💐احوالات حضرت ابوالفضل (ع )💐 پرچمون لنگرینه آغلادی مشگون پاراسی آغلادی قوللرینا صاق گوزومون اوخ یاراسی یخلوب یرده بلور سوز سورونوردی هاراسی نظرین جلب ایلدی بیر خانمون اوخشاماسی بنذیور گوردی ایله زینبه گفتاریندن باسور اوز سینه سینه گوردی او قانلو باشی باشداکی یاریه درماندی اکنون گوز یاشی اغلادوقجا گتورور نالیه داغی داشی. دیور ای اوغلومون اللرده توان قارداشی. سپر عصمت ایدن عترته ایثاریندن من انون فاطمیم مقتله گلدیم ناچار. ایلدیم گوزلروین قاننی زلفمله کنار. گوزون اچ قارداشوی ایله هرایه احضار دگیلن پنچ تنون دوردی گلوب بوردادیلار سنده گل پنچ تنون قالما جدا چاریندن منبع زمزمه های✍ هادی

 ایلیوب منیم دوداقلاریمی ضربتِ فنار قیزیم   جِدا باشیندا گوروردوم ووراندا قمچی سنه کومک لیقا یوخودی نیلیوم اقتدار قیزیم   سوسوز شهادته یتماق منه مُقدّریدی سنون اسارتون ایستوردی کردگار قیزیم   رضای حقّیدی احیای دینیدی دوزدوم نقدر ظلم ایلدی قومِ کین شعار قیزیم   یتوبدی باشه مقدّر اولان بَلیّاتون یوزونده گورسنوری حالِ احتضار قیزیم   ابوتراب عزیزی یاتار تراب اوسته بودور همیشه بلی وضعِ روزگار قیزیم   خدا عزیزینه ذلّت دگل اسیر اولماق بیز اهلِ بیته اسارتدی افتخار قیزیم   دایان مصائبه تا صبرون اولماسون ناقص یتر تمامه بو ایّامِ ناگوار قیزیم   یوزیمده کی کولی گوز یاشویله سیل ، صورا اوپ کول ایتمسون لبِ لعلون جریحه دار قیزیم   تحمّل ایله گیدنده سنی آپارّام اوزوم چوخ ایتمه ناله بیله اولما اشگبار قیزیم   یزید محو اولاجاق ، کاخِ ظلمی قالمیاجاق جلالینی ایده جاق چرخ تار مار قیزیم   سنون ولی قالاجاق شامِ شومده قبرون نقدر عالَمِ امکاندا وار مدار قیزیم   اگر (حسینی) سنون چنگ وورسا دامنیوه قالار بو دهرده اشعاری یادگار قیزیم.   مرحوم حسینی سعدی زمان

احوالات خرابه شام   یتیم اوشاق گله آه وفغانه قویمازلار دوتاندا آه و فغانه بهانه قویمازلار   دولاندا قلبی گوزون دولدوراندا حسرتیله اوجالدا ناله سینی آسمانه قویمازلار   سیلَلَّه گوزیاشینی باشینه چکللر ال سرشکینی یوزه ائتسون روانه قویمازلار   یتیم آغلاسا عرش خدا تزلزل ائدر یتیم گلسه اگر الامانه قویمازلار   فرحلَنَر بیری گر خوش دیلیله دیندیرسه بسان غنچه دونه قلبی قانه قویمازلار   کباب ائدر آناسین نسگلی یتیم اوشاقین چون احترام اونا اهل زمانه قویمازلار   لباسی کهنه اولار وضع حالی پژمرده گئده سیاحته گر گلستانه قویمازلار   قسیّ قلبیدی هر کیم یتیمی اینجیتسه یتیمه وورسا بیری تازیانه قویمازلار   یتیم آدی ائشیدنده اؤرک دؤنور قانه ولیک آغلاماقا عاشقانه قویمازلار   معاینه گورورم اهل بیت دؤرین آلوب سیزیلدیا گله آه و فغانه قویمازلار   دیله دوتالّا مبادا بابا آدین گتوره گتورماقا بابا آدین زبانه قویمازلار   (حسینی) پاک اول اؤزون سال بو آستانه دخیل که مجرمی بو گوزل آستانه قویمازلار  مرحوم حسینی سعدی زمان

احوالات خرابه شام روضه حضرت رقیه س #مداح اهلبیت منوچهر ملکزاده 😭😭😭😭  غسل ایدنده گیجه یاری بو جلای وطنه باخدی غساله سی مسغلده او یول یول بدنه  دیدی غسل ایلمرم من بو گل یاسمنه نیه خانم😭 اولمیوبدور دویولنده بونون الدن آلانی؟؟ خانم دینن گوروم نه گناه دویوبلر بو زیبا بالانی؟؟  بونین گناهی نییدی😭 دیدی زینب: بالامون اولمادی داده گلنی قمچیلردن چیچک آچموشدی مریضه بدنی ایندی چوخ آغلامیون قاره دن اولدی کفنی اوستونه بار مصیبت توکولوبدی بو قزون آتاسی کهنه حصیره بوکولوبدی بوقزون

‍ ‍ ‍ #روضه زبانحال حضرت زینب در شهادت حضرت رقیه علیهما السلام حاج اضعر خسروشاهی : ای بادصبا کرب وبلایه گذر ایله اوردایارالی‌ تشنه حسینه خبرایله حسین ای شهه خوبان رقیون سنه قربان (تکرار هر بند )(۲) عرض‌ایله اولوب‌زینبوون حالی پریشان دور قبرده یاتما ، یارالی جانوه قربان افسرده رقیه قوری یرلرده وئرور جان گل شامده ویرانیه بیرایله نظاره بیچاره قالوبدور باجون ایله اوناچاره سینونده یاتاردی قیزون ای سینه شکسته ایمدی قوری یرده غم ائدوب جانینی خسته توپراقلارا زلفی توکولوب دسته به دسته مشگلدی منه زلفینی توپراقه سالوبدی گل‌صورتی‌غمدن‌ساری‌گل‌تک‌سارالوبدی رنگی سارالوب گل کیمی سولموش گه بنزر زلفی توکولوب صورتینه سنبله بنزر روحی قفسیندن بیراوچان بلبله بنزر نه چاره قیلوم گوشه ی ویراده سنسیز سن تک قوری یرده ئولوری غسل وکفن سیز قویما قیزوی خوار اولار رفع محن ایله شهزاده بالان جان وئروری گل کفن ایله قازقبرینی ویرانه نی بیت الحزن ایله وئرغسلینی قوی قبره گوزوم اشگیله دولسون قوی شام گل شاه حجازه وطن اولسون فاش ایلدی درددلینی گوزیاشی آخدی یاندوردی حرم اهلینی نارغمه یاخدی آغلارگوزیله بیر او یتیمه قیزا باخدی گوردی بالانون روحی کنار اولدی بدندن آزقالدی ئوزی رخت علایق سویا تندن القصه وئروب جان بالا مقصودینه چاتدی صبح اولدوزی تک برج حیا اولدوزی باتدی اولاد علی ناله سسین عرشه اوجاتدی شهزادیه گوربیر نجه غسل وکفن اولدی گویا کفن اگنینده اولان پیرهن اولدی دفن اولدی بالا زینبین احوالی پوزولدی قان یاشیله اهل حرمین گوزلری دولدی زهرا قیزی بومجلسه راثی ئوزی اولدی قارداش بالاسیندان او زمان عمه ال اوزدی اهل حرمی قبرینون اطرافنه دوزدی هرکیم ئوله اوندان قالار عالمده نشانه ایلرله لباسین ئوز عزاسینده بهانه دوندردی بونیسگیل اویانان دیللری قانه بیر کوینگیدی بیراثر اوندان بدنینده دفنینده کفن ایلدیلر پیرهنینده بوغم گتوروب آل علی قلبینی درده ماتمزده لر قوردولار بیرماتم او یرده اول خوردا مزار اوسته چکوبلرنچه پرده گوزیاشلی لارین قلبینین آرامی آلیندی قبراوستونه پرده عوضی زلفی سالیندی اولدی هره سی بیر دلیله کاشف مطلب ماتم زده لر گوزیاشینی توکدی مرتب نسگللرین اوخشاردی خانیم عمه سی زینب سویلردی رقیه نیه گوزدن منی آتدون هجرونده بوگوزیاشیمی خون دله قاتدون عمرون گلی بوگوشه ویرانه ده سولدی کیم گییدوقی پیراهنیله قبره قویولدی هانسی قیزا غساله اونون عمه سی اولدی شرح غمیوی اشگیمیله توپراقا یازدیم دلده آدون آغلار گوزیله قبروی قازدیم دنیاده ادب گلشنینه بیرگلدون سن اصغرکیمی بیرغنچه گله بلبلدون سن عمّه‌ن سنه قربان نجه شیرین دلیدون سن سن نازیله شه سینه سی اوستونده یاتاردون چوخ غم گوروب اوج سینیله دنیانی قوتاردون سن بیرگلیدون بادجفائیله سارالدون ایوای باباوای سسلدون آرامیمی آلدون سن چوخ گئجه لر گوشه ویرانه ده قالدون قلبیمده کی نسگللرون آرامیمی آلدی ئوز دردیوی فاش ایلمدون سینه قالدی بیرنسگلیوه یانّام ئولونجه من مضطر لای لای دئدون آغلار گوزیله سسلدون اصغر گه سویلدون ای عمه هانی قارداشیم اکبر اکبر چاغوروب عمه دین دیللره قربان بوتوزلی مزاره باخورام قلبیم اولور قان اوخشاردی حزین بیر سسیله زینب نالان گوردی اوجادان باجیسی کلثوم ائدور افغان گوزیاشینی رخساره دوزور چون در مرجان سسلندی باجی سن که ائدورسن بئله شیون بوخورداجا اطفالی نجه ساکت ائدوم من عرض ایلدی بیر نسگله یانام بودی مطلب بوشیونه باعثدی رقیه‌م باجی زینب گوردوم دولانور منزل ویرانی گئچن شب سسلوردی بابا سوزلرینه من قولاق آسدیم دوردوم یوزین اوپدیم گتوروب باغریما باسدیم آلدیم یانیما گوزیاشینی سیلدیم یوزیندن آندورمادی دردین منه بیرکلمه سوزیندن اشگین گینه گوردوم توکوری لیک گوزوندن آزآغلا دئدیم بس نیه بوحاله قالوبسان یات راحت اول علن ندی گل تک سارالوبسان وار سرّی دئدی اشکیله دولموش گوزوم عمه بنزرسارالان بیرگله سولموش یوزوم عمه وئر گوش منه واردی اورکده سوزوم عمه آهسته دیوم بیلمیه بیرکس ئوزون سن گلمور یوخی آخر گوزیمه عمه آجام من بونسگللی دوشدی یادیماناله‌م اوجالدی گئتدی ئوزی دللرده غم افزا آدی قالدی گلسون بوجهانه ائله قیز امر محالدی دردین دئمسین محنت وغم یولداشی اولسون شیرین دل،ادبلی،ئوزینون اوچ یاشی اولسون ای مخزن عصمتده ایشیقلی در وگوهر وی کرب وبلاشاهینه بیر سویگولی دختر ای باب الحوائج آدی ای خواهر اکبر بو(احمدیان)سائلی سالمانظروندن ایستور صله گوزیاشلی خانیم عمه لروندن

( مرحوم استاد سلیم_موذن زاده)

نوحه یا حسین با اجرای گروه سرود بچه های آباده (این جامه سیاه فلک در عزای کیست) - به صورت سینه زنی سه ضرب این جامه سیاه فلک در عزای کیست؟ وین جیب چاک گشته صبح در ماتم کیست؟ یا حسین، یا حسین، یا حسین، یا حسین یا حسین، یا حسین، یا حسین، یا حسین این همه ناله و شیون از بهر چیست؟ این همه نوحه و ماتم از بهر کیست؟ این همه غوغا، تنها برای پیر خمین است این همه ماتم اندر عزای نور حسین است یا حسین، یا حسین، یا حسین، یا حسین یا حسین، یا حسین، یا حسین، یا حسین این جوی خون که از مژه خلق جاری است زاندوه دل گداز و غم جان گزای کیست؟ این همه ناله و شیون از بهر چیست؟ این همه نوحه و ماتم از بهر کیست؟ این همه غوغا تنها برای پیر خمین است این همه ماتم اندر عزای نور حسین است یا حسین، یا حسین، یا حسین، یا حسین یا حسین، یا حسین، یا حسین، یا حسین

‍ ‍ راه شام مرحوم حسین شانی ساخلا ناقه‌می کاروانیدن واردی بیر قالان گیتمه ساربان گرتاپولماسا سویگلی بالام گیتمرم دایان گیتمه ساربان آخر وداعنده قارداشیم تاپشوروب منه بیربیر عترتین ایتمرم فراموش اؤلونجه من قارداشیم حسینون وصیّتین شه اوزی بولوردی یقین همین شاهزاده‌نین بیله ساعتین ناقه‌دن ییخار ساربان قالور چولده باغْریقان گیتمه ساربان چُوخدی گرچه اوز اهل‌بیتنه اُول شه رَؤفون محبّتی وارخصوص بو نازنینله شاه بی‌کسون اوزگه اُلفتی نیزه‌ده یارالی باشی دوروب گیتموری او اُلفتدی علّتی گیتمز اوز بالاسی تاپولماسا حَشره‌دین اینان گیتمه ساربان گورموسن نجه سوز آهله کلِّ عالمی یاندیرور یاخور نیزه‌ده آچورقان دولان گوزون متّصل گَلن یولّارا باخور توز کُوله بَلَشمیش جمالینه اشگ دیده‌سی دمبدم آخور من دؤزنمرم ایتسه قارداشیم گوز یاشین روان گیتمه ساربان نیزه اوسته حسرتله صاق صولا قانلو گوزلرین هی دولاندیرور اوز بالاسینون چولده قالماقین سیزه‌لره او رَمزیله آندیرور گر دایانماساز سیز اوباش دورار اهل کاروانی دایاندیرور سانما بیر کسیک باشدی نیزه‌ده بولمه ناتوان گیتمه ساربان کیم بولور اونون اقتدارینی هر باخان گورور بیر یارالی باش چوخ چالیشمیون بیجهت قویون من ایدیم سیزه ماجرانی فاش ویرمیون عَبث نیزیه تکان ایتمیون عبث کوشش و تلاش نه گیدر او باش نه قویار اولا کاروان روان گیتمه ساربان بولمورم ییخوب ایمدی ساربان یا یئره دوشوب ناقه‌دن گیجه گرگیجه دوشوب بوگیچن گیجه صبحه‌دین بالام صبح ایدوب نجه تیز گیدون اونی آختارون تاپون سرعت ایلیون قویمیون گیجه چوخ یوبانسا قورخوم بودور ویره چوللّر ایچره جان گیتمه ساربان گر آلام اَله قانلو زلفومی کلّ عالمی زایل ایلرم اشگیله بو صحرانی ایسلادوب کاروانی پا بَر گِل ایلرم کاروانی لنگ ایلیوب سیزه گیتماق امرینی مشکل ایلرم بیر قدم قدمدن گوتورمسون ناقه ساربان گیتمه ساربان گرچه بو بالا قید عشقله تار زلف اکبرده بسته‌دور لیک قالمیوب مَشیَه طاقتی یول گلوبدی یورقوندی خسته‌دور ناله‌سی گلور هی قولاقیمه صبریمی آلور دلشکسته‌‌دور گه بابا بابا سسلنور گهی عمّه عمّه جان گیتمه ساربان بو یتیمه قیزلار آرا بونون ناله‌سینده وار اوزگه اختصاص نالیه گلنده سبب اودور حالینه یانار جمله عام و خاصّ رنج و زحمت تازیانه‌دن ایستیوب اونی ایلسون خلاص ناقه‌دن ییخوب ساربان یئره وار بیله گمان گیتمه ساربان داغلانوب دل داغداریمیز اودلانان زمان خیمگاهیمیز یوخدی گیتماقا اختیاریمز گیتمسه اگر شاهِ راهمیز قالمیوب داخی غمگسارمیز نیزه‌ده او باشدور پناهیمیز تا دوروب او باش بیزده‌ بوچولی ایلروخ مکان گیتمه ساربان من فدا او باشون وفاسینه گور وفا یولون گوزلر آشکار بیر سپاهی لنگ ایلیوب دوروب اؤز بالاسینی گوزلر آشکار بنزمور عبث نوک نیزه‌ده منتظر گوزه گوزلر آشکار گورمیوب بیله مهربان آتا دیدۀ جهان گیتمه ساربان

ساخلا_ناقه_می_کاروانیدن مرحوم استاد سلیم_موذن زاده اردبیلی

راه شام زبانحال حضرت رقیه سلام الله علیها کوفیان گور نجه یاندردی منی ناقه دن یخدی اوتاندیردی منی بی بی زینب منه رحم ایله دایان کاروان گئتدی آدامسیز قالدیم عمّه من چرخ حیا اولدوزیام خاندانِ علوینون دوزویام هامیدان یاخچی تانورسان منی سن آتامون من دیلی شیرین قیزیام بی بی زینب ... بو فنا دهره کی گلدیم آنادان منی نازیله یاراتدی یارادان سیرِ اقبالیمی دؤندردی فَلَک خوش گونوم گئتدی تماماً آرادان چرخِ دون سالدی بلایه باشیمی آتا قارداش منیم آتدی داشیمی صود امر جیرانیما دلخوشودوم اوچیلار اوخلادی غم یولداشیمی سندروب چرخ دنی شهپریمی حبس ائدوب دیلده شیرین سوزلریمی باخورام قورخولی صحرایه مَلول توکورم دامَنَه اشکِ تریمی عمّه سن مندن اوزاق یاتمازیدون درد و غم یولداشیوی آتامزیدون ئولمَسِیدی منیم اللرده آتام سن بو تئزلیکده منی آتمازیدون سنه قربان بئله تک قویما منی قورخورام اینجیده بو قوم دنی یول قرانلوق من ئوزوم خردا اوشاق یورقونام ساخلا گئدن قافله نی شمر الیندن یایاقیم یارَه لَنوب تشنه لیکدن دوداقیم پارَه لَنوب ایستورم قافلیه ساری قاچام یره گلمور ایاقیم یارَه لَنوب سینه ده تنگه دوشوبدور نفسیم بو فنا عالم اولوبدور قفسیم بیر دایان قوللاریوی بوینوما سال واردی آغوشیوه دلدن هوسیم آز قالور قلبیمی غم تیری بُوله بیر ترحُّم ائله بو خسته دله منی چوللرده قویوب گئتسون اگر ایلَرَم جدّیمه محشرده گله غصّه دن ساغر صبریم جالانوب تللریم گرد و غباره بویانوب سسلورم هر کیمی من یوخدی جواب اوره گیم لاله مثل پارچالانوب عمر شیرینه چاتوب دستِ عدم آتورام صحنۀ مُحنتده قدم غرق دردم نه دوا وار نه طبیب نیلیوم بس بو چوله نابَلَدم بختی قاره اوشاقام خونجگرَم برگ گل تک غم الینده اَسَرَم یتشون دادیمه اللهه گوره یوخدی الدن دوتانیم دربدَرَم ✍سیفی اردبیلی

🍁احوالات راه شام 🍁کوفیان گورنجه یاندردی منی 🎤 استادحاج سلیم موذن زاده اردبیلی ✍شعراز:استادسیفی

نوحه ارتحال امام خمینی ره سبک: بزم عزاده گیمیشم... 🏴🏴🏴🏴🏴🏴🏴🏴 رحلت ائدیب روح خدا (آه و واویلا (۲)) ایران اولوب ماتم سرا (آه و واویلا (۲)) ای یار مظلومان - بوش قالدی جماران (۲) 🏴🏴🏴🏴 عالم سنه ایلر فغان - ای خمینی جان هجرونده اولدوخ باغری قان - ای خمینی جان زهرایه گیتدون میهمان - ای خمینی جان اولدون نه تئز بیزدن جدا (آه و واویلا (۲)) ای یار مظلومان - بوش قالدی جماران (۲) 🏴🏴🏴🏴 ای سالک کوی وفا - شاد اولا روحون ئوز دینووی ائتدون ادا - شاد اولا روحون ویردون بو اسلامه صفا - شاد اولا روحون ای اسوه مهر و وفا (آه و واویلا (۲)) ای یار مظلومان - بوش قالدی جماران (۲) 🏴🏴🏴🏴 بیر گونده سولدی گلشن - کربلا یکسر اولدی قتیل اشقیا - شبه پیغمبر دوشدی طراوتدن همان - گون علی اصغر یاندی دل خیرالنساء (آه و واویلا (۲)) ای یار مظلومان - بوش قالدی جماران (۲) 🏴🏴🏴🏴 دوتدی علی اصغر قانین - شاه مظلومان ائتدی حسین اول قانیلن - صورتین الوان سپدی همان قانی گویه - با دل سوزان عرض ائتدی یا رب ویر جزا (آه و واویلا (۲)) ای یار مظلومان - بوش قالدی جماران (۲) 🏴🏴🏴🏴🏴🏴🏴🏴