شام غریبان حضرت فاطمه زهرا (س) دل شب فاطمیه مجلس ماتم قورولوب مرتضی آغلیوری نوحه خوانی زینب اولوب دویمیان اوز بالاسیندان ننه قربانون اولوم خوش گونه حسرت اولان آی ننه قربانون اولوم قولاق آسدوقجا علی حسرتیلن آغلوردی دل دنیانی یاخوب ما خلقی داغلوردی ننه دن آیری دوشن دورت ثمر زهرانی بیلمیوردی نئجه آرام ایلسون طفلانی چوخ مصیبتله یاتیردیب اولاری نیمه شب گتوروب چکدی حسینون یوزینه چادر شب ننه نین عطرین آلا بلکه بو چادردن حسین یاتوب آرام اولا دینجله غملردن حسین ساق صولا باخدی علی گوردی یاتوبلار بالالار اولماسا ایوده ننه گور کیشی نه حاله قالار داریخوبدی اورگی ایوده قالا بیلموردی سمت قبرستانه گیده فوری یریندن دوردی چوخ یواش پنجه سی اوسته دوزولوب دوشدی یولا گوردی بیرسس گلوری فوری دونوب باخدی دالا آغلیور گوردی حسین گوز یاشی رخساره آخور اللرین قویموش اورک باشینه حسرتله باخور یوخیا ویرمیشیدیم من سنی آی نوردو عین نیه دوردون یوخودان جانوه قربانم حسین یوخوما گلدی ننم آی بابا قلبیم داریخوب دیدی اوغلوم سنه خاطر اورگیم چوخ داریخوب سمت قبرستانه گیدورسن بیلورم ایندی سن دولانیم باشوه قوی ایندی گلیم سنلن من اوغلونون دوتدی الین گلدیله قبرستانه قالدی آواره حسین دقت ایدوب هر یانه قرخ عدد قازمیشیدی قبر خانم زهرایه تا عیان اولمیا قبر ، گیزلین اولا اعدایه چوخ دوام ایلمدی فوری قاچوبدی قاباقا آغلیا آغلیا باخدی صولا بیرده ساقا ناگهان سالدی اوزین گیزلین اولان بیر قبره بالانی ئوز آتاسی دعوت ایدوبدور صبره سن نه بیلدون که ننون هانسی مزار ایچره یاتوب اوغلونی همسرینی فکر ایدورم گوزدن آتوب دوز بویوردون بابا جان قالمیشیدیم آواره دیدیم آی غملی ننه دردیمه ایت سن چاره من حسینم منی دیندیر باشووا من دولانیم یوخی گلمور گوزومه آی منه لایلای چالانیم سس گلوب قبرین ایچیندن منی یاندیر ماحسین گل قوجاقیمه اوغول بسدی اوتاندیرما حسین قیل دعا سنده (( قراول)) سوزووین پایانی ئولمه میش کاش گوره سن قبر خانم زهرانی ** کربلایی نادر پناهی (قراول)

زبانحال حضرت  زهرا (س) در هنگ:منم باید برم عموغلی عفو ائله،بزم وفا قورانمورام گلنده سن ائوه،ایاقیوه دورانمورام چوخ ایستورم دورام،گوزون یاشین سیلم ولی منی گذشت ائله،الیمی قالخیزانمورام عموغلی آغلاما_دیزلریوی قوجاقلاما قاپی دالیندا من،بیر ائله حاله قالمیشام غنچه م ایاقلانوب،گل تک اوزوم سارالمیشام ثانی او گون منه،بیر ظلم ائدوب که ایندیده نفس چکنمورم،باتوب سینه م قوجالمیشام عموغلی آغلاما-دیزلریوی قوجاقلاما مندن صورا علی،غم اوخی قلبه ساشمیون فراقه صبر ائدون،اشکی عذاره آشمیون تاپشور اوشاقلارا،اوزونده احتیاط ائله حسن یانیندا چوخ،کوچه سوزون دانیشمیون عموغلی آغلاما_دیزلریوی قوجاقلاما دلگیر اولوب حسن،باغلادی ثانی صاق صولی جمع ائتدی قدرتین،صول قولونا قالخوب قولی حسن گوزونه تیز،قویدوم الیمی گورمسین انوب آغیر الی،کوچه ده گورمدیم یولی عموغلی آغلاما_دیزلریوی قوجاقلام دلگیر

\من ایراندایام سن عراقدا// \\من اوزاخدا سن اوزاخدا// \\آدین حک اولوب او دوداخدا// \\من اوزاخدا سن اوزاخدا// \\آیریلیق ابری یاغیر بو توپراقا// \\دای منه هئچ یئر حرم دییر آقا// \\آند ایچیم قوی من او قانلی قونداقا// \\اؤلؤرم آقا// \\کربلاسیز من نه ائیلرم حسین// \\گور نجه قلبیم ائدیب ورم حسین// \\قیل اوزون حتما بو ایل کرم حسین// \\اؤلؤرم آقا// \\من ایراندایام سن عراقدا// \\من اوزاخدا سن اوزاخدا// \\توان قالمیب بو قوناخدا// \\من اوزاخدا سن اوزاخدا// \\آی گوزل سلطان داریخمیشام سنه// \\قبریوه قربان داریخمیشام سنه// \\قالمیشام حیران داریخمیشان سنه// \\آرام جانیم// \\رحم ائله جانا بو غملی حالیمه// \\باخ اوزون بیردن جماله زردیمه// \\کربلا قانلا دوادی دردیمه// \\آرام جانیم// \\من ایراندایام سن عراقدا// \\من اوزاخدا سن اوزاخدا// \\آدین حک اولوب بو دوداقدا// \\من اوزاخدا سن اوزاخدا// \\آیریلیق ابری یاغیر بو توپراقا// \\دای من هئچ یئر حرم دییر آقا// \\آند ایچیم قوی من او قانلی قونداقا// \\اؤلؤرم آقا// \\کربلاسیز من نه ائیلرم حسین// \\گور نجه قلبیم ائدیب ورم حسین// \\قیل اوزون حتما بو ایل کرم حسین// \\اؤلؤرم آقا// \\من ایراندایام سن عراقدا// \\من اوزاخدا سن اوزاخدا

نوحه وفات حضرت ام البنين(س) ✍فرهادى مراغه اى 🎼سبک:👇 عموغلی چوخ گل سارالار يوبانما جان اوسته دى آنان گل اوغول گوزيم يولدا هايانداسان باغريم اولدى قان گل اوغول گوزيم يولدا يامان گونيمدى هرايه گل غملى حاليمه آغلا اورگده وار چوخلى نسگليم آز بو سينه مى داغلا بير عمرى هجرونده آغليان گوزلرى ئوزون باغلا ئولونجه اشكيم اولار روان گل اوغول گوزيم يولدا آدامسيزام يوخدى بير كسيم قويما خوار اولا ياسيم آنووى گل قبره قوى ئوزون اى وفالى عباسيم اوغولسوز ام البنينم من سولدى دورت گل ياسيم بهار عمريم اولوب خزان گل اوغول گوزيم يولدا حسينيدن آل اجازه گل وار اوغول گوزيم سنده دويونجا بير باهم آغلياخ سنده غمليسن منده سينوب باشون وار گوزونده قان يوخدى قوللارون تنده غمون ايدوب قديمى كمان گل اوغول گوزيم يولدا اولانماديم كربلاده من باشيوه دوتام قرآن گل ايندى بير باشيم اوستونه باشلا صوت الرحمن سسووه چوخ عاشقم بالا نطقيوه ننون قربان منى بيله قويما ناگران گل اوغول گوزيم يولدا اوجاتموسان باشيمى اوغول شهره سن شرافتده آتان عليدن نشانه سن يوخ تايون شجاعتده غمونده هانسى گوز آغلاسا آغلاماز قيامتده يوبانما جان اوسته دى آنان گل اوغول گوزيم يولدا التماس دعای فرج 😔 ✨اَللّهُمَّ عَجِّل لِوَلیِّکَ الفَرَج✨💫

۞﷽۞ زبانحال حضرت زینب(س)درفراق مادرش 🎵درسبک : سنه من آغلاماسام سـنــه مـن آغلاماسام ئوللم آنا سیـنـمـی داغلاماسام ئوللم آنا یاسیوی ساخلاماسام ئوللم آنا آناجان سنسیز اوزوم/ گولمیه جاخ دردیـمی کیمسـه ولـی/ بولمیه جاخ کیمسه بوگوزیاشیمی/ سیلمیه جاخ واگیر سـنــه مـن آغلاماسام ئوللم آنا سیـنـمـی داغلاماسام ئوللم آنا یاسیوی ساخلاماسام ئوللم آنا محنـتـونـده سینـمـی/ داغـلیارام یوزه گوزیاشیمی من / بـاغلیارام بـاخــارام درگـهـیـوه / آغـلیارام سـنــه مـن آغلاماسام ئوللم آنا سیـنـمـی داغلاماسام ئوللم آنا یـاسیوی ساخلاماسام ئوللم آنا بـار غم یوردی سنی/چوخ آنا جان قامتون غمندن اولوب/بیرده کمان گـلـشـن عـمــرون آنـا/ایتدی خزان سـنــه مـن آغلاماسام ئوللم آنا سیـنـمـی داغلاماسام ئوللم آنا یاسیوی ساخلاماسام ئوللم آنا قلبیمی غم شرری/گورنـه سیخیر صبرائوین پایه سینی/غصه یخیر زینبون سنسیز آنـا/چوخ داریخیر سـنــه مـن آغلاماسام ئوللم آنا سیـنـمـی داغلاماسام ئوللم آنا یاسیوی ساخلاماسام ئوللم آنا یـادیـمـه غـصـه لـرون / سالّام آنـا دردیـوی جـانـیـمـه مــن / آلّام آنـا ائـوده سنسیزنجه مـن / قالّام آنـا سـنــه مـن آغلاماسام ئوللم آنا سیـنـمـی داغلاماسام ئوللم آنا یاسیوی ساخلاماسام ئوللم آنا قـانـیـن الله قـانیدی / بـاتمیاجاخ دشـمـنون مقصدینه / چاتمیاجاخ مرامون بـاتمیوب هیچ/باتمیاجاخ سـنــه مـن آغلاماسام ئوللم آنا سیـنـمـی داغلاماسام ئوللم آنا یاسیوی ساخلاماسام ئوللم آنا یازدی(عاجز)سنه چون/دیل سوزونی مـنـتـظـر قـویـمــا قـالا /سـن گوزونی دعوت ائت قبریوه قوی/سون یوزونی سـنــه مـن آغلاماسام ئوللم آنا سیـنـمـی داغلاماسام ئوللم آنا یاسیوی ساخلاماسام ئوللم آنا این شعربرحسب الامربرادر عزیزم جناب آقای کربلایی رحیم صمدی درتاریخ۱۴۰۲/۹/۲۶نوشته شده است ❇️التماس دعا 📝علی جعفری(عاجز تبریزی) ❣ الّلهُــمَّ عَجِّــلْ لِوَلِیِّڪَـــ الْفَــــرَجْ ❣

‍ ‍ ‍ بحر طویل شام غریبان مرحوم یحیوی نطقه گَل ای شاه شهیدان حسین خیمه و خرگاهی یانان زینبم باشه سالان یدی جوان قاره سی اللری قوینوندا قالان زینبم ای شه لب تشنگان گُل بدنی دوغرانان پیکری قانه باتان مونسی پیکان اولان هر نقدر عمریم اولا آغلارام صبح و شام ای شه عالی مقام ایتدیلر اعوانمزی قتل عام با لتّمام ظلمیله قوم ظلام ظلم اودینی ویردیلا یاندی اهل شام_ساخلامیوب احترام بیرجه قالان زین العبادور حسین خانه سی ویرانه اولان زینبم چادریمی معجرمی آلدیلار ویردیلار قلبیمی یاندیردیلار آت قباقندا حرمون قودولار سویدولار عالمه اود سالدیلار آل پیمبر نجه گور اولدی خوار داغدار شمره اسیر اولدیلار گلشن گلزاری خزانه دونن بزم تفاقی داغیلان زینبم گور نجه افلاکه چخوبدور فغان بو زمان محشر اولوبدور عیان شامه طرف عزم ایلیور کاروان باغری قان دیده لری خونفشان امر ایله عباسیله اکبر جوان پاسبان بیزلره اولسون امان چارم الیمدن اوزولوب هر طرف بیر کسه یوخ ایندی گمان زینبم من کیمی یوخ دهریده بیر غم چکن بی وطن سن کیمی هر بیر ئولن هانسی شهه اولماز اخا سو ویرن رحم ایدن نعشنی دفن ایلین سن کیمی یوخ باشیله جاندان کچن قان ایچن نعشی قالان بی کفن کثرت غمدن آغاران ساچلاری داغلی جگر قدی کمان زینبم #شام_غریبان #نطقه_گل_ای_شاه_شهیدان_حسین #یحیوی_اردبیلی #...

(عشق ناب) عاشقم قلبیم نجه معشوقه بی تاب اولماسین ننگیدور هر عاشقه بی‌تاب ارباب اولماسین یوسف زهرانین عشقیله ئورکلر زنده دی عشق مهدی حیفیدور کی قلبیده قاب اولماسین صاحب عصرین حضوری واردی بیزلر گورموروک گورمز او مولانی هر کس اهل محراب اولماسین سو اولان یرده تمیز اهلی تیمّم ایلمز گر چه واجب دی تیمّم اوردا کی آب اولماسین بی بصیرت عاشقین عشق عالمینده نقصی وار عشق یوخ حتما هوس دور عشق کی ناب اولماسین عجل اللهی ئورکدن سسله اولسون مستجاب اهل ایمان خوشدی گفتارینده کذاب اولماسین مهدی موعودیلن چوخلار ملاقات ایلیئیب وار امیدیم همچنان عشّاقی کمیاب اولماسین (احسان) اشعارونده خلاقییتون اولسون گرگ شاعریندن تئز اولر شعری کی جذاب اولماسین _____________________

وفات حضرت ام‌البنین سلام الله علیها شاعر:مهدی ملکی زنجانی به سبک آخشام اولدی ننه با اجرای سبکی دیگر توسط : #سلیم_نظرآباد_منوچهر_حسن زاده ای گل گلزاریم محرم اسراریم هارداسان ابوالفضل ای منیم دلداریم آرام و جانیم روح و روانیم ای گوزل آدی ورد زبانیم حالیم یاماندی تئز گل اماندی. 2بار ای مه انور یم وی ملک منظریم گوزلریم یولدادی تئز گل ای دلبریم سس ویر سسیمه یار حسینیم بس هاردا قالدین ای نور عینیم حالیم یاماندی تئز گل اماندی. 2بار ای یار امامت صاحب کرامت مصداق صداقت تندیس جلالت جان اوسته یم من. ای با وقاریم دیداره تئز گل صبر و قراریم غم اود ورودي دله اشکیم اوخشار سله گلمسنده اوغلوم من ایتمرم گله یول گوزلماقدان دوشدوم ایاقدان سس ویر سسیمه اوغلوم اوزاقدان هر کیم منه باخار. گورم اشکی آخار دورت گولوم صولوبدی قلبیمی غم سیخار الله چمنده گوللریم صولدی غملرده قلبیم قانیله دولدی گوللر اکدیم دردیم دورت اوغول بیجردیم آلدی فلک الدن دای ساقالماز دردیم جان اوسته یم من گل خسته یم من دیلدن سنه چوخ. وابسته یم من ای قهرمان اوغلوم ای پر توان اوغلوم گل آناوی دیندیر وی مهربان اوغلوم غملرین اوغلوم. سینه می داغلار قالمیشام سنسیز هر گیجه آغلار روحه ریحان بالا درده درمان بالا ای منیم ناز گولوم دینه قربان بالا باجادی دونسون قدیم کمانه نصیبیم اولدی غم زمانه

وفات حضرت ام‌البنین سلام الله علیها زبانحال به سبک آخشام اولدی ننه ای گل گلزاریم محرم اسراریم هارداسان ابوالفضل ای منیم دلداریم آرام و جانیم روح و روانیم ای گوزل آدی ورد زبانیم حالیم یاماندی تئز گل اماندی. 2بار ای مه انور یم وی ملک منظریم گوزلریم یولدادی تئز گل ای دلبریم سس ویر سسیمه یار حسینیم بس هاردا قالدین ای نور عینیم حالیم یاماندی تئز گل اماندی. 2بار ای یار امامت صاحب کرامت مصداق صداقت تندیس جلالت جان اوسته یم من. ای با وقاریم دیداره تئز گل صبر و قراریم حالیم یاماندی تئز گل اماندی 2بار غم اود ورودي دله اشکیم اوخشار سله گلمسنده اوغلوم من ایتمرم گله یول گوزلماقدان دوشدوم ایاقدان سس ویر سسیمه اوغلوم اوزاقدان حالیم یاماندی تئز گل اماندی 2بار هر کیم منه باخار. گورم اشکی آخار دورت گولوم صولوبدی قلبیمی غم سیخار الله چمنده گوللریم صولدی غملرده قلبیم قانیله دولدی حالیم یاماندی تئز گل اماندی 2بار گوللر اکدیم دردیم دورت اوغول بیجردیم آلدی فلک الدن دای ساقالماز دردیم جان اوسته یم من گل خسته یم من دیلدن سنه چوخ. وابسته یم من حالیم یاماندی تئز گل اماندی. 2بار ای قهرمان اوغلوم ای پر توان اوغلوم گل

السلام علیک یا اهلبیت النبوه زبانحال حضرت ام البنین به قمر بنی هاشم در زمان احتضار سبک:گل پونه ها علی نوروزی نوین غصه دن باغریم اولوب قان مضطر وزار وحزینم دل غمینم یوخ گلن بو صون نفسده باشیم اوسته بی معینم دل غمینم جان وئرور زهرا کنیزی گوزلریم یولاردا قالدی سسلورم عباسی داده بی بنین ام البنینم دل غمینم جان ابوالفضل جان ابوالفضل جان سنه قربان ابوالفضل ......................... گل اوغول آخر نفسدور لطف ایله بو بینوایه جان ابوالفضل باشیمی گل آل دیز اوسته آغلا گل آه و نوایه جان ابوالفضل هجر اوتوندا یاندی قلبیم غصه دن قان آغلارام من دور گوتور قانلی لوانی گل بو یثربده عزایه جان ابوالفضل جان ابوالفضل جان ابوالفضل جان سنه قربان ابوالفضل ......................... جامه یِ عشقی ابوالفضل خسته تندن سویمادیم من جان ابوالفضل بیله فکر ائتمه غمونده داغلی قلبی اویمادیم من جان ابوالفضل آغلارام گلم نوایه سسلرم ای جان ابوالفضل جانه دویام درد الیندن آغلاماقدان دویمارام من جان ابوالفضل جان ابوالفضل جان ابوالفضل جان سنه قربان ابوالفضل ............................

السلام علیک یا اهلبیت النبوه مقدمه زبانحال حضرت ام البنین(س) در حال احتضار علی نوروزی نوین آهیم شراری دیلده عجب اولدی شعله بار یاندیردی تار و پودمی بو آه جان شکار ویرانسرایه گونلومی دوندردی رنج و درد ائتسون نه نوعی دل بو غم و درده اصطبار تاراج ائدوبدی صبریمی غم غصه و محن آخر نقدر سختدور عالمده انتظار هر منتظر که درد فراقه دچار اولا قالماز داخی دیلنده اونون طاقت و قرار اولسون خصوص بیر آنا ،کی دلشکسته دور فکر ائت قالار نه حاله اولا حال احتضار بیر محتضر آنا اوزیده غم کش زمان آغلار گوزیله آختارا بیر یار و غمگسار دائم دیلنده ایوای اوغول سسلنوب یانا گوزدن یوزه اورک قانینی ایلیه نثار هر قدر سسلیه سسینه بیر سس اولمیه سیل سرشگی قلب ایوینون بُنیَسین ییخار عباس آناسی فاطمه ام البنینه باخ بو حالتیله جان وئروری ایلور آه و زار سسلور اوغول آنان ئولوری صون نفسده دی دار بقایه گل اولورام منده رهسپار قان آغلین گوزوم یولووا انتظاریدور درد فراق گوندوزومی ائتدی لیل تار حسرت گوزوم یولوندا قالوبدور هایانداسان آدون دیلمده گوز قاپودا زار و اشگبار گل قویما منتظر گوزومی ای رشید اوغول قلبیم سینوبدی بسدی منه بیله انکسار عباسیم ای تجلی خورشید آرزو پائیز هجری گل ایله وصلیه نوبهار دور قانلی پرچمون اله آل ای علم دوتان تابوتیم اوسته سال ائلیوم منده افتخار بیرده خبر وئر اوغلوم حسینه گلوب گوره زهرا کنیزی جان وئروری قلبی داغدار زهرا سُوَردی اوغلی حسینون قران سسین ائتسون تلاوت آیه قرآن او تاجدار حیرتدیم نه دیل دئیورم جان وئرن زمان (آشفتیم)فراقیوه چون اولموشام دچار ممکن دگول اوغول گله سن دوشمه زحمته گل پیکرونده وار بولورم زخم بیشمار زینب باجون دئیوب نقدر وار یاران سنون حالون خیال ائدنده اورک اود دوتوب یانار زینب دئیردی قولاریوی ائتدیلر قلم باش یاره لی گوزون یارالی بیرده شرمسار بیر سوز ائشیتمیشم اورگیم قان اولوب اوغول بیر سوزدی صبر و طاقتمی ائتدی تار ومار آتدان دوشنده سن یوزون اوستنده دوشموسن خاتون محشری بو غمون یاندیریب یاخار گویا اوزانگیده ایاقون بند اولوب قالوب لال اول دیلیم بو غملی سوزی ایله استتار عالم فدا یاتان یریوه یات یارالیسان اول خوردا قبریوین غمی ائتمیش منی فکار سجاد سویلیوب که نجه دفن ائدوب سنی آغلار سنون او حالتوه لیل و النهار افسوس گورمدی او گوزل قبریوی آنان حسرت چکردی تا سنیله اولسون همجوار ایللردی کربلا یولونا گوزلریم باخور کرب وبلا آدین دئینده سرشگیم یوزه آخار اوغلوندا ورد ائدوب آدیوی داغداریدی بیر پرچمیله مشگ اونا قالدی یادگار گاهی بو قانلی پرچمیوی باغرینا باسور آدون دیلنده مشگی گهی چیگنینه سالار بیر حالتیله ناله ائدوب سسلنر بابا من تک یتیم گورمدی بو چشم روزگار یوخ همدمیم بابا بو سینان گویلومی آلا قلبیم یارالیدور منه یوخ بیر معین ویار گل اهلبیتیدن الیوی اوزمه ای (نوین) باخما سالوب فشاره سنی چرخ کجمدار سن صدق اوزیله خادم اولوب خدمت ایلسن مشگل گشادی آل علی مشگلون آچار

#رباعی #مناجات_باامام_زمان_عج_درشب_یلدا پای یلدای دلت یواشکی زمزمه کن زیر لب یه یادی از نور دل فاطمه کن چشماتو خیره کن و سوره والعصرُ بخون یه دعا برا ظهور پسر فاطمه کن 🌻🌻🌻🌻 مطمئناً ، میشود تعبیر این رویای من روزِ روشن میرسد بعد از شبِ یلدای من "دائماً یکسان نباشد حالِ دوران غم مخور" فالِ حافظ گفت: از ره میرسد آقای من! 🌻🌻🌻🌻 ذکر امروز من و هم پرسش فردای من کی به کنعان میرسد پس یوسف زیبای من انتظار روی او شد چون شب یلدا بلند کی به پایان می رسد یارب شب یلدای من 🌻🌻🌻🌻 دورهم؛خنده به لب؛کرسی و فال حافظ شب یلدا شب زیبای غزل خوانی شد شب طولانی سال است کمی فکر کنیم غیبت یار چرا اینهمه طولانی شد؟! 🌻🌻🌻🌻 بدون عشق تو عمری اسیریم فقیریم و فقیریم و فقیریم بیایی و الهی سال بعدی؛ کنار جمکران یلدا بگیریم! 🌻🌻🌻🌻 امشب که دلم غرق تماشاست بیا بی تودل من همیشه تنهاست بیا من هستم وشعرو شمع و فال حافظ مهمان دلم شو شب یلداست بیا 🌻🌻🌻 دلم هوای غزل کرده است برای شما دلم برای تو آقا به لب گرفته نوا بلند ترین شب سال است بهانه ای شده که به چند دقیقه ای بیشتر بگویمت که بیا یک بار دگر آمد یلدای زمستانی یلداست ولی چشمم دلواپس و بارانی هرشب سحری دارد حتی شب طولانی یلدای تو ما را کشت ای یوسف کنعانی🍉🍇🍋🍒🍊🍑🍓🍐🍎🥝🌽🍏🍅