدی بلا صحراسینه اوغلوم امیدیم کشتی سی دوشوموش بلا دریاسینه اوغلوم ملکلر آه و وا ایلر باشون غوغاسینه اوغلوم یانار عالم سنه یکسر حسینیم وای حسینیم وای 🏴🏴🏴 بوگون صبحون زمانیدن گزیردیم قانلی صحرانی ئوزوم گوردوم او صحراده جفای قوم اعدانی سالیبلار قول کسیبلر باش بیچبلر نئچه اعضانی بیری اوغلون علی اکبر حسینیم وای حسینیم وای 🏴🏴🏴 نه گوردوم قانلی مقتلده سولوب من ایستین گوللر نه گوردوم خیمه گاهونده نوا ایلوردی بلبلر یارالی پیکرون گوردوم دوشوبدی تپراقا بی سر نه گوردوم قطع اولوب اللرحسینیم وای حسینیم وای 🏴🏴🏴 سراغون کوفه دن آلدیم حریم دشمنه گلدیم محیط دشمنه اوغلوم چکم باش من سنه گلدیم کول اوسته باشیوی گوردوم اوغول من شیونه گلدیم اولوبدی بسترون کوللر حسینیم وای حسینیم وای 🏴🏴🏴 نئجه منزلدی بو منزل اوغول سن انتخاب ائتدون نه گلدی سینمه اوغولوم کول اوستون رختخواب ائتدون کول اوسته یاتماقون اوغلوم منیم قلبیم کباب ائتدون یانار احوالیوه مادر حسینیم وای حسینیم وای 🏴🏴🏴 قویوب خولی تنور ایچره سنون باشون عداوتدن باشوندا ساغ یئرون قالمور اوغول ضرب جراحتدن اسوب باد خزان نئیلوم گولوم دوشدی طراوتدن یانار احوالیوه گوللر حسینیم وای حسینیم وای ادامه دارد

شام غریبان .  . پریشان خاطرم یا رب دل عالم پریشاندی عزیز فاطمه قطعه به قطعه اولدی دوغراندی حسینین دوغرانان جسمی بلا دشتنده عریاندی پیمبر عترتی بیر خیمهٔ سوزاندا سوزاندی نه خیمه ، ظلموله گوندوز وورولدی اود آلولاندی . گلیندی ، قزدی ، عورتدی ، اوشاقدی خسته بیر دسته چراغ و فرش یوخ هامّی جلوس ایتمیش تراب اوسته هره بیر یاندا گوزیاشی توکور رخساره پیوسته آنالار اوغلونی اوخشاردی آغلاردی چوخ آهسته بئله شام غریبانه فلک ده گویده حیراندی . روادور زینبین گوزده انیسی اشک ناب اولسون روادور آل اطهاری سویانلار کامیاب اولسون روادور صبحه تک گریان عیال بوتراب اولسون روادور سو اودا دونسون یانار اوددا رباب اولسون ئورک شعله چکیب آل علی پروانه تک یاندی . هامی غمدن یانیر کیمدی ویره بیر کمسیه تسکین ئورکلر دردلی دی ایلیر نهان هر کمسه ئوز دردین یوخ حالی هئچ کیمین سلسین لباس و زلفنون گردین هره بیرر گوشه ده آغلیر ، سزلدیر دردینه گزلین ئورک قانی آخیر گوزدن ئورکلر جمله شانشاندی . خزان ظلم اسیب باغ ولایت تارومار اولدی بتولین گلشنی جان یاندیران درده دچار اولدی آچان گل لر ورقلندی توکولدی خاکسار اولدی نه گل ، کی غنچه ده سولدی سارالدی یاره یار اولدی قالیب بلبل لری آغلار هره بیر یاندا نالاندی . ایدیر هر کمسه نین حالین روایت عارض زردی ئورک بیردی هامی امّا جدا دور هر کسین دردی بیری ال لر قولاقنده یاناردی ناله ایلردی بیری ال سینه ده یاندیم دیردی ، درسین ازبردی علی گل سینمه صود سینمه گلمش سو ارزاندی . او سو کی ووردی موج آخدی صفا ویردی بیابانه او سو کی اولمادی مانع اولونسون وحشی حیوانه او سو اوسته ابوالفضلین دوشوب قوللار باتیب قانه هدف اولدی منیم سینه گلوم سو اوسته پیکانه آتاسی اللری اوسته بالام لب تشنه اوخلاندی . نگهبان خیمیه یوخدی هراسان آل طاهادی ایله ناله ایدیر لیلا کی اودلور یانمش اکبادی آنالارین اولوب وردی دلینده اوغلونون آدی قیامتدی یاری یانمش خیمده آیری غوغادی هره بیر نغمه ساز اتمیش هره بیر یاندا گریاندی . بلالر یورقونی زینب باشندا مین بلا واردی خدا آگهدی قلبنده یارا اوستن یارا واردی دئسین دردین کیمی واردی ئورکده ابتلا واردی نه بیر الدن دوتان واردی نه یار و آشنا واردی یانیر باخدیقجا هر سمته گورور اطفال هراساندی . یاتیب قارداشی میداندا یارالی قان آراسندا گیدیب باش ، پیکری عریاندی داش پیکان آراسندا ئوزی ناچاردیر قالسین گرک نسوان آراسندا یبر عدّه مو پریشان سینه سی سوزان آراسندا شریک غمدی ثکلایه سپهره آهی قوزاندی . گهی قارداش دئییب آغلیر یانیر سوز و گداز اوسته گهی ئوز قبله ده مشغول اولور راز و نیاز اوسته حسین قارداشنه ایلیر دعا گاهی نماز اوسته گهی ایلیر نظر یانمش چادردان بیر حجاز اوسته دئییر گل گور آنا زهرا قزین زینب پریشاندی . آنا گلزاری طاهانین گرفتار خزان اولدی پوزولدی نظمی گل سولدی هزارین قلبی قان اولدی جوانلار قانینه باتدی آنالار خونفشان اولدی حسینین باشی ذبح اولدی عدویه ارمغان اولدی بدن سُمّ ستورانلا اولوب پامال ایاقلاندی . نه زینب دردینی واردور بیلن ، نه درده میزان وار بیر عدّه بوینی چگنینده گلین قز ، خسته نسوان وار نه چاره ایلسین زینب نه دربان نه نگهبان وار یاری یانمش چادردا گل آنا شام غریبان وار چادر یوخ ، سربسر شور و نوادی درد و افغاندی هدایتی تبریزی

✅ قتلگاه حضرت اباعبدالله الحسين علیه السلام سبک .... یئخیلیب عباسیم نهر فرات اوسته .... ✖️✖️✖️✖️✖️✖️✖️ آنا یا زهرا گل بو قانلی صحرایه قرا معجر زینب آدامسیز قالدی نه علی اکبر وار نه واردی عباسیم حسینیم مقتلده کفنسیز قالدی 🏴🏴🏴🏴🏴 بزنوب پیکاندان آیا بنذر اوغلون هلال یک شبدی آنا گل آغلا سانا گلمور یاره الیمده یوخ چاره طبابت سندندی یاراسین باغلا ننه چوخ ایستردون حسینی عالمده دیوب هردم اوغلوم چکردین نازین باشا سالسون قاره عزا قورسون زینب دئسون نوحه سنده عزاسین ساخلا 🏴🏴🏴🏴🏴 او که هر دم زهرا سینونده نازیلن یاتاردی ٬ قوم اوستی اونا بستردی دؤزه بیلمور زینب بو حالدا قارداشین گؤره داشلار آلتدا قالیب بی سردی بو قدر اوخ لازم دگولدی وورسونلار لب عطشان مولانین عدو جسمیندن بونی والله بیجان ائدن بو ماواده غم عباسیله غم اکبردی 🏴🏴🏴🏴🏴🏴🏴 کیم ائدر باور من دئسم واضح گؤردوم ئورکدن اوخ دگدی کورکدن چخدی دئدیم الله رحم ائت مصیبتدن قدی کمان زینب قلبین بو اوخلار سئخدی گل زهرا سولدی صفا باغدان گئتدی دوتوب ماتم گللر گلستان آغلور منیم عز و شانیم حسینیم جان وئردی آناسی زهرانین سراسین یئخدی 🏴🏴🏴🏴🏴🏴🏴🏴🏴🏴🏴🏴 نه روادی عریان بدن قوملار اوسته اذیت گون وئرسون گل زهرایه ئولوم ایستور گویلوم دعا ایله مادر کنارینده زینب اولا همسایه منی بیر گون اوغلون ائدوبدی شرمنده عباسین گوستردی یاتام آسوده یئری واردور ایندی سرم زلفوم شاید بو جسم سوزانه یئتورسون سایه #ابوالفضل_عباسی_معروفان_اهری #قتلگاه_معروفان

‍ ‍ ‍ بحر طویل شام غریبان 🖤🖤😭😭 نطقه گَل ای شاه شهیدان حسین خیمه و خرگاهی یانان زینبم باشه سالان یدی جوان قاره سی اللری قوینوندا قالان زینبم ای شه لب تشنگان گُل بدنی دوغرانان پیکری قانه باتان مونسی پیکان اولان هر نقدر عمریم اولا آغلارام صبح و شام ای شه عالی مقام ایتدیلر اعوانمزی قتل عام با لتّمام ظلمیله قوم ظلام ظلم اودینی ویردیلا یاندی اهل شام_ساخلامیوب احترام بیرجه قالان زین العبادور حسین خانه سی ویرانه اولان زینبم چادریمی معجرمی آلدیلار ویردیلار قلبیمی یاندیردیلار آت قباقندا حرمون قودولار سویدولار عالمه اود سالدیلار آل پیمبر نجه گور اولدی خوار داغدار شمره اسیر اولدیلار گلشن گلزاری خزانه دونن بزم تفاقی داغیلان زینبم گور نجه افلاکه چخوبدور فغان بو زمان محشر اولوبدور عیان شامه طرف عزم ایلیور کاروان باغری قان دیده لری خونفشان امر ایله عباسیله اکبر جوان پاسبان بیزلره اولسون امان چارم الیمدن اوزولوب هر طرف بیر کسه یوخ ایندی گمان زینبم من کیمی یوخ دهریده بیر غم چکن بی وطن سن کیمی هر بیر ئولن هانسی شهه اولماز اخا سو ویرن رحم ایدن نعشنی دفن ایلین سن کیمی یوخ باشیله جاندان کچن قان ایچن نعشی قالان بی کفن کثرت غمدن آغاران ساچلاری داغلی جگر قدی کمان زینبم #یحیوی_اردبیلی

#شام_غریبان #نطقه_گل_ای_شاه_شهیدان_حسین #یحیوی_اردبیلی با صدای استاد حاج نادر جوادی 🖤🖤😭😭😭

#عاشورا_گونی رجز صبح عاشورا . . سبک : ویرانه ده نازلی بالام … ای غنچه نیلوفریم … . مرحوم قدرت اله نادری میانجی . بیر گوندی عاشورا گونی ارض و سما آغلار هم باش وئرن؛ هم باش کسن ؛ هم کربلا آغلار . قورتاردی مهلت صبح اولوب قان آغلوری صحرا گوگدن یره ماتم یاغور چون صبح عاشورا ال قولتوقوندا چوللری ویلان گزور زهرا یکسر ملائک صف چکوب عرش خدا آغلار . صبح اولجاق عاشورا گونی قاره گیوب گوگلر الله اکبر سسلنوب وئردی اذان اکبر اولدی نمازه مقتدا چون شاه بی لشگر قیلسین نماز صبحینی اول مقتدا آغلار . سعد اوغلی گورجک امر ائدوب تئز لشگر آتلاندی اوّل ئوزی بیر اوخ آتیب دنیا الولاندی اوخلار دگوب اصحابینه چوخلار یارالاندی زهرا همین بو حالته صبح و مسا آغلار . اهل نمازی خوار ائدوب اول قوم تیر انداز اصحابلر جانین ائدوب جانانه پای انداز صلحون سینوب بال و پری چون جنگ اولوب آغاز یاسه باتوب ملک نجف شیر خدا آغلار . اوّل نماز اوسته توکوب قانی یره اعدا اهل عداوت اوخ آتوب باشلاندی چون دعوا زینب دیور قارداش حسین باشه وورور لیلا یالقوز اوغوللار حالینه بیکس رباب آغلار . حر ریاحی چون گوروب طغیان ائدور لشگر تنگ اولدی دنیا باشینه آتلاندی اول سرور گلدی حسین پابوسینه دوشدی او نام آور شرمنده حرّون حالینه اهل عزا آغلار . معبوده عرض ائتدی حسین ای غیبدن آگاه اطرافیمی دشمن آلوب من یالقوزام الله امدادیمه گلمز ندن جدیم رسول الله داغداش منیم احوالیمه ایلر نوا آغلار . ویران اولیدی اول گونی عالملری ای کاش عطشان کسوبلر کوفیان یتمیش ایکی گول باش بی اختیار انسان توکور رخسارینه قان یاش آچ بیر بصیرت گوزلرون گور انبیا آغلار . بو گون همان گوندور اولوب دینون ائوی ویران دشت بلاده کسدیلر یتمیش ایکی قربان پیغمبرین اوغلی حسین جان تاپشوروب عطشان خنجر قویاندا حنجره شمر دغا آغلار . ای شیعه گل فریاده سن سویله حسین ای وای باشی قفادن ذبح اولان مظلوم آقام ای وای اوچ شعبه اوخلان اوخلانان وای صود امر لایلای آغلار رباب احوالینه چون ماسوا آغلار . یاز «نادری» قلبیم یانوب الده قلم آغلار یرده دوشوب علقمده کی قانلو علم آغلار اخیمده وئرمیش سس سسه اهل حرم آغلار بیر گوندی عاشورا گونی شاه و گدا آغلار

‍ ییخیلیب عباسیم نهر-ی- فرات اوسده ، بئلیم سیندی زینب ، علمدار ئولدی بویانیب دور قانه ، وفالی سرداریم ، لوایِ قرآنه وفادار ئولدی یارالی اصلانیم ، شهید قرآنیم ، امیدِ طفلانیم ، جوانیم لای لای اوجا بوی سرداریم ، وزیر درباریم ، وفالی غمخواریم ، ابوالفضلیم وای امان ای دل ای دل ای دل زینب . سینیب وآلله ، بئلیم ، بئلیم ، زینب ئوزون ائیله آگه ، حیالی قیزلارون ، دئنن دَه یدی پیکان ، سو مشکین دَلدی سیزه خاطیر گئچدی ، ایکی قول ، بیر گوزدن ، منی قویدی تنها، فلک دینجلدی سینه سی اوسدونده نئیستانلار گویا ، یارالی اعضاسی تماماً اوخدی ولی اوخلار دان چوخ کنارینده زینب، ندور عیلّت بولمم، آغیر داش چوخدی توخانیبدیر داشلار سینیبدی آئینه ، یانور غمدن سینه م، آخور گوز یاشیم اوجابوی قارداشیم اولوبدی ال لرده یاتیپدی چوللرده قراریم یوخدی کسیلیبدیرچاره م ، اولوبدی قارداشیم ، کومکسیز بیر شاهم، امیدیم ای وای یاخامی اللرده قویان عباسیم وای ، شرفلی سردار رشیدیم ای وای توخانیب دور پیکان، حوروبدی گوز یاشین، گلن گورمور کیمدی، قالوب آواره دیزیم اوسده باشین،آلیب توکدوم گوز یاش،دئدیم لای لای قارداش،شهیدیم ای وای دئدیم آیا قارداش ، گئدورسن اخیامه ، دئدی سن گئت حوسئن، رقیه ن آغلار دئدیم اوندا گئتسم ، سنی قویسام تنها ، چیخاندا جان لبدن ، گوزون کیم باغلار باشیم اوسته بیر کس دئدی سن گئت اوغلوم،گوزون زهرا باغلار،عزاسین ساخلار یئری وار بو غمدن ، سودان چیخسا ناله ، کول اولسا پروانه ، سو اولسا آغلار دییون اصغر یاتسون ، یاتیپ پرچم داریم ، یارالی اعضاسی ، قالیب صحراده عطشیندن یانسا ، دوداخلارین امسین دییر لر دشمنلر ، سو یوخ دریاده سوسوز ئولسه اوغلوم ، اگر چی نیسگیلدی ، منه باش ایماخدان ، ولی آسان دیر سویا خاطیر هرگز ، علی نین اولادی ، وئرر جان یالوارماز ، ولی صیاده

ییخیلیب عباسیم نهر فرات اوسته بئلیم ییندی زینب علمدار ائولدی 😭😭🖤🖤

گل آنا یا فاطمه ای اورگی قان ننه اوغلوا دوت بوگئجه شام غریبان ننه جان ننه ایوای ننه کرب و بلا دشتینی قوم ستمگر آلوب آل امیه بوگون ولوله عرشه سالوب قانه باتوب قارداشیم قیزلاری ویلان قالوب نصفی یانان خیمده آغلور عزیزان ننه جان ننه ایوای ننه سسلیرم امدادیمه یوخدی هرایه گلن مشکل اولوب زینبه بو غم و درد و محن قارداشیمون پیکری یرده قالوب بی کفن جان ننه ایوای ننه دوشدوم آنا دهریده گورنه یامان گونلره یوخدی امیدیم داخی قاسیمیلن اکبره لشکر وسر لشکریم قانه باتوب یکسره ظلمیله طغیان ائدوب فرقه عدوان ننه جان ننه ایوای ننه

☑️نوحه جوشی بسیار زیبا☑️ گل آنا یا فاطمه ای اورگی قان ننه 🎤با نوای حاج محمد باقر آقایونفر