#زبانحال حضرت زینب سلام الله علیها در شهادت حضرت رقیه سلام الله علیها # اوخشاما مهربان بالام لایلای خسته جان بالام لایلای جان ویرن غریبانه باغری قان بالام لایلای گوز یاشی آخان لایلای عالمی یاخان لایلای اکبرین آدی دیلده یوللارا باخان لایلای همدم آختاران لایلای محرم آختاران لایلای قمچی لر یاراسینه مرهم آختاران لایلای مهربان بالام لایلای خسته جان بالام لایلای جان ویرن غریبانه باغری قان بالام لایلای سینه داغلیان لایلای قاره باغلیان لایلای شمع تک قرانلوقدا نم نم اغلیان لایلای سبط بوالحسن لایلای بید تک اسن لایلای غم طنابی یوللاردا قوللارین کسن لایلای بلبل چمن لایلای حسرت وطن لایلای قانلی باش قوجاقیندا قورخودان ئولن لایلای مهربان بالام لای بای خسته جان بالام لای لای جان ویرن غریبانه باغری قان بابام لای لای آهی پر حزن لایلای آدلی سینه زن لایلای کاروان سراقینده چوللری گزن لایلای صبریمی آلان لایلای جانه اود سالان لایلای باشدا کربلا فکری شامیده قالان لایلای ائلده بیر دانام لایلای من گرک یانام لایلای فاطمه کیمی مظلوم خرداجا آنام لایلای مهربان بالام لای لای خسته جان بالام لای لای جان ویرن غریبانه باغری قان بابام لای لای گوز یاشی توکن لایلای چوخ بلا چکن لایلای کوینگی اولان خلعت قدیمی بوکن لایلای ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

زبانحال حضرت رباب (سلام الله) اوغول علی آغلاما یات سنده یانموسان منده آنان ئولسون چاره ندور منده سوسوزام سنده سو یوللارون باغلادیلار فرقه ی جفا گستر بهاریمیز اولدی خزان سولدی غنچه وش‌گوللر بوحالتون بیکس آنان یاندیروب کباب ایلر سنون تک هئچ غنچه ی گل سولمیوبدی گلشنده آزآغلا‌یاندیردی غمون کایناتی نسگلدن یوزون خراش ایتمه بالا اودلادون منی دلدن نه منده سود واردی نه سو بو ایکی مشکلدن آنان اولیدی علی کاش اولمییدی شرمنده مگردگول آب فرات فاطمه آنان مهری سنه حرام اولدی ندن بوشریعه نون نهری ندن بوقومی بولمورم دوتموری خدا قهری یهود‌وترسایه دگول بیله ظلم زیبنده اوغول نجه روادی بوبحرتک فرات آخسون غریب آنان حسرتیله بوآخارسویا یاخسون بوحالیله سوز عطش یاندیروب سنی یاخسون سوسوز اوشاقلار ملشه شامیان ایده خنده من ایسترم آغلامیام گورم آغلورام های های قرارسیزوردیم اولوب سودامر بالام ایوای بوآغلاماق ویرمور امان من سنه دیم لایلای زبس دلیم چوخ دوتولور آزقالور دوشه بنده جهانی یاندیردی داخی سوز آه وافغانون تاپولموری سوبیر ایچیم آزقالور چخا جانون ویرر سنه ایمدی سو اوخ سوکیمی آخار قانون قضا سنه حاضر ایدوب سوخدنگ دشمنده بوحالیله قویمیه جاق حرمله سنی بی شک ایچیردی قانون سو کیمی جان زاریوی گورجک خسوف ایدر سن قان آرا قرص ماه انور تک دوشر تلوتلدن اوغول بوجمال رخشنده (ذهنی) اگر ذهنون اولامحو بو مصیبتده اوسانما هرگز دیمه بس ور قلم بو محنتده ویرر بوشهزاده سنه اجر ومزد جنتده اینانمابی فیض اولا بو آستانده بنده شاعر : مرحوم ذهنی زاده لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#نوای_ماندگار 🏴سینه زنی_سوزناک ▪️نوحه حضرت علی اصغر(ع) 🎤#بانوای_حاج_علی_سیفی_افشار

زبانحال زینب کبری(س) در فراق رقیه خاتون » سبک: آخشام اولدی ننه 😭😭😭😭😭😭😭😭😭 🏴🏴🏴🏴🏴🏴 عمّه سینه همدم ، ایستکلی رقیّم ویرانسراده یومدی گوزینی اکبرین قراسی اگنینده گئدوبدی اکبره دئسون ئورک سۆزینی لای لای رُقیّم (٤) گل یوزی گولمدی قارداشی گلمدی آغلار گوزیلن وئردی قیزیم جان بولوت تک دولوبدی آچمامیش صولوبدی چوخ گوردی غصه دوشدی ایاقدان لای لای رقیم (٤) آخشام اولان زمان قلبی دولان زمان باخاردی یولا حسرت گوزیلن بالام دینجلمه دی کیم دردین بولمه دی یاتدی توپراقدا نیلی یوزیلن لای لای رقیم (٤) یات منیم همنالم زهرای سه ساله م قبریوی ئوزوم قازارام قیزیم گوزومین یاشیلن صولماقیوین شرحین قبریوین اوسته یازارام قیزیم لای لای رقیم (٤) سنون ماتمینده نیسگیللی غمینده هم آغلارام من هم آغلار لیلی سنی غملریوردی ساربانلار ووردی حقین وار مندن اولسان گلیلی لای لای رقیم فریاد اول ساعتدن باباسینون باشین نازلی رقیّم آغوشه آلدی بیرباخدی حسرتله قانه غلطان باشه هم سیلدی قانین هم لای لای چالدی دئدی آچ گوزیوی باخ گور ؛ گلشنیوی صرصر جفا نه حاله سالدی لای لای رقیم آغلاردی دیئردی اولسیدون سن بابا آگاه اولاردون ئورک سۆزومدن اولسیدون سن باباقویمازدون گوزیاشیم سیلابه دونسون شهلا گوزومدن اولسیدون سن بابا جرأت ایله مزدی شمرِدون ورسون سیلی یوزومدن لای لای رقیم (٤) آغلاردی دیئردی ای دینون یولوندا جاه و جلال و کامه چاتان باش اللٰهینه خاطر شوکت و مقام و اهل وعیالین باشدان آتان باش تا گوردوم یوزیوی بیلدوم کی سنیدون اوگئجه کوللر اوسته یاتان باش لای لای رقیم آغلاردی دیئردی کربلا چولوندن آیریلان زمان طوفان یوخیدی دگمیشدی از بس کی یاره پیکریندن بوسه وورماقا امکان یوخیدی گورمیشدیم باشیوی نیزیه ووراندا آننوندا بابا هئچ قان یوخیدی لای لای رقیم (٤) آغلاردی دیئردی جان بابا سینمده باخ اضطرابه باخ التهابه باخ قانلی ایاقه باخ یاره قولاقه باخ قوللاریمدا نقش طنابه آل گویلونی بابا ناگران عمه مین هردم ده بیر باخ بیکس ربابه لای لای رقیم (٤) آغلاردی دیئردی گلدون بابا ئوزون بس قالدی هاردا اکبر و قاسم دی گوروم جان بابا هئچ سیراب ائدوبلر سنی آخرده بو قوم خاصم سن گلدون یارالی بس ندن گلمدی امّیدیم روحیم عموم عباسیم لای لای رقیم (٤) لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

نوحه اربعین زبانحال حضرت زینب علیهاالسلام سبک#حسین دوشوبدی مقتله بو کربلایه یا حسین ئورکده یاره گلمیشم قوجالمیشام بو قرخ گونی باشیمدا قاره گلمیشم بو شش گوشه قبریوه من قربان یارالی ئولن اللرده بو چولده عطشان یارالی آنام اوغلی گل دیله بیر یول سسله زینب جوابنده قوی دیوم منده جان یارالی یارالی حسینیم وفالی حسینیم غریب نینوا حسین شهید کربلا حسین غم فراقه زینبون اولوبدی مبتلا حسین گلوب لیلا ویر اشاره اکبر اویانسین باتان قانه قاسم خوش منظر اویانسین گیدوب هوشه صود امر قربان سینون اوسته رباب آغلور سسله قارداش اصغر اویانسین یارالی حسینیم وفالی حسینیم بو قرخ گونی نلر چکوب بو کربلایه گلمیشم خرابه ده دوشوب باشیم غم و بلایه گلمیشم قیزیل گول مثلی او یرده سولدی رقیه کیچیک قلبین تیر غمله بُولدی رقیه گئجه گوندوز هی سنی مندن ایستیردی قوجاقینده یاره لی باش ئولدی رقیه یارالی حسینیم وفالی حسینیم جفای شمر شومیدن بو چولده زاره گلمیشم الیمده یاره گئتمیشم باشیمدا یاره گلمیشم اویان قارداش آلمیشام من آغوشه قبرون گوزلدور چوخ عشقیمی گتدی جوشه قبرون یتیشدیم تا کربلایه دینجلدی قلبیم دیر دنیایه حسین جان شش گوشه قبرون یارالی حسینیم وفالی حسینیم سحاب رنج و غصه دن بلا یاغاردی شامیده بلیم بوکولدی کوفه ده باشیم آغاردی شامیده او شهرین یوخدور صفاسی چوخدور بلاسی سالوب درده باجووی اوردا دیل یاراسی سن ئولدون اللرده اما باشون اوجالدی قوجالدی زینب اولوب غملر آشناسی یارالی حسینیم وفالی حسینیم بو اشک و آه و سوزیلن جهانی برهم ایلرم یارالیسان بو گوز یاشین سینووه مرهم ایلرم علمدارون هاردادی اول عطشان ابالفضل دئنن قارداش دور گلوبدی مهمان ابالفضل کسیلمیش قوللاریلن چیخسون پیشوازه دیوم منده قوللارا قربان جان ابالفضل یارالی حسینیم وفالی حسینیم حاج افشین بابک اردبیلی لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

زبانحال حضرت زینب کبری (سلام الله) به حضرت رقیه (سلام الله)   ندندی یاتموسان ای بلبل مدینه قیزیم باشیوی قوی سینمه اغلاما حزینه قیزیم   الوب قراریوی الدن بو اضطراب سنون کسوبدی قولاریوی ظلمیله طناب قیزیم   بو ارزوئیله توکدون همیشه اشک بصر گله خرابیه تا بلکه قارداشون اکبر   سبب اودور توکولور عارضه بو گوز یاشیم جنازه وی گوتوره یوخدی قوم و قارداشیم   گرک النجه سنه اغلیام من محزون قوری یر استه بو ویرانه ایچره جان ویردون   بو حاله اغلوری سکان عالم لاهوت نه بیر کفن گتورن وار حنوط یوخ تابوت   هلاک ایدر منی بو غم قیزیم الوبدور اج پیمبرین نوه سی کهنه معجره محتاج   بو غم قیامته تک  باغریمی منیم داغلار دیار شامیده قالدی بالام غریبه مزار  مرحوم مضطر قفقازی لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

حالات حضرت رقیّه (س) (سبک : خداحافظ ای آنام باجی..) رقیّه وم  گلمیشم  بابا شام  شومیده     جانه گیجه گونوز  بو  خرابه ده  آغلارام  یانا  یانه باخ  بو دیده  گریانه گوز یاشیم  دونوب قانه دوشنده قارداشلاریم  یادا حالیمی   دولاندیرّام دوزنمَرم  هجره صبریمون کاسه سین جالاندیرّام سیزیلدارام  نی  مثالی  من  کائناتی    یاندیرّام یانار  ملال  و فغانیمه  آشنا و  بیگانه باخ  بو  دیده گریانه گوز یاشیم دونوب  قانه گوزل بابام ، مهربان بابام ،دوتموسان سراغ مندن ائویم  محقّردی  بوش  اَلیم  چوخ  خجالتم  سندن دعا  ایله بو گیجه منیم  تئز چیخا جانیم  تندن فزوندی  دردیم ، گلن  دگل  هئچ  بیریسی  درمانه باخ  بو  دیده  گریانه گوز یاشیم  دونوب   قانه شهِ  جهان جان جان جان  حقّه جان وئرن سلطان غریب  نوازلیق  ایدوب  بابا اولموسان  منه  مهمان نه یاخشیدور منده جانیمی  ایلیم  سنه   قربان ائدرله  قربانی  رسمیدور  زیر  پای   سلطانی باخ  بو  دیده  گریانه گوز  یاشیم  دونوب قانه او گون کی  دوشدی  بلالره  بو  باشیم  بابام  جانی آخور  یوزه دائماً  منیم گوز یاشیم   بابام   جانی عموم  سالور  یادینه  نه ده   قارداشیم  بابام جانی فلک منیم اشک چشمیمی دوندروبدی   عمانه باخ  بو  دیده  گریانه گوز  یاشیم  دونوب قانه رقیّون  یوخدی  دای بابا زنده قالماقا    میلی ویروب منه یولدا  شمر دون گاهی قمچی گه سیلی اوزونده گور ایلیوب نئجه سیلی صورتیم   نیلی سیزیلتیما  شامیلر  کیمی جانه  گلدی    ویرانه باخ  بو  دیده  گریانه گوز  یاشیم  دونوب قانه نسیم اَسَر  گون باتان چاقی اوندان عطروزی آللام یوخوم دوشر  اوندا باشیمه یاده من سیزی ساللام خرابه شاهدی چوخ گیجه صبحه جک اویاق قاللام ترّحم  ایله  آپار منی  ، صون قویاق  بو  هجرانه باخ  بو دیده  گریانه گوز یاشیم  دونوب قانه فراغته اَل تاپام  فلک ویرمدی   امان   غمدن شیرین  یوخی گورمرم  بابا  دهم    محرّمدن یانار  بیزه ذات حق  اوزی راضی اولسون عمه مدن شرار شمعه  یانار نئجه عاشقانه  پروانه باخ  بو  دیده  گریانه گوز یاشیم دونوب  قانه گوره  واردی  دردی هر قیزون  ایلر عمه جان  چاره وئرر   مکرّر    غذاسینی   گونده     بعضی   قیزلاره عزا     دوتار  گه   سنه   گهی  تشنه  لب   علمداره دییر     خدا     لعنتون     گله      خاندان     سفیانه باخ      بو      دیده      گریانه گوز    یاشیم    دونوب   قانه یاتوبدی  قلبینده   نسکلی عمه مون   بابا  لای لای گهی دییر   ظلمیلن  ئولن   تشنه لب حسینیم  وای ربابی گورسه دییر  گهی لایلای اصغریم  لای لای یانار     یانار    نفرین   ایلیر    حرمله ایله     پیکانه باخ      بو      دیده      گریانه گوز    یاشیم    دونوب   قانه ساتاشدی    لیلایه   تا   گوزی  آغلیار   دییر    اکبر گهی  قوشار   سس  سریئیه  قاسم  جوان  سسلر دییر   فلک   یاخشی   ایلدون   زینبی   قرا    معجر یانام    گرک  تا    نفس  واریم   منده   نار  سوزانه باخ      بو      دیده      گریانه گوز    یاشیم    دونوب   قانه گلنده  شامه  یادوندا   وار چولده  بیر گیجه  قالدیم تاپاندا    زجر   لئین   منی   ناله    گوگلره   سالدیم قاچانمدیم تئز سلام ایدوب قمچی  مزدیمه  آلدیم آجیغلانوب   یولداشی  دیدی  رحم  ایله  بو  جیرانه باخ      بو      دیده      گریانه گوز    یاشیم    دونوب   قانه ** حاج ناصح اردبیلی لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

نوحه سوال وجواب حضرت رقیه (س) با خانم زینب (س) (سبک :تامشکتوبه آب زدی...) خرابه ده   سرشکیمی ، عذاره   باغلارام  بی بی اسیر  دام   محنتم  ، ئولونجه   آغلارام    بی بی خبر   یوخدی   نه    آتامدان   نه   قارداشیمدان ایدون    آگه      اکبریمی     بو گوز    یاشیمدان چاغیردیم    من    هر   زمان   ایستکلی   بابامی جوابینده    قمچی   ویردی   دشمن   باشیمدان یتیمم      اسیرم           یتیمم     اسیرم **** بو   دهریدن  گیلیلیم ،   زمانه دن   یورولموشام بابام حسینه ویرخبر ،دوگولموشم سویولموشام سالوبدی     دیلدن     منی       ضرب      تازیانه سالور      رعشه     سوزش       آهیم     آسمانه دعا    ایله   من   گوروم    بیرده    قانلی   باشی اگر     ئولسمده       اونی      ویرمم      ناکسانه یتیمم      اسیرم           یتیمم     اسیرم **** خرابه ده  چیخار جانیم ، نه دینمرم  دانیشمارام بو اهل شامیلن  بی بی ، ئولونجه من باریشمارام خزان    ویردی    صولدی    ظلمیله     گلستانیم منیمده        زهرا      کیمی      یاندی     آستانیم بو      ویرانه        آگهم        آخر        منزلیمدی بو    یئردی      عمه     منیم     غملی     آشیانیم یتیمم      اسیرم           یتیمم     اسیرم **** پری سینان  قناری تک ،  سیزیلدارام  خرابه ده گرک  بو  شامون   اهلینی ،  اوتاندرام  خرابه ده خزان    ویردی    باغ     آمالیم    غمله   صولدی دگنده    سیلی   گوزیمه    قان    لخته    دولدی اوچ   ایل   عمر    ایتدیم   بی بی   ناز و  عزتیله ولی   افسوس    آخری   بختیم    قاره     اولدی یتیمم      اسیرم           یتیمم     اسیرم **** جواب حضرت زینب (س) بو قدری  یوللارا  باخیب ، قان  آغلاما رقیه جان ننه م   مثال  دیزلرون  ،   قوجاقلاما   رقیه  جان آنام    زهرانی     سالور        یاده      آغلاماقون عذاره    قانیاش    قرا      گوزدن      باغلاماقون بی بون    ئولسون     یوللارا     باخما    یانه یانه صولوبدی   گول  تک   مصیبتدن  دیل  دوداقون بالام  یات   رقیه     گلوم  یات     رقیه **** سنون  کیمی  گیلیلیم  ،  منده   قیزیم  زمانه دن منیمده    قوللاریم   یانور  ،  جفای    تازیانه دن اوره کدن    اوج      ایلیور        آهیم       آسمانه اثر     ایلور     سوزش       آهیم         کهکشانه باشیمدا    گیتسه   سنه    آللام    قانلی    باشی کسوک    باش   درماندی   دیلده    درد     نهانه بالام  یات   رقیه     گلوم  یات     رقیه **** بهار  عمرون  آی  گوزل ، جفاییلن اولوب  خزان نیه  گرک  دانیشمیا  ، سنون کیمی شیرین زبان دانیش     منلن     ای   حسینون    زیبا    مارالی منی    دیندیر   باغ   حسنون    یورقون    غزالی هارا     گیتسم      آخری       سنلن     همجوارم آنام    جانی     قالمارام    سندن    من      آرالی بالام  یات   رقیه     گلوم  یات     رقیه **** گوزل سسون  گوزل   بالا  ،  بلبللری   اوتاندیرار خرابه ده   سیزیلتووبن  ، سسی جهانی یاندیرار جانیم    قربان    لاله لر تک   صولموش   عذاره فلک    سالدی    سن  کیمی    جیرانی    حصاره شرر    ویرما   غملی    سوزلرله    داغلی     قلبه دیمه    عمه    آخری      اولدوم    بختی      قاره بالام  یات   رقیه     گلوم  یات     رقیه ** محمدرضا محمدی (ناعم لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

نوحه اربعین زبانحال حضرت زینب سلام الله علیها سبک# میگذرد کاروان گلدی گئدن کاروان  ناله ائدور قدسیان  گوردی حسین قبرینی  زینب اولوب باغریقان  باشلاندی قبراوسته شور و شین  قوزاندی آوای یا حسین  یاحسین یاحسین یاحسین ۲  درد اسیری چکن  نخل عزانی اکن  آغلاماقا یئر تاپوپ  گوز یاشی گیزلین توکن  سسلندی ای یار بی کفن  زینبون گلدی دلده محن  یاحسین یاحسین یاحسبن ۲  گلدیم حسین شامیدن  قوی دئیوم آلامیدن  وردیلا داش باشووه  شامیده هر بامیدن  قان آخدی من باخدیم اغلادیم  نار هجرانه  دل  داغلادیم  یاحسین یاحسین یاحسین۲  آی قاناباتمش قمر  قیل بولود آلتدان گذر  گور نجه سندنصورا  زینب اولوب دربدر  اولموشام قیزلارین رهبری  قول باغلی گزمیشم چوللری  یاحسین یاحسین یاحسین۲  جانیمی دردون آلوب  قلبیمی درده سالوب  صبرئوزی بو غصه ده  صبریمه حیران قالوب  عشقیمی من نشان وئرمیشم  صبریله امتحان وئرمیشم  یاحسین یاحسین یاحسین ۲  شاعر✍لاادری لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

حضرت رقیه سلام الله علیها (سبک : اصغریم ای شیرین زبانیم) گل بابا سلب اولوب توانیم عرشه اوج ایلوری فغانیم یاخجی وقته بابا گلوبسن گور چیخور هاردا خسته جانیم قلبیمی تیر درد و غمله بولورم گل دوشوبدور نفس شماره ئولورم مظلوم بابا روزگاریم بابا قرادی دوشموشم درده بی دوادی هیچ سنی بیله گورمه میشدیم وای منه لبلرون یارادی کیم سنی سالدی بیله احواله بابا قان چکوب گول جمالیوه حاله بابا مظلوم بابا ای اولان غملره نشانه گلمیشم نی کیمی فغانه گوزلریندن ایراق یارالی چوخ یوروبدی منی زمانه فرقتونده غم اوسته غم آلدی قیزین گل بابا گور نه گونلره قالدی قیزین مظلوم بابا شامیان بزم قوروبلا کینه اوسته بابا دوروبلا کربلادن یتونجه شامه آغلیاندا بابا ویروبلا زجر ویردی ئوزومه بیر سیلی بابا آچ گوزین باخ ئوزیم اولوب نیلی بابا مظلوم بابا چوخ محن وار بابا سوزیمده چوخ اثر ایلیوب اوزومده ضربت سیلدن آنام تک قان قالوبدی بابا گوزیمده عمه مین حالینی مراعات ایلورم معجرین آتدا ئوزیمی گیزلیرم مظلوم بابا آچ گوزین ای سوسوز قوناقیم گور داغلمیش نئجه تفاقیم بس کی قاچدیم تکانلار اوسته آبله باغلیوب ایاقیم یولدا چوخ دویدوله منی قوم دنی گتدیلر پا پیاده شاماته منی مظلوم بابا قوی ائدیم بو غمه اشاره ایلین یوخ بو درده چاره کاش بابا غارت اولمییدی دست ظلمیله گاهواره چوخ گیجه غصه تیر غم قلبه ساچوب حال رویاده گورم اصغر دل آچوب مظلوم بابا غم منی ایلیوبدی ((دلگیر )) اولموشام باش و جانیدن سیر آز قالور جان چیخا دوداقدان گردنیمده قالوبدی زنجیر یوخ دین شمره دردیمی سان ویریرم تا بو زنجیری آچا من جان ویرورم مظلوم بابا حسین علیزاده(دلگیر) لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

زبانحال حضرت رباب (س) (سبک : صحرا صحرا دویده‌ام) لایلای   دیلسیز    ملر     بالام لایلای        آیدین       قمریم لایلای  اوغلوم   چوخ   آغلاما گوز   یوم   یات    صود امریم بلکه    گلدی    یوخون     هله بیر   لحظه      یوم   گوزووی اوچ   گوندی    دائم    آغلیوب دیلدن    سالدون       ئوزووی چوخ  سینه می  داغلاما   یات یوخدی  صودوم   آغلاما  یات ای   باشیمه     تاجیم    اوغول یوخ    الده    علاجیم    اوغول آرام          اول           اصغریم **** لایلای     دیوان       بختیمون عمری        کوته           غزلی لایلای    عشقون    مناسینون قربانلاردان                  گوزلی از بس  اوغلوم  چوخ آغلادون تار   اولدی    غملی     سسون سینونده        باتسا        نیلرم بیردن     یورقون        نفسون غمدن     ئورگون       سخیلار سن   ئولسون   ائویم   یخیلار چاتمور      الیم       آیه      بالا رحم     ایله         ربابه      بالا آرام          اول           اصغریم **** فانی      دنیاده          آرزیمون پیکانی         دگدی         داشا عالمده      هئچ    غم   ائتمرم بیر    سنّون     چیخسا     باشا قلبیمده       قالدی      نسگلیم ساللام        یاده           اسرم نذر   ائتمیشدیم   اوغول  سنه هر    ایل         قربان    کسرم الآن    گینه   سوزدی  سوزوم قربان   سنه   اوللام      ئوزوم باخ   گوزده   که   گوز  یاشیما سالما         قره وی      باشیما آرام          اول           اصغریم **** توکمه     رخساره      اشکیوی قلبیمده            اود         قالاما هاردا     آخر     گئدوم    دیوم یوخدی         چاره          بالاما سقای          دشت         کربلا نار            غیرتده           یانور آرام     آغلا      ائشیتمه  سین سندن   چوخ   چوخ     اوتانور شرمنده        اولوبدی      عمو یوخدی   بیر   ایچیم  سنه سو نیلک          ننوون    آهی    وار دیلسیزلرین          آللهی    وار آرام          اول           اصغریم ** درخواستی دوستان☝️☝️☝️ مهدی قلندری اردبیلی لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

مجلس یزید - زبانحال خانم رقیه (س) به حضرت زینب (س) (سبک : میگذرد کاروان ...) قویما بی بی جان یزید خسته قوناقی وورا الده دوتا خیزران قانلی دوداقی وورا قلبیمی سویله یاندورماسون لب تشنه بابامی وورماسون عمه جانم (4) غنچه لبی گول آچیپ نو گل ریحانه تک قوی دوداقیندان ئوپوم عاشق دیوانه تک سویله اجازه وئره خصم ستمگر بی بی من دولانیم ذبح اولان باشینه پروانه تک دولوبدی قانیلن گوزلری پارچالانوبدی گول لبلری عمه جانم (4) تا نفسیم واردی اول قانلی باشی ساخلارام تشنه دوداقین ئوپیب کام آلارام آغلارام گوزدن آخان اشکیمی سوزدوررم معجره معجریله بو باشین یاره لرین باغلارام قربانم تشنه سلطانیمه قاداسین آلارام جانیمه عمه جانم (4) من باباما ساقه سیز گول دِیَرم عمه جان آگهی سن خاطرین ایستِیرم عمه جان بیر یول اگر گوز آچا سسلیه جان جان بالا اول سوزه جانی فدا ایلیرم عمه جان ایستورم تا آچا گوزلرین ائشیدم اول شیرین سوزلرین عمه جانم (4) ووردیلا بو خصمی لر قلبیمیزه تیرِ غم بو یارالی سروره ایلدیلر چوخ ستم دادیمزه یوخ یئتن بی کس و بی یاوروک ایندی بورا کاش گله صاحب مشک و علم عباسی گوزلیور گوزلریم اونا واردی چوخلی سوزلریم عمه جانم (4) ** ابراهیم تون خوش قلم لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨