✅ توسل به حضرت ابوالفضل العباس علیه السلام بزم عزاده گیمشم قاره یا عباس بیچاریم قیل دردیمه چاره یا عباس یا باب الحوائج ( 2 ) ای پرچم حریّتی ساخلیان سردار وی کاروان وحدته قافله سالار مشکلده قالسام ایلرم آدیوی تکرار قربان اولوم سن تک فدا کاره یا عباس یا باب الحوائج ( 2 ) ای حق مناسینده گیین قانلی احرامی گزدون یارالی باشیله کوفه و شامی حفظ ائتدی ایثارون سنون دین اسلامی اولدی نشان عمرون گُلی خاره یا عباس یا باب الحوائج ( 2 ) كوي محبتده هاني سن كيمي جانباز عشق عالمينده آلموسان رتبه ممتاز هاردا آدون سسلنميشم گورموشم اعجاز ائتمه اردات قيديمي پاره يا عباس یا باب الحوائج ( 2 ) آند اولوسون آننوندا اولان زخم پيكاره بير تار مويون وئرمرم تخت شاهانه قانلي گوزون ياد ايلوب گلّم افغانه دگدي سنه اغياريدن ياره يا عباس یا باب الحوائج ( 2 ) آتدان دوشده سسلدون عالمين يارين گلدي غريب كربلا تاپدي سردارين قانلي جبينونده ئوپوب سجده آثارين باتدي يوزي ثاراللهين ثاره يا عباس یا باب الحوائج ( 2 ) سسلندي اي آرخام ائليم آچ گوزون قارداش تاراج اولوب تاب دليم آچ گوزون قارداش قارداش جاني سيندي بئليم آچ گوزون قارداش چاره آزالدي گلميشم زاره يا عباس یا باب الحوائج ( 2 ) اي يار قرآن مرحبا بخت مسعوده چاتدون شهادت فيضيه اولدون آسوده اوچدون هما تك ساخت قدس مقصوده گئتدون يارالي محضر ياره يا عباس یا باب الحوائج ( 2 ) ادرك پيامون خيمه ده ايندي آلديم من گوردي باجيم نه غصه لي حاله قالديم من قربان بو قولسوز قامته دور قوجالديم من اولدي جفا سن تك وفا داره يا عباس یا باب الحوائج ( 2 ) سنسيز حرمده عترت بوتراب آغلار اولموش عطشدن قيزلاريم دلكباب آغلار گه اصغره لاي لاي ديير گه رباب آغلار عالم فدا بو چشم خون باره يا عباس یا باب الحوائج ( 2 ) عباس آقا دلدن نقدر الامان گلسون ايستور كلامي قبريوه نوحه خوان گلسون آچ باغلانان يولاريوي كاروان گلسون ايسته بو جمعي توزلي در باره يا عباس یا باب الحوائج (

‍ ‍#متن روضه کامل حضرت ابوالفضل (ع) دوشنده شور علمدار کربلا باشما گرک یازام ایکی الّلی ورا ورا باشما نچونکه حضرت عباس ئوزی ادبلیدی اوتورماسام دیزی اوسته گلر بلا باشما مصیبتی اوخوناندا هامی باش آچمالیدی چاتور منیم ئوز الیم ئوز غم آشنا باشما او یرده که باش آچوب فاطمه دیه وای اوغول گرک کول اولسا توکم منده برملا باشما ایا امام زمان سن منه ئوزون کمک اول دوشنده یادیمه بو سوز گلور هوا باشما دیولله قولسوزودی باش آچوق عمون عباس نه کول توکوم بو سوزی من یازا یازا باشما دیردی مقصده جاتدوز بسیمدی بو یارالار یغشمیون داخی ای قوم اشقیا باشما سو اوسته گیتدی الیمده گوزومده چکمسوز ال الیمده یوخ سپریم آز ورون یارا باشما اگر یارالی باشیم شامه تحفه گیتملیدی قویون اقللی قالا یاخشی بیر نما باشما باشیمدا چوخ یارا اولسا جداده دوز قالماز نه نوعی حامل اولار نیزه و جدا باشما نجه دیمشدی ئوزی ایش ایله گلوب قاباقا گرک دیسم سوزی حقّین ایدم ادا باشما دیولله نیزیه هیچ کیم ورانمادی او باشی گتوردی شوره منی ایلیون دعا باشما طبقده گتدیلر ابن زیاد مجلسینه اودور آناسی دیدی قویمارام حنا باشما سوزی چکیم گینه آتدان یخلدیقی یرینه او یر که شور سالور قلبیمه و یا باشما اوخی اوزاقدان آتانلار یغیشدیلار یوخونا بیوردی رحم ایلیون ایتمیون جفا باشما باشیمدان ئوتری بو اندازه ایتمیون عجله بو باشی سیز کسه جکسوز یوخ اعتنا باشما امان ویرون باشمون صاحبی ئوزین یتوره سیله گوزومده کی القانی ال قویا باشما ئوپوم بو خدمتینون مزدینه قدملرینی ویره ایاقلارینون تپراقی صفا باشما ولادتیمدن ایله من حسینون عاشقیم بابام دیوب گله جک هر نه ماجرا باشما ویروب بیزی ال اله حال احتضارینده سالوب ولی خدا سایۀ ولا باشما فلک نه بیلدی که جان شیشه سی سو مشگیمدور قباقه مشگی سالوب باش قویوب صورا باشما بو مشگیده سویوم اولسیدی من یخلمازدیم قویاردی تشنه لر آهی گوزل دوا باشما اگر سوسوزلار حسینون دوشوب دالیجا گله دولانار عرصۀ میدان کربلا باشما سکینه گلسه منی دوندرون یوزوم اوسته خجالتیم منه بسدور ایدون رها باشما 🌹مرحوم_استاد_منزوی_اردبیلے

✅یـــــاابـــــاالفضـــــل(ع) ⭐️⭐️⭐️ عشق سرگردان قالار عشق ابوالفضل اولماسا واژه لر پنهان قالار مشق ابوالفضل اولماسا معصیتده غرق اولار امت ابوالفضل اولماسا گون به گون گوزدن دوشر غیرت ابوالفضل اولماسا هانسی مجلسده اگرذکر اولماسا زیبا آدی مُستَمِع روحیه تاپماز مجلسون اولماز دادی رشته مهری قیریلماز ، محکم وپیوسته دی شیعه لر مین دورد یوز ایلدور عشقنه وابسته دی سینه زنلر شوره گلدوکجه دیللّر جان آقا غیرتون قربان ابوالفضل ، عشقوه قربان آقا عشق عباس اولماسا عاشق مسیریندن دونر مشعل پرنور حریت اورکلردن سونر پاک وبا تقواخانملار اورگدر اولادینی اولیندن عاشق عباس ایدر نوزادینی عشقنون مستحکم ایلر گوزیاشیلا پایه سین اهلبیته وقف ایدر الده اولان سرمایه سین قنداقین بندین دوتار، عباس آدین سسلر بَلر صود ویرر،غیرت قانی گهواره ده جوشه گلر باصلابت بَسلنرپرورده احساس اولار تا ئولونجه نوکر شایسته عباس اولار هانسی عباس ، اُول ابوالفضلی که شهدن دویمادی گچدی جانیندن ولی جانانینی تک قویمادی شاه دین اوندا که سوندوردی خیامون مشعلین سویلدی ای یاوران دین سیزه قربان گلون سینه ده حبس ایتمیون دای بسدی سوزآهوزی گورسدیم بیربیر گورون جنتده جایگاهوزی چیکدیلر صف باخدیلار، ماه منوردن صورا گوردولر جنّاتی ، عباس ابن حیدردن صورا یوز دولاندوردی ابوالفضله حسین تشنه لب ایتدی فرمایش ندن بس باخمادون ای باادب سویلدی مولا بو عشقیم ، سرنوشتیمدور منیم نورِ رخسارون حسین والله بهشتیمدور منیم صبح عاشورا آچلدی لشکره سان ویردیلر میندیلر مرکبلره میداندا جولان ویردیلر شاه دین عاشقلری هم عهدوپیمان اولدولار گیتدیلر میدانه بیربیر قانه غلطان اولدولار نوش ایدوب شهدشهادت یار و انصارحسین قالدی بیر شاه لب عطشان بیرعلمدارحسین اذن جنگ آلدی حسیندن عاشق حق الیقین تلّی آشدی سمتِ میدانه یل ام البنین مرکب رهوارینه مهمیز ویردی غیضیلن غیضیله سسلندی الآن جنگیمه کیمدور گلن اَیُّهَاالکُفّار اولون آماده جنگه یکسره من حماسه ساز عشقم آند اولا پیغمبره ای ریاست شوقینه مرکب چاپانلار هارداسوز لقمه ناپاکیله قدرت تاپانلار هارداسوز مکر ونیرنگیله خلقی آللادانلار هارداسوز دینی دیناره ساتوب حقی دانانلار هارداسوز نایب پیغمبرین حقین یینلر هارداسوز حیدرکراری نا حق سَبّ ایدنلر هارداسوز نیتمدور اصغرین قنداقنه اولسون قسَم کیم حسینه چکسه خنجر ریشه سین یردن کسم کیمده جرات وار منیله تن به تن جنگ ایلیه یامنیم تک عرصه گاهی دشمنه تنگ ایلیه من اوشاقلیقدان تنِ اعدایه وحشت سالمشام حیدرکرار الیندن لوح غیرت آلمشام حاجتیم یوخدور ئوزومدن دم ویرام بوحینینده جنگیمی شمرابن ذی الجوشن گوروب صفینیده ⭐️⭐️⭐️ ✍شاعر: ابوالفضل فرهنگی

🥀 توسل به حضرت ابوالفضل عباس علیه السلام🥀 ترکـــی🍂🍂 ✍شاعر؟؟؟ 🎤اجرا خادم اهل بیت کربلایی سعیدسلطانی ◉━━━━━━─────── ↻ㅤ ◁ㅤㅤ❚❚ㅤㅤ▷ㅤㅤ⇆ @Hazrate_Abalfazll

نوحه حضرت عباس یخیلوب عباسیم نهر فرات اوسته بلیم سیندی زینب علمدار ئولدی بویانوبدور قانه وفالی سرداریم لوای قرآنه وفادار ئولدی ئوزون آگه ایله حیالی قیزلاری دینن دگدی پیکان سو مشکین دلدی سیزه خاطر کچدی ایکی قول بیر گوزدن منی قویدی یالقوز فلک دینجلدی علَمین آغوشه آلوب گوردوم آغلور ئوپور اللهُ اکبرین نقشیندن دوداقیندان ئوپدوم دوداقینون عطری بهشتین عطریلن برابر گلدی دیدیم آیا قارداش گیدورسن اخیامه دیدی سن گئت قارداش رقیه ن آغلار دیدیم اوندا گیتسم سنی تنها قویسام چیخاندا جان لبدن گوزون کیم باغلار باشیم اوسته بیر سس دیدی سن گئت اوغلوم گوزین زهرا باغلار عزاسین ساخلار یری وار بو غمدن سودان چیخسا ناله کول اولسا پروانه سو اولسا داغلار دیون اصغر باتسین یاتوب پرچمداریم یارالی اعضاسی قالوب صحراده عطشیندن یانسا دوداقلارین اَمسین دیوللر دشمنلر سو یوخ دریاده سوسوز ئولسه اوغلوم اگرچه نسگیلدی منه باش اگمکدن ولی آساندی سویا خاطر هرگز علینون اولادی ویرر جان یالوارماز دنی صیاده سینه سی اوستونده نیستان وار گویا یارالی اعضاسی تماماً اوخدی ولی اوخلاردان چوخ کنارینده زینب ندور علت بیلمم آغیر داش چوخدی توخونوبدور داشلار سینوبدی آئینه ام یانور غمدن سینه ام آخور گوز یاشیم اوجا بوی قارداشیم ئولوبدی اللرده یاتوبدی چوللرده قراریم یوخدی کسیلوبدور چاره ام ئولوبدی قارداشیم کمکسیز بیر شاهم امیدیم ای وای یاخامی اللرده قویان عباسیم وای شرفلی سردار رشیدیم ای وای توخانوب بیر پیکان هوروبدی گوزیاشین گَلن گورمور کیمدی قالوب آواره دیزیم اوسته باشین آلوب توکدیم گوز یاش دیدیم لای لای قارداش شهیدیم ای وای موضوع: #حضرت_عباس سبک: #یخیلوب_عباسیم شاعر: #غفاری_اردبیلی @Hazrate_Abalfazll

نوحه اربعین گُل خوشبوی من شهید عطشانم ز شهر شام آمد عزادارانت سر قبر پاکت مثال قمری ها سرود غم دارند به لب طفلانت همه سر بر شانه ملول و مستانه ز شمع و پروانه تو را می پرسند نظری بر زینب بکن ای خوش منصب که جان رنجورم شود قربانت گل آغوش من به جانم زد آتش شبانه در کنج خرابه پژمرد به لب شیرینش سرود لالائی مثال عاشق ها ز هجران افسرد به خیالت آید برادر جان شاید که از من بی مهری بدید و رنجید سبب مرگ آن سه ساله زهرایم کتک هایی شد که ز دشمن می خورد موضوع: #اربعین سبک: #یخیلوب_عباسیم شاعر: #غفاری_اردبیلی @Hazrate_Abalfazll

نوحه اربعین گوزون آچ آی قارداش قوناقون وار یاتما اوزاق یولدان خسته گلور زوّارون دوه لر اوستونده ویریبلر باش باشه سنه لای لای دئیلر گوزل قیزلارون قره معجر باشدا بیر عده زوّاروخ ننه ام زهرا مثلی سنه دلبسته بالاجا قیزلارون سینیق محمللرده دوشوبلر طاقتدن اولوبلار خسته بو گوزل قوشلاری گیدنده شاماته ووروبلار یوللاردا سالوبلار دیلدن یارالی قمری تک اودور که آی قارداش صداسی قیزلارون چیخور آهسته نه گوزل قبرون وار گوزوم قربان اولسون عطرلی گوللردن دولوب گلزارون داغیلوب صحرایه گوزل گوللر مثلی ئوپوللر تپراقی گلن قیزلارون آچیلوب قوللاردان اسارت زنجیری دینده وای قارداش ووران یوخ قمچی گوزون ایدین اولسون علی اصغر قانین الوب قاتللردن گلور سردارون ایلدیم من رسوا یزیدی قصرینده دیدیم سنده رحم و شرافت یوخدی ایلدون اسلامه خیانت جدّون تک سنون رفتارونده حقیقت یوخدی قیزاروب خشمیندن دیدی قارداش سیز سان یانور قلبون غمدن علاجون یوخدی او زمان بیلدیم من شماتت بیر اوخدی یاراسینا قارداش طبابت یوخدی موضوع: #اربعین سبک: #یخیلوب_عباسیم شاعر: #غفاری_اردبیلی @Hazrate_Abalfazll

نوحه تنور خولی منی دیندیر اوغلوم عزالی زهرایم یانور قلبیم غمدن عزیزیم یاتما آنالیق حقینده امیدیم سن یاتما ستاره ام سن باتما منی آغلاتما باشووی قاتللر آیوردی پیکردن باجون زینب باخدی دیدی وای قارداش بیزی تنها قویما بو ملک غربتده چتیندی هجرانون دایان آی قارداش داغیلوب صحرایه حیالی قیزلارون حیاسیز دشمن لر وروبلار قمچی اوجا یردن بیر بیر سوزَن اولدوزلاری منیم امکانیم یوخ ئوزون سای قارداش آنا جان خوش گلدون ایوون آباد اولسون او قدری سر مستم آخور گوز یاشیم سینووی اینجیتمه یارون وار سینونده سنه قربان اولسون یارالی باشیم فقط اولسا ممکن گیچن گونلر مثلی دینن لای لای اوغلوم دیلون قربانی چیخا دردیم یاد دان فراتون اوستونده مناده اللرده ئولوب قارداشیم موضوع: #تنور_خولی سبک: #یخیلوب_عباسیم شاعر: #غفاری_اردبیلی @Hazrate_Abalfazll 🎼🎤

نوحه شام غریبان گَل اوغول گون باتدی ربابی تک قویدون یوباندون میداندا گوزل جیرانیم قوجاقیم بوش قالدی اوغولسوز جانیم وای بوغازون اوخلاندی سوسوز قربانیم مَلَشوللر قیزلار مَلر آهولر تک توکوللر گوزدن یاش عزیزیم ای وای یغیشوب خیمونده وئروبلر باش باشه اوغولسوز لار مثلی دیوللر لای لای قره معجر باشدا رقیه ام آغوشه آلوبدور گهوارون دیور گَل قارداش اِوی آباد اولسون دیور بیر گهواره منه چاتدی عمه نگاریمدن پای گئدرم یثربده نقدری عمر اولسا خانم زهرا مثلی قرا باغلارام یازارام پرچمده شهید اولدوم اوغلوم ئولونجک پرچمدن ئوپوب آغلارام اگر اولسا قسمت رقیّملن با هم امان وئرسه قمچی اوزون یوللاردا دوه لر اوستونده قرا معجر باشدا سینیق محمللرده عزا ساخلارام موضوع: #شام_غریبان سبک: #یخیلوب_عباسیم شاعر: #غفاری_اردبیلی @Hazrate_Abalfazll 🎼🎤

نوحه روز عاشورا بویانوبلار قانه یاتوبلار یان یانه گوزل قربانلاریم مناده یا رب اَل ئوزوب دنیا دن یارالی عاشقلر چاتوبلار مستانه مراده یا رب توخانوب سینمدن سه شعبه بیر پیکان خبر وئر زهرایه بالون عطشاندی یورولوب قوللاریم دوشوبدور قدرت دن عطشدن بی تابم دوداقیم یاندی توکولوبدور لشکر ووروللار هر یاندان گوزوم گورمور هاردان گلور داش یا رب بو چوخور مقتلده قیامت برپادی یاغور آتش گوگدن سینه ام عریاندی سنه قربان اولسون ئولن یولداش لاریم گوزل قارداش لاریم سوسوز قیزلاریم سنه قربان اولسون میان بسترده حرارتلی تبده یانان بیماریم علی اکبر اوغلوم ئولنده میداندا ئوزومده جان وئردیم ایاقدان دوشدوم نه وئروبسن وئردیم قالان یوخ خیممده اولوب گُل تک پرپر سولان گلزاریم موضوع: #روز_عاشورا سبک: #یخیلوب_عباسیم شاعر: #غفاری_اردبیلی @Hazrate_Abalfazll 🎼🎤

نوحه وفات حضرت زینب گدور الدن زینب دوشوب دیلدن زینب نیه بس گلمورسن یورولدوم قارداش گوزل آدون دیلده قانلی کوینک الده گوزوم قالدی یولدا پوزولدوم قارداش واویلا واویلا قالدی زینب تنها گَل ای جان زهرا یارالی قارداش سنه من پروانه سن شمع کاشانه باغریم دونوب قانه بی شهپرم من ایله زینب یاندی جگردن اوتلاندی آتش عشقونده خاکسترم من یارالی یاریم گَل نازلی نگاریم گَل غریبلر شهرینده بی یاورم من واویلا واویلا قالدی زینب تنها گَل ای جان زهرا یارالی قارداش گله بیلسن یاسه خبر وئر عباسه دئنن زینب باجون یولیوی گوزلر هانی بس یولداشیم اوزون قول قارداشیم اله آلسون پرچم امیر لشگر سنه جانیم قربان ئوزون اوخی قرآن گوزون یومسون راحت آدامسیز خواهر واویلا واویلا قالدی زینب تنها گَل ای جان زهرا یارالی قارداش منه گَل سن آغلا گوزلریمی باغلا منه سنسیز قارداش آغلیان اولماز گوزلیم غربتده زمان رحلتده منتظر گوزلری باغلیان اولماز سنه دوتدوم ماتم من چوللرده هر دم منه اما سینه داغلیان اولماز واویلا واویلا قالدی زینب تنها گَل ای جان زهرا یارالی قارداش موضوع: #حضرت_زینب سبک: #یخیلوب_عباسیم شاعر: #کلامی_زنجانی @Hazrate_Abalfazll 🎼🎤

نوحه حضرت علی اصغر الیمین اوستونده بالام قانه باتدی گل آل مندن زینب سوسوز طرلانی بویانوبدور قانه گویرچینلر مثلی ربابون ششماهه گوزل جیرانی آناسیندان آلدیم آپاردیم میدانه دیدم آی انسانلار بالام عطشاندی گوله بنزر اوغلوم سارالوبدی رنگی سوسوزدی اوچ گوندی عطشدن یاندی سوزومی آغزیمدا سه پر پیکان قویدی بوغازیندن دگدی آیوردی باشین ایله بیلدیم زینب، ابوالفضلین بیرده منیم ئوز یانیمده گوزی اوخلاندی قوجاقیمدا باشین اوَل دوتدوم آرام صورا محکم اوخدان یاپیشدیم زینب بوغازیندان چکدیم سه شعبه پیکانی یاراسیندان ئوپدوم آلیشدیم زینب گوزین آچدی گولدی دیدی غمگین اولما سنه قربان بابا یارالی اوغلون ایله بیل کوسموشدی ربابین جیرانی دوداقیندن ئوپدوم باریشدیم زینب بو غمی داشلاردا یازاردیم صحراده الیمده میداندا قلم اولسیدی الیمون اوستوندن آلاردی زینب جان بو اوخلی قربانی ننم اولسیدی گزورم آواره ئولوبدی قارداشیم گولور دشمن نیلوم علاجیم یوخدی بو چتین ساعتده منی تک قویمازدی اگر الان صاحب علم اولسیدی ایله کی گوز یومدی دیدیم لای لای اوغلوم باجون گوزلور الان یوبانسون آغلار یارووی آهسته آچار باشدان معجر دیر لای لای اصغر رقیه ام باغلار ئورگیمدن اما دگوبدی بیر یاره تاپولماز درمانی یارام باغلانماز بو یارالی قلبین باجیم محمل لرده دییر یاندیم قارداش عزاسین ساخلار موضوع: #حضرت_علی_اصغر سبک: #یخیلوب_عباسیم شاعر: #غفاری_اردبیلی @Hazrate_Abalfazll 🎼🎤

نوحه حضرت زهرا علیها سلام گَل حسینیم تئز گل، نور عینیم تئز گل ئولدی آنام زهرا، آناسیز قالدیم دوداقا جان گلدی، یارادان دینجلدی بیزی قویدی تنها، آناسیز قالدیم آنا جان یا زهرا 3 ، آنا یا زهرا در و دیوار آغلار، نوک مسمار آغلار یار و اغیار آغلار، دانیشسام دردین او گوله خار آغلار، یانار گلزار آغلار اوجا داغلار آغلار، دانیشسام دردین نیه زینب ئولمز، یتیم یوزی گولمز هئچ کیم دؤزه بیلمز، دانیشسام دردین رو به قبله یاتدی، منی گؤزدن آتدی خراب اولسون دنیا، آناسیز قالدیم آنا جان یا زهرا 3 ، آنا یا زهرا قاپی یانان گوندن، اونا یار اولدوم من پرستار اولدوم من، سینه داغلاردیم باشی طوفانلیدی، کوینگی قانلیدی یاراسین گیزلینده، ئوزوم باغلاردیم نمازه دوراندا، قنوتین دوتاندا بیر اَل قوزانمازدی، باخوب آغلاردیم ساری گُل تک سولدی، والله راحت اولدی غمیم اولدی دریا، آناسیز قالدیم آنا جان یا زهرا 3 ، آنا یا زهرا یومولان گوزلردن، یانیقلی سوزلردن نه سن دویدون قارداش، نه ده من دویدوم گل نیلوفردن، وصال مادردن نه سن دویدون قارداش، نه ده من دویدوم او نماز شب دن، نوای یا رب دن نه سن دویدون قارداش، نه ده من دویدوم دور ایاقه با هم، آچاق قاره پرچم دیاق بارالها، آناسیز قالدیم آنا جان یا زهرا 3 ، آنا یا زهرا موضوع: #حضرت_زهرا علیها سلام سبک: #یخیلوب_عباسیم شاعر: #کلامی_زنجانی @Hazrate_Abalfazll 🎼🎤

نوحه حضرت زهرا علیها سلام گلعذاریم زهرا هواداریم زهرا منی قویما تنها علی بی کسدی گوزیوی سست ائتمه الیمدن گَل گئتمه دؤنوب باغرین قانه ئورگیم اَسدی خداحافظ زهرا 3 ، یارالی زهرا سنی دشمن یوردی منه خاطر ووردی نگاریندن اولدی علی شرمنده فدک الدن گئتدی توان دلدن گئتدی گولوم اولدی پرپر سولان گلشنده سنی زینب جانی حسینون افغانی گوزون آچ بیر لحظه گوزوم وار سنده خداحافظ زهرا 3 ، یارالی زهرا بو غروبین وقتی، غروب ائتمه زهرا که سن برج عشقه مهِ یکتاسن آغاروبدی باشون وار اون سگّیز یاشون نه تئز دوشدون دلدن گل طاهاسن سوروشان یوخ حالون سینوب قوش تک بالون گَلن یوخ دیداره عجب تنهاسن خداحافظ زهرا 3 ، یارالی زهرا داریخوبسان بیلّم گوزون یاشون سیلّم سنی اهل بطحا یادا سالمولّار بو مدینه اهلی اولوب کینه اهلی سلامه گلموللر قاپون چالمولّار سنه من همدردم دچار نامردم بو شهر اهلی مندن سلام آلمولّار خداحافظ زهرا 3 ، یارالی زهرا موضوع: #حضرت_زهرا علیها سلام سبک: #یخیلوب_عباسیم شاعر: #کلامی_زنجانی @Hazrate_Abalfazll 🎼🎤

نوحه امام علی علیه السلام یخلوب راز اوسته، راز و نیاز اوسته علی نماز اوسته بویاندی قانه یوخ ئورکلر تابی، دوتوب قان محرابی شیعه لر اربابی بویاندی قانه علی جان یا مولا 3 ، علی یا مولا باشا دگدی شمشیر، سینوب رکن تکبیر دئدی روح الامین الله اکبر گُل خلقت سولدی، گؤزینه قان دولدی حسین یتیم اولدی الله اکبر علی جان یا مولا 3 ، علی یا مولا هانی جانِ کوفه، نگهبانِ کوفه یتیمان کوفه، گیوبلر قاره حسن آغلار الله، سینه داغلار الله عزا ساخلار زینب، یارالی یاره علی جان یا مولا 3 ، علی یا مولا موضوع: #امام_علی علیه السلام سبک: #یخیلوب_عباسیم @Hazrate_Abalfazll 🎼🎤

باسبک ،یخلیب عباسیم👆👆👆👆👆

شهادت حضرت ابوالفضل(ع) زینبیم گل نهرین اوسته ،قانه باتدی قهرمانیم ساق گوزوندن اوخ دگوبدی،دوت الیمدن یوخ توانیم گوردوم عباسیم آتوب دنیاداشین اصغره خاطر توکورردی گوزیاشون سسلدیم جان جان ابوالفضل آدیوه قربان ابوالفضل چکمیوب ال پرچمیندن،ال چکیبدی گوندوزوندن باشین آلدیم سینه ام اوسته،ئوپدوم اول گل یوزوندن گلدی بیر سس ئوپ یوزوندن،ئوپمه اوغلوم ساق گوزوندن ساق گوزوندن تیر جانفرسا ئوپوب زهریلی اوخدان صورا زهرا ئوپوب قلبیمی یاندیرما اوغلوم زحمتین آرتیرما اوغلوم لاله مثلی گورسننده،لاله لردن باش گلیدی لبلریندن بوی جنت،گوزلریندن یاش گلیدی هردینده حق بیزیمدی،مین طرفدن داش گلیدی قاندا گوردوم غیرتین آئینه سین داش ورانلار سیندیروبلار سینه سین قلبیمی غم بولدی زینب شیر مردون ئولدی زینب خیمه سینون چک ستونین،بزم ماتم ایله برپا غیرتوندن واردی حقون،اشک چشمون اولسا دریا اشک ماتم توک عذاره،سنده تنها منده تنها ال چالور لشکر گوروللر یالقوزام سن منه گوز یاشی توک قارداشسیزام بی پناهم بی پناهم سوگوار مرگ ماهم سیندیروبلار باشین اما،سینمیوبدور اقتداری اولدی قربان دین حقه،مرتضانون افتخاری اهل بیته قالدی اوندان،قانلی پرچم یادگاری من دئدی شرمندیم مولا حسین قانلی پرچم زینبیندور یاحسین ساخلا محکم ای وفالی پرچمین قرآن مثالی شعر:حاج حسین غفاری کانال مداحی ترکی باسبک🎤 گلچین زیباترین نوحه های ترکی 🎤👇👇 https://eitaa.com/joinchat/2348744791Cd1e41b0233 لطفا کانال مداحی عاشقان حضرت اباالفضل ،ع، رو به دوستان خود معرفی کنید 🙏☝️☝️☝️☝️

بو گئجه مسجد و ممبر آغلار شیعه قاره گیوب یکسر آغلار جان ویرپر مرتضی باشدا یاره گل حسین زینب مضطر آغلار یرلر آغلار بوتون گویلر آغلار الده عمامه پیغمبر آغلار حق یولون ابن ملجم ایتیردی شیر یزدانی قتله یتیردی صف چکوب آهولار دوشلرینده کعبه مولودینه صود گتیردی یرلر آغلار بوتون گویلر آغلار الده عمامه پیغمبر آغلار بیر طرفده حسین دیلدن آغلار بیر طرفده حسن سینه داغلار بوینی چینینده کلثوم وزینب بولمورم گوزلرین هانسی باغلار یرلر آغلار بوتون گویلر آغلار الده عمامه پیغمبر آغلار کوفه شهرین بوتون غم دوتوبدی کوچه بازاری ماتم دوتوبدی ایندیدن گور وفالی ابوالفضل الده بیر قاره پرچم دوتوبدی یرلر آغلار بوتون گویلر آغلار الده عمامه پیغمبر آغلار ماه دین قان ایچینده باتوبدی دلبرین کوفه گوزدن آتوبدی نصف شبلر غذا پایلیان یوخ چوخ یتیم بوگئجه آج یاتوبدی یرلر آغلار بوتون گویلر آغلار الده عمامه پیغمبر آغلار گاه اوشاقلار گهی مادر آغلار الده عمامه پیغمبر آغلار یرلر آغلار بوتون گویلر آغلار الده عمامه پیغمبر آغلار دولدی هر یر علینون سوزیلن گیتدی قبره عدالت ئوزیلن هاردا وار بیر بئله شانلی رهبر قاتله باخدی رحمت گوزیلن یرلر آغلار بوتون گویلر آغلار الده عمامه پیغمبر آغلار (روضه) فل فور علینون یرینی ایتدیله راحت (مولا علی یاتدی بسترده گوردولر اله صاقا باخور صولاباخور خانم زینب عرض اله دی بابا باشوا ننه سیز جانم قربان. بابا نه امرون واردی؟گوردولر آقانین اله یواش یواش گوزونن یاش جاری اولدی بیردن یانایانا دیدی زینب اله اورگیم ننون زهرانی ایستیر.نیه؟ آخی جنگیلرده علی یارالاناندا یاراسین زهرا باغلاردی بو دفعه علینین یاراسین باغلیان اولمادی) #توسل_به_حضرت_ابوالفضل آی دکترلر دکتری یاابوالفضل بولمورم بو آدا نوار امام حسین آقا اویارالی باشی گوتوردی قویذی دیزینین اوستونه باخدی باخدی دیدی هیچ مسلمان بو باشی نیزیه ورماز قارداش آخی باش عمودیله سنب نیزه ده دورماز قارداش دیدی عباس دورابولسن قولون نصفینی دور بوینوما سال آخی دشمنلریم ال چالور آخی منیم اوغلوم ئولوب آخی قاسمیم ئولوب گوردی سس گلمدی بیر سوز دیدی دور گیداخ بیرده رقیه بالامی باغروا باس @Hazrate_Abalfazll

‍ بوباش یاراسی توختاماز دوتون عزا اوغول حسن خرابه ده یاتانلارا ویرون غذا اوغول حسن ئولوب قالان امامیزم یرین گویون دایاقیم کفیل بحر کوثرم می السته ساقیم چخوب قباقه فاطمه فاطمنون قوناقیم حسینیمه تسلی ویر ایدور نوا اوغول حسن بوباش یاراسی توختاماز دوتون عزا اوغول حسن خرابه ده یاتانلارا ویرون غذا اوغول حسن علی علی علی علی (۴) اگر بوذوالفقاریلن اوجالوب حق پرچمی ولایتون باشه ویروب رسالت مکرمی ولیک شیر داوری قوجاتدی فاطمه غمی گوزوم چاتاشدی غسلودا سنان قولا اوغول حسن بوباش یاراسی توختاماز دوتون عزا اوغول حسن خرابه ده یاتانلارا ویرون غذا اوغول حسن @Hazrate_Abalfazll

زبانحال حضرت زینب (س) به مادر در فراق پدر بقیع دن گل کوفه شهرینه گوز یاشیم دونوب قانه آی ننه آتام ئولوب گل ننه بالا اوخشیاق یانه یانه آی ننه ئولنده سن بش یاشیندا من باشیمه قرا سالموشام ننه فلک سالوب آیری بیر قرا غم غم اوستونه آلمیشام ننه سنه گیجه غسل ائدن ئولوب گل یامان گونه قالمیشام ننه هایانداسان گل عم اوغلووا قورموشوخ عزاخانه آی ننه یاناندا درگاهیمیز ننه قوللارین دشمن باغلیان ئولوب سنون غمونده گجه گوندوز سینه سین ننه داغلیان ئولوب بقیعده قبرون کنارونده هرگئجه سنه آغلیان ئولوب اوگوزلر که آغلیوب سنه اولدی قانی پیمانه آی ننه حسینون آغلور هایانداسان تسلیت ئوزون گل وئر اوغلووا ئولوب سنی چوخ سوون علی گل ئوزون ننه اوخشا یارووا بابام سنه چوخ عزا دوتوب سنده گل عزا دوت عم اوغلووا سنه عزا ساخلیان ئولوب گل باتوبدی القانه آی ننه اگر چه چاتمازدی دهریده بیر نفر اونا صبریده ننه سنون غمون آلدی صبرینی یاندی آتش جبرده ننه سنی گجه قبره تاپشوران یاتدی بو گجه قبریده ننه بابامدا دویموشدی سن کیمی درد وغصه دن جانه آی ننه بیر عمر غم غصه یورقونی بو گئجه ننه چاتدی ایمنه قویولارا دردینی دیئن گلدی دردینی سویلدی سنه یاراسین من باغلیانمادیم باغلا یاره سین سن ئوزون ننه بو کوفه ده سن مدینه ده باتدوز هر ایکیز قانه آی ننه @Hazrate_Abalfazll