عمه جان غم شاهدین آغوشه چکدیم جان کیمی
غنچه وقتیمده پوزولدوم بیر گل خندان کیمی
.
.
پر شکسته بلبلم من گلستانی نیلورم
بوردا قالسام خوشدی یانمیش آشیانی نیلورم
.
.
بُلمورم نه سرّی واردور بو خرابه منزله
گون بگون آرتور علاقم دیلده کی گلمز دله
بو قدر وار خوش گلور خلوتسرا اهل دله
گوئیا من بوردا قالام کربلایه گیتمرم
اولموشام مأنوس بو خلوتسرایه گیتمرم
.
.
اونداکی بیداد الیندن اولدوز آزاد عمه جان
گلدیقی یولاری طی ایتدی بو یورقون کاروان
کربلایه چون یتوشدوز نامه یاز ایله روان
بی خبر قویما منی اول قامتی شمشادیدن
اکبر آدلی قارداشیم مظلوم اولان ناشادیدن
.
.
بو آز عمریله هجوم ایتدی منه غم رنگ رنگ
ساقی محنت توکوب پیمانۀ جانه شرنگ
ظلم الیله شیشۀ قلبیم اولوب آماج سنگ
ایسترم بو تنگنای دهریدن آزاد اولام
گوشه ویرانه ده ناشاد اُلم تا شاد اولام
.
.
احتضاریمدور خبر ویر عمه آل هاشمه
هر نه زلفیم تک پریشان وار یغیشسین باشیمه
ممکن اولسا گر – صبا گیتسون دیسین قارداشیمه
گل باجین ویرانه ده تُپراقلار اُسته جان ویرور
آخرین ساعاته چاتموش عمرینه پایان ویرور
.
.
عمه قبریم اُسته یاز بودور حسین دردانه سی
مونس زینب رقیه شمع حق پروانه سی
گوشه ویرانه اولدی عاقبت کاشانه سی
گنجی مدفون ایلدیم ویردیم امانت سیز لره
شامیان بو قبر اولور نور هدایت سیز لره
.
.
یر ایشقلی کوکبم باش ویرمیشم بو شامیده
نوریم آرتار گون بگون سؤنمز گلن ایامیده
شهرتیم باقی قالار خلق ایچره خاص و عامیده
سیر سیز بیر اولدوزام چیخدیم داخی من باتمارام
من هدایت نوریم دین اهلینی من آتمارام
.
.
شامیده آزغین قالانلار نوریمیله یول تاپار
پرچم حق قوزانیبدور بیرق باطل یاتار
باش ویرن اسلامه باشدان کفر سوداسین آتار
قبریمه زوار اولالّار دسته دسته فوج فوج
آختارالّار ساحلی طوفان الیندن موج موج
.
.
عمه جان بو نچه گونده گرچه رنجور اولموشام
نوش جا نیمدور بو محنت چونکه ماجور اولموشام
گو شه ویرانه ده بو امره مامور اولموشام
ظلم و ظلمت کاخینی آخرده ویران ایلرم
کوکب حقم جهانی نور باران ایلرم
.
.
سر سپرده اول «کلامی» بوینوا سال سلسله
عالمه سر خیل اولوب روز ازل بو سلسله
عمه سیندن پای بوس قبرینی ایسته صله
ایلسه حقدن شفاعت مطلقا ایلر قبول
زینبین شان و مقاماتینده حیراندور عقول
.
🖋️استاد حاج ولی الله کلامی زنجانی
#ورود_به_شام
@Hazrate_Abalfazll
سس دوشدی گلور شامه حسین باشی جداده
شام اهلی تماشایه چیخا ائتدی اراده
هر رهگذری خلق ویروب ال اله دوتدی
غوغا اوجالوب هلهله و غلغله دوتدی
زینت تاپوب اولموشدی بوتون شهر چراغان
ائتمیشدیله خلقه اولاری خارجی عنوان
رقاصه لر اوینوردی دوشمنیشدی خیابان
سازنده گیدوب شوره نوازنده گلوردی
رقاص اوتوروردی یره خواننده گلوردی
بایرام کیمی اللرده حنا خرد و کلانین
قاتمیشدی باشین عیش و طرب پیر و جوانین
پیغمبرین آلمیشدیلا معناده توانین
بولموردیله که ختم رسل شامه گلوبدی
ایتام آتاسی باش چکه ایتامه گلوبدی
بیردن نه گوروبلر که سینیق قافله گلدی
منظوری تماشاچیلرون حاصله گلدی
ناگاه حسین باشی جداده دله گلدی
قرآن اوخودی قانلی لبی آیه به آیه
سالمیش باشینا قیزلارینون نیزه ده سایه
شام اهلنی غم منظره سی حیرته سالدی
بعضیسی قیتدی ایوه بعضی لری قالدی
بو اوندان او بوندان جریانی خبر آلدی
هر کس که بولوب بولمینی ایلدی حالی
وردی باشا ای وای دئدی پیغمبر عیالی
دوشموشدی جداده شهدا باشی نظامه
تشبیه گونه اولدوزا یا بدر تمامه
مشعل او چراغانیده اولموشدولا شامه
هر تک تکی نین سیریده مخصوص مسیری
مجذوب ائلیوب هر بیری بیر نچه اسیری
هر بیر باشا مینلرجه گوز ایلوردی تماشا
مشغول تماشا اوزی زیبا و دل آرا
مشهوریدی شام اهلی اولور حسنده تنها
سوزدن بوله سن باش ندی باش صاحبی کیمدی
یا حسن ندی حسنون اولان طالبی کیمدی
مستغرقیدی بحر تحیرده باخانلار
یا رب گورسن کیمدی دئردی بو جوانلار
چوخ جای تعجبدی که ئولموله قالانلار
دلده بولارین لاله کیمی داغی ساغالماز
بیر بئله جوان ئولسه آناسی دیری قالماز
بوندان بیلسن لیلینین احوالینی سنده
نه چکدی او مدتده و یا ملک وطنده
اکبر وئیه بولموردی دوشوردی دیلی بنده
ایستردی دوشه سوز یتوره خلقه مرادین
قویدی آناسی ئولموش علی اکبرین آدین
داماد باشیندا ائلین زلفه نظاره
دلدن آلشوب یاندی دیلی دوتدی شراره
بیردن او جماعتدن اوزون چکدی کناره
گوز یاشی توکوب آغلادی احوال عروسه
یاندی ئورگی ایده و آمال عروسه
اصغر باشی آلمیشدی ئورکلرده کی تابی
سویلوردوله یوخدور غمینین حد و حسابی
هر چند تانیموردولا غم دیده ربابی
حقلیردیله کی حقلیدی حسرت ئولوم ایتسون
الله آناوین کورپه بالا دادینه یتسین
سقا باشی اما یوخودی نوک جداده
فرض ایلماق اولماز او بویوک مطلبی ساده
هاردیدی یرین دل دئماقا ائتمز اراده
نسگل اوتی کشف اولسا دل عالمی داغلار
جنتده علی ساقی کوثر یانار آغلار
زهرا قیزینون تنگیدی دنیا نظرینده
چیخمیشدی ئوزوندن غم و محنت اثرینده
گوردوقجا تماشاچیلری دور و برینده
الله بولوری غملر الیندن نه چکوردی
بیر عده ستمگرلر الیندن نه چکوردی
آدم گتوروب دور ،دیه سن بس در و دیوار
مملویدی عورت کیشیدن کوچه و بازار
بیر خاتم انگشتر اولوب عترت اطهار
ناجنس لرین دستی رسندیدی تمامی
آزار و اذیت هوه سیندیدی تمامی
بعضی داش آتوب دل یاراسی بعضی ووراردی
مهمان باشنا گل یرینه کول سووروردی
صیاد صفت دام بلا یولدا قوروردی
هر دام بلانی قوران اوز قوردوقی یره
ائلوردی اذیت برینه دوردوقی یرده
هر گونه ستم ایتماقا اولموشدیلا آزاد
هر کس که نه الیندن که گلوب ائلدی بیداد
بیجا دگی فرمایش ائدوب سید ...
🖋️مرحوم استاد حافظی تبریزی
#ورود_به_شام
@Hazrate_Abalfazll
سینه زنی اربعین
از جوانی به پیری رسیدم
عاقبت کربلا را ندیدم
لطف کن ای خدا قدیرم
کربلا را ببینم بمیرم
دور حسین شامیدن گلدی زینب
قبریوه چاتدی دینجلدی زینب
آهیم اوج ایتدی عرش برینه
ئولمویوب گلمیشم اربعینه
چولری گزمیشم مات و حیران
گلمیشم خسته و دل پریشان
پیشواز ایله بو دل کبابی
دردیمه یوخ بو دنیاده درمان
کربلا از وفا توشه دارد
چون حسین قبر شش گوشه دارد
قبر پاک حسین را بنازم
با حسین در جهان سر فرازم
من شنیدم لب آب دریا
گشته یا ربنا قبر سقا
نام او دردها را معالج
زین سبب گشته باب الحوائج
عهدیمی باشه آخر یتیردیم
نخل امیدی بیرده بیتیردیم
دل خوشام ئولمدیم اربعینه
قیزلاری قبرین اوسته گتیردیم
یا جمیل السناء یا رجائی
یا بقیع السماء یا دوائی
یا قدیم الوفا یا شفائی
آچ ئوزون راه کربلانی
#اربعین
🎤بانوای مرحوم استاد حاج مؤذن زاده اردبیلی
@Hazrate_Abalfazll
روضه اربعین
بوردا دیردی بیزلری سالدلار آت قباقینه
بوردا دیردی ناله میز یتدی سپهر طاقینه
ایندیده عمه هرکسین خار باتور ایاقینه
سوزشی وار سزلدوری آه وفادور عمه جان
رسمیدور آغلیوب یانار هرکسین ئولسه بیر کسی
فاطمه نین بو نقطه ده غیردی سر ناله سی
عمه گلور قولاقیمه اصغرین آغلاماق سسی
اله دییر یاندین ننه
#اربعین
@Hazrate_Abalfazll
روضه اربعین
کوفیه گیرنده قطاریمیز / حالیمه منیم داغ داش آغلادی
یادیمه گچن گونلریم دوشوب/ اولدی کیم منه یولداش آغلادی
ناقه ده هرای چکدیم آغلادم/ نیزه ده یارالی باش آغلادی
(حسین هیچ یادمنان چخمور قارداش )
باشیوی کسن وقته اشقیا / دوشدوقون یری گلدیم آختارام
غیرتیم قبول ایتمدی حسین / باشیمی آچوب شمره یالوارام
(حسین اله اوگونن بئله اولموشام با)
زینبم غمینده قوجالمشام
قرخ گونون فراقی اولوب منیم / غم گلیب حسینیم غم اوستونه
گلدین ایندی شش گوشه قبریوین / نصب ائدم قرا پرچم اوستونه
ای منیم امیدیم نه یاتمسان؟ / دور الیوی قوی سینم اوستونه
زینب ایستردی ئوز عشقین عالمه اعلان ویره
اول قدر قالموردی قارداش قبری اوسته جان ویره
(هامی بئله باخور ام کلثوم یریدی قاباقا باجی بسدی قربان اولوم سنه فقط بو آرام اله دی خانمی یوخسا دورمازدی اوقبریدن)
باجی دور گداخ قبر علمدار اوسته سینه داغلیاخ
#اربعین
@Hazrate_Abalfazll
@sotolabbasnaser shams arbain.mp3
زمان:
حجم:
1.1M
حاج ناصر شمس - روضه اربعین
#روضه_اربعین_
@Hazrate_Abalfazll
اول بویور گوروم یارالی یاخشیدور یاران؟
بیر آزدا قوی دییم سنه ئوز روزگاریمی
(اله قبرین دوره سینی خلوت اله دی باجی محبتین آیری محبتلرینن قیاص الماق اولماز بیوردی تمام باجلار بالالار چکیلدیلر کناره ایلدی بیر الین قویدی قبرین بیر گوشه سینه )
بیر آزدا قوی دییم سنه ئوز روزگاریمی
گور من نه چکمیشم هله دور زمانه دن
ماموریت قوتاردی ئولوم ایسته زینبه
بیر سری وار رقیه نی گتیره بولمورم دله
بیر نصف شب اشیدیم او شیرین زبانیدن
گوردوم یواش دیور آجام عمه یاتانمرام
وارد اله دی بزمه بیزی ظهر چاقندا
سفره واردی دارالاماره اتاقندا
هر نوع غذا بن زیادن قاباقندا
#اربعین
@Hazrate_Abalfazll
@sotolabbasbalayi.mp3
زمان:
حجم:
2.2M
حاج امیر بالایی
اول بویور گوروم یارالی یاخشیدور یاران ...
#اربعین_
@Hazrate_Abalfazll
جدید_ آهنگ حماسی_بدرقه ی راه زائرین اربعین
____
به لطف زهرا_ غرق شور و شینم
بو اربعینده _زائر حسینم
مزاریوه ای صاحب کرم_پیاده راهی اولموشام گلم
حرم سنوندی _علم سنوندی_کرم سنوندی_یا مولا
مولا_یا حسین مدد(4)
___
نجف اولوبدی_ پایتخت غیرت
علیدن آلدیم_ رخصت زیارت
شه ولایت_ایلدی عنایت
مزاریوه ای صاحب کرم_پیاده راهی اولموشام گلم
حرم سنوندی _علم سنوندی_کرم سنوندی_یا مولا
مولا_یا حسین مدد(4)
___
عمودی بیر بیر_سایمیشام پیاده
چاتور بهشته_انتهای جاده
صفای جنت _واردی کربلاده
مزاریوه ای صاحب کرم_پیاده راهی اولموشام گلم
حرم سنوندی _علم سنوندی_کرم سنوندی_یا مولا
مولا_یا حسین مدد(4)
___
بو یوللارین وار_آیری بیر صفاسی
اولوب(حسین وای)_دیللرون نواسی
باشیمدا واردی_کربلا هواسی
مزاریوه ای صاحب کرم_پیاده راهی اولموشام گلم
حرم سنوندی _علم سنوندی_کرم سنوندی_یا مولا
مولا_یا حسین مدد(4)
___
ئورکلر ایستور_تا گوره ضریحی
گلوب مزارن_ارمنی،مسیحی
سنه فدا ای_کربلا ذبیحی
مزاریوه ای صاحب کرم_پیاده راهی اولموشام گلم
حرم سنوندی _علم سنوندی_کرم سنوندی_یا مولا
مولا_یا حسین مدد(4)
#اربعین_
@Hazrate_Abalfazll
هیات فاطمیون زنجاننوحه-حاج سید یوسف شبیری.mp3
زمان:
حجم:
2.8M
پیاده راهی اولموشام گلم
#شعراز_بهلول_حبیبی_زنجانی
ویژه #اربعین حسینی
حاج سید یوسف شبیری
@Hazrate_Abalfazll