#زمزمه----ترکی فاطمیه جان ویروب مقصودیوه یتدون آنا یافاطمه زینبی آغلار قویوب گیتدون آنا یافاطمه بیرده دنیاده یوزوم گولمز آناجان آغلارام معبدون خالی گوروب اولّام پریشان آغلارام نار هجرونده یانوب هر لحظه هر آن آغلارام زینبی آغلار قویوب گیتدون آنا یافاطمه یارالی جان یارالی ، من سنه قربان یارالی ◾️🦋◾️🦋◾️🦋◾️🦋◾️ گرچه عمر ایتدون فنا دنیاده سن اون سگّیز ایل بو آز عمریله ولی زلفون آغاردی تِل به تِل غصّه مرگ اولدون زبس چکدون مصیبت متّصل زینبی آغلار قویوب گیتدون آنا یافاطمه یارالی جان یارالی ،من سنه قربان یارالی ◾️🦋◾️🦋◾️🦋◾️🦋◾️ گولمدی اون سگّیز ایلده غصّه دن بیر گون یوزون دردیله دولدی مبارک قلبون، اشکیله گوزون محنت ایّامیدن آخِر خلاص اولدون اوزون زینبی آغلار قویوب گیتدون آنا یافاطمه ایتمیوب جدّیم وصایاسین عدو منظور آنا غصب ایدوب مُلکون، معاشه اولمیوب مقدور آنا عاقبت اولدون یهودی عورته مزدور آنا زینبی آغلار قویوب گیتدون آنا یافاطمه یارالی جان یارالی ،من سنه قربان یارالی ◾️🦋◾️🦋◾️🦋◾️🦋◾️ زینبون محنتلرون یاد ایلر ای علیا تبار گوزیاشین جاری ایدر گوزدن چو ابر نوبهار ال دگیرمانی مبارک اللرون ایتدی قابار زینبی آغلار قویوب گیتدون آنا یافاطمه ایتمدی ثانی مراعات احترام و جاهیوی اود ووروب یاندوردی ظلمیله آنا درگاهیوی صدمه ی مسمارِ در عرشه اوجاتدی آهیوی زینبی آغلار قویوب گیتدون آنا یافاطمه یارالی جان یارالی ،من سنه قربان یارالی ◾️🦋◾️🦋◾️🦋◾️🦋◾️ اونداکی قالدون در و دیوار آراسیندا حزین در شکسته اولدی تا، سن ایلدون سقط جنین یاده دوشدوقجا او حالون ایلرم آه و انین زینبی آغلار قویوب گیتدون آنا یافاطمه گورمیوب محنت کشیده چشم عالم سن کیمی قنفذین جسمی گویردوب جسمیوی سوسن کیمی چوخ یانان وار حالیوه امّا یانان یوخ من کیمی زینبی آغلار قویوب گیتدون آنا یافاطمه یارالی جان یارالی ،من سنه قربان یارالی ◾️🦋◾️🦋◾️🦋◾️🦋◾️ بسکه جدّیمدن صورا گوردون غم و رنج و تعب ایلدون عجّل وفاتی ورد و ذکرون روز و شب حق مناجاتون قبول ایتدی ولی اولدی سبب زینبی آغلار قویوب گیتدون آنا یافاطمه یارالی جان یارالی ،من سنه قربان یارالی ◾️🦋◾️🦋◾️🦋◾️🦋◾️ دلده یوخ طاقت دیم درد و غمون باشدان باشا سالمادون عمرونده بیر گون تازه بیر معجر باشا چوخ مشقّتله بو آز عمرون آنا ویردون باشا زینبی آغلار قویوب گیتدون آنا یافاطمه جانشینم من سنه، سن تک گرک دل داغلیم گه قلجلانمیش باشین مظلوم آتامین باغلیم گاه اوغلون مجتبانین محنتینده آغلیم زینبی آغلار قویوب گیتدون آنا یافاطمه یارالی جان یارالی ،من سنه قربان یارالی ◾️🦋◾️🦋◾️🦋◾️🦋◾️ بو بلالی باشیمون چوخ شورش و غوغاسی وار زینبین بوندانصورا چوخ محنت عظماسی وار کربلا دشتینده غرق اولماقه غم دریاسی وار زینبی آغلار قویوب گیتدون آنا یافاطمه بو حسین که سینن اوسته خواب ناز ایلوب مدام شمر ذی الجوشن کسر باشین قفادن تشنه کام قوملار اوسته نعشینی عریان قویالّار اهل شام زینبی آغلار قویوب گیتدون آنا یافاطمه یارالی جان یارالی،من سنه قربان یارالی ◾️🦋◾️🦋◾️🦋◾️🦋◾️🦋◾️ ✍شاعر:مرحوم صابرتبریزی #فاطمیه_۱۴۰۲ #شهادت_حضرت_زهرا_سلام_الله_علیها

‍ ‍ #زبانحال_امیرالمومنین_علی_ع #دفن دفن اِیلدی بقیع ده علی اوز نگارینی بیر آه چَکدی قویدی مزاره عذارینی سَسلندی یات دعاوی خدا اِیتدی مستجاب یومدون گوزون چووردون علی روزگارینی ای آسمان عشق و وفا ماهی باتمسان آسوده یات قرار علی یاخجی یاتمسان دینجل گیلَن ایویمده منیم دینجلمدین ترک اِیلدون سن اِیندی که محنت دیارینی یخدون عم اوغلون ایوینی اِیلدون خراب باخ گور مزارین اوسته غم بی شماریمی الله بولور که قبره قویاندا نه چکمیشم آچدیم مزارین ایچره گوزوم آبشارینی آغلار گوزوم چاتاشدی ایکی آشنا اله ای پیمبرلره سرور تاندیم الریوی یتیشیب چوخ منه بو الریوین احسانی او امانت که منه ویرمیشیدین آل تحویل من امینم نه ایدیم ایتدی خیانت ثانی وار یادیمدا آنامی دفن ایلین ساعتلر شهرین اهلی نجه دولدوردی بو قبرستانی ‌‌(جنازه فاطمه بنت اسد آماده دفنیدی رسول الله وارد اولدی بیر سوزلر سفارش الدی قبره اوزاندی او قبریده صورا خارج اولدی عباسین چکدی فاطمه بنت اسدین جنازه سینه بویوردی بوجور دفن ایلین امیرالمومنینین او ساعتلر یادینا دوشوبدی ) وار یادیمدا آنامی دفن ایلین ساعتلر شهرین اهلی نجه دولدوردی بو قبرستانی کفن اوستن آنامین جسمین عبا پوش ایلدون خلقه معلوم اولا تا حرمتینین میزانی قیزوین غسلونی من کوینگین اوستن ویردیم بودا بیر داغ جگر اولدی منه کتمانی ال یتیردین منه یاخجی هیچ الیم گلمیردی تپراقین اوسته قویام سیلی دین سیمانی منیم حقیمدی ئولوم فاطمه دوشدی قاباقا

#سینه زنی زیبا وبی نظیرترکی #استادعزیزم :حاج علیرضااسفندیاری #شب جمعه---😭😭😭😭😭 https://eitaa.com/joinchat/2791768652Cb8d2e997c1

زبانحال حضرت زينب بر سر قبر فاطمه__________      غـمِ  زمانـه دن  جانه  گلـوب  دويان ننم حُسين و زينبي گوزي ياشلي  قويان ننم دولوبدي قلبيمه  مصيبت و مـلال و غَـم اولوبدي ذكريميز  جـوان ئولـن  ننـم ننم ننـم   ننـم   ننـم    -    غرقِ  غم و محن ننم يـانـان    بـلالـره   -     عمرونده گولميَن ننم قابورقاسي سينوب - جوان جوان ئولن ننم ننـم     ننـم     ننـم جوان ئولن ننم ننم اي  عالمـون  گُلـي   بهـاريميـز   خزان اولوب بابام غمونده چون اينان كي باغريقان اولوب ئولونجـه  گيزلَـدَن  سينه سينون   ياراسيني حَسن  ديوب  دونَـن  او  كوچـه  ماجراسيني دئـدي نـه  نوعيلـه  رشتـة  غـم  قيـربـديلار گـوزوم  بـاخـا بـاخـا  قبالـه سين جيربديلار آنامـي كوچـه ده يالقيـز گوروب وئريبـديلار ننـم     ننـم     ننـم جوان ئولن ننم ننم ئولونجه قـاروي  باشيمـه  باغلارام آنا گجه گونوز سنون  غمونده آغلارام آنا جانيم فدا سنون او غصلي  سكوتيوه هميشـه   آغـلارام  نمـازيوه   قنوتيوه ننـم  ننـم  ننـم   ديـوب  جهـاني  داغلارام غمونده  هر گجـه ديزلـريمي  قوجاخلارام يانيخلي نوحه لر هي اوخوب هي آغلارام ننـم     ننـم     ننـم جوان ئولن ننم ننم يوخوما گل آنا سويله قيزيم حالون نجه آناليـخ  ايلـورم  بـو  آز  سنيله  هر  گجه يورولموشـام  آنـا  غـم و فراقيوه  اينان الولانير  اورك حسين  سو ايستيَن زمان بـو  ائـوده  حيـدره ايستكلـي ياور اولموشام حسينه دوزدي كي ظاهرده خواهر اولموشام سنـون يئرونـده  من حسينه  مادر اولموشام ننـم     ننـم     ننـم جوان ئولن ننم ننم

🌺 شهادت حضرت فاطمه و زبانحال حضرت زینب                 یا فاطمه  زهرا (س) آنام دوشوبدی توپراقا جفای ثانیدن   بابا دئیوبدی تازیانه چوخ دشوبدی جانیدن بابا ئوزوم گوردوم که یامان احواله   قالاندا ئوزوم گوردوم سینسینه   مسمار باتاندا ئوزوم گوردوم سسلدی فیضه دادیمه گل اولوبدی سقط محسنی    قاپی باغلاناندا        یارالی  ننه م وای    یارالی ننه م وای دئینده سیلی صورته  یوزی دولاندی اول زمان الی سینیدی قاتلین  گوزونه فوری دولدی قان دئدیم زینبی  گوزوندن   آتما     ننه جان ستاره لر مثلی ایندی  باتما       ننه جان سن اولماسان شانه کیم بو زلفه وراجاخ؟ قادان آلیم زینبی       آغلاتما     ننه جان یارالی   ننه م وای     یارالی ننه م وای گل آیریلاندا   غنچه دن یانوبدی بلبل  آغلادی قوجالدی باغبان اوگون ایاقلانان  گل  آغلادی نباید گلزاریده گل،  غنچه م     صولیدی نباید    دشمن  جفانین  اوسته  دوریدی ورانمازدی ثانی زهرایه سیلی     والله ابوالفضلیم  گر اوگون دنیاده     اولیدی یارالی  ننه م  وای    وفالی  ننه م وای انا ئوله ائو اهلینون یوزی دا گولمز   آی ننه قرا باشیمدا اوخشیوب گجه لر آغلارام سنه سنی ظلمیله دویوبدی چوخ   اهل کینه نظر قیل منزلده بیر آنا    شور و شینه اجل گلمیش    آیریدا زینبدن    آناسین  دم آخر باخ    دویونجا   مظلوم  حسینه یارالی  ننه م وای       وفالی     ننه م وای

آهنگ:« زینب زینب زینب» استاد سلیم موذن زاده نوحه از مقام شامخ مادر ✍️ شاعر علیرضا علوی زنجانی ✍️ مادر مادر مادر ای روحه روان مادر آرامش جان مادر مادر مادر مادر هر درده دوزن مادر قدی بوکلن مادر هدیه ی داور ای گل پرپر ای مهربان مادر ای قهرمان مادر گل گویلومی آل مادر بو گیجه نی قال مادر مادر مادر مادر رنگین سارالوب مادر زلیفین آغاروب مادر مادر مادر مادر اوغلون قوجالیب مادر غم دورین آلیب مادر گیتمه صبر ایله بیزی درک ایله ای مهربان مادر ای قهرمان مادر گل گویلومی آل مادر بو گیجه نی قال مادر مادر مادر مادر رنگین سارالوب گل تک باتین نیه اولدوز تک مادر مادر مادر آی مثلی گنه باتدون بالا لارین آغلاتدون بیزی تک قویما گل بیزدن دویما ای مهربان مادر ای قهرمان مادر گل گویلومی آل مادر بو گیجه نی قال مادر مادر مادر مادر سنسیز نینرم مادر یولون گوزلرم مادر مادر مادر مادر هجرونده ملر قالام ایودن عطریوی آلام قبره گل گیتمه بیزی ترک ایتمه ای مهربان مادر ای قهرمان مادر گل گویلومی آل مادر بو گیجه نی قال مادر مادر مادر مادر ای مونس جان مادر هر غمده یانان مادر مادر مادر مادر اخشام لار اولان وقته گیلوم سنی چوخ ایستر ای پرستاریم بهترین یاریم ای مهربان مادر ای قهرمان مادر گل گویلومی آل مادر بو گیجه نی قال مادر مادر مادر مادر بولود کیمی سن دولدون یاغیدون اریدون سولدون مادر مادر مادر هر گون بیزه خاطر سن غمدن قوجالیب سولدون چکدین چوخ زحمت دریای رحمت ای مهربان مادر ای قهرمان مادر گل گویلومی آل مادر بو گیجه نی قال مادر مادر مادر مادر الگوسی اولان زهرا سسلن گلجک زهرا مادر مادر مادر قبرینده گلوب زهرا دادیوه چاتار زهرا سسله زهرانی یار مولانی ای مهربان مادر ای قهرمان مادر گل گویلومی آل مادر بو گیجه نی قال مادر مادر مادر مادر ایام محرمده اغلاردین اوزن مادر مادر مادر مادر قاره گینوب قاره باغلاردین اوزن مادر سینه داغلاردین آرام آغلاردین ای مهربان مادر ای قهرمان مادر گل گویلومی آل مادر بو گیجه نی قال مادر مادر مادر مادر ایام محرمدی سینم دولی گل غمدی مادر مادر مادر دسته کوچیه گلدی غم سینمیزی دلدی گل چای ویر مادر گلوب پرچملر ای مهربان مادر ای قهرمان مادر گل گویلومی آل مادر بو گیجه نی قال مادر مادر مادر مادر کوینگیمی ویر گیوم دسته یه آنا گیدوم مادر مادر مادر حسینه سلام ایدیم مسجده دوروم گیدوم محرم گلدی غم قلبی دلدی ای مهربان مادر ای قهرمان مادر گل گویلومی آل مادر بو گیجه نی قال مادر مادر مادر مادر باش قاره سینی باغلا زهرایه اوزون آغلا مادر مادر مادر نذیری منده ساخلا پیمانیمی گل باغلا نوکرم شاهه باخ روسیاهه ای مهربان مادر ای قهرمان مادر گل گویلومی آل مادر بو گیجه نی قال مادر مادر مادر مادر سن آی کیمی تز باتدین سن ائیلریوی آغلاتدون مادر مادر مادر گوزدن بیزی سن آتدون دنیا لری آغلاتدون آغلارام مادر بهترین یاور ای مهربان مادر ای قهرمان مادر گل گویلومی آل مادر بو گیجه نی قال مادر مادر مادر مادر سن نچه ایل عمرونده اولدون بیزه پشتیبان مادر مادر مادر هجرونده بالا لارین آغلار ایلیر افغان اولموشوق گریان جان سنه قربان ای مهربان مادر ای قهرمان مادر گل گویلومی آل مادر بو گیجه نی قال مادر مادر مادر مادر آچ گوزلریوی مادر باخ غملدی بلبلر مادر مادر مادر دی سوزلریوی مادر اغلیر سنه بو گللر ای گل پر پر بهترین مادر ای مهربان مادر ای قهرمان مادر گل گویلومی آل مادر بو گیجه نی قال مادر مادر مادر مادر قیزلارین قرا باغلار سس سسه ویروب آغلار مادر مادر مادر زلفین داریان اولماز تز یاده سالوب آغلار گیتمه سن خوشدی گل یرون بوشدی ای مهربان مادر ای قهرمان مادر گل گویلومی آل مادر بو گیجه نی قال مادر مادر مادر مادر سن غصیلن سولدون سن بیزلری تک قویدون مادر مادر مادر بیزلری یتیم قویدون گل مثلی آنا سولدون آناسیز قالدیق سولوب سارالدیق ای مهربان مادر ای قهرمان مادر

گل ای عاشیق لرین دارونداری یابن الزهرا سالان تحت الشعایه مهروماهی یابن الزهرا فدایم سنه گدایم سنه گوزوم قربانی مهدی(2) چوگیسوی تومن در پیچ وتابم یابن الزهرا چرایک شب نمی ایی به خوابم یابن الزهرا امیرم تویی  عزیزم تویی  اباصالح کجایی اباصالح کجایی ......... ۞۞۞۞۞۞۞۞ چو گیسوی تو من در پیچ و تابم یابن زهرا چرا یک شب نمی‌آیی به خوابم یابن زهرا تویی ماه منیرم به گیسویت اسیرم از آن ترسم که آخر ز هجرانت بمیرم حبیب منی، طبیب منی، بیا درمان دردم کجا جویمت، چو گل بویمت بیا دورت بگردم دل من بر سر زلفِ تو دارد آشیانه نمی‌دانم چرا از من نمی‌گیری نشانه بگو با من کجایی، چرا از من جدایی گمانم یابن زهرا نجف یا کربلای به رویت قسم، به مویت قسم، گرفتار تو هستم که با نقد جان، من بی‌نشان، خریدار تو هستم

گلایه به حضرت ولی عصر (عج) حاج علیرضا امانی اردبیلی عجب زمانه اولوب روزگار ، یابن الحسن! قفسده بلبل ائدور آشیان ، چمن ساتیلور یانان ئورکده اولان درده ، آغلاروق گئجه لر نهاندا هر کیم آلوب هر نیین ، علن ساتیلور گوزیله گوردوگونی، دیل دیینده ، باغلانور ال او قدری مجرم اولوب آیینه ، رسن ساتیلور گلنلر عبرتیلن ، باخمئیور گئدنلرینه اوجوز بهایه اودور ، هر گلن گئدن ساتیلور مدار غمده قالوب روزگار ، ایله ظهور او قدری مشتری وار محنته ، محن ساتیلور آقا بیزیم الیمیزدن گئدوبدی هر نَییمیز ساتیلسا هر نه بیلورسن ، به نام سن ساتیلور نه حشری یاده سالان وار ، نه امتحانه باخان بساط محکمه ده ، رأی ممتحن ساتیلور بهشت باغلارینی ، ئولمه میش ، بیر عدّه آلور صف جهالته باخ ، روضۀ عدن ساتیلور کتاب ، فکره خیانت ائدور ، کتابه قلم سوزون اجاره وئرور دیل دوداق ، دهن ساتیلور غزل ، قصیده کیمین ، مدحیلن تجارت ائدور بئش آلتی شاعر اگر اولسا ، انجمن ساتیلور او کی علی نی ساتوب عشق آدیلا منفعته بیلور ، حسینی آلان اولماسا ، حسن ساتیلور دوشوبدی مسئلیه ، گور نه حالدا تعزیه میز عزا گلنده ، عزادار آرا ، سخن ساتیلور محلّه لرده هله ، نوحه نین رقابتی وار اینان دئسم گلن ایللرده ، سینه زن سانیلور حریم معرفته ، رخنه ائتدی ریب و ریا حرم کبوترینه ، صحنلرده ، دن ساتیلور اوقدری ائیله دی یعقوبه ، حیله اون قارداش تمام ملتِ کنعانه پیرهن ساتیلور بئله بیر آل وئری کیم مردمه حلال ائلیوب؟ قالان شرافتیمز ال به ال ندن ساتیلور؟ خیانت ائیله مسه ، گر امین ، امانتینه نه دشتیمیز بولونر آیری ، نه دمن ساتیلور ندندی یاسمنه اوخشیان یتیمه لرین قابار الینده مزار اوسته یاسمن ساتیلور؟ آغاجلار آغلاسالار بو غمه اگر ، یئری وار یاغیش حراجه گئدوب ، یوللار اوسته چن ساتیلور حقوق خلقه اگر ، ال اوزاتسا غارت ائدن تعجب ائتمه اگر جبر اوزیله ، تن ساتیلور وطن اگر آنادور ، ننگ اولان اوغوللارا کی منافقانه بیلور ، دشمنه وطن ساتیلور نظام معدلته خائن اولماسوق ئوزوموز گئدر خرید و فروشه نه سن ، نه من ساتیلور حسینه آند اولا ، هر یئرده سایه سالسا یزید مدینه ملکی ، اِلی کوفه ... باش کسن ساتیلور التماس دعا یاعلی

زبانحال حضرت زینب کبریۜ‌ در فراق مادر هایاندا قوش تک ایلدون سن آشیانه آی ننه محالیدور یولون دوشه بو دودمانه آی ننه بابام که رحلت ایلدی ائوونده امنه یئتمدون قوناقلیقا نه گلشنه نه باغه سیره گئتمدون بو ایکی آی یاریمدا سن گولوب تبسم ائتمدون گوروم تبسم ائتمه سین لب زمانه آی ننه نه سرو گورمیوب فلک او قامت وزین کیمی نه رحمسیز بشر گلر او قنفذ لعین کیمی چوخ ائوده تای توشون سنون گزور هله گلین کیمی مزاره قنفذ ایلدی سنی روانه آی ننه وئرنده غسلووی آتام ائدنده جسمیوه کفن ایلیکه گِیدی خلعتین او ضربه لر گورن بدن نظاره ایلدیم ئوزوم بویووا دقتیله من کفنده هئچ یاراشمیور تزه جوانه آی ننه یتیم اوشاقلارون آنا نه سختیمی زمانه سی سنه بو زینب ایلسون گلایه یوخ بهانه سی بو رسم روزگاردور قوشون یاناندا لانه سی اوچوب او لانه دن گئدر بیر آیری یانه آی ننه هایاندا عندلیبدن گول اوسته خوش ترانه وار او یرده اووچی وار و یا زمینه سی خزانه وار هر ائوده شورِ حق وار صفای عاشقانه وار فلک تئز آیریلیق اوخون قویار کمانه آی ننه یتیشدی جانی بیر خطر بو غملی خانوادیه دچار اولوب بویوک کیچیک بلای فوق العادیه ائدردی غبطه ماخلق آتامدا کی ارادیه همین اراده صاحبی دویوبدی جانه آی ننه بو غملی منزله آتام نمازدن گلن زمان قاپودا مکث ایدور بیر آز ائدور نظاره ناگران گورور نه غملی منظره بیزه دئمور او باغری قان یقین یارالی سینه دن قالوب نشانه آی ننه وجود خرمنی یانور چکنده آه برقی وار یم غم و مصیبتون مگر بیر ایله غرقی وار اوشاقلاروندا آغلیور آتامدا لیک فرقی وار بیز آغلوروق علاقه دن او عاشقانه آی ننه کانال جامع شعر مذهبی ترکی و فارسی روا دگولدی بو ائوی صدای الامان دوتا هوایه توستی قوزانا فضاسینی دومان دوتا یتیم اوشاقلارون سنون عزای جاودان دوتا یانان قاپون اولوب بیزه بویوک بهانه آی ننه قرا گونه قالان قیزون شرار غمده اودلانور کیچیکده اولسا زینبون مطالبی گوزل قانور محلّ دفن محسنه گوزوم دوشور ئورک یانور نه غملی آستانه دور بو آستانه آی ننه هر عورت اولسا حامله گرکدی چوخ چالشماسون مواظب اولسون حملینه آغیر شیئه یاپشماسون نجه بو دردووه سنون ئورک یانوب آلیشماسون بالوندا زیر ضربه ده بویاندی قانه آی ننه بلا پیمبر عترتین همیشه پا بپا گزر وفالی آشناسینی نجیکه آشنا گزر جنینی سقط اولان خانم طبیبیله دوا گزر نه ضرب سیلی ایستیور نه تازیانه آی ننه باشا چخوب عزیز گونوم قرا گونوم قالوب دالا قاباق که گونلرون گرک ئورکده نقشه سی قالا بویومی اوخشیوب منیم دییردون آی گوزل بالا بو تللره بو ساچلارا ووراندا شانه آی ننه سولار چمنده غنچه لر دچار اولان زمان بادا ائوون که گئتدی لذّتی آغیز مگر گلر دادا نه سو دوشور خیالیمه نه بیر غذا دوشور یادا آناسی صید اولان قوشا نه آب و دانه آی ننه نباته چکسون آرزو گوروم مدینه داغلاری بیتورمه سون شقایق و نه لاله غملی باغلاری غروب وقتی ائولرون یانان زمان چراغلاری منیمده قلبیمون اودی چکر زبانه آی ننه انــور

درد دل حضرت زهرا سلام الله با حضرت امیرالمومنین علیه السلام در سبک خداحافظ ای آنان باجی و سبک سن آغلوسان من دوزنمورم به قلم کربلایی صابرثمودی 🏴🏴🏴 خداحافظ جان عمواوغلی جان ایلمه بئله افغان.فاطمه سنه قربان سنی گوزیاشلی گورنمورم اولما سن بئله گریان. فاطمه سنه قربان سن آغلوسان من دوزنمورم (2) آغلاما علی جانم آغلاما علی جانم 🏴🏴🏴 عمواوغلی حسرتله باخورسان گوز یاشون اولور جاری ایسلادور او رخساری الیم قاخمور گوزیاشون سیلم عفو ائله بو بیماری .اینجیدوب پرستاری منه حقون گل حلال ایله لطف ائله سنی تاری. شاد ائله منی باری کی سنده دی جودیلن کرم عالمه اولان سلطان فاطمه سنه قربان 🏴🏴🏴 اوزون اگهسن عمو اوغلی جان ظلم ائدوب منه ثانی آغلادوبدی طاهانی لگد ووردی ظالم و بی دین چیخدی محسنین جانی گورمدی بو دنیانی یانان قاپی ایله آچیلدی نیلدی او مسماری سینمون آخوب قانی یخلدیم من آستانیمده سینه می آپاردی قان.فاطمه سنه قربان 🏴🏴🏴 امامتین آسمانینه بیر مه منورسن.آسمانه زیورسن وصی پیغمبر خدا شیعیانه رهبرسن فاطمیه دلبرسن مریض عشقوندی فاطمه عالمه برابرسن هم جمالی انورسن طبیبم سن سن عمواوغلی جان دردیمه ائله درمان فاطمه سنه قربان 🏴🏴🏴 عمو اوغلی گل باشیم اوستونده ائت تلاوت قرآن تا وئریم من آسان جان سسون قربانی اولا زهرا ای منه عزیز جان.لحنیوه اوزوم قربان گوزون یاشین سینمه چکوم.بلکه بند اولا بو قان فاطمه تاپا درمان چکور زهرا سون نفسلری ای اولان منه جانان فاطمه سنه قربان ✨اَللّهُمَّ عَجِّل لِوَلیِّکَ الفَرَج✨💫