راه شام زبانحال حضرت رقیه (س) مرحوم معزی اردبیلی . نیزه باشینده آماندور منی دیندیر یارالی گینه اعجازوی اعدایه بیلیندیر یارالی واگیر یارالی جان یارالی سنه قربان یارالی . کوفه ده زلفیمیزی گرد بیابان بورودی بیلمدیم نولدی بابا عالمی طوفان بورودی عمه مین ناقه ده گوردوم هوروگون قان بورودی قان گَلوب سوزدی آغارمیش هوروگیندن یارالی چوخالور دردی ئورگدن گونی گوندن یارالی . . میزبان قویماز اولا حالی پریشان قوناقی احترامیله ویرر یاتماقا عالی اطاقی میهمان یاتماز اطاقدا کوله باتماز دوداقی باشوی آیری سالوبلار نیه گُلدن یارالی بیلدیم اوضاعی دوداقونده کی کولدن یارالی . . ای خانم عمّه مون افسرده گَزن یحیاسی گون قباقینده قوم اوستنده قالان اعضاسی نه چوخیموش بابا قانلی باشوین غوغاسی گهی سر نیزیه گه دیره چیخوبسان یارالی ایندی ده گون کیمی سن سیره چیخوبسان یارالی . . چکمشم رنج وتعب مونسیم آه وغمدی قابار اولدی ایاقیم آلتی گوزوم پر نمدی زجریلن مینمه میشم بیر آتا نامحرمدی شرع تحریم ایلیوب ایلرم همت یارالی واردی منده بیلوسن هاشمی غیرت یارالی . . چون اولوب مکتب زینبدن اَزل تربیتیم من سلام ایلرم هر شخصه واریم معرفتیم بیلمورم زجره آجوق گَلدی نیه خوش صفتیم گوستروب فوری سلامیمده عتابین،یارالی قالخیزوب قمچی سینی ویردی جوابین یارالی . . بیری قمچیله بلالی باشیما چالدی بابا شمر دون سیلی ویروب طاقتیمی آلدی بابا ضرب سیلی گوزومه قانلی لکه سالدی بابا دینمدوم شمره قباقینده سیخلدوم یارالی بدنیم تیتره دی تپراقه یخلدوم یارالی . . منکه زهرا قاپوسین یاندیرانی گورمه میشم خسته پهلولرینی سیندیرانی گورمه میشم یوزینه کوچه ده سیلی ویرانی گورمه میشم ثانی بیر ظلم ایلیوب قدّین اَگوبدور یارالی شمریدن بیلدوم آنامدا نه چکوبدور یارالی . . . #سبک_یارالی_جان_یارالی ... شهریاریمسن ... کربلا منتظر ... . لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#راه_شام حاج داود بیدق داری (داور) سبک :میگذرد کاروان ... صبرائله ای ساربان گتمه بئله بی امان نیزده کی باشلارا بیرده باخوم باغریقان قلبیمه اود سالوب قانلی باش هی باخور محمله گوزده یاش جان حسین جان حسین جان حسین(2) ظلمین ائدوبدور عیان گردش چرخ زمان سالدی منی چوللره ایلدی بی آشیان اولموشوق یوللاردا دربدر قیزلارون بوش بشیک ترپه در جان حسین جان حسین جان حسین(2) ای آناما یادگار گور نه دونوب روزگار سن یارالی نیزده ناقه ده من ژاله بار دردیمی یوللاردا کیم بیلر آیریلیق زینبی ئولدورر جان حسین جان حسین جان حسین(2) من بو فنا دهریدن چوخدان حسین دویموشام قتلگهونده اخا روحیمی من قویموشام قویمادی دشمنون آغلیام سینه ده اوخ یئرین باغلیام جان حسین جان حسین جان حسین(2) منبر ائدن نیزه نی ناطق قرآن حسین قانینه قیمت وئرن خالق سبحان حسین نی ده سن اللهی یاد ائله ناقه ده گویلومی شاد ائله جان حسین جان حسین جان حسین(2) یئرده اسیرلر دیور راحت جانیم حسین گویده ملکلر دیور روح روانیم حسین یئر گویده سس دوشوب یاحسین فاطمه سسلنور وا حسین جان حسین جان حسین جان لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

‍ ✔️دیر راهب ✔️ زبانحال امام حسین علیه السلام سبک : #یارالی_جان_یارالی مرحوم حاج محمد حسین جنتی مقام(صحاف تبریزی) خوش گَلوب سالدون عجب وقته منی یاده آنا باشیمی عرشه اوجاتدون بو کلیساده آنا واگیر یارالی جان یارالی. جان سنه قربان یارالی بو نه عالمدی آنا سن یارالی من یارالی اوزون آگاهسن ای غمزده دورِ زَمَن فرقتونده نه قدر طالبیدیم وصلوه من بو گئجه حالیمه شامل ایلدون لطفوی سن قویمادون تک منی بو دیر نصاراده آنا تاپدون اوّل گئجه مطبخده تنور ایچره منی پیشواز ایلمدیم من ایله موقعده سنی ائتدی شرمنده منی خولی بیرحم و دنی وار یری حشره کیمی گلسم اگر داده آنا گلمه میشدیم او گئجه کثرت غمدن اوزیمه محضرونده دل آچوب شرح ویریدیم سوزیمه گوز آچانمیردیم آنا دولموشیدی کُول گوزیمه سنی دیندیریدیم عفو ایله او مأواده آنا ایندی فرصتدی دویونجا گل ایداخ راز و نیاز دوشه مشکلدی اَلَه بیرده بیله مجلس راز بو کسوک باشمه مقدورم ائدم پای انداز واریدیم چوخدان اوزوم من بو تمناده آنا شرحه گلمز نه قدر واردی بلاسی باشمون آخره یتمز آنا جور و جفاسی باشمون ظاهراً وار اون ایکی کاری یاراسی باشمون گَله معناده محال امردی تعداده آنا حقّدن ایلمدی زادهٔ مرجانه حیا آچدی مجلسده شماتت دلین اول کان خطا وُردی پیغمبر اُپن لبلریمه چوب جفا گتوروب عترت غم پروریمی داده آنا آسدیلار گاهی آقاجدان باشمی قوم دنی سنگسار ایلدیلر کوفه ده ظلمیله منی آرزو ایلدیم هر لحظه ده هر دمده سنی بیر گوریدون دوزوب اوغلون نئجه بیداده آنا وُردیلار نیزه لره تشنه یارالی باشیمی هر جفایه آناجان ائتدیله حالی باشیمی یاندروب گون نئجه گور بیر بو بلالی باشیمی اولمیشام هر غمه هر محنته آماده آنا یارالی باشما بو قوم ائده هر جور و جفا منه خوشدور دوزرم باشه یته امر قضا هر بلایه من اوزوم وئردیم ازل گونده بلا تا که«صحافه»شفاعت ائدم عقباده لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

‍ ‍ راه شام رحیم شایان سبک : خرابه چراغونه امشب... اورك غصه دن قاندي بابا قيزين چولده ويلاندي بابا دولانديقجا وحشتلي چولده تماما مغيلاندي بابا اولوب ياره خيردا اياقلار رقيه ن هراساندي بابا منه سس وئر او نوك ني دن بالان چوخ پريشاندي بابا اي غم گونونده پناهيم بابام گل بابام گل قوزاندي عرشه بو آهيم بابام گل بابام گل بير آزدا يوبانسان يارالي رقيه ن وئرر جان يارالي ئوزون گل داليمجا باباسن مني قويما نالان يارالي اگر گلمسن زجري گلسه ائدر باغريمي قان يارالي آنان تك منه سيلي وورسا اولارسان پريشان يارالي اي غم گونونده پناهيم بابام گل بابام گل قوزاندي عرشه بو آهيم بابام گل بابام گل يانور بو تيكانلي اياقلار اسور قورخودان بو دوداقلار سيزيلدير بدن قمچي لردن گوورميش بوتون بو ياناقلار گئدن وقتيدن گوشواره م يارالي قالوبدي قولاقلار بابا گلمسن سن بو چؤلده مني كيم لر آيا سوراغلار اي غم گونونده پناهيم بابام گل بابام گل قوزاندي عرشه بو آهيم بابام گل بابام گل لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

‍ ‍ راه شام رحیم شایان☝️☝️🖤🖤 سبک : خرابه چراغونه امشب

‍ حضرت ابوالفضل علیه السلام سبک نوحه:شکر اولا پروردگار تاج عشقیم باشدا قاره ای فرات اوستونده قولسوز قانینه غلطان ابوالفضل تشنه لب قیزلاریم اولسون جانیوه قربان ابوالفضل سن دوشنده مرکبوندن عرش اعلا اسدی قارداش ناله سن گهواره سینده شیرخواریم کسدی قارداش دور گئدک امکانون اولسا قارداشون بیکسدی قارداش بوردا پشتیبان عشقه یوخدی پشتیبان ابوالفضل مایۀ آرامشیدون سن حسینه غم یینده قلبیمه تسکین وئرردون جامۀ ماتم گینده داش وورانلار ال چالوللار من سنه لایلای دینده سسلرم امکانیم اولسا جان ابوالفضل جان ابوالفضل قوی ئوپوم بازولروندن یادگار حیدریمسن باشیوی الله اوجالتسین سن وفالی افسریمسن یاتما قولسوز قوملار اوسته سن منیم سرلشکریمسن آچ گوزون بیکس حسینی قویما سرگردان ابوالفضل دوزدی قوللارون دوشوبدی قولون اما بی خِللدی روبروسینده یازاللار آدوین مرد عملدی کربلاده مین مصیبت باشیمه بیرگونده گلدی دردیمه چوخ گزدیم اما تاپمادیم درمان ابوالفضل اوخ اوخ اوسته سینون اوسته قانلی نخلستانه بنذر آیه آیه سوره سوره پیکرون قرآنه بنذر ساغ گوزوندن سانجیلان اوخ بی ادب مهمانه بنذر چشم صاحبخانه اولماز منزل مهمان ابوالفضل قالمارام دنیاده سنسیز آی منیم غیرتلی شیریم یاتمارام قبریمده راحت ئولدی سرهنگ دلیریم آچ گوزون قلبیم داریخدی یاتما آی قولسوز وزیریم یاره لی سینون مثالی باغریم اولدی لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

حضرت ابوالفضل علیه السلام☝️☝️ سبک نوحه:شکر اولا پروردگار تاج عشقیم باشدا قاره ای فرات اوستونده قولسوز قانینه غلطان ابوالفضل🖤🖤

نوحه کوچ از کربلا بابک هلالی یتیشدی آیریلیق وقتی گدیر درده گلن قارداش یوخ الده چاره تا ایتسین سنه غسل و کفن قارداش تراب اوستونده خواب ایتمه ایاقه دور رضا اولما باجون تنها گیده شامه یانندا باش کسن قارداش حرم آهولرین دشمن قولی باغلی چکوب نظمه دیین یوخدور قاچانمازلار نه لازمدور رسن قارداش ئولونجه آغلاسام آزدور گچن کی ماجرا اوسته چوخور یرده نه ظلم اولدی اوزوم گوردوم علن قارداش ایدنده شمریلن دعوا اودم ایکاش ئولیدیم من بو حالدا گورمییدیم تا سنی ای بی کفن قارداش شهادت امری ختم اولدی یتیشدی نوبت غارت نه غارت"کائنات آغلار او حاله تا عدن قارداش گمانیم بیر زادا گلمور چکم بو نعشیوون اوسته حرارتدن نهان اولسون بو جسم پر ثمن قارداش منیله ایتمیسن صحبت ربابی لااقل دیندیر سینیبدی قلبی اول دمدن کی کوسدی سود امن قارداش ربابین رشته صبرین فراتین سو سسی قیردی بالام ایوای دییب یاندی "چکوب چوخلی محن قارداش ربابین غنچه سی سولدی سارالدی بو گلستاندا بیله بیر گلستان اولماز نه بیر بیله چمن قارداش وداع آخرونده من سنه بیر پیرهن ویردیم آنام زهرا نشانی پس هانی اول پیرهن قارداش؟ اگر شمر و سنان قویسا "مگر زینب گیدر بوردان؟ محال امریدور گیتسین"بو خسته جان و تن قارداش باجون زینب دوزوب چوخلی مصیباته ازل گوندن داخی سنسیز دوزه بولمز غم هجره دوزن قارداش دعا ایله باجون گیتسه بو ملکه بیر ده یول سالسین سورونسون"آغلاسین"یانسین"دیسین باشسیز بدن قارداش غرض بو شعری یازماقدان (هلالی)کربلا ایستیر حضور اقدسه گلسون بو اهل ((پنج تن))قارداش لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

حضرت زینب سلام الله علیها مرحوم استاد انور اردبیلی من عزیز فاطمیم فلک منه حرمتون ندن اولمادی الورم کنار دمشقیده باشیم اوستونه گلن اولمادی رقم ملال و مصیبتیم یازیلا چتیندی قلم قلم بیر حسینیمیدی بلی دین محن زمانیه بیر منم هانی بیر اسیره منیم کیمی آغاروب ساچی اولا قدی خم محنیم کیمی هیچ عزالینون محنی کمر شکن اولمادی غم وغصه دن قوتارور اجل سویورام قبای اسارتی گونی ایل کیمی گچن عمریمون یتیشوبدی آخره ساعتی یری واردی سنگ مزاریمه یازالا بو غملی عبارتی یر اوزونده زینب زار تک یورولوب بلا چکن اولمادی نقدر نفس ویروب آلمیشام او قدر منه یتیشوبدی غم هایانا مسافرت ایتمیشم منیله بلا اولوب همقدم بو جهاندا دینجله بولمدیم گیدورم مزاریده دینجلم باشیم اوسته باش آچا حیف اولا نه حسین و نه حسن اولمادی اریدوبدی غصه وجودیمی نه رمق قالوب نه دوزوم قالوب شرر مصائبه یانمیشام اورگمده اودلی سوزوم قالوب نفسیم دوشوبدی شماریه گنه کربلاده گوزوم قالوب چکورم او توپراقین حسرتین منه حیف اولا وطن اولمادی یورولان مسافره بنزیرم یولون اوسته خار وخس اینجیدوب قنادی سنان قوشا اوخشورام سیخوب اللی ایل قفس اینجیدوب نفسیله خلق خوش اولسادا منی چکدیقم نفس اینجیدیب او نفس که سینمی یاندیروب ولی سوزشین گورن اولمادی ره ابتلانون اوزوم کیمی غمه مبتلاسینی گورمدیم گجه استراحتیم اولمادی سحرین صفاسنی گورمدیم من ئوزوم وفالیم عالمون ابداً وفاسینی گورمدیم گیجه آغلادیم گونوز آغلادیم گوزومون یاشین سیلن اولمادی شهدا غمین اسرا غمین چکوب هر مصیبتی گورموشم الی باشدا مقتله قاچمیشام عمل جنایتی گورموشم کسیلنده قارداشیمون باشی علناً قیامتی گورموشم باخوب آغلادیم کمک ایستدیم منه بیر کمک ایدن اولمادی ستمیله اولدی ورق ورق ایاق آتدا فاطمه نون گلی من آتوردوم ال دم خنجره باشیما یاغوردی بلا کولی رمقی یوخیدی حسینیمون گنه ال گوتورمدی قاتلی یوزی اوسته قالدی جنازه سی دالی اوسته دونده رن اولمادی او حسین که ملک حجازیده هامی گورموشیدی عطاسنی ضعفا غمینده آتام کیمی قوجالوب آغاردی محاسنی چخادوب ویرردی مدینه ده فقرایه تازه لباسنی ایله رادمرد زمانه نون ئوزونه ولی کفن اولمادی درخواستی دوستان☝️☝️ لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

حضرت علی اصغر علیه السلام استاد کلامی زنجانی هوشیمی آلدی باشیمدان گنه شش ماهه بالا گتوروب جان قوشونی شیونه شش ماهه بالا نیلرم ائتمسه درمان منه شش ماهه بالا آغلورام گوزلریمه گورسنه شش ماهه بالا بلکه زهرایه گوره دیلَّنه شش ماهه بالا اوخ که دگدی هدفه قلبی داریخدی بالانون او کیچیک قلبینی غم پنجه سی سیخدی بالانون آتا پیکانی چکنده جانی چیخدی بالانون گولدی قاتل ائوینی گولماقی یخدی بالانون آهیله ووردی شرر خرمنه شش ماهه بالا دئمم ایستوردی امامه بالا روحیه ویره ولی بیر فکر ائدوب اول منظره نی آل نظره آتا نیلر الی اوسته دگه اوخ صودامره قویمادی اوخلی بوغازدان توکوله قانی یره دیدی قرباندی حق ذوالمنه شش ماهه بالا ای خدا نوشیدی غم عاشقه تاجان واریدی کسماقا هانسی خلیلین بله قربان واریدی خسته جسمینده بالامون بیر اووج قان واریدی بیر اووج قاندا ولی دردلره درمان واریدی پوزدی مین سلسله نی یکتنه شش ماهه بالا لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

زبانحال خانم‌صغرا سلام‌الله علیها حسین خدایی زنجانی گل علی دونوم باشیوا اخا باجیوی سراغلا یورولموشام منی یاده سال گوزیوه فدا بو غریبی یوخلا یورولموشام یانورام وطنده غریبه ام نه گلن واروم نه گدن علی قاپیمی نه واردی آچان اخا نه بو حالتیمی بیلن علی او قد اغلارام یوخوم آشنا گوزومون یاشینی سیلن علی گله کاش اجل، ولی سنده گل باشیم اوسته آغلا یورولموشام اخی رسمیدی سفره گدن گوزی یولدانی خبر ایلیر گورورم بو باغلی اطاقلارین نجه غم منه اثر ایلیر بو فراق و غم گجه گوندوزی قاره ایلیوبدی،بیر ایلیر گجه گل خیالیمه بیر دانیش اورگیمی داغلا یورولموشام باجینین یامان گونی دادرس اخی قارداشی اولار آی اخا باجی قارداشیندان اوزاق اولا، گوزی ابری تک دولار آی اخا بیله قارداشی اولوب ای خدا، نجه زلفنی یولارآی اخا سنی گورمسم باشیم اوسته گل بو گوزمی باغلا یورولموشام ولی گلمدین یوخوم هیج سوزوم ولی یاخشی تک منی قویموسان منه ناز ایدوب و یا کوسموسن نیه رخت عشقیوی سویموسان منه شوکتن، منه عزتن ،ایله بیل که یولدا یورولموسان بو سینان اورگیمی دوت نشان سنه قربان اوخلا یورولموشام لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

زبانحال حضرت رقیه به حضرت زینب سلام الله علیهما در خرابه شام شاعر:مرحوم منزوی اردبیلی شامیدن قورتارسا جانیم آل منه گوشواره عمّه الده ئولسم قبریم اوسته قوی گوزل گهواره عمّه بو خرابه یرده بیلّم عمریمون اولماز وفاسی چونکه قلبیمده ساغالماز ایللریله دیل یاراسی گر کفن تاپسون ویررسن بیر فقیره بو لباسی تاپماسون قاره،کفن قیل قالماسن آواره عمّه  اکبریم گلسیدی الآن بو خرابه شامه مهمان باجی سین قویمازدی والله شهر شام ایچره پریشان گون به گون تیر شماتت قلبیمی ایتمزدی شان شان حتما ایلردی بو پوزقون حالیمه بیر چاره عمّه حالیمی فکر ایتمه عمّه بیر رعایت ایلین وار بیر تسلّایه گلن یوخ ، مین شماتت ایلین وار بی ادب قزلار ایچینده چوخ جسارت ایلین وار بیر نفر مرهم گتورمز دلده وار مین یاره عمّه شام قزلاری ایدوللر بی سبب چوخ ادّعالر گونده دیداره گلوللر بی ادب لر بی حیالر ئوزلرین چوخ گورسدوللر بیزلره بو خودنمالر من گرک شرمنده لیکدن یوز قویام دیواره عمّه لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨