eitaa logo
⊰کانال مداحی ترکی باسبک ⊱
48.4هزار دنبال‌کننده
1.3هزار عکس
1.1هزار ویدیو
323 فایل
#اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Noferesti12 تعرفه وتبلیغات این آیدی👇🏼 @kianatv @Hazrate_Abalfazll ---⊱✾♡✾⊰---
مشاهده در ایتا
دانلود
خطبۀ حضرت زینب (س) در کوفه 📝▪️مرحوم معزی اردبیلی زینب اگر هر غمه تاب ایلدی فاطمه نی دیده پُر آب ایلدی گوردی دوشوب شهریده چوخ همهمه کوفه ده کفّاره خطاب ایلدی آند اولا قارداشیمون احساسینه آند اولا طاها کیمی سیماسینه آند اولا ایمانینه تقواسینه آند اولا پیمانداکی امضاسینه آند اولا شخصیت زیباسینه آند اولا عیسی کیمی انفاسینه آند اولا زیبا شرف النّاسینه آند اولا بامعرفت عبّاسینه فاطمه ی اطهره وابسته ام مثل حسین عاشق وارسته ام کوفه لیلر شیر زنم، زینبم اُخت امام حسنم، زینبم خواهر شاه زمنم، زینبم منقبته نور منم، زینبم حوریلره سر سخنم، زینبم بند دل بت شکنم، زینبم گر چه جلای وطنم، زینبم غرق ملال و مُحنم، زینبم دُرِّ گرانمائیه گنجینه ام معرفت و عفته آئینه ام نائبه ی مفخر حورا منم شیشه گلاب گُل زهرا منم طاهره.ی عالم تقوا منم نامور کرب و مُعَلّا منم دادرس عترت طاها منم خواهر باعصمت سقا منم آیه ی تطهیریده معنا منم ذرّیده لوحه ووران امضاء منم شاکره ی ربّی الاعلی منم صبریده ایثاریده دریا منم گلمیشم حقّیمدن اؤزوم دم وورام قصر ستم پروره پرچم وورام گُلشن حقون گُل معطوری ام رتبه ده فخر ملک و حوری ام فاطمه نون خاطر منظوری ام قانلی باشون عاشق پر شوری ام موسی عصرون دانیشان طوری ام حلقون ئوپندن ایله مخموری ام آغلامیشام حالینه مأجوری ام چونکی شریک غم عاشوری ام شامی آلام نطقیله مأموری ام امری ندور تابع دستوری ام آل محمد یولونا گول توکون ایندی نه کی باشلارینا کول توکون گوردی خانم مونسی گوز یاشیدور ساکت اولان نیزه ده قارداشیدور آغلیان احوالینه داغ داشیدور وای دئدی قرآن اونا یولداشیدور یا هدف پنجه ی اوباشیدور ساکت ائدن گوردی عدو داشیدور باش یارالی باشینه پاداشیدور هر یارادان باش یارالی باشیدور دوره ده کی حاجب و فرّاشیدور نقشه چکن نیزه ده نقّاشیدور گوردی حسین سجده گهین داش یاروب ووردی خانم محمله باش، باش یاروب گلدی دیله باخ منه سن قارداشیم قارداشی اللرده ئولن قارداشیم کوفه ده قرآنی دییَن قارداشیم آلنینا داش نی ده دَگن قارداشیم یاره لی میدانه دوشن قارداشیم قیزلاری آواره گزن قارداشیم آغلامیشام یارووه من قارداشیم باخ یاراما شاه زمن قارداشیم اولمادی دفنونده کفن قارداشیم زینبووم غرق محن قارداشیم آخدی یارامدان نجه قان زلفیمه عشقیده تئز ووردی نشان زلفیمه باخ گوزلیم عاشق رُخساریوه بیرده طبیبا خوشام ایثاریوه نسخه وی یاز غصّه لی بیماریوه جانی فدا دیدهٔ خونباریوه باغلامیشام دل هامی رفتاریوه مستحقم لطفیوه گفتاریوه ایله دعا نی ده فداکاریوه ضربهٔ محکم وورا خونخواریوه باعث اولا گرمیِ بازاریوه بنذَمیشم حیدر کراریوه نطقیده زهرا کیمی غوغا ائدوم شامیده هند اوغلونی رسوا ائدوم کولده گوروندی منه مرآت نور مسکنون اولموش گئجه بیلَّم تنور گور نقدر خولی اولوبدور جسور قویدی تنوره باشیوی قلبی کور دورد زن پاکیزه تاپوبدور حضور مطبخه زهرا ائلیوبدور عبور قویمادی تنها سنی سنگ صبور ئوپدی دوداقلاروی گورسندی شور سسلدی زهرا باشوا سنده وور آغلیا تا مریم و سارا و حور قاره عزالرده « معزی » گیَر اشکین الر گوزدن حسین وای دیر
🌿🌸🍃🌾🌼 🍃🌺🍂 🌿🍂 🍂 کوفه حاج اصغر فرشچی (عدلی تبریزی) سبک :احوالیمیز یاماندی.... ویردی صفا بو قلبه قرآن صداسی قارداش بیرده اوخی او لحنون زینب فداسی قارداش ایوای یارالی قارداش ایلدن آرالی قارداش باشون جداده قارداش عزم ایلیوبدی شامه دوندردی کوفه اهلی روشن گونومی شامه بیربیله ظلم ایدوللر یتمور نیه تمامه اول مونسیم بوچولده الله رضاسی قارداش ای یوسف مدینه قرآن تلاوت ایله منله دانش برادر مهرو محبت ایله کیم قویدی کو للراوسته باشون حکایت ایله سنده صورا کیمون وارکربوبلاسی قارداش یانّام گورنده قارداش بوداش آتان جماعت آد خارجی قویوبلار ایلور هامی شماتت نامه یازان شقی لرهیچ چکموری خجالت بو شهریده چوخ آز وار اولسون حیاسی قارداش گتمه کناره قارداش بوردا دایان بیرآز قال کهف آیه سین دوباره باشلا بوگویلومی آل ماه منیرزینب ایتمه خسوف ایشق سال سنلندی کاروانون نور و ضیاسی قارداش بو داش آتان جماعت مندن توان آلو للار بیر عدّه سی شماتت بیرعدّه کف چالوللار حیدرآتام یاراسین بوردا یادا سالوللار اولدی آتام سنون تک دینون فداسی قارداش عرشه چخان بوباشون کامه چاتوبدی قارداش دین اوسته ماسوانی گوزدن آتوبدی قارداش مطبخ سراده کوللر اوسته یاتوبدی قارداش بو باشوون نقدری وار ماجراسی قارداش گوردون دولوبدی قلبیم آلامه بس یارالی بوکوفه ایچره اولدون سن هم نفس یارالی قرآن صداسی اولدی فریاد رس یارالی وار دور تلاوتینده دردیم دواسی قارداش اولدون بو دینه قربان دین اهلی اولسون آگاه لازمدی هر مسلمان اولسون همیشه دین خواه دینه خیانت اللر اولسون گرکدی کوتاه خائین الی اولوبدی دینون بلاسی قارداش یاززینبون دیلینجه (عدلی) بو نوحه اولسون بوکاروان ایچینده بیر گل ندندی سولسون سوایستین زماندا قونداقی قانه دولسون باشین گورور بالانون آغلور آناسی قارداش اصغرباشین نی اوسته گورجاق دیوری ایوای گل سینمه صودوم وارگلمور بالا دیوروای فرض ایلوری قوجاقدا سسلور بالامدی لایلای آخرسوسوزویروب جان نازلی بالاسی قارداش 🌼 🍃🌼 🌸🍃🌼 🌾 🌸🍃🌼
زمان: حجم: 739.9K
احوالات کوفه ✍ به قلم استاد حاج اصغر فرشچی (عدلی تبریزی) اجرا:احسن دهقان
زمان: حجم: 2.09M
▪️احولات کوفه _ زبانحال خانم زینب س ✍بقلم کربلایی محمد هوشمند(مدهوش) بانوای ای نیزه نین اوستونده اولان داشه نشان باش قران اوخی زینب سنه قربان اولا قارداش وئر عالم امکانه صفا اوز نفسونن قران اوخی قلبیم اولا آرام سسونن گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---
▪️احولات کوفه _ زبانحال خانم زینب س ✍بقلم کربلایی محمد هوشمند(مدهوش) بانوای ای نیزه نین اوستونده اولان داشه نشان باش قران اوخی زینب سنه قربان اولا قارداش وئر عالم امکانه صفا اوز نفسونن قران اوخی قلبیم اولا آرام سسونن ای یاره لی باشی ائلیین نیزده معراج بیر باخ منه هجرون ائلییب صبریمی تاراج عالم سنه محتاجیدی منده سنه محتاج ای کان کرم مستحقم ائیله کرامت باخ نیزه نین اوستن منه وئر صبر و صلابت قربانون اولوم ماه کرم، شمس هدایت عشق آیه لرین خوش سسیله ائیله تلاوت تا روشن اولا جلوه ی حق نور حقیقت حق سوزلرینی قانلی دوداقدان اوخی قارداش قربان سسیوه لحنیوه قران اوخی قارداش عشقونده سنون هر نه بلا گلسه دایانام بیر سایه کیمی باشیون عشقونده دولانام اثبات ائدرم عشقیمی القانه بویانام ای جلوه حق آیت عظمای الهی ارشاد ائیله قربان سنه بو قوم تباهی سنسن هامی آزاده لره سرور و سالار سندن آلاجاق درس شهامت هامی احرار قویدون بو قیامونده جهان اهلینه معیار بیر کمیسه سنون تک شرف و جاهه چاتانماز حق عشقینه دونیانی بئله گوزدن آتانماز ای تشنه وئرن جانینی ،جانیم سنه قربان ای روح و روان، روح و روانیم سنه قربان ای جان جهان ، نام و نشانیم سنه قربان حیدر سنه قربان اولا زهرا سنه قربان زمزم سنه قربان اولا دریا سنه قربان ای تشنه اولان دینینه قربان سنه قربان حق اهلینه ای منطق و برهان سنه قربان ای جان جهان عالم امکان سنه قوربان قلبیم داریخیر بیر دیله گل زینبه سس وئر بو قافیله یوروقوندی اخا تازه نفس وئر مصباح هدی جلوه رخساریوه قربان ای یوسف حق حسنیوه بازاریوه قربان ایثاریوه پیکاریوه معیاریوه قربان زینب سنه قربان اولا زهرا سنه قربان ای جان جهان حیدر و طاها سنه قربان حق اوسته باتیب قانیوه ایثار ائلدون سن غفلتده یاتان امتی هشیار ائلدون سن تزویر ائلیین دشمنیوی خوار ائلدون سن سعی ائیله دی کفر اهلی که بو پرچمی یاتسین اما سنی اللهین اوزی ایستیر اوجاتسین ای قافله سالاریم اوزون ائیله نظاره سنسیز دوزه بیلمیر بالالار گئتمه کناره تقدیر اسیر ائتدی بیزی فرقه ناره سندنصورا قارداش باشا غم غصه توکولدی زلفی آغاریب زینبوین قدی بوکولدی ای حسنی دوتان عالمی ای یوسف زهرا مبهوت قالیب حسنیوه هر عاشق شیدا هر دم باجیوا ائیله نظر ای شه والا تا سیل بلا یخمیا کاشانه صبری لبریز ائلیوب گور نئجه پیمانه صبری دنیا بویی آزاده لره راهنماسن حق دینینه تا واردی جهان رمز بقاسن سن شیعه لرین رهبری فخر شهداسن ای قانلی یوزی جلوه جانانه تجلا قران اوخی قارداش ائله دشمن لری رسوا ننگ اولسون اولار کی آدینی قویدی مسلمان دونیایه گوره ائیلدی عقباسینی ویران دعوت ائله دی کسدی ولی باشیوی عطشان بو کوفه لیلر عهدینی سیندیردیلا قارداش سو وئرمدیله خیمه وی یاندیردیلا قادراش دعوت ائیلدی کوفه نون اهلی بیزی مهمان توکدی قانیوی کرب وبلا ایچره لب عطشان سن قانه بویاندین قالا دنیا بویی قران آهیم شرری ظلمین ائوین یاندیراجاقدی طاغوت لرین کاخ لرین سیندیراجاقدی کیم باده وحدت ایچه ذلتدن اوزاقدی کیم مست شهادت اولا ذلت دن اوزاقدی بو کوفه لیلر مهر و مروتدن اوزاقدی بو کوفه لیلر نامه یازیب باغلادی پیمان مهمانی سوسوز ائیله دیلر قانینه غلطان کیم سالدی کسوفه سنی ای مهر ولایت گول صورتیوه هاردا دوشوب بیله علامت هانسی ائوه اولدون قوناق ای کان کرامت غفلتده اولان هیبت سیم و زری گورمز کور اولسا اورک سن کیمی بیر گوهری گورمز
احوالات حضرت رقیه (س) آدیم رقیه دی هردرد بی دوایه دوادی که مدعی پوزا بولمز بابام قویوبدی بو آدی آدیم رقیه دی برج حیانون اولدوزویام من سه ساله فاطمه دی شهرتیم حسین قیزیام من آدیم رقیه دی نیسگیلریم اورکده چوخ اولدی بو آد یزیدیله وهابیلر گوزونده اوخ اولدی آدیم رقیه دی دریای محنتین بلی غرقی قبول ایتمسه بیر کس یزیدیله ندی فرقی؟ منم رقیه منیم قبریمی قازوبدی ئوز عمم بو دلنشین آدی تپراقیمه یازوبدی ئوز عمم آدیم رقیه دی معناسینی عدو بوله بیلمز بی بیم یازان آدی وهابیلر گلیب سیله بیلمز باش اندیرر مقامینه بونون خضوعیلن فلک مین  افتخاریلن   اوپر  غبار  مقدمین ملک سرای قلب عاشقه اولوب مقدس آدی حک قیامی  پایداریدو ر اسر  لواسی حشره جک قسم حسینه قلبیدن بو عشق پاکی آتماروق رقیه نون  محبتین  ایکی  جهانه   ساتماروق بودور نجابت آیه سی بودور شرف رساله سی بودور حیا و عصمت و فضیلتین مقاله سی شفاعت اللرینده دی بودور جنان قباله سی گلنده حشره حیدرون غزالۀ سه ساله سی توکر عذاره گوزیاشین یقین قیامت ایلیر حسینه آغلیانلاری اوگون شفاعت ایلیر گل واژه دلربا رقیه در ادب و حیا رقیه ریحانه کربلا رقیه محبوبترین دعا رقیه مه طلعت و لقا رقیه بر قاف شرف هما رقیه گر مست سن عاشق رقیه فریاد ایله سسله یا رقیه عجب عقیله یمیش راوی سه ساله عشق دیردی بختی قرالر ستاره نی نیلور نگاره منتظرم بوردا من نه سُوقاته قولاق که پاره لنوب گوشواره نی نیلور غروب اولاندا خانم عاشقانه آغلاردی دیردی نوحه دل ماسوانی داغلاردی دیردی بولمورم هانسی مکانداسان بابا جان رقیه جانیوه قربان هایانداسان بابا جان فراقتون قیزوا ایلیر اثر گئجه لر سنون وصالیوه خاطر اورک اثر گئجه لر نه چوخ سفرده یوباندون سنه گوزوم قربان آتا قویار گوزی یولدا قیزون مگر گئجه لر بو دفعه گلسون اگر قویمارام چخوب گیده سن سه ساله عاشقوه چوخ گلر یرون گئجه لر گمانین اولسا اگر باری نامه یاز گوندر غم ئوز ویرنده سالوم نامه وه نظر گئجه لر یازاندا نامه علی اکبرونده حالین یاز رقیه سیز گوروم آیا نه ایلیر گئجه لر منیم دیلیمجه دینن کوسموشم علی سندن دیمور که هیچ باجیمی کیمسه دیندیرر گئجه لر دوشنده یادیمه اکبر ستاریه باخورام گونوز گیدر گینه گویده گلوب گزر گئجه لر دینن ایتیب سنه آلان گوشواره آی قاراداش قولاقیمون یاراسی اکبر اینجیدر  گئجه لر گرک دوباره منه آیری گوشواره آلا روزه داران کیمی از بس که بابا آج سوسوزام اول آخشام باشیم اوسته مه تابان گزیرم تاپمشام ماهیمی العان قوی آچوم سفره میزی نچه مدتدی که افطاریمه مهمان گزیرم شرطی وار سفره نی بوش گورسن اگر کوسمویه سن یوخسولام نیلیوم احوالی پریشان گزیرم
روضه حضرت رقیه (س) سیاحته مردم گیدر چمن یرینه سنون خرابیه باشون گلوب بدن یرینه دیسم خرابیه خوش گلموسن سزا دیوری رقیه نون ولی خوش گلمیسن ئولن یرینه ایاقلارینان اوپردیم اولیدی گر ایاقون بو قانلی باشیوین اولام فدا گلن یرینه اشیدمیشم چوخ اوپرمیش آنان بوغازوندان قویوم دوداقیمی قوی بیر آنان اوپن یرینه (بیر باخدی اویارالی باشا) نه یاخشی گوزلریوی یوموسان فدا گوزوه گوزون ساتاشموری بوینومداکی رسن یرینه دانشموسان بابا یوخسا دوداقلارون یارادی؟ فدا اولبلریون من آغاج دین یرینه من کربلادن هلهله دن قوخموشام بابا اصغر ئولنن حرمله دن قوخموشام بابا (زینب باخوردی گوردی رقیه دوشدی بیر یانا اوقانلی باشدا بیر یانا) به نفس گرم: شیخ مسلم جعفری