‍ حضرت امام حسن عسکری علیه السلام 🎼سبک نوحه: گجلر خرابده آغلارام گونوزی گلیب سینه داغلارام... 🎼سبک : سنی چوخ ویروبلا یات آی ننه ... تمام شیعه لر گلوب نوایه یابن العسکری باشیندا قاره سنده گل عزایه یابن العسکری باشا قاره باغلیاروق آقا بو عزاده آغلیاروق آقا امام انس و جان ئولوب ولی شیعیان ئولوب بو درده آغلاروق آقا امامیمیز جوان ئولوب فلک آغلیور ملک آغلیور سینه ده یانان ئورک آغلیور ئورک دوشوب تلاطمه تاپوبدی عمری خاتمه خبر چاتوبدی جنته گیوبدی قاره فاطمه دیور آی اسیر محن بالا سنه جان فدادی حسن بالا اگر چه فخر شیعیان ستمدن اولدی باغریقان ائوینده یومدی گؤزلرین سو ایچدی جان وئرن زمان ولی تشنه شاهه جانیم فدا بیر ایچیم سو وئرمدی اشقیا ✍شعری از استاد عباسی معروفان اهری ✨اَللّهُمَّ عَجِّل لِوَلیِّکَ الفَرَج✨

‍ ‍ ‍ ‍ نوحه جوشی درسبک: می گذردکاروان زبانحال عبدالله بن عباس(ع) در وفات حضرت ام النبین(س) ای غمی بی حدآنا      محنتی گلمزسانا قویمافراقونده بو      یاره لی قلبیم بانا گوًزلرون آچ باخ منه      گوزلریم آغلورسنه گلمدی اوغلانلارون      لای لای اوغولسوزننه دورمنیم،گویلومی،آل ننه قوللارون،بوینوما،سال ننه قالمشام آواره کیم      غسل وئریب دفن ائدر شامه ده یوخ بیر  گئدن      کیم منی آرام ائدر سنکی بیلورسن چکوب      زحمتیمی چوخ بیبیم حیف اولاالآن چکه      ال باشیما یوخ بیبیم دورمنیم،گویلومی،آل ننه قوللارون،بوینوما سال ننه گلشن غمباریدن  ایلدی پروازقوشوم دای ننه سنسیز منیم  اممیزه قونمازقوشوم  اوزبابام حیدرکیمی   ایوقاپوسین باغلارام   هرگیجه من قبروون   اوسته گلوب اغلارام  دورمنیم گویلومی ال ننه قولارون بوینوما سال ننه سن منی ترک ایلدون      باشداقارا گوزده اشک یاندیرارامّا منی      پاره علم پاره مشک منده دوزوم یوخ ننه      آنداولا ئوزجانووه ایله دعا آی ننه      منده گلیم یانووه دورمنیم،گویلومی،آل ننه قوللارون،بوینوما،سال ننه                      

شهادت جانگداز امام حسن عسکری (ع)را بر تمام سروران گرامی تسلیت عرض مینمایم ☘☘☘☘☘☘☘☘☘☘ سینه زنی حجت ذکی عسکری آقام جان وریب اونا گویلر آغلیور ساخلیوب عزا صاحب الزمان نوحه باشلیوب یکسر آغلیور,,,, سامرا اولوب غرق ماتم و شیعه نون آقاسی وریبدی جان/ چوخلی قوزانور آه ووا سسی ایلیور فغان گویده قدسیان/ بو عزا وماتمده آغلیوب صاحب الزمان اولدی/ باغریقان یرده وار نه غوغا وولوله سس وریر منا مشعر آغلیور,,, چوخلی ضلم ایدوب معتمد  اونا چوخ چکیب جفا حجت خدا/ هی سالوبدی زندانی ایلیوب شیعه نون آقاسون اوبی حیا/ اونبیریمجی ماه هدایتی چوخلی محنته ایتدی مبتلا/ چکدیگی ملال و مصیبته گویده ساقی کوثر آغلیور,,, درک بولمیوب شانینی اونون هیچ زمان اوملعون خلیفه لر/ عسکری آقامی  اومعتمد تختینه بولوبدی بویوک خطر/ چکدی نقشه تا فاطمه گولون پرپر ایلیه رزل بدسیر/ داغدار اولوب فاطمه بو گون هی تو کوبدی اشک تر آغلیور,,,, شیعه نون امامون او معتمد جام زهریله مسموم ایلدی/ صاحب الزمانی یتیم ایدوب  خردا سینیده مغموم ایلدی/ عمرونون زوالون اوزهریلی شربت جفا محتوم ایلدی/ قاره چکدیلر عرش اعظمه بو عزاده پیغمبر آغلیور,,, چوخ جوانیدی عسکری آقام دوشدی بستره اولدی محتضر/ زهریلن وجودی یانوب اونون پاره لندی اکبادی سربه سر/ گون به گون ساراتدی عزارینی زهرایدوب وجودینده چوخ اثر/ ماتمه باتوب کل شیعیان بو عزاده سرتاسر آغلیور,,, اونبیریمجی نور هدایتی خاموش ایلدی ظلم بی امان/ چوخ آز اولدی عمری امامیمین/ گل کیمی سولوبدی اولوب خزان/ چون آناسی زهرا کیمی آقام  جان وریب جفایله چوخ جوان/ بوشهید مظلومه گوییا  عرشیده بو گون داور آغلیور,,, شیعه لر گلون بو عزاده سیز تسلیت دیون شاه اعظمه/ آغلیون بو گون سسلیون آدون غیبتی تاپا بلکه خاتمه/ چون جهاندا ظلم وتعددی چوخ شیعه نون قدین دوندریب خمه/ گل آقا که ایللردی حجریوه قانیلن دولان گوزلر آغلیور,,,,,, از کتاب چهارده معصوم (ع)خوش نواز,,,,

در شهادت امام عسکری (ع) . . مرحوم میرمحمود آقا شوری تبریزی . . عسکری اوغلون وئرور جانانه جان یا فاطمه معتمد مسموم ائدوب گل آغلا یان یا فاطمه . . سن دیرسن بو بالان دنیاده هیچ بیر شاد اولوب دائماً قلب شریفی غصه و غملن دولوب عاقبت مسموم اولوب دور گول کیمی رنگی سولوب لاله تک غمدن اولوبدور باغریقان یا فاطمه . . اول قدر ظلم ائتدیلر بو اوغلووا دلدن یانوب زهر کین بسکه اثر ائتدی وجودی اودلانوب قالدی نه حاله دیه بُلَّم جگرلر دوغرانوب دوشدی قدرتدن اولوبدور ناتوان یا فاطمه . . وار یری بو غمده یانسان ایلسن شور و نوا گوز یاشین جاری یوزه ائتسن دئسن ایوای بالا عمری آز اولدی ولی دائم چکوب جور و جفا گئتدی دنیادن بو اوغلون نوجوان یا فاطمه . . اختیارین رحمسیز دشمنلری الدن آلوب نچّه دفعه بولمورم بو اوغلووی حبسه سالوب اکثری عمری بو قدر واردی زنداندا قالوب شاد و خندان اولمیوبدور بیر زمان یا فاطمه . . بیر بیله جور و جفایه اولدی بو اوغلون دچار عصرینین فرعونی وئردی بو امامه چوخ فشار اولمیا عصرین امامی بلکه بوندان آشکار بو جهانه گلمسون صاحب زمان یا فاطمه . . سنّی اولدی یرمی یدّی دائماً مهموم اولوب عمری آز اولدی ولی دنیاده چوخ مظلوم اولوب معتمد بی دین الینده عاقبت مسموم اولوب اولمادی اما او حاله بیر یانان یا فاطمه

زبانحال حضرت سکینه (سلام الله) سو یوللارین کسدی عدو یاندیم عمو یاندیم احسان ائله بیر جرعه سو یاندیم عمو یاندیم بیللم عموجان محضرونده حرمتیم واردیر باخ گور ایاق اوسته دایانماق طاقتیم واردیر؟ یاکی سوسوزلوقدان دانیشماق قدر‌تیم واردیر بیر جرعه سودان اوتری من، یاندیم عمو یاندیم بیربیر بو خیمگه لری گزدیم سراق ائتدیم سو تاپمادیم ای سرو‌ریم، من هر یره گتدیم امیدیلن درگاهیوه، آخرده یوز گتدیم بابِ کر‌مدیر بو قاپی، یاندیم عمو یاندیم من قوی دولانیم باشیوه، چون شمعِ پروانه سنده طبابت ایله بو درده طبیبانه باخ بو لب عطشان قیزلارا، آواره طفلانه ایلر نجه سو جستجو، یاندیم عمو یاندیم تنگه سالیب سوزِ عطش، بسکی اوشاقلاری سینه آراسینا باسیل لار ایستی قوملاری گور ایش هارا چاتمیش حسینین خردا قیزلاری اوددان ائدیر سو آرزو، یاندیم عمو یاندیم چخمیش صدای العطش، عرشه بو مأواده دقتله باخ بو ناله و افغان و فریاده بیر قطره سو اوستونده دیر، بو غملی صحراده بو کشمکش بو های و هو، یاندیم عمو یاندیم شیرین دیلیم نازلی قیزیم، گوز یاشیوه قربان آبِ فراتی باغلارام، من خیمیه الآن صبر ائت بالام بو دیللرون ائتدی منی گریان ائتمه یانیقلی گفتگو، یاندیم عمو یاندیم ای کربلا سلطانینین غیر‌تلی سرداری آل بو قوری مشکی آپار، دولدور سودان باری سیراب قیل الله رضاسینه، سوسوزلاری ای اهل بیته آبرو، یاندیم عمو یاندیم گهوار‌ده غش ایلیبدیر، شیرخوار اصغر نه سود وار امسین نه وار نه سو ایچسین آخیب گوزلر رنگی طراو‌تد‌ن دوشوب، برگِ گوله بنز‌ر سولموش او طفلِ ماه رو، یاندیم عمو یاندیم ایسته زیار‌ت «یحیوی» انعام اشعاره عباسی اما وئر قسم، اول وقتِ دشواره عرض ایلدی عطشان سکینه، اول وفاداره سو یوللارین کسدی عدو، یاندیم عمو یاندیم مرحوم یحیوی اردبیلی

زبانحال حضرت سکینه (سلام الله) به حضرت علی اصغر (علیه السلام) ای سود امر قارداش لای لای علی لای لای چوح توکمه گوزدن یاش لای لای علی لای لای سن بولمیسن یوخسا یوخ رحم دشمنده رحم ایت منه قارداش سو ایستمه سنده آخر باجون ئولسون سنده سوسوز منده ای سود امر قارداش لای لای علی لای لای چوخ تشنه سن بوللّم رنگون سولوب گل تک اود دوتوب اودلانّام بو حالوی گورجک بیله خیال ایتمه بیر سن سوسوزسان تک ای سود امر قارداش لای لای علی لای لای بی رحمدور بو قوم بولمز وفا رسمی بیگانه ده اولماز چون آشنا رسمی بو لشگرون اولموش آخر جفا رسمی ای سود امر قارداش لای لای علی لای لای ای اکبریم اصغر دردون بیان ایتمه یاندیم کباب اولدوم باغریمی قان ایتمه آز آغلا تاب ایله بیله فغان ایتمه ای سود امر قارداش لای لای علی لای لای درد آز قالوب قارداش بو سینمی دلسون یات قوی آنان آخر بیر لحظه دینجلسون آرام دوت تا که سقّا عموم گلسون ای سود امر قارداش لای لای علی لای لای قارداش علی سنسن بیر گُل بوداقیمده من بلبله سن تک گُل یوخ سراقیمده یرده یوخون گلمور گَل یات قوجاقیمده ای سود امر قارداش لای لای علی لای لای آز قالدی اوز قانون قونداقوه دولسون گورسون آنان نعشون گُل تک یانوب سولسون پستان دم پیکان گهواره قبر اولسون ای سود امر قارداش لای لای علی لای لای اوچ گوندی بیر کیمسه سو ایچمیوب بوللّم شامه کیمی قارداش آردونجا من گَلّم آخر یقینیمدور ویرانه ده ئولّم ای سود امر قارداش لای لای علی لای لای آل پیغمبردن بیر گل یوزی گولمز رحم ایلمز بیر کس گوز یاشلارین سیلمز بیر قطره شیرین سو نیلوم اله گلمز ای سود امر قارداش لای لای علی لای لای اود ویردی یاندوردی دنیانی افغانون آز قالدی کیم قارداش چخشون سوسوز جانون ایلر سنی سیراب ایمدی قزل قانون ای سود امر قارداش لای لای علی لای لای بی کس بابام ایلوب جانانیله پیمان قربان سنه باجون ویرسون سنی قربان راحت ایدر ایمدی اوچ شعبه لی پیکان ای سود امر قارداش لای لای علی لای لای آرتوب ز بس « صافی » آغلار گوزون یاشی اولدی یانان قلبون گوز یاشی یولداشی سسلن که سسلردی بیر باجی قارداشی ای سود امر قارداش لای لای علی لای لای مرحوم صافی تبریزی

زبانحال جناب سکینه (س) به راس برادرش بو نحویله اوزیوه خلقی مایل ایلموسن سبب ندور یوزیوه زلفی حایل ایلموسن دگل بو مسئله ده شام قیزلاری مسئول که پادشهلری کوینده سایل ایلموسن نه خال و خط نه ملاحت نه زلف نه رخسار تمام عالمی محو شمایل ایلموسن نه بیرسکینه سنه دل ویروب علی قارداش که مین بو قدر گوگل بند کاکل ایلموسن خط استه خط بخط قانیله چکوب جدول حدیث عشقیده شرح رسایل ایلموسن یقین غریب آناما چوخ محبتین واردور جداده محمله باشین مقابل ایلموسن دگل دوشاخه و زنجیرظلم بوینومدا کمند عشقیدی بو سن حمایل ایلموسن اودوردالینجا علی گلمیشم بو شهره کیمی اودور دالینجا علی گلمیشم بو شهره کیمی نقدر نیزه ده طی مراحل ایلموسن ادای عشقیده نقصین یتوردی اکماله یقین که (آصفه)بیرلطف کامل ایلموسن مرحوم آصف تبریزی

‍ ‍ در شهادت امام حسن عسکری (ع) #سبک_بیا_یابن_الحسن_آرام_جانم واگیر برای این سبک شاعرکربلایی رضا ماه پری زنجانی جهانه غصه و غم حکمراندی محبت شمعینه پروانه یاندی دل اهل ولا بو غمده قاندی غروب عمر مولای جواندی بو گون صاحب عزا صاحب زماندی دوتوبدی سامرانی غصه و غم یاقیر گویدن یره باران ماتم ایدوبدی زهر اثر مولایه کم کم یانوبدی گل وجودی اوتا ازدم جفای زهریدن دل باغریقاندی بو گون صاحب عزا صاحب زماندی جفای معتمدن جانی خسته باشین خم اتمیوب ظلام پسته قویاردی سجدیه باش دل شکسته سلام ایلردی یر اول حق پرسته گوزل قبری بیزه باغ جناندی بوگون صاحب عزا صاحب زماندی واریدی قدرتی ارض و سمایه رضا اولموشدی اما هر بلايه گلردی هر گئجه شور و نوایه دوتاردی یوز غریب کربلایه یوزه گوز یاشی گوزلردن رواندی بوگون صاحب عزا صاحب زماندی دیردی ای دوشن ائلدن آرالی سنه قان آغلارام زهرا مارالی سوسوزدان سولدی جسمون گل مثالی نجه تاپدی سنی زینب. یارالی گوروبدی اوخلارا قلبین نشاندی بوگون صاحب عزا صاحب زماندی الی باشدا توکوب رخساره قان یاش قاچوبدی تلیدن گوداله بیر باش نجه گلدی قلم یازمیدی ای کاش نه گوردی بیلمورم سسلندی قارداش گوزون آچ خیملر یکسر تالاندی بوگون صاحب عزا صاحب زماندی دیدی قارداش جهانی داغلارام من پوزولموش جسمیوه قان آغلارام من عزا بزمی قوروب یاس ساخلارام من ئولونجه قاره معجر باغلارام من ایشیم بونان بیله آه و فغاندی بوگون صاحب عزا صاحب زماندی

سبک نوحه فوق☝️

حالات حضرت ام البنین سلام الله علیها به سبک زینب زینب زینب الله الله الله آز قالدی چیخا جانیم عباسیم عجب گلمور الله الله الله دیداره گل یاسیم واردی نه سبب گلمور ام البنینم             زار و حزینم هارداسان عباسیم      تئز گل. گل یاسیم  2بار الله الله الله یثربده یانوب صولدوم بس هاردا قالوب اوغلوم الله الله الله شهریمده غریب اولدوم بس هاردا قالوب اوغلوم الله الله الله من ابر کیمی دولدوم بس هاردا قالوب اوغلوم ام البنینم              زار و حزینم هارداسان عباسیم     تئز گل گل یاسیم 2بار الله الله الله عباسی گوزوم گوزلر قالدیم گوزی یوللاردا الله الله الله وار دیلده یانان سوزلر بس قالدی بالام هاردا الله الله الله جانیم چیخوری ایکاش عباسیم اولا بوردا ام البنینم             زار و  حزینم هارداسان عباسیم.  تئز گل گل یاسیم 2بار الله الله الله بیلدیم که شهید اولدی عباس وفاداریم الله الله الله قربانی دین اولدی غیرتلی علمداریم الله الله الله بی یار و معینم من دوغراندی هواداریم ام البنینم              زارو حزینم هارداسان عباسیم    تئز گل گل یاسیم 2بار الله الله الله دورت شیر قوی پنجه میداندا شکار اولدی الله الله الله قول دوشدی باشی سیندی قان گوزلرینه دولدی الله الله الله عباسی یخان آتدان بیر جوت او اوزون قولدی ام البنینم           زارو حزینم هارداسان عباسیم   تئز گل گل یاسیم 2بار الله الله الله عباس وفاداریم بس هاردا قالوب گلمور الله الله الله بیلمور آناسین هجران بو درده سالوب گلمور الله الله الله کیم اوغلوم ابوالفضلین یاراسین آلوب گلمور ام البنینم                زارو حزینم هارداسان عباسیم. تئز گل گل یاسیم   2بار عباس عباس عباس گل دردیمه قیل چاره گل دردیمه قیل چاره عباس عباس عباس باخ بو دل بیماره باخ بو دل بیماره عباس عباس عباس عشقیله شهید اولدون سالدین باشیما قاره ام البنینم                  زار و حزینم هارداسان عباسیم.      تئز گل گل یاسیم 2بار عباس عباس عباس گل بو اورگیم قاندی گل بو اورگیم قاندی عباس عباس عباس زینب دئیوری گوردوم قولسوز جگریم یاندی عباس عباس عباس یاندی بالا قیزلاره مشکین سویی اوخلاندی ام البنینم.            زارو. حزینم هارداسان عباسیم      تئز گل گل یاسیم 2بار عباس عباس عباس غمدیده ی دورانم لطف ایله پریشانم عباس عباس عباس  «مهدی» گنهکارم ای یاور غمخوارم عباس عباس عباس آلوده ی عصیانم قبریمدن هراسانم ام البنینم.               زارو حزینم هارداسان عباسیم     تئز گل گل یاسیم 2بار ملتمس دعا مهدی ملکی ملتمس دعا مهدی ملکی زنجانی

يامهدي عج مژده ويرون شيعيان جسميلره گلدي جان تاج امامت قويوب باشينه صاحب زمان اي گل باغ جنان   ////  مهدي صاحب زمان مهدی زهرابوگون عالمه سلطان اولوب شیعه لرین دیلده کی دردینه درمان اولوب شاه جهان فاتح قلعه دیوان اولوب گولدی گل و گلستان نوریله دولدی جهان بیربیله شاهین جهان جانینه قربان اولا شهد و عسل دن گرک باغ و گلستان دولا شادوخرامان ویرر شاه و گدا قول قولا شکرکی اولدون امام حیف کی اولدون نهان دیلده کی آلاموه شیعه لر اولسون فدا یاخجی ذخیره ایدوب سن کیمی شاهی خدا گوش به فرماندیلار امروه ارض و سما خاصه اولار جانفدا امرایلسون شیعیان شیعیه بیرقیل نظر ای پسرفاطمه قویمادوشه هجرده منتظرون ماتمه لطف ایله چیخ پرده دن ویر سفرون خاتمه مقدموه گول سپرفخریله پیروجوان منتظرعاشقلرین قویماگوزین دیده تر سن بیلوسن یوخدی دای بیزده دعاده اثر نظم دگوب بیربیره گل ایله ختم سفر ای گل نرگس گیدوب غارته هرگلستان اي گل باغ جنان   ////  مهدي صاحب زمان يامهدي عج مژده ويرون شيعيان جسميلره گلدي جان تاج امامت قويوب باشينه صاحب زمان اي گل باغ جنان   ////  مهدي صاحب زمان مهدی زهرابوگون عالمه سلطان اولوب شیعه لرین دیلده کی دردینه درمان اولوب شاه جهان فاتح قلعه دیوان اولوب گولدی گل و گلستان نوریله دولدی جهان بیربیله شاهین جهان جانینه قربان اولا شهد و عسل دن گرک باغ و گلستان دولا شادوخرامان ویرر شاه و گدا قول قولا شکرکی اولدون امام حیف کی اولدون نهان دیلده کی آلاموه شیعه لر اولسون فدا یاخجی ذخیره ایدوب سن کیمی شاهی خدا گوش به فرماندیلار امروه ارض و سما خاصه اولار جانفدا امرایلسون شیعیان شیعیه بیرقیل نظر ای پسرفاطمه قویمادوشه هجرده منتظرون ماتمه لطف ایله چیخ پرده دن ویر سفرون خاتمه مقدموه گول سپرفخریله پیروجوان منتظرعاشقلرین قویماگوزین دیده تر سن بیلوسن یوخدی دای بیزده دعاده اثر نظم دگوب بیربیره گل ایله ختم سفر ای گل نرگس گیدوب غارته هرگلستان اي گل باغ جنان   ////  مهدي صاحب زمان استاد ودود آذین استاد ودود آذین