سبک مولودی☝️👏 محمد مهدی روحی

نوحه حضرت زهرا (س) 🌹 سبک ... عم اوغلی صبریم جالاندی .. عم اوغلی گل پریشانم گئدورم دیده گریانم جان یتوبدی دوداقیمه ئولورم مرغ بی جانم جان عم اوغلی جان عم اوغلی من سنه قربان   عم اوغلی ☝️ (تکرار در تمام بندها)☝️ آچیلوب دنیا قفسی گئدور الدن مرغ خسته سنه واردور سوزوم اگلش نچه لحظه باشیم اوسته گجه غسلوم وئروب گجه منی دفن ایله آهسته بو نمک نشناس امتدن سئنوب قلبیم قلبی قانم منی بو بی حیا ملت غم اوتوندا اوتلاندیردی فدکی آلدی الیمدن قلبیمه تازه داغ ووردی جبرئیل ئوپن درگهی شرر ظلمه یاندیردی شعله چکن قاپیم کیمین غصه دن سینه سوزانم ئوزون بو امره واقفسن سندن آیریلماق چتیندی بیلورم ئولمگیم منیم سنون چتین ساعتیندی پیک اجل هئچ دئمدی بو ئولن تازه گلیندی نجه گلدیم نجه گئتدیم بو ایشه والله حیرانم محسنیم ظلمیلن گئتدی غمی دیلده قالان اولدی خوش گونه قویدولار حسرت جوان عمروم یالان اولدی زینبون گورمدیم طویون آرزیلاریم تالان اولدی حسنینیمدن چوخ علی زینبیمدن ناگرانم بیلوسن من بو بش ئیلده زینبی گوزدن آتمازدیم بختیم ائوینده دورت بالام یاتمیونجا من یاتمازدیم سونمسیدی عمروم گونی آی مثالینده باتمازدیم گل کیمین سولدوم سارالدیم برگ زرد گلستانم سنه بو دوقوز ئیلده چوخ ویروب زحمت سالدیم غمه غم هجرانه صبر ایله چوخ آغلیوب چوخ غم یئمه قبریم اوسته گل داریخسان دردون گئدوب چاهه دیمه منه گر مرهم اولمادی ولی چوخ درده درمانم #ابوالفضل_عباسی_معروفان_اهری ️ لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

مولود حضرت امام حسن عسکری علیه السلام اصغر فرشچی ( عدلی تبریزی) سبک :همه جا بروم به بهانه تو آچدی گوز عالمه بیر گل حیدری گوزل اسمی حسن حسنِ دیگری خوش گلوبسن حسن اَیُّهَا العَسکری ای مه انور یا اَبَالمَهدی عالمه رهبر یا اَبَالمَهدی گل نه گل گورمیوب مثلنی هیچ چمن شهریثربده آچدی گوزون تا حسن یرگویی دولدروب عِطر مُشکِ خُتن باباسی هادی دورسـوسـنـدی مادری خوش گلوبسن حسن اَیُّهَا العَسکری شافع محشر یا اَبَالمَهدی سوسنه زیور یا اَبَالمَهدی نورحقدن بوگون دنیا پر نور اولوب اَبَالمَهدی گلدی شیعه مسرور اولوب خصم قرآن و دین گوزلری کور اولوب مکتبی مکتب موسوی جعفری خوش گلوبسن حسن اَیُّهَا العَسکری سیرتی نیکو یا اَبَالمَهدی قامتی دلجو یا اَبَالمَهدی ای گل فاطمه مظهر بو تراب ولایت بحرینه گوهر و دُرّ ناب گل یوزوندن آلورنورونی آفتاب ای دُرِ احـمـدی ای گل حیدری خوش گلوبسن حسن اَیُّهَا العَسکری رخساری منور یا اَبَالمَهدی سلیل حـیـدر یا اَبَالمَهدی گل یوزون ایدوری جلوۀ داوری ولایـت قـمـری دین حـق یاوری یاراشور جسمیوه خلعت سروری شیعیان حسنوه اولدولار مشتری خوش گلوبسن حَسن اَیُّهَا العَسکری خورشید سرمد یا اَبَالمَهدی عــزیــز احمد یا اَبَالمَهدی خط وخالون حَسن خُلق وخویون حَسن گفتگویون حَسن عطروبویون حسن کُنیه ن ابن الرضا ماه رویون حسن سنه خالق ویروب بیر بیله برتری خوش گلوبسن حسن اَیُّهَا العَسکری مهره مثل سن یا اَبَالمَهدی گولدن گوزلسن یا اَبَالمَهدی یر یوزونده سنسن مقتدا و امام سنسیزطاعت هدرسنسیز جنّت حرام سنله قرآن تمام سنسیز دین ناتمام سنکیمی اولماز جهانون سروری خوش گلوبسن حسن اَیُّهَا العَسکری کان سـخاسن یا اَبَالمَهدی مشکل گشاسن یا اَبَالمَهدی دولی دولدور دولا ساقی پیمانه نی دیرومسجد ایداخ گر بو میخانه نی مست اولاخ مست ایداخ شمع و پروانه نی گوز آچوب عالمه عالمین مفخری خوش گلوبسن حسن اَیُّهَا العَسکری نــاطــق قــرآن یا اَبَالمَهدی ایت بیزه احسان یا اَبَالمَهدی (عدلیِ) پیردور درگهون نوکری اورگدوب مدح یاز خالق داوری گه زبانِ فارسی گه یازار آذری فضلوزیله دولارگون بگون دفتری خوش گلوبسن حسن اَیُّهَا العَسکری ایستور شفاعت یا اَبَالمَهدی روز قـیـامـت یا اَبَالمَهدی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

نهضت وعظمت امام حسین (علیه السّلام) حاج اصغر فرشچی (عدلی تبریزی) درد وغمینده آغلین چشم جهاندی یاحسین شعلۀ آهیوه یانان کون و مکاندی یاحسین فدا اولوم جلالیوه مرقد نازنینیوه سینوون اوسته اصغر واکبر مه جبینیوه 🌸🌸🌸🌸🌸 عشق ومحبّتون زبس قلب لره ویرورصفا عاشق اولان بوحسنوه قلب زماندی یاحسین اسم مبارکون دیین حاجتنی گورور روا چونکی آدون بودل لره روح رواندی یاحسین چشم خلایق آغلیوب گلشنوون سولان گونی بزم عزا دوتان سنه عالمیاندی یا حسین عرشیده عرشیان سنه محفل سوگ و غم قورار تک نه بوفرش ،عرشیده غمون عیاندی یاحسین قانلی او نهضتون ویروب درس شـهادت عالمه فخر ایلین بو نهضته اهل جناندی یا حسین ماه محرمون اونی یوم شهادتون بیزه نقطۀ عطف اولوبدی چون ورد زباندی یاحسین قرن لراولدی بوآدون حکمروادی دلره ذکرمصیبتون ایدن پیروجواندی یاحسین نهضتون اوسته اکبرون قطعه به قطعه دوغرانوب دادو بکاسی زینبون عرشه دایاندی یا حسین آلدی فراتی قارداشون مشکنی دولدوروب چخوب نفسینی خوار ایدن سووا شیرژیاندی یا حسین دلده خداخدا سی وار سو یتوره حرم لره خیمه ده العطش سسی موج زناندی یا حسین اونداکی دگدی مشکه اوخ دنیا دولاندی باشینه قالمادی مشکیده سویی یرده جالاندی یا حسین سسلدی مشکیمه دگن اوخ منی مأیوس ایلدی گوزلریمه دگیدی کاش تزگل اماندی یا حسین قول لاری اولدی تا قلم ساخلیا بـولمدی علم سسلدی اول زمان سنی خجلته یاندی یا حسین سیندی بلون گورن کیمی قارداشوی یارالی سن قارداشا قارداش ئولماقی دوزدی یاماندی یا حسین سوطلب ایتدون اصغره ویردی جوابین حرمله اللرون اوسته سود امر قانه بویاندی یاحسین خون خدائیدی اوقان عرش خدایه یوللادون عالمی آغلادان همان گویده کی قاندی یاحسین گون باتوب اسدی قاره یل شمرکسنده باشیوی گوردولر عالمی دوتان قانلی دوماندی یا حسین غارته ال آچان زمان اود ویرولوب خیامیوه مال و منالون اودلانوب یاندی تالاندی یاحسین چاپدیلا آتلارین تمام پیکر نازنینیوه بو وَلَدُ الزٌِنالیقا گور نه نشاندی یاحسین گویلره عرش سمتینه جدون ائدوب عروج اگر مکان سنون عروجیوه نوکِ سِناندی یا حسین درگهیوه گدااولان«عدلیدی»نوحوی یازان حشریده اولماسان شفیع اوتدا یاناندی یاحسین لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

یا ثارالله #حسین(ع) سبک: میگذرد کاروان... ذکرین حسین جان سنون دیلده اولوب ازبریم آدین ایشیدجاق دولور گوهریلن گوزلریم شوقیله من سسلرم سن سن آقا سروریم عشقین اولوب دایما زندگیده رهبریم اربابیم سلطانیم یاحسین سالاریم جانانیم یاحسین یالیتنا کنا معک یا ثارالله یالیتنا کنا معک یاثارالله یاد ایدروخ دایما اول سویولان پیکری قانی آخان قلبیوی یا کسیلن اللری اکبر گردونفری یا سود امر اصغر ی یاد ایدروخ دایما ساقی نام آوری اربابیم سلطانیم یاحسین سالاریم جانانیم یاحسین یالیتنا کنا معک یاثارالله یالیتنا کنا معک یاثارالله یاد ایدروخ حضرت مسلم آزاده نی کوفه لیلر ووردولار ظلمیله دلداده نی اولدی شهید ولا چکدی باشا باده نی ایتدی مخاطب او دم شاه ولا زاده نی اربابیم سلطانیم یاحسین سالاریم جانانیم یاحسین یالیتنا کنا معک یاثارالله یالیتنا کنا معک یاثارالله کوفه یه گلمه حسین یوخدی وفا کوفه ده قانه بویاللار سنی چوخدی جفا کوفه ده قویما گله زینبی خوندل اولا کوفه ده یاکه رقیه ن گله رنگی سولا کوفه ده اربابیم سلطانیم یاحسین سالاریم جانانیم یاحسین یالیتنا کنا معک یاثارالله یالیتنا کنامعک یاثارالله آعلییاروخ هرزمان شوریله احساسیله عشق ایدروخ دایما گوزده کی الماسیله ایلیروخ درد دل حضرت عباسیله بیله دییردی اوگون اول شرف الناسیله اربابیم سلطانیم یاحسین سالاریم جانانیم یاحسین یالیتنا کنا معک یاثارالله یالیتنا کنامعک یاثارالله دیده آچاندان سنون نوکر درباریوم ساقی طفلان عشق عمربویی یاریوم عرصه گه رزمیده میرو علمداریوم فخر ایدرم عالمه عبد وفا داریوم اربابیم سلطانیم یاحسین سالاریم جانانیم یاحسین دوشدی که آتدان یره رهرو آگاه عشق سسلدی امدادینه مهری اودم ماه عشق عرض ایدیب عباس آقا داده گل ای شاه عشق گل نیجه گور قانیلن زینت اولوب راه عشق اربابیم سلطانیم یاحسین سالاریم جانانیم یاحسین یالیتنا کنامعک یاثارالله یالیتنا کنامعک یاثارالله قول نه دی باش گوز نه دی جانیوه جانیم فدا اصغر عطشانیوه تشنه زبانیم فدا خیمه ده کی قیزلارا روح و روانیم فدا اکبره یا قاسمه عمر و جوانیم فدا اربابیم سلطانیم یاحسین... سینه یه ووروخ آقا شوق و دل و جانیله یاد ایدروخ محنتون دیده گریانیله خوشدی سیزه آغلاماق عشقیله عرفانیله دیل بیر اولا خ بیر دهبو نوحه شایانیله اربابیم سلطانیم یاحسین سالاریم جانانیم یاحسین یالیتنا کنامعک یاثارالله یالیتنا کنامعک یاثارالله لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

درفراق پدر ✍شاعر : علی عبدی بارالها آتام ئولدی گئدوب اَلدن دایاقیم درد هجرانیدن هر لحظه اَسور اَل اَیاقیم گوزومون یاشی اولوب دهریده جوشگون بولاغیم آتام هر لحظه دوشور یادیمه غمگین اولورام باخورام بوش یئرینه غملی بولوت تک دولورام 🏴🏴🏴🏴🏴 آتامیلا واریدی دهریده خوش گونلریمیز حیف اولا گیتدی بیزیم سایه ی بالا سریمیز سیندی بیردن اِئله بیر قوش کیمی بال و پریمیز اورگیم تنگه گلوب آتش هجرینده یانور نئچه گوندی دییَسن باشیمه دنیا دولانور 🏴🏴🏴🏴🏴 آتا فکر اِیلَمزیدیم ئولَجَکسَن بیر گون تپراقا تاپشوراجام پیکریوی من بیر گون یاناجام قبریوه باخدیقچا اورکدن بیر گون قالموش عمرین نئجه گورسایدی فلک چیخدی باشا حیف اولا شیشه ی آمالیمیزی چالدی داشا 🏴🏴🏴🏴🏴 بیر کسین یانمیوب عالمده همیشه چراغی داغِ سنگینیدی ائوده آتانین اولماماقی وای او گوندنکی اولا ائوده ده خردا اوشاقی قویماز اَطرافی اوشاقین دوشه روحی خطره باباسی ئولسه دییللر گئدوب اَلآن سفره 🏴🏴🏴🏴🏴 کنج ویرانه ده آغلوردی گئجه خردا بالا دیزین آغوشه آلوب باشینی سالموش آشاقا گوزونون یاشی آخوردی یوزه سسلوردی بابا هارداسان آی بابا گل بیرده منیم گویلومی آل گوزومین یاشینی سیل اَللریوی بوینوما سال 🏴🏴🏴🏴🏴 بیر نفر باخمادی سندن صورا بابا سوزومه ایسته دیم من دانیشام سیلی ویروبلار یوزومه ضربت سیلیده قان لخته سی دوشدی گوزومه اِکتفا اِیلدیم اوندا بابا جان گوز یاشیما کربلانین چولی بیر لحظه دولاندی باشیما 🏴🏴🏴🏴🏴 من یتیمم دیدیم ای اَهل جفا ویرما منی آند ویررم یارادان خالق داداره سنی سورودوم قوی اُسرائیله بو یورقون بدنی ئولمگه اولموشام آماده ولی دوشمور اَله راضیم ایندی وئرم جانمی پیکه عجله 😭😭😭 لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

سبک نوحه 😭 با نوای استاد محمدی

ای گرفتار بلا زینب سلام اولسون سنه دختر خیر النساء زینب سلام اولسون سنه ای مصیبت لر چکوب ام المصائب آدلانان صبر ائدوب اعظم بلایه صبریده تصدیق آلان ای شکسته محملون اوستونده بی معجر قالان وی اسیر و مبتلا زینب سلام اولسون سنه ای فداکاری مقامینده ازلدن سان وئرن نهضت عُظمای عاشورادن اؤتری جان وئرن ای ایکی اوغلین علیِّ اکبره قربان وئرن عشقده جلوه نما زینب سلام اولسون سنه ای یانان وقته خیامی آتش سوزانیده ساخلیان آل رسولی موقع طوفانیده وی امام ساجدی جاندان کچوب بحرانیده ایلین اوتدان رها زینب سلام اولسون سنه ای یازوب نسگل لرین لوح اؤرکده سطر ائدن گلشن مقتلده استشمام بوی عطر ائدن ای آچوب زلفین داغلمیش سینه اوسته چتر ائدن نسگلی بی انتها زینب سلام اولسون سنه ای حسین تک عهد و پیمانینده نقصان قویمیان هورمیَن آغ ساچلارین ماتم لباسین سویمیان ای وداع آخرینده قارداشیندان دویمیان گوز تیکَن حسرت یولا زینب سلام اولسون سنه ای الی باشدا قاچان گوداله اول بحران زمان ای گورن قارداشینی گودالیده بیر پارچا قان ای چوخور یرده حسیندن اؤتری شمره یالواران ایلین محشر بپا زینب سلام اولسون سنه ای کنار نهر علقمده قوران غم خیمه سی صبحه تک قطع اولمیان مظلوم حسینیم وای سسی جمع ائدن باشینه بیر عدّه سویولموش بی کسی وردی «جان مظلوم اخا » زینب سلام اولسون سنه ای یاتان نیلی بدنلن شهر شومِ شامیده آهیوون تأثیری واردور بزم خاص و عامده یاد ائدر محنتلرون «انور» سحر آخشامیده ورد ائدر صبح و مسا زینب سلام اولسون سنه مرحوم استاد انور اردبیلی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#احوالات_حضرت_زینب(س) گل ای یارالی قارداشیم باجون دوشوب یامان گونه تک ایلشیب تک آغلوری دییر سوزون آیا گونه منه گولوبله گل سن آغلا جنازه م اوسته سینه داغلا حسین حسین حسین یارالی ئوزوم غریب یریم غریب، بوغربت ایچره بی حبیب نه واردی طایفم ائلیم، گوزوم یولوندا بی شکیب نه بیر بو حالیمی بولن وار نه گوز یاشیمی بیر سیلن وار حسین حسین حسین یارالی نفس دوشوب شماریه، یتوبدی جان دوداقیمه یتیش هرایه قیل نظر، بو قلب پاره پاریه گل گوز یاشون رخساره باغلا وای زینبیم وای سسله آغلا حسین حسین حسین یارالی ای یوزی آیینه قدرت نمای ذوالمنن بو گنیش دنیا یوزی سنسیز منه بیت الحزن ای وجودی بی کفن گل زینبه ایله کفن احتضار حالینده زینب لطف و احسان آختارور حس فتریدور سور هر باجی ئوز قارداشینی آغلیاندا هر باجی قارداش سیلر گوز یاشینی باجی جان ویرسه آلار قارداش دیز اوسته باشینی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#کربلایی_مهدی_محرمی #احوالات حضرت زینب(س) 😭🖤

🏴شهادت‌ حضرت فاطمه‌ معصومه‌ (س) 🎼سبک: یافاطمه من عقده ی دل وانکردم ال سینه ده گوزیولدایام لبلرده وارقان مظلومه یم مسموم اولان تئزگل رضاجان قمدا غریبم جان یتوب قارداش دوداقه باشیم دیزاوسته آل ائدیم تسلیم اخاجان جانیم دوداقدا صبریم تالاندی فریاده تئزگل قارداش اماندی(۲) حمله ائدوبدور بیزلره قوم ضلالت مثله اولوبلار باشداکی منله جماعت اولموبدی حامی بیزلره قارداش اوساعت باشلارکسولدی توپراقا دشمن توکوب قان جانیم دوداقداصبریم تالاندی فریاده تئزگل قارداش اماندی(۲) (دررآخربقیه بندهاتکرارشود) ملک خراساندان رضا گل داده قارداش جان اوسته دی ایله نظر ناشاده قارداش مسموم ئوزوم مظلومه گل فریاده قارداش ویرموش عجوزه زهرینی گل ماه تابان جان اوسته یم گل باشیمی دیزاوسته بیرآل من حسرتم قولاریوی بوینوما گل سال غسل وکفن لن قئل نماز قمدابیرآز قال قوی قبرینه راحت یاتا بواشکی ریزان یاده ووشوبدور زینبی یاندیم بوساعت عمم کیمین من گورمدیم قیداسارت دشمن ووروب قمچی اوناائتدی جسارت قارداشلاری اوغلی ئولوب اولموشدی گريان صاحب یانوراحوالینه گوزیولداقالدی رنج. وغم کرببلا. آرامین آلدی قدی بوکولدی غصه دن رنگی سارالدی سسلورحسین جان اوسته یم من سینه سوزان جانیم دوداقدا صبریم تالاندی فریاده تئزگل قارداش اماندی(۲) ✍ حاج عباسعلی دهقان(صاحب )۱۴۰۲/۷/۳۰ لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

خاک شفا بخش #قم مهدی فرقانی اگرچه مدفن زهرا ز مصلحت مخفیست هزار شکر که زهرای دیگری داریم کریمه ای که ز الطاف بی نهایت او دیار امن ز هر فتنه و شری داریم ز لطف حضرت معصومه از تمام جهان برای یاری موعود برتری داریم هماره شکر گذار خدای منانیم به خاک مشهد و قم در و گوهری داریم هزار مرحب و عَمر اَر به ما هجوم آرد چه باک تا که در این خاک حیدری داریم دیارمان متبرک شده ز مقدمشان چه نیک طالع و اقبال و اختری داریم ببوس خاک شفا بخش قم که «فرقانی» چنان بقیع در آن خاک مادری داریم لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨