#حضرت_زهرا ئولونجه ساغر مهرون جالاتمارام ننه جان/ قسم او جانه وفا داشین آتمارام ننه جان/ دیل ئورگدنده منه سن که نوحه ئورگتدون/ اورکده عشق حسینی آزاتمارام ننه جان/ یانور چراغ کیمی مهرون سرای قلبیمده/ جگر یاننجا بو شمعی قاراتمارام ننه جان/ اوغول بلوغه چاتاندا بیلر ننه نه چکوب/ اوشاقلیق عالمینی گوزدت آتمارام ننه جان/ هایانداسان چکه سن باشیمه نوازش الون/ که من اولحظه نی بیر عمره ساتمارام ننه جان/ یوخون گلنده ده من یاتمینجا یاتمازدون/ اوفکریله گجه آسوده یاتمارام ننه جان/ قالوبدی ایندی ده لای لای سسون قولاقیمده/ اورک صفا تاپار اندوهه باتمارام ننه جان/ آدون گلنده دولار گوزلریم محبتدن/ بوجامی ئوزگه یانندا بوشاتمارام ننه جان/ آنا ایاقینون آلتندادی دیه لّه بهشت/ گوزل حدیثیدی یاددان چخاتمارام ننه جان/ حسین یوزین اودی قویدی آنا قدملرینه/ دیدی دانشماسان آماله چاتمارام ننه جان/ ایاقیوی ئوپورم کربلایه تز گله سن/ سنی او قورخولی چولده یوباتمارام ننه جان/ باشیمی خولی آپارسا دالیجا کوفیه گل/ نوامی عرشه سن اولسان اوجاتمارام ننه جان/ جوان چاقوندا قوجاتدی غم زمانه سنی/ یات ایندی آهیله دردون چوخاتمارام ننه جان/ داخی شکنجه ی مسماریدن خلاص اولدون/ بو نازیله که یاتوبسان اویاتمارام ننه جان/ روا دگول ننه وای ناله مه اویانمیاسان/ گوز آچسان اشکیمی خونابه قاتمارام ننه جان اثری ماندگاراز استاد کلامی زنجانی 🌷🌷🌷🌷🌷🌷🌷🌷 لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

آرزوی قلبےشیعیان جهان 🌹🌹🌹🌹🌹🌹🌹🌹🌹🌹 بار الها قیل عنایت قلب شیعه دینجله فاطمیه گونلری قان آلماقا مهدی گله ذوالفقار و پرچم الده کعبه بامینده دورا تا اناالمهدی سسی کل جهانی دولدورا ذورلفقار حیدر الده ، سودۀ الماس تک غیضیله سوز باشلیا مارد بولن عباس تک قیل نظر بیت اللهه اوسته پرچم نصرت ویرا دشمنان دین و قرآنون وقارین سیندیرا قوم وهابیتون تا رشتۀ وصلین کسه نسل ناپاک وپلید ثانینون نسلین کسه قیل نظر بیر ایش گوره تا قلب زهرا دینجله عدنیدن محسن قوجاقینده تماشایه گله بین وهابیت ومهدی خانم قاضی اولا عدل ودادوانتقامیندن ئوزی راضی اولا ددمنشلر دودمانین یاندیروب دود ایلیه قلب زهرانی امام عصر،خوشنودایلیه قیل نظرخاک حجازی فتنه دن پاک ایلیه خاک پاک قبر زهرانی فرحناک ایلیه خلقی ارشاد ایلیه اهداف ، حبل الله اولا حزب ،دنیاده فقط حزب رسول الله اولا حضرت خلاق داوردن او دم رخصت آلا قبرزهرا اوسته مولا بیرگوزل گنبد سالا حیدر و زهرا آدین دنیاده سرمشق ایلیه قبر زهرانی جهاندا مرکز عشق ایلیه قویمیاطرح ضریحی آیری دولتدن گله استغاثه ایلیه تا طرحی جنتدن گله ویرمیه رخصت اونا هرکس مصالح آلدیرا شبه لی اموالیله زهرایه گنبد سالدیرا گوزلیه الله اونا مردان صالح گوندره عرش اعلادن ملکلرده مصالح گوندره گنبدین عرشه اوجالدا هر طرفدن گورسنه گنبد و گلدسته سی شهر نجفدن گورسنه صحن وایوان ورواقین نورباران ایلیه گنبد و گلدسته نین دورین چراغان ایلیه بار الها قیل عنایت عالی ترمیم ایلیه یر یوزونده جنت الاعلانی ترسیم ایلیه کیم زیارت عزمینه گلسه بقیعدن گیتمیه گورسه زهرا جنتین ، هیچ جنته فکر ایتمیه جنت الاعلای زهرایه باخان حیران قالا عرشین اهلی عرش اعلادن باخوب عکسین سالا آرزوی شیعه دی شاعر دیور بوسوزلری بلکه اشک شوقیله دولدورسون آخرگوزلری گرچه قبری قالدی گیزلینده بو دارفانیده نور تک محشرده اما گورسنر بیر آنیده نور زهرا حشریده حضاری حیران ایلیر روز محشر،محشر دیگرنمایان ایلیر سس گلربیرسمتیدن اگلشمیون مولاگلور بیرطرفدنده دیللر محشره زهراگلور امر اولار گوزلر یومولسون هامی گوزلرباغلانار سینه لرده حبس اولاریورقون نفسلرداغلانار اوردادا گوزیاشلارین رخساره باغلارشیعه لر واحسیناسسلنرگوزباقلی آغلارشیعه لر اوت احاطه ایلراوندا عرصه گاه محشری آز قالار یاندیرسون آتش امت پیغمبری سس گلر،زهرا،بولاردلدادۀ حیدردیلر رحم ایله بو آغلیانلاراوغلوا نوکردیلر قویما یانسونلاربولارهیئت قوران کسلردیلر شاه مظلومانی هیئتده بولار سسلردیلر چوخ امیدیم وار دیه عزت سیزیندور والسلام ای حسین نوکرلری جنت سیزیندور والسلام ✍ابوالفضل فرهنگی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

💥هیئت حضرت رقیه{س} چهارشنبه 💥امشب انشالله شب شهادت حضرت زهرا {س} {به صرف شام } منزل کربلایی علی باقری 💥آدرس اسلامشهر .مهدیه . احمدیه 💥التماس دعا منتظر حضورتان هستم ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

💥زبانحال حضرت علی در بالین حضرت زهرا(س) ⚜نوحه و سینه زنی⚜ 🎵سبک : ای گوزلریمین نوری... زهرا اورگیم قاندی یثربده نه توفاندی آغلور اوجادان زینب احوالی پریشاندی گتمه کناریمدن یارالی زهرا(٢) اللرده اولن یاریم سولموش گل وگلزاریم گتمه گوزومون نوری ای یار وفا داریم گتمه کناریمدن یارالی زهرا(٢) گتسون قالارم تنها غمنن سولارام زهرا دور زینبی اغلاتما اچ گوزلریوی یاتما گتمه کناریمدن یارالی زهرا(٢) یوخ منده بو گون چاره لعنت اولا اشراره دردانه حسین آغلار دوشسه گوزی مسماره گتمه کناریمدن یارالی زهرا(٢) اولسون قسم اللهه گویلرده گزن ماهه قلبیمده کی اسراری سن سیز دییرم چاهه گتمه کناریمدن یارالی زهرا(٢) گرچه هامی راحلدی دفنون منه مشکلدی بو دار فنادن تک محنت منه حاصلدی گتمه کناریمدن یارالی زهرا(٢) ✍ #عبادی_طارمی #اجرا #احسن_حبیبی_نوروزلو #لینگ_کانال_در_ایتا 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨💫

#در فراق مادر #زبانحال خانم زینب سلام الله علیها به سبک # ای گوزلریمین نوری ای قلبی دولان غملن مظلومه ننم لایلای مظلومه ننم لایلای *** دوربیرده دانیش منلن مظلومه ننم لایلای... ای باشی بلالی ای وای ننم وای.. .سینه سی یارالی ای وای ننم وای.... یاتمالی زمان دگول دورآنابئله یاتما ..زینبیوی آغلاتما--- اون دورت گجلیک آی تک زهرا آنا جان باتما.. قلبیمی قانا قاتما--- قلبیم یانوری بوندان آرتوق آناآغلاتما--- حسینیوی آغلاتما--- ای باشی بلالی ای وای ننم وای--- سینه سی یارالی ای وای ننم وای... اولمازدون آناراضی زینب سارالوب صولسون.. قلبی غمیلن دولسون --- راضی اولوسان ایندی زینب نه نه سیز قالسون... غمدن ساچینی یولسون-- من دویماموشام سندن.. محسنیوه آنداولسون.. ای باشی بلالی ای وای ننم وای--- سینه سی یارالی ای وای ننم وای.. دورباخگیلان حسینه --- گورحالی پریشاندی... قلبی آناجان قاندی-- قارداشیم حسن آغلور.. دییوراورگیم قاندی-- ای تئزقوجالان زهرا--- زینب سنه قرباندی--- ای باشی بلالی ایوای ننم وای -- سینه سی یارالی ای وای ننم وای... دورباخ باباماسویلور... زهرا منی تک قویما.. غمدن اورگیم اویما.. گوزیاشین الوراوخشور.. مندن بئله تئزدویما.. تئزرخت وفا سویما... دورگورسارالوب رنگی--- بوحاله رضااولما... تنها بابامی قویما... ای باشی بلالی ای وای ننم وای-- سینه سی یارالی ای وای ننم وای.. #اجرا #احسن_حبیبی_نوروزلو #لینک_کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

زبانحال جناب زینب کبری (س) در عزای صدیقه کبری (س) (سبک : ای درد بی درمانلارا ..... ) گللم آنا یا فاطمه فریاده سنسیز زینب یوزی گولمز داخی دنیاده سنسیز یاننام آنا جان تا جاندا وار جان قویدون او گوندن که قدم سن بو جهانه اولدون خدنگ محنت و درده نشانه من تک بلاکش گورمیوب چشم زمانه یاننام آنا جان تا جاندا وار جان اون سگّیز ایل عمرون اولوب دار فناده ساعت به ساعت محنتون اولدی زیاده گللم فغانه غملرون سالدوقجا یاده یاننام آنا جان تا جاندا وار جان چکدون بو آز عمریله چوخ اندوه محنت سرو قدون بوکدی آنا بار مصیبت بیر خوش گونه قالدون آنا دنیاده حسرت یاننام آنا جان تا جاندا وار جان عالمده رنگارنگ محنتله بویاندون اوچ گونلریله آج قالوب دوزدون دایاندون زلفون آغاردی غصّه دن جاندان اوساندون یاننام آنا جان تا جاندا وار جان جدّیم پیمبردن صورا ای کان عصمت قویمادیلار اوچ گون سنه دنیاده حرمت یاندیردیلار درگاهوی اهل عداوت یاننام آنا جان تا جاندا وار جان یاندی قاپون سیندی قولون گتدی جلالون گوز یاشون آخدی صورته آرتدی ملالون یتدی سپهر عمرده گون تک زوالون یاننام آنا جان تا جاندا وار جان قالدون در و دیوار آراسندا مُبَرهَن سقط اولدی آخر محسنون یاندون آنا سن ریحانۀ پیغمبری صولدوردی دشمن یاننام آنا جان تا جاندا وار جان گئتدون اؤزون قورتولدون ای رخشنده کوکب قالدی یرونده نایبه بیچاره زینب محنت کش عالم اولور زینب مُلقّب یاننام آنا جان تا جاندا وار جان دشمن الینده سن چکوبسن جور و بیداد منده آنا شمرون الیندن ایلرم داد ظلمتده چوخ طغیان ایدر اُول کینه بنیاد یاننام آنا جان تا جاندا وار جان شرم ایلمز شمر ستمگر مصطفادن چکمز آنا ال کینه و جور و جفادن تشنه کسر اوغلون حسین باشین قفادن یاننام آنا جان تا جاندا وار جان (( صحاف )) قیل زهرا غمینده آه و ناله توک اشگ چشمون آغلا بات درد و ملاله زینب دلینجه بیرده سن گل بو مقاله یاننام آنا جان تا جاندا وار جان مرحوم محمد حسین جنتی (صحاف تبریزی) لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

زبانحال حضرت زینب (س) در شهادت مادر گل سنی تاری گیتمه قال آی ننه باشیمیز اوسته سایه سال آی ننه آنا آنا زینبوم بلالی ئولَنَه جاق قوتولمین ملالی سنله گیدر آتام على جلالی دوشمز اله بیرده وصال آی ننه قیزون کیمی بلالی بیر باشون وار یانوندا نه باجون نه قارداشون وار هله سنون اون سگّیز ایل یاشون وار عمریوه تیز یتوب زوال آی ننه بابان غمی سالوب سنی ایاقدان یاندون اَلولاندون غم فراقدان ضعف ایلدون ایوینده آغلاماقدان اذان دیین زمان بلال آی ننه آتان ئولندن گولمدی گل یوزون آتان ئولدی شامه دوندی گوندوزون قرالدی دشمن سیلی سیندن یوزون آخدی گوزیندن اشک آل آی ننه ظلم اودونا یاندون قاپون یاناندا آلو چکوب او دَرب اودلاناندا عم اوغلوون قوللاری باغلاناندا دگنده قمچی دال با دال آی ننه گزلَدَردون مندن آنا گوزیوی بولمزیدیم ئورکده کی سوزیوی ایسته مزدون گورم نیلی یوزیوی یتیشمیه منه ملال آی ننه مغیره نین گوروم یوزی گولمه سین یامان درده دوشسون ولی ئولمه سین غسلون گیجه ویردوخ دشمن بولمه سین آغلاماقا یوخدی مجال آی ننه اولار سنون کیمی بلالی باشیم آخار یوزه همیشه بو گوز یاشیم جنازه اوسته آغلوری قارداشیم محبت ایله گویلون آل آی ننه فلک سالور بیزدن سنی آرالی نجه بالاسیندان اوچی مارالی قبر ایوینه سن گیدیسن یارالی آچ قولووی بوینوما سال آی ننه اجل دیدیم امان ویرر قالارسان سایه وین آتدا بالالارون آلارسان بخت ایوینه بیزی یولا سالارسان ایدرمیشم خام خیال آی ننه خموش اولوب قمری سسی حًجازون کَسیلندن سسون راز نیازون شیرین یاتما گچور وقت نمازون اوتدوخ یرى قیل لا محال آی ننه عَجَلون وار ساخلامارام یولوندان سالّوخ یولا باجیم ساق و صولوندان خبر گوندَر شکست اولان قولوندان تاپوب شفا تمام کمال آی ننه ناقه ی صبری آز قالور پیلیوم آناسیزام آغلامیوم نیلیوم یوخوما گل بیر گیجه تا ایلیوم سینهَ ن یاراسینی سئوال آی ننه فراق اودیله سینه می داغلارام عزالیم باشه قرا باغلارام ئولَنَه جاق نسگلیوه آغلارام گچر حیاتیم بو زوال آی ننه بالا دیلینجه غم یازان (( فتایم )) آناسیندان یتیم اولان بالایم دوز بسلَنَن اوغوللار یَلَه تایم دیلیم وردوندن اولسا لال آی ننه مرحوم محمد علی فتی تبریزی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

زبانحال حضرت علی (ع) در بالین حضرت زهرا (س) (سبک : خدا حافظ ای آنام باجی...) یامان گونومده اولان منیم ، یاوریم اویان زهرا عم اوغلوام منله بیر دانش ، قلبیم اولدی قان زهرا آنا دیور قیزلار آغلوری حسن حسین سینه داغلوری قلبیم اولدی قان زهرا آتان سنون رحلت ایلدی محنته دچار اولدون ولایت اوستونده آغلادون ابر تک غمه دولدون مریض اولوب رختخوابیده گون به گون گولوم صولدون تاپولمادی بو مدینه ده حالیوه یانان زهرا صولار خزان فصلی گول چمن سن کیمی بیله سولماز مریض اولار چوخلاری ولی سن کیمی مریض اولماز مریض ایدر چاره دردینه غم سحابی تک دولماز منیله دور درد دل ایداخ یار مهربان زهرا گوزیوی آچ خواب نازیدن دور علی قالوب تنها صفاسی یوخ سن سیز عالمین گوزدن عالمی آتما تیکوب ایو اهلی گوزون سنه همسریم گل طاها سن اولماسان منزلیم اولی غملی دودومان زهرا منی سن اللردن آلموسان راضیم بتول سندن حلال ایدور مرتضی سنی سنده راضی اول مندن دوزنمرم من فراقیوه روحوم آیرولار تندن قویولارا دردیمی گیدوب ایلرم بیان زهرا او گونکی باغلاندی قوللاریم غم سنه مزید اولدی دوزنمدین جور ثانیه ظلمی چون شدید اولدی قاپی یاناندا قولون سینوب محسونون شهید اولدی دولاندی اول لحظه باشیمه یدّی آسمان زهرا او ثانی بیر ظلم ایدوب سنه یاندوروب منی یاخدی او خیبری قوزیان علی صحنیه دوروب باخدی فشار غمدن بالالارین اشکی صورته آخدی من آغلادیم سنده آغلادون سینه ده یاران زهرا آز عمروده هر مصیبته دوزدون امتحان ویردون حجابی نسوان عالمه اورگدوب نشان ویردون بو نسگیلون ئولدورر منی جانیوی جوان ویردون اسوب بهارِ عیشیمه صرصر خزان زهرا سکینه کلثوم و زینبون وای آنا دیور آغلور حسن حسین گول کیمی صولوب اشک غم یوزه باغلور علی باشون اوسته اگلشوب سینه سین غمه داغلور وجودونی غصه لر آلوب قالمیوب توان زهرا اولان علینی سُوَون لره شافع جزا زهرا من ((عدلینون )) جانی کاش اولا قبریوه فدا زهرا دعا ایله جمعیله منه تا نصیب اولا زهرا علی دیلینده بیان ایداخ آچ گوزون اویان زهرا * حاج اصغر فرشچی ( عدلی تبریزی) لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

زبانحال حضرت زینب(س) در شهادت مادر .. معروف اهری .. .. اورگیم داریخدی هایانداسان منی تک قویوب گئدن آی ننه دی گوروم بو غصه لی زینبی یادا سالموسان ندن آی ننه .. .. بو جهاندا وار یئری بیر نفر محن نهانیمی بیلمیه یانا نار فرقته حقی وار آناسیز قیزون یوزی گولمیه گوروم هیچ قیزون ننه من کیمین آناسی بو سنیده ئولمیه بو غم نهانی فقط بیلر ننه سی جوان ئولن آی ننه .. .. آناجان بش ئیل نازینی چکوب سینون اوسته زینبی ساخلادون منه یوز وئرنده ملال و غم یانوب آغلیوب سینه داغلادون سینوون یاراسی چوخ اینجیدوب گونوز آغلادون گجه آغلادون اریوب سارالدی منیم کیمین غم الینده گل بدن آی ننه .. .. ائله که بابام سنی غسل ائدوب گجه یاری ائتدی کفن سنه دیزیمی قوجاقلیوب آغلادیم دئدیم اوخشاما ننه من سنه من ائدنده ناله حسینیلن بیزه باخدی یاندی حسن سنه قسم اللها که یارا شمادی بویوا او آغ کفن آی ننه .. .. ائله هجر اوتوندا آلیشمیشام که دم وصاله چاتانمورام آنا محسنون جانی فکروی بو گجه باشیمدان آتانمورام هله رد اولوب گجه نصفیدن ولی من بو ائوده یاتانمورام الی سینه سینده قان آغلیور بوش اتاقوی گورن آی ننه .. .. آتامیز چکور غم و حسرتون محن زمانیه آغلیور هره بیر نشانه الینده وار باخور اول نشانیه آغلیور ولی بیر نفر دیور آخ ننه اودا ظلم ثانیه آغلیور ائشیدنده سیلی حکایتون ئوزون ئولدورور حسن آی ننه .. .. بیرینون عزیزی ئولن زمان ائشیدن گرک یاسینا گله دیه تسلیت دانشوب سئنان ئورگون گرک گتوره اله آنا سن وطنده غریبیدون منه ثابت اولدی بو مسئله قاپوموز یاسیندا آچیق قالوب ولی اولمادی گلن آی ننه لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

نوحه شهادت موقع دفن حضرت زهرا (س) .. .. مرحوم غمکش .. .. گوزدن آتوبسان قیزلارون آغلور سنه یالقوزلارون آخدی گوزومدن اشک خون آغلور سنه اولدوزلارون ای نور عیندن اَل چکن لای لای ننه لای لای ننه .. .. قاره گیوب مولا سنه گون ویرمدی اَعدا سنه مدیونیدی عالم بوئی باور واریم دنیا سنه ایتدی سنه ظُلم اَهریمن لای لای ننه لای لای ننه .. .. رؤیاده گل باش چک بیزه قاره چکیلدی ایومیزه راضی سن اولمازدون آنا سندن حسینون اَل ئوزه یاسه باتوب شاه زمن لای لای ننه لای لای ننه .. .. باخدوقجا بو یانموش دره غُصه گلور هر پیکره دشمنلرون ظلم ایلیوب لعنت او قوم کافره تاب و توانادن دوشن لای لای ننه لای لای ننه .. .. گور باغریقاندی زینبون صبری جالاندی زینبون غملی ننه هر روز و شب گور نوحه خواندی زینبون بیت الحزن اولدی وطن لای لای ننه لای لای ننه .. .. اوخشار سنی دیلدن حسن زنداندی سن سیز بو وطن اُمّت خیانت ایله دی آغلار بو غمده پنج تن سولدی سارالدی بو چمن لای لای ننه لای لای ننه .. .. «غمکش» یازار دل داغلیار عالمده ماتم ساخلیار محنت لرون یا فاطمه یاده سالاندا آغلیار قبره گیجه یاری گیدن لای لای ننه لای لای ننه .. لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

ورد شمع گردانی برای شام غریبان حضرت زهرا سلام ا...علیها (گلمیشوخ ای شیعه لر شام غریبانه بیز) شمع عزا الده وار ،گلمیشوخ افغانه بیز حیدر ایوینده گیداخ، شام غریبانه بیز زینبین الدن بو غم صبرین آلیب ،شیعه لر اوخشاما سی او ایوه حشر سالیب ،شیعه لر او یاری یانمیش قاپی باغلی قالیب، شیعه لر حاضر اولون گیتماقا،منزل جانانه بیز لکّه سالوب دست کین صورت زیبا سینه یاره لی گیتدی قوناق خالق یکتاسینه اولمادی شرکت ایدن فاطمه نین یاسینه ایلیه روق عالمی بزم عزاخانه بیز غصّه لی قلبه دولوب محنت بی انتها ناله ایدور قیزلاری آغلوری هم مجتبا وای آناوای سسلییر تشنه لب کربلا سس سسه ویروق گینه شاه شهیدانه بیز فاتح خیبر داخی (بیکَس) اولوب آغلوری ناله سسی گلموری خسته دیلین داغلوری قانه دونن گوزیاشین عارضینه باغلوری تسلیت عرض ایلیاخ ناطق قرآنه بیز سنسن اَیا فاطمه محور اهل کسا زائری یوخ قبریوین ای شرف ماسوا ایتگین اولان قبریوه دعوت ایله یکصدا اوردا عزا ساخلیاق سرور نسوانه بیز #شمع_عزا_الده_وار_گلمیشوخ_افغانه_بیز #فاطمیه #حضرت_زهرا_س التماس دعای فرج الاحقر مهدی عبادی لینک کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨