ای حرمینه ناز ادن تربتی قانلی کربلا #محمد_باقر_منصوری🎙 #روضه #ترکی🔊

هرکیم آنالیق ایتمسه بولمز آنادردین اولدوزلاری سایسا گتیرنمز سانا دردین قوی داغلاری بیر یان آنانین بیریانا دردین گراوغلوی ئولوب غملری داغلاردان اوجالسا ایراد المه حین جوانلیقدا قوجالسا سیزلدا قوخما علی حرمله یاتوبدی بالا شکاری یوخدی اولان اوخلارین آتوبدی بالا گلشن عاطفه ده گل کیمی سولمیدیم کاش داغ اولیدیم داش اولیدیم ننه اولمیدیم کاش

‍ یوخ کوفه نون اهلینده وفا گلمه حسین جان قورموشلا سنه دام بلا گلمه حسین جان قویدوم قدم اوّلده بو شهره من خسته بیعت ایلدی کوفه لیلر دسته به دسته آند ایچدی چوخی واقعه ی روز السته گیتدی صورادان راه خطا گلمه حسین جان قورخوم بودی سن گلسن اگر ای شه والا محشر اولا قیزلاریوه بو کوفه ده برپا چون قتلیوی اوّلده شریح ایلیوب امضا نه ایلدی بیر شرم و حیا گلمه حسین جان بولدوم سسیم او حالیده مولا سنه چاتماز آزاده اولان سایه ی نامردیده یاتماز عشق اهلی یقین فرصتی بیهوده یوباتماز سن بول آناوین جانی آقا گلمه حسین جان ای قاصد آهیم منه امداد ایله باری فوراً یولا دوش سرور و سالاریمه ساری زهرا بالاسین باخبر ایله سنی تاری عرض ایله سنه جاندی فدا گلمه حسین جان بو کوفه لیلر سکّه ی ایمانی ساتوبلار بعضی لری غفلتده چوخ آسوده یاتوبلار بیر عدّه سی مردانه لیقی باشدان آتوبلار بیداد ایلیور ظلم و جفا گلمه حسین جان لعنت گله دنیا بویی بو ابن زیاده آلّاندی اونون وعده سینه مردم ساده بیر عدّه نی تتمیع ایلیوب پول زیاده گرچه حق ایدر ظلمی فنا گلمه حسین جان آثار وفا کوفه نون اهلینده یوخیمیش مردی چوخ آزیمیش، ولی نامردی چوخیمیش هر نامه که یازمشدیلا بیر اوچ پر اوخیمیش گوندردی سنه قوم دغا گلمه حسین جان من جانیمی قربان ایلدیم دینیوه خاطر ای کاش اولیدون منیم احوالیمه ناظر مایلدی سنی گورماقا بو خسته مسافر با این همه سن اولما رضا گلمه حسین جان دورت مین نفر آلموشدی گونوز دوره می مولا شمشیری الینده هاموسی جنگه مهیّا قالدیم گجه بو شهریده امّا تک و تنها محشر من اوچون اولدی به پا گلمه حسین جان سوز یوخ که سنون مجمر عشقونده یاناردیم اوز اُلماقیمی حقّه گوره سهل ساناردیم یورقون یارالی کوچه لرایچره دولاناردیم یوخ دردیمه عالمده دواگلمه حسین جان حسین میا به کوفه ....

نوحه حسینه قربان یرلر حسینه قربان گویلر حسینه قربان گلزار کربلاده گوللر حسینه قربان ** گوگلرده کی ملائک یکسر حسینه قربان یوزمین قوشون دالوندا زعفر حسینه قربان پیغمبرون شبیهی اکبر حسینه قربان ئوز گوز قانا بویانمیش اصغر حسینه قربان سو اوسته کی کسیلمیش اللر حسینه قربان دریای قانه باتمیش لشگر حسینه قربان آق سقّالی حنالی نوکر حسینه قربان بیر جوت سوسوزدان ئولمیش دختر حسینه قربان یثربده کی قبیله اِئللر حسینه قربان باغلی قالان اطاقلار ایللر حسینه قربان باشینده یدّی قاره خواهر حسینه قربان آغلار قالان وطنده دختر حسینه قربان گودالیده اوغولسوز مادر حسینه قربان عمامه سی الینده حیدر حسینه قربان آتی یاشیندا قولسوز جعفر حسینه قربان تل اوستونه قاچانلار یکسر حسینه قربان باشلارینا اوجالمیش اللر حسینه قربان زینب قاچور قباقدا سسلر حسینه قربان قان یاش توکن یاغیش تک گوزلر حسینه قربان باشسیز قالان بدنلر یکسر حسینه قربان قاسم اوزونده قانّی تللر حسینه قربان گول برگی تک حنالی اللر حسینه قربان

اوخشامالار (آنا فراقینده) قرآن سؤزی یالان اولماز بو دنیادا قالان اولماز بیرده ائویوه گئدنده بیزی یولا سالان اولماز من بالاوام اویانموسان من یانیرام سن یانمیسان نقدری سسلورم سنی اویادیرام اویانمیسان دردون دئنن بیلیم ننه دانیش شیرین دیلیم ننه هایاندا قالدون آی ننه یرون دئنن گلیم ننه زحمتیمی چکن ننه گؤز یاشینی تؤکن ننه بالالارون آغلار قالوب ائویندن ال چکن ننه با نوای: فرزاد عالی

نوحه سینه زنی حضرت ابالفضل العباس علیه السلام سبک ،ای سپه سالار لشگر ای دوشن قولاری تندن ساقی عطشان ابالفضل فاطمه اولسون او قانلی گوزلره قربان ابالفضل جان ابالفضل( ۲) قولارا قربان ابالفضل عاقبت زهرانی چکدی درد عشقون علقم اوسته قانیلن دردون یازوبسان ای نگاریم پرچم اوسته دوشمه تپراقه اماندی گل اوغول گل سینم اوسته سربه سر جسمون یارادای،نیزه دن اوخدان نشان وار قان دوتوب ماه جمالون کاسه چشمونده قان وار قوی اوپوم قانلی گوزونن بلکه تاپدوم جان ابالفضل فخر ائدیم ام البنینه سن کیمی اصلانی واردی دامن چرخ و فلکده بیرمه تابانی واردی اوخ جبینونن اوپوبدی ساغ گوزونده قانی واردی وای منه اولموش جمالون قانیله غلطان ابالفضل دئدی عباس عترت طاها یه خاطر ابالفضل سالمیشام یول نینوایه آلمیشام صوت حزینون گلمیشم کرب وبلایه ابالفضل سسله امداده عزیزیم قارداشون گلسون هرایه

(( ای وای حسینیم ای وای )) (( ای وای حسینیم ای وای )) ====================== ۱_ای وای آماندی قارداش خیمن ، تالاندی ، قارداش کونلوم ده قاندی قارداش ای وای حسینیم ، ای وای ۲_قارداش حسین دویاتما یئر ، گویلری ، آغلاتما ، گوزدن ، منی ، تئز ، آتما ای وای حسینیم ای وای * ۳_ عباس علمدارین ، یُوخ دوست آزدی دوشمنین چُوخ گُوردن، یاغیر ، مینلر ، اُخ ، ای وای ، حسینیم ، ای وای **** ۴_قارداش قانیوا باتدین دین، پرچمین اوجاتدین زینَبیوی ، قُوجاتدین ، ای وای حسینیم ای وای ۵_قارداش حسین اسیرم زنجیر ده ، مثل ِ شیرم ، حق سوزلرین ، یئتیرم ، ای وای حسینیم ،ای وای ۶_ من شامی دا ، دانیشدیم دین اوُسته چُوخ چالیشدیم غم ، غُصصه وَه ، آلیشدیم ، ای وای، حسینیم ، ای وای ۷_ یِئر گُویلَر آغلاماخدا باش نیزه ده ، قاباخدا وای گوُنومَه ، ساباخدا ای وای حسینیم ای وای ۸_شام دا گولوم قالیبدوُر غم ، جانیمی ، آلیبدوُر، درده ، مَنی ، سالیبدوُر ، ای وای حسینیم ای وای ۹_ مَعجَر گئدیب، کِناره اطفال ، اُلوُب ، آواره ، یارب ، ائله ، بیر ، چاره ای وای حسینیم ای وای ۱۰_ صحرای کربلا ، دور هر نقطه سی ، منا دور هم، مروه دی ، صفادور ای وای حسینیم

 وای حۆسئینیم وای حۆسئینیم وای یــــارالارۇن آخــــــار قانــــــــــێ ائــده‌ر گـــۆلنـارێ مئیــدانــــێ باجـۇن قۇربان باشــۇن هـانـــێ حۆسئینیم وای حۆسئینیم وای سینــوْن اۆستـه یاروْن چـوْخـدۇر تمـــامـــــی نیــــزه-وْ-اوْخـــــدۇر اؤپــه‌م بۆســه یئـــری یــوْخــدۇر حۆسئینیـم وای حۆسئینیـم وای سـۇسـۇز الـده اؤلــه‌ن قــارداش یـارالـــێ جــان وئــره‌ن قــارداش هانــێ اوْل پیـره‌هــه‌ن قارداش؟ حۆسئینیم وای حۆسئینیم وای سن اؤلـدۆن دۆشمنـۇن قالــدێ سنـــی اؤلـــدۆردۆ کـــام آلــدێ یــۆزۆ اۆستـــه نـده‌ن ســالــدێ حۆسئینیم وای حۆسئینیم وای گـــره‌ک قـــان آغـلاسێـن زینـب جـهــانــی داغـــلاسێــن زینــب سنـه یاس ساخـلاسێــن زینـب حۆسئینیم وای حۆسئینیـم وای باشــۇن یـــوْخ ایشتیــاغـۇنـدان اؤپـــه‌م قــارداش دوْداغــۇنــدان اؤپــۆم قــوْی مــن آیاغــۇنـــدان حۆسئینیم وای حۆسئینیم وای یئتیــــرره‌م نالـــه‌مـی عــرشــه سینـوْن گـؤرره‌م دؤنـۆب فــرشه آیــاق رددی ســالێـــب نقشـــه حۆسئینیم وای حۆسئینیم وای بـۇلـود تک دوْلمــایایێــم نئیلیــم پریشــان اوْلمـــایێــــم نئیلیــــم باش آچێـب یوْلمــایێــم نئیلیــم حۆسئینیم وای حۆسئینیم وای نـه بــی‌اینصـافیـمـیــش عــدوان لیبــاســـۇن ائیلـئـیـیــــب تــالان قـوْیــۇبــدور نعشــۇوو عــوریــان حۆسئینیم وای حۆسئینیم وای ائدیــم قــوْی قانیلــه‌ن رنـگیـــن بــۇ زۆلفیــم تــا تـاپـام تسـکیـن تاپـام تسکیــن دگیــل مومـکون حۆسئینیم وای حۆسئینیم وای

اسمتو نگیر از صدای من   من برای تو تو برای من توی قلب من کربلای تو   توی دست تو کربلای من من محاله بی تو باشم  لحظه ای ازت جدا شم چقدر خدا کریمه    که حسین توزند گیمه کاری با کسی ندارم  با تو خوبه روزگارم ای آقا حرم حرم نمیره فکرش از سرم می خوام برم منم با پدر و مادرم خرابم نکن جوابم نکن من بی کسین بیر آقاسی وار آقامین ولی غمو یاسی وار دیرم اورک سوزونی اونا عرشیدن گوزل کربلاسی وار ندن ای بلالی صحرا سنه کربلا دیلر هامی درده تربتونلن سبب شفا دیلر اومزار پاکه سنلن کی سایالار آلتی گوشه اومزاریدن ملائک هامی ایلر اخذ توشه آقام آقام نولورکه زار دل غمین نولور گلم زیارته بواربعین حسین یاحسین

مرحوم حاج رضا صراف تبریزی . هله گلشَنین گولو سولمیوب آنام آغلاما، باجیم آغلاما هله ساغدی قارداشون ئولمیوب آنام آغلاما، باجیم آغلاما . . آنامین عزیزه قیزی باجیم هله اولما مایل درد و غم قوشونوم دورار هامی بیر به بیر هله یاتمیوبدی اسیر عَلَم هله صاحب عَلَم ئولمیوب هله ائتمیوبله قولون قلم هله مشکی قانیله دولمیوب آنام آغلاما، باجیم آغلاما . هله قوملار اوستونه دوشمیوب باجی اکبرین قد نورسی گون ائوینده ظلمیله قالمیوب هله پاره پاره جنازه‌سی هله خیمه‌لرده‌ن اوجالمیوب گویه لیلی‌نین بالا وای سسی هله مشکی قانیله دولمیوب آنام آغلاما، باجیم آغلاما . هله پوزمیوبله تفاقیمی هله رونقی وار اساسیمین هله قویما ایندی عم اوغلو وای دییه نو عروسینی قاسمین هله یاسه باتما چوخ آغلاما هله ابتداسیدی یاسیمین هله مشکی قانیله دولمیوب آنام آغلاما، باجیم آغلاما . هله ئولمیوب ایکی نورسین جیگرین باشی هله یانمیوب هله زلف کاکُل اکبریم باجی القانینه بویانمیوب هله آغلاماز علی اصغریم هله ظلم اوخیلن اویانمیوب هله مشکی قانیله دولمیوب آنام آغلاما، باجیم آغلاما . هله آغلاما قالیر آغلاماق لیقیوین زمانه ده چوخ یری باجی زینب آغلاما ساکت اول دئمه ساکت اولماقا یوخ یئری هله یوخ باشیمدا قلج یئری بدنیمده یوخ هله اوخ یئری هله مشکی قانیله دولمیوب آنام آغلاما، باجیم آغلاما . بو دیاریده ای آنام باجی هله ظلم لجّه‌سی داشمیوب هله لشگر ستم و جفا سیزه جور و ظلم الین آچمیوب هله خیمه‌گاهیم آلیشمیوب هله عترتیم چوله قاشمیوب هله مشکی قانیله دولمیوب آنام آغلاما، باجیم آغلاما . هله شیشه‌ دل صافیوی باجی غم کدورتی باسمیوب هله دین اساسی پوزولمیوب هله صرصر ستم اسمیوب هله ظلم عرشه دایانمیوب هله شمر باشیمی کسمیوب هله مشکی قانیله دولمیوب آنام آغلاما، باجیم آغلاما . هله قلبین ای باجی یانمیوب یانار اودلار اوزره کباب تک بو قدر سیزیلداما آغلاما هله چکمه ناله رباب تک باجی قانیمی باجیلار یوزه هله یاخمیوبدی خضاب تک هله مشکی قانیله دولمیوب آنام آغلاما، باجیم آغلاما . هله هست عشقیله هست سن هامی‌دان علاقه‌نی کس رضا هله کی حسین پرست‌سن بو سوزیله وئر اونا سس رضا هله سوز دردیله مست سن ندی بو هوا و هوس رضا هله مشکی قانیله دولمیوب آنام آغلاما، باجیم آغلاما

‍ ‍ حسینیم وای حسینیم وای ... «میانداری»# زبانحال حضرت زینب در قتلگاه یارالارون آخار قانی# ائد‌ر گلنار میدانی باجون قربان باشین هانی حسینیم وای حسینیم وای سینون اوسته یارون چوخدور تمامی نیزه و اوخدور اوپم بوسه یری یوخدور حسینیم وای حسینیم وای سوسوز الده ئولن قارداش یارالی جان وئرن قارداش هانی اول پیرهن قارداش؟ حسینیم وای حسینیم وای سن ئولدون دشمنون قالدی سنی ئولدوردی کام آلدی یوزۆ اوستنه ندن سالدی حسینیم وای حسینیم وای گرک قان آغلاسین زینب جهانی داغلاسین زینب سنه یاس ساخلاسین زینب حسینیم وای حسینیم وای باشون یوخ اشتیاغوندان اوپم قارداش دوداغوندان اوپوم قوی من آیاغندان حسینیم وای حسینیم وای یتیرّم ناله ‌می عرشه سینن گوررم دونوب فرشه آیاق ردّی سالوب نقشه حسینیم وای حسینیم وای بولود تک دولمایاییم نیلیم پریشان اولماییم نیلیم باش آچوب یولماییم نیلیم حسینیم وای حسینیم وای نه بی‌انصافیمیش عدوان لباسین ایلییوب تالان قویوبدور نعشوی عریان حسینیم وای حسینیم وای ائدیم قوی قانیلن رنگین بوزلفیم تا تاپام تسکین تاپام تسکین دگول ممکن حسینیم وای حسینیم وای گلستاندا آچوب گللر گلوب آوازه بلبلرائدر ائدر نوحه یانان دیللر حسینیم وای حسینیم وای غمون دنیانی آغلاتدی نه بو نالانی آغلاتدی آنان زهرانی آغلاتدی حسینیم وای حسینیم وای باجون ئولسون بو نه حالدی آراده پیکرون قالدی منی چولدن چوله سالدی حسینیم وای حسینیم وای یوخوموش رحم بَجدلده قالوبدور بارماقون الده بیلکلر قانلی مقتلده حسینیم وای حسینیم وای قالوبدور پیکرون یئرده چکوب قان یاره وه پرده لباسون قالمیش اللرده حسینیم وای حسینیم وای بالا قیزلار اسیر اولموش حرملر دستگیر اولموش باجون بیر گونده پیر اولموش حسینیم وای حسینیم وای هاچان دردون چیخا یاددان سنی ئولدوردولر عطشان آنان زهرا سنه قربان حسینیم وای حسینیم وای یازوب سعد اوغلی برنامه دوشوب اهل حرم دامه قطاریم باغلانوب شامه حسینیم وای حسینیم وای #یارالارون_آخار_قانی #حسینیم_وای_حسینیم_وای #یحیوی_اردبیلی #پرچم_عزا_یحیوی

روضه حضرت ابوالفضل(ع) بیرده چوخ دگسه منه یاره دیمزسن آناما قیلماسام تشنه لره چاره دیمزسن آناما ایتسلر جسمیمی صدپاره دیمزسن آناما سعی ایدون کشف المزسوز اونا درو غمیمی یادگاری آپارارسوز ننمه پرچمیمی (دیدی باجی سندن بیردنه ده خواهشیم وار مدینیه گیدنن صورا ) بیرده وار ایوده منیم درده گرفتار اوغلوم یاشیوب عزتیلن قویما اولا خار اوغلوم (دیدی عباس اوجا بویوا باجون قربان آی قارداش) دیدی زینب اونا غمخواریم اولوبسان قارداش سن منیم قافله سالاریم اولوبسان قارداش آلتی آی یولدا جلو داریم اولوبسان قارداش نگران اولما چوخدی حقون آتام اوغلی بوینومدا الرون گتسه اگر قالسا الیم قوینومدا سوز بئله قالدی اولوب یازده ماه عزا قتلگاهه دوه لردن یره اندی اسرا مست ایدوب غمزده بلبلری عطر شهدا هره بیر یاندا گلون تاپدی هم آغوش اولدی چشم لر چشمه زمزم کیمی پرجوش اولدی (کربلادن آیرلاندا گوردولر هره قاچیر ئوز بالاسنون جنازه سی اوسته لیلا قاچر علی اکبر بالینینه، ام کلثوم قاچیر ابوالفضل بالینینه، سریه قاچیر قاسم بالینینه، رباب علی اصغری آختارور) هامی مشغول اوچوخور یرده اولوب آغلاماقا گوردولر گه صولا زینب باخوری گاهی صاقا ناگهان دوردی خانم اوتدوقی یردن ایاقا پوزماسون مجلسیزی ایندی بیان بو گدیشیم نهر علقمده ابوالفضلیمیله واردی ایشیم (گوردولر زینبده گدیر نهر علقم سمتینه بئله یانا یانا دیور ابوالفضل اوجا بویوا باجون قربان)

اثر ماندگار (آی آیریلیق ) باصدای : بهنام تخت مینا تبریزی شاعر : بهنام تخت مینا تبریزی

نوحه عروسم

خدا حافظ منیم وفالی آنام

کاروان غم

،🍃 💐🍃🌿 🌿🌸🍃 🌸🍃 🌿 حضرت علی اصغر علیه السلام اصغر فرشچی ( عدلی تبریزی) سبک: من مانده ام تنهای تنها ..... بی بنین ام البنیم. سسلرم ایوای اوغول وای گون دوتوب الده ستاره مین شررسالسون جهانه بیربالیق تک اللر اوسته گستروب نمرودیانه ای جماعـت آلتی آیلیق اصغریم یاندی سوسوزدان گلدی سوایچسون یا اولسون اوچ پراوخ تیره نشانه حُجّتی اتمامه یتسون ایستدی سـوتشنه کامه ویرمیوبلربیراییچم سواولمادی حرمت امامه قویمیوبلر شـاه دینی حُجّتین ویـرسون ادامه حـکـم قـرآنـی گـتـورسـون ناطـق قـرآن بیانه سعدین اوغلی ویردی فرمان لشکرایچره سالدی غوغا حرمله چون اولدی مغرورایلدی دستورین اجرا باخمادی دلسیزاوشاقدی باش آچوب جنّتده زهرا آغلادااصغرآناسین اوچ پراوخ قویدی کمانه اوچ پراوخ یول آچدی گلدی حلق اصغردن قان آخدی دیسگینوب اوّل گوز آچدی بیر قانا بیر تیره باخدی گوردی گویا قان آخان یرصاق قولاخدان صول قولاخدی بولدی گل تک پرپر اولسا یوز ویررغم باغبانه گلشن عشق ایچره گوردی باغبان باغ قرآن صرصرظلمیله اصغرصودیرینه امدی پیکان سسلدی گل زینبیم گل بوگولومده اولدی خندان سینۀ تاریخه اسمین یازدی قالسون جاودانه گل باجی نهضت شریکیم بوغمه قلبیم آلشدی اللریم اوسته بالامون قانی قانیمله قاریشدی یومماموش گوزگولدی گویا من باباسیله باریشدی آچمین دل گـولماقیلن عـشقـنـی گتدی زبانه اصـغـریـم گهوارسیندن طی ایده راه سعادت تا صغرسنّیله ویرسین عالمه درس سیادت تشنه لب قانه بویاندی نوش ایدوب جام شهادت هم سیادت هم شهادت مشقینی ویردی جهانه فکرایدردی چون آناسی میلی وارآب فراته آغلاموشدی صبح اولونجا باغلانوب اللرقماطه ایچدی چون اکبر ایچندن احتیاجی یوخ حیاته همدم اکـبـردی روحـی آفـریـن روح روانه . گل آپار ویرتا آناسی باغلاسون حنجریاراسین یغسون اطفالی خییمده اصغرین دوتسون عزاسین صبرایدوب بوغمده آلسون خالق اکبر رضاسین راضی اولدوم راضی اولسون باتدی قرآن اوسته قانه آلاهین قـانییدی سپدیم من الیملن آسمانه اولمادی بیرقطره برگشت بوثرایه بومکانه حیرته دوشدی ملکلرغم یتوب افلاکیانه عرشیان آغلاربوگونده پرپراولموش گلستانه (عدلی) دوردرگاهه خادم گوزتیکوب احسانه زینب ایستـوری کّلِ مـریضی تا یته درمانه زینب عاصیدورامیدی واردی لطف بی پایانه زینب روزمحشراذن اولونسا اول شفیع بونوحه خوانه 🌾 🌾🌼 🍃🌾🌼 🌸🍃🌾🌼

کوی جاناندا گزن جانانلارا اولسون سلام کر بلا دشتینده کی قوربانلارا اولسون سلام قانیله امضا اولان پیمانلارا اولسون سلام حقی تصدیق ائیلین وجدانلارا اولسون سلام عشقی تفسیر ائیلیین انسانلارا اولسون سلام کربلاده نهرعلقمده دوشن بازولره داش تیکان اوستونده غارتده قاچان آهولره قتلگهده قانیله رنگین اولان گیسولره کوی حقده مقصد عشقه چاتانلاره سلام یارالی توپراقلار اوستونده یاتانلاره سلام هم حسینه هم حسینین یاور و انصارینه حقیله و باطل آراسیندا اولان معیارینه هم صفای عشقینه هم پرده لی اسرارینه نهر علقمده یاتان قولسوز علمداره سلام نصفی یانمیش خیمه ده یورقون اوشاقلاره سلام ورود_محرم محرم1402

کوی جاناندا گزن جانانلارا اولسون سلام کر بلا دشتینده کی قوربانلارا اولسون سلام قانیله امضا اولان پیمانلارا اولسون سلام حقی تصدیق ائیلین وجدانلارا اولسون سلام عشقی تفسیر ائیلیین انسانلارا اولسون سلام کربلاده نهرعلقمده دوشن بازولره داش تیکان اوستونده غارتده قاچان آهولره قتلگهده قانیله رنگین اولان گیسولره کوی حقده مقصد عشقه چاتانلاره سلام یارالی توپراقلار اوستونده یاتانلاره سلام هم حسینه هم حسینین یاور و انصارینه حقیله و باطل آراسیندا اولان معیارینه هم صفای عشقینه هم پرده لی اسرارینه نهر علقمده یاتان قولسوز علمداره سلام نصفی یانمیش خیمه ده یورقون اوشاقلاره سلام ورود_محرم محرم1402

روضه حضرت ابوالفضل(ع) دیدیلر خالی ایدون فوری فراتین یولونی بو گرک سو آپارا خیمه لره سقادی (یتیشدی نهر علقمه پرچمین ویردی یره یعنی فرات اولدی بیزیم اوندا گوردولر رقیه قاچاقاچا گلدی ربابین خیمه سینه ننه معجریوی آل الیوه عمومی دعا اله مشکین دولدوردی سویونان یولونی نخلستانیدن سالدی بلکه حسینین بالالارینا سویی تئز یتیره اله یالواریر اللها ) خدایا قویما مندن قلبی سینسون غملی سلطانیم اوتوز بش ایلده بیر یول اولمویوب عشقیمده نقصانیم آپارسام مشکی اخیامه اولار آسوده وجدانیم ولیکن مشکیم اوخلانسا قالار الرده دامانیم (اله مشکی باسوب سینه سینه گلیر خیمه لره طرف دیدی خدایا ) الیمدن دوتماسون دوتما ازل پیمانینه خاطر سنه یالوارمیور بندون لب عطشانینه خاطر نه لیلا نه ربابون دیده گریانینه خاطر منه رحم ایلسون ایله حسینون جانینه خاطر (اله بو فکریده ئوز ئوزونه دانشیردی دییر الله فقط منی شرمنده المه بالالار یولومی گوزلور ) رقیه ایندی تل اوسته دوروبدور الده گیسوسی اوجالوب قمریلر مثلی سمایه ذکر یاهوسی حسینون آغلیور الان حرمده غملی بانوسی بشیکده من گلنده جان ویروردی تشنه آهوسی (رباب نقدر الیردی علی اصغری آرام الیه بولموردی اله آقا بو حالیده گلیر خیمه لره ) اولا صد حیف او مولانی قوشون دوره لدی مشکی اوخلاندی یوزه گوزلری قان یاش اله دی باغلادی کوفه لیلر حضرته چاره یولونی سالدیلار تندن اونون صاق قولونی صول قولونی (گوزونن اوخ وردولار، باشینان آهن عمود وردولار، امام زمان گوزلر دولوب قانیلان، آقانین گوزونه قان دولوب، خیمه لرین یولون ایتیریب، اله یانایانا دیدی عقاب منی خیمیه آپارما) گوزلرین قان بوریوب مرکبی ویلان دولانور خیمیه گیتسه بو احوالیله واویلادی یالوارور مرکبینه خیمه سرادن اوزاق اول تشنه لر گورسه منی روحیمه چوخ ایزادی یوخدی مشکیمده سویوم خیمه سرادن اوزاق اول اولا شرمنده گوروم بو اوخ آتان شدادی (قولار بدنده یوخ آتین اوستن یوزی اوسته گلدی یره قوشون جمع اولدی اولاری که جنگیده ابوالفضل آقانین قاباقینان قاچمیشدیلار الکی ابوالفضل آقا یخلدی آتدان ) دیدیلر بیچدی اجل داسی گل یاسی گلون آی قاچانلار گیدون یخدیلار عباسی گلون دولدی جمعیتیله نهریله میدان آراسی بیری دل یاره سی وردی بیری خنجر یاراسی باخدی اخیامه دیدی قلبیمی غم دلدی آقا گل حسین حضرت زهرا ئوزیده گلدی آقا (اوتوز دورد ایل حسینون محضرینده زندگی اله دی اما بیر دفعه قارداش چاغرمادی اوزمانیکه آتین اوستن یره گلنده دیدی قارداش ئولورم زینب دییر گوردوم تلین اوستونده حسینیم بیر خوشحال اولدی اونان رنگی سارالدی حسین نیه بو حالا قالوبسان قارداش؟ دیدی باجی اوتوز دورد ایل بو سوزون آرزو سندیدیم اونی اشیدمیشم ) سوزش لحن علمداریمده داغ داش سسلنور هیچ منه قارداش دیمزدی ایندی قارداش سسلنور (گلدی قارداش بالینینه یارالی باشین آلدی دیزی اوستونه یوزون قویدی ابوالفضلین قانلی یوزونه دیدی عباس گورورم گوزوه اوخ وروبلار نیلک، باشوندان آهن عمود دیوب نیلک، اما سندن بیر سوالیم وار ابوالفضل ) فرمایش ایتدی شه یانورام بو ملالیوه سویله گوروم نه گلدی او زیبا جمالیوه عرض ایلدی شها دیرم لیک غم یمه سن بیل ننون بو مسئله نی زینبه دیمه یاره دیر بو رسمیدی سرداره جنگیده آتدان دوشنده قالدی ایاقیم اوزنگیده مرکب دولاندروبدی منی قانه بورونموشم آتدان دوشنده تپراقین اوسته سورونموشم

*** سبک : یا امام زمان شیعه ده احساسه باخ ... شاعر : کلامی یا حسین داده گَل کوفه ده طوفانه باخ باغلانوب قولّاریم حال پریشانه باخ مسلم بن عقیل سسلنور الدخیل یا حسین جان 2 گلمیشم کوفیه حقّیوی اعلان وِرَم حاضرم گلشن معرفته قان ورم نولی یا سیدی سن باخاسان جان ورم دولانیم باشیوه باشدان آخان قانه باخ مسلم بن عقیل سسلنور الدخیل یا حسین جان 2 روبهان زمان جنگه چیخوب شیریله شیریوین قولّاری باغلیدی زنجیریله دوداقیم یاره لی ضربه ی شمشیریله ظلمیله پارچالانمیش لب و دندانه باخ مسلم بن عقیل سسلنور الدخیل یا حسین جان 2 دئمورم سیدی سیف بنی هاشمم هم سفیرم آقا هم قاپوا خادمم ای گل فاطمه سن آقاسان من کیمم عید اضحا ده گل یاره لی قربانه باخ

آتدان یئره چون دوشدی لیلانین عزیز اوقلی بیلمم نه حالا قالدی زهرانین عزیز اوقلی سو یرینه ایچدی قان علی اکبر روحی لک الفدا جان علی اکبر سسلندی گولوم لای لای، آرام دلیم لای لای دور تترور الیم لای لای، لای لای گوزلیم لای لای سن جدّیوه مهمانسان قوی منده گلیم لای لای سو یرینه ایچدی قان علی اکبر روحی لک الفدا جان علی اکبر کلامی زنجانی ‏#ترکی #حضرت_علی_اکبر #حاج_محمدباقر_منصوری