مداحی بی نظیر استاد حاج احمد فولادی شهرستان گرمی استان اردبیل1370 لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

احوالات حضرت رقیه س در خرابه شام خرابه نون علی قارداش صفاسی وار گئجه لر غم اهلنون قوری نی تک نواسی وار گئجه لر دینمورم من علی گل ئوزون تماشا قیل خرابه نون نجه گورماجراسی وار گئجه لر دانشدیرانمیور هیچ کس گونوز رباب آنامی شفق قرالدی گوزل اوخشاماسی وار گئجه لر ایشیتسه لر آنامون لایلای سیزیلتی سنی یقین دیللر دوشینده بالاسی وار گئجه لر گئجه نی صبحه کیمی قنداقین یره قویمور دانشدیرور قلاقندا صداسی وار گئجه لر باجیلار ایچره فقط مندن اولما چوخ نگران رقیه تک غموین مبتلاسی وار گئجه لر یولون خرابیه دوشسه گوزاوسته واردی یرون گلن قدملروین جانفداسی وار گئجه لر بو شامده هامودان چوخ علی علی دیمشم مریض عشقه بو آدون شفاسی وار گئجه لر اینانما گر دیسه لر آج یاتور رقیه باجون همیشه خون جگردن غذاسی وار گئجه لر باجون یاتور قوری یرده اگر گوزوندن ایراق لحافی یوخدی ولی بوریاسی وار گئجه لر علی منیم باشمون ئورتوگی قرا گئجه دی باشیم آچقدی گونوزلر قراسی وار گئجه لر گنه محرمه آز قالدی(( منزوی)) چالشور باشندا چوخ هوس کربلاسی وار گئجه لر اثر : استاد رحیم منزوی لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

‍ روضه حضرت رقیه(س) (زینب دییر رقییمی آخشاما کیمی نقدر وردولار دینمدی اما اله کی گجه گتدی یوزون قویدی اویارالی سینیه دیدی بابا دویولموشم بابا سویولموشام بابا ) بابا من شمری قویموشام یوخودا دوشموشم یولا قوخدوم گله دالمجا باخردم ساغا صولا بارماقلاریم توخاندی مغیلانداکی کولا دوردوم یخلدم ئولمه میشم زنده گلمیشم فکر ایلدیم گیدیم گجه نین عالمی هارا؟ گزدیم دولاندم تاپدم عجب باغ باصفا ای باغبان یاتوبسان اولوب گلرین فنا بیر بلبلم گلم دیله گلشنده گلمیشم (گونوز نقدری ورسالار دا قیز اوشاقی دینمز گوزلر گجه آتا گله ایوه ) اوت ویردولار گونوز ایویمیز یاندی آی بابا اوت دوتدی دامنیم چوله قاچدیم یانا یانا سوندوردی بیر عرب اوتی ایتدیم اونی دعا گورستمگه یانان یری دامنده گلمیشم 😭😭😭😭😭 شاعر ✍لاادری لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

بانوای استاد مداح اهل البیت حاجی تمدن 🏴😭😭😭

.حضرت رقیه سلام الله علیها اوخشامالار – بیاتی لار . ابوالفضل عباسی معروفان ویرانه ائو منه غم درگاهیدی منیم بابام عالملرین شاهیدی عمم دیور غم ایلمه ٬ ظالمین ائوین یخان مظلوملارین آهیدی . . درد و بلا دوردی منیم یولومدا غم سان وئرور هر لحظه صاق صولومدا بو یوللاردا منی ائله ووردیلار ایندیده وار قمچی ردی قولومدا . . غم غصه وار منیم حزین سؤزومده دولوب یاغار غم بولودی گؤزومده ارث آپارار هر بیر بالا ننه دن منه چاتدی سیلی یئری ننمدن . . گجه گوندوز خرابه ده آغلارام غم اوتونا ئورگیمی داغلارام اگر بابام الده مرهم گتوره ایاقیمون یارالارین باغلارام . . ازبر اولوب اکب آدی دیللره بیرگون گلوب صفا وئرر ائللره اکبر گلسه اصغریده گتورر لایلای چالوب جان دییرم اصغره . . بیر ایچیم سو آواره سین نیلیوم خالی قالان گهواره سین نیلیوم غریبلیقون دردی قالسین بیر یانا هیچ بیلمورم دیل یاراسین نیلیوم . . رویاده گؤردوم غم دالا قالیبدی خرابیه یول اکبریم سالیبدی از بس منی چوخ ایستیور اکبریم بیرجوت منه گوشواره ده آلیبدی لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

حضرت رقیه سلام الله علیها اوخشامالار – بیاتی لار . ابوالفضل عباسی معروفان . رقیه ام غم گولونه بوداقام قارداشسیزام ائللریمدن اوزاقام بیلمدیلر منه طعنه وورانلار بش اون گونلوک خرابیه قوناقام . . رقیه ام نوش ایتمیشم هر غمی غملر اولوب بو غریبین همدمی اولماسیدی عمم چوخدان ئولموشدوم الله منه چوخ گؤرمه سین عمه می . . رقیه ام خرابه ده سفیرم اوچ یاشیم وار یورکلره امیرم کربلادن شامه کیمین یوللاردا دؤیولموشم شمر الینده اسیرم . . عزیزلریم کربلاده قالدیلار قافله نی چؤلدن چوله سالدیلار غارت گونی نامردلر الیمدن اکبر آلان گوشواره می آلدیلار . . رقیه ام چوخ ایستورم اکبری حالیم پوزار اکبریمون غملری بابام گئتدی قارداشیما سو آلسون اوخلادیلار الی اوسته اصغری . . محبت گؤیونون دان اولدوزیام ائللریمون هم دادی هم دوزیام اوچ یاشیم وار یورولموشام فلکدن من ربابین قرا یازی قیزیام . . بهار گلدی من بیر نازلی گل اولدوم خزان اولدی کؤچری بلبل اولدوم هجران اوتی سالدی شرر جانیما ائله یاندیم یاواش یاواش کول اولدم لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

عشق حسینی گریز به عشق دردانه حسین (ع) ،حضرت رقیه (س) . . مرحوم شب خیز . شهر بند عشقیده بیر عمریدور دیوانیم شمع عشقین شعله سینده اودلانان پروانیم عقلی ویردیم زاهده علامه اولسون دهریده اوزگه عالم دور جنون قوی سویله سین دیوانیم . بو جنونیله کی مین عالَمدی هر بیر لحظه سی عقلی یوخ عاقل دگور هر کیم دیسه فرزانیم گوز قجیردیب زاهد بیچاره حور و جنته عیبی یوخ منده هواخواه می و میخانیم . یوخ سوزوم احکام دینه آشنادور شیخ شر منده شکر اولسون ریادن حیله دن بیگانیه م میثم طمار تک جام ولا سرمست ایدوب چکسه لر داره گینه مشتاق بو پیمانیه م . اگمَرَم باش ذلته باشیم کسیلسه کینه دن عاشقم عشقیمده ئولسم یوخ غمیم مردانیم من حسینین آستانین وئرمرم مین جنته اللی ایل دور شرمسار دولت احسانیم . گلشنیم باغیم گلستانیم بهشتیمدور حسین عندلیب نغمه خوانم عاشق مستانیم. کفره محکوم ایتسه قوی ایتسون منی عشقیمده شیخ عشق اگر کفر اولسا منده کافر جانانیم . آند اولا عشقه حسینون عشقی مجنون ایلیوب دوشموشم آواره چوللرده گزن دیوانیم لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

عشق حسینی گریز به عشق دردانه حسین (ع) ،حضرت رقیه (س) . . مرحوم شب خیز . عشق حکم ایلوب حسینون گوشه ویرانه ده جان ویرن قول باغلی بیر قربانینین قربانیم . بیر گهر دفن ایلیوب ویرانه ده تقدیر الی حشره تک اول گوهر دردانه نین حیرانیم عالم و آدم بو دُرّون عشقینه دیوانه دور تک نه من عالم آرا مجنون اول دردانیم . اهل دنیایه ئوز عشقون عاشقانه گوستروب سویلدی شهزادیم چون ساکن ویرانیه م هر ایکی دنیاده ئوز عشقیم سرافراز ایلدی خاکسار کوی عشقم ، عشق سرگردانیم . نوبهار عمریمی عشقیمده پاییز ایتموشم داغدار اولسامدا ایندی زینت گلخانیه م تاج کرمنا بنی آدم قویوبدور باشیمه حضرت جانان اودور اوز جانمون سلطانیم . دامنیمدن صدقیله هرکیم جهاندا وورسا چنگ حاجتین قیلام روا چون درگه شاهانیم شاعر آل محمددور بو شب خیز حقیر افتخار ایلر که روح القدسیله هم خانیم . مفتخر قیلسا خانم دربارینه دربانلیقا فخر قیلام عالمه گور من کیمون دربانیم ای خانم لطف ایت قونوم درگاهیوون ایوانینه بیر کبوتر تک نچون محتاج آب و دانیم لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

واحد – امام زمان (عج) سن‌سیز گورن گلزاردن، گوزلر گلوبدور جانه؛ گل دولسا گلیله گلشنیم، یوخ سن کیمی ریحانه؛ گل نی‌لر دویوبدور ناله‌دن، نرگس باش آچمور ژاله‌دن داغِ دلِ آلاله‌دن، باغریم دونوبدور قانه؛ گل یولدان گئچر هر قافله، گللم جرس‌لر تک دله "بیر گون نولور یاریم گله"، قوردوم یول اوسته خانه؛ گل باشدان داشور سیل بلا، باغلی قالور باب رجا گوگلوم تیکوب گوز یوللارا، حیران باخور هریانه؛ گل ای باشیم اوسته سایه‌سی، عالملرین سرمایه‌سی صوم و صلاتین پایه‌سی، سن سیز قالوب ویرانه؛ گل ای گوزلری باغ جنان، یاندیم فراقوندان اینان افطار چاغی سن‌سیز سینان ...... بغضِ دلِ سوزانه گل سن‌سیز تالاندی گلشنیم دولدی گناهه دامنیم ای لیلة القدریم منیم، یتمور الیم غفرانه گل نعم الحبیبیم گلمدون، امن یجیبیم گلمدون ئولدوم طبیبیم گلمدون، جان اوسته‌یم درمانه گل سن‌سیز بولوم درمان، کیمی؟ محکم اولا قرآن کیمی بیر عمر دور باران کیمی، اشکیم آخار دامانه گل رنجه قدم قیل گلشنه، گل‌لر دوتالار یوز، سنه گلسین غم و دردون منه، قالمور دوزوم هجرانه، گل ای باشدا تاج عزتیم، مُهر قبول طاعتیم یوخ سندن ئوزگه حاجتیم، گلدیم غموندن جانه گل شاعر✍لاادری لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

صوت متن فوق با صدای کربلایی مهدی محرمی 😭😭😭

اولماسیدی علی قیزی زینب (س) 🏴 ندای عاشورا 🏴 -------------------------------ه او لماسیدی علی قیزی زینب پر چم انقلاب یا تمیشد ی ائتمه سیدی قیام اگر زینب شهدا نینده قانی باتمیشدی 🥀🏴🥀🏴🥀🏴 اولما سیدی علی قیزی زینب بوحسین آدی زنده قالمازدی قا لماسیدی حسین آدی زنده کربلا پرچمی اوجا لمازد ی 🥀🏴🥀🏴🥀🏴 اولما سید ی علی قیز ی زینب کو فد ه فا تحییدی ابن ز یا د فا تح او لسید ی ابن مر جانه عدل ودادی یازازدی شروفساد 🥀🏴🥀🏴🥀🏴 اولماسید ی علی قیز ی زینب قید ظلم و ستم قیر یلمازدی شام و کوفه مُسَّخراولمزد ی قصر سبزه علم و وریلمازدی 🥀🏴🥀🏴🥀🏴 نطق ز ینب بیر انقلاب ائلد ی کوفده قوپدی شورش وغوغا نطق آ تشفشا ن ز ینبد ن بِن زیاد اولد ی شهرد ه ر سو ا 🥀🏴🥀🏴🥀🏴 السلام ای سفیر عا شو ر ا خواهر شا ه تشنگان زینب السلام ای عقیله ی علو ی عمه ی صاحب الزمان زینب 🥀🏴🥀🏴🥀🏴 السلام ای مقام صبری ائد ن خصم قرآنی بی امان زینب الحق الحق که کوفه شهرینده وئردون.اسلامه.تازه.جان زینب 🥀🏴🥀🏴🥀🏴 بو خانم کیمدی عر صه ی غمده باج آ لو ر غمکشان د و ر ا ند ان داش وورولارگورور حسین باشینا تا ج آ لو ر با شینه قیزیل قاندان 🥀🏴🥀🏴🥀🏴 السلام ای یزیدی خوار ائلیین بزم شُرب و شر اب ونخوتده امپرا طور شامی بنده چکن کربلا قهر ما نی یا ز ینب 🥀🏴🥀🏴🥀🏴 مرحبا مرحبا علی قیز ینا که اولوب شمع عشقه پروانه قصر سبز یزیده قاره چکوب کاخ ظلمی ائدیب عزا خانه 🥀🏴🥀🏴🥀🏴 جاهدا. عرشیدن گلور بو ندا بو خانم روح عشق و ایماندی جان نثار قیام عا شو را جان فدای قیام قرآند ی 🏴 🥀🏴 ندای عاشورا 🏴 التماس دعا....... جاهد . لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨

زبانحال حضرت رباب (سلام الله)   ای گجه لر یاتمیان ایمدی نولوب یاتمیسان یوخسا سوسوزلوق غمین دلدن اوغول آتمیسان طالعیمون بختیمون اولدوزی تیز باتمیسان من سنه لای لای دیوم یا دیوم ای وای اوغول آغلامورام من سنه آج و سوسوز ئولموسن سن اوغول اوخلانماقین لذتینه گولموسن قان آتاوا آغلورام سرین اوزون بولموسن من سنه لای لای دیوم یا دیوم ایوای اوغول آخشام اولی وقت اولی سودامره ، سود امر سود امرین شوقونا سینه لره سود گلر هانسی آنا صبر ایدر اوخلانا گر سود امر من سنه لای لای دیوم یا دیوم ایوای اوغول؟   مرحوم استاد حاج عبدالعظیم ذهنی زاده لینگ کانال 👇👇👇👇 ﷽🍁 @Ghateelolabaraat ✨اَللّهُمَّ عَجِّل لِوَلیِّکَ الفَرَج✨