روضه حضرت علی اکبر(ع) خیز بابا تا ازاین صحرا رویم لیک سوی خیمه زنها رویم این بیابان جای خواب ناز نیست ایمن از صیاد تیر انداز نیست سبک :: یخیلدی سقا یره... غفاری اردبیلی سرمایه دور پیکرون کربلایه اکبریم قرآنی خنجر بولوب آیه آیه اکبریم مرحبا دینووه عشقیوه وفالی سان آچ گوزون دور گیدک خیمیه یارالی سان باغ جناندان سنون سنگرون صفالیدی بو پارچا پارچا سینون سینمون مدالیدی عطشان چخان جانیوه کربلا عزالیدی ال وورمارام آلنیوا قان وئرور یارالیدی دورگئدک تلّلیده گوزلیور بیبون سنی گئتمسون خیمیه دردون ئولدورر منی آچ بال و پر گویلره جنّتین هماسی سان عاشقلره فخر ائله عشقووین فداسی سان قوی باشیوی سینه مه قلبیمون شفاسی سان اولسون قسم جانیوه دردیمون دواسی سان خیمه ده جسمیوی جان کیمی قوجاقلارام ئولمَسَم غصه دن ماتمونده آغلارام خنجر دگوب باشیوه اوخشیور قیزیل گوله شانه دگوب گوئیا باغدا زلف سنبله سن بیل رقیّم جانی ممکن اولسا گل دیله کیم ووردی بو یاره نی وئردی آرزیمی یِله جانیمی روحیمی خوش باخیشلارون آلور آغلیا بیلمورم بی حیالر ال چالور من جنتی نیلورم جنتیم گوزونده دی من شربتی نیلورم شربتیم سوزونده دی پیغمبرین آی کیمی صورتی یوزونده دی گزمه منیم جانیمی وئرمیشم ئوزونده دی با ادب با شرف جانیوه جانیم فدا جان آلان قان دولان گوزلره گوزوم فدا لیلایه وئرسم خبر یوسفون باتوب قانا حشره کیمی حقلیدور ماتمونده اودلانا بو رسمیدور اوغلونون حجله سین بزر آنا لیلا گرک قبرووین اوسته شمع تک یانا وای اونون حالینه چوللری مَلَر گزر آختارار گول تاپار قبرووین داشین بَزَر الیوی قوی سینمون اضطرابی دینجلسون خیمه لره سن گیدیرسن یا دییم ننون گلسون شمعی تک دامنیم آلوده اولوب گوز یاشیما قوجالان وقته علی دوشمدی سایون باشیما @Hazrate_Abalfazll

‍ در جلالت امام جواد (ع) استاد حاج ابوالفضل عباسی معروفان یا امام جواد ای گلِ باغ رضا پسر فاطمه بند دل مرتضی حیدرین نایبی ای کرم صاحبی دوت الیمدن - بینوایم درد عشقه - مبتلایم آفتاب ادب بحر شرف گوهری زلفی حبل المتین دست سخا اللری آدیوه عاشقم شیعه لرین رهبری سنه دلبسته یم عشقووین مستی یم دوت الیمدن - بینوایم درد عشقه - مبتلایم علوی سن آقا شیر خدا اوغلوسان زینت و سرور کل نسا اوغلوسان هشتمین اختر برج ولا اوغلوسان مقتداسن منه من غلامم سنه دوت الیمدن - بینوایم درد عشقه - مبتلایم زنده یاد حاج محمدباقر منصوری #سبک_یا_امام_زمان_شیعه_ده_احساسه_باخ @Hazrate_Abalfazll

‍ در شهادت امام جواد علیه السلام کربلایی رحیم فیضی اردبیلی سبک: یا امام زمان شیعه ده احساسه باخ یابن‌موسی الرضا شیعیه احسان ائله او گوزل قبرووه سن بیزی مهمان ائله نور چشم رضا مرقَدی جان فزا یابنَ زهرا(۲) ای جواد ای گُل گلشن آل عبا ماتمونده ائدر عالَم و آدم نوا مرقد پاکووه شیعه‌لر اولسون فدا شیعه‌نی دعوتِ روضهٔ رضوان ائله نور چشم رضا مرقَدی جان فزا یابنَ زهرا(۲) شهر بغدادیده ظلمیله مسموم اولان اثرِ زهریدن عارضی گول تک سولان جگری دوغرانوب لبلرینه قان دولان سسلدون گل آنا یاسیمه افغان ائله نور چشم رضا مرقَدی جان فزا یابنَ زهرا(۲) بو عزاده آقا باشه قرا باغلاروق یانه‌یانه سنون محنتووه آغلاروق قاره کوینک گیوب سینه‌میزی داغلاروق لطفووی شامل شیعهٔ نالان ائله نور چشم رضا مرقَدی جان فزا یابنَ زهرا(۲) معتصم مکریله دعوت ائدوبدور سنی غرق آه و غم و محنت ائدوبدور سنی جَبریله دعوت شربت ائدوبدور سنی سویله‌دی میل ائدوب حظِّ فراوان ائله نور چشم رضا مرقَدی جان فزا یابنَ زهرا(۲ شربتی میل ائدوبسن جگرون قان اولوب محنتوندن آنون فاطمه گریان اولوب جنّتی تَرک ائدوب حُجرووه مهمان اولوب سسلنوب جان بالا آز ئوره‌گیم قان ائله نور چشم رضا مرقَدی جان فزا یابنَ زهرا(۲) ای رضانین جوان اوغلی جوادیم بالا هِی‌چالوب‌ال‌ایاق‌دوشمه‌چوخ‌حالدان حالا آز منیم قلبیمون مجمرینه کوز قالا سینه‌می داغلیوب آز منی گریان ائله نور چشم رضا مرقَدی جان فزا یابنَ زهرا(۲) معدن جودیسن بابِ سخادور آدون سن رضا اوغلیسان رمز شفادور آدون عالمین دردینه عین دوادور آدون شیعه‌نین دردینه یکسره درمان ائله نور چشم رضا مرقَدی جان فزا یابنَ زهرا(۲) شاعرت تشنۀ جام سبوی شما طالبِ(فیضی)از بخشش کوی شما عالمی روشن از جلوهٔ روی شما منیچون خانهٔ قبری چراغان ائله نور چشم رضا مرقَدی جان فزا یابنَ زهرا(۲) #شهادت_امام_جواد_ مداح سید سجاد موسوی @Hazrate_Abalfazll

‍ شهادت امام جوادعلیه السلام یاران قورولوب بزم عزا عرش خداده آثار محن ظاهر اولوب ارض و سماده مهدی آقامیز آغلیور ئوز جدی جواده بوغمده گرک سینه سینی داغلیا شیعه قاره گیینه،باشه ویروب،آغلیاشیعه ذی القعدآیینون آخری بیز قاره گیینوک گوزیاشی توکوب گرد غم و یاسه بورونوک قسمت اولا گر قبری,یوزی اوسته سورونوک بو غمده یانان سینه ی پر سوز رضادی بو غمکدیه بانی غریب الغربادی ای شیعه ی اثنا عشر ای ملت ایران همت الیون حفظ اولونا عترت و قرآن نعمتدی بیزیم مملکته شاه خراسان بوگونده ولی قلبینی غم تیری بولوبدی گوزیاشی توکون شاهیمیزون اوغلی ئولوبدی هرکس که اولوبدور غمی دنیاده زیاده اولسون متوسل بو گجه باب مراده ویرسون قسم اول پادشهی اوغلی جواده صدق دلیله کیم اولا بو بزمیده حاضر البته وئرر حاجتینی اوغلونا خاطر من بنده ی شرمنده ی خلاق جلیلم بوشدور بو الیم سائلم و ابن سبیلم بودرگهه بیرعمریدی منتله دخیلم نه شاعرم و نوحه گر ونوحه سرایم من عاشق شوریده سر ابن رضایم گر حضرت جانان منه لطف ایلیه رخصت مدحین یازارام دفتره در حد بضاعت وار معتبر اخباریده مشهور روایت من نظمه چکوم حظ ائده عشاق حسینی ایلوبدی روایت بو سوزی شیخ کلینی اولاد نبی عالم عالمدی مسلم هر تک تکی اولموش بلی سر اللهه محرم یحیادی دیوربوخبری زاده ی اکثم بیرگون من ئوزوم,زائریدیم قبر رسوله مشغول طوافیدیم ئوزوم قبر رسوله ناگاه گوزوم گوردی او دم ابن رضانی مشغول طوافیدی او مصداق معانی حیران ائلمیشدی حرکاتی عرفانی من ماتیدیم اوشهده اولان عزت وجاهه گیتدیم قاباقا عرض سلام ائتدیم او شاهه چوخ رٲفتیله رد سلام ائتدی اومولا عرض ایلدیم ای نابغه ی حکمت وتقوا سندن نچه مطلب سوروشوم اینجیمه اصلا باخدی منه حکمتله او والای خدابین من یاخشی بیلوردوم اوسوالات جوابین القصه نچه مساله من ایلدیم عنوان فی الفور جوابین بویوروب قویمادی نقصان گوردوم ئوزومی مور او مولانی سلیمان عرض ائتدیم آقا سنده اولان حکمته احسن سن تک آقا, عالم بجرن نهضته احسن ای معدن لطف وکرم و علم وفضیلت فخر ایلیه جک سن کیمی مولایه شریعت وارآیری سوالیم منه مانعدی خجالت بو مساله ده ماتم و حیرانم ئوزومده واللهی غرض یوخدی منیم صونکی سوزومده لبخند ویروب ائتدی بیان اول شه حق بین ای عالم گم کرده ره مذهب و آیین ویرم دیمه میش مساله نین فوری جوابین قویما اوره گونده قا لاچوخ درد و ملالون یحیی بیلورم شرح امامتدی سوالون حیرتده قالیب عرض ائلدیم ای شه خوبان اللهه قسم حق و حقیقت بویورورسان کیمدور دئ گوروم... مداحی استاد طالبی #شهادت_امام_جواد_علیه_السلام @Hazrate_Abalfazll

زبانحال حضرت امام جواد علیه السلام الهی غریبم آخور گوزیاشیم دوشوبدی بلایه بلالی باشیم من ئولسم کیم آغلار یانوب سینه داغلار غریبم خدا الولاندی لبلر جگر پارچالاندی وطندن اوزاقم اورک ناگراندی گرفتاروزارم شه بی قرارم منه بیریانان یوخ اودی داغدارم غریبم خدا باشیم اوسته آفت غباری اسیلدی ره چاره بیردن الهی کسیلدی بهاریم خزاندی دلیم اوتدایاندی وطندن کنارم بالام ناگراندی غریبم خدا مدینه یولوندا گوزوم قالدی باری گوروم درده دوشسون منیم تک بویاری جمالیم سارلدی توانیم آزالدی نه بیرکس ایشیتدی سوزوم دیلده قالدی غریبم خدا باسبک خدامادرم را کجا می برند

بسم الله الرحمن الرحیم روضه امام جواد ع 🔻بر سیرت نیکوی پیمبر صلوات 🔻بر شمس جمال پاک حیدر صلوات 🔻بر پور رضاجواد مظلوم و جوان 🔻پر پر شده از از جفای همسر صلوات 🔷( #دعای -فرج )🤲🏻 🔶اللهم صل علی محمد وآل محمد و عجل فرجهم .... بسم الله الرحمن الرحیم ... لاحول و لا قوه الا باالله العلی العظیم.. السلام علیک یا اباجعفریا محمد ابن علی ایها التقی الجواد یابن رسول الله یا حجه الله علی خلقه...یا سیدناو مولاناانا توجهنا...... 🥀 قربان اولوم کاظمینوه آقاجان ....خوش او کس لرین حالینا کی الان کاظمین ده دیلر ....قربان اولوم او با صفا حرموه ...یا جواد الائمه 3 ....🤲🏻🤲🏻 🥀زوارلار ایاق قویار ملکلرین قنطلرینه 🥀سنون با صفا حرمونده یا امام جواد آقا 🥀سن کیم سن آقا جان؟ همیشه جواد الائمه سن 🥀من کیمم آقا جان ؟ سنو قاپوون گداسیام 🔸بیز ایرانی لر چوخ اعتقادیمیز وار آقا جان سنه چوخ اتگونن یاپیشمیشوخ حاجت آلمیشوخ ....مخصوصا جوانلاریمیز حاجتی اولانلار ..گرفتارلار 😭 🔷ایندی کی اورگون آماده اولدی اوره لری آپاراخ کاظمینه...امام رضا آقانین اورهگینین میوه سینه عزیز بالاسینه ناله الیخ.....قربان اولوم سنون مظلومیتوه آقا جان .... اصلا بو خانواده نین ناله لری همیشه عالمی یاندیری ...عمه سی خانم زینب ده کربلا ده ایلشیب گودی قتلگاهیده قارداشین باشسیز بدنینین کنارینده ناله الیدی آی خانم زیبنه سس ویرن لر ....ددی باجی قارداشی تانور گر اولا سالم بدنی ....باجون ئولسون تانیوم هانسی علامتله سنی ....نه باشون وار بدنونده نه الون الده سنون ...نه لباسون قالوب اگنونده نه بیر پیرهنون 😭😭 🔸اما هر کسین گیزلین سوزی اولسا ائوده اوز همسرینه دیر ولی قربان اولوم اقا نین مظلوم جانینا ...آقانین محرمی اوز ائوینده نامحرم اولدی ....ام الفضل آقانی مسوم ایلدی ...آقا هی سسلیدی ام فضل بی قطره سو ویر جگریم یاندی سوسوزلوخ دان ...الله لعنت السین سو ویرمیدی توکدی یره 😭💔🖤 ام بی وقت گوردولر آقانین دای سسی گلمی....تا حجره نی آشدیلار گوردیلر آقا جدی حسین کیمین سوسوز جان ویریب 😭...اما ام فضلین اورگی سومادی دستور وئردی آقانی آپارالار داما ...اوچ گون آقانین بدنی جدی حسین کیمین گونلر قاباقیندا قالدی ....جان آقا غریب آقا مظلوم آقا ...عطشان آقا ... آی حاجتی اولانلار ...آی مریضی اولانلار ..آی گیزلین دردی اولانلار .... آی جوانی اولانلار جوان لاروزی بیمه الیون آقانین آدینان ...اوچ گونن سورا آقانین بدنین دامنان آتیلار یره 😭 شیعه لر گلدی آقانین بدنین تشیع الدیلر ......امام علی النقی ع احترامینن آتانین نمازین قیلدی تپراقا تاپشیردی اما کربلاده نه ئولدی .... وقتی خانم زینب گلدی گودی قتلگاهه داشلاری اویان بیان الدی ...اوخلاری سینه سیندن چکدی ائله یانا یانه ددی حسین یارالی جانوه باجون قربان ......اوخون یریندن آخان قانوه باجون قربان ....اورکده اوخ یاروه خونجگر باجون قربان ......تفاقی برهم اولان دربدر باجون قربان ...امام سجاد آقا آتانی بوکدی بیدنه حصیره قویدی قبره اما گوردیلر آقا قبریدن کنار اولمی .... گلدیلر قاباقا گوردیلر آقا آغزین قویوب بابانین بوغازینین کسیلن رگینه هی سسلی سوسوز ئولن بابا 😭😭اوروجون آخشام آچمیام بابا 😭😭 یا حسین 🤲🏻🖤💔🌹 🔳صل الله علیک یا مظلوم یا عطشان یا ابا عبدالله🔳 🌹هدیه به حضرت معصومه سلام الله علیها (صلوات )🌹 🖤 🖤 🕊️ 🖤 🕊️ 🖤 🖤 🕊️ 🖤 🕊️ 🖤 🕊️ 🖤