نوحه پایان ماه صفر ایکی آئدی دیموشوق وای شه عطشان حسین         قورتولور بزم عزا ائت بیزه احسان   حسین گیموشوق قاره آقا     درده ائت چاره  آقا ۲ ای آقا ائله بوعاشقلروه لطف وعطا                  ایکی آی قاره گییوبدی هامی ایلوبدی  نوا                      سندن ایستولله برات بارگه  کرب بلا            اولالار بیر نچه گونده سنه مهمان حسین بیزه لطف ائتدی خدا بوایکی آی صبح ومسا بزم عشقونده سنون ائلموشوق شور ونوا ویر سیله اهل عزایه سنی زهرا ای آقا           آچموشوق اللری درگاهوه  گریان حسین سن علی اوغلوسان ای معدن جود میر امم بوش یولا سالماموسان نصرانینی وارنه مقام خلقت دارومکان سویلوری هرگونده  سلام.           نه جلالت ویروب الله نه دی عنوان حسین هرزمان یاد ایدروق محنتوی دنیاده ولی بیر محنته فریاده گلر زهراده اوداع حالیدی زینب ده گلوب فریاده           دیدی زینب اولا جانیم سنه قربان حسین یاز قلم ماه صفرده یتیشوب پایانه یاز وداع حالینی گل صبح ومسا افغانه تا وداع صحبتینی گتدی امام  اعلانه            دوره سین آلدی هامی اولدولا نالان حسین بیر ی سویلردی بابا ایستموروق سوسندن بیری سویلردی بابا اینجموسن سن مندن بیری سویلردی بابا واردی خطر دشمندن        باشوی کسماقا آماده دی عدوان  حسین یاز بهشتی بیزه ده ائتسون حسین لطف وکرم هئیتیله قویاق اول صحنه ء رضوانه قدم دییاق احسان ائله بوجمع ایا صاحب علم        نهر علقمده دییاق ائلدون احسان  حسین     گیموشوق قاره آقا      درده ائت چاره آقا التماس دعا

شهریارشهره ی دهرکرامتدورحسن شهریارشهره ی دهرکرامتدورحسن اولین فرزند سلطان ولایتدورحسن دومین ماه درخشان امامتدورحسن حضرت زهرا کیمی کوه شهامتدورحسن حضرت حیدرکیمی دریای غیرتدورحسن وسعت وصف حسن مافوق هرادراکیدور فرشیده گرچه ولیعهد شه لولاکیدور عرشیده اما اوزی شاهنشه افلاکیدور رتبه ده مولای بی باکه برابردورحسن درحقیقت عرشیده بیر آیری حیدردورحسن مرتضا تک مجتبانون گویده عزوجاهی وار قصرلاهوتون جوارینده اقامتگاهی وار مجتبانون یردن ارتوق گویده خاطرخواهی وار بت شکن مولی کیمی افلاکه لنگردورحسن هم یره هم گویلره سردار وسروردورحسن پای چاتوبدور مجتبادن روح پیروزی بیزه مکتبیندن شامل اولمیش حکمت آموزی بیزه بذل ایدور الله اوناخاطر بیله روزی بیزه ابتدای چشمه ی باران رحمتدورحسن انتهای مقصد راه سعادتدورحسن جان سبوسین مجتبانون عشقی لبریزایلیر مرده جسمه روح جاویدانه تجویزایلیر شوره زاره گرنظر سالساشرفخیزایلیر چونکه تفسیر کمال بی نهایتدورحسن آنداولا زهرایه سرتاپاشرافتدورحسن مهربان الله عطای بی کران خلق ایلیوب یعنی قلبون وسعتین بیراسمان خلق ایلیوب مرتضانون ارشد اوغلین مهربان خلق ایلیوب شوکتی قالسون هله گنج محبتدورحسن مهربانلیقدا دیه بیلم قیامتدورحسن تشنه ی جام محبتلردیلریاحسن رهروان کوی رافتلر دیللریاحسن عاشق قرآن وعترتلردیللریاحسن مست صهبای ولایتلردیللریاحسن عشقیله آزاده ملتلردیللریاحسن یاحسین ویاحسن ذکر اولوالالبابیدور هرایکی شاهون مقدس ادلاری جذابیدور هم حسین همده حسن عشق اهلینه اربابیدور سایل باب کرامتلر دییلریاحسن عشقیله پاکیزه فطرتلر دییلریاحسن کیم چاغیرسا یاحسن روح حسینی شادایدر لطف مولا هرایکی دنیاسینی ابادایلییر حضرت زهراونا محشر گونی امدادایدر تشنه ی جام شفاعتلردییلریاحسن روزمحشر باسعادتلردییلریاحسن سنبل اسطوره های استقامتدورحسن حضرت حیدرکیمی کوه شجاعتدورحسن آنداولاز هرایه سرتاپاشرافتدورحسن عمق دیلدن باشرافتلردییلریاحسن آشنای بزم الفتلردییلریاحسن گرچه قبری بی چراغ و سایبانسیزدورهله گوزلروک قبرین چراغان ائتمگه مهدی گله کیم اوتوزلی قبره اما باخساچشم قلبیله ایلسه گرارزیابی گوزلریندن یاش گلر قبرینون داش تپراقی والله طلادن باش گللر هشتادایل صبرایلیوب شیعه زمانون جبرینه اجرعطا ایلر خدا داغلی اورکلر صبرینه آسمانون طاقی قربان سایه بانسیزقبرینه کهنه قبریکی گورورسوز اگلشوب توزداشینه گونده مین یول آسمان اهلی دونللرباشینه ای قلم لال اول مجلل مرقدی نیلورحسن چوخدی گویدن زائری رفت آمدی نیلورحسن قبری عرشه سایباندور گنبدی نیلورحسن سایبانسیز قبرینون گردین جهانه ویرمروک بیراووج خاکین تمام کهکشانه ویرمروک کربلایی که فضیلتدن سمایه اوجی وار مثل دریاتربتینده فضل ورحمت موجی وار کربلانوندا اوپوزقون قبره والله بورجی وار هامی سسلرجان حسین سسللرحسینده جان حسن یاره لی سینم یارالی سینووه قربان حسن مجتبانون ایندیده قلبینده گیزلین یاره وار یدی سینیننده باشین سالدی بلایه روزگار اغ گویرچینلر کیمی مظلوم دهرون. اهل نار کوچه ی باریک یثربده پرین سیندیردیلار بوینی چینیننده حسن باخدی آناسین ووردیلار لبلری گولمز اوشاقون قلبینی سیندیرسالار رشته ی جانین حضورینده ستملن قیرسالار گوردوشرایانه غوغایه آناسین وورسالار حمله وراولدی حسن اول اونادان دشمنه اشگی گوزلرده صورا سسلندی بیریول جان ننه اوغلینون دوتدی الیندن سینه سی مجروح انا ئوز گوزین اوپدی صورا جان مثلی باسدی باغرینا سیلدی اشکین گوزلریندن ویردی آرامش اونا صبرایله اوغلوم دیدی گیزلین غمون آگاهی وار عیبی یوخ دینمه بالا بی کسلرون اللهی وار باشیم اوسته غم یمه سایه سالانیم واربالا قارداشیمدا اولماسا لای لای چالانیم واربالا حضرت مهدی ادیندا قان الانیم واربالا سن کیمی بیرگون اودا هی سسلنرای وای انا قبریمون اوسته اچارباشین دییرلای لای انا جایگاه دفنیمی تنهابالام مهدی بیلر قبریمون گردو غبارین قان الان اوغلوم سیلر سویرینه قبریم اوسته سویگولوم اشکین چیلر سسلنر ال عبانون گلشنین سولدوردولار ظلمیله مظلوم انامی ووردیلاراولدوردیلار درد زهرا سالدی دیلدن زینبون قارداشینی سوزدوشنده کوچه ده ن توکدی یوزه گوزیاشینی قویدی بوینین چینیننه سالدی اشاقه باشینی غم غبارین یاره لنمیش سینه دن سیلدیرمه دی دردینی زهرا اولینجه بیرکسه بیلدیرمه دی گون باتا ندا آه وزاریله چیخاردی کوچیه اشکی گوزدن آب زمزم تک اخاردی کوچیه حسرتیله بوینی چیننده باخاردی کوچیه کوچه ده محشرقوپان یرده گلردی شیونه سسلنردی محنتوندن یاندی قلبیم ای ننه عرض ایدردی مهربان اللهه اودلی سوزلرین یادینه سیلی دوشن وقته یوماردی گوزلرین اگلشوب یرده قوجاقلاردی اوخردادیزلرین هی باخوب دیواره ساری سسلنردی جان ننه گوزلریم اولسون گویرمیش صورته قربان ننه

بسمه تعالی احوالات امام حسن مجتبی علیه السلام🍂 🎼به آهنگ:ای قلم سوزلرونده اثر یوخ هارداسان زینبیم گل هرایه سالدی جعده باشیمی بلایه اوز ایویمده غریبانه اولدوم زهر کین وردیلر مجتبایه گل گیلان سن باجی گل دایانما باشیمون اوسته گل تز یوبانما گل باجی .گل باجی.گل باجی جان. 2. باشیون زینبیم قاره باغلا گل اولوبدور حسن سینه داغلا گل یوبانما ننم ده گلیبدور سس سسه ویرگیلن سنده آغلا گل گیلان سن باجی گل دایانما باشیمون اوسته گل تز یوبانما گل باجی.گل باجی.گل باجی جان .2. ظلم ایدوب جعده ظلمه دایاندی ایلیوبدور خیانت عیاندی زهری توکدی سوا منده ایچدیم اود دوتوبدور سینم اودا یاندی گل گیلان سن باجی گل دایانما باشیمون اوسته گل تز یوبانما گل باجی .گل باجی.گل باجی جان.2. هارداسان گل حسین جان آماندی اود دوتوبدورحسن اودا یاندی زهر ایدوبدور اثر گل یوبانما زهر ایچوب مجتبی نیمه جاندی گل گیلان سن باجی گل دایانما باشیمون اوسته گل تز یوبانما گل باجی .گل باجی .گل باجی جان .2. جان گلیبدور چاتوبدور دوداقه گل گیلان سن باشیم آل قوجاقه سن گلورسن ابوالفظلینن گل دوزماق اولماز حسین جان فراقه گل گیلان سن باجی گل دایانما باشیمون اوسته گل تز یوبانما گل باجی.گل باجی.گل باجی جان. 2. هارداسان گل حسین جان آماندی آیریلیق دردی چوخ اود سالاندی باشیمون اوسته گل تز یوبانما زینبون غصه دن باغری قاندی گل گیلان سن باجی گل دایانما باشیمون اوسته گل تز یوبانما گل باجی.گل باجی.گل باجی جان.2. التماس دعا ✍شعر از یعقوب رشتبر

▪️رحلت حضرت رسول اکرم(ص) زبانحال حضرت زهرا(س) ✍بقلم حاج عباسعلی دهقان(صاحب) 🎤#بانوای_حاج_علی_سیفی_افشار 🎼سبک:گلمیشم فغانه يانه يانه عمه آچ گوزون دانیشدور سن بودل غمینی دشمنین ایچینده قویما تک علینی اولموشام بابا گریان فاطمه‌ سنه قربان آچ گوزون اماندور(۲) گیتمه بوجهاندان. ای بابا اماندور عترتین گورورسن غمده باغریقاندور عارضه بوگوزیاش گورنئجه رواندور دشمنین جفاسی گون کیمین عیاندور قویماتک قالا عترت ترک ایدربیزی امّت آچ گوزون آماندور(۲) گوربابا حسنله آغلوری حسینین دوزموری فراقه نورهردو عینین آرتوروب غمینده ناله سی علینین فاطمه اوجالدوب ناله وانینین اولمویور منه چاره باشیما سالوم قاره آچ گوزون اماندور(۲) غسل ائدورعم اوغلوم گورنه يانه يانه زینبیله کلثوم دوندی باغریقانه دشمنین الینده دویدون ایندی جانه غصب اولوب خلافت آیری بیرزماندور کوچه ده دگر سیلی بوئوزیم اولارنیلی آچ گوزون اماندور(۲) یومدی گوزلرینی خاتم رسالت مرتضی علیدن غصب اولوب خلافت‌ باب وحیه حمله‌ ایلویوب جماعت فاطمه دوگولدی اولدی چوخ جسارت قمچی ووردی چوخ ثانی سینه ده آخوب قانی آچ گوزون اماندی(۲) سجده ده علینون یاره دن آخوب قان آل مصطفانی اولدی دیده گریان کربلاده اوغلی گئچدی باش وجاندان صاحبیله سیفی اولدولار پریشان قان اولوبدی گوزیاشلار نیزه یه گئدوب باشلار آچ گوزون اماندور(۲) ✍بقلم حاج عباسعلی دهقان(صاحب) 👇

سلام علیکم خدمت کاربران محترم کانال پنج مریض زخم بستر داریم نیازبه تشک طبی سلولی داریم👆👆👆👆👆 به یک دستگاه اکسیژن ساز برقی نیازمند هستیم 👉👉 ایزی لایف بزرگسال در هرماه 15بسته به نیازمندان نیازمندیم👆👆👆👆 خواهشمندیم کمک بفرمایید خادم کانال شعبان پور 6037998105409568 حاجیه شعبان پور

🏴احوالات امام حسن مجتبی (علیه السلام) ✍بقلم استاد کلامی زنجانی   هیچ کیمسه غریبلیقدا امام حسن اولماز آند اولسون حسینه بیله مظلوم ئولن اولماز   ئوز محرمی نامحرم اولوب ایلدی مسموم جُعده کیمی بو دهریده بی رحم زن اولماز   شرم ائتمدی زهرادن اولوب عاق رسوله ئولدوردی امامی ، بئله پیمان شکن اولماز   نصفِ شبیدی یاتمیشیدی اهل مدینه بیر فاجعه اولدی که او ایش تازه دن اولماز   رؤیادن اولوب نورِ دل فاطمه بیدار گوردی سو اگر ایچمسه رفع محن اولماز   زینب ، باشینون اوستونه بیر مُهرلی کوزه قویموشدی ، عطش دردین اونون تک بیلن اولماز   مظلوم آقا آهیله همان کوزه نی گوتدی سو آدینه عالمده بئله زهر ایچن اولماز   تا ایستدی ایچسون ، دئدی معناده آناسی اوغلوم او سودان ایچمه دؤنوب قان لَبَن اولماز   بیر زهر او سوُا توکموشدی رحمسیز اسما تأثیرینی تعریف ائده بیلمم بیلن اولماز   ایچجک دئدی ، زینب جگریم گل اوتا دؤندی قارداشا باجی اولماسا ، تسکین وئرن اولماز   زینب گوز آچاندا دئدی ایوای حسنیم وای بیر حالدا گوروب یارین او حالدا گورن اولماز   گوندردی حسینون ائوینه قاصدِ آهین عرض ائتدی حسین گل بورا سنسیز گلن اولماز   سالدی بو نِدا کوی بنی هاشمه غوغا گلدی هامی هئچ یاسدا یئله انجمن اولماز   عباس دئدی قارداشیمون قاتلی کیمدی کلثوم دئدی آچما بو سرّی ، علن اولماز   ناگاه حسینون گوزی بیر طشته ساتاشدی ایوای دئدی قارداش بئله قانلی لگن اولماز   زینب الی قوینوندا باخوردی حسنینه سسلوردی حسین اغلاما بیدار حسن اولماز   بیر آه حسین چکدی حسن گوزلرین آچدی بلبل که سؤز اهلی اولا گُل بی سخن اولماز   باخدی دئدی قارداش باشیم اوسته اوخی قرآن دلدن سسیوی آلماسا غم ریشه کن اولماز   قرآن سسیوه قوی باجیم الآن قولاق آسسون گورسه باشیوی نیزه ده نازین چکن اولماز   وئر غسلیمی کفن ایله منی تُپراقا تاپشور هر چند سنه کرب و بلاده کفن اولماز   غم چکمه ئوزوم شام غریبانیوه گلّم یانّام دیَرم هئچ بئله باشسیز بدن اولماز   یثربدن اوزاق دوشماقیوا ایلمه غصّه واللّهی حسین کرب و بلا تک وطن اولماز  #حسنیه ✍استاد حاج ولی الله کلامی زنجانی

امام حسن مجتبی(ع) -(ای زهرانین سولان گلی ای باغریقان گوزون آچ) ۹۲۰    به سبک(صحرا صحرا دویده ام...) ای زهرانین سولان گُلی ای باغریقان گوزون آچ گل تک سولان جمالیوه زینب قربان گوزون آچ قویما تیرمصیبتون ‌بوقلبی بولسون حسن بونه‌حالتدی قالموسان‌زینبون‌ئولسون حسن ای غرق بلا و اَنین یاندیردی منی مُحنین زهرین  اَثرینده سنون گل تک گُویریب بدنین « قربانین اولوم حسن » یاندیم یا فاطمه دِئمه  یاندی قلبیم  سوزوه حسرتلی باخما زینبه ، زینب قربان گوزوه محنتونده بوبی کسی یاندیریب یاخما حسن دردون‌گلسین منه بئله‌نیسگیلی‌باخما حسن آلامیوی بیلّم اَخا گوزیاشیوی سیلم اَخا باخ  زینب غمکشیوه گر باخماسان ئولم اَخا « قربانین اولوم حسن » دردونده راضی اولما من گوزیاشیمی اَلِییم صبر ایله بو  یانان  دلهَ  بلکه  چاره اِلِییم چون زینب عادت الیوب وای دیوب آغلاماقا چوخداندی اُورگنوب باجون یاره‌لر باغلاماقا قاره باشا باغلیارام عالمللری داغلیارام سن وای ننه وای دیوسن من حالیوه آغلیارام « قربانین اولوم حسن »

دئمورم بو شهر مقدسه داریخیب سیاحته گلمیشم #ویژه شهادت امام رضا 🎤حاج #مهدی_علیزاده تویی آن که هر که آید به زیارت تو یک بار تو سه بار از عنایت به زیارتش بیایی همه را تو دست گیری همه را تو می پذیری چه امیر شهر باشد چه فقیر روستایی سبب عزت ایران شه خراساندی باجیدا قم دایاتوب آبروی ایراندی بو باجی قارداشی الله بیزه عنایت ایلیوب بوسرزمینده بولار روز و شب نگهباندی دئمورم بو شهر مقدسه داریخیب سیاحته گلمیشم هله من‌ نیم کی دیم سنون قاپیوا شکایته گلمیشم دئمورم که من سیزه نوکرم سیزه یا که منتصب اولموشام دئمورم اولوب سیزه خدمتیم دئمورم که قاپوزدا یورولموشام من او‌پیچکم که دولاشمشام گله هم نشین گل اولموشام منی ئوز گلومنن آیرمیون طمع طراوته گلمیشم نقدر زمانه ده سیر ایدیم غم هجر اودیله یانام گرک نه علاجی وار منه چاره وار نقدر یانام  دایانام گرک بو امیدیلن که خلاص اولام باشوا سنون دولانام گرک بودی وجهی من سنه عاشقم دئمورم زیارته گلمیشم #امام_رضا

روضه شهادت امام حسن مجتبی(ع) بانوای:حاج نادر جوادی ئولدی حسنین باغلا قرا باشیوه زینب مهمان ایله قارداشیوی گوزیاشیوه زینب باغلا بو آخان گوزلری طاها عوضیندن آل باشیمی آغوشیوه مولا عوضیندن الرده ئولن یاره لی زهرا عوضیندن افغانیله گرم ایله منیم یاسیمی زینب اکبردن آیرما آتاسیز قاسمی زینب زهرا ایوینین گلشنی سولدی غم الینده تاراولدی ایشقلی گونوزوم محرم الینده گل سنده ننم گلدی قرا پرچم الینده جان شیشه سی زهرین اثریندن داشا دیدی ای باشی بلالی باجی عمروم باشا گلدی #امام_حسن 👇

✅روضه امام حسن مجتبی(ع) ✅گریز به حضرت زهرا(س) دور خواب نازیدن باجی یاندی جگرلریم ئوز منزلینده اولدی دچار جفا حسن اولسیدی فاطمه سنه اولمازدی زحمتیم (باجی محبتین قارداش محبتین هیچ محبتینن قیاص الماخ اولماز ) قارداش باجی او حالیده بیر اولدی قول بویون او حالیله نچه دفعه اتاقی دولاندیلار گه صاقه میل ایدوب گه صاقدان دونوب صولا گویا که بیر بالیخدی دوشوبدی سودان کنار تا خاک لحد بستر وجه الحسن اولدی دنیاده حسینین سوزی ایوای حسن اولدی دنیانی گوروم گلشنینون گلری سولسون هر غنچه سینون باغری قزل قانیله دولسون سن اول آنام اولسون بابامیز روضه سی اولسون قوی قارداشین آواره قالوب چولره دوشسون گیت سن منی گر ایستسه گویلون سنه قربان گل کرببلا دشتینه بیر گون منه مهمان گورسن یارالی قوملارون اوسته ویریرم جان ممکن اولا بیر جرعه گتیر سو منه احسان ✅سبک اورک یارام ایندیکی دییر ماجراسی چوخداندی سگیز یاشمدیدی کوچه ده قلبیم اوت توتوب یاندی آنامی دشمن دوین گونن بو جگرلریم قاندی شرار جان سوز آهیله سینه داغلادیم یولدا آنام یخلمشدی کوچه ده باخدیم آغلادیم یولدا (زینب یادیمنان چخمیوب او کوچه ده گله گله بیر باخدیم ننمین یوزونه ) او یرده چرخ اصالتدن بیر ستاره دوشموشدی یول اوسته ایوای بالا باجی گوشواره دوشموشدی چون قباله پاره قلب اولدی یارا یول گیدور زهرا ولی بولمور هارا 👇

سلام علیکم خدمت کاربران محترم کانال پنج مریض زخم بستر داریم نیازبه تشک طبی سلولی داریم👆👆👆👆👆 به یک دستگاه اکسیژن ساز برقی نیازمند هستیم 👉👉 ایزی لایف بزرگسال در هرماه 15بسته به نیازمندان نیازمندیم👆👆👆👆 خواهشمندیم کمک بفرمایید خادم کانال شعبان پور 6037998105409568 حاجیه شعبان پور

متن نوحه هانسی گروهین بله مولاسی وار مهدی رسولی ───┤ ♩♬♫♪♭ ├─── کیمدی بومولایولی؛ ایثاریدی رهبرونون پیروی هم یاریدی عشق میون نوش ایدوب هشیاریدی؛ سایه سالوب دیده سی بیداریدی! قرب خداده گوزل اجلاسی وار؛ هانسی گروهون بیله مولاسی وار… شیعه لرون حضرت عباسی وار؛ ظاهری بی نقصدی عالی نقوش محضررهبرده دایانموش خموش ساقیه میخانه دی باده فروش؛ اهل ولایه اولوب چشم وگوش… کیمسه نون عالمده بواحساسی وار؛ هانسی گروهون بیله مولاسی وار! شیعه لرون حضرت عباسی وار عشقه؛ گوره آچدی گوزل مکتبی ویردی محصل لرینه منصبی آدی ویرورجانلارا تاب وتبی؛ ذاکر ایدوبدی آدونا هر لبی… باشجادبیراولماقا سوداسی وار؛ هانسی گروهون بیله مولاسی وار! شیعه لرون حضرت عباسی وار؛ هرسوزی شیریندی بالا بنزری دیده سینه مات قویوب دلبری خوش یارادوب خالق اونا پیکری؛ سایه سالارگر آچااوشهپری… قاشی کمان آی کیمی سیماسی ؛ وار هانسی گروهون بیله مولاسی وار! شیعه لرون حضرت عباسی وار بسلدی؛ خالق اوزی بوناسینی کسیکین اولان تیغه ی الماسینی چون کی بولوب باشداکی غوغاسینی؛ دشمنه دینه ووراتا داسینی… بولسون عدو مکتبینون پاسی وار؛ هانسی گروهون بیله مولاسی وار! شیعه لرون حضرت عباسی وار؛ اللری مظلوم باشینا سایه دی یاخشولوقابیر نظر ایت آیه دی  حجب وحیایه اوزی بیر پایه دی؛ رهبرینه یاریدی،سرمایه دی… بیربیله شخصون گوزل انفاسی وار؛ هانسی گروهون بیله مولاسی وار! شیعه لرون حضرت عباسی وار؛ خلقه گوره هرایشه ایتموب عمل حق اولا پاینده ایدوبدی جدل کیمدی بوشخص سئودی اونی؛ لم یزل آدآپارور محترمانه ملل چوخلارون عالمده بورویاسی وار هانسی گروهون بیله مولاسی وار؛ شیعه لرون حضرت عباسی وار! مست ولایت اونی گوردی عقول؛ حامی اولوبدی اونا بنت رسول… بواوگیه سئولدی اوغلوم بتول؛ امرولادن ایله موبدی عدول… عشق یولون سالک والاسی وار؛ هانسی گروهون بیله مولاسی وار! شیعه لرون حضرت عباسی وار؛ هرنفسی دم ویرور عیسالره قوم یهودهم گلوری بودره گوزتیکری چوخلی علی بنزره؛ تاکی وورا بوسه قلم ال لره… هانسی طبیبون بئله انفاسی وار؛ هانسی گروهون بئله مولاسی وار! شیعه لرون حضرت عباسی وار؛ کیمدی بوشخص سئودی اونی لم یزل آدآپارور محترمانه ملل خلقه گوره هرایشه اتموب عمل؛ حق اولا پایندهایدوبدی جدل… چوخلارون عالمده بوسوداسی وار؛ هانسی گروهون بئله مولاسی وار! شیعه لرون حضرت عباسی وار؛ واردی جبینینده اونون مهریار زاهداولورصیدی گوروررتاوقار قارداشونون آدون ایدوبدی شعار شه؛ قاباقوندا دایانور بنده وار… چون بولوری دم ویرن عیساسی؛ وار هانسی گروهون بئله مولاسی وار! ───┤ ♩♬♫♪♭ ├─── مهدی رسولی هانسی گروهین بله مولاسی وار

زبانحال امام حسن مجتبی(ع) باسبک سنه من آغلاماسام ئولم حسین تنگ اولوبدور گوزیمه دارفنا دورباجی جعده وئروب زهرجفا تشتی حاضرایله زینب ئولورم ال ئورکده ائدیرم آه. ونوا توک باجی گوزیاشیوی اوخشا من قارداشیوی گل باجی آغلاگیلان گوزیمی باغلاگیلان (۲) دوداقیمدان آخوری قان ئولورم وئریرم یاندی ئورک جان ئولورم قارداشیم گلسه وصیت ائدرم گئدیرم جدیمه مهمان ئولورم ئورگیم یاندی باجی قلبیم اودلاندی باجی گل باجی آغلاگیلان گوزیمی باغلاگیلان(۲) ای باجی ایله خبرقارداشیما گورنه لرگتدی بوجعده باشیما جان یتوب لبلره تئزگل ئولورم قئل نظرگوزدن آخان قانیاشیما ای حسین دادیمه گل سویله فریادیمه گل گل باجی آغلاگیلان گوزیمی باغلاگیلان(۲) گلدی قارداشی حسین ائتدی نوا سویلدی آچ گوزون ای عینی اخا غسلونی وئردی حسین قئلدی نماز یاده دوشدی گینه ده. کرببلا جسمیدن قان آخوری خیمه گاهه باخوری گل باجی آغلاگیلان گوزیمی باغلاگیلان(۲) قتلگهده یاراسی چوخ چوخودی هرگلن ووردی اونا داش اوخودی صاحب آغلور یوخودی دادرسی زینبی سسلدی بیرکَس یوخودی ای باجی دادیمه گل ایندی ایمدادیمه گل گل باجی آغلاگیلان گوزیمی باغلاگیلان(۲) ✍ حاج عباسعلی دهقان(صاحب)۱۴۰۳/۵/۲۶

آغلا امام حسنه ✍کربلایی قدرت چوپانی (مشعل) بخش1⃣ ای گوزیم قانیله دول آغلا امام حسنه اله گوزیاشی جگر داغلا امام حسنه آغلا مظلوم آقاما زار و مغموم آقاما آغلا بو سروره که یوخدی ئورک داغلیانی قبرینون اوسته شهادت گئجه سی آغلیانی باش آچوب شام غریباندا عزا ساخلیانی یاس دوتان یوخدی بقیعده او غریب وطنه ای گوزیم قانیله دول آغلا امام حسنه آغلا بو شاهه که دوران اونی مظلوم ائلدی سیندیروب قلبینی دشمنلری مغموم ائلدی ئوز اوینده ئوز عیالی اونی مسموم ائلدی جعده نین ظلمی سالوب رعشه زمین و زمنه ای گوزیم قانیله دول آغلا امام حسنه بئله بیر جور و جفا هاردا گورر چشم زمان ئوز ائوینده بیرینه اولمیا امنیت جان بو نه عادتدی خدایا فلک هرزه روان توش ائدور فاطمه اولادینی تیر محنه ای گوزیم قانیله دول آغلا امام حسنه بیرینه سو وئروری قلبینی قان ایلیوری بیرینه گوشه زندانی مکان ایلیوری سو کنارینده بیرین تیره نشان ایلیوری دائما باد جنایت اسیلور بو چمنه ای گوزیم قانیله دول آغلا امام حسنه

‍ ✔️شهادت امام حسن مجتبی علیه السلام ای زهرانین سولان گُلی ای باغریقان گوزون آچ گل تک سولان  جمالیوه  زینب  قربان گوزون آچ قویما  تیر مصیبتون بو  قلبی بولسون حسن بو نه حالتدی  قالموسان زینبون  ئولسون حسن ای غرق بلا و اَنین یاندیردی منی مُحنین زهرین  اَثرینده سنون گل تک گُویریب  بدنین « قربانین اولوم حسن » یاندیم یا فاطمه دِئمه  یاندی  قلبیم  سوزوه حسرتلی  باخما  زینبه ، زینب قربان گوزوه محنتونده  بو  بی کسی یاندیریب  یاخما حسن دردون گلسین منه ؛ بئله نیسگیلی  باخما حسن آلامیوی بیلم اَخا گوزیاشیوی سیلم اَخا باخ  زینب غمکشیوه گر باخماسان ئولم اَخا « قربانین اولوم حسن » دردونده راضی اولما من  گوزیاشیمی اَلِییم صبر ایله  بو  یانان  دلهَ  بلکه  چاره اِلِییم چون زینب  عادت  الیوب  وای  دیوب آغلاماقا چوخداندی اُورگنوب  باجون  یاره لر باغلاماقا قاره باشا باغلیارام عالمللری داغلیارام سن وای ننه وای دیوسن من حالیوه آغلیارام « قربانین اولوم حسن » ✔️رامین محمد زاده(پریشان) 👇👇👇

‍ روضه امام حسن مجتبی(ع) گریز به حضرت زهرا(س) دور خواب نازیدن باجی یاندی جگرلریم ئوز منزلینده اولدی دچار جفا حسن اولسیدی فاطمه سنه اولمازدی زحمتیم (باجی محبتین قارداش محبتین هیچ محبتینن قیاص الماخ اولماز ) قارداش باجی او حالیده بیر اولدی قول بویون او حالیله نچه دفعه اتاقی دولاندیلار گه صاقه میل ایدوب گه صاقدان دونوب صولا گویا که بیر بالیخدی دوشوبدی سودان کنار تا خاک لحد بستر وجه الحسن اولدی دنیاده حسینین سوزی ایوای حسن اولدی دنیانی گوروم گلشنینون گلری سولسون هر غنچه سینون باغری قزل قانیله دولسون سن اول آنام اولسون بابامیز روضه سی اولسون قوی قارداشین آواره قالوب چولره دوشسون گیت سن منی گر ایستسه گویلون سنه قربان گل کرببلا دشتینه بیر گون منه مهمان گورسن یارالی قوملارون اوسته ویریرم جان ممکن اولا بیر جرعه گتیر سو منه احسان اورک یارام ایندیکی دییر ماجراسی چوخداندی سگیز یاشمدیدی کوچه ده قلبیم اوت توتوب یاندی آنامی دشمن دوین گونن بو جگرلریم قاندی شرار جان سوز آهیله سینه داغلادیم یولدا آنام یخلمشدی کوچه ده باخدیم آغلادیم یولدا (زینب یادیمنان چخمیوب او کوچه ده گله گله بیر باخدیم ننمین یوزونه ) او یرده چرخ اصالتدن بیر ستاره دوشموشدی یول اوسته ایوای بالا باجی گوشواره دوشموشدی چون قباله پاره قلب اولدی یارا یول گیدور زهرا ولی بولمور هارا

#روضه #شهادت_امام_حسن