‍ نوحه ترکی محمد باقرمنصوری متن شعر✍✍✍⬇️ (ای سپه سالار لشگر شیر نخلستان ابوافضل)۲ شیعلر سسلر همیشه (جان سنه قوربان ابوالفضل)۲ سن که گشدون باش و جان نان بیر مرام اعظم اوسته روز محشر پرچمونده نصب اولار هر پرچم اوسته تا قیامت غیرتونن سایه سالدون عالم اوسته ای فدای راه جانان یاور قرآن ابوالفضل (جان سنه قوربان ابوالفضل)۲ (ای سپه سالار لشگر شیر نخلستان ابولفضل)۲ (شیعلر سسلر همیشه جان سنه قوربان ابوالفضل)۲ (جان سنه قوربان ابوافضل)۲ سن منه باب الحوائج کیم گلیبدیر باشون اوسته ای مه تابان ابوالفضل (جان سنه قوربان ابوالفضل)۲ (ای سپه سالار لشگر شیر نخلستان ابوافضل)۲ (شیعلر سسلر همیشه جان سنه قوربان ابوالفضل)۲ وار یری ماه منیری اوزگونوم قیزلارسوروشسا شرح حالینان حرم نه یا اونو صغرا سوروشسا گلمسون مطلب خیاله نه دیوم قیزلار سوروشسا مشک خالی مدرکیمنی الده وار قوربان ابوالفضل جان سنه قوربان ابوالفضل ای سپه سالار لشگر شیر نخلستان ابوالفضل شیعلر سسلر همیشه جان سنه قوربان ابوالفضل

روضه_اربعین# گلنده کرببلایه زیارته زینب باخوب یانوبدی صداسیز ولایته زینب بیوردی سن ننمون اوغلونون یاتان یری سن علیُّ اکبرینون قانینه باتان یری سن نجه باخوم سنه باغلاندی سو یولی سنده سو اوسته دوشدی ابوالفضلمون قولی سنده مدینه دن سنه جاه وجلالیلن گلدیم تعجبم نیه محنتدن ئولمدیم سنده تمام عالمی آهیله یاندیروب زینب گوزین صاقا صولا بیر آز دولاندیروب زینب بلا چولونده کی انصار و یارین آختاردی ئورک گوزیله حسینون مزارین آختاردی دیدی حسین چوخ اولان دلده صبریوه قربان یاتوبسان هاردا باجون توزلی قبریوه قربان عزالی زائریوم ای شه جهان گلورم مزاریوی آلام آغوشه باغریقان گلورم شرار آه دلیم عرش طاقته چیخلوب قباقه چیخ باجوام یورقونام ایویم یخلوب (باخدی بیر قارداش قبرینه حسین) گرچه مقام عشق و ، وفاده اوجالمشام دنیا غمیله ئولمه میشم زنده قالمشام سن گوردوقون باجی دیرم چوخ قوجالمشام (خانم سوزلرین دیدی حسین هامینی گتیرمیشم اما حسین بیر رقیه نن شرمندیم حسین علتی وار بالامی گتیره بولمدیم) مریضیدور بالامون بولمدیم ندور مرضی نه بیر طبیب تاپلوب نه بیر دوا بالاما ساربانلار ئولدوردی یاتمیردی بیر گجه اونی آلدیم قوجاقیمه سینمده بستر آچدیم او یورقون قوناقیمه آهسته گتدی آغزنی قویدی قولاقیمه عمه غذا هاچان دیجاخ پس دوداقیمه

روضه_اربعین (درددل با کربلا) #حضرت زینب (ع) #بانوای بهنام تخت مینا

مداح جعفر مطلبی حیران باخورام تابوته نالم اوجالور لاهوته بوزینبه سس ویر اماندی سنسیز قیزون دیمه قالاندی قالسا بابا گونی تالاندی ایوای بابام ایوای بابام وای 3 یاندیم بابا جان گل گیتمه دردانه لرون ترک ایتمه گیتمه بابا باخ بو فکاره غمدن سینم دوشموش فشاره قان آغلورام ایله نظاره ایوای بابام.......... دردون نه یامان درد اولدی دنیانی یخان درد اولدی غمونده سینه داغلارام من باشه قرامی باغلارام من دولموش بولود تک آغلارام من ایوای بابا...... قال بو گیجه بابا گیتمه بوقلب لری قان ایتمه قال زینبون بیر اوخشاسین گیت قال سینه سینی داغلاسین گیت باشون یاراسین باغلاسین گیت ایوای بابا.......... ای گوزلریوون قربانی آغلاتما من نالانی صبر ایلرم امر قضایه بیر وعده ویر بو بینوایه غارت گونی گل کربلایه.. ایوای بابا**حیران باخورام تابوته نالم اوجالور لاهوته بوزینبه سس ویر اماندی سنسیز قیزون دیمه قالاندی قالسا بابا گونی تالاندی ایوای بابام ایوای بابام وای 3 یاندیم بابا جان گل گیتمه دردانه لرون ترک ایتمه گیتمه بابا باخ بو فکاره غمدن سینم دوشموش فشاره قان آغلورام ایله نظاره ایوای بابام.......... دردون نه یامان درد اولدی دنیانی یخان درد اولدی غمونده سینه داغلارام من باشه قرامی باغلارام من دولموش بولود تک آغلارام من ایوای بابا...... قال بو گیجه بابا گیتمه بوقلب لری قان ایتمه قال زینبون بیر اوخشاسین گیت قال سینه سینی داغلاسین گیت باشون یاراسین باغلاسین گیت ایوای بابا.......... ای گوزلریوون قربانی آغلاتما من نالانی صبر ایلرم امر قضایه بیر وعده ویر بو بینوایه غارت گونی گل کربلایه..

نوحه اربعین سبک :👇🙏 ای قلم سوزلرینده اثر یوخ به قلم افتخار کانالمون شاعر اهلبیت (ع) برادر عزیزم کربلایی ابراهیم تون خوشقلم میاندوآبی 🌺🌺🌺🌺🌺🌺🌺🌺🌺🌺🌺🌺 خانم زینب س👇👇 ای منیم شهریاریم حسین جان عِزَّت و افتخاریم حسین جان پیشِواز ایله غم کارِوانین سلب اولیبدور قراریم حسین جان امام حسین ع 👇👇 ای منیم باشیمون تاجی زینب اولموسان محنت آماجی زینب قبریمون اوستونه خوش گلیبسن وار سنه چوخ سوزوم باجی زینب خانم زینب س 👇👇 زینبون گلدی قارداش سفردن قیزلارون جان قوتاردی خطردن کوفه و شامی فتح ایلدیم من راحت اولدی باشیم قمچی لردن امام حسین ع 👇👇 ای منیم محنتیمدن عزالی سن یارالی باجی من یارالی آیریلیق چوخ چتیندور ، حسیندن لاجَرَم سن دوشرسن آرالی خانم زینب س 👇👇 دوزدی قلبیم غموندن یارادی چاره سی یوخدی چون بی دوادی هاردا ئولسم بونی بیل حسینجان روحیمون کعبه سی کربلادی امام حسین ع 👇👇 سن باجی دردِ عِشقَ دواسن قلبِ خیرالنسایه صفاسن کربلا قرضِدارون اولیبدور قهرمانِ شَهِ کربلاسن خانم زینب س 👇👇 هئچ دئمم باخ مَنِ دِلکَبابه یا گوزومدن آخان اشکِ نابه باخماسون زینبه عیبی یوخدی باخ اَقَلّاً آدامسیز ربابه امام حسین ع 👇👇 آغلیان گوزلرین جانفداسی آگَهَم وار ربابین نواسی سویله چوخ ائتمَسین آه و زاری سینم اوسته یاتیبدور بالاسی 🌺🌺🌺🌺🌺🌺🌺🌺🌺🌺🌺🌺 التماس دعا دارم

☑️اربعین حسینی زبانحال حضرت زینب کبری(س) حسین گل ئوزون پیشوازه گیدوبسن عجب خواب نازه واریمدی سنه حرف تازه حسین جان (۲) سندن صورا زینبون دوشدی دردوبلایه سندن صورا قیزلارون گلدی شورونوایه سندن صورا گئچدی باشلار حسین جان جدایه ایوای یارالی،یارالی ،یارالی،یارالی(3) بیزه کوفده ال چالوبلار منی مین بلایه سالوبلار اخا دل یاراسی ویروبلار حسین جان(۲) قانلی باشون نیزه اوستونده قرآن اوخوردی قرآن اوخویان باشوا عدو داش آتوردی گوردوم باشوندان حسین تازه دن قان آخوردی ایوای یارالی، یارالی،یارالی، یارالی(3) گلایه واریم اهرمندن آیردی بالالاری مندن اوزاق دوشدوم اهل حرمدن حسین جان (2) اولماز اوشاقین بیله ظلمه تاب توانی آغلاتدی یوللاردا دشمن رقیه بالامی قول باغلی قارداش دولاندیردی کوفیله شامی ایوای یارالی،یارالی،یارالی،یارالی(3) سوروشما سه ساله آنوندان سوروشما رقیه بالوندان سوروشما خرابه شامدان حسین جان (2) چیخماز رقیه بالامین غمی هیچ یادیمدان جان ویردی ویرانسراده رقیم آجیندان اولدوم خجالت رقیه بالوندان حسین جان ایوای یارالی  یارالی  یارالی(3) دیوم شامین هانسی بلاسین نجه نقل ایدوم ماجراسین مصیبت گوروب آل یاسین حسین جان (2) شام اهلی چیخموشدیلار شامیده پشت بامه بیرظلم ایدوبلر یتوب صدمه راس امامه اودسالدی شام اهلی اودلاندی باشدا عمامه ایوای یارالی،یارالی،یارالی،یارالی(3) دیوم یاحسین هانسی غمدن رقیمدن اهل حرمدن ویا کهنه بیرپیرهندن حسین جان (2) پرچم نصرمن الهی شام ایچره ویردیم کوفیله شاماته قارداش نجه لرزه سالدیم ویرموردیلر کوینگون  باری آغلیوب آلدیم ایوای یارالی،یارالی،یارالی،یارالی(3) باشون شمر الیندیدی گوردوم باشون نوک نیدیدی گوردوم باشون طشت زردیدی گوردوم حسین جان(2) منزل اولوب شامیده اهل بیته خرابه شمرلعین دوردی کینیله اوردا عناده جبریله قارداش بیزی چکدی بزم شرابه ایوای یارالی،یارالی،یارالی،یارالی(3) حسین کربلانون صفاسی بوشش گوشه قبرون بناسی اخا چوخ گوزلدی نماسی حسین جان(2) شش گوشه قبرون حسینجان من آغوشه آلام اولسا علاجیم بوقبرون کنارینده قالام دوشسم اوزاق کربلادن سولوب من سارالام ایوای یارالی،یارالی،یارالی،یارالی(3) ✍اشعارکربلایی ایوب روزبه بخشایش اللهم_عجل_لولیڪ_الفرج 👇

احوالات کوچ از شام از مرحوم حاج حیدر آقا خوندل زینب او گونکه عازم کوی نگاریدی آغلار گوزیله دشت غمه رهسپاریدی یعنی خرابه شامیدن ایستردی آیریلا اوز زلفی تک گونوز گوزینه لیل تاریدی اوّل مخاطب ایلدی شامین خانملارین ظاهرده قصدی آیریلیقا اعتذاریدی فرمایش ایلدی سیزه وار بیر سفارشیم بو شهریده اگرچه غمیم بی شماریدی بیز ایمدی کوچ ایدوب گیدیروخ بو دیاریدن بو گیتماقا بو قافله بی اختیاردی شوق وطن چکور آپارور دوزدی چون وظن بو باغری قان اولانلارا یثرب دیاریدی وار بو یول اوسته کعبه ی آمالی زینبون بو کعبه کعبه نین شرف و افتخاریدی عشق حسینیله گیدورم کربلایه من بیر یردی عشق گللرینون لاله زاریدی چوخ گل وار اوردا خاصّه گل سینه ی بتول هر ناامید اولان کسین امّیدواریدی بیرده بو قیز که گوشه ی ویرانه ده یاتوب عشق اهلینون قرار دل بی قراریدی پوزقوندی قبری گرچه محقّردی ظاهراً معناده کاخ عاطفه بنیانگذاریدی بیر آبرودی خلقتی سیمای خلقته شامین خصوص عزّتیدی اعتباریدی دنیانی دولدورار بو قیزین شان و شهرتی بو شهرین ایمدی گرچه غریبه مزاریدی بیر غنچه گلدی، گلشن عشق و محبّتین باد مخالفیله سولان گلعذاریدی هر لاله اولسا صحنه ی گلشنده داغ دل گویا بونون نشان دل داغداریدی یوخ چاره آیریلام گرک امّا گیدنمورم گوگلوم کمند عشق و محبّت شکاریدی قویماز کسم علاقه می قلبیم علاقه سی گویا بونون مواهب پروردگاریدی روحیم قالار خرابه ده گیتسمده، چون بو قیز جاندان عزیز قارداشیمون یادگاریدی شهزاده دی، رعیّتی نون غصّه مرگیدی افتاده دی محبّتی نون خاکساریدی آیری دوشوبدی جبریله ائلدن قبیله دن غربت اسیری گوشه ی عزلت فکاریدی قبرین بیله حقیر گوروب سانمیون حقیر بیر نازلی قیزدی گلشن عشقین هزاریدی چوخ یر گزوب خرابه نشین اولدی عاقبت بولدوم که گنج عشقه دُر شاهواریدی ازبسکه پا پیاده دولانموشدی چوللری گلبرگ تک ایاقلاری مجروح خاریدی حسرت باخاردی چوللره جان تاپشوران زمان بیر اکبر آدلی قارداشینا انتظاریدی آهو باخیشلی گوزلری آغلاردی ابر تک دلدن اگرچه درد و غمه بردباریدی آغلاردی، آغلامازدی که شمره اسیر اولوب شرح جنایت ایتماقا اشکی نثاریدی آغلار گوزیله نازیله حسرت باخیشلاری رشک نگاه آهوی چین و تتاریدی گل پیکرین قویاندا بو پوزقون مزاره من گوردوم که یاسمن گلینون نوبهاریدی بیر سرّیدور، بو نکته نی بیگانه آنلاماز مفهومی آشنای بلا آشکاریدی غارتده کربلاده آلینموشدی زیوری مقهور ظلم فرقه ی بی ننگ و عاریدی ویرموشدی باشه عمرینی ویرانه ده ولی گلبرگ تک وجودی هله زخمداریدی هر چند باد ظلمیله سولموشدی گل یوزی امّا او توزلی زلفی گینه مشکباریدی اشکین توکردی گل یوزینه ابر تک مدام بیر مقصدیله درد و غمه سازگاریدی مینلر بنای ظلمی ایدر گوزیاشی خراب قصر یزید گرچه جفا پایداریدی آخِر بو کاخ جوری یخار سیل اشکیله عمرینده چون بو نیّتیله اشکباریدی بیر گون پوزار بو سلطنت جابرانه سین عالم بولر که کیمده اولان اقتداریدی دنیاده گون بو گوندی بیله فرض ایدور یزید اوز بختینون گورور که هله کامگاریدی عصرین امامین اُلدوروری افتخار ایدور وار تاج و تختی خوش گونی خوش روزگاریدی محبوس ایدور خرابه ده آل پیمبری بولمور نه قدری گوز گجه شب زنده داریدی ازبسکه مست باده ی دنیای پستیدی شعر و شراب و زن گجه گوندوز شعاریدی میزانِ رشد عقلینی شرم ایلورم دیم سگ هم غذاسی یا که جلس کناریدی اسلامه ظاهراً اوزینی پیشوا بولور معناده گچه جور و جفا تاجداریدی اولماز حرامزاده مسلمانلارا امیر اسلام روحی بو عملین شرمساریدی بیر قان توکوبدی آنلامیوب قدر و قیمتین بولموب بو قان او قاندی که اللهه ثاریدی بی اعتنا بولر اوزینی روز محشره بیر گون گورر که منتقمین گیر و داریدی فکر ایلمور که زود گیدر دور سلطنت دنیا مثالی عمر و گونون جویباریدی انکار ایدور نزولینی وحیین پیمبره حشر و حساب منکری، بی بند و باریدی یوخ اعتقادی محشره ظلمین جزاسینه مست شراب شهوت و غفلت خماریدی محصور ایدوب مخالفه دشت عراقیده اهل حجازی، گو که اولار زنگباریدی اشیاخ بدرین ایستور آلا انتقامینی آل رسول دشمنی شرّ شراریدی خوندل هانی یزیدین او قصر مجلّلی فرش و حریر پرده لری زرنگاریدی بیر نچّه گوندی ظالمه فرصت زمانه ده دنیانین عیش و عشرتی ناپایداریدی

سلام علیکم خدمت کاربران محترم کانال پنج مریض زخم بستر داریم نیازبه تشک طبی سلولی داریم👆👆👆👆👆 ایزی لایف بزرگسال در هرماه 15بسته به نیازمندان نیازمندیم👆👆👆👆 وبه یک دستگاه اکسیژن ساز برقی نیازمندیم👉 خواهشمندیم کمک بفرمایید خادم کانال شعبان پور 6037998105409568 حاجیه شعبان پور

اربعین وداع از کربلا مرحوم حسینی سعدی زمان . ای گئچن ایکی قولدان صاحبِ علم قارداش شامید‌ن گلیب گتسین یثربه حرم قارداش . . ای آتام علی اوغلی ای وفالی قارداشیم دور پوزولدی پرگاریم ای رشید علمداریم . . یوخ اولان جلوداریم ای رشید علمداریم دور پوزولدی پرگاریم ای رشید علمداریم . . بیز گلنده یثرب د‌ن بو بلالی صحرایه پاسبانیدون یولدا، سن بناتِ زهرایه ایندی یوخ اولا اکبر، سرپرست لیلایه قالمیوب منه محر‌م بیر نفر خد‌م قارداش . . ای آتام علی اوغلی ای مهِ بنی هاشم قبله‌گاهِ آمالیم ای وفالی قارداشیم سن شهید اولان گوند‌ن قان اولوبدی گوز یاشیم دمبد‌م گلوب موجه، گوزلریمده یم قارداش . . تا بو غملو صحراده، تاپدی ال سنه لشگر قارداشیم حسین ئولدی، یاندی خیمه ‌لر یکسر عترت پیمبرده قالمادی زر و زیور سویدی آلِ اطهاری، فرقۀ ظُلم قارداش . . هاشمیّه لر اهلِ شامه دستگیر اولدی مه جبین بالا قیزلار، سربسر اسیر اولدی پاسبان خواتینه فرقۀ شریر اولدی سرو قدیمی ائتدی بو قضیّه خم قارداش . . وارد ایلین ساعت کوفیه بیزی اوباش شه باشی کیمی سنده نیزه ده اولیدون کاش تا گوریدون آل الله بیر نجه توکور قانیاش قیزلارا وورور قمچی شمر دمبدم قارداش . . قلبیمه بیر اود ووردی ظلم ابن مرجانه باجوی دانیدوردی طعنه ووردی قرآنه قتلیمه اولوب عازم دوندی گوز یاشیم قانه فاطمیّه نسوانه وئردی یوز اَلَم قارداش . . ائتمرم سنه شکوه هئچ بلا و محنتدن داد شام ظلمیندن الامان شمادتدن آغلاسام سزادور قان بو غم و مصیبتدن کف چالوب بیزی گورجک فرقۀ ستم قارداش . . رأس شاه عطشانی نیزه ده گورن یکسر هم رکابدور شاهه بُلدی رأس سرلشگر سویلدی یقین رجعت ایلیوبدی پیغمبر فتح ایچون گلور شامه نصب ائده عَلَم قارداش . . بو سفرده اندوهیم، گرچه چوخ مزید اولدی قدّیمی بوکن اما، مجلسِ یزید اولدی بیر مقامه ایش چاتدی، دورماقیم شدید اولدی زیرِ تارِ قلبیمد‌ن، اولدی ناله بَم قارداش . . قلبیمی بو نسگل چوخ، گتدی محنت و درده جان خرابه ده وئردی، بیر بالام قوری یرده حالینه باخیب توکدوم، گوزیاشی رخِ زرده قالدی بی‌کفن دختِ شاهِ محتشم قارداش . . گنجِ عصمته مدفن، اولدو کنجِ ویرانه آل حیدرین اشکین، دوند‌ریب بو غم قانه اول گولیله ویرانه، دوندی بیر گولستانه رشک ائدر او گلزاره، گلشن اِرم قارداش . . من آجام دئدی ئولدی سرّی قالدی مکتومه اول زمان نه حالت یوز وئردی گور بو مهمومه ایلدیم کفن قاره کوینگین او مظلومه بیر غزال وحشی تک صبریم ائتدی رم قارداش . . «سعدیِ زمان» سندن لطفینی کسوب مولا بیر بیله دعالردن یوخدی بیر اثر اصلا باخما علت و اسقام ایلوری سنه ایذاء لطف ائدر گئنه زهرا نوحه قیل رقم قارداش @اربعین_

سلام علیکم خدمت کاربران محترم کانال پنج مریض زخم بستر داریم نیازبه تشک طبی سلولی داریم👆👆👆👆👆 ایزی لایف بزرگسال در هرماه 15بسته به نیازمندان نیازمندیم👆👆👆👆 وبه یک دستگاه اکسیژن ساز برقی نیازمندیم👉 خواهشمندیم کمک بفرمایید خادم کانال شعبان پور 6037998105409568 حاجیه شعبان پور

نوحه شام غریبان بانوای#کربلایی_منوچهر_حسن_زاده شاعر#کلامی_زنجانی ای دردیمون آگاهی ای زینبون اللهی یاندیردیلا خرگاهی ای زینبون اللهی پرچم عاشورا اللرده قالدی حسینون قیزلاری چوللرده قالدی جان ویردی نماز اوسته قربانی عاشورا یرلر دیدی یا حیدر گویلر دیدی یا زهرا گون باتدی آی ئولدوزلار گورسندی شب غوغا یوخ هاشمیان ماهی ای زینبون اللهی دل شام غریباندا دلداره عزا ساخلار دشمن سو یولون باغلار اما قولومی باغلار آخدیقجا سو ناز ایلر باخدیقجا رباب آغلار ئولدی صود امر ماهی ای زینبون اللهی چاتدی بیزه دشمندن بیر کهنه یانان خیمه بیر چادری مشعل بی نام و نشان خیمه عباسی سالور یاده گیزلین قورولان خیمه یوخ دبدبه و جاهی ای زینبون اللهی شمع غم اولوب زینب قیزلار هامی پروانه باهم یانوروق بلکه جانلار چاتا جانانه زهرانی ایدک دعوت بو شام غریبانه چوخدور اورگیم آهی ای زینبون اللهی بو قانه باتان صحرا محراب شهیداندی سجاده کنارینده یتمیش بدن عریاندی شاه شهدا باشی بیگانیه مهماندی آهیم اونون همراهی ای زینبون اللهی آز قالدی دل زاری بو محنت اوخی یارسین الله بو بیاباندا زینب کیمه یالوارسین مقتلده گیدوب بیر قیز باش سیز بدن آختارسین چون اوردادی دلخواهی ای زینبون اللهی بو قورخولی طفلانه صبر ایله عطا زینب تا وادی طوفاندا ایثار ائله سین زینب عباسه الیم چاتمور قلبیمده بو دور مطلب گوندر اسداللهی ای زینبون اللهی

نینوا دشتی کیمین آه و نوایه گلورم اربعین ماتمینه کرببلایه گلورم یارالی اللریمیلن یارالار باغلامیشام داغلانان سینمی هجران غمیوه داغلامیشام کاملاً آغلاماقی اربعینه ساخلامیشام باشدا هجران قره سی بزم عزایه گلورم گلمیشم کرببلاده غم و اندوهه یانام قبریوین کعبه کیمین دورونه آغلار دولانام بو قرا پرچمیوین سایه سینه دالدالانام دردمندم یارالی دار شفایه گلورم بو سفرنامه نین آیا هاراسیندان دانیشیم بولمورم دشمنیوین دیل یاراسیندان دانشیم یا کی شاماتیده غم ماجراسیندان دانشیم قانلی باشونله حسین سایه به سایه گلورم سنین عشقیندی حسین زینبی هر یانه چکیب وطنیمدن آییریب کوه و بیابانه چکیب کوفه و شامه چکیب منزل ویرانه چکیب داغلی قلبیم دولوسی درد و گلایه گلورم بولمورم قبره قویوب کیم او داغیلمیش بدنین کیملر آماده ائدیب قانلی وجوده کفنین آلموشام قتلگهینده سویولان پیرهنین اربعین دوتماقا عطشان شهدایه گلورم دوزدی قلبیم دولوسی عرض ارادتدی حسین ئوپورم تربتیوی فیض زیارتدی حسین ولی بیر باره ده زینب نه خجالتدی حسین کی همین باره ده افغان و نوایه گلورم نه خرابه نه رقیه غمیدی نیسگیلیدی باخیشی غصه لی گفتاریده شیرین دیلیدی گجه سی گوندوزی اهل حرمه بیر ایلیدی التماس ائتدی رقیَّنده دعایه گلورم واصف مرندی

محمد هوشمند: درد دل با برادر بو گون قرخ گوندی قارداش بی قرارم بو گون قرخ گوندی هجرانه دچارم بو گون قرخ گوندی زینب دلغمین دیر اویان قارداش اویان دور ، اربعین دیر بو گون قرخ گوندی چوللرده اسیرم سنه منزل به منزل دستگیرم مزارین اوسته گوزده سو گتوردوم بیر عده دلغمین آهو گتوردم منیم خورشید عشقیم باتما قارداش ایاقه دور منی آغلاتما قارداش منه دور اکبریم دن بیر خبر ویر علی اصغریم دن بیر خبر ویر بو گون قرخ گوندی سینم ده کوزوم وار سنه بیر اربعین قارداش سوزوم وار باجین مخموردور جانان سسیندن سنین جانبخش اولان قران سسین دن اویان شمع وفانی بیر آلیشدیر بو یوللار یورقونون بیرده دانیشدیر بو گون قرخ گوندی عالم غرق غم دی سراسر غصه و بار الم دی بو گون قرخ گوندی گلشنده خزان وار دل زینب ده بیر آتشفشان وار بو گون قرخ گوندی دشمن کام آلیب دی باجون چوللرده سرگردان قالیب دی بو گون قرخ گون دی سینم ده فغان وار نوای نی ده بیر سوز نهان وار یارالی پیکرین باشسیز قالیب دیر باجین ظلیمله قارداشسیز قالیب دیر بو گون قرخ گوندی قلبیم قاندی قارداش باجین نار فراقه یاندی قارداش بو گون قرخ گوندی سن سعی و صفاده گزورسن من دالینجا پا پیاده بو گون قرخ گوندی که نوک جداده گیدوبسن کوفه و شامه جهاده محبت کشتی سی طوفانه دوشدی حرملر کوفه ده زندانه دوشدی نشان اولدی دوداقین خیزرانه باجین اودلاندی قالدی یانه یانه دیار شامیده سولدی بهاریم منی تک قویدی خردا غمگساریم رقیه م شامیده ائتدی اقامت ولی سندن منی ائتدی خجالت اورکده قالدی قارداش آرزوسی بو قبر اوسته اولیدی های وهوسی بو قرخ گون زینبی قرخ ایل قوجاتدی ولی قرخ قرن دن آرتیق اوجاتدی بو قرخ گون ، باشیمه غملر توکولدی اوجالدین سن، منیم قدیم بوکولدی سالیبسان عالمه غوغانی قارداش دیریتدین تا ابد قرانی قارداش دئییب حق ،حق یولوندا قانه باتدین وئریب باش ، تا جهان وار باش اوجاتدین شکسته نی کیمی گلدیم نوایه خوشام گلدیم دوباره کربلایه کرگ شکر ائیلییم پرودگاره یتیردی لطفیله دلداری یاره عجب اولدی منای حق ده میقات گلم بیرده بیله دیداره هیهات اربعین1400 # مدهوش هوشمند التماس دعا

🏴نوحه حضرت زهرا(س) ✍ کربلایی طاهرنوروزی 🎼سبک: یا فاطمه من عقده دل وا نکردم.. یافاطمه ای حیدرون آرام جانی بوتزلگه ترک ایلمه غملی جهانی ای جان حیدرگیتمه آماندی طاهایه کوثرگیتمه آماندی(2) _________________ قویما علی یالقوز. قالا. دهر. فناده یوخدورشرف گوردون اوزون اهل جفاده سنسیز علی. تز. غرق. اولار. بهر. بلاده ای یار حیدرگیتمه آماندی طاهایه کوثرگیتمه آماندی(2) __________________ ای مرتضانین دهرده غمخوار گیتمه غملی. زماندا. محرم اسرار. گیتمه ای دوقوزایل شیرخدا دلدار گیتمه ای یار. حیدر گیتمه آماندی طاهایه کوثرگیتمه آماندی(2) __________________ سنسیز منه دهر فنا زنداندی زهرا بوگوزلریم هجرانوه گریاندی. زهرا دورت گلرین دورگورنجه نالاندی زهرا ای یارحیدر گیتمه آماندی طاهایه کوثرگیتمه آماندی(2) _________________ آغلور حسن سیلور. منیم نالان ننم وای سیلی وران صورتنه عدوان ننم وای زینب دیور وای سینه سی القان ننم وای ای یارحیدر گیتمه آماندی طاهایه کوثرگیتمه آماندی(2) ____________________ اوپور حسین ایاقوی گلور نوایه دیور آنا گل بیرقوناق کربوبلایه اغلا اوزون بوخامس آل عبایه ای یارحیدر گیتمه آماندی طاهایه کوثرگیتمه آماندی(2) ___________________ حضرت مهدی قاره سین باغلار بوغمده اهل سما. بزم عزا. ساخلار بوغمده نوروزی آهیله اورک داغلار. بوغمده ای یارحیدر گیتمه آماندی طاهایه کوثرگیتمه آماندی(2) 🌴🌴🌴🌴🌴🌴🌴🌴 التماس دعا👋👋 ✨اَللّهُمَّ عَجِّل لِوَلیِّکَ الفَرَج✨

نوحه اربعین (سبک : نماز اوسته ننه سنگرده ....) حسینجان قبروین اوسته عزالی کاروان گلدی باجون زینب خلاص اولدی ولی قدّی کمان گلدی ننم زهرا کیمی سنه دلبستیم اوزاق یول گلمیشم حسینجان خستیم **** اولوبدور قوللاریم نیلی مثال یاسمن قارداش آلوب گتدیم نه غارت اولموشیدی خیمه دن قارداش بو گهواره بو گوشواره بو قانلی پیرهن قارداش باجون زینب الینده آسمانی ارمغان گلدی ننم زهرا کیمی سنه دلبستیم اوزاق یول گلمیشم حسینجان خستیم بو کوینک مدرک اثبات عشق پاک و نابیمدور بو کوینکده یازوبلار عشقیمون حدّین کتابیمدور بو کوینک قبریمون فانوسیدور گُولدور گلابیمدور اوجالدی عطری هر یردن منه تاب و توان گلدی ننم زهرا کیمی سنه دلبستیم اوزاق یول گلمیشم حسینجان خستیم سنه حاشا دیم دیندیر بو جمعی بیربیر آی قارداش فقط امکانی اولسا دور ربابی دیندیر آی قارداش دئنن آل قانلی قونداقی سینونده گزدیر آی قارداش سینون اوسته یاتان تشنه غزاله میزبان گلدی ننم زهرا کیمی سنه دلبستیم اوزاق یول گلمیشم حسینجان خستیم گلایم وار سنه قارداش فلکدن صبریمی آلدی سنون عشقون اولان قلبه یانان خیمون تک اود سالدی رفیق نیمه راه اولدی رقیّه شامیده قالدی بو بابتدن اولوب شرمنده زینب باغریقان گلدی ننم زهرا کیمی سنه دلبستیم اوزاق یول گلمیشم حسینجان خستیم ** حسین غفاری اردبیلی بانوای مداح اهل بیت.....کربلای فیاض

ای قارداشیمون قولسوز علمداری ابوالفضل پیشواز ایله بو غصه لی زوّاری ابوالفضل عشق حاجیلری کعبۀ آمالینه چاتدی سالک نجه کی رتبۀ اجلالینه چاتدی قیزلار پر آچوب منزل اقبالینه چاتدی دور قارداشوین بو چوله زوّاری یتیشدی اللرده ئولن شاهون عزاداری یتیشدی یغدیم باشیما جمع دل افکاری گتیردیم یورقون یارالی خرداجا قیزلاری گتیردیم هجران ایلیوب عمرلرین یاری گتیردیم قلبینده بو آواره لرون چوخ سوزی واردی هر تک تکینون سنده ابوالفضل گوزی واردی یولّاردا گوزوندن ایراق ای کان کرامت دشمن آتاسیز قیزلاری چوخ ایتدی اذیّت نه شمر و سنان شرم ایلیوب چکدی خجالت نه رحم ایلدی قیزلارا پیغمبره خاطر وردی آتاسیز قیزلاری بیر معجره خاطر بیکس بالالارون یوزه گوز یاشی آخیردی هر قیز که ییوب سیلی سنی داده چاغیردی سسلوردی عمو شمرون الی داشدان آغیردی حق نورینی ایستور بودنی سوندوره تز گل چوللرده حسین قیزلارینی ئولدوره تز گل تا سن واریدون ای مه زیبا و خجسته ال کیمسه آچانمازدی گلیلن قیزلارین اوسته سندن صورا ظلمیله اولوب اللری بسته سایون که جفائیله کسیلدی باشیمیزدان دشمن بیزی مأیوس ایلدی قارداشیمیزدان تا سن واریدون ای ائلیمون محکم حصاری دلده واردی قیزلاریمون صبر و قراری چپ کیمسه باخانمازدی اخا قیزلارا ساری یورقون بالالار ماتم و اندوهه بَلَندی سندن صورا قارداش باشیما کوللر اَلندی یاتجاق علمون بیکس حسینون پری سیندی گنجینه اجلالیمیزون گوهری سیندی بو خرداجا قیزلارون اخا شهپری سیندی بیلدی دوشجک تک تکی چولدن چوله قارداش شاید نچه سی قمچی لر آلتدائوله قارداش هر قیز که دچار اولدی اخا زجر سنانه ال باشه قویوب گلدی او دم آه و فغانه سسلندی ابوالفضل سنی داده یانا یانه دشمن لجاجتله عناد اوسته دوراردی کیم آدوی دوتسیدی اونا قمچی ویراردی کوچ ایتدوق او گونکه بیزی بو لشگر آپاردی فکر ایلمه بو لشکر کین پرور آپاردی یوخ یوخ بیزی سر نیزه ده کی دلبر آپاردی دوشدوک یارالی باشلارا خاطر چوله قارداش آز قالدی بو قیزلار چوخی یولدائوله قارداش شاهددی بیزیم حالیمزه گنبد نیلی آغلاتدی آی ئولدوزلاری سوز دل لیلی اوچ یاشدا قیزا فکر ایله بیردن دگه سیلی او طفل حزینون ایله آرامینی آلدی بش بارماقینون یوزده گویرمیش یری قالدی سندن صورا امنیتیمیز گور نه یوخ اولدی دل یاره لری سینمیزه اوچ پر اوخ اولدی شامون محنی کرب و بلادنده چوخ اولدی اوّلده بیزی چکدی عدو بزم شرابه اولدی صورادان منزلیمیز کُنج خرابه نه سقفی واریدی نه اونون فرش و چراغی نه یاتماقا بیر بستر و بالشنه اطاقی مسکن بیزه اولمیشدی او ویرانه بوجاقی گرچه گیجه سی ظلمیله قارداش سحر اولدی گوندوزلری امّا گیجه سیندن بتر اولدی شامون یغشوب قیزلاری دیداره گلردی مین محنت و غم اوندا بو خونباره گلردی چوخ نخوتیلن بعضی سی گفتاره گلردی بعضیلری چوخ بغض و عناد اوسته دوراردی بعضی سی بیزه دل یاراسی گونده وراردی گورجک اولاری دیده خونبار رقیّه فوراً پوزولاردی دل و افکار رقیّه اوندا من اولاردیم گنه غمخوار رقیّه آهسته باخوب تای توشونا اشگین اَلَردی بوینون قویوب ئوز چیگنینه حسرتله ملردی بعضی سینون امّا اورگی حالینه یاندی آهسته گلوب منزل ویراندا دایاندی یولداشلارونون ایتدیگی اعماله اوتاندی گلدی دله عرض ایلدی ای ماه مدینه سن اکبره خاطر بیزی عفو ایله رقیّه سن طوطی پر بسته شاه شهدا سن هر بیکس و مظلومیه غمخوار و رجا سن دردی اولانون دردینه عالمده دوا سن «فرهاده» خانم بیر نظر ایله الی بوشدی دنیاده بیلورسن که سنون عشقوه خوشدی 👇

مداح بزرگوار استاد مطلبی

گوزل  قد ملروه جان   فدادی  تزگل آقا دل اهلینون ایشی آه و نوادی تز گل آقا شمادت  ایلوری   بیرعده   منتظرلریوه جهان.شیعه لره غم  سرادی   تزگل آقا ایکی اوزلی عاشق الونن یورولموسان سنده یالانچی عاشقین عشقی جفادی تز گل آقا نقدر جمعه سایاخ گونلری تمام   الیاخ بوزندگی بیزه سنسیز  فنادی تز گل آقا بدون حسن جمالون جهانون ارزشی یوخدی سنیله کل  جهان  با  صفادی تز گل آقا هایانداسان آقا گل گل . دل اورگشوب دیماقا گوزلدی گولدن آدون . دلر بادی تزگل آقا گوزل آدون داریخان دللره اولوب ازبر دعای ذکر  شب  بینوادی   تز گل آقا سالوبدی هجرون اودی چوخلارون یامان درده او هجر دردونه . آدون دوادی تز گل آقا اوکس کی درده دوشوب گوزیاشی آخور یوزونه هوای زنده گیسی غم فزادی تز گل آقا قاروشوب حقیله باطل جهاندا کیم کیمه دی ایشق گونوزبیزه  سنسیز قرادی تزگل آقا مسلمانی نجه سالموشلا بیربیرین جانونا مسلمانا بوجفالر  سزادی ؟  تیزگل آقا جنایته  ال آچوب  داعش و  وهابیلر بوقدر ظلم و جنایت روادی؟ تزگل آقا امیدیمیز آقا یابن الحسن فقط سنسن دیساخ کی غم بیزی یوردی بجادی تزگل آقا نه لر یازاخ  نه دیاخ   حسرت  و فراقونن دارخموشوخ سوزوموزتک دعادی تزگل آقا (مٌطّلّبون)یوزی قاره قاپوزدا بوشدی الی محبته ال  آچوب باخ . گدادی تز گل آقا(التماس دعا مطلبی) ✨اَللّهُمَّ عَجِّل لِوَلیِّکَ الفَرَج✨

بانوای عبداللهی=====👆 ‍ زبانحال حضرت زینب (س) بعداز شهادت حضرت رقیه گریز به کوچ از خرابه دیلدن دوشدون ای خسته بلبلوم ظلمیله آخر سارالدون گولوم یات بالا آسوده     مقصدیوه چاتدون قانلی باشی گوردون    عمّه وی سن آتدون        قالدی یوزونده بعضی علامت    یوخدی دوگن یات قبریده راحت                  لایلای بالام (۲) لایلای عزیزیم یات .لایلای عزیزیم یات دائم بولود تک رقیه دولدون یاشاماقدان جهاندا یورولدون زجر ایلیوب سندن    زینبی شرمنده چولده قالان گوندن  دوشدی دیلون بَنده     فاطمه تک بالا چوخ دوگولوبسن      قمچی لر آلتیندا سن ئولوبسن                لایلای بالام(۲) لایلای عزیزیم یات..لایلای عزیزیم یات آتمادون اکبر فکرین باشوندان دامنون ایسلاندی گوز یاشوندان عمّه وی بو نسگیل     ایلیوب آواره گیتدی قولاقوندان    غارته گوشواره       هی دیدون اکبر هاردا قالوبدی          تُحفه سینی غارتگر آلوبدی                 لایلای بالام(۲) لایلای عزیزیم یات...لایلای عزیزیم یات یاندوردون،اوت ووردون سن دیل لره هر زمان ، لایلای چالدون اصغره حرمله ظلموندن   قلبون اولوب شأن شان سن تک عزاداره   خسته بی بون قربان         هیچ دیمورم باخ ،آل ترابه       دور بالا سس ویر غملی ربابه                 لایلای بالام(۲) لایلای عزیزیم یات..لایلای عزیزیم یات ای اولان پرستوی مدینه رقیه  عازموخ اربعینه قسمت اولوب گویا    محضر ثارا... گویلون اگر اولسا    دور بالا بسم ا....       لنگه وروبسان غملی قطاری        سال یولا باری زینب زاری               لایلای بالام(۲)

عرض ادب خدمت ارباب بی کفن (مداح مطلبی) (ای صفای قلب زارم) ای پناه بی پناهان یاحسین ای شاه خوبان سنه ای زهرا بالاسی شیعیانین جانی قربان سنه من نوکرم / آدیوی سسلرم ئولونجه یا حسین/ قاپوندان گیتمرم حسین جانم حسین امیری یا حسین لرزه سالدن کائناته سَس یتیشدی شش جهاته یتیریبسن ای لب عطشان خضری سن آب حیاته قیامون زنده دی / آدون پاینده دی جهانین شاهلاری / قاپوندا بنده دی شوکتون ضرب المثلدی عزّ و شأنون بی بدلدی آلتی گوشه قبرون ارباب عرش اعلادن گوزلدی من اولدوم دلغمین / گدانین دوت اَلین آقا سن بیل آنان / چاغیر بو اربعین مدفنون چوخ دلگشادی قتلگاهون غم فزادی تل زینبده یانار دیل خیمه گاهون با صفادی اولاندان قحط آب / اولوب دیللر کباب گمان لایلای چالور / گینه آغلیر رباب عَلقم اوسته آی باتوبدی اشکیمی قانه قاتوبدی اوردا بیر غیرتلی سردار ایندی شرمنده یاتوبدی وجودی دوغرانیب / سینیخ قلبی یانیب گلنده خیمیه / سو مشکی اوخلانیب شَرف آل عباسن سن شه گلگون قباسن من یوزی قاره غلامم سنده شاه کربلاسن اَیا سِبط رسول / سنی جان بتول گدای (بیکَسم ) / منی ایله قبول