نوحه و روضه ترکی ویژه اربعین و محرم نجه دوزوم دایانوم گلمیوم فغانه نجه حسین تشنه لبین اربعیندوربوگجه سحرآچیلسانوائیله نینوادولاجاق قیامت عالمی عالمده آشکاراولاجاق نوایه نی کیمی سکان آسمان گله جاق اوقبرپاکه نچه دسته کاروان گله جاق حسین دیه دیه گوزیاشلی شام اسیرلری زیارته گله جاق شمردستگیرلری رباب اصغره لای لای دیه دیه گله جاق یواش یواش بالام ایوای دیه دیه گله جاق عروس اودسالاجاق حسرتیله ایجاده فغانیله گله جاق اربعینه داماده شرارحسرتیله لیلی سینه داغلیه جاق علی اکبره پایین پاده آغلیه جاق بیوک لرآغلیه جاق خیرداقبریده یاتانا لب فراتیده لب تشنه قانینه یاتانا باتوب فغانیله کلثوم تازه بیریاسه سرشگیله سپه جاق سومزارعباسه خدابولرنه حاله علی قیزی قالاجاق اوزون نجه اوگوزل مدفن اوستینه سالاجاق دلینده ناله الینده حسین پیرهنی نه نوعی اوخشیه جاق اوشاه ممتحنی یوزونده گوزیاشینی قطره قطره سان ویره جاق کبوداولان بدنین قارداشانشان ویره جاق دویونجه آغلیه جاق گوزیاشین روان ایده جاق رقیه حالینی قارداشینابیان ایده جاق حسینینه دیه جاق تیکمه چوخ گوزوی یولا خرابه ده بالام ئولدی سنون باشون صاق اولا اونون اوحالینه تاوارجهان جهان یاناجاق ولی عصرین اولوب اشگ چشمی قان یاناجاق مجسم ایلیه جاق ((نجمی))حالین آغلیه جاق رقیه وای دیه جاق غمله سینه داغلیه جاق شاعر : نجمی لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

بهترین متن مداحی ترکی اربعین حسینی بوگون قرخ گوندی زینب سینه داغلار غریب قاداشینه چوللرده اغلار بوگون قرخ گوندی باد ظلم اسوبدی عدو هم باش کسوب هم ال کسوبدی بوگون قرخ گوندی باغ دین صولوبدی او قانلی گوزلره تپراق دولوبدی بوگون قرخ گوندی لیلا دربه دردی رباب اوز اصغرینن بی خبردی بوگون قرخ گوندی سرگرداندی زینب حسیندن ایرلوب نالاندی زینب بوگون قرخ گوندی اعدا کام الوبلار ابولفضلین قولون تندن سالوبلار بوگون قرخ گوندی زهرا ساخلیوب یاس کنار نهریده باشسیزدی عباس بوگون قرخ گوندی قان یرده قالوبدی حسینون باشی اللرده قالوبدی بوگون بیر گوندی گلمیش جان نوایه گلور زینب دوباره کربلایه بو گون بیر گوندی عالم تار اولوبدی باجی قارداشینه زوار اولوبدی گلور زینب الینده قانلی سوغات دیوردور یا حسین گی کوینگون یات گلور زینب وصال عشقی جاندا ولی نازلی رقیه یوخ یاننیندا گلور زینب قوناق شاه حجازه حسین اما دورانمور پیشوازه گلور زینب توکور دامانه قان یاش دیوردور گوزلرون قربانی قارداش گلور زینب ویرا تل اوسته پرچم اسه پرچم دوتا عباسه ماتم لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

زبانحال حضرت زینب کبری (سلام الله) در روز اربعین یتوشدی کرببلا ایچره شام قافله سی امام قبرینه گلدی امام قافله سی امام دوردی قباقدا سلام عام ایلدی کچاوه دن توکولوب اهلبیت سلام ایلدی یخلدی زینب کبری او قبر پاک استه مداد اشکیله صورت چکوبدی خاک استه آچوبدی چکنینی قمچی یرین نشان ویردی دیدی بیر ایلدی برادر منیم ایشیم بیله دی بو وضع حالیمی من سندن اوزگیه دیمرم چمنده چوخ گلیله بلبلین سوزی گله دی بدن یانوب خبر السان اولوب بنفشه کیمی گوزوم یاشین خبرین دوتما چشمه تک ایلدی اغور سلسله سجادیوین ایاقندا همین بو قرمزی چکمه نشان سلسله دی منیم باشیم اغاروب اولدی تار سنبل تک گورنده قانلی باشین سنگسار سنگله دی رقیه نی خبر السان اولوب خرایه مزار دیدیم گیداق دیدی عمه ایاقیم ابله دور اوقیز اوزون باشین استه سالوب دیدی الورم دانشمادون اونیله سنده بو نه حوصله دی ویروبدی جان قولی باغلی منیم قوجاقیمده اوزی گلنمدی مندن سنه سلام ایلدی یزید ایوی اولا گوگلوم کیمی منیم ویران پیمبرین ایوینی ظلم الی خراب ایلدی الوبدی قوم و قبیلم نجه گیدیم وطنه منیم مدینه ده فخریم قبیله مه ایلدی دوشوبدی گوگلیوه کرب وبلا سنین(واقف) اگر نصیب اولا کرب و بلا بل صله دی شاعر : مرحوم واقف سرابی لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

درد دل عاشقان حضرت اباعبدالله الحسین آرزوی کربلا گريز به اربعين (سبک : منتظرت بودم...) عشقوه یا ثارالله منده گرفتارم فخر یله درگاهونده نوکر دربارم واردی اورکده دردیم  ایله نظر مولا دربدر و مفلوکم زارم   و بیمارم عشقونده منم غمکش  و  آواره  و حیران گورسم او گوزل قبروی راحت ویررم جان ایله منی  دعوت   -  شش گوشه مزاره قویما آخا اشکیم -  حسرتله  عذاره یا ابی عبدالله (۴ ) کرب و بلا اولدوم من عشقووه  دیوانه یوخ داخی طاقت منده بیر بیله هجرانه یاده دوشنده یانام  مرقد شش گوشه آند اولا یتمیش ایکی قانینه  غلطانه عشقونده منم  غمکش  و  آواره  و حیران گورسم او  گوزل قبروی راحت ویررم جان ایله منی دعوت   -  شش گوشه  مزاره قویما آخا اشکیم    -  حسرتله  عذاره یا ابی عبدالله (۴ ) اربعین اولدی ماتم سینه لری دلدی کرب و بلایه زینب  زار  و حزین گلدی یدی قدم قالاندا دوشدی یوزی اوسته سالدی اوزین قبر اوسته خاطری دینجلدی سسلندی حسین گوزلرون  آچ  زار و  ملولم گورسون تانمازسان باجووی دخت بتولم هانسی غمی  قارداش -  اول  ایلیوم فاش سس ویربوحزینه -  آی غم گونی یولداش یا ابی عبدالله (۴ ) اهل  و  عیالون  گلدی سالم و غمدیده منده سنه زوارم حزین و دلخسته ئولدی رقیون قالدی شامیده آی قارداش ایتدی بو غمده سندن زینبی شرمنده سالدی بالانون ئولمگی شاماتیده طوفان قالدی او بالا کاخ یزیدی ایده ویران خیردا  گوزی سوزدی -  اولدوز کیمی  باتدی باشون  قوجاقیندا  - آمالینه  چاتدی یا ابی عبدالله (۴ ) ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

اربعین سبک‌ #اصغریم ای شیرین زبانیم بهزاد قاسمی السّلام ای نگار عشقیم ای منیم بی کفن حسینیم دور سنه گلستان غمده یاس دوتوب یاسمن حسینیم باش آچوب قیزلارون قیامت ائلیور قبرووی زینبون زیارت ائلیور پریشانم ، پریشانم منه سس وئر حسینجانم یاندیرور آلتی گوشه قبرون قلبیمی اوت مثالی قارداش سسلورم قبریوه باخاندا لای لای ای کربلالی قارداش لایلای ای باشیمی اوجالدان یارالی لایلای ای زینبی قوجالدان یارالی پریشانم ، پریشانم منه سس وئر حسینجانم گلشن عشقیوه الیمده غملی شب بو گتیرمیشم من قبریده تشنه یاتما قارداش دور سنه سو گتیرمیشم من لبلرون ایندیده عطشدن اوتلانور تشنه سن دور سو ائچ دوداقلارون یانور پریشانم ، پریشانم منه سس وئر حسینجانم یول یوروبدور منی حسینیم یوخ توانیم بدنده قارداش زینبون بیر حالا قالیبدور تیتریور یل اسنده قارداش نیلییم دردون منی بیمار ائلیوب غملرون گوزلریمی خونبار ائلیوب پریشانم ، پریشانم منه سس وئر حسینجانم آتش آهیوی آلیشدیر سینۀ آسمانی داغلا ایپ کسن قوللاریمدا قارداش قمچیلر ردّینه باخ آغلا یاره لی زینبون فدا گوزلریوه باخ منه قربان دلربا گوزلریوه پریشانم ، پریشانم منه سس وئر حسینجانم حیف اولا بوصفالی قبری گورمدی مهربان رقیّه تک قویوب بینوا ربابی شامیده وئردی جان رقیّه آدینی لوح سینمه یازدیم حسین قبرینی نصف شب اوزوم قازدیم حسین پریشانم ، پریشانم منه سس وئر حسینجانم ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

مداحی پر مفهوم ترکی برای اربعین دور شامدن پابوسوه گلدیم اویان قارداش خوشگلدین ائت مهمانوم ای غسلی قان قارداش گلچین اولوب گل درمگه گلزاریوه گلدوم قرخ منزلی عشقون چکوب دیداریوه گلدوم شاهنشه دین سن حسین درباریوه گلدوم بیر دربدر زواریوم شاه جهان قارداش دور یدی قارداش باجیسین سن پیشواز ایله دغلار گورن زینبله بیر راز و نیاز ایله شام اهلی خوار ایتدی منی سن سرفراز ایله من بی‌نوا سن ناتوان ای باغریقان قارداش نعشون قویوب گیتدوم اودور حالیم سوروشمورسان؟ قهر اولموسان مندن اوگون گویا باریشمورسان بجدل کسن ال هاردادور منلن گورورشمورسان مجبور ایدوب نیلوم منی شمر و سنا قارداش اولمز باجون یولاردا چوخ چکمیش حسین آزار گتدیم یتیم قیزلاریوی اولسون ئوزون دلدار بو کاروان بو سن بو من ای قافله سالار منله گلوب گورماقوه گور کاروان قارداش شام ایچره شام اولدی منیم گور گوندوزوم قارداش سندن صورا هر صبح و شام آغلار گوزوم قارداش بختیم قرا معجر قرار چوخدور سوزوم قارداش ویرانه‌ده چوخ ایتمیشم آه و فغان قارداش زینب نقابندن حسین سن سؤیلوسن یا من قولدا طنابندن حسین سن سؤیلوسن یا من شامون عذابندن حسین سن سؤیلوسن یا من بی حد شماتت چکمشم من ناتوان قارداش چرخ فلک آخر منی چولدن چوله سالدی ایتدی خجالت زینبی آرامیمی الدی گلدی سلامت اهلبیت اما قزون قالدی شرمنده‌ام عفو ایتگلن ای جسم و جان قارداش من بیر امانتداریدوم قان قلبمه دولدی یتدی خزان گلزاریمه غنچه گلوم سولدی سن استین نسگللی قیز ویرانه‌دی اولدی ئوز کونگین ایتدوم کفر یاندون امان قارداش قالدی رقیم شامده گورماقوه گلمز دنیا نقدری وار حسین بیرده یوزوم گولمز آدی کفندار آدلانان زینب ندن ئولمز دور گورنجه قدیم اولموش کمان قارداش عزت سپهرنده منیم بخت اولدوزم باتدی چخماز یادیمدان حرمله وجداننی ساتدی اوخلی بوغازیله حسین اصغر نجه یاتدی؟ عباس و اکبر حالنی ایله بیان قارداش یاز «نادری» ای شاه دین غمخواریوه قربان زینب کیمی یول یورقونی زواریوه قربان شاها ملائک پاسبان درباریوه قربان اولماز سنه زینب کیمی بیرنوحه خوان قارداش شاعر : مرحوم قدرت اله نادری ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

نوحه اربعین(به سبک ای نور عینیم منزل مبارک...) «««««»»»»»» قیرخ گوندو زینب ،گورمور حسینین آلمور صداسین ،اول نور عینین ایندی گلیبدور، دیداره زینب ایندی ......... ««««««»»»»»» دور یا حسین جان، چیخ پیشوازه باخ زینبوندا ،سوز و گدازه وار أوره گینده ،چوخ یاره زینب ایندی گلیبدور، دیداره زینب ««««»»»»»»» امر ایله عباس، چیخسین قاباقه زینب یاپیشسین، انسین آشاقه ائتسین شکایت، سرداره زینب ایندی گلیبدور،دیداره زینب «««««««»»»» اکبرله قاسم،دوتسون قولوننان یورقوندو زینب،شامین یولوننان قرخ گوندو اولموش،آواره زینب ایندی گلیبدور،دیداره زینب «««««««»»»»» قرخ گونده زینب،قرخ ایل قوجالدی قددی خم اولدو،شأنی اوجالدی شهرت تاپیبدی،ایثاره زینب ایندی گلیبدور،دیداره زینب «««««««»»»»» وار صورتینده،غمدن نشانه هم جای سیلی،هم تازیانه دردین گئتیرسین،گفتاره زینب ایندی گلیبدور،دیداره زینب ««««««»»»»»» نقل ائتسین ایندی هانسی غمین نن؟ شامین یولوننان شمرون الین نن؟ بو درده تاپمور هئچ چاره زینب ایندی گلیبدور دیداره زینب «««««»»»»»» قالدی رقیه ،ویرانه شامدا زینب قان آقلار، یاده سالاندا گل سیز گلیبدور گلزاره زینب ایندی گلیبدور دیداره زینب ««««««»»»»» شعر از حسین مهدیون ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

شعرترکی درفراق مادر اوکه اورکتدی محبت منه یادان چیخماز او که آلدی باشیمی دامنه یادان چیخماز اوکه گوزدن سوئریب گلشنه یادان چیخماز او که جان وقف الیبدور سنه یادا ن چیخماز ئو زگه یا دّان چیخار اما نَنه یادّان چیخماز ----------- بوینو موزدا نه نه نین حقی وار الله بو یورور اوزی آج قالسادادلیندینی صوددن دویو رور سن یخیلسان یئره او با شینه تو پراق سوورور دوداقین سن  که بو زورسن  او داقین قوورور بالادردیله گلر شیو نه یادّان چیخماز ---------- باشلاراوسته علم عاطفه گستر نه نه دی او که گو ز یا شیله سالدی سنه بستر نه نه دی مظطر او سان داریخوب حالتی مضطر نه نه دی او که او لادینی جان مثلی چو خ ایستر نه نه دی نه نه مالکدی بو جان و تنه یادّان چیخماز -------------- گوزله فرهنگ فرنگی لره آللانمو یاسان ائولنندن سورا حقین نه نه وون دانمو یاسان تیزسینار  قلبی اونو ن گوزله آجیقلانمویا سان حالینا یان که جهنم او تو نا یا نو یا سان سنی غمدن او چکو ب ایمنه یادّان چیخماز ---------- کعبه نی قبله بولن معتکف دیراولماز سیر ایله عالم اخلاصی بئله سیراولماز کیمه حق دم وئر ه محتاج دم غیراولماز نَنه یه اوف دئیه نین عاقبتی خیر اولماز نَنه محرمدی حق ذو المنه یادّا ن چیخماز ------------- ای حسینچی سنه درس اور گئدیب الله رسول والدینین الین اوپ فیض کمال ایله حصول ننه نین گو گلونی آ ل ایلمه راءیندن عدول قوی اورکدن سنه بیردفعه دئسون احسن اوغول ذکر اول احسنی مین احسنه یادّان  چیخماز -------------- ننه نعمتدی  مبادا اونی گوزدن آتاسان قوجالاندا الینی دوت که مراده چاتاسان شیعه لیق غیرتی قویماز بوگناهه باتاسان سالمندانه  آتورسان گجه راحت یاتاسان ایتمه تبدیل اورگون آهنه یادان چیخماز شاعر✍استاد کلامی زنجانی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

مهربان ننه (ماجرای جوانی که مادرش را در بیابان رها کرد تا طعمه درندگان شود) ائدوبدی ربّ جهان لطف بی کران ننیه وئروب محبتی خلاق لامکان ننیه ئوزون سالار اوتا اوتدان بالالارین قوتارا بالا داریخسا اگر،تنگ اولار جهان ننیه ننه قوجالدیقیجان فخر ائدر اوشاق اوجالور اوشاق چاتاندا بهاره یِتر خزان ننیه آتائیله آنا بیر مهربان فرشته دیلر محبت ایلهآتائیله مهربان ننیه نقدری وار نفسون خدمت ایله زندگیده او پهلوان آتائیلان بو قهرمان ننیه اماندی قلبینی سیندیرما بو فرشته لرین همیشه خدمت ائله غملری نهان ننیه زمان حضرت موسی یازولا بیر غافل خیانت ایلدی بیر چشمی خونفشان ننیه گوروب آناسی قوجالمیش ولی اجل گلمور دئدی ئوزوم ائدرم چاره بی گمان،ننیه آلوب دالیما آپارّام گجه بیابانه کچوبدی سِنّی نه لازم بو دودمان ننیه بو فکریلن باشا وئردی او گون غرض گونونی گجه زمانی ائدوب نقشه سین بیان ننیه آلوب دالینا آپاردی اونی بیابانه درنده لر ائده لر حمله باغریقان ننیه ننه نی قویدی او چولده دئدی خلاص اولدوم او بی وفا بالا هئچ وئرمدی امان ننیه دیولّه حضرت موسایه سس گلوب او زمان فلان مکانیده گت قیل نظر همان ننیه گلوبدی حضرت موسی توکوبدی گوزیاشین باخاندا دقتیلن قامتی کمان ننیه گوروبدی اللرینی قوزیوب دیور یارب ئوزون عنایت ائله سینه سی یانان ننیه بالامی منزله سالم یتیر کریم آلله اونی سلامت ائله ویر ولی زیان ننیه باشینّان آز اولا گر بیر توکی ائویم یخیلار ترحّم ایله بو گوزیاشلاری روان ننیه منیم که گوزلییَنیم یوخ اونون ولی واردی بلادن حفظ ائله رحم ایله ناگران ننیه بلی اوشاقدا آنادن دویا، آنا دویماز اماندی حرمت ائله دائم ای جوان ننیه شاعر: علیوی ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

اوخشاما دیمادیم سوزلروندن.....شیرین شیرین سوزلروندن بیلسیدیم آیرلارسان.....اوپردیم گوزلروندن **** قِزیل گُلی دررم.....قبرون اوسته سَررم هر جُمعه نون آخشامی.....قبرون اوسته گَلرم **** قِیزل گُل دَندَن اولدی......دَرمدوق دَندَن اُولدی بِیز سنن آیرلمازدوق......آیرلوق سنن اُولدی * آخشامالار آی آخشاملار......چراغ یانالار آخشاملار ائولی گیدر ائوینه......ننه سی ئولن بالا آغلار آخشاملار * این چندتا اوخشاما برای پدر،مادر،فرزند میتوان استفاده کرد ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

خوشدور قارداش باجینی قبرینه تاپشرسا اگر سخت گیچن گونلرینی فکرو خیالیندن آتار دینجلر روحی بیر آز، قبریده آسوده یاتار 🍁 حالیمه داشلار آغلار. (ای ) یارالی باشلار آغلار. ( ای) باجی ئولنده اما اونا قارداشلار آغلار 🍁 الدن علاجیم گیتدی. ( ای) عزتلی باجیم گیتدی. (ای) فلک آمان الیندن مهربان باجیم گیتدی ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

پندیات ترکی برای مجالس ترحیم ☑️ در فراق فرزند سبک :: آخشام اولدی ننه سیف الله آذری آخشام اولدی بالا ( اوغول ) قلبیم دولدی بالا گولوم صولدی بالا روحیم چخیلدی قلبیم سخیلدی سن قبره گئتدون ائویم یخیلدی دردیم چوخدی بالا دل ناخوشدی بالا یرون بوشدی بالا صولدون سارالدون آرامیم آلدون تک قویدون منی بس هاردا قالدون طایفام ائلیم بالا شیرین دلیم بالا سئندی بئلیم بالا یاسون ساخلارام سینه داغلارام یرون بوش گوروب یانّام آغلارام عکسیوی بَزَرَم گوللری دوزَرَم الیمده گَزَرَم ساخلارام اونی ئورک باشیندا سالارم عکسون گوزوم یاشیندا ئورگیم دایاغی ایمیزون چراغی آغیر اولان داغی آیریلیق اودی دوشوب جانیما آتما داشیمی بیر گَل یانیما ☑️ برای روز هفتم عزا یدّون اولدی بالا رنگیم صولدی بالا ئورک دولدی بالا عزیزلریوی گوزدن آتوبسان توپراقلار آلتدا تنها یاتوبسان ☑️ برای چهلم عزا قرخون اولدی بالا رنگیم صولدی بالا ئورک دولدی بالا عزیزلریوی گوزدن آتوبسان توپراقلار آلتدا تنها یاتوبسان لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨