بسم الله الرحمان رحیم کانال ختم و ترحیم خوانی🎤 اشعار پندیات، روضه، نوحه و... https://eitaa.com/joinchat/1758134425Ca7138e05ff کانال را به دوستانتان خودتان معرفی کنید

باسلام شعر جدید توسل به حضرت ولیعصر عج با آهنگ جدید یا امام زمان شیعه یه احسان ایله دردیمیز وار بیزیم دردلره درمان ایله یادگار علی شیعیانه ولی یابن زهرا یابن زهرا 2بار یوسف فاطمه ای آدی فخرالبشر گوز تیکیوب یوللارا شیعه لر ای منتظر منتظر گوزلره سن آقا جان قیل نظر یوسف فاطمه ظلمه ویر خاتمه یابن زهرا یابن زهرا 2بار ای اولان عالمه بانی خلقت آقا یاور اهل دین کان و کرامت آقا ویر صفا گلشنه ایله عنایت آقا ای گل مصطفی گلشنه ویر صفا یابن زهرا یابن زهرا 2بار آی دیمم حسنوه آی سنه حیران قالوب گون دیمم چونکه گون نورینی سنن آلوب شوکتین عزتین عالمه غوغا سالوب آل آله پرچمی شادائله عالمی یابن زهرا یابن زهرا 2بار سن ولی حق. حیدر کراریسن امت پیغمبره دلبرو دلدریسن شهریار جهان محرم اسراریسن فاطمه دلبری شیعه نین سروری یابن زهرا یابن زهرا 2بار محرم راز علی حیدره نوره بصر گل غم هجرانیده شیعه اولوب خونجگر گورمگه حسنوی ایندی اورک لر اثر آل آله سن علم قوی گوز اوسته قدم یابن زهرا یابن زهرا 2بار غنچه گوللر آقا غصدن ایندی صولوب گل آقا شیعه نی دردو فراقین یوروب قلبیلر غصدن قانیله الوان اولوب شیعه نی یاد ایله غمنن آزاد ایله یابن زهرا یابن زهرا 2بار کربلا کاظمین. مکه ده سن بیلمرم گوزلریم یولدادی من آقا یول گوزلرم ویرسلر عالمی حسنوه من ویرمرم رحمت العالمین صولدی گلزار دین یابن زهرا یابن زهرا 2بار وارامیدیم گلن قالمیا یولدا گوزوم گلسن اما سنه واردی منیم چوخ سوزوم سن گلن یوللارا قربان اولوم من اوزوم شاهیسن عالمه یوسف فاطمه یابن زهرا یابن زهرا 2بار وار امیدیم منیم. روحمه ریحان گله یادگاره علی. یاور قرآن گله ذات حقدن آقا بیر آلا فرمان گله گل گلن یوللارا جان امت فدا یابن زهرا یابن زهرا 2بار گوزلریم یولدادی یاربیزه مهمان گله بیلمورم لیک هاچان باشه، بوهجران گله شیعه لر گون سایر سویگول جانان گله پور حیدر گله شیعه لر دینجله یابن زهرا یابن زهرا 2بار «مهدیم» لطف ایله دوت الیمی قیل کرم سائل درگهم هیچ قاپویا گیتمرم درگهینن سنین من آقا ال چکمرم بی پناهم آقا روسیاهم آقا یابن زهرا یابن زهرا 2بار اشعار اینجانب حاج مهدی ملکی زنجانی

یاران قورولوب بزم عزا عرش خداده آثار محن ظاهر اولوب ارض و سماده مهدی آقامیز آغلیور ئوز جدی جواده بوغمده گرک سینه سینی داغلیا شیعه قاره گیینه،باشه ویروب،آغلیاشیعه ذی القعدآیینون آخری بیز قاره گیینوک گوزیاشی توکوب گرد غم و یاسه بورونوک قسمت اولا گر قبری,یوزی اوسته سورونوک بو غمده یانان سینه ی پر سوز رضادی بو غمکدیه بانی غریب الغربادی ای شیعه ی اثنا عشر ای ملت ایران همت الیون حفظ اولونا عترت و قرآن نعمتدی بیزیم مملکته شاه خراسان بوگونده ولی قلبینی غم تیری بولوبدی گوزیاشی توکون شاهیمیزون اوغلی ئولوبدی هرکس که اولوبدور غمی دنیاده زیاده اولسون متوسل بو گجه باب مراده ویرسون قسم اول پادشهی اوغلی جواده صدق دلیله کیم اولا بو بزمیده حاضر البته وئرر حاجتینی اوغلونا خاطر من بنده ی شرمنده ی خلاق جلیلم بوشدور بو الیم سائلم و ابن سبیلم بودرگهه بیرعمریدی منتله دخیلم نه شاعرم و نوحه گر ونوحه سرایم من عاشق شوریده سر ابن رضایم گر حضرت جانان منه لطف ایلیه رخصت مدحین یازارام دفتره در حد بضاعت وار معتبر اخباریده مشهور روایت من نظمه چکوم حظ ائده عشاق حسینی ایلوبدی روایت بو سوزی شیخ کلینی اولاد نبی عالم عالمدی مسلم هر تک تکی اولموش بلی سر اللهه محرم یحیادی دیوربوخبری زاده ی اکثم بیرگون من ئوزوم,زائریدیم قبر رسوله مشغول طوافیدیم ئوزوم قبر رسوله ناگاه گوزوم گوردی او دم ابن رضانی مشغول طوافیدی او مصداق معانی حیران ائلمیشدی حرکاتی عرفانی من ماتیدیم اوشهده اولان عزت وجاهه گیتدیم قاباقا عرض سلام ائتدیم او شاهه چوخ رٲفتیله رد سلام ائتدی اومولا عرض ایلدیم ای نابغه ی حکمت وتقوا سندن نچه مطلب سوروشوم اینجیمه اصلا باخدی منه حکمتله او والای خدابین من یاخشی بیلوردوم اوسوالات جوابین القصه نچه مساله من ایلدیم عنوان فی الفور جوابین بویوروب قویمادی نقصان گوردوم ئوزومی مور او مولانی سلیمان عرض ائتدیم آقا سنده اولان حکمته احسن سن تک آقا, عالم بجرن نهضته احسن ای معدن لطف وکرم و علم وفضیلت فخر ایلیه جک سن کیمی مولایه شریعت وارآیری سوالیم منه مانعدی خجالت بو مساله ده ماتم و حیرانم ئوزومده واللهی غرض یوخدی منیم صونکی سوزومده لبخند ویروب ائتدی بیان اول شه حق بین ای عالم گم کرده ره مذهب و آیین ویرم دیمه میش مساله نین فوری جوابین قویما اوره گونده قا لاچوخ درد و ملالون یحیی بیلورم شرح امامتدی سوالون حیرتده قالیب عرض ائلدیم ای شه خوبان اللهه قسم حق و حقیقت بویورورسان کیمدور دئ گوروم... ﷽🍁 ✨اَللّهُمَّ عَجِّل لِوَلیِّکَ الفَرَج✨💫

شهادت حضرت امام حسن عسکری علیه السلام یوسف فاطمه ای فخر زمن تسلیت اولسون آقا یا ابن الحسن سالموسان شال عزا دیلده صد شور و نوا هشتم ماه ربیع اولدی عیان یردن افلاکه چیخوب آه و فغان ظلمیله جام اجل نوش ایلیوب حسن عسکری مظلوم زمان ای شه ملک وفا گل ئوزون یاسه آقا دوتولوب برج ولایت قمری چهره سینده گورونوب زهر اثری فاطمه سسلدی ای وای بالا وای مجتبا تک پارالاندی جگری خلقتین تاج سری برج حقین قمری سرمنرا ده گل عمری صولوب صاحب العصرآقا غمدیده اولوب وا ابا سسلیری مهدی آقامیز قلب شیعه غم و غصیله دولوب حجه الله زمان شیعیه روح روان معتمد ظلمیده طغیان ایلدی قلب احبابی بوگون قان ایلدی زهر وئردی آتاوی ایتدی شهید حالیوی زار و پریشان ایلدی واردی قلبنده محن تسلیت یا ابن الحسن اولدی مسموم او شه جود و کرم یاغدی عالم باشینا محنت و غم انبیا شاهی ایدوب آه و نوا جبرئیل عرشه ویروب قاره علم قدسیان دوتدی عزا ایتدیلر آه و نوا ✍منکلام:استاد محمدرضا بیگلی متخلص به رضوی ﷽🍁 ✨اَللّهُمَّ عَجِّل لِوَلیِّکَ الفَرَج✨💫

🥀شهادت امام حسن عسکری علیه السلام🥀 🎶سبک میگذرد کاروان.... ✍به قلم کربلایی صابرثمودی 🏴🏴 حضرت مهدی آقا.تسلیته گلمیشوق وئرماقا باش ساغلیقی تعزیته گلمیشوق شیعه لر بو گونده آغلیار سینه سین بو غمده داغلیار رهبریم سروریم تسلیت. ای منیم دلبریم تسلیت یا مهدی جان یا مهدی جان یا مهدی جان یا مهدی جان 🏴🏴 معتمد بی حیا ظالم پست و پلید حاکم بی شرم و دون ظلمی اولوبدی شدید زهر وئروب جبریلن ائتدی آتاوی شهید سینه سی ظلمولن اودلانوب جگری زهریلن دوغرانوب رهبریم سروریم تسلیت ای منیم دلبریم تسلیت یا مهدی جان یا مهدی جان یا مهدی جان یا مهدی جان 🏴🏴 غرق عزا اولموسان بو گئجه شاه جهان غصه لی سن غملی سن چون آتاون ئولدی جوان اشکون اوزه سیدی سیل تک اولدی روان دردیمون درمانی آغلاما گوزلرون قربانی آغلاما 🏴🏴 بو گئجه چون سوندی شمع دوره ده پروانه سی یومدی گوزون باغبان غملیدی ریحانه سی سیلدین اوزوندن ترین سن کیمی دردانه سی سینوی غملن سن داغلوسان آتا باشی اوسته آغلوسان 🏴🏴 سسلدی داده سنی گل دئدی جان اوسته یم گل باشیمی آل دیزون اوسته اوغول خسته یم سو گتور اوغلوم منه مهریوه من بسته یم باباوا سو وئردون سن آقا بوردا یاده دوشدی کربلا 🏴🏴🏴🏴 کرب و بلاده ولی اولمادی بیر سو وئرن نهره باخوب گوزلری اولمادی احسان ائدن ووردی قلینج نیزه اوخ اول شهه گلیب گئدن جسمینده یاره لر قان وئروب سو یانیندا تشنه جان وئروب 🏴🏴🏴🏴 جدیوه آغلار گوزوم هر گئجه گوندوز آقا سسلیرم یاره لی جسمیوه جانیم فدا وئر سن اوزون تذکره سامرا هم کربلا (ثمودی) دلده آه ونوا حسرتی سامرا کربلا 🏴🏴 #شهادت_امام_حسن_عسکری ﷽🍁 ✨اَللّهُمَّ عَجِّل لِوَلیِّکَ الفَرَج✨💫

◼️◼️◼️◼️◼️◼️◼️◼️◼️◼️◼️◼️◼️◼️◼️◼️◼️نوحه شهادت امام حسن عسکری (ع) در سبک کربلاده بو گیجه غوغا اولوب بو گیجه اهل جهان گریان اولوب هم زمین وآسمان گریان اولوب سامراده اولدی مسموم عسکری مهدی صاحب زمان گریان اولوب اهیله دل داغلیون باشه قاره باغلیون حسن عسکریه نوحه دیون اغلیون باشه قاره باغلادی صاحب زمان سینه سینی داغلادی صاحب زمان بابا باشین دیزی اوستونه الوب یانه یانه اغلادی صاحب زمان چکدی اذیت ایمدی باش ذلته ساتمادی دینین آقا هیچ قیمته التی ایل هدایت ایتدی امتی جان ویروب روحی اوچوبدی جنته اغلیون بند دل طاها اولوب زاده آزادیه زهرا اولوب یوخ نظیری عالمه امکانیده شیعلر او گوزل مولا اولوب او گل باغ جنان اولدی امام ظلم الینن باغری قان اولدی امام معتمد مسموم ایدوب زهرا گولون یاندی اکبادی جوان اولدی امام خانه ی ایمانی ویران ایلدی حضرتین قلبینی القان ایلدی ظلمیله جانین الوب اوحضرتین عالم امکانی گریان ایلدی شاعرعاشورایی کربلایی حسن طیبان میانجی

اهنگ ： نوایی نوایی نوحه امام حسن عسگری ✍️ شاعر علیرضا علوی زنجانی ✍️ شیعه مظلوم اولوب یا صاحب الزمان آتان مسموم اولوب یا صاحب الزمان الامان. الامان یا صاحب الزمان اولدی باغریمز قان یا صاحب الزمان معتمد. ظلمندن شیعه یتیم اولدی مهدی جان تسلیت آتان شهید اولدی بو غمده جنتده زهرا باشین یولدی سسلر شیعه یکسر یاصاحب الزمان الامان الامان. یا صاحب الزمان اولدی باغریمز قان یا صاحب الزمان آتاوین. غمینده. شیعه لرون آغلار گیدوب. سامرایه هی. سنی سراغلار پادگان غمده سینه لرون داغلار ندبه ایدوب اغلار یا صاحب. الزمان الامان. الامان. یا صاحب الزمان اولدی باغریمز قان یا صاحب. الزمان شیعه قوروب ماتم قاره گیوب یکسر بو غمده آغلیار عدنیده. پیعمبر جمع اولوب. انبیا آغلاشور ملکلر اغلالار. بو. غمده یا صاحب الزمان الامان. الامان. یا صاحب الزمان اولدی باغریمز قان یا صاحب الزمان آغلاریق تسلیت. دیریک. زهرایه آتان. ماتمنده گلوک. بیز. نوایه سلام عرض ایدروک. شهر سامرایه اوردا. یاتوب آتان یا صاحب الزمان الامان. الامان. یا صاحب الزمان اولدی باغریمز قان یا. صاحب. الزمان عسگری قلبینده واردور بیر جراحت مسموم اولوب مولا جوان ایتدی رحلت بش یاشیندان ایتدون شیعیه امامت یا بقیه الله یا صاحب الزمان الامان. الامان. یا صاحب الزمان اولدی باغریمز قان یا صاحب. الزمان آیریلیقدان اورکلر. قاندی. یا مهدی شیعه لرون ایشی فغاندی. یا مهدی هادیه عسگری مهماندی. یا مهدی گوزلریمز آغلار یا صاحب الزمان الامان. الامان. یا صاحب الزمان اولدی باغریمز قان یا صاحب. الزمان عسگری گل مثلی سولدی ای شیعه لر قلبینه. زهر کینه. دولدی. شیعه لر سامرا غرق ماتم. اولدی شیعه لر گل آغلا یا مهدی. یا صاحب. الزمان الامان. الامان. یا صاحب. الزمان اولدی باغریمز قان یا صاحب الزمان جهاندا. گور نلر ایلیوب. او مولا حق دیوب حقینه یتوشوب. او مولا عمرینده خوش گونی گورمیوب او مولا آغلاریق حالینه. یا صاحب. الزمان الامان الامان. یا صاحب الزمان اولدی باغریمز قان یا صاحب الزمان آتان جان ویرنده باخوب سن آغلادین بش سنینده گوزین آتاوین باغلادین ارث اولدی عمه ندن سینوی داغلادین دورد بلبل آغلاردی یا صاحب الزمان الامان. الامان. یا صاحب الزمان اولدی باغریمز قان یا صاحب الزمان روحی پرواز ایدوب او لحظه. بقایه غسل ویردین آغلار گوزیله. آتایه قیلدون نمازین تز سلم اولوب قضایه یاندی قلبین سنون یا صاحب. الزمان الامان الامان. یا صاحب الزمان اولدی باغریمز قان یا صاحب. الزمان فاطمه بو غمده گلر آه وایه باش آچوب. پیغمبر. گلر سامرایه ایلر بو غم اثر شاه کربلایه حسن حسین اغلار یا صاحب الزمان الامان. الامان. یا. صاحب الزمان اولدی باغریمز قان یا صاحب الزمان آتان جان ویرنده خیمه سی یانمادی سنین قوجاقینده جسمی اوخلانمادی جدوین جسمی تک اعضا دوغرانمادی حسینه. سن. آغلا. یا صاحب الزمان الامان الامان یا صاحب الزمان اولدی باغریمز قان یا صاحب الزمان ۹۶/۹/۶ ✍️ شاعر علیرضا علوی زنجانی ✍️

نوحه دسته عزاداری نوحه ：امام حسن عسگری (ع ) سبک اول ：چهارگاه سبک دوم ：نالیه گلدوخ گنه یابن الحسن ✍️ شاعر علیرضا علوی زنجانی ✍️ ناله ایدر شیعه گنه مهدی جان تسلیته گلدی سنه مهدی جان امام زمان آدیوه قربان آتان غمینده چوخ اولما گریان ئولدی بابان آغلیوری شیعه لر سینه لری داغلیوری شیعه لر جدیوه قان آغلیوری شیعه لر امام زمان آدیوه قربان آتان غمینده چوخ اولما گریان معتمدین ظلمی پوزوب عالمی جنته مهمان گیدری عسگری ماتمه غرق ایلدی پیغمبری امام زمان ………… فاطمه بو غمده گلر شیونه آغلار حسن عسگریه اول ننه اوز بالاری کیمی آغلار سنه امام زمان,,,,,,, عرض ایلیر ای جگری دوغرانان کفن یاراشمور سنه ای نوجوان یتیم اولوب حجت قایم بالان امام زمان …………… بعد آتان آلتی ایل اولدون امام سندن اولوب مهدی قایم مقام مهدیه بو جعیدن اولسون سلام امام زمان …………… اولمادی هیچ کس دیه چون دشمنه نیلیوب ای ظالم امامیم سنه مهدینی گتدین ایله سن شیونه امام زمان …………… عرض ایلدی ویر منه بیر جرعه سو ایستدی ایچسون ایلدی جستجو کاسه نی رد ایلدی فرزانه خو امام زمان…………… سو سوزی آلدی گنه مندن توان دوشدی حسین یادیمه ای مهدی جان ایستدی سو ویرمدیلر دشمنان امام زمان …………… شمر و عمر سعد یده باخ کینیه قویدی ایاقین او گوزل سینیه باخدی حسین عرشه همان ثانیه امام زمان ……………… شمری دعا ایلدی جدون آقا عرض ایلدی ایله نظر سن خدا هر نه بلا گلسه رضایم رضا امام زمان ……… ✍️ شاعر علیرضا علوی زنجانی ✍️

شهادت حضرت امام حسن عسکری علیه السلام گریز به شهادت امام حسین علیه السلام جام اجل نوش ایلیوب مولا امام عسکری فرزند دلبند خانم زهرا امام عسکری مهدی ایدور آه و فغان آغلور زمین و آسمان مسموم ایدیبدی ظلمیله مولا میزی قوم عنید یعنی که ظالم معتمد بی دین و بی شرم و پلید صولدی گل گلزار دین اولدی مصیبت لر شدید دوشدی کسوفه ماه دین تاریک الوب صبح سفید بدر الدجایی حضرت طاها امام عسکری ای معتمد ای بی حیا لعن خدا اولسون سنه سرکرده ی قوم دغا لعن خدا اولسون سنه سسلر بو شیعه یک صدا لعن خدا اولسون سنه ای روح تزویرو ریا لعن خدا اولسون سنه اولدی شهید راه دین آقا امام عسکری جور عدو ایله آقا جام اجل نوش ایلدی دنیانی حفظ دینچون مولا فراموش ایلدی ئوز فرقئینده شیعه نی تیر غمه توش ایلدی بو فاجعه عالم لری الحق سیه پوش ایلدی قرآن و دینی ایلدی احیا امام عسکری اولدمکه زهر،ایتدی اثر گویا جگردن اوتلانوب کنز ولاده لولو و لا لا جگردن اوتلا نوب پرپر اولوبدی گل کیمی مولا جگردن اوتلانوب ای وای دیوبدور فاطمه زهرا جگردن اوتلانوب ضعف اولدی جسمینده اودم پیدا امام عسکری زهر جفادن که اولوب جسمینده ظاهر حال ضعف ارواح واجسام ای دریغ تاپدی اودم حال اسف دوشدی کسوفه ظلمیله دنیاده اول شمش شرف معناده وای اوغلوم دیوب ناله ایدوب شاه نجف آی تک دوتولدی یعنی مه سیما امام عسکری مهدی ایدور آه و فغان آغلور زمین و آسمان واردی یقینیم یرگویه بو فاجعه وئردی تکان باش قویدی زانوی غمه بو غمده یکسر قدسیان گوز یاشی جاری ایتدیلر مولایه اهل آسمان اهل یقین قاره گیوب غمگین اولوب اهل جنان افغان ایدوب سسلندی واویلا امام عسکری الدن گدوبدی والد والا مقام شهریار بو غم ایدوبدور حضرت صاحب زمانی بی قرار جن و ملک افغان ایدور جمله اولوبلار اشگبار مهدی دیر ای وای بابا ای والد والا تبار ترک ایلدون بو عالمی بابا امام عسکری مولا سالوب شال عزا تسلیم تقدیر و قضا حق لطف ایدوب مزد و سزا صبر ایلیوب ابن الرضا دللر اولوبدی شعله زا دنیایی هستی غم فضا آغلار شه یوم جزا یاسین و کوثر مرتضا سسلندیلر ای وای بابا لالا امام عسکری مهدی ایدور آه و فغان آغلور زمین و آسمان سو گرچه قسمت اولمادی نوش ایلسون سرو چمن جدی حسین تک تشنه لب جان وئردی اول فخر زمن عوانی اما گلدیلر شاهه وئروب غسل کفن قبره او دم تشییع اولوب عز تله مولامیز حسن شیعه یانوب دلدن دیدی شاها امام عسکری اما حسینه اولمادی قسمت کفن بلمم ندن کهنه حصیریله گیدوب قبره گل باغ عدن اوخ نیزه لر جسمین پوزوب زینب اولوب غرق محن داش یاره سی آت دیر ناقی دوشموش نماسیندن بدن بو محنته اما دگل دارا امام عسکری پیغمبرین سینه گلی تپراقلارا پرپر دوشوب سایسیز یارا بیر پارچاقان بیر لاله ی احمر دوشوب یعنی حسین یاسین اولوب تپراقلارا بی سر دوشوب السیز بدن باسیز بدن قان بستره پیکر دوشوب بو غمده گور قان آغلاماز آیا امام عسکری مهدی ایدور آه و فغان آغلور زمین و آسمان ✍منکلام:استاد محمدرضا بیگلی ﷽ ✨اَللّهُمَّ عَجِّل لِوَلیِّکَ الفَرَج✨💫