نوحه شهادت حضرت زهرا (س) باخ علی گوزلریمه غصه لی سوزلریمه لطف ائدوب ایله عمل بو وصیتلریمه غسلومی وئر گئجه دفن ایله منی سنه تاپشوردوم حسین و حسنی 🌴🌴🌴🌴🌴🌴🌴🌴🌴🌴🌴 آز ملال ایله علی آز خیال ایله علی باغریقان فاطمه نی گل حلال ایله علی تک قویور فاطمه وجه الحسنی سنه تاپشوردوم حسین و حسنی آی منیم دادرسیم منیم عشق و هوسیم باشیم اوسته گل اوتور داخی چخمور نفسیم ترک ائدور فاطمه بیت الحزنی سنه تاپشوردوم حسین و حسنی سیلی دگدی یوزومه اثر ائتدی گوزومه گوردو آغلور حسنی منیم آخر سوزومه کوچه ده گوردی او درد علنی سنه تاپشوردوم حسین و حسنی سینه مون وار یاراسی یارامون یوخ چاراسی یاره مه باعث اولوب در و دیوار آراسی ائتدی مسمار پر افتاده منی سنه تاپشوردوم حسین و حسنی منه یاس ساخلیاسان اوخشیوب آغلیاسان گلن اولماز یاسیما قاپلاری باغلیاسان بالالار گرم ائده بزم محنی سنه تاپشوردوم حسین و حسنی قاپوم اوتلاندی منیم شهپریم یاندی منیم سینه مون آخدی قانی کوینگیم قاندی منیم زینبیم گورمیه اول پیرهنی سنه تاپشوردوم حسین و حسنی عشقیمی آتمیاسان منی آغلاتمیاسان یاتمیونجا زینبیم لطف ائدوب یاتمیاسان قویما پوزقون گوره سولموش چمنی سنه تاپشوردوم حسین و حسنی #باخ_علی_گوزلریمه #فاطمیه #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 تعرفه وتبلیغات این آیدی👇🏼 @kianatv @Hazrate_Abalfazll ---⊱✾♡✾⊰---

زبانحال حضرت زهرا سلام الله علیها . مرحوم سید حسین رجایی . گل عمو اوغلی باشیمی آل دیزیوه توکمه گوز شبنمیوی گل یوزیوه آیریلیق دوزدی چتین مرحله دی آغلاما فاطمه قربان گوزیوه . . یتشوب موسم هجران اولورم غصه دن باغریم اولوب قان اولورم یوخ ئولوم دردینه درمان اولورم آغلاما فاطمه قربان گوزیوه . . دولدوروب سینه می اندوه و محن گدیرم محضره پیغمبره من دویموشام بو دیریلیقدان بولوسن آغلاما فاطمه قربان گوزیوه . . هجر پیغمبره یوخ منده دوزوم آغلری بسر نچه مدّتدی گوزوم گوزلوری قابض الارواحی گوزوم آغلاما فاطمه قربان گوزیوه . . گل غنیمتدی بو آخر نفسیم صون نفسده منیم اول دادرسیم بولوسن ئولماقا وار چوخ هوسیم آغلاما فاطمه قربان گوزیوه . . حقیمی اهل جفا الدن آلوب غصّه تاثیریدی رنگیم سارالوب سنه نسگلدی الیم یوزده قالوب آغلاما فاطمه قربان گوزیوه . . نه روا مجلس شورا قورالار رای آلوب درگهیمی یاندیرالار نیلمیشدیم منه سیلی ورالار آغلاما فاطمه قربان گوزیوه . . بزم خلوتگه یاره گدیرم دلخوشام وصل نگاره گدیرم حیف اولا سینه ده یاره گدیرم آغلاما فاطمه قربان گوزیوه . . بزم یاره هر او کس دعوت اولور زینتی فاخر و پرقیمت اولور محسنین قانی منه زینت اولور آغلاما فاطمه قربان گوزیوه . . دیسه جدّیم که بو رخساره ندور یوزده کی سینه ده کی یاره ندور نه دیوم من باباما چاره ندور آغلاما فاطمه قربان گوزیوه . . سنی شاهد توتورام بو سوزومه لیل تار اولدی ایشیق گون گزیمه دییرم سیلی ویربلار یوزمه آغلاما فاطمه قربان گوزیوه . . سنه قورموشدوم او گون بزم عزا هله یاسلیدی هامی آل عبا وردیلار اوت قاپیه اهل جفا آغلاما فاطمه قربان گوزیوه . . بیر یارام وار یاراسی گتمیه جاق حشر اولونجا منی ترک اتمیجاق قنفذین قمچی یری گتمیه جاق آغلاما فاطمه قربان گوزیوه . . ولی بو سینه مین آثاری بابا کشف ایدیر ضربت مسماری بابا بویادی قان در و دیواری بابا آغلاما فاطمه قربان گوزیوه . . حکم اولوب ظلمیده حدّدن چخالار منی ضرب لگدیله یخالار در و دیوار آراسیندا یخالار آغلاما فاطمه قربان گوزیوه . . هر بلا گلدی دوزوب غم یمدیم حق رضاسی واریدی اینجیمدیم دین یولیدی دایانوب لا دیمه دیم آغلاما فاطمه قربان گوزیوه . . قوی ئولوم قورتولوم ای شاه زمن قالمیوم بو غم ایامیله من سرّیمی غسل ورنده بولسن آغلاما فاطمه قربان گوزیوه . . ای رجایی سوزون آغلاتدی منی پور بینا گتوروب شوره سنی گوردی تا آغلادی بو سر سخنی آغلاما فاطمه قربان گوزووه . #گل_عم_اوغلی_باشیمی_آل_دیزیوه #رجایی_تبریزی #فاطمیه فایل صوتی👇👇👇 #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 تعرفه وتبلیغات این آیدی👇🏼 @kianatv @Hazrate_Abalfazll ---⊱✾♡✾⊰---

منیم وفالی همسریم                          آغلارام زهرا بقیعده قالدی گوزلریم                          آغلارام زهرا بو زندگیده خیر یوخ فاطمه سنسیز گوزیمده وار دیرسن اوخ فاطمه سنسیز بوقان اورک داریخدی چوخ فاطمه سنسیز ئورکده قالدی اللریم آغلارام زهرا  وای زهرا وای زهرا بقیعده مجلس ایلرم هر گجه برپا تک اگلشوب تک آغلارام دردیمه زهرا سسیمه سس ویرر فقط ئوز سسیم تنها آدون اولوبدی ازبریم آغلارام زهرا وای زهرا وای زهرا مزاریون داشین گلیب اشگیله سیلّم ائشیتمه سم گوزل سسون غصّه دن ئولّم گجه اولاندا قبریوه تک دوروب گلّم یاران ساغالدی دلبریم آغلارام زهرا وای زهرا وای زهرا فلک الیمدن آلدی بیر باوفا همسر سن اولماقیلا دهریده تک قالوب حیدر الیم، دلیم، قاپیم، منیم باغلانوب یکسر قرانلق اولدی گونلریم آغلارام زهرا وای زهرا وای زهرا قویاندا قبره جسموی کاش ئولیدیم من بئلیم بوکولدی فاطمه بو مصیبتدن قوجاخلیوبدی دیزلرین مرد خیبرکن باتوبدی ماه انوریم آغلارام زهرا وای زهرا وای زهرا بلال شامیدن گلوب حیدره غمخوار بیلوبدی ئولماقون سنون سینه سین داغلار حسینه گه اذان دییر گه ئوپوب آغلار موذن پیمبریم آغلارام زهرا وای زهرا وای زهرا حسین بلاله یالوارور ایلوری شیون حزین سسیله ای عمو بیر اذان سسلن آنام گلر ائوه اگر سن اذان وئرسن داریخدی قلب مضطریم آغلارام زهرا وای زهرا وای زهرا حسینی ساخلاماق اولوب چوخ بیزه دشوار یوخودا هی گورور سنی دیسگنوب آغلار قبولی یوخ آناسینی ئولدوروب مسمار دیور هایاندا مادریم آغلارام زهرا وای زهرا وای زهرا اولوبدی «عینی فرد» گِنه دیده لر گریان دیور آنام وای آغلوری شاه مظلومان علی دیلیجه یاز سوزون مطلعین باشدان منیم وفالی همسریم آغلارام زهرا وای زهرا وای زهرا #منیم_وفالی_همسریم #عینی_فرد #فاطمیه فایل صوتی👇👇👇 #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 تعرفه وتبلیغات این آیدی👇🏼 @kianatv @Hazrate_Abalfazll ---⊱✾♡✾⊰---

شهادت حضرت زهرا عم اوغلی دل نار غمه داغلاما سنه قربان سن آغلیسان من دوزنمیرم آغلاما سنه قربان عم اوغلی گل محفلی بیرمحفل وصال ایله قاباقکیلار مثلی گینه رفع هر ملال ایله ایاقووا دای دورانمورام گل منی حلال ایله  ندیم عم اوغلی یورولموشام چوخ یوروب منی دوران اگرمن ئولسم عذاریوه سیل اشکیوی، آشما فراقیمه صبرایله علی ،قلبه تیرغم ساشما حسن یانندا عم اوغلی چوخ کوچه صحبتین آشما چیخا علی بلکه کوچه نین دردومحنتی یاددان او بلبلم کام آلانمادیم بیردویونجا گلشندن همیشه غم غصه عمروده همره اولدولار مندن اگر چه گیتماقه راضیم دویمادیم ولی سندن ایدیم نه چاره گرک گیدم دعوت ایلیوب جانان بجادی نار فراقیمه سینه یاندیرا زینب اورک خم درد و محنته یا بویاندیرا زینب نه وقتیدی ایندیدن هله ائو دولاندیرا زینب هله بونا تزدی غصه دن نی کیمی ایده افغان بوغم منی نا گران ایدیب ای شهنشه دوران اجازه ویر دل ملالینی ایلیوم سنه اعلان حسینه وقتینده سو ویرین قویمیون قالا عطشان ایچنده سو لبلریندن ئوپ یادایله منی هرآن اگر چه دلگیرم علی وار رمق هله تنده ئورکده وار آرزوم اوتور منده عهد ایدیم سنده حسین دوشنده چوخور یره سنده گل علی منده گلنده بیر کاسه سو گتور؛سوگرک ایچه قربان #عموغلی_دل_نار_غمه #فاطمیه فایل صوتی👇👇👇 #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 تعرفه وتبلیغات این آیدی👇🏼 @kianatv @Hazrate_Abalfazll ---⊱✾♡✾⊰---

نوحه شهادت حضرت زهرا(س) وصیت به مولا علی علیه السلام ⬛️ ساقی کوثر ئولورم یاعلی فاتح خیبر ئولورم یاعلی گل اوخو قران منه ای سروریم یار پیمبر ئولورم یاعلی علی علیجان علی(۲) جان سنه قربان علی(۲) ⬛️ اهل سمانین اورگین داغلاما صورتووه گوزیاشووی باغلاما فکریمی برهم ایلمه دلبریم صون نفسیمده بو قدر آغلاما علی علیجان علی(۲) جان سنه قربان علی(۲) ⬛️ شیشه ی عمریم چالانوبدور داشا عمروم آز اولدی ولی چاتدی باشا دردیمی گیزلتدیم ئوزوم آغلادیم قارداشیم اولمادی دیَم قارداشا علی علیجان علی(۲) جان سنه قربان علی(۲) ⬛️ دختر طاهانی ندن ویردیلار همسر مولانی ندن ویردیلار اولمادی حق اوسته دورا بیر نفر غمزه‌ده زهرانی ندن ویردیلار علی علیجان علی(۲) جان سنه قربان علی(۲) ⬛️ درگهیمی ثانی گلوب یاندیروب قول قنادیمی او ندن سیندیروب گورنجه ظلم ائتدی او ملعون منه محسنیمی قانینه بویاندیروب علی علیجان علی(۲) جان سنه قربان علی(۲) ⬛️ عفو ائله تنها قویورام من سنی ترک ائدورم بو پوزولان گلشنی گوندوز اگر ئولسم عموغلی گجه گیزلین آپار قبر ائوینه سن منی علی علیجان علی(۲) جان سنه قربان علی(۲) ⬛️ #ساقی_کوثر_اولورم_یاعلی #فاطمیه فایل صوتی👇👇👇 #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 تعرفه وتبلیغات این آیدی👇🏼 @kianatv @Hazrate_Abalfazll ---⊱✾♡✾⊰---

یتیش امداده یا فضه قاپوم یاندی بالام ئولدی منیم حالیم پریشاندی دوت الیمدن علی جانی توکولور سینمون قانی یارالاندیم یارالاندیم یارالاندیم دؤزرم هر بلایه حق رضا اولسون گرک عاشق رضای هر قضا اولسون قوری جانیم فدای مرتضی اولسون دیرم یا علی مولا اودی تاج سر زهرا یارالاندیم یارالاندیم یارالاندیم آتام الدن گئدوب فضه عزادارم بولوسن فرقت طاهاده بیمارم ئوز ائویمده مریض بی پرستارم بو نه اوددی یانور فضه ئورگیم اودلانور فضه یارالاندیم یارالاندیم یارالاندیم نجه گور عالمه غوغا سالوب زهرا یارالی محسنون عطرین آلوب زهرا در و دیوار آراسیندا قالوب زهرا منی ضرب لگد یخدی جانی جیرانیمون چخدی یارالاندیم یارالاندیم یارالاندیم کیم علی خواه اولا دؤنمز حقیقتدن قاپوسی یانسادا قاچماز شهادتدن ئولر عشق اهلی ال چکمز ولایتدن که علیدور شه مردان اونا زهرا اولا قربان یارالاندیم یارالاندیم یارالاندیم حسنیم حالیمی بیلسه جگر داغلار قاپونون شعله سین گورسه حسین آغلار آناوای سسلنوب زینب عزا ساخلار دیر الله آنام ئولدی سینه سین میخ در بُولدی یارالاندیم یارالاندیم یارالاندیم نجه زهرا دؤزَر الله بو بحرانه توکولوب دیو و دد باب سلیمانه دم مسماریلن سینم باتوب قانه ئورگیم غصّه سی چوخدی یارامی باغلیان یوخدی یارالاندیم یارالاندیم یارالاندیم شاعر: ولی الله کلامی زنجانی #یتیش_امداده_یافضه #فاطمیه #کلامی فایل صوتی👇👇👇 #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 تعرفه وتبلیغات این آیدی👇🏼 @kianatv @Hazrate_Abalfazll ---⊱✾♡✾⊰---

یتیش امداده یا فضه قاپوم یاندی بالام ئولدی منیم حالیم پریشاندی دوت الیمدن علی جانی توکولور سینمون قانی یارالاندیم یارالاندیم یارالاندیم دؤزرم هر بلایه حق رضا اولسون گرک عاشق رضای هر قضا اولسون قوری جانیم فدای مرتضی اولسون دیرم یا علی مولا اودی تاج سر زهرا یارالاندیم یارالاندیم یارالاندیم آتام الدن گئدوب فضه عزادارم بولوسن فرقت طاهاده بیمارم ئوز ائویمده مریض بی پرستارم بو نه اوددی یانور فضه ئورگیم اودلانور فضه یارالاندیم یارالاندیم یارالاندیم نجه گور عالمه غوغا سالوب زهرا یارالی محسنون عطرین آلوب زهرا در و دیوار آراسیندا قالوب زهرا منی ضرب لگد یخدی جانی جیرانیمون چخدی یارالاندیم یارالاندیم یارالاندیم کیم علی خواه اولا دؤنمز حقیقتدن قاپوسی یانسادا قاچماز شهادتدن ئولر عشق اهلی ال چکمز ولایتدن که علیدور شه مردان اونا زهرا اولا قربان یارالاندیم یارالاندیم یارالاندیم حسنیم حالیمی بیلسه جگر داغلار قاپونون شعله سین گورسه حسین آغلار آناوای سسلنوب زینب عزا ساخلار دیر الله آنام ئولدی سینه سین میخ در بُولدی یارالاندیم یارالاندیم یارالاندیم نجه زهرا دؤزَر الله بو بحرانه توکولوب دیو و دد باب سلیمانه دم مسماریلن سینم باتوب قانه ئورگیم غصّه سی چوخدی یارامی باغلیان یوخدی یارالاندیم یارالاندیم یارالاندیم ✍شاعر:استاد کلامی زنجانی #فاطمیه_۱۴۰۳ #شهادت_حضرت_زهرا_سلام_الله_علیها

نوحه حضرت علی اصغرع زبانحال مادر شاعر:کلامی زنجانی نوای :کربلایی منوچهرحسن زاده گوزلرون قربان ای راحت جانیم نیمه جان اوغلوم شش ماهه جیرانیم منده عطشان بالا لایلای گولوم لایلای سینه سوزانم بالا لایلای گولوم لایلای آغلیوب اوغلوم دنیانی آغلاتما آه سردونله زهرانی آغلاتما یات قوجاقیمده سقانی آغلاتما چوخ پریشانم بالا لایلای گلوم لایلای قوی اوغول دریا صحرالره آخسون یاندروب آهیم عالملری یاخسون میزبان ایچسون اما قوناق باخسون دیده گریانم بالا لایلای گلوم لایلای ایسته جان اما صود ایستمه مندن فاطمه جانی شرمندیم سندن آژ قالور یورقون روحیم چخا تندن مرغ بی جانم بالا لایلای گلوم لایلای آلتی آیدور من خو تاپمیشام سنلن ایله الفت بو یار فروتنلن یوخدی تقصیریم کوسه اوغول مندن گور نواخوانم بالا لایلای گلوم لایلای بیلمدیم دشمن سو یولارین باغلار حالیوی گورسه کیم سینه سین داغلار الده بوش مشگی سقا سنه آغلار من هراسانم بالا لایلای گلوم لایلای شاخه خشک اولسا گلدن گلاب اولماز باغبان آغلار قلبینده تاب اولماز عاشقون چوخدی هیچ کس رباب اولماز غرق طوفانم بالا لایلای گلوم لایلای #کربلایی_منوچهر_حسن_زاده #به_یاد_زنده_یاد_سلیم_موذن_زاده #پیشنهاد_دانلود #حاج_ولی_اله_کلامی_زنجانی #سلیم_نظرآباد #مداحان_اردبیل #پیشنهاد_دانلود #شادی_روح_سلیم_صلوات

نوحه حضرت رقیه س شاعر:کربلایی محمدهوشمند بانوای:کربلایی منوچهرحسن زاده یاده سالموسان بو غریبه نی خوش گلوبسن ای مهربان بابا باخ رقییوه باخ خرابیه گورهارا اولوبدی مکان بابا سن منی گوزوندن سالان کیمین ائیلدی فلک باغریقان منی هر زمان فراقینده آغلادیم یولدا ووردی شمر و سنان منی تنگه گلدی از بس سیزیلدادیم سالدی چوللره ساربان منی قورخلی بیاباندا حالیمه بیر نفر یوخیدی یانان بابا باخما منزلیم بیرخرابه دی یوخدی فرشی توپراقدی بستریم قال قوناق بیزه فخر ائدیم سنه باشوون فداسی بو گوزلریم طعنه و شمادت ائدیر بیزه شام قیزلاری یوخدی یاوریم درد هجریوه من دوزنمیرم آیریلیق آلیب دی توان بابا وای منه سنین گول دوداقلارین علتی ندور تازه قان وئریر بو یارالی باشین خرابه ده باشوون بلاسین نشان وئریر باشیوی کسن لرسنین بابا گور بیزه هایاندا مکان وئریر تنگه گلمیشم بو خرابه ده بس گولور منه شامیان بابا هانسی بیر شل اولموش جفا الی من بلاکشی ائیلدی یتیم بوینوون دامارلارینی کسیب قان ائدوبدی گوز یاشیمی منیم قال یانمیدا گئتسون اجازه وئر منده باشیوون آردیجا گلیم تنگه گلمیشم درد و غصه دن دیلده چوخدی درد نهان بابا تک خرابیه گلموسن اوزون پس هانی علی اکبریم منیم یوخ عموم ابوالفضلیدن خبر هاردا قالدیلار ائللریم منیم تاپمورام آلام بیر قوجاقیمه هاردادور علی اصغریم منیم یوخ منه بیرهمدم بو شهریده غصه قلبیمی ائتدی قان بابا #کربلایی_منوچهر_حسن_زاده #کربلایی_محمد_هوشمند #سلیم_نظرآباد #مداحان_اردبیل #پیشنهاد_دانلود #شادی_روح_سلیم_صلوات

‍ یاروی گوردوم الیم بوینومدا قالدی فاطمه آچ گوزون باخ گور نجه حیدر قوجالدی فاطمه بوترابی عیبی یوخ تیره ترابه ساتموسان یات گجه لر یاخمیام زهرا نه راحت یاتموسان (یارالی زهرا گت سنی تاپشیردوم آلها) بیلمورم بو مدتی بویاریه دوزدون نجه سن حسینه الده بیر کوینک توخوردون هر گجه بیلمدوم زهرا چاره ایدردیم یاروه چوخ اورکلندیم اوتاندیم باخماقا رخساروه (یارالی زهرا گت سنی تاپشیردیم آلها) قاخمیوردی بیر الون روشندی بو مطلب منه کاش دیوردی سینوندا یارسین زینب منه ایلیوب الان قرانلوقدا حسینون سینه چاک عاجزم نیلیم اوشاقلارون ئوزین ایلور هلاک غسلیدن اَل ساخلارام فکر اتمه حیدر دینجلور من یودوخجا ایندی مسمارین یرینن قان گلور گوزلریمدن قان سوزور سینده کی یاره کیمی فاطمه آواریم طفلان آوارن کیمی (یارالی زهرا گت سنی تاپشیردیم آلها) من نه حاله قالمیشام گویا فقط زینب بیلور قالخزور خیردا الین گوز یاشیمی یوزدن سیلور وار قاباخدا آگهم نه ماجراسی زینبین بیرده باشیدن آچیلماز باش قراسی زینبین بو فلک قویماز قیزیم عمرینده لحظه دینجله قوی سنه غسل ایلیم زینبده اورگنسون هله بیر گونی زینب دوشر شامه وطندن دور اولار اوچ یاشیندا بیر قیزا غسل ایتمگه مجبور اولار #یاروی_گوردوم_الیم_بوینومدا_قالدی #فاطمیه فایل صوتی👇👇👇

#یاروی_گوردوم_الیم_بوینومدا_قالدی #فاطمیه #مهدی_رسولی

‍ ✅ حضرت فاطمه زهرا ( س ) سبک: تو مشکتو تو آب زدی.... 🌺 نوحه شهادت حضرت زهرا (س) ای مونس و یار علی یار    وفادار      علی پشت و پناه مرتضی زهرای غمخوار  علی ایاقه   دور   بی کمک   قالان  حیدرم من فراقینده   قلبی   اوتلانان    حیدرم  من ندیم   زهرا   درد هجرانه  یوخدی  چاره منی تک قویدون هارا گئتدون سینه یاره مهربان فاطمه              قلبی قان فاطمه 🔸🔸🌹🔸🔸🌹🔸🔸🌹🔸🔸 دلخسته   یاریم        فاطمه دار   و   نداریم         فاطمه سولدون سارالدون غصه دن سولدی     بهاریم      فاطمه جوان زهرا هجروه   باشه   قاره   سالدیم غمیم چوخ یوخ غمگساریم آواره   قالدیم الی قوینوندا   فلک   قویدی   من  غریبی سنون یارون تک بودردین یوخدور طبیبی مهربان فاطمه              قلبی قان فاطمه 🔸🔸🌹🔸🔸🌹🔸🔸🌹🔸🔸 سن سیز  جهانی    نیلرم جسمیمده   جانی   نیلرم یوخ محرمیم سینمده کی درد      نهانی        نیلرم غمون چوخ گلدی آغیر مهر و  ماهه  زهرا گرک دردیم من دییم سن سیز چاهه  زهرا منه دوقوز ئیل شریک درد و غم   اولدون وجودین یوردی بلالر  قدی   خم   اولدون مهربان فاطمه              قلبی قان فاطمه 🔸🔸🌹🔸🔸🌹🔸🔸🌹🔸🔸 باخ زینبون     آغلور    گوزی ایوای ننم   اولموش   سوزی بنذور قنادسیز   بیر    قوشا غم غصه دن سولموش یوزی دیور الله    دویمادیم   من  غملی   ننمدن آنامین دردی ئولونجن  چئخماز   سینمدن نجه من   طاقت   ائدیم   بو     درده الهی آچیق    قالدی   جا نمازی    یئرده     الهی مهربان فاطمه               قلبی قان فاطمه #تومشکتوتوآب_زدی #ای_مونس_و_یار_علی #فاطمیه #معروفان

#ای_مونس_و_یار_علی #فاطمیه #جواد_سجادزاده

روضه حضرت زهرا(س) بسم الله الرحمن الرحیم چرا زیوسف زهرا خبر نمی آید؟ چرا غم شب مارا سحر نمی آید؟ عزیز فاطمه مهدی بیا به مجلس خود مگر به روضه مادر پسر نمی آید؟ سن گلمسون بو مجلسین اولماز دوزی دادی زهرا ننون گلر سوروشار اوغلوم هاردادی؟ آقا به جان مادرت، آن مادر غم پرورت مارا مرانی از درت، یابن الحسن یابن الحسن آقا هلالی قاشیوه، اوچ یوز اون اوچ یولداشیوه گلسون دولانوخ باشیوه، یابن الحسن یابن الحسن یابن الحسن یابن الحسن(۴) تار موی تو به دنیا ندهم یا زهرا خاک کویت به ثریا ندهم یا زهرا آن در سوخته را که در عرش خداست به در جنت العلی ندهم یا زهرا آن قنوتی که به یک دست ادایش کردی به نماز شب اسرا ندهم یا زهرا ای بنازم شرفی را که به هستی دادی به دو عالم شرفت را ندهم یا زهرا ای عالم اسلامین صبحونده صفا زهرا امدادایله اسلامه یافاطمه یا زهرا ای احمد مختارین دلبسته ودلخواهی گون عرش جلالونده بیر نقطه دی واللهی گون نقطه اولان یرده آیدان نه دیسین شاهی شاهی سنی وصف ایلر نه شیخ وشهنشاهی سنسیز نیه لازمدی شعر وشعرا زهرا سن صبح ولایت سن،سن عمر امامت سن سن روح کرامت سن،سن عین عبادت سن سن کوثر رحمت سن،سن جوهر عصمت سن سیلی سنه نئیلر سن،باشدان باشا غیرت سن قلبوندی سنون مکه،دردوندی منا زهرا فاطمه مشتاقی گرچه درد و سوز و داغ اولار فاطمه مشتاقینی آتسان اوتا اوت باغ اولار سن چراغ رهنماسن جانلارا یا فاطمه سنسیز انسان غرق اولار اعصیانلارا یا فاطمه سن منه بیر یول بویورسان ای گدای درگهیم تا عبد ناز ایلرم سلطانلارا یا فاطمه آی گویلره یردن چوخ آوازه سالان احسن سن آتشه امر ایتسون اول گلشن، اولار گلشن بسدور سنه بو منصب ای قلبی یانان غمدن سلطان شهیدانی سن تربیت ایتدون سن سن محشر کبراسن یا کرب وبلا، زهرا؟ اوجالدی شعله سرشک ملال توکدون سن حیات گلشنیوه بذر ماتم اکدون سن قاپی دالندا خانم بولمورم نه چکدون سن بونا امام زمان آشنادی یا زهرا (خانم یوزون دولاندردی زینبه) اوحالدا آچدی گوزون مادر قبیله عشق بویوردی زینبینه قوخما ای عقیله عشق غم ایتمه گر آناون غم سراسی واردی قیزیم سولوبدی یاسمنی بزم یاسی واردی قیزیم یازم بلیمیش اویمده سنا قابرقالارم الیوی سینمه ورما یاراسی واردی قیزیم دیمه بو شهریده یوخ بیر کسی غریب آنامین هله غریب آناوون مرتضاسی واردی قیزیم الیمی دوت دولانوم بیر عمواغلومون باشنا طواف کعبه عشقون صفاسی واردی قیزیم باش آچما باشیمون اوستونده ای فرشته غم سنون باش آچماقوون ماجراسی واردی قیزیم بو قدری آغلاما زینب توکمه گوز یاشیوی قاباخدا قارداشیوون کربلاسی واردی قیزیم (اما زینب یوزون دولاندردی ننه سی زهرایه ننه بولورم نه دیرسن) گوز آچ یاتما ننه آغلور حسینین آغلور حسینین غمونده سینه سین داغلور حسینین داغلور حسینین قاباخدا وار منه چوخ غملی گونلر چوخ غملی گونلر اوچولده سسلرم مظلوم حسینیم مظلوم حسینیم نجه طاقت گتیریم قمچیلره دوزه بولمم ننه جان قمچیلره قاپیوی یاندران اعدا بولورم وراجاخ اوت ننه جان خیمه لره زینب سنه قربان ننه قلبیم اولوبدی قان ننه لای لای ننه لای لای ننه ✨اَللّهُمَّ عَجِّل لِوَلیِّکَ الفَرَج✨ #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 تعرفه وتبلیغات این آیدی👇🏼 @kianatv @Hazrate_Abalfazll ---⊱✾♡✾⊰---

🎤مداحی "کربلایی مرتضی بیابانی" ایام فاطمیه

▪️نوحه شهادت حضرت زهرا (س) 🎼سبک:گلدیم هرایه قارداش آی قهرمان اباالفضل... 🎼سبک:ای دست دلرباسی مشکل گشا اباالفضل... آرام جان حیدر روح و روان حیدر دور یاتما قان ایجینده یار جوان حیدر قلبیم صفاسی زهرا(۲) دردیم دواسی زهرا (۲) دور گور نه خستیم من قوللاری بستیم من آچگوزلرون عزیزیم قلبی شکستیم من قلبیم صفاسی زهرا(۲) دردیم دواسی زهرا (۲) ای یار باوقاریم ای نازنین نگاریم سن قانووه باتوبسان الدن گئدوب قراریم قلبیم صفاسی زهرا(۲) دردیم دواسی زهرا (۲) ای روح سرنوشتیم سنسن منیم بهشتیم زهرا طوافون ایلر هم دیر و هم کنشتیم قلبیم صفاسی زهرا(۲) دردیم دواسی زهرا (۲) حیدر سنه قان آغلار باشینه قاره باغلار تا عمری وار عزیزیم یاسونده سینه داغلار قلبیم صفاسی زهرا(۲) دردیم دواسی زهرا (۲) سینون اولوب یارالی ای مصطفی مارالی قانه بویاندی محسن سندن دوشوب آرالی قلبیم صفاسی زهرا(۲) دردیم دواسی زهرا (۲) ✍بقلم_کربلایی_حسن_طیبان_میانجی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 تعرفه وتبلیغات این آیدی👇🏼 @kianatv @Hazrate_Abalfazll ---⊱✾♡✾⊰---