نوحه ی از ناقه افتادن حضرت رقیه (س)در راه شام __________ دوشموشم بی بی کاروانیدن قورخولی بیابانیده تکم چارون اولسا قویما بوسنیده بو قدر مصیباتی من چکم __________ کربلاده که مهربان آتام قارداشیم ئولوبدی عزالیام سنیم آزدا اولساسنون کیمی عمه جان اورکدن یارالیام یوخ دیه ن اقلا بوچولده من اکبرین یورولموش مارالیام دوشموشم بی بی کاروانیدن قورخولی بیابانیده تکم _______ وحشتیمدن اعضای پیکریم تتریور اسور عمه جان منیم گل عذاریمه گور ئوزون نجه گوزیاشم اولوبدور روان منیم سن بیل اکبرین جانی عمه جان نالمی ایشیتسون دایان منیم دوشموشم بی بی کاروانیدن قورخولی بیابانیده تکم __________ غارت اولموشام پابرهنه یم یولدا که تیکانلیقدی نیلیوم یول گیدوم ویا اینکه اگلشوم بیلمورم حقیقت نه ایلیوم مهربانلقون حکم ایدور ولی من سنی گنه داده سسلیوم دوشموشم بی بی کاروانیدن قورخولی بیابانیده تکم __________ اوچ یاشیمدا گور نیلدی فلک عمه جان من نازدانیه چخمادی سسیم کیم بیلورنجه طاقت ایلدیم تازیانیه یوخ امیدی بیرده قئیتمگه خسته بلبلون آشیانیه دوشموشم بی بی کاروانیدن قورخولی بیابانیده تکم __________ سسلدیم نه اندازه اکبری قارداشمدان اولمادی هچ خبر باخدیم آغلیا آغلیا چولین گوردوم هریرین صحنه ی خطر قوی قالوم بیاباندا عیبی یوخ گلمه دادیمه اینجیسون اگر دوشموشم بی بی کاروانیدن قورخولی بیابانیده تکم __________ نالم عمه جان کاروانیوه چاتموری و یا بیلمورم چاتور رنجیدی ایاقدان باشا فقط هر نه که رقیون قدم آتور گورمورم قرانلوقدا نیزه تک نازنین ایاقه تیکان باتور دوشموشم بی بی کاروانیدن قورخولی بیابانیده تکم __________ باخ منیم بی بی سرنوشتیمه کاتبیم یازوب بختیمی قرا بیلمورم یازاندا یازوب نیه؟ من هارا قرانلوق گیجه هارا ایلیه اودا قان سوزه سوزه داش تیکان ایاقلاریمی یارا دوشموشم بی بی کاروانیدن قورخولی بیابانیده تکم __________ یول گیدور اسیر بلا قیزون قورخودان نه اینکه یواش یواش دوزدی وحشتیم وارولی قدم آتماغا یواش ایلورم تلاش دوشمیه نهایت مواظبم تاول اوستونه تازه دن خراش دوشموشم بی بی کاروانیدن قورخولی بیابانیده تکم ________________ کاروانیده یوخدی بیر کسیم نصف شب گلوب دادیمه چاتا آغلیوب منیله دویونجا بیر آه خسته سین آهیمه قاتا ئولسم عمه جان واردی خواهشیم آدیمی فقط قویمیون باتا دوشموشم بی بی کاروانیدن قورخولی بیابانیده تکم __________________ لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

دیر راهب سبک کربلا ای کوی جانان به قلم کربلایی صابرثمودی 🖤🖤🖤🖤🖤🖤🖤🖤🖤🖤🖤 السلام ای رأس انور دیریمی ائتدون منور ساده بیر انسان دگولسن واردی سنده نور اطهر دیریمده آقا لطف ایلدون ائتدون اقامت یایدون بو کلیسایه آقا نور هدایت سلام ..ای یاره لی باش 🖤🖤🖤🖤🖤🖤🖤🖤🖤🖤🖤 دیریم اولدی وادی طور اوجالور سندن گویه نور صاحب اعجازیسن سن قلبیمه عشقون سالور شور موسی دئمورم من سنه سینانی گزورسن بختیم منه یار اولدی کلیسانی گزورسن سلام ای یاره لی باش 🖤🖤🖤🖤🖤🖤🖤🖤🖤🖤 دئ آقا نام و نشانون مقصد و شهر ومکانون آند وئررم من مسیحه کشف ائله سر نهانون قانه بلشن باشیوی کیم سالدی بو حاله باخدوقجا آقا من یانیرام قانلی جماله سلام...ای یاره لی باش 🖤🖤🖤🖤🖤🖤🖤🖤🖤🖤🖤🖤🖤🖤 کیمسن ای سلطان عالم اهل عیالون غرق ماتم باشیوون اطرافین آلدی نچه بانوی مکرم کیمسن یارالی سن ئوزوی ایله معرف اولار کیمدی سنلن اولوب دیره مشرف سلام. ای یاره لی باش 🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤🖤 باشلانوب اول دمده ماتم آز قالوب اوتلانسین عالم نوح اوخوردی غملی نوحه سینه سین داغلوردی خاتم مریم آنامیلن آقا حواده گلوبدی دیداریوه زهرائیله ساراده گلوبدی سلام . ای یاره لی باش 🏴🏴🏴🏴🏴🏴🏴🏴🏴🏴🏴🏴🏴🏴🏴🏴 باشیوون اوستونده سارا اوخشیوب آغلوردی حوا بیر خانم اما یانیخلی سسلنوردی یاندی زهرا زهرا آناوام چوللره سالدون منی اوغلوم بیر لحظه گوزومنن آتا بیلمم سنی اوغلوم سلام..ای یاره لی باش 🖤🖤🖤🖤🖤🖤🖤🖤🖤🖤🖤 آچ گوزون ای نور عینیم ای امام مشرقینیم چکیدی عشقون دیره گئتدی جذبه ی عشقون حسینیم هجرونده آنانون چوللری حیران دولانوبدی یارالی باشون دیر کلیساده تاپوبدی سلام ..ای یاره لی باش 🏴🏴🏴🏴🏴🏴🏴🏴🏴🏴🏴🏴🏴🏴🏴🏴🏴 آغلارام قان آغلارام من باشه قاره باغلارام من نوحه یازدیقجان ثمودی آهیلن دل داغلارم من آه دلیلن سینمی من داغلارام اوغول آردونجا گلیب غملریوه آغلارام اوغلوم سلام...ای یاره لی باش 🏴🏴🏴🏴🏴🏴🏴🏴🏴🏴🏴🏴🏴🏴🏴🏴🏴🏴🏴🏴🏴🏴🏴🏴🏴🏴 لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

از ناقه افتادن حضرت رقیه( س) به قلم کربلایی صابر ثمودی سبک ای شمع حرم خانه 🏴🏴🏴 بو قورخولی صحراده قالدیم بی بی جان گئتمه بی یاور و تنهایم بو چولده دایان گئتمه واگیر دردیمین درمانی گئتمه آی عمه گوزلرون قربانی گئتمه آی عمه 🏴🏴🏴 بیردن بو دل شبده عمه گوزومی آچدیم ال باشه قویوب عمه هر سمته طرف قاچدیم غمللر یوکونی عمه غملی سینمه ساچدیم ای غم گونی گونی یولداشیم ای جسمیمه جان گئتمه 🏴🏴🏴 وحشتلی بیاباندا قالدیم بی بی آواره بو قورخولی صحراده عمه گزورم چاره قاچدیم او قدر عمه اولدی ایاقیم یاره آخدی یارالاریمدان ایندی بی بی قان گئتمه 🏴🏴🏴 سن مهر وفا رختین علّت نه اولوب سویدون ایستکلی رقیه نن بو تئزلیقا سن دویدون بو غمکش دورانی چوللرده مللر قویدون اولدوم بو بیاباندا مین درده نشان گئتمه 🏴🏴🏴 سویله عموم عبّاسه چوللرده بالام قالدی بو ظلمت شب مندن آرام و توان آلدی باشیمی فلک عمه مین درد و غمه سالدی بو چرخ فلک وئرمور بیر لحظه امان گئتمه 🏴🏴🏴 بو قورخولی صحراده گلدیم بی بی افغانه گوز یاشیم آخور عمه دیدمده یانا یانه لطف ایله قدم ساخلا رحم ایله بو نالانه اولدوم بو بیاباندا من اشک فشان گئمه 🏴🏴🏴 عالم بیلیر آی عمه محنتلی اسیرم من غم قافله سی ایچره دُردانه امیرم من شامه یئتیشم سالم اوچ یاشلی سفیرم من تختدن یئره ظلامی وقریله سالان گئتمه 🏴🏴🏴 بیر بیله غمه دوشسه نِینَلرَ آدام سیزلار واضحدی قالار چولده عمه آتاسیز قیزلار احوالیمه بو چولده قان آغلیار اولدوزلار ای قیدیمه هر یئرده مِهریلَه قالان گئتمه 🏴🏴🏴 گل عمه ایاقیمدا تئز یاره لری باغلا آل سن منی آغوشه احوالیمه یان آغلا بو غمده( ثمودی) گل آغلا سینوی داغلا آغلور بو مصیبتده هر پیر و جوان گئتمه 🏴🏴🏴 لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

راه شام زبانحال حضرت لیلا (س) . مرحوم معزی اردبیلی . چیخوبدور کوفه دن لیلا گلوب افغانه یوللاردا باخوب سر نیزیه قلبی دونوبدور قانه یوللاردا . گوروب دلبندینون باشین چکوبدور آهی آه اوستن بالانین محنتی گتدی آنانی جانه یوللاردا . دیدی ای یوسفیم یومما گوزون حالی پریشانم تکان ویر بیر قدر قانه باتان مژگانه یوللاردا . فلک اون سگّیز ایل قویدی باخام رخسارووه اما صورا دنیانی دوندردی منه زندانه یوللاردا . منیم شمع حیاتیم سن آماندور تز جدادن اَن دولانسون باشوه بیر آز گِنه پروانه یوللاردا . اَسوب یل کاکلون سرنیزه ده اولموش پراکنده نه خوشدور زلفووه ویرسا کنیزون شانه یوللاردا . گلوبدور باش یاروندان قان دوزولموش ماه رویونده یوزونده خشک اولان قان بنذیور مرجانه یوللاردا . ایدوب حُسن عالمی یکسر مسخّر لشکر زلفون کنار ایله باخوم بیرده رخ رخشانه یوللاردا . چیخاندا نیزیه باشون کأنّه آی چیخور سیره باخور افسرده اولدوزلار مهِ تابانه یوللاردا . فلک جان شیشووی چالدی عداوت داشینه بیر دن نظر قیل گور نجه آغلار نچه دُردانه یوللاردا . هانی هاجر گلوب باخسون منیم تک هاجر عصره نه نوعی وورموشام زینت گوره قربانه یوللاردا . دریغا یوسف عصری چکوب بازاره شام اهلی ساتوللار گور نه نوعی قیمت ارزانه یوللاردا . ولی کیمده نه جرأت وار حسینون یوسفین آلسون خریدارم ئوزوم من یوسف دورانه یوللاردا . دیدیم گر چه گوزون یونما ولی یوم مشتری چوخدور آلا گوزلر نهان اولسون باخور بیگانه یوللاردا . یقین ئولم آلنسا قانلی باشون نیزه داروندن ایویمی یخماسن باخما من نالانه یوللاردا . آپارسا هر یره دشمن منی گل سنده دیداره گجه صبحه کیمی سنلن قوروم غمخانه یوللاردا . دیللّر ظالمی آنی یخار بیچاره نین آهی چکوم آهی سالوم اود عالم امکانه یوللاردا . آنالیق مهری جوش ایلراورگیم برگ تک تیترر ترحّم ایلین یوخدور دل لرزانه یوللاردا . طبیبا ناقه اوستونده مریض بی علاجم من منی محتاج ایدوب دردو غمون درمانه یوللاردا . دعا من ایلرم آمین دییَر نازلی رقیّونده باشون تا اولمیا مهمان دنی انسانه یوللاردا . ربابون اوغلی اللرده ئولوب بیلّم چیخار جانی پریشان گوزلری دوشسه قوزی جیرانه یوللاردا . #معزی_اردبیلی لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

احوالات راه شام (زبانحال خانم رقیه س با اباعبدالله ) داغدار کربلایم خونجگر رقییم من دلبریم گئدوب الیمدن دیده تر رقییم من آیری دوشمیشم ائلیمدن دربدر رقییم من زلف صبری اوچ یاشمدا غم چولونده هورمیشم من مین ایلین غمین بویاشدا کربلاده گورمیشم من بیرقزام بلود مثالی دولموشام بلا چولونده. مبتلای درد ومحنت اولموشام بلا چولونده. باغ عصمته گلیدوم سولموشام بلا چولونده. پایبند عفتم من زینبیلن الفتیم وار. ورمرم حجابی الدن چونکی در عصمتیم وار. گل بابا هرایه سنسیز گلشنیم خزان اولوبدی. خردا سنیلن غمونده قامتیم کمان اولوبدی. مهربان قزون اسیر ظلم بی امان اولوبدی. پابرهنه یول تیکانلوق اولموشام بوچولده خسته. کاروان گئدوب دالیجان قاچموشام تیکانلار اوسته. غرق بحر محنت اولدوم یادینه منی سالان یوخ. نازدانه بیرقزام کی فکریمه منیم قالان یوخ. سنسیز آی بابا بوچولده در نازیمی آلان یوخ. نازنین بابا وصالون چوخ سوور بونازدانه. تیروصلی گوی کمانه دوت بوقلبیمی نشانه. سن گئدنن ای امیدیم دل یانوب کباب اولوبدی. اکبریم گئدوب انیسیم سیلی وطناب اولوبدی. اصغریم گئدوب منیلن همنوا رباب اولوبدی. کاش الونده اوخلانیدوم شیرخواره اصغرون تک. قتلگهده دوغرانیدوم یاوفالی اکبرون تک. یاندی قلبیم آیرولوقدان صبرائدنمورم فراقه. گل بوچولده ای پناهیم بیرده آل منی قوجاقه. سنده تشنه منده تشنه گل قویاق دوداق دوداقه. گوی دئسونله غملی اولدوز اوپدی لعل آفتابی. بوسه سی چخاردی یادان درد و رنج والتهابی. سنکی یول تاپوبسان ای جان حق یولوندا کوی عشقه. منده قویمارام کی لکه دوشسون آبروی عشقه. من وصال یاره تشنه سن بابا سبوی عشقه. گل رقییه دادزدور شربت وصالی بابا. سینون اوسته تا یاتوم من اصغرین مثالی بابا. عهدباغلادوم سنیلن اعتلای انقلابه. هرمصیبته دوزوم من باغلانا قولوم طنابه. سرنوشتیمه یازولموش منزلیم اولا خرابه. گوزیاشیم آخا جماله غم منی سالا حصاره. قبره من گئدم یتیمه دیلده یاره باشدا قاره. ای انیس قلب زاریم تشنه شاه تاجداریم. ای وقار آل طاها بسته دور سنه وقاریم. آتش غم وفراقه یاندی قلب داغداریم. آهوی شکسته قلبم محنتیمده داشلار آغلار. من بابابابا دینده نیزه لرده باشلار آغلار. یوخ توان ائدن تحمل هجرآفتابه نیلوم. یوخ ورن خبر بوحالی زینبه ربابه نیلوم. حیف اولا بها ورن یوخ دُر اشک نابه نیلوم. کوفه اهلی جام عشق بوترابی سندورولار. من دیینده در نابم در نابی سندورولار. کربلاده وقت غارت دشمنون خیامه دولدی خیمگاهه اود وورولدی خیمه لر یانوب کول اولدی قورخودان غروب وقتی گللرون سارالدون سولدی زوریلن عدو چخاردوب سرغامی قولاقلارمدان قاچموشام تیکانلار اوسته قان آخور ایاقلارمدان کربلایه بیز گلنن هرگونیم اولوبدی آلام گوندیزی هی آغلیاردیم قورخودان اسردیم آخشام کوفه دن قوتاردوم اما گوزلیور خرابه ی شام. ووردیلار دئدیم بوقدری وورمیون عزالیم من قارداشیم جوان ئولوبدی قلبیدن یارالیم من طفل بختیمی چاغر سن خواب نازیدن اویانسون. راضی اولما تا رقیون اشک ماتمه بویانسون. قافلم گئدوب هاچاندی وئرخبر بیبیم دایانسون. آفتابیسن دعا ائت عشقینه چاتا ستاره. کهکشان محنتیلن همقطار اولا دوباره. شامه من سفیرعشقم آیری بیر دیاره گئتمم. جان وئروب خرابه یرده قصر زرنگاره گئتمم. منده آغ کفنله سن تک دلبریم مزاره گئتمم. عمم آغلیاندا سویلر بلبلوم چمنسیز اولدی. اوز باباسی تک رقیه شامیده کفنسیز اولدی. ✍#شعرازکربلایی_شهرام_علیزاده لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

راه شام زبانحال حضرت رقیه سلام الله علیها سبک 1 اردبیل : خداحافظ ای انام باجی سبک 2 تبریز : سن آغلوسان من دوزنمورم سنی آنام فاطمه جانی ساربان دایان گیتمه ایاقیمون هی سوزور قانی ساربان دایان گیتمه اولوب زیاده حدودیدن درد و غصه نون حدی اگیلدی اوچ سنیده ندن من کیمون قیزون قدی قولومدا الاندا قان ویرور تازیانه نون ردی ویرار کیم آیا بو جیرانی ساربان دایان گیتمه هایاندا قالدی کچن گونوم ساربان بی ایمان اوپردی اکبر دوداقیمی سوز دیینده من هرآن اونی منه چوخ گوروب فلک ایلدی قانا غلطان اولوب کتاب غم عنوانی ساربان دایان گیتمه یوخومدی بیر یار و یاوریم بوردا قالمیشام حیران بابام سراسر عزیزیمی ویردی دینینه قربان حسینه من نازدانیم یوخدی دردیمه درمان نظرده آل لطف جانانی ساربان دایان گیتمه دوشوبدی لرزه وجودیمه قورخورام بو صحراده منی آتوب گوزدن ایللریم یوخدی بیر گلن داده بو دردیمون واردی چاره سی تک یارالی زهراده اودور سالان یاده ویلانی ساربان دایان گیتمه سپهر عصمت ستاره سی دوشدی آیری ماهیندن وزیر زینب بو دشتیده آیریلوب سپاهیندن سنون یتیمون یوخوندی گیت وحشتون گر آهیندن ایدر خرابه گلستانی ساربان دایان گیتمه آنام بتولون مثالیم هم یوزومده هم غمده اودا ییوب سیلی من کیمی بو جفالی عالمده اودا یانوب منده یانمیشام نار قوم مظلمده دیوبدی عمم بو جریانی ساربان دایان گیتمه منم حسینون عزیزه سی زینب عمه مون یاری منم عزالی قرا لچک لشکرون علمداری ولی بو صحراده اولمیشام درد و غم گرفتاری مراعات ایله بو نالانی ساربان دایان گیتمه بابام حسینون عزاسینه نه سما گیوب قاره طناب وحشت بو دشتیده روحیمی چکور داره قرادی هر یر گونوم کیمین قالمیشام من آواره تانیمورام من بو صحرانی ساربان دایان گیتمه حسینیمه باری ویر خبر اول شهید قرآنه دئنن دوشوب ناقه دن قیزون سینه بیابانه اسور دوداقلاری قورخودان آغلیور یانا یانه خبردار ایت نی ده سلطانی ساربان دایان گیتمه دئنن ویرور قان ایاقلاری یوخدی بیر هواداری یتیمه بی کس قیزون اولار کیم مگر مددکاری بیرین آتا گوزدن عمه سی کیم اونا ایدر یاری هامی آتوب اول پریشانی ساربان دایان گیتمه دئنن کی بو درس عشقیده هم ردیف مریم دور همای شهپر شکسته دی عشقیده مسمم دور ئوزی اوشاقدور غمی بیوک قامتی ولی خم دور بو فتح ایدر شام ویرانی ساربان دایان گیتمه لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

زبانحال_حضرت_سکینه_با_رس_مطهر_برادر_در_راه_شام باجیوی شامه علی گرچه بو زنجیر آپارور جذبه ی عشق چکر، زلف گره گیر آپارور ایستدی قدرتینی گوستره خلّاق ازل ایلدی سلسله ی هاشمی خلقتده گوزل سنیدون جدّیوه بو سلسله ده مثل و بدل عشقیوه سلسله بندم منی تصویر آپارور مکتب غمده وفا درسینی مشق ایلمیشم لوح حسنونده باخوب خطیوه عشق ایلمیشم مشق تحصیله دوشوب عزم دمشق ایلمیشم خِطّه ی شامه منی اول خط تحریر آپارور عالم ذرّیده ارواحه یتن دمده خطاب روح لر اولدولا بی روح حسین ویردی جواب اولدی تقدیر مقدّر، یازیلوب امّ کتاب نیزه باشینده آتام باشین او تقدیر آپارور سالدی عشق عالمی عالمده بلایه باشیوی گتدی عنوان بیله مصداق منایه باشیوی سربلند ایلماقا ووردی جدایه باشیوی حق باشون مجلس ناحقّه او تدبیر آپارور نیزه باشیندا او بیر باش که اَنَا الحق دانیشور حقّی اثبات ایلیوب حقّیده مطلق دانیشور فعل ماضینی مُضارعده محقّق دانیشور امر مجهولی کتاب اهلینه تفسیر آپارور کربلایه منی گتدون سن علی عزّتیله شوکت و جاه و جلال و خدم و خدمتیله ایمدی سرّی ندی بس سن باخوسان ذلّتیله قولی باغلی منی بو شمر خداگیر آپارور نرگس مستون عجب ایلدی مستانه منی ایتدی مجنون کیمی سرگشته و دیوانه منی گوز تیکوبدور یولوما گوزلوری ویرانه منی منی معمار قدر ایتماقا تعمیر آپارور بلبل عشقم علی ایمدی چمن سیزلمیشم گلیمه یتمور الیم، سرو و سمن سیزلمیشم اگ باشون نیزه دن آخِر علی سن سیزلمیشم گور بو بیر کلمه نه اندازه ده تقریر آپارور بو گوزون یاشی که((طوری))گوروسن شوردی بو سالما گوزدن اونی، اهل نظره نوردی بو یوزه جاری ایله، محشر گونی منظوردی بو نیکبخت اوردا اودور گوزیاشین اکسیر آپارور مرحوم استادطوری تبریزی لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

راه شام زبانحال حضرت رقیه (س) مرحوم معزی اردبیلی . نیزه باشینده آماندور منی دیندیر یارالی گینه اعجازوی اعدایه بیلیندیر یارالی واگیر یارالی جان یارالی سنه قربان یارالی . کوفه ده زلفیمیزی گرد بیابان بورودی بیلمدیم نولدی بابا عالمی طوفان بورودی عمه مین ناقه ده گوردوم هوروگون قان بورودی قان گَلوب سوزدی آغارمیش هوروگیندن یارالی چوخالور دردی ئورگدن گونی گوندن یارالی . . میزبان قویماز اولا حالی پریشان قوناقی احترامیله ویرر یاتماقا عالی اطاقی میهمان یاتماز اطاقدا کوله باتماز دوداقی باشوی آیری سالوبلار نیه گُلدن یارالی بیلدیم اوضاعی دوداقونده کی کولدن یارالی . . ای خانم عمّه مون افسرده گَزن یحیاسی گون قباقینده قوم اوستنده قالان اعضاسی نه چوخیموش بابا قانلی باشوین غوغاسی گهی سر نیزیه گه دیره چیخوبسان یارالی ایندی ده گون کیمی سن سیره چیخوبسان یارالی . . چکمشم رنج وتعب مونسیم آه وغمدی قابار اولدی ایاقیم آلتی گوزوم پر نمدی زجریلن مینمه میشم بیر آتا نامحرمدی شرع تحریم ایلیوب ایلرم همت یارالی واردی منده بیلوسن هاشمی غیرت یارالی . . چون اولوب مکتب زینبدن اَزل تربیتیم من سلام ایلرم هر شخصه واریم معرفتیم بیلمورم زجره آجوق گَلدی نیه خوش صفتیم گوستروب فوری سلامیمده عتابین،یارالی قالخیزوب قمچی سینی ویردی جوابین یارالی . . بیری قمچیله بلالی باشیما چالدی بابا شمر دون سیلی ویروب طاقتیمی آلدی بابا ضرب سیلی گوزومه قانلی لکه سالدی بابا دینمدوم شمره قباقینده سیخلدوم یارالی بدنیم تیتره دی تپراقه یخلدوم یارالی . . منکه زهرا قاپوسین یاندیرانی گورمه میشم خسته پهلولرینی سیندیرانی گورمه میشم یوزینه کوچه ده سیلی ویرانی گورمه میشم ثانی بیر ظلم ایلیوب قدّین اَگوبدور یارالی شمریدن بیلدوم آنامدا نه چکوبدور یارالی . . . #سبک_یارالی_جان_یارالی ... شهریاریمسن ... کربلا منتظر ... . لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#راه_شام حاج داود بیدق داری (داور) سبک :میگذرد کاروان ... صبرائله ای ساربان گتمه بئله بی امان نیزده کی باشلارا بیرده باخوم باغریقان قلبیمه اود سالوب قانلی باش هی باخور محمله گوزده یاش جان حسین جان حسین جان حسین(2) ظلمین ائدوبدور عیان گردش چرخ زمان سالدی منی چوللره ایلدی بی آشیان اولموشوق یوللاردا دربدر قیزلارون بوش بشیک ترپه در جان حسین جان حسین جان حسین(2) ای آناما یادگار گور نه دونوب روزگار سن یارالی نیزده ناقه ده من ژاله بار دردیمی یوللاردا کیم بیلر آیریلیق زینبی ئولدورر جان حسین جان حسین جان حسین(2) من بو فنا دهریدن چوخدان حسین دویموشام قتلگهونده اخا روحیمی من قویموشام قویمادی دشمنون آغلیام سینه ده اوخ یئرین باغلیام جان حسین جان حسین جان حسین(2) منبر ائدن نیزه نی ناطق قرآن حسین قانینه قیمت وئرن خالق سبحان حسین نی ده سن اللهی یاد ائله ناقه ده گویلومی شاد ائله جان حسین جان حسین جان حسین(2) یئرده اسیرلر دیور راحت جانیم حسین گویده ملکلر دیور روح روانیم حسین یئر گویده سس دوشوب یاحسین فاطمه سسلنور وا حسین جان حسین جان حسین جان لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

‍ ✔️دیر راهب ✔️ زبانحال امام حسین علیه السلام سبک : #یارالی_جان_یارالی مرحوم حاج محمد حسین جنتی مقام(صحاف تبریزی) خوش گَلوب سالدون عجب وقته منی یاده آنا باشیمی عرشه اوجاتدون بو کلیساده آنا واگیر یارالی جان یارالی. جان سنه قربان یارالی بو نه عالمدی آنا سن یارالی من یارالی اوزون آگاهسن ای غمزده دورِ زَمَن فرقتونده نه قدر طالبیدیم وصلوه من بو گئجه حالیمه شامل ایلدون لطفوی سن قویمادون تک منی بو دیر نصاراده آنا تاپدون اوّل گئجه مطبخده تنور ایچره منی پیشواز ایلمدیم من ایله موقعده سنی ائتدی شرمنده منی خولی بیرحم و دنی وار یری حشره کیمی گلسم اگر داده آنا گلمه میشدیم او گئجه کثرت غمدن اوزیمه محضرونده دل آچوب شرح ویریدیم سوزیمه گوز آچانمیردیم آنا دولموشیدی کُول گوزیمه سنی دیندیریدیم عفو ایله او مأواده آنا ایندی فرصتدی دویونجا گل ایداخ راز و نیاز دوشه مشکلدی اَلَه بیرده بیله مجلس راز بو کسوک باشمه مقدورم ائدم پای انداز واریدیم چوخدان اوزوم من بو تمناده آنا شرحه گلمز نه قدر واردی بلاسی باشمون آخره یتمز آنا جور و جفاسی باشمون ظاهراً وار اون ایکی کاری یاراسی باشمون گَله معناده محال امردی تعداده آنا حقّدن ایلمدی زادهٔ مرجانه حیا آچدی مجلسده شماتت دلین اول کان خطا وُردی پیغمبر اُپن لبلریمه چوب جفا گتوروب عترت غم پروریمی داده آنا آسدیلار گاهی آقاجدان باشمی قوم دنی سنگسار ایلدیلر کوفه ده ظلمیله منی آرزو ایلدیم هر لحظه ده هر دمده سنی بیر گوریدون دوزوب اوغلون نئجه بیداده آنا وُردیلار نیزه لره تشنه یارالی باشیمی هر جفایه آناجان ائتدیله حالی باشیمی یاندروب گون نئجه گور بیر بو بلالی باشیمی اولمیشام هر غمه هر محنته آماده آنا یارالی باشما بو قوم ائده هر جور و جفا منه خوشدور دوزرم باشه یته امر قضا هر بلایه من اوزوم وئردیم ازل گونده بلا تا که«صحافه»شفاعت ائدم عقباده لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

‍ ‍ راه شام رحیم شایان سبک : خرابه چراغونه امشب... اورك غصه دن قاندي بابا قيزين چولده ويلاندي بابا دولانديقجا وحشتلي چولده تماما مغيلاندي بابا اولوب ياره خيردا اياقلار رقيه ن هراساندي بابا منه سس وئر او نوك ني دن بالان چوخ پريشاندي بابا اي غم گونونده پناهيم بابام گل بابام گل قوزاندي عرشه بو آهيم بابام گل بابام گل بير آزدا يوبانسان يارالي رقيه ن وئرر جان يارالي ئوزون گل داليمجا باباسن مني قويما نالان يارالي اگر گلمسن زجري گلسه ائدر باغريمي قان يارالي آنان تك منه سيلي وورسا اولارسان پريشان يارالي اي غم گونونده پناهيم بابام گل بابام گل قوزاندي عرشه بو آهيم بابام گل بابام گل يانور بو تيكانلي اياقلار اسور قورخودان بو دوداقلار سيزيلدير بدن قمچي لردن گوورميش بوتون بو ياناقلار گئدن وقتيدن گوشواره م يارالي قالوبدي قولاقلار بابا گلمسن سن بو چؤلده مني كيم لر آيا سوراغلار اي غم گونونده پناهيم بابام گل بابام گل قوزاندي عرشه بو آهيم بابام گل بابام گل لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

‍ ‍ راه شام رحیم شایان☝️☝️🖤🖤 سبک : خرابه چراغونه امشب