🍂  زبانحال زینب(س) در اربعین   🍂 قارداش بوگوزل قبرووه جانیم اولا قربان یورقون باجووام کرب و بلاده سنه مهمان زوار مزارون یتیشوب قبرووه خسته به به  نه گوزل ائتدون عمل امر السته اکبر ایاقون آلتدادی اصغر سینون اوسته مه پاره لرین آدی او گون سنله یازیلدی بو گورملی قبرون اودی ششگوشه قازیلدی هر قوش آنام اوغلی قفسیندن اولا آزاد واضحدی بو اول ائدر ئوز گلشنینی یاد بو قزلارادا سیر زمانه ائدوب امداد اما بولارون بال وپری اولدی شکسته یورقون یخیلوبلار بو گوزل قبروون اوسته آزاد اولوب هر چند باجون قید رسندن بیر حسرتی وار قلبیده سن یاخشی بیلورسن اولموبدی میسر سنه غم بزمی قورام من سن ایله دعا زینبووی یورماسین الله یثربده سنون یاسووی قوررام ئوزوم ای شاه دیداریمیزی سالدی زمانه گئجه گلدیم هم گوندوزی عشقونله حسین هم گجه گلدیم آلچاق اوجا یولاری سوروشما نجه گلدیم آغلاردی بو چوللرده منیم حالیمه داغ داش دیندیر باجووی باغریمی قان ایلمه قارداش سن دئ آنام اوغلی منه بو کرب وبلادن منده دییرم کوفه و شامات و جفادن شمشیری یخان قانی دئ سن ،منده حیادن گوستر منه سن سینه ده کی داغ جوانی من گوستررم آغ ساچیلان ،قد کمانی قورتاردی حسین عترتووه قید اسارت قارداش یتیشوب موسم تحویل امانت هئچ کیمسه گوروم اولماسون عالمده خجالت اسگیک بالالاروننان حسین بیرقزون اولدی ویرانه ده یعنی او آخان اولدوزون اولدی ویرانه نی مسکن ائلدی قالدی رقیون شام ایچره نجه ولوله گور سالدی رقیون گوشواره وئروب خورداجا قبر آلدی رقیون فکر ائتمه اونی تک قویارام شامیده قارداش شیرین دیلووه آخر اولار عمه سی یولداش ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

نچه ایلدی قاپوندا حسین جان،نوا ائدورم      سنون آدونلا ئورک دردینه دوا ائدورم   صفالی هیئتوین ازلیندن آخرینه      حسین حسینیله بوبزمی باصفاائدورم ننم ائله بویودوب ذکر یاحسینیله      اوشاقلیقمدان ائله ذکر کربلا ائدورم   باشیم ائله قیزیشور موسم وصالونده  که عشق وعقل یئرین گاهی جابجا ائدورم نه یاخشی بو یولا گلدیم نام جاودان تاپدیم   حسینچی اولماقیما تانریمی دعا ائدورم دوشنده یادیمه سقافراتی چخدی سوسوز    ایچنده سو اوتانیب نفسیدن حیا ائدورم مین ایلدن آرتیق اولاربیرنفر تاپانمامیشام    که هرنه وار دییه قارداش سنه فدا ائدورم ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

#یامهدی #گریز_به_اربعین گُل آچدِی سُولدِی فَصلِ خَزان گَلدِی گَلمَدُون شَعباندا قُورتارُوب رَمضان گَلدِی گَلمَدُون قالدِی صَباح و شام گُوزُوم آسِتانَه دَه پابُوسِیوَه دُوداقِیمَه جان گَلدِی گَلمَدُون عَجّل عَلی ظُهورکَ یا صاحَب الزَمان اَحبابَه وِرد ذِکرِ زَبان گَلدِی گَلمَدُون یابنَ الحَسَن یُولُوندا قالُوب گُوزلَرِیم آقا تارِیک اوُلوب زََمانَه زَمان گَلدِی گَلمَدُون اَلغُوث یابنَ العَسکَری اَدرِکَنِی العَجَل گُوزیاشِیمِه قارِیشماقا قان گَلدِی گَلمَدُون دُنیا دُولُوبدِی فِتنَه و فِسقِ و فَسادِیلَه فُسّاق اَلیندَه تَنگه جَهان گَلدِی گَلمَدُون قالدِی حُسین قَراسِی اَگِینلَردَه صُبح و شام مِینلَر مُحرّم آه و فَغان گَلدِی گَلمَدُون هِی جَدّون اَربَعِینِنَه باغِ بِهِشتِیدَن بِیر قانِلی کُویَنکَ اَلدَه آنان گَلدِی گَلمَدُون مِینلََر مُحرّم اوُلدِی صَفَر گَلدِی شامِیدَن زِینَب حُسینَه مَرثِیَه خوان گَلدِی گَلمَدُون عَرض اِیلدِی حُسین باجُون ئولسُون خَرابَه دَه گُلزارِیمَه سُمُومِ خَزان گَلدِی گَلمَدُون جان وِئردِی حَسرَتِیلَه رُقَیّم عُذارِیمَه خُونِ دِل اَشگِیمِیلَه رَوان گَلدِی گَلمَدُون قالدِی جَنازَه یِِردَه گَلَن باخدِی آغلادِی هِی ناسَزایَه پِیر و جَوان گَلدِی گَلمَدُون اوُز کُهنَه کُوینَگِین بالاوا اِیلدِیم کَفَن دِیدارَه شِمر گِئتدِی سَنان گَلدِی گَلمَدُون نازِلِی بالام غََریبَه مََزار اوُلدِی شامِیدَه وِیرانَه دَن باجُون نِگران گَلدِی گَلمَدُون هَر لُحظَه یا حُسین دِئمِیشَم گَلمِیُوب جَواب مِین جُور خِیالَه وَهم و گُمان گَلدِی گَلمَدُون وِئردِیم اَزَلکِی عَهدِیمِی پایانَه گَلمِیشَم صَبر اِئتِمِیشَم دُونُوب اوُرَگِیم قانَه گَلمَِیشَم هَر صُبح و شام شام کِیمی تار اوُلوب مَنَه شام اَهلِینُون شَماتَتِی دُشوار اوُلُوب مَنَه هَر ساعَتِیم بِیر اِیل گِچوب از بَس دارِیخمِشام هَر مَنزِلَه یِتِیشمِیشَم آزار اوُلُوب مَنَه مَن آغلیان زَماندا دََگُوب قَمچِی باشِیمَه شِمر و سَنان و خُولی جِلو دار اوُلُوب مَنَه قیرآن سَسُون تََسلّی وِئرُوب داغلی قََلبِیمَه باشُون جِدادَه مُونِس و غَمخوار اوُلُوب مَنَه مَن سالِکِ طَریقِ وَفایَم یُول آزمارام پِیرِیم هَمِیشَه قافِلَه سالار اوُلیوب مَنَه بازارِ شامَه وارِد اوُلاندا قَطارِی مِیز مََبهُوت و ماُت تاجِر و تُجّار اوُلُوب مَنَه بِش اِیلدَه شَهرِ کُوفَه دَه بازار گُورمَدِیم گُور شامِیدَه نَه فِتنَه لََر اِظهار اوُلُوب مَنَه بِیر نَحوِیلَه حِجابِیمِی حِفظ اِیلدِیم حُسین اَحسَن دِییَن گُروهِ تَبَه کَار اوُلُوب مَنَه اوُز دِینمُون مُبلّغی اوُلدُوم حِجابِیلَه آخِر یَزِید مََجلِسِی تالار اوُلُوب مَنَه نَصرانِی لَردَه عِصمَتِیمَه مَرحَبا دِئدِی حَتَی یَهُودی لَردَه طَرفدار اوُلوب مَنَه بِیر دَفعَه ضایِع اوُلدِی یَزِیدِین سِیاسَتِی دِل یارَه سِیلَه حَملَهء پِیکَار اوُلوب منه گه باشِوَه جَسارَت اِئدُوب گاهِی زِینَبَه حَمد اِیلَرَم خُدایَه اوُزی یار اوُلُوب مَنَه مََجلِسدَه آبرُوسِین آپاردِیم او کَافرِین مَعنادَه مُرتَضادَه مَدَد کَار اوُلوب مَنَه گر چِه گُناهِی چُوخ، اَلی بُوش دُور #کریمینون بِیر عُمر حَسرِتیلَه عَزادار اوُلوب مَنَه جُملَه گُناهِی بِیر یانا اَشعارِی بِیر یانا رُوزِ جَزادَه نُوکَرِیمی قُویمارام یانا گَلماق حِجازَه اوُلمادِی اِمکان رُقَیّمَه وِئردِیم دِیارِ شامِیدَه اِسکان رُقَیّمَه جان اوُستَه هِی باخُوب یُوزُومَه عَمّه جان دِئدِی هَر عَمّه جان دِئدُوقجا دِئدِیم جان رُقَیّمَه یاشِی آخا آخا گُوزُینُون آخدِی گُوزلَری زِین اِلعبادَ باشلادِی قُرآن رُقَیّمَه نَه دَفن و کَفنِینَه گَلَن اوُلدِی نَه یاسِینَه دُوتدُوم خُصوصِی شامِِ غَریبان رُقَیَمَه آهِستَه کُهنَه مَعجَرِینِی چَکَدِیم اوُستُونَه شام اَهلِی باخدِی اِیلَدِی اَفغان رُقَیَمَه هِئچ بُولمَدِیم نَه دَردِیلَه ئولدِی گُوزَل بالام دُکَتَر تاپُولمادِی اِئدَه دَرمان رُقَیّمَه هَر ساعَتِیم خَرابَه دَه بِیر اِیل گِچُوب حُسین دُشمَن دِمِشقِی اِیلدِی زِندان رُقَیّمَه نَه اوُچ دُوتُولدِی نَه شَبِ هَفت و نَه اَربَعین نَه عَرشَه خوان تاپُولدِی نَوا خوان رُقَیّمَه نِسگللّرِین خِیالَه سالُوب یاندِیم آغلادِیم گُوزیاشِیمِیلَه اِیلدِیم اِحسان رُقَیّمَه ئولسُون باجُون تَشکّرَه عاجِزدِی زِینَبُون گَلمِیشدُون آخرِین گِجَه مِهمان رُقَیّمَه قُویدُوم بِیر اوُچ یاشیندا نَمایندَه شامِیدَه اُولسُون مَزارِی عِبرتِ آیَندَه شامِیدَه اِلتِماس دُعای فَرَج #کریمی_مراغه_ائ ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

کربلا شهريست اي دل شهريارش زينب است اعتبارش از حسين و اقتدارش زينب است نام زينب با حسين حک گشته در ايوان دل دل که شد بيت الحسين نقش ونگارش زينب است شيعه دارد در دلش يکتا کتاب قيمتي ناشرش باشد حسين ، آموزگارش زينب است هرکه نازد بر کسي زينب بنازد بر حسين جان زهرا اين حسين دار و ندارش زينب است. ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

سولمیوب سولماز بو خاتونون محبّت گلشنی زلف حورادن بونون اگیننده وار پیراهنی چکمیون چوخدا گوزه استار بیت کعبه نی یازمیشام چوخداندی بیر سوز سینمون دیوارینه معجر زینب دیر مین کعبه نون استارینه ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

اربعین حاج داود بیدق داری (داور) یورولان مسافرم من ائله بیر نظر حسینیم بوغازوندا کی یاروندان منه وئر خبر حسینیم سنی قویموشام بو یرده او چتین زمان یارالی نجه شرح ائدیم بو غمده منه یوز وئرن ملالی منی کوفیان آپاردی قولی باغلی هم عزالی ائلیوبدی بو مصیبت منی خونجگر حسینیم سنی قتلگاهه سالدی منه ظلم ائدن جماعت بورودی دومان مثالی بو بلاکشِ مصیبت بالا قیزلاری ووراندا منی ئولدوروردی غیرت او زماندان آشنادور منه قمچی لر حسینیم دئسون ایندی قدّ زینب نیه چون کماندی قارداش دئیرم که درد هجران باجیوا گراندی قارداش اگر ائتمه سون عنایت ئولرم اماندی قارداش نظر اولماسا عزیزون نجه صبر ائدر حسینیم هارا گئتمیشم جداده باشون ائتدی رهنمایی یوزوین صفاسی وئردی منه نور کبریایی منه آرتروبدی عزّت او جلالت خدائی باجیوا عیان اولوبدور رخ دادگر حسینیم بو سفرده گر چه حقدن منه چوخ عنایت اولدی یولووی ادامه وئرمک باجیوا سعادت اولدی ولی شام و کوفه قارداش منیچون قیامت اولدی بو ایکی مکان ائدوبدور منی جان بسر حسینیم ائلیوب عدو جداده یارالی باشی نشانه ائلیوبله داشلارین تا باشووا طرف روانه بالاجا رقیّه دوندی منه باخدی یانه یانه منه ایندیده او باخماق ائلیر اثر حسینیم باشووی گتوردی دشمن بورونوب خرابه نوره یتشوبدی قانلی باشون او بلاکش صبوره همان اُول رقیه قارداش گَلَه بیلمدی حضوره سنه ئولمگیندن الان وئرورم خبر حسینیم

احوالات اربعین سیدالشهدا(ع) (سبک : شبانگاهان .....) آنام اوغلی دور اوزاق یولدان قیزلارون دیلده درد و غم گلدی گوز آچ قارداش باغریقان زینب قبروون اوسته قدی خم گلدی بیلورسن غمخواروم قارداش یورولمیش زوّاروم قارداش گیجه گوندوز بو یانان دیلده ای گل زهرا چوخ سوزوم قالدی غم هجره بسکه یاندیم من دیلده نه طاقت نه دوزوم قالدی هارا گیتدیم من گونی قاره کربلا دشتینده گوزوم قالدی قدم قویدوم هر یئره منلن غصه و ماتم همقدم گلدی بیلورسن غمخواروم قارداش یورولمیش زوّاروم قارداش حسین گلدیم ایلیم اعلان کوفه و شامون ماجراسینان سنه قارداش شرح ایدم بیر بیر دشمن قرآنون جفاسینان نلر چکدیم گوردی یوللاردا یاره لی باشون دل یاراسینان نقدری گور محنت دوران باشیمه سنسیز دمبدم گلدی بیلورسن غمخواروم قارداش یورولمیش زوّاروم قارداش ننم زهرا تک یامان گونده هر بلا گلدی صبر ایدوب دوزدیم سنه قارداش غملی یوللاردا ناقه لر اوسته بزم غم قوردیم یزیدی ئوز پایتختینده تیغ منطقلن من یئره وردیم بش اون گونده عزت و جاهین ایلدی زینب منهدم گلدی بیلورسن غمخواروم قارداش یورولمیش زوّاروم قارداش فلک آخر قویدی قارداشسیز زینب زاری کامینه یتدی یامان یئرده شیری روباهه گور نه نامردانه شکار ایتدی هارا گیتدیم من گونی قاره غصه لر منده قاباق گیتدی اورگیم چوخ انجین وقته دادیمه گوردوم که ننه م گلدی بیلورسن غمخواروم قارداش یورولمیش زوّاروم قارداش خبر آلسون قیزلارین حالین تک تکی الساعه سلامتدی منه هیچ فرق ایلمز قارداش هاموسی بیردی چون امانتدی فقط زینب بیر رقیّونن شامیده قالدی چوخ خجالتدی ویروب زینب قبرینون اوسته شامیده خیردا بیر علم گلدی بیلورسن غمخواروم قارداش یورولمیش زوّاروم قارداش فرهاد فکری اردبیلی ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

اربعین 📝 عزیز ممی پور ( عندلیب تبریزی ) گینه ربابی گتوردی فلک خزان یئرینه گینه گوزوم دوشه جاق خسته باغبان یئرینه یارالیدور آتاوین سینه سی چوخ اینجیتمه آنان قوجاقینه قوی باشیوی آتان یئرینه بالاسی اوخلان آهو محالیدور بیرده گله بالاسینی صیاد اوخلیان یئرینه اننده تلی ساتاشدی گینه گوزوم ناگاه سنون جنازه وی شام اهلی آختاران یئرینه میسر اولسا باباندان اجازه آل با هم گیداق فراته عمون یار لی یاتان یئرینه سوروش دیوم نه مصیبت گلوب منیم باشیما اگر چه سطری برابردی داستان یئرینه دولاندیروبلا بیزی کوچه کوچه قول باغلی وروبلا داش بیزه هر یئرده آب و نان یئرینه نماز وقتی شلوغیدی کوفه بازاری دوشوب گذاریمی حراجیلر ساتان یئرینه آناندان اینجیموسن یا اوغول رضا دگوسن گینه گوزوم دوشه حلقینده کی یاران یرینه؟ باجون رقیه چوخ ایستیردی کربلایه گله ایده نظاره سحر اولدوزی باتان یرینه او باغریقان باجیوین نایب الزیاره سیم اوپم مزاریوی تاپسام او ناتوان یرینه اویان قوجاقیمه گل قوی سپوم گوزوم یاشون ضعیف اللریوین بنده باغلانان یرینه دانیش گوروم بالا حلقینده کی یاران نجه دی؟ اگر چه یوخدی ساغالماقینا گمان یرینه نجه وطنده باخوم صودامر اوشاقلارا من شب سیاهیده دوشدوم عجب دومان یرینه #اربعین_امام_حسین ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

نوحه_زمزمه اربعین ✍ شعراز: محمدی ناعم 🎼 آهنگ: چوگیسوی تو من در پیچ وتابم یابن الزهرا ▪️▪️▪️▪️▪️▪️▪️ چهل روزه حسینجان زینبت آواره گشته چهل روزه که از دوری تو. بیچاره گشته چهل روزه اسیرم، چهل روزه غریبم چهل روزه برادر، شده هجران نصیبم امیری حسین، و نعم الامیر شده ورد زبانم دعاکن حسین، که من بعد تو دگر زنده نمانم ▪️▪️▪️▪️▪️ چهل روزه انیس اشک و درد وآه سردم چهل روزه که صحراها رو باعشقت میگردم به آه آتشینم،، به این قلب حزینم ببند شو ای برادر، سفیر اربعینم امیری حسین.... ▪️▪️▪️▪️▪️▪️ چهل روزه خبر داری تو غربت چی. کشیدم سلامت اومدم اما داداش دیگه بریدم به درد و غم اسیرم، غم تو. کرده پیرم دعاکن پیش قبرت، همین الان بمیرم امیری حسین... ▪️▪️▪️▪️ خودم دیدم که اینجا زندگیمو سر بریدن خودم دیدم که اینجا عرش و رو خاکا کشیدن الا ای بی قرینه همه دردم همینه خودم دیدم که قاتل نشسته روی سینه امیری حسین... ✍ بداهه، محمدی ناعم ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

🍁 بسم الله الرحمن الرحیم 🍁 🏴احوالات اربعین دورشامیدن حسینـجان زینب عزایـه گلـدی بـو کـاروان خستـه کـرب و بـلایـه گلـدی خوشگلـدیـن ایله قـارداش بوغملی کاروانـه دیـل یـاره لی اوشاقـلار آه و نـوایـه گلـدی قبـرون تـوزون برادر گوزیـاشیمیله سیللـم گاه آغـلارام اوره کدن گاهی باشینـدا گوللـم دینـجلمیـشم حسیـن جان دیـداریوه گلنـن درد و دیـل ائتـمسم من قبـرون باشینـدا ئـوللم گوز آچ منـه دئ قارداش ، زینب سنـه نه گلـدی ظلمیـله قیـزلاریـوا یوللاردا قمچی دَیـدی اوچ یاشـدا نـازدانن تشت ایـچره گوردی باشیـن ای وای منـه برادر غم تیــری قدّیـم اَیــدی غم غصه سی چوخ اولـدی درد فـراقـه یانـدی آلدی قوجـاقه باشون اوپـدی دئـدی آمـانـدی ای وای بابا دئـدیم گل اما بو حالیلن یـوخ بی هوش اولوب گئدنـن حالیـم منیـم یـامانـدی قارداش خجالت اولدوم سنن، اورک غمینم دور کاروانـی گتـدیم زوار اربـعیـنم قیخ گونـدی دوزموشم من درد و فراقه یاسلی کرب و بلا ده اینـدی مهمان شاه دیـنم شامین یولونـدا قارداش غم غصه دن سارالـدیم قیزلاریوه وروبـلار داش من نه حاله قالدیم هی سسلدیم سکینـه ای وای دئـدیم رقیـه دینـدیر منی دانیشتیـر قارداش یـامـان قوجالـدیم گـوز یـاشلـی نوکریـن وار آدی (علی اصغر) شرح حالیـم یـازوبـدی بـو اربعیـن بـرادر قبرینـده اَول شب گوز یولـدا قویـما قالسیـن دوز دور گنـاهی چوخدور ئول قبـر ایچینـده یـاور ✍ علی اصغرعباسعلی نژاد کیوج_سراب التماس دعا... ✨اَللّهُمَّ عَجِّل لِوَلیِّکَ الفَرَج✨