بنام خدا تقدیم اولسون کارگرلر گونینه گورا بوتون کارگرلره "" "" "" " کارگرلر الوز قولوز وار اولسون/آلاه سیزه یاور اولسون یار اولسون سیز اولماسوز داش داش اوسته دایانماز هئچ صنعتین چرخی بیر آن دولانماز تشبیه ائداخاخ صنعتی بیر پیکره/یا اونی بیر کشتی غول پیکره بو پیکرین سیز سری سوز کارگر/بو کشتی نون لنگری سوز کارگر چشمهٔ ی افکاریموز هرآن آخا/یا گوزوموز هرطرفه گر باخا بیزگوره روخ زحمتی زون آثارین/همتی زون غیرتی زون آثارین الغرض الکن دی زبانیم بوگون/جوشه گلوب رگده کی قانیم بوگون آه چکورم اشکیم اولور هی روان/چونکی بیزیم دادیموزه یوخ چاتان صبروتحمل یمی دی کارگر/سعی و تلاش پرچمی دی کارگر سربازیدی جبههٔ جدیتین/پایهٔ مستحکمی دی صنعتین بیربئله نقشیله صد افسوس و آه/گورمور اولار عمریده رنگ رفاه اونلارین حقینده اولور چوخ ستم/اللرینون پینه سینه صد قسم کاش اولا عالی ستادوز کارگر//انسجاموز اتحادوز کارگر کاش وئره سوز ٱل آله هرماه وسال قویمو یاسوز حقوز اولا پایمال خوشدی یازام مطلبی من مختصر/وئر مویم اصلا بو سوزه بال و پر بیلمورم هئچ زار وپریشان اولوم/یاکی گولوم خرم و خندان اولوم بو گونی خوشتردی گوزل فرض ائدم تبریک اورکدن سیزه من عرض ائدم فاخرم اما چالارام ساز غم/آه مکرر چکرم دم به دم کارگرم سعی و تلاش ایلرم//شعریله افکاریمی فاش ایلرم "" "" "" "" گنجینه اشعار مذهبی ترکی و فارسی و اشعار انتقادی اجتماعی

❣﷽❣ 🌼 #مولودی_حضرت_معصومه_س 🍀#ترکی 🌼 #سبک ؛ استخاره کردم امشب ای عزیزان ، ای محبان درد منده چاره گلدی آچی بیر گول گلستاندا گل دگول گلدن گوزلدی فاطمه معصومه آدی موسی جعفر فوادی گوزلری بنزر رضایه گول دسم گولدی بجادی 🌼تهنیت موسی الرضا نه سمادن یاغدی رحمت زایل اولدی غم دوباره آچدی آی گوز گون اوینده شادمان اولدی ستاره گول چیچکلر شادماندی بلبله ایلور اشاره موسم هجران قوتولدی مجلس شادی دوتولدی چوخ مبارکدی بومیلاد موسی جعفر اولوب شاد 🌼تهنیت موسی الرضا 3 نجمه خاتون شادماندی هی ویرور بوسه یوزوندن گاهی لبدن گاهی الدن گاهیده زیبا گوزیندن هی چالور لای لای بالام لای یا چیخیر گاهی اوزیندن ترپدور هی گاهواره سسلیور یات ماهپاره فاطمه ای نور عینم گون رضادی سن ستاره 🌼تهنیت موسی الرضا3 (جهان سلیمانی) 🌹هدیه به حضرت معصومه سلام الله علیه صلوات ♦السلام علیک یا اباعبدالله الحسین (ع)♦

#ولادت_حضرت_معصومه #ترکی

❣﷽❣ 🌟 #مولودی_حضرت_معصومه_س 🌟 #ترکی 🌟 #سبک دیگه غصه ای نداره 🌟#پیشنهادم 👌👌 البشارت البشارت آمده کانِ نجابت از قدومِ پاکِ او شد عالَمِ امکان چو جنت انگار ، موسَمِ بهاره عالم ، شورِ خاصی داره امشب ، از سما ستاره بر رویِ زمین میباره آری آری اومده مفخَرِ موسی شاد و خندان شده صدّیقه یِ کبرا بوسه بر مقدم او میزند حورا عالَمِ امکان شده جنتُ الاعلا آمد ، نورِ چشمِ موسی آمد ، بندِ قلبِ زهرا 🌹ترکی🌹 مژده اولسون شیعیانه اولدی بو عالم چراغان چون‌ قدم قویدی جهانه خواهر شاهِ خراسان به به ، نه گوزل بالادی یار و ، خواهر رضادی بند قلب فاطمه دی مهد ، عفت و حیادی آدی معصومه اوزی کانِ سخادی درگهی شکّ ائلمه بابِ شفادی سنی نومید ائلمز چوخدی سخاسی دامنین دوت کی آدی درده دوادی اُختِ ، پادِشاهِ ایران عالم ، گول آدیوه قربان 🌹هدیه به حضرت معصومه سلام الله علیها (صلوات)🌹 ♦السلام علیک یا اباعبدالله الحسین (

#ولادت_حضرت_معصومه #ترکی کربلایی سعید سلطانی

🏴فراق مادر 🏴 🏴شعرازحقیر ؛ علی عبدی الهی وئر منه گوزیاش اِئدیم فغان ننه مه وجودی شمعی تک اولادینه یانان ننه مه اورک داریخسا فراقینده دسته گل آلارام هدیه اِیلییرم قبریده یاتان ننه مه ائوویمده دیزلریمی من قوجاقیمه آلارام یواش یواش اولونار گوزیاشیم روان ننه مه چکوبدی چوخ گئجه اولادی اوسته بی خوابی بجادی وئرسله گر لوح قهرمان ننه مه منیم ایاقیمه قویدی جوانلقین نئچه ائیل جفادی آغلاماسام بیله مهربان ننه مه آنا اَیاقینین آلتیندا ثبت اولوبدی بهشت حدیثی خاتم مرسل اِئدیب بیان ننه مه کاش ایندی زنده اولیدی ئوپیدیم اَل اَیاقین اورک تاپاردی صفا من دیَّنده جان ننه مه اگر اولیدی توانیمده بیر گون اِیلردیم تمام مادح دنیانی روضه خوان ننه مه دولاندی باشیمه دنیا گئدنده قبر ائوونه گوزوم یاغیش اورگیم اولدی باغریقان ننه مه چکولدی قاره ائووه خویش و اَقربا گلدی قورولدی مجلس ماتم همان زمان ننه مه یازولدی سوز آنادان ای قلم گریزین آپار مدینه ده گئجه هنگامه دفن اولان ننه مه نه دردین اولسا سنون ساخلاما اورکده دینن فشار دربیله پهلولری سینان ننه مه قاپی دالیندا خانم ناگران دایانمیشیدی آچیلدی ضرب لگدلن او ناگهان ننه مه قاپی دالیندا قیزارمیشدی بیرنئچه مسمار باتوبدی سرعتیله سینه سی یانان ننه مه اوجالدی سس اوهیاهوده وای بالام ئولدی کنیزه فضه یتیردی ئوزون جوان ننه مه گوروبدی فاطمه نین یئرده پیکرین بی هوش دیدی الهی ئوزون وئر دوباره جان ننه مه یواش یواش اوگلوب هوشه آچدی قانلی گوزون توکوبدی گوزیاشینی اَهل دودمان ننه مه ائلیکی آغلادی کلثوم و زینب و حَسَنین اوجاتدی ناله سینی گوگده قدسیان ننه مه او قدری چکمدی ئولدی پیمبرین بالاسی ائدیبله غسل و کفن گل کیمی سولان ننه مه یارالی جسمی همان شب قویوبلا تابوته بقیع مزاری همیشه اولوب مکان ننه مه ﷽🍁 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

🏴در مدح حضرت سیدالشهدا علیه السلام 🎼سبک: از صلابت و ملت وارتش سپاه ما یا حسین قیامین جهانه سنین _ تکان ویروب یارو یاورین عشقینی یاحسین  _. نشان ویروب باش ویروب باش اگمدین جهاندا ذلته درس استقامت ئورگدوبسن. امته یا ثار الله  حسین حسین یا ثارالله 2بار اوج سن ولایتی  _  زنده ساخلادون دین و عترتی _  زنده ساخلادون تکان ویروب دیللره بو قیام ویروبسن عالملره سن پیام یا ثار الله حسین حسین یا ثارالله 2بار یاحسین او یتمیش ایکی یاریوین _نظیری یوخ هیچ شهون سنین تک حسینجان گوزل _ وزیری یوخ با وفا    کمکلریوه    شاه کربلا بیزدن ای شهید کربلا سلام اولا یا ثار الله حسین حسین یا ثارالله 2بار اوج دیللره آدون  _ حک اولوب حسین ذکریمیز فقط _ ذکر یا حسین ملکده سسلیر دئیر یاحسین داریخسا حیدر دئیر یا حسین یا ثارالله حسین حسین یا ثارالله 2بار کربلا چولونده گلوب عشقیله _ علم ووران ظلم ریشه سین یاندیروب صولدوروب _ به هم وروان ظلم ائدنلری سالان او چولده وحشته کربلاده سن چاتوبسان اوج عزته یا ثارالله حسین حسین یا ثارالله 2بار اوج دین وعترته  _. یارو با وقار شأنیوه ائدر. _  شیعه افتخار سنه توسل ائدر شیعه لر غمینده آغلار سننون دیده لر یا ثارالله حسین حسین یا ثارالله 2بار تشنه لب شهید اولدون ای ذات حق _ یگانه سی جدی احمدین یئر یوزونده گوزل _ نشانه سی کربلاده سن یاراتدون آیر منظره عرش فرشیده آدون دوشوبدی دیللره یا ثار الله حسین حسین یا ثارالله 2بار اوج ای سلاله ی   _   پاک مصطفا فخر ائدر سنه  _  فوج انبیاء جهاندا اولدون آقا سر فراز قانیلا آلدون حسین دستماز یا ثارالله حسین حسین یا ثارالله 2بار واردی. وار نقدری جهان نهضتون _ ادامه سی دولدوروبدی بو عالمی ایندی یا _ حسین سسی کیم دیئر که کعبه کربلادن اولدی باش ویردیلار حسینه کربلا چولونده داش یا ثارالله حسین حسین یا ثارالله 2بار اوج امر و نهی ائدوب  _  کل عالمی سرفراز ائدوب _ قانلی پرچمی ویروبدی قان حفظ ائدوب مکتبی اسیر اولوب دشمنه. زینبی یا ثارالله حسین حسین یا ثارالله 2بار ✍بقلم حاج مهدی ملکی(زنجانی)

زبانحال زینب به امام حسین(ع) منیم         پناهیم       امیدگاهیم         دایان  حسینیم ، سنه سوزوم وار اوپوم  ایاقون ،  یانان   دوداقون         آمان  حسینیم ، سنه  سوزوم وار دایان    برادر     عزیز    مادر    گلیر   دالونجا    پیاده   زینب هارا گیدورسن ؟ شتاب  ایدورسن  قالوبدی بحرِ  بلاده زینب نه  چاره   ایلیم   یانیر  بو   قلبیم  چکیبدی  دردِ  زیاده  زینب وداع  آخر  توقف  ایت   بیر  زمان حسینیم  سنه  سوزوم  وار باجووا لطف ایت  بیر آز دایان گیت  آماندی  قارداش  آماندی ئوللم گوزومده یاشیم آغاردی باشیم  غمیم  بلورسن گراندی ئوللم اَیلدی   قددیم   یارالی  قلبیم    خدنگِ  ظلمه   نشاندی ئوللم ترحم   ایله   آتووا   ویرمه   عنان  حسینیم  سنه  سوزوم وار بو   عده  قیزلار   غمه  گرفتار   حرمسراده    قالیبدیر    آغلار او  فوجی  آیا  بو  چولده  تنها   بلالی زینب نه  نوعی ساخلار تعجبیم    وار   مگر   آتالار    بالالارینی   بو   نحوی   یوخلار کمک لری یوخ  بلالری چوخ  اینان حسینیم سنه سوزوم وار اگر   برادر    قیتماقا  وار      او   کهنه  کوینگ   ندیر    بدنده اورک  سیخلدی  ائویم  یخلدی او  کوینگی سن  آلوب گینده منه بس اولدی مشخص اولدی سنی سویارلار  یقین  ئولنده همیشه مغموم   همیشه مظلوم  اولان حسینیم سنه سوزوم  وار قیزین  رقیه  دینده  عمه   هانی  بابام  بس  ایدیم   نه  چاره نیجه  دییم  من  گیدوبدی  الآن  خیامه  گلمز    بابون  دوباره او   باغری  قانلار   او   آغلیانلار    بالالاروندور   ائدیر   نظاره آتوب گیدورسن اولارا سن سن گمان حسینیم سنه سوزوم وار ✍مرحوم انور اردبیلی

نوحهء:زهرای سه ساله • • • • • • • • • به سبک# قان یاغدی کربلاده ای جان نثار قر آ ن لایلای رقیه لایلای قول.باغلی.آج وئرن.جان.لایلای رقیه لایلای لایلای رقیه لایلای <۲> آرام جان زینب ویرانه ده آج ئولدی قول باغلی سینه داغلی باشدا قراتاج ئولدی لایلای رقیه لایلای <۲> من زینبم الهی یا ند یم غم فراقه ئولدی بالام رقیه دوزمور اورک بوداغه ئولدی رقیم الله قول باغلی دل پریشان اکبر غمینده گریان اصغر غمینده نالان لایلای رقیه لایلای <۲> زهرا ننم مثالی سیلی یئری یوزونده قبره یارالی گئتدون قان لکه سی گوزونده صیادی شل اولیدی دام ستم قوراندا زجرین الی سینیدی سیلی سنه ووراندا لایلای رقیه لایلای <۲> زینب بیبون ئولیدی آی غملی نازدا نه ویرانه شام یولوندا. یوردی سنی زما نه وحشتلی بیرگئجیدی.غم.صبریوی.کسنده دوشدون غم گرانه طوفان غم اسنده لایلای رقیه لایلای <۲> سن.ناقدن.یخیلدون.اسدی.دیلین.دوداقون داشلار.تیکانلاراوسته .چالدی.قابار.ایاقون غم.اوجینه.یتیشدی.دل.خسته.روحی.خسته دلدن.دوشوب.یخیلدون.داشلار.تیکانلاراوسته لایلای رقیه لایلای <۲> سس وئرمنه رقیه یاندیم غم فراقه ئولم گوزوم.دوشنده.گوشوار سیزقولاقه غمدن دل.جهانی بولدون رقیه لایلای ویرانه ده آجیندان ئولدون.رقیه.لایلای لایلای رقیه لایلای <۲> غم.اوج.ائدوب سمایه زهرا گلوب نوایه ئولدی باجون رقیه اکبر یتیش هرایه تئزگل.هرایه.قارداش.بیکس.باجون.آج.ئولدی سالدی یزیدی تختن باشداقراتاج ئولدی لایلای رقیه لایلای <۲> ه • • • • • • • • • التماس دعا ..... جاهد

🏴فراق مادر 🏴 ✍بقلم کربلایی علی عبدی الهی وئر منه گوزیاش اِئدیم فغان ننه مه وجودی شمعی تک اولادینه یانان ننه مه اورک داریخسا فراقینده دسته گل آلارام هدیه اِیلییرم قبریده یاتان ننه مه ائوویمده دیزلریمی من قوجاقیمه آلارام یواش یواش اولونار گوزیاشیم روان ننه مه چکوبدی چوخ گئجه اولادی اوسته بی خوابی بجادی وئرسله گر لوح قهرمان ننه مه منیم ایاقیمه قویدی جوانلقین نئچه ائیل جفادی آغلاماسام بیله مهربان ننه مه آنا اَیاقینین آلتیندا ثبت اولوبدی بهشت حدیثی خاتم مرسل اِئدیب بیان ننه مه کاش ایندی زنده اولیدی ئوپیدیم اَل اَیاقین اورک تاپاردی صفا من دیَّنده جان ننه مه اگر اولیدی توانیمده بیر گون اِیلردیم تمام مادح دنیانی روضه خوان ننه مه دولاندی باشیمه دنیا گئدنده قبر ائوونه گوزوم یاغیش اورگیم اولدی باغریقان ننه مه چکولدی قاره ائووه خویش و اَقربا گلدی قورولدی مجلس ماتم همان زمان ننه مه یازولدی سوز آنادان ای قلم گریزین آپار مدینه ده گئجه هنگامه دفن اولان ننه مه نه دردین اولسا سنون ساخلاما اورکده دینن فشار دربیله پهلولری سینان ننه مه قاپی دالیندا خانم ناگران دایانمیشیدی آچیلدی ضرب لگدلن او ناگهان ننه مه قاپی دالیندا قیزارمیشدی بیرنئچه مسمار باتوبدی سرعتیله سینه سی یانان ننه مه اوجالدی سس اوهیاهوده وای بالام ئولدی کنیزه فضه یتیردی ئوزون جوان ننه مه گوروبدی فاطمه نین یئرده پیکرین بی هوش دیدی الهی ئوزون وئر دوباره جان ننه مه یواش یواش اوگلوب هوشه آچدی قانلی گوزون توکوبدی گوزیاشینی اَهل دودمان ننه مه ائلیکی آغلادی کلثوم و زینب و حَسَنین اوجاتدی ناله سینی گوگده قدسیان ننه مه او قدری چکمدی ئولدی پیمبرین بالاسی ائدیبله غسل و کفن گل کیمی سولان ننه مه یارالی جسمی همان شب قویوبلا تابوته بقیع مزاری همیشه اولوب مکان ننه مه 🎤سبک اجرا شده👇👇

🔹️زبانحال حضرت رباب(س) ✍بقلم مرحوم استاد معنوی من بیر آنیام چکدی فلک قلبیمه داغلار ییخدی ایویمی قویدی ئولونجک منی آغلار درک ائتدیم اوگونکی ئوزومی بخت اتاقیندا خوش گونلری گتدیم نظره گوز قاباقیندا آرزیم واریدی دلده صفا طالبی اولدوم بخت عالمی بیر قیز بیر اوغول صاحبی اولدوم اولموشدی دیلیمده سوزوم ازبر گئجه گوندوز عشقیم واریدی دیل آچا اصغر گئجه گوندوز گلزار محبتده آچا غنچه ی خندان صحبت الیین وقتده رقیم دیه جان جان سینسون فلکین چرخی منی محنته سالدی اولدوم قره گون آرزیلاریم قلبیده قالدی یاندیم شرر درد و غمه خون جگر اولدوم اوچ ایل یاریم عالمده اله بختور اولدوم اندوهیله آیینه ی بختیم داشا دگدی قالدی باجی،اولده نظر قارداشا دگدی مین ایلده اگر عمر ائلسم دار فناده ساللام اونون آخیر گئجه سین هر گئجه یاده نار غمیلن درد ائوینی داغلیورام من آللام الیمه دوشلریمی آغلیورام من داغلی سینه می تیر مصیباتیله دللم یادیمه دوشنده او گئجه شیونه گللم قلبیم او گئجه آتش اندوهیده یاندی تئز تئز یانیما گلمگه زینبده اوتاندی سالمیشدی فشاره من درد و غم ئولیدیم ایکاش او گئجه اصغریلن باهم ئولیدیم اندوهیله محنت اودینی قلبیمه سالدیم اولدوم قره گون ئولمه دیم آخر دیری قالدیم نه قالدی بئشیکده نه ده یاتدی قوجاقیمدا صبحه کیمین حسرتله ئوزاتدیم قاباقیمدا دونموشدی عطشدن بالموندا قانا باغری دوتموشدی اله آغلاماغیننان بوغاز آغری بو منظره آرامیمی قلبیمنن آلاردی باتمیشدی سسی قوش کیمین هردم چوبالاردی یانسین ئوره گی بو سینه می داغلادی هرکیم ئولسون بالاسی سو یولونی باغلادی هرکیم ظلمیله فلک هی منه غم رشته سی هردی تئز باتمادی تا صبح اولا آیدا منی گوردی آرتاردی خانیم عمه سینون دلده ملالی هردم سوروشاردی نئجه دی اصغرون حالی گوز یاشلی ائدردیم اونیدا زار و مکدر کول باشیمه اولدی دیه سن جان وئرور اصغر حاصل او گئجه چوخ منه غملی گئجه اولدی صبحه کیمی قلبیم غم و اندوهیله دولدی روحین قوشی چوخ اینجیدی محنت قفسینن هر لحظه چیخاردی بالامون ئود نفسینن نقراض ستم رشته ی اممیدیمی کسدی باخدیم بالامون گوزلرینه دیزلریم اسدی بو فاجعه دن کاسه ی صبریم جالاناردی قلبیم تلسیردی گئجه اما اوزاناردی سو اولماسا گوردوم بالامون یوخدی نجاتی گلدیم دیله نفرین الدیم آب فراتی رخسارینه ائتدیم گوزومون یاشینی جاری بو نحویله تا دیل دوداقی ایسلانا باری گوردوم کی سو یوخدی بالامون فیکرینه قالدیم چارم کسیلیبدی دیلیمی آغزینا سالدیم درد و غم ئوتوندا گینه قلبیم آلوشوبدی احساس ائله دیمکی دیلیمه ئود یاپیشیبدی قلبیم سیخیلیب سینه ده غم منظره سینن ئوزدوم الیمی من گوزونون آغ قره سینن بو محنتی اوغلی ئولنلر یادا سالسون ایکاش همیشه ننه ئولسون بالا قالسون سیل غم آخیب خانه ی اممیدیمی ییخدی فیکریم هارا گئتدی بیر ایچیم سو داشا چیخدی قلبیم شرر درد و بلاده آلیشاردی دیلسیز بالامون گوزلری منن دانیشاردی ✍بقلم مرحوم استاد معنوی