🏴نوحه جدید شهادت حضرت صادق(ع) 🎼سبک : ممد نبودی ببینی... 🎼 سبک: بزم عزاده گیمیشم قاره یا عباس بولدی جگر صادقی زهر اشقیا آه و واویلا سولدی سارالدی گل کیمی ماه دل آرا آه و واویلا آه واویلا ــــ آه و واویلا دین اوستونده مغموم اولوب صادق آقامیز میر و مولامیز دنیاده چوخ مظلوم اولوب صادق آقامیز میر و مولامیز انگوریله مسموم اولوب صادق آقامیز میر و مولامیز توتوبدی شیعلر عزا ایلیوب نوا آه و واویلا آه واویلا ــــ آه و واویلا قدر قربین بیلمه دیلار آل بوسفیان اشرار زمان درگاهینی یاندیردیلار قوم بی ایمان مردان نادان فشار و غمده قویدولار اولدی باغریقان ناطق قران آغلور بو غمده نه سما آدم و حوا آه و واویلا چکدیله کوی و بازاره روح تقوانی صاحب برهانی توش ایتدیله چوخ آزاره مرد دانانی  میر و مولانی دولدوردولار آه و زاره کون و امکانی ارض و سمانی گریان بو غمدن انبیا علی و زهرا آه و واویلا آه و وایلا ـــ اه و واویلا صادق آل مصطفا رئیس مذهب او عالی منصب چوخ گوردی حق اوسته جفا طاهر و اطیب صاحب مکتب هر درده اولدی آشنا اسلامه کوکب حقه سرمطلب دنیای فانیدن رها اولدی بو آقا آه و واویلا آه و واویلا ـــ آه و واویلا

🏴شهادت حضرت امام صادق علیه السلام ✍️ حاج اصغر فرشچی ( عدلی تبریزی) 🎼سبک : اوزوم گوردوم، اوزوم گوردوم... 🎼سبک : اگرصبح قیامت را... امام صادقه آغلا عدو ظلمی عیان اولدی اسوب باد جفائیله گل عمری خزان اولدی یوموب گوز ناطق قرآن قویوبدی شیعه سین نالان ایدوب تفسیرقرآنی نمازی ساخلیوب برپا مسلمان قشرینه مذهب نهالین ایلیوب معنا ویروب علامه لرتعلیم اولا شرع نبی اجرا دایانسون گردش دوران ایشی آه و فغان اولدی درِ دانشگه دینه یازون استاد دین اولدی گلسـتان باغبانیدی ولی آفاتیدن سولدی ویروبلر زهر کین قلبی شرار دردیلن دولدی اثرسالدی جفا زهری گیدوب سلب توان اولدی جسارت ایلدی منصورویروب آفاقه اود سالدی یدیردوب جبریلن انگورامامدان تاب دل آلدی امام عصری اولدوردی بالالاری یتیم قالدی سالوب اود قلب اطفاله وجودی غنچه قان اولدی جوار باقر و سجّاد بقیده بو امام یاتدی اولیدی عالمی ویران گوزوندن عالمی آتدی گیدوب گورسون نیه زهرا اوگوزیاشین قانا قاتدی وجودون گرغم آلموشدی ندن قدی کمان اولدی ایدوب ایثارجان اولدی محّمد مکتبی احیا او مکتبدن چخوب دورت مین اولوب استاد دین دانا بیله دانشگه واستاد گورنمز واردی تا دنیا ولی افسوس خموش اولدی مزار ایچره نهان اولدی بقا یوخ دور بوعالمده بودنیا فانی دور فانی تمام خلق اولونموشلار گید للرراه عقبانی خدایه آندولا «عدلی» یوولماز اصغرین قانی نه اتموشدی او شش ماهه اونون جانین آلان اولدی

🏴 ورود به ماه محرم ✍بقلم حاج یوسف معزّی اردبیلی 🎼سبک : میرن آدما،از اونا فقط خاطره هاشون بجا می مونه... گلین عزیزان ئوره‌ک اولوب قان گینه حسینون عزاسی گلدی حسینه قربان ئولنده عطشان باشینین اوسته، آناسی گلدی دئدی جان بالا قلبی قان بالا لایلای حسین جان (۳) گل ای حسین‌چی، بیر ایل دییردون محرّم اولسون، محرّم اولسون چکیلدی عرشه، حسین قراسی عزایه قلبون، مصمّم اولسون دئنن حسین وای،‌غریب آقام وای سنه عزاده، غم همدم اولسون ئور‌کده دردین، کیم ائتدی اظهار اونا حسینون، دواسی گلدی دئدی جان بالا قلبی قان بالا لایلای حسین جان (۳) بو آیدا یاران، بلا چولونده علیِّ اکبر، جهاده گئتدی وئریلدی زینت، ذبیحِ زهراء قتیل اولونسون، مناده گئتدی تاپیب شهاد‌ت، او گون مناده خیامه جسمی، عباده گئتدی حسین بویوردی، دئیین آنایه خیامه زیبا، بالاسی گلدی دئدی جان بالا قلبی قان بالا لایلای حسین جان( ۳) بو آیدا گوردی، سوسوزلار آغلار گوتوردی مشک و لوا ابالفضل گئدیب فراته، ووروبدی پرچم سوسوز چیخیبدور، آقا ابالفضل دوروبدی یولدا، گلنده اعداء گوروبدی قولدان، یارا ابالفضل دئدی آقام گل، ییخیلدی نوکر هرایه فوراً، آقاسی گلدی دئدی جان بالا قلبی قان بالا لایلای حسین جان (۳) بو آیدا شیعه، سوسوزلوقوندان علیِّ اصغر، دوداقی یاندی گئدیب سو آلسین، او گون عدودن وورولدی پیکان، قانا بویاندی سوزولدی گوزلر؛ مناده غملی بالا قوجاقدا، آنا دولاندی بتولِ اطهر، آچیبدی معجر حسینه جان جان، صداسی گلدی دئدی جان بالا قلبی قان بالا لایلای حسین جان (۳) بو آیدا قاسم، گئدیب جداله آناسی آغلار، دالیجا قالدی توکولدی اعدا، آرایه آلدی چمنده گول تک، سولوب سارالدی یتیشدی داده، ئولن چاقیندا باشین دیز اوسته، عموسی آلدی آناسی اول دم، ائد‌نده دیدار الی ئورکده، نواسی گلدی دئدی جان بالا قلبی قان بالا لایلای حسین جان (۳)

🎼سبک شعر فوق👆👆 🎤#بانوای_حاج_علی_سیفی_افشار

روضه حضرت علی اصغر(ع) زبانحال خانم رباب(س) صودگویلی ایستین بالالار صودامیب یاتوب یانوخ ننه بالا ایسی فشارینه سن صوداسیریسن هله من سواسیریم دلسیزلرین ایشی قالوب پروردگارینه الله اوغول ویرر ننه باشین اوجاتماقا ویردی سنی غریب ننوی تئزقوجاتماقا (بالیایالوارور،اله حیالی خانمدی، شب عاشورا گوردس سینه سین درناخلیر بالانین الرین بلگینده باغلادی، شام غریبان گئجه سی زینب گوردی هامی یاتوب ،خانم هامنی بیربیرآرام اله دی، اما گوردی بیریانان چادردان سس گلیر بالام لایلای، ئوز آدین بولموین بالام لایلای، صود دادین بولموین بالام لایلای، شب عاشورا الین بلگینده باغلیوب اما شام غریبان گئجه سی زینب دییر گوردوم یانان چادردان اله بالا وای سسی گلیر یریدیم قاباقا گوروم کیمین سسیدی بئله یانایانا آغلور) گوردی زینب آل پیغمبر قویوب یوز تپراقا بیربه بیردیندیردی اطمینان خاطر تاپماقا بیرخانم گوردی دونوب صاقدان صولا،صولدان صاقا گوئیا خلوت یرایستیر دوشلرینن صود ساغا (باشیزا گلمسین، قونشودابیرصودامر ئوله، اونون ننه سی گئجه یاتابولمز دییلر گیدین قونشودان بیرصودامرتاپون گتیرون ویرون قوجاقینه اوگئجه ربابین یامان گئجه سیدی اله یانایانا دییردی) آی بالام گهواره سین غارت ایدن شوم ودنی بی مروت سنده چوخ گوردون منه گهواره نی گیت اوقولاری دوشن عباسه تاپشوردوم سنی دیدی خانم دونن صود یوخویدی بالام واریدی اما بوگئجه صودوار بالامنان خبر یوخدی قلب اوتون ایتموری خاموش منیم آغلاماقوم غصه می یاکه آزاتمور بوئورک داغلاماقیم منه چوخ نیسگل اولوب الریوی باغلاماقون

روضه حضرت علی اصغر(ع) زبانحال خانم رباب (س) ☝️☝️☝️😭😭😭

‍ سینه زنی، روز عاشورا صحرای کربلاده ، طوفاندی یا محمد گوندر کفن حسینه ، عریاندی یا محمد . . یوم عزادی یاران ، یا روز عید اضحی کرب و بلادی یا رب ، یا دشت ذبح مینا برهم دی نظمِ عالم، قان آغلار اهلِ معنا سر نیزه ده حسینین ، باشی اید‌ر تجلا گون بیر جدانین اوسته ، تاباندی یا محمد . . عباسمین کسیلدی ، بازویِ باوفاسی باش کاسه‌سینده قاسم،ایسلاتدی طوی حناسی میداندا یاتمیش اکبر، آغلار قالوب آناسی خاموش اولوبدور اصغر ، حلقینده اوخ یاراسی پستان او شیرِخواره ، پیکاندی یا محمد . . گلسین بو سرز‌مینِ پر انقلابه زهرا گورسون حسینین عریان دوشموش ترابه زهرا سالسین یارالی جسمین تا رختخوابه زهرا غرق ایله‌سین یاراسین ، سیلِ گلابه زهرا فرزند اشکِ ماد‌ر ، درماندی یا محمد . . شمرِ جفا شعارین ، آرتیرسین حق عذابین یاندیردی خیمه‌گاهین ، پیراهن و طنابین تالان ائدیب آپاردی، اجناسِ بی حسابین پرده‌نشین حر‌ملر، الدن وئریب نقابین چوللرده باشلار آچیق ، ویلاندی یامحمد . . گل آخر اهلِ بیتین ، شامه گيدر پیاده قولار طنابه باغلی ، غرقِ غم و بلاده صد پاره نعشلردیر، عریان دوشوب آراده وئرمیشله دسته دسته، قوشلار قاناد قاناده گولگون بد‌نلر اوسته ،پرراندی یا محمد . . زهرا ند‌ن دایانمیش،ترک ائیله‌مز، جنانی بیلمز مگر او خاتون ، اوضاع کربلانی زینب قالوب کمک سیز، سوزاندی خانمانی اود دان چیخاردا بیلمور ، بیمارِ ناتوانی زینب او اوددان آرتیق، سوزاندی یا محمد . . بیر آز قاباق گورئیدین، سن نینو‌ا چولینده ضعف ائیله‌یب حسینین اوز قانلی مقتلینده نه وار دفاعه یارا ، نه وار سلاح الینده نیزه برابر ینده ، اوخلار مقابلینده سینه قلیج دمنده ، قلخاندی یا محمد ✍مرحوم یحیوی اردبیلی

زنده یاد مرحوم حاج سلیم موذن زاده اردبیلی☝️☝️🖤🖤

دروصف امام رضاع اثرشاعر(شاکر) 🌷🌷🌷🌷 ماه دل آرادی امام رضا گوهر یکتادی امام رضا دلبر زهرادی امام رضا آی کیمی زیبادی امام رضا عالمه مولادی امام رضا 🌷🌷🌷🌷 ثبت اولوندور آدی افلاکیده ذکر اولونا ر دائمی لولاکیده شهد صفا جاری اولار تاکیده یوخدی مثالی کره خاکیده عارف و دانادی امام رضا 🌷🌷🌷🌷 تاج سر اهل فلک دور آقام ذکر دل جن و ملک دور آقام لاله بوستان فدک دور آقام لذت غمدیده اورک دور آقام سید والادی امام رضا 🌷🌷🌷🌷 آی کیمی روشندی گوزل صورتی واردی سنق دلده بتون صحبتی طاق ثریانی دوتوب شهرتی فاطمه نون گوهر پرقیمتی صبریده دریادی امام رضا ✍شاکر

#ورودبه_مدینه_آمدن_جناب_عبدالله به امر سید سجاد ، اهل بیت ملول ایدوب حوالی یثربده بیر مقامه نزول بویوردی تا ایده لر مجلس عزا برپا او سرزمینده اولا تازه ماتم شهدا او دم قورولدی سراپرده امام حسین آچلدی ماتم ایچون چتر احترام حسین ع گیدوب او خیمه پر شوره زینب نالان بتول وارثی ام المصائب دوران گتوردی ناله سی روح بتولی فریاده بهشت عدنده اولدی فغانه آماده بویوردی حاضر ایدون کربلا نشانه لرین نظامیلن دوشیون آغلاماق بهانه لرین یتوردی زینتینی مجلسده اتمامه که قویدی صدریده بیر قانه باتمش عمامه مرتب اولدی او یرده اساس ماتم و غم گلوبله شیونه یکسر مخدرات حرم ئولنلری هامی اوخشاردیلار به ناله و آه نگوردوله که گلور پیشوازه عبدالله یتوب کنارینه تا چادرون او کان ادب ویروب سلام یویوردی هانی خانم زینب؟ ایشتدی تا بو سوزی زینبون قاچوب رنگی مبدل اولدی بیر اوزگه هوایه آهنگی او آغ ساچینه قرا معجرینه بیر باخدی کمان قدینه دونوب باخدی گوز یاشی آخدی بویوردی باجسینا اول بلاکش مظلوم عم اوغلوموندی بو سس ، چاره قیل باجی کلثوم منی بو حالتیله غفلتا اگر گورسون مباد شدت غمدن اوزونی ئولدورسون بو قاره معجری بو آغ ساچی ، بو قد کمان اوزون قباقجه گیدوب بیر دلیله ایله بیان اگر چه وحشتی چوخدور یواش یواش ایله رام سنه باخوب منی گورسه بیر آز دوتار آرام چیخوب قباقینه کلثوم با ملال و الم ویروب جواب بویوردی سلام یابن العم باخوب او غم زدیه چکدی قلبیدن بیر آه گلوب کلامه بویوردی دوباره عبدالله دئ بیر منه گوروم ای بانوی دیار تعب هانی عراقه گیدن فاطمه قیزی زینب؟ ندندی من دیدیقیم گلمدی او کان وفا بویور صریحنی یوخسا ئولوب او کان حیا گجه گوندوز ایدرم ناله اشتیاقیندان گوزتلورم گله بیرجه اوپم ایاقیندان دئدی که صاقدی ولی آدی واردی بی جاندور مدینه ده گورسن ایمدی چوخ پریشاندور قبول قیل سوزومی دادیوه علی یتسون یوخومدی تاب اگر صاقدی بیر گوروم گیتسون قیتدی خیمیه کلثوم اشکبار و ملول بویوردی زینبه ای دختر عزیز بتول اگر چه ایمدی رضا ویرموسن سنی گورسون ولی نه چاره عم اوغلون دیور اوزی گلسون ایشتدی تا بو سوزی تازه دن اولوب بی تاب کسلدی چاره سی آغلار گوزیله ویردی جواب یانیمجا گل باجی کلثوم محنتیم چوخدی دانشدیراندا منی ، سن دانش دلیم یوخدی قرالیام نه دیوم من او زار شوهریمه گیداخ یانیمجا باجی سن دانش منیم یریمه هزار شرم و حیائیله زینب پر غم چیخوب قباقه بویوردی سلام یابن العم جواب ویردی علیک السلام، سن کیمسن؟ ندندی گلمدی زینب اولوم فدا اونا من دئدی کناریده گزمه یاخوندی چون مطلب گوتور حجابی یوزوندن یانوندادور زینب دوشوبدی گوگلومه شرمنده لیق اودی یانورام تانیمسان منی ، من بینوا سنی تانورام تانمیسان منی بولمه فلک بیله دولانور من ستم زده نی آغلیاندا شمر تانور عمون علی قیزیام ، چوخدا ایلمه تکرار منی بو حالیله چون گورمیوبسن عذرون وار دئدی یقین که قالور دوست دوست یادینده بو حال اوخونموری چون زلفوین سوادینده عزیز فاطمه حیدر کیمی گلور نفسون من آختارانسان اگر دوتقون اولمییدی سسون هانی او چهره گلرنگ و عارض گلنار هانی او طره شبرنگ و زلف عنبر بار؟ اولوبدی گل یوزون افسرده ایتمیسن ناله مگر نولوبدی سنه ؟ قالموسان بو احواله باشین سالوب اشاقه زینب حمیده صفت جوانلارین طرفندن چکردی چون خجلت دئدی عم اوغلی دیمه راه و رسمدن دورم ایکی جوانون ئولوب منده خیلی معذورم دئدی تکلم ایله ای نجیبه دوران که باغریمی ایلیوب هجر محنتی القان دئدی ندن گوزیوین نوری بو قدر آزالوب دئدی گوزوم ایشقین آغلاماق الیمدن آلوب دئدی ندندی اولوب گوزلرون بیله گریان؟ دئدی شهید اولوب قارداشیم حسین عطشان.. التماس دعای فرج #مرحوم_دخیل_مراغه_ای

🌴 توسل به حضرت اباالفضل (ع)  🌴 هر دَردون اولسا سَسله صدقیله یا اباالفضل تا  ایلَه سون  مُداوا  مشکل گشا  اباالفضل عالم  ائدر  تَوسُّل  بو ماه   بی بدیله خوان کرم آچوبدور هر سائله دخیله کافیدی بیر نگاهی  اِفلیجه یا عَلیله باب مرادی آچسون وئرسون شفا اباالفضل حق نوری جلوه گردور دست کرم نمادن اون یدی منصب آلموش درگاه کبریادن چوخ گورسنوب عطایا بو معدن سخادن هِچ سائلی بوش اَللی سالماز یولا اباالفضل عباسون اَللری تک عالمده  اَل تاپیلماز سِرّ  کَرامتیندن یوزدن  بیری  آچیلماز اهل قلم نَه قَدری یازسا گِنه  یازیلماز هر نظم و نثریدندور چوخ ماورا اباالفضل بالینینه  گلنده  اوغلی ئولن  سلیمان سَسلندی باتماباتما صبر ایله ماه تابان سنسیز بوچولده قالدی اولدوزلاریم پریشان سیندی بِلیم آماندور دور یا اَخا اباالفضل اکبر غمینده اولدوم من قلبیدن پریشان قارداش غمی چتیندی مین مرتبه اوغولدان گوردوم سنی بو حالدا اکبر چیخوب یادیمنان آرخام ، ائلیم ، امیدیم  ای باوفا اباالفضل آچ گوزلرون دانیشدیر  ای جان من حسینی دشمنلر ایچره باری تک قویما سن حسینی دیندیر یامان گونونده اوغلی ئولن حسینی قالدی  اَلیم  بِلیمده  یوخ آشنا  اباالفضل گوز یاشینی ائدر چوخ (نادر) غمونده جاری هر درده  توش اولاندا  عباسیدور شعاری اَللر  گَزن  اَلوندن  واردور  چوخ  انتظاری بو  رو سِیه  غلامه   سن سن آقا اباالفضل 🌲🌲🌲🌲🌲🌲🌲🌲

روضه حضرت علی اصغر(ع) گل ای ربابی قوجالدان جوان بالا سوزدور دیدیم جوانلقون اولدی یالان بالا اوخ دیمسیدی بیر گونی سنده جوانیدون اکبر کیمی جوانلارا آرام جانیدون دوزدور فلک که یاغی توکرمیش یاغ اوستونه داغلی گورنده داغی چکرمیش داغ اوستونه من حاضرم بالا غمونده اوزریک کیمی یانام ایکاش دوغمییدی منی بی نوا آنام من حاضرم فلک منی گویدن یره یخا بیر یول امیشدیرم سنی جان سینه دن چخا نازلی بالا شیرین بالا دل آچمیان بالا ایوده ایمکلیب یریب قاچمیان بالا آتما منی گل اولسان اگر باغبانیوم چولرده آلتی آیدی سنون ناگرانیوم گلسن اگر بهاره کیمین منتظر قالوم بیرده بهار فصلی سنون عطریوی آلوم یا ماه سن ستاره ئوزوم کهکشان نشین صبحه کیمی اوغول یتیروم عرشه شورو شین گوزدن گوروردوم حسنوه گوز دیمسین علی سعی ایلدیم که قلبیوه سوز دیمسین علی قلبون گوزتلیوب ننه هی دوزدی نازیوه سوز دیمبسه دیدی ولی اوخ بوغازیوه گوردوم نه بیر ایمکلمگون نه شیرین دیلون قربان دیمیشدیم ایلده کسم چخمادی ایلون نی تک سزلدادیخجا نوادن یورولمارام هجرونده کور اولونجا عزادن یورولمارام گونلر ایوینده ایلشرم سایه گورمرم قلبیمده گیزلین عشقیمی دنیایه ویرمرم عشقیم حسیندی آدینی قلبیمده یازمشام محو اولمویاندی لوح سنوبرده قازمشام عمون بولور که آغلاماقم عاشقانه دی عشقیم حسینه دی سنون آدون بهانه دی از بس جوان بیر عورتم اوغلوم مقیدم خلقین یانیندا عشقیمی مشکلدی فاش ایدم قورخوم بودور خیال ایدلر همسریم ئولوبڱ شاهیم ئولوب امیدیم ئولوب یاور ئولوب ظاهرده دوزدی الدن علی همسریم گئدیب باطنده گوزلریم ایشقی رهبریم گئدیب لایق ده اولماسام بالا والله حسینچیم همسردن اوتری آغلامرام سروریم گئدیب خلقین یانیندا آدیوی قیلام بهانه من فکر ایلسونلر الدن علی اصغریم گئدیب یاریم گلوب خیالیمه اغیاری گورمورم فکر ایلیرم چوخ آغلامشام گوزلریم گئدیب خلوت اولاندا مجلس حسین وای دی عادتیم هی اوخشارام که ماه ملک منظریم گئدیب لیلا گلنده گیزلدرم گاهواروی گورسه دیر طوی ایلمیوب اکبریم گئدیب عباس آناسی دیده گلنده چوخ آغلورام اوخشار دیرکه شیر وفا پروریم گئدیب ام البنینیدن سنه خاطر خجالتم اصغر سو ایستیب دیر شیر نریم گئدیب واردور یری باباندا ایده بو گلایه نی سنده سو اولمویوب سوا سر لشکریم گئدیب گلسه عموندا یوزونه هیچ من باخانمارام حتما اودا سو اوسته دیر الریم گئدیب والله منیم یوخومدی گناهیم بو باره دن سو اولمیوب دوشوم گوریوب جوهریم گئدیب