در شهادت حضرت امام حسن عسکری (ع)  تمام   شیعه لر  گلوب   نوایه  یابن العسکری باشیندا  قاره  سنده گل  عزایه یابن العسکری اوجالدی  ناله  گویلره  زمین  و  مهر و ماهیدن باتوبدی کل    ماسوا     بلایه   یابن العسکری آتان   شهادتینده   باخ  بو  قان  اولان اورکلره محبت   اهلی گرم دور   بکایه  یابن العسکری اولیدی کاش   بیر نفر   سنه  وئریدی  تسلیت آتان  سفر  ایدن  زمان   بقایه  یابن العسکری وئرنده جان دوتوب یوزون بقیعه توکدی گوزیاشین دییوب اوره کده سوزلرین صبایه یابن العسکری دییردی  سامرایه   گل   گوزوم  یولوندادی  آنا اوغول دییر اورک سوزون آنایه یابن العسکری اسیر دشمن  ایلیوب  منی  بو  چرخ  کج روش سالوب  کمند  محنت  و جفایه یابن العسکری ویروبله زهر کین آنا وجودیم اوت دوتوب یانور نه ال   یتور  طبیبه   نه دوایه   یابن  العسکری سو میل ایدوب اوره کده کی حرارتی کم ایلسین ایچنده  سو  باخاردی کربلایه  یابن العسگری حسینی  یادینه  سالوب  دییردی سوز  و آهیله سلام  اولا  شهید   اشقیایه ،  یابن  العسکری سلام اولا او شاهه کی تالاندی یاندی خیمه سی حرم لری   گلوبدی  آه  و وایه  یابن العسکری سلام اولا او شاهه کی سو اوسته تشنه جان ویروب رضا   اولوب   مشیت   خدایه   یابن العسکری سلام  اولا  او  شاهه کی دوداقلاریندا  ذکر هو دییردی  راضی ام  گلن   بلایه یابن العسکری سلام  اولا  فرشته لر  گیجه گونوز طواف ایدن رواق    خوش نما   و  با صفایه یابن العسکری ** اصغر گلمحمدی (  دلجو ) برچسب‌ها: اصغر گلمحمدی دلجو

شهادت امام حسن العسکری (ع) شیعه لر ، نالان اولوب  صاحب  زمان  آغلار  بوگون وای  بابام  وای سسله نر  دیلده  فغان آغلار بوگون زهریلن   مسموم   اولوب   یاران   امام     عسکری یاندی    زهریلن    وجودی   قانه    باتدی      لبلری دوشدی دیلدن  ییرمی سکّیز  یاشدا  دینین  یاوری آغلادار  صاحب   زمانی   باغری  قان  آغلار  بوگون هادی   عباسیه   هر   لحظه   مین    لعنت    گله ائیله دی  مسموم  امامی دوشدی  ایشلر  مشکله حضرت  صاحب   زمانین کیمدی گوز  یاشین  سیله آغلیاندا  بو   غمه    کون   و  مکان   آغلار    بوگون حجت   حق    سامراده    بار الهی    جان    وئریر دین    یولوندا   جانینی   جانانینه    قربان     وئریر زهر ،  آقانین  عمرینه   افسوس  اولا  پایان   وئریر وای حسن  وای سسلنوب  کرّوبیان  آغلار   بوگون اوغلی آلدی    دیزلر   اوسته   جان  وئرنده  باشینی سو   وئریب    بابا سینا  توکدی  یوزه  گوز  یاشینی قارداشی   یوخ   حضرتین  تا  سسلنه   قارداشینی قویدی صورت صورته   قامت  کمان   آغلار  بوگون کربلاده      اکبری     آلدی     حسین     آغوشینه یوز یوزه  قویدی  وئریب رخصت  آخان  گوز  یاشینه گلدی  قارداشی  کمک  اوغلی  ئولن   قارداشینه هر کیم  اولسا جان وئره اوغلی جوان آغلار بوگون یا   ابا   مهدی  اگر  چه سن  جوان جان  وئرمیسن اوغلوا    اسرار   حق   تفسیر     قرآن    وئرمیسن اوغلون   آغوشه   آلاندا   جانین  آسان   وئرمیسن محنتینده  یاحسن  هم   انس  و   جان آغلار بوگون جان    وئرنده   جدّیوه   بیر کس   یوخیدی   آغلیا شمردون    باشین    کسنده   گوزلرینی     باغلیا اولمادی  مهلت  باجی   قارداشینا   یاس  ساخلیا قتلگاه   ایچره  گزیب   تاپماز   نشان  آغلار  بوگون بار  الهی  لطف  ائله   صاحب   زمانین   تئز    یتیر قویما  آغلار  شیعه نی  عصرین   امامین   تئز  یتیر هم   ظهورون   لطف   ائله   آللاه   زمانین  تئز  یتیر آیری لیقدان  آه   چکیب   اهل  زمان آغلار  بوگون ** سید ناصر  ولائی زنجانی برچسب‌ها: برچسب‌ها: سید ناصر ولائی زنجانی

🏴#زیارتنامه_حضرت_سکینه_سلام_الله_علیها زیارتنامه حضرت سکینه سلام الله علیها ▪️▪️▪️▪️▪️▪️▪️ "بسم الله الرحمن الرحیم" 💠اَلسَّلامُ عَلى آدَمَ صَفْوَةِ اللهِ، اَلسَّلامُ عَلى نُوحٍ نَبِي اللهِ، اَلسَّلامُ عَلى إبْراهيمَ خَليلِ اللهِ، اَلسَّلامُ عَلى مُوسى كَليمِ اللهِ، اَلسَّلامُ عَلى عيسى رُوحِ اللهِ، اَلسَّلامُ عَلَيْكَ يا رَسُولَ اللهِ، اَلسَّلامُ عَلَيْكَ يا خَيْرَ خَلْقِ اللهِ، اَلسَّلامُ عَلَيْكَ يا صَفِي اللهِ، اَلسَّلامُ عَلَيْكَ يا مُحَمَّدَ بْنَ عَبْدِ اللهِ خاتَمَ النَّبِيّينَ، اَلسَّلامُ عَلَيْكَ يا أميرَ الْمُؤْمِنينَ عَلِىَّ بْنَ أبي طالِب وَصِي رَسُولِ اللهِ، اَلسَّلامُ عَلَيْكِ يا فاطِمَةُ سَيِّدَةَ نِساءِ الْعالَمينَ، اَلسَّلامُ عَلَيْكُما يا سِبْطَيْ نَبِي الرَّحْمَةِ وَسَيِّدَيْ شَبابِ أهْلِ الْجَّنَةِ، اَلسَّلامُ عَلَيْكَ يا عَليَ بْنَ الْحُسَيْنِ سَيِّدَ الْعابِدينَ وَقُرَّةَ عَيْنِ النّاظِرينَ، اَلسَّلامُ عَلَيْكَ يا مُحَمَّدَ بْنَ عَلِيٍ باقِرَ الْعِلْمِ بَعْدَ النَّبِي، اَلسَّلامُ عَلَيْكَ يا جَعْفَرَ بْنَ مُحَمَّد الصّادِقَ الْبارَّ الأمينَ، اَلسَّلامُ عَلَيْكَ يا مُوسَى بْنَ جَعْفَر الطّاهِرَ الطُّهْرَ، اَلسَّلامُ عَلَيْكَ يا عَلِيَّ بْنَ مُوسَى الرِّضا الْمُرْتَضى، اَلسَّلامُ عَلَيْكَ يا مُحَمَّدَ بْنَ عَلِي التَّقِي، اَلسَّلامُ عَلَيْكَ يا عَلِي بْنَ مُحَمَّد النَّقِي النّاصِحَ الأمينَ، اَلسَّلامُ عَلَيْكَ يا حَسَنَ بْنَ عَلِي، اَلسَّلامُ عَلَى الْوَصي مِنْ بَعْدِهِ، اَللّهُمَّ صَلِّ عَلى نُورِكَ وَسِراجِكَ وَوَلِي وَلِيِّكَ وَوَصِي وَصِيِّكَ، وَحُجَّتِكَ عَلى خَلْقِكَ، اَلسَّلامُ عَلَيْكِ يا بِنْتَ رَسُولِ اللهِ، اَلسَّلامُ عَلَيْكِ يا بِنْتَ فاطِمَةَ و خَديجَةَ، اَلسَّلامُ عَلَيْكِ يا بِنْتَ أميرِالْمُؤْمِنينَ، اَلسَّلامُ عَلَيْكِ يا بِنْتَ الْحَسَنِ وَالْحُسَيْنِ، اَلسَّلامُ عَلَيْكِ يا بِنْتَ وَلِي اللهِ اَلسَّلامُ عَلَيْكِ يا اُخْتَ وَلِي اللهِ، اَلسَّلامُ عَلَيْكِ يا عَمَّةَ وَلِي اللهِ، اَلسَّلامُ عَلَيْكِ يا بِنْتَ الحسين الشهيد وَرَحْمَةُ اللهِ وَبَرَكاتُهُ، اَلسَّلامُ عَلَيْكِ عَرَّفَ اللهُ بَيْنَنا وَبَيْنَكُمْ فِى الْجَنَّةِ، وَحَشَرَنا فى زُمْرَتِكُمْ وَ أوْرَدَنا حَوْضَ نَبِيِّكُمْ، وَسَقانا بِكَأسِ جَدِّكُمْ مِنْ يَدِ عَلِي بْنِ أبي طالِب صَلَواتُ اللهِ عَلَيْكُمْ أسْأَلُ اللهَ أنْ يُرِيَنا فيكُمُ السُّرُورَ وَالْفَرَجَ، وَ أنْ يَجْمَعَنا وِ إيّاكُمْ فى زُمْرَةِ جَدِّكُمْ مُحَمَّد صَلَّى اللهُ عَلَيْهِ وَآلِهِ، وَ أنْ لا يَسْلُبَنا مَعْرِفَتَكُمْ إنَّهُ وِلِىٌّ قَديرٌ، أتَقَرَّبُ إلَى اللهِ بِحُبِّكُمْ وَالْبَراءة مِنْ أعْدائِكُمْ، وَالتَّسْليمِ إلَى اللهِ راضِياً بِهِ غَيْرَ مُنْكِر وَلا مُسْتَكْبِر وَعَلى يَقين ما أتى بِهِ مُحَمَّدٌ وَبِهِ راض، نَطْلُبُ بِذلِكَ وَجْهَكَ يا سَيِّدى اَللّهُمَّ وَرِضاكَ وَالدّارَ الآخِرَةَ، يا سكينة اشْفَعي لي فى الْجَنَّةِ فَإنَّ لَكِ عِنْدَ اللهِ شَأناً مِنَ الشَّأنِ، اَللّهُمَّ إنّي أسْاَلُكَ أنْ تَخْتِمَ لي بِالسَّعادَةِ فَلا تَسْلُبْ مِنّي ما أنَا فيهِ وَلا حَوْلَ وَلا قُوَّةَ إلاّ بِاللهِ الْعَلِىِّ الْعَظيمِ، اَللّهُمَّ اسْتَجِبْ لَنا وَ تَقَبَّلْهُ بِكَرَمِكَ وَعِزَّتِكَ وَبِرَحْمَتِكَ وَعافِيَتِكَ، وَصَلَّى اللهُ عَلى مُحَمَّد وَآلِهِ أجْمَعينَ وَسَلَّمَ تَسْليماً يا أرْحَمَ الرّاحِمينَ‌.💠 اللهم صل على محمد وآ ل محمد و عجل فرجهم زیارتنامه حضرت سکینه س

شهادت حضرت امام حسن عسکری (ع) شهادت حضرت امام حسن عسکری (ع) ترک ایدوب مظلوم  آتان  دنیانی یا صاحب زمان قورتولوب  زندان  غمدن   جانی  یا صاحب زمان معتمد   ظالم   سنی   بیر   عمر   مهموم    ایلدی جدّیوین   حقّین   الیندن   آلدی   مظلوم    ایلدی عاقبت   ویردی  او   شاهه   زهر  مسموم  ایلدی اوج    ایدوبدور گوگلره    افغانی  یا صاحب زمان ایستدی ایتسون   اوزیندن رفع   تهمت   مکریله دوتدی    استشهاد   کذبی   مطلبی    گلدی    اله یعنی  بو   سیّد   اوزی   ناخوشدی  ممکندی ئوله ایتدی مدرک   بیر نچه  امضانی  یا صاحب  زمان جمع  ایدوب  اعیان شهری  مکریله   اوز  باشینه جدّیوی   گلدی   عیادت    ایتماقا    اوز     باشینه آچدی  باشین ظاهراً رخصت  ویروب گوز یاشینه کیم گوروب   بو حیله ی شیوانی  یا صاحب زمان گوزلرین   آچدی   امام    عسکری  زار  و  حزین ساق صولا باخدی گوروب اوز باشی اوسته قاتلین چکدی   بیر آه  آغلادی کشف ایتمدی  درد  دلین دولدوروبدور  دیده ی   گریانی   یا صاحب  زمان یادیمه    دوشدی    بو   یرده   بیر   موثّر    غائله بیر    امامینده    گوزی   دوشدی   ئولنده     قاتله اود   دوتوب   یانّام  ئولونجه   آغلارام  بو  نسگله یاده    سالدوقجا   شه  عطشانی یا صاحب زمان شمر   ظالم   دیلده    کینه ، الده   تیغ   پر  شرار صدر مکسور  حسینه چخدی ایتموب  ننگ و عار سنگدل دشمن، آغور چکمه ، سوسوز هم زخمدار لرزه   دوتدی   عالم    امکانی    یا  صاحب  زمان شه گوروب  سینه  آغورلاشدی دوشوب تنگه نفس مرغ  دل دوشدی فشاره آز  قالور سینسون قفس گوزلرین آچدی دیدی خوش گلمیسن ای بوالهوس عشقه   باخ  گور عاشق شیدانی یا صاحب  زمان یاخشی گلدون گل  بو  غمدن راحت  ایله جانیمی باشیمی   تیز  کس   یتور  تکمیله   بو   نقصانیمی شکرُ    لِلَّه    زنده     ایتدیم      قانیله     قرآنیمی بیر  او  قاندور ساخلین   قرآنی   یا صاحب  زمان باغریمیز   قان  اولدی بو محنتده  یابن العسکری شیعه نین  شاها نه    قدری عجّل اولسون ازبری اهل حق   قالموش  شماتتده  اولوب  باطل  جری دولدوروب   جور   و  جفا   دنیانی یا صاحب زمان **  حسین  کریمی مراغه ای برچسب‌ها: حسین کریمی 

#با نوای کربلایی احسن حبیبی السلام علیک یا امام زمان عج 🎼سبک: لایلای گل نازیم بالا 🎼سبک:قربان اولوم گوز یاشیوای 🎼سبک: شاه مظلومان حسین 🎼سبک: آی قارداشیم آی قارداشیم ای شهریار محتشم وی صاحب فضل وکرم قوی گوزلریم اوسته قدم یابن الحسن یابن الحسن ۲بار برج عدالت ماهی سن دنیا عقبا شاهی سن هر دردیمین آگاهی سن یابن الحسن یابن الحسن ۲بار سن فاطمه عیساسی سن حقین یدِ بیضاضی سن زیبالرین زیباسی سن یابن الحسن یابن الحسن ۲بار قربان اولوم گوز یاشیوه حسنون چکن نقاشیوه گلسن دولاننام باشیوه یا بن الحسن یا بن الحسن ۲بار عالم قاپوندا بنده دی حسنوندن آی شرمنده دی چشمِ امیدیم سنده دی یا بن الحسن یا بن الحسن ۲بار رحمت هماسی سن آقا دللر صفاسی سن آقا دردلر دواسی سن آقا یا بن الحسن یا بن الحسن ۲بار عشقونده بیز دیوانیوخ نورینده بیز پروانیوخ گل بیز دولانوخ باشیوه یا بن الحسن یا بن الحسن ۲بار باخما منیم گناهیمه پرونده سیاهیمه باخ بیر منیم گوزیاشیمه گل بیر دولانیم باشیوه  یابن الحسن    یابن الحسن ۲بار دللر صفاسی هارداسان عالم آقاسی هارداسان زهرا بالاسی هارداسان یا بن الحسن یا بن الحسن ۲بار نه قصر و تالار ایستروخ نه تاق و بستان ایستروخ توفیق دیدار ایستیروخ یا بن الحسن یا بن الحسن ۲بار ای چوللرین آواره سی ای فاطمه دل پاره سی ای چاره سیزلر چاره سی یا بن الحسن یا بن الحسن ۲بار 🙏🏼التماس دعا

💚توسل به حضرت ولیعصر علیه السلام        🎼با آهنگ شبانگاهان 🌷آواز دشتی گوشه دشتستانی 🌷 گل نرجس هاردا قالدین آقا تئز گل ای غملی بحراندی آشوب داشدی ایندی درد  بلا چیخدی عرشه نوا عالم حیراندی              گل زهرا گل سنه قربان            اولوب مولا سینه لر سوزان یا ابا صالح        یا ابا صالح  2بار یتش داده فاطمه بالاسی شیعه لر آقاسی ای گل طاها چیخوب عرشه ظلم جور و جفا دهریده قالدی شیعه لر تنها ائدور ظالم ظلمیده طغیان ای مه تابان تئز گل ای مولا ظهور ایله اذن حقیله ای مه انور شیعه گریاندی                گل زهرا گل سنه قربان                 اولوب مولا سینه لر سوزان یا ابا صالح            یا ابا صالح 2بار آقاجان گل الده قانلی علم قوی گوز اوسته قدم یا ابا صالح قالوب شیعه گوزلری یولدا ایله لطف کرم یا ابا صالح خانم زهرا قبرینین اوسته وور بقیعده علم یا ابا صالح نشان ویر سن قبر زهرانی تنگه گلدی ئورک سینه سوزاندی              گل زهرا گل سنه قربان                 اولوب مولا سینه لر سوزان یا ابا صالح         یا ابا صالح   2بار گلوب داده شیعه نی شاد ایت هستی عالم سنسن ای مولا گلوب دولدور عدل دادیله عالمی یکسر ای شه والا عدالت قوی بر قرار اولسون شاه عالمیان ای گل زهرا یانان ایندی ظلم  ظالمده ای مه تابان اهل ایماندی                                       گل زهرا گل سنه قربان                   اولوب مولا سینه لر سوزان یا ابا صالح       یا ابا صالح.  2بار سنی ویرم مصطفایه قسم قالما غیبتده شیعه گریاندی بو عالمده شیعه نین یکسر قلبی قان اولدی سینه سوزاندی نظر سال سن حال  زاره آقا ایله نورین عیان غملی بحراندی یوران چوخ بو دار دنیاده امتی مولا درد هجراندی                گل زهرا گل سنه قربان              اولوب مولا سینه لر سوزان یا ابا صالح          یا ابا صالح      2بار آشوب داشدی ایندی جورو جفا ظالمان زمان ظلم ائدور تئز گل چیخوب یاددان عالمی یارادان قوم شمر و سنان ظلم ائدور تئز گل اولوب شیعه دهریده نگران حاکمان جهان ظلم ائدور تئز گل عیان ایله شمع رخسارین حسنوه یکسر عالم حیراندی             گل زهرا گل سنه قربان             اولوب مولا سینه لر سوزان یا ابا صالح         یا ابا صالح   2بار گل زهرا جان طاها گل ایله لطف کرم حال بو زاره دخیل اولدوم درگهینده سنون روسیاهم من درده قیل چاره سنون عشقونده یانا یانه گلمیشم ایندی من بو درباره یازار  «مهدی» شأنیوه نوحه خوان احسانه ایندی مهماندی            گل زهرا گل سنه قربان                اولوب مولا سینه لر سوزان یا ابا صالح        یا ابا صالح  2بار 🙏🏼ملتمس دعا ✍بقلم حاج مهدی ملکی زنجانی

🎼سبک نوحه فوق👆👆 ✍بقلم حاج مهدی ملکی زنجانی

نوحه ارادت به محضر اباعبدالله ع بانوای#کریلایی_منوچهر_حسن_زاده شاعر#محمد_هوشمند شهریار عالمین ای جان جانان یا حسین ای قویان عالملری عشقینده حیران یا حسین ای شه خوبان حسین.عالمه سلطان حسین

نوحه ارادت به محضر اباعبدالله ع بانوای#کریلایی_منوچهر_حسن_زاده شهریار عالمین ای جان جانان یا حسین ای قویان عالملری عشقینده حیران یا حسین ای شه خوبان حسین.عالمه سلطان حسین ای گوزل آدی اولان هر چاره سیز درده دوا سن حبیب لم یزل سن شافع روز جزا کشتی امید سن عشاقه مصباح الهدا بحر عشقین ائیلوب دیللرده طوفان یا حسین كيم گليب درگاهیوه تاپدي جلال و اعتبار كوي عشقیندن گدالر اخذ ائدر عزّ و وقار سفره جودونده اولموش اهل عرفان ریزه خوار درگهین دارالکرم دی کوی احسان یا حسین اولماسا گر عشق، يول تاپماز سنه عقل و خرد کوکب اجلالیوی خامه ائده بیلمز رصد قالميشام حيران اليمدن دوت اوزون ائيله مدد مكتبونده اولموشام طفل دبستان يا حسين سن طریق عشقده هر سالکین منهاجی سن تاج خلقتسن قويوبسان باشه قاندان تاجي سن روز محشرده اولارسان اهل عشقه ناجی سن قویماسان قالسونلا محشرده پریشان یا حسین آدم و حواني چكدین ساحیله بحرانيدن جان عيساني قوتاردین فتنه دونانیدن كشتي نوحي آپاردين مقصده طوفانيدن سن خليله ائیله دین ناري گلستان يا حسين بحر صبرین داشمادی هر قدر موج ائتدی بلا عهدیوه ائتدین وفا چون البلاء للولا ائيله دین کرب و بلا توپراقيني خاك شفا تربت پاکوندی هر بیر درده درمان یاحسین حق یولوندا ائتمیسن ایثار، ثارالله سن سن حقیقت اهلینه هم رهنما هم راه سن کایناته حکم ائدن یالقیز یارالی شاه سن تحت امریندور سنون بو کون و امکان یا حسین قتلگهده ائیلدون معبودیله راز و نیاز قانلي محراب ايچره قیلدین شوقیله قانلی نماز سن شفاعت امرینه آلدون چوخور یئرده جواز بلکه سوزان ائتمسین عشاقی نیران یاحسین نیزیه چیخدی باشین حق اهلینه یول گوستره باشلادی قرآن يارالي ديللره تسكين وئره وئردی تاریخه ندا ذلت یاراشماز بیز لره آخدی قان ناحقّه چکدی خط بطلان یا حسین بیلمیرم محشر نمایان اولمادی آیا ندن اوندا کی کسدی جفاییله باشین قوم فتن قالدی اوچ گون پیکرین توپراق لار اوسته بی کفن تاپمادی زینب او چولده بیر مسلمان یا حسین اون بیرماه محرم گلدی زینب مقتله گوردی نعشین یئرده دی باشین دوشوب الدن اله آز قالیب دی خرمن صبرین خانیم وئرسین یئله سسلدی جانیم اولا بو جانه قوربان یا حسین جان زینب دین یولوندا تشنه قانه باتمیسان باش و جانیندن گئچیب الحق مرامه چاتمیسان وای منه گونلر قباقینده نه راحت یاتمیسان وار یئری ائتسم اولونجه داد و افغان یا حسین اولموشام #مدهوش شاها عشق پاکیندن مدام فخر قیلام شاهلارا اولسام بو درگهده غلام دوت الیمدن قیل کرم ای پادشاه ذوالکرام سائیله سیزدن اولار لطف فراوان یا حسین ای شفاعت ائیلیین قنداق ایچینده فطرسی قورتاران ظلمات دریادن جناب یونسی بیر اشاره یله قوتار محشر گونی بو بیکسی منده هر آن اولموشام عشقونده نالان یا حسین #محمد_هوشمند

نهر علقمده حسین،دوشدی صاق وصولوم تئز یتیش داده اخا ،سنه قربان اولوم نجه فراقیوه دوزوم،وفالی قارداشیم گل یارالانوبدی صاق گوزوم،وفالی قارداشیم گل عمرومون اولدوزی گل ظلمیله باتمامیش اشقیا مقصدینه سروریم چاتمامیش درک ایله نوکریوی علمی یاتمامیش گل ایت عیادت ای طبیب،یارالی سویگلونن ساقالسون او یارالاریم،اوپوم سنون الینن نهر علقمده حسین،دوشدی صاق وصولوم تئز یتیش داده اخا ،سنه قربان اولوم نجه فراقیوه دوزوم،وفالی قارداشیم گل یارالانوبدی صاق گوزوم،وفالی قارداشیم گل قویدی اجرایه قوشون ظلم برنامه سین اینیمه گیندیروب دشمن اوخ جامه سین سیندروب آهن عمود باشیمین کاسه سین یوز اوسته من یخلمشام،غمیم بیلوبدی زهرا یوبانما خیمه گاهیدن،حسین گلوبدی زهرا نهر علقمده حسین،دوشدی صاق وصولوم تئز یتیش داده اخا ،سنه قربان اولوم نجه فراقیوه دوزوم،وفالی قارداشیم گل یارالانوبدی صاق گوزوم،وفالی قارداشیم گل مشکیمی چوخ منه گوردی دشمنلریم اوخلیبلا مشکیمی سیندی بال وپریم خیمه ده قالدی سوسوز صود امر اصغریم باخور بو دشمن دغا،منه باخوب آز آغلا الون فداسی سیدی،ئوزون یارامی باغلا نهر علقمده حسین،دوشدی صاق وصولوم تئز یتیش داده اخا ،سنه قربان اولوم نجه فراقیوه دوزوم،وفالی قارداشیم گل یارالانوبدی صاق گوزوم،وفالی قارداشیم گل #عباسیه

رو به قبله آخشام نه یاتموسان قیزلارون پریشاندی فاطمه زینبین یانندا دینمورم قلبیم اود دوتوب یاندی فاطمه گیتمه فاطمه گیتمه فاطمه موج ایدوب داشان وقته سیل غم سن عمو اوغلوون صد سیلی سن چکمیسن قرا معجری یوزه صبر ناقه می بیله پیلیسن سسلیرم نقدری دانشمیسان یوخسا سن علیدن گلیلی سن نیلمیشدیم آیا بو امته حقیمی منیم داندی فاطمه (ئوزلری باخماسا اولماز نه منیم الیمده دی نه بوسرورلرین الینده دی خانم گرک ئوزی دوز، آتا توسله) واقفم کی مشکلدی دورماقون اینجدور اوپهلوده کی یارا باری زینبی آل کناریوه سعی ایله ئوزون زلفونی دارا نچه گوندی روحیه سی ئولوب هی بخور سنه ایلوری نوا هی باخور او صدمه دین یوزه حالتی پریشاندی فاطمه ایندی کی گیدورسن نه چاره گیت قوی علی یانا آتش غمه کربلایه اما ئوزونده گل (خانم ایلشمیدی دیدی عمواوغلی الین بیر ویر منیم الیمه ایستیرم سنن بیر عهد باغلیام دیدی) علی جان نقدری من ئولمه میشم واردی مسئلت سنده اجازه ویر عرض ایدیم علی منده عهد ایدیم سنده حسین دوشنده چوخور یره سنده گل علی منده عمواوغلی گلنده بیر کاسه سوگتیر ایله کی بو عهدی زهرا امیرالمومنیندن آلدی گوردی علی دییر زهرا منده سندن بیر عهد آلمالیام سن منی کربلایه بیر وقته چاغردون گلم اما زهرا بیر نفره ده سن گیتمه لی سن ایندی کی گیدیرسن نچاره گیت قوی علی یانا آتش غمه کربلایه اما ئوزونده گل اونداکی چخار عرشه همهمه اوردا بیر سواوسته یارالی وار تئز یتیر ئوزون نهر علقمه منتظردور اوردا قدومیوه دوره سینده عدواندی فاطمه چون اوگون اولوب گلدی فاطمه نهرین اوسته عباسینی گوره یاره لی علمداری دیندیریب عالمه وفاسین نشان ویره بیر زمان یتیشدی او باوفا گوردی کی ایکی قول دوشوب یره مادرانه عباسی سسلدی آتش غمه یاندی فاطمه آلدی دیزی اوستونده باشینی سسلدی اوغول سینه داغلاما فاطمه گوردی آت اوسته بیر یلی ایستور آتدان دوشه یوخدی الی آلدی دیزی اوستونده باشینی سسلدی اوغول سینه داغلاما عباس منده بیر قولومدان یارالیام #فاطمیه