نوحه حضرت علی اصغر(ع)زنجیرزنی سه ضرب بانوای #کربلایی_منوچهر_حسن_زاده غنچه گل کیمی پایمال اولان _ اصغریمه لایلای قنداق قیزیل قانیله دولان _ اصغریمه لایلای آلتی آی علی شوقیلن سنون_چکدیم عز و نازون آلتی آی باشا یتمه میش ولی _ اوخلانوب بوغازون ئولدورر ربابی یقین اوغول _ درد جانگداز ظلمیله ایچن سو یرینه قان _ اصغریمه لایلای هانسی غنچه گل سن کیمی بله_ ظلم الیله سولدی هانسی غنچه گل آچمامیش اوغول_تز بوداقدان اولدی هانسی طفلی آخرده قونداقی _ ئوز قانیلا دولدی صرصر جفائیله تز سولان_ اصغریمه لایلای بیچدی نازنین حلقوی بالا _ ظلم الیله پیکان سو یرینه نوش ایلدون قیزیل _ قانیوی علی جان غمزده ربابین سنه اوغول _ خسته جانی قربان اوخ دگنده قوش مثلی چیرپینان _ اصغریمه لایلای قانلی قنداقون ساخلارام علی _ اودلی سینم اوسته آغلارام فراقونده روز وشب _ غم گلر غم اوسته بینوا آنان بنزیور سینیق _ کشتیه یم اوسته اوخ دگنده قوش مثلی چرپینان _ اصغریمه لایلای شاعر: زنده یادکریمی مراغه ایی #کربلایی_منوچهر_حسن_زاده #سلیم_نظرآباد #شادی_روح_سلیم_صلوات

نوحه شور زنجیر زنی بانوای کربلایی منوچهر حسن زاده شاعر:مضطراردبیلی منیم گل تک سولان اوغلوم علی لایلای بالام لایلای جفادن اوخلانان اوغلوم علی لایلای بالام لایلای عطش سنده نمایاندور عجب حالون پریشاندور بوغازون پیکرون قاندور علی لایلای بالام لایلای ستمله باغریقان اولدون خدنگ سن نشان اولدون آچوب گل تک خزان اولدون علی لایلای بالام لایلای منیم قلبیم باشی یاندی کم‌کار جمله دوغراندی بوغازون بیله اوخلاندی علی لایلای بالام لایلای شهیداولدون لبون عطشان بوغازوندان آخور القان سنی ویردیم قوزی قربان علی لایلای بالام لایلای باتوبدور قانه رخسارون گوزلدور رنگ گلباران اوغول بوش قالدی گهواره علی لایلای بالام لایلای #کربلایی_منوچهر_حسن_زاده #سلیم_نظرآباد #شادی_روح_سلیم_صلوات

‍ یاروی گوردوم الیم بوینومدا قالدی فاطمه آچ گوزون باخ گور نجه حیدر قوجالدی فاطمه بوترابی عیبی یوخ تیره ترابه ساتموسان یات گجه لر یاخمیام زهرا نه راحت یاتموسان (یارالی زهرا گت سنی تاپشیردوم آلها) بیلمورم بو مدتی بویاریه دوزدون نجه سن حسینه الده بیر کوینک توخوردون هر گجه بیلمدوم زهرا چاره ایدردیم یاروه چوخ اورکلندیم اوتاندیم باخماقا رخساروه (یارالی زهرا گت سنی تاپشیردیم آلها) قاخمیوردی بیر الون روشندی بو مطلب منه کاش دیوردی سینوندا یارسین زینب منه ایلیوب الان قرانلوقدا حسینون سینه چاک عاجزم نیلیم اوشاقلارون ئوزین ایلور هلاک غسلیدن اَل ساخلارام فکر اتمه حیدر دینجلور من یودوخجا ایندی مسمارین یرینن قان گلور گوزلریمدن قان سوزور سینده کی یاره کیمی فاطمه آواریم طفلان آوارن کیمی (یارالی زهرا گت سنی تاپشیردیم آلها) من نه حاله قالمیشام گویا فقط زینب بیلور قالخزور خیردا الین گوز یاشیمی یوزدن سیلور وار قاباخدا آگهم نه ماجراسی زینبین بیرده باشیدن آچیلماز باش قراسی زینبین بو فلک قویماز قیزیم عمرینده لحظه دینجله قوی سنه غسل ایلیم زینبده اورگنسون هله بیر گونی زینب دوشر شامه وطندن دور اولار اوچ یاشیندا بیر قیزا غسل ایتمگه مجبور اولار #یاروی_گوردوم_الیم_بوینومدا_قالدی #فاطمیه فایل صوتی👇👇👇

#یاروی_گوردوم_الیم_بوینومدا_قالدی #فاطمیه #مهدی_رسولی

ئولدی آللّه فاطمه قالدیم نیه دنیاده من کاش ئولیدیم قالمییدیم سوّمِ زهراده من گُل یاشار عشق عالمینده بلبلِ شیدائیلن عمریمون گیتدی صفاسی حضرتِ زهرائیلن نیلیوم بوندان بئله هئچ بیلمورم دنیائیلن اولموشام زهرا غمیندن ئولمگه آماده من یاریمون آیریلماقی مندن قیامتدور دئسم یادِ یادی بی کران و بی نهایتدور دئسم گویِشیم مظلومه زهردان خِجالتدور دئسم زنده یم ظاهرده امّا ئولموشم معناده من حقلیم ایتسم گِلایه آی فلک آی روزگار هر ایکوزدن راضی اولسا حضرتِ پروردگار سیز نیه قویدوز بو نوعی مرتضانی اشکبار قالمیشام آواره گویا غصّه لی بیداده من

کبوترین بو لانه دن گئدیر عم اوغلی یا علی نگاریوی حلال ائله اؤلور عم اوغلی یا علی . عم اوغلی لطف ائله بیرآز اطاقی خلوت ائیلیاخ دویونجا گوز گوزه باخاخ دویونجا صحبت ائیلیاخ . علیجان اگلش کناریمده تکدی زهرا گئدیر زهرا صون نفسلرده قویما تنها اوخی قرآن باشیم اوسته ای روح قرآن شِرنگ مرگی دیلیمده قیل شَهد اشهیٰ . عم اوغلی غربیم(2) . . . . عم اوغلی رنج و غصه دن پوزولدی حال فاطمه جفای جور ثانیدن گئدوب جلال فاطمه . قاپوم یانوب قولوم سینوب بالام اؤلوب دایانموشام اولوبدی نیلی سیلی دن بئله جمال فاطمه . ز بس اولدوم رنج و درد و غمدن معذّب قاپومدا نه کشمکش اولدی گوردی زینب یخیلدوم غش ایلدیم ایش هاردا دایاندی دئیوردوم عجل الوفاتی هرلحظه یارب عم اوغلی غریبم(2) . . . . . . عم اوغلی خواهشیم بودی گیجیله کفن و دفن ائله آغالیق ائیله قویما تا نمازیمه اولار گله . سوزی آچیخ دئینمورم اجلسیز اؤلدی فاطمه شهیده م خمیده ام قاپومدا اولدی هلهله . دئسم کامل مطلبی آغلار ذوالفقارین اوگون قالموشدی ایاقلار آتدا نگارین قیزیمدا قالدی اوگون زیر دست و پاده قالار بیرده بو شرایطده کربلاده . عم اوغلی غریبم(2) . .

مناسب برای ختم و ترحیم▪️▪️▪️▪️ پندیات.(بی وفایی دنیا) ای بشر گر به جهان رستم دستان باشی صاحب سیم وزر و مال فراوان باشی گر همانند سکندر بکنی فتح جهان ور بگردنکشی وزور فراوان باشی تکیه گاه تو اگر مسند شاهی باشد ورکه دارای خط و مهر سلیمان باشی عاقبت گرگ اجل جان گرانت گیرد گر که فرعون ویاموسی عمران باشی گر که خواهی بشوی نزد خدا روی سفید بهتر است آنکه تو در فکر ضعیفان باشی دل شکستن بخدا رسم مسلمانی نیست دل بدست ار به عالم که مسلمان باشی بند ترکی🌴🌴🌴▪️👇👇🌑♣️ ایها الناس جهان قالمیاجان بیر نفره شمعی قویماز چاتا پروانه نین اهی سحره ایهالناس جهاندا دولانون عبرت الانون هرقدم مکتب عبرتدی سراسر بشره کمیدی دنیاده قالان یا گئده نی ساده سالان▪️▪️▪️ خوش اوشخصه اولا همراه کرام و برره نه سلاطینه خوانینه باخار پیک اجل نه ده تسلیم اولوری زوره نه تطمیع زره سنی الاتماسین آلتی گونون عیش و طربی اتمیش ایل عیشی مقابل دگی بیر درد سره▪️▪️ هرکسه هرنه ویروب الدی بودنیای دنی اوزوی بیش و کمه خاطره سالما خطره آرزولار قوتارینجا قوتولار عمر عزیز مرحبا نفسوی قانع ائله سن ماحضره گونده هی شام غریبان شب هفته گئدیسن بیر بئله گونده سنون وار قولاق آسان خبره 🎧اجرای سبک :استاد پیرزاده

🌼🌸🍃🌼 💐🌺💐 🍃🌼 🍃 ━═✿♡﷽♡✿═ 《 ۸ سال دفاع مقدس 》 به قلم شاعران دلسوختۀ گروه شعر و ادب تبریز الیاس ملک پور: رزمنده لردایاندیلا مردانه سگگیز ایل حامی اولوبلا کشور ایرانه سگگیز ایل حاج اصغر فرشچی( عدلی تبریزی): جانباز اولوب بیر عدّه چاتبدور سعادته خدمت ائدوبله مکتب قرآنه سگگیز ایل قدیر سعیدی: جانباز یلر همیشه بیزه افتخاریدی خدمت ائدیبله کشوره جانانه سگگیز ایل رسول بابایی: قربان اولوم ‌او گللره کی پرپر اولدولار ایفا ائدیبله دیلده کی پیمانه سگگیز ایل رمضان نقاش( شاهد): جاننان گیچوبله شوقیله ایران جوانلاری شهد شهادت ایچدیله مستانه سگگیز ایل اکبر ملک پور: یاد ائیلیوبله حضرت عباسی جنگیده قان آغلیوبلا ساقی عطشانه سگگیز ایل محرم کریمی: حق جبهه سینده کرب و بلا اشتیاقینه نوحه دئیوبله شاه شهیدانه سگگیز ایل حاج نادر بابایی: کوچه به کوچه بو وطنیم لاله زار اولوب قرآن ورق ورق بویانوب قانه سگگیز ایل صابر ثمودی: حق جبهه سین بوراخمادولار سالکان عشق دشمنله چیرپیشبلا دلیرانه سگگیز ایل محمد کاظمی زنجانی: تک قویمیوبلا حضرت زهرا بالاسینی یاور اولوبلا رهبر دورانه سگگیز ایل طاهر نوروزی: داغ تک دوروبلا دشمن بعثیله روبرو باش اگمیوبله فرقهء عدوانه سگگیز ایل محمدرضا صادقی( شیدا): بیرعده سی اسارته قول باغلی گئتدیلر یوسف سایاقی دوشدوله زندانه سگگیز ایل سید جواد حسینی: غواصلرده قوللاری باغلی شهید اولوب باش اگمیوبله فرقهء شیطانه سگگیز ایل محمد مهدوی مرام: ازبس چوخیدی مشتری جام شهادته‌ دولدی،بوشالدی،بیربئله پیمانه سکّیز ایل ادریس ملک پور: ایرانی ساتمیوبدیلا جاه و مقام اوچون باشسیزدوشوبله صحنۀ میدانه سگگیزایل حاج علی احمدی: تپراقلار اوسته یاتدیلاسنگرده جان بکف قانلار توکولدی دشت و بیابانه سگیز ایل حاج محمدتقی جابری: صدام تکیه ائیلدی غربه،وَ لیک بیز بِل باغلادوخ غریب خراسانه سگگیزایل مهدی ملکی: پرپر اولوبلا لاله کیمی شیر مردیلر زینت ویروبله باغ گلستانه سگگیز ایل علی شوندی: بیرعده شیمیایی اولوب عرصه گاهیده حسرت قالوبدی نسخه ودرمانه سگگیزایل اصغرگلمحمدی( دلجو): بیرسرو تک اوجاتدیلا قامت،وفا باغین گلشن ائدوبله پیرجمارانه سگگیز ایل جعفر بدری: پیروز اولوبدی ملت ایران بو جنگیده لبیک عرض ایدوبله فرخوانه سگگیز ایل الیاس ملک پور: تهمت ویران جماعتیلندور منیم سوزم بولسون بسیجی آلمادی کارانه سگگیز ایل الآندا یاده سالموری بیرکس بسیجینی داغ تک دایاندی جبهه ده مردانه سگیزایل چهار شنبه ۴ مهرماه ۱۴۰۳ مجری اقتراح: گروه بوستان شعر و ادب تبریز به مدیریت استاد الیاس ملک پور 🌸🌾🌼🌿 🌸🌾🌼🌿

#نوحه_سینه‌زنی_ایام_فاطمیه🏴 👈در سبڪ‌: ممد نبودے و سبڪ: بزم عزاده گیمیشم ... ⬛️ سینونده مسمار یارووه آغلارام زهرا                  آغلارام زهرا سیلی دَیَن رُخسارووه آغلارام زهرا                  آغلارام زهرا یازهــــــــــــــرا - یازهــــــــــــــرا(٢) ⬛️ باشه پیمبر قاره سین باغلادون زهرا ، باغلادون زهرا هجرینده قلب زارووی داغلادون زهرا ، داغلادون زهرا ائوده اوتوردون هر گجه آغلادون زهرا ، آغلادون زهرا من قلب پاره پارووَه آغلارام زهرا ، آغلارام زهرا یازهــــــــــــــرا - یازهــــــــــــــرا(٢) ⬛️ سیلی دگنده صورتون دَیْدی دیواره ، دَیدی دیواره درد و غمه دوشدی حَسَن قالدی آواره ، قالدی آواره سیندی قولاقوندن یره دوشدی گوشْواره ، دوشدی گوشواره یانّام سینان گوشْوارووه آغلارام زهرا ، آغلارام زهرا یازهــــــــــــــرا - یازهــــــــــــــرا(٢) ⬛️ سندن صورا حیدر غمه مبتلا اولدی ، مبتلا اولدی شیر خدانون قلبینه غصّه لر دولدی ، غصّه لر دولدی قلبی شکسته قیزلارون گُل کیمین سولدی ، گل کیمین سولدی غمنن سولان گلزارووَه آغلارام زهرا ، آغلارام زهرا یازهــــــــــــــرا - یازهــــــــــــــرا(٢) ⬛️ غسلون ویرنده بس نَدَن آغلادی حیدر ، آغلادی حیدر بیر حاله قالمیشدی بَدَن آغلادی حیدر ، آغلادی حیدر قانه بویاندی آغ کفن آغلادی حیدر ، آغلادی حیدر اوُل سینهٔ تبدارووه آغلارام زهرا ، آغلارام زهرا یازهــــــــــــــرا - یازهــــــــــــــرا(٢) ⬛️ سندن صورا زینب قیزون خانه دار اولدی ، خانه دار اولدی فِقـــدانُوَه هجـــرانوه بیقرار اولدی ، بیقرار اولدی یاندی گووَرمیش صورته اشکبار اولدی ، اشکبار اولدی زینب کیمین دلدارووه آغلارام زهرا ، آغلارام زهرا یازهــــــــــــــرا - یازهــــــــــــــرا(٢) ⬛️ زینب دییَر مظلوم آنا باتدون القانه ، باتدون القانه سن سیز یتیمه قیزلارون گلدی افغانه ، گلدی افغانه سنسیز بو پوزقون تللره کیم ویرار شانه ، کیم ویرار شانه فقدان محنت بارووه آغلارام زهرا ، آغلارام زهرا یازهــــــــــــــرا - یازهــــــــــــــرا(٢) ⬛️

یتیش امداده یا فضه قاپوم یاندی بالام ئولدی منیم حالیم پریشاندی دوت الیمدن علی جانی توکولور سینمون قانی یارالاندیم یارالاندیم یارالاندیم دؤزرم هر بلایه حق رضا اولسون گرک عاشق رضای هر قضا اولسون قوری جانیم فدای مرتضی اولسون دیرم یا علی مولا اودی تاج سر زهرا یارالاندیم یارالاندیم یارالاندیم آتام الدن گئدوب فضه عزادارم بولوسن فرقت طاهاده بیمارم ئوز ائویمده مریض بی پرستارم بو نه اوددی یانور فضه ئورگیم اودلانور فضه یارالاندیم یارالاندیم یارالاندیم نجه گور عالمه غوغا سالوب زهرا یارالی محسنون عطرین آلوب زهرا در و دیوار آراسیندا قالوب زهرا منی ضرب لگد یخدی جانی جیرانیمون چخدی یارالاندیم یارالاندیم یارالاندیم کیم علی خواه اولا دؤنمز حقیقتدن قاپوسی یانسادا قاچماز شهادتدن ئولر عشق اهلی ال چکمز ولایتدن که علیدور شه مردان اونا زهرا اولا قربان یارالاندیم یارالاندیم یارالاندیم حسنیم حالیمی بیلسه جگر داغلار قاپونون شعله سین گورسه حسین آغلار آناوای سسلنوب زینب عزا ساخلار دیر الله آنام ئولدی سینه سین میخ در بُولدی یارالاندیم یارالاندیم یارالاندیم نجه زهرا دؤزَر الله بو بحرانه توکولوب دیو و دد باب سلیمانه دم مسماریلن سینم باتوب قانه ئورگیم غصّه سی چوخدی یارامی باغلیان یوخدی یارالاندیم یارالاندیم یارالاندیم ✍شاعر:استاد کلامی زنجانی اجرا : احسن دهقان #اللهم_عجل_لولیک_الفرج❤️

صفا وار شور وار یاران حسین آدی گلن یرده ملک وار حوری وار یاران حسین آدی گلن یرده حسین آدی گلن یر شوره زار اولسا گلستاندی اتورسا مهری هردلده او دل دریای ایماندی اونا یرگوی توکر گوزیاش فدای دین وقرآندی اولارگوزیا شلاری باران حسین آدی گلن یرده حسینه گوزلروم قربان ملک صورتده انساندی مقام و شانینه جمله ملایک اهلی حیراندی حسینی اتسه لر تفسیر حسین معنای قرآندی اولار روحه روان قرآن حسین آدی گلن یرده چکر حسرت ملایکلر حسینون خادمی اولسون گلون بیزده ایداخ همت عزا مجلسلری دولسون گلوب باخدوقجا دشمنلر سولان یاپراق کیمی سولسون گرک دور خار اولا دونان حسین آدی گلن یرده حسینون خیمه سی آلتی بیزه مین باشدی جنتدن اولارکی عترتی سویمزچخاتماز باش بو حکمتدن اورکدن سسلسوخ آدون قوتولوخ رنج ومحنتدن تاپولماز درد بی درمان حسین آدی گلن یرده (مطلبی) اجرا : احسن دهقان #اللهم_عجل_لولیک_الفرج ❤️

ارائه متن و صوت نوحه، روضه، مرثیه و،،،، مدیریت کانال:شعبانپور @Haram75 ─⊱✾♡✾⊰─ https://eitaa.com/joinchat/2115895304C4149e19122 @Asheghane_hazrat_zeynab 💠 اللّٰهمَّ عَجِّلْ لِوَلِیِّكَ ٱلْفَرَجَ 💠 تعرفه تبلیغات این آیدی👇🏼 @kianatv ─┅─⊱✾♡✾⊰─┅─