🎤مداحی "کربلایی مرتضی بیابانی" #فاطمیه

#حضرت_زهرا_س هیچ کیمسیه وفا اِیلمز چرخ کجمدار خلقی مدام درد و غمه اِیلیر دچار اولسیدی گر وفاسی اِیدردی پیمبره پیغمبرین اوزین گتیروب تنگه روزگار تاکید اِیدردی امته طاها بو نکته نی آنلانمیون که یوخدی بو دنیایه اعتبار آگاهیدی بشرده اولان نَفسه لاکلام بو نکته نی سفارش اِیدردی اودور کِرار قدرین جهاندا بولمدیلر موقع حیات پی در اذیت اِیتدیله پنهان و آشکار دائم دِیَردی امته آگاه اولون هاموز مندن صورا علیدی سیزه میر تاجدار اینجیتمیون، رضایتی الله رضاسیدور اولسا رضا یقین اولاسیز سیزده رستگار نعم المسیر علی یولودور واقفم اونا بو شرطیلن که حُبی اولا دلده استوار یوخدور علیدن اوزگه سیزه یار و رهنما دلدن یانار خلایقه چون بو بزرگوار مندن صورا ولایتینه پایبند اولون بیعتلروز مباد اولا دهریده شعار طاها بولوردی امت علی حقینی دانار فرمایش اِیلمیشدی دگور دور از انتظار امری خلاصه آلدی یرین روزگاریده سالدی آرایه تفرقه بیر عده اهل نار جمع اولدولار سقیفیه بو نیتیله که بلکه خلافتیندن اولا شیر حق کنار بیر حالیده بو فکره او دم دوشدی نچّه پست تازه علی و فاطمه اولموشدی داغدار هیچ کیمسه بیر دئموردی که آیا نه علته بو ظلمی ایلسوز شه بی یاره آشکار جرات تاپوپ بو خاطره اهل سقیفه نی بِیت ولی حقّه طرف اولدی رهسپار ازّل که دوگدولر قاپونی اولمادی جواب ویردی لگد او درگهه بیر نچّه کین شعار زهرا نه گوردی چکدی علی آه جانگداز قان آغلادی او حاله غلافینده ذوالفقار عرض اِیلدی عم اوغلی علی اذن ویر منه من لااقل گیدوم قاپیا تا گوروم نه وار اذن آلدی گلدی پشت دَره دخت مصطفی نطقه گلوب بویوردی که ای قوم نابکار بیز دن نه ایستیسوز گورسوز که عزالیوخ دلدن یتوبدی عرشه بو ماتمده آه و زار سس گلدی که گرکدی علی بیعته گَله گوزلور یولون خلیفه اونون ایندی بی قرار دستوریدور اگر قاپونی آچماسان بو دم درگاهیوه بیز اوت ویراروخ درگهون یانار گلدی جواب اِیلمیون بیله فکر خام من قویمارام ولی خدا تاپسین انکسار روباهه شیر فکر اِیدیسوز بیعت اِیلیر بو فعله اولمسوز، ایله بیر چوخ امیدوار نومید اِیتدی عاقبت اهل سقیفه نی اوت ویردلار همان قاپیا اولدی شعله بار یاندی گونون گون اورتا زمانینده درگهی معناده اِیتدی حضرت طاهانی اشکبار ای کاش آچیلمییدی قاپی، سال خیالیوه زهرا قاپی دالندا قالور ویرسلر فشار تنها نه پشت درده قالار دخت مصطفی محسن قالار مصیبته اول غنچه گول سولار اما آچیلدی مین ستمیله یانان قاپی حشره کیمین او غم دل عشاقی یاندورار زهرا چاغیردی فیضّه منیم دادیمه یتیش بو سس یتیشسه حیدره گور یاندورار یاخار؟ بیر حالیده چیخوبدی علی آستانیه ایستکلی یار یاره او دمده نجّه باخار؟ باخدی نه گوردی قان آپارور یار، یارینی مُحسن ایاخلانور قوری یر اوسته آشکار سسلندی سس یتور منه ای بضعه الرسول کُونلوم قوشی بو نوعیله بلکه تاپا قرار نطقه گلوبدی فاطمه بیر یا علی دیدی دیندیرسه یار یارینی واضحدی دم تاپار مخمور جام عشق مسیحادن آلدی دم دم ویرسه یار یاره اولار باده خوشگوار دوردی ایاقه محکم ایدوب باشدا معجرین گوردی اولوب ولی خدا مشکله دچار ظلمیله باغلانوبدی یدالله قولاری نطقه گلوب چاغیردی که ای قوم پست و خوار اَکملتُ آیه سین اوخیون والی دور سیزه والی حقه اِیلمیون ظلم بی شمار دامانینی محالیدی اَلدن ویرم اونون آمادیم یولوندا اِیدم جانیمی نثار بیله خیال اِیلمیون تک قالوب علی زهرا کیمی ولایتینین جانفشانی وار .....ادامه دارد 🔽🔽 #طهمورثی_عتیق

اولسم اگر یولوندا منه افتخاریدور داغلی دئیله دوباره گلون سالمیون شرار ثانی نه گوردی بوشلاموری یار یارینی اِیتدی اشاره قُنفذا اول مرد حیله کار قُنفذ او دمده آلدی اله تازیانه سین باغ بهشت لاله سین ایتدی نشان خار بیر آیری ظلم اولوبدی قلم شَرم ایدور یازا هوشه او دمده گیتدی او نخل شکسته بار مولانی چکدی مسجده اوچ یوز نفر دَنی بوبکره بیعت ایلیه تا میر با وقار زهرا غرض که هوشه گلوب آچدی گوزلرین باخدی علینی گورمدی قلبی اولوب فکار فرمایش ائتدی فیضه عم اوغلوم هایاندادی ویردی جواب آپاردی اونی فرقه شرار دوردی او وضع و حالیله یوز قویدی مسجده تا یتدی مسجد ایچره، امامه او غمگسار سالدی سکوت مُبهمه اهل سقیفه نی! حیرتدن اِیتدیلر هاموسی بیر بیرین نظار دوتموشدی یوز سمایه او دم دخت مصطفی گوزیاش توکوردی عارضه چون بارش بهار سسلوردی ای خدا بو علیدور که ظلمیله غصب ایلیوله حقینی یاددان مگر چیخار شمشیریله نه نسبتی وار اهل منطقین بو غملی منظره آلوری دلدن اختیار بیعت آلولا جبریله کیمدن کیمه بو دم آز قالدی اولدوره منی بو حال ناگوار یا صبر ویر ئوزون منه بو فعلده و یا آل جانیمی ئوزون منی بو غصه دن قوتار قورتارمامیش اورک سوزینی خیره النساء قَهر بلای حَق نچه یول اولدی آشکار ناچار اولوب گوتوردی اَلین ظلمدن عدو بیر عدّه دوشدی وحشته اِیتدی او دم فرار گورجاخ علی او منظره نی قلبی دوزمدی نطقه گلوب بویوردی گل اولما بو غمده زار قورخوم بودور که اوت دوشه یکسر عوالمه حقدن بو غمده ایسته سنه ویرسون اصطبار افغانه سن گلنده دوشور لرزه عالمه آز قالدی که خراب اولا یکسر بو روزگار نطقه دوباره گلدی او دم دخت مصطفی عرض ایلدی یرینده اورک تاپموری قرار صبر اِیلرم ولیک همین بو مصیبته هر چند که مدام سالار قلبیمه شرار عالم یازا مصیبت عظمانی ای (عتیق) چاتماز باشا حدیث جهان سوز هشت و چار چوخلار چَکوبدی نظمه غم بی شماریمی سندنده عاقبت قالار عالمده یادگار التماس دعا🙏🙏 #طهمورثی_عتیق

زبانحال مولا در شام غریبان حضرت زهرا (س) یانور بو قلبیم اودلانور گلور نوایه فاطمه بو ایوده یوخدی همدمیم گل ای صدایه فاطمه الهی من بو شهریده عجب غریبه اولموشام گیجه اولوب نگاریمی قویوب مزاره سولموشام مدینه ده غریبه یم زمانه دن یورولموشام عزایه یوخ گلوب گیدن بو غمفزایه فاطمه یوخومدی یاوریم منیم بو دردیمی کیمه دییم ایوبدی غصه قدیمی اولوبدی دود بالام یتیم حسن حسینیم آغلیور نه غملی خانه دور اویم گلور بلالی زینبیم چوخ آه و وایه فاطمه نه تئز زمانه ایلدی خزان او گلعذاریوی او ثانی چوخلی ظلمیلن قاراتدی روزگاریوی او گوندن آلدی یاره لر سنون عجب قراریوی همیشه قلبیم اودلانار او ماجرایه فاطمه یغوبدی اوچ یوزه یاخین عدو او ثانی لعین گتیردی چون هجومیلن بو منزیله او قلبی کین ووروبدی اود قاپیم یانوب اولوبدی چوخ ئورک حزین یانوب وجودین آتش غم و جفایه فاطمه او نیمه سوز اولان قاپی گواهیدور مصیبته همان قاپی سالوب سنی عجیبه درد و زحمته او دمده میسمار در دوام ایدوب جراحته او لحضه دن سالوبدی غم بو ایوده سایه فاطمه سنی فشار در سالوب عجیبه غملی حالته بلا و ظلم بی امان یتوشدی چون نهایته شهید اولوبدی محسنیم عدو ایدن جسارته او یاره لرده گلمدی داخی دوایه فاطمه نه جرمه او دنی سنه ووروبدی سیلی فاطمه نییدی بیر نفر دیسون اونون دلیلی فاطمه ئولونجه قالدی صورتونده رد نیلی فاطمه ملالون ای گولوم سالوب منی عزایه فاطمه طناب ظلمه باغلادی علینی قوم بی حیا عجب عداوت ایلدی منه او فرقه دغا وطن غریبی ایلدی اویم اولوبدی غم سرا خیالیمیله گلگینن بو غمسرایه فاطمه ** ابراهیم خوش نواز مرندی ✨اَللّهُمَّ عَجِّل لِوَلیِّکَ الفَرَج✨

زبانحال مولا در شام غریبان حضرت زهرا (س) یانور بو قلبیم اودلانور گلور نوایه فاطمه با نوای استاد محمدی 👌😭

هیئت مکتب العباس، ع، آذری ها قوانین گروه، @Hazrate #تبلیغ_لینک_گروه_یا_کانال_وچت_وشوخی_کردن_ممنوع_می_باشد_⛔⛔ درصورت مشاهده مطالب لینک دار برابر با حذف از گروه❌❌❌❌❌ لطفا به قوانین گروه احترام بگذارید👉🏻 https://eitaa.com/joinchat/1805844674C917e64ec9c #گروه_ترحیم_خوانی_و_اوخشاما__ترکی _فارسی_👇👇👇 https://eitaa.com/joinchat/3805807145C52c93884c4 گروه مداحی (مجمع الذاکرین) اهلبیت، ع، 👇👇👇👇👇 https://eitaa.com/joinchat/3464298690C2efb4a55b4 با مدیریت:آقای علی کمالی ↶ @Haram75 ─┅⊱✤✤✤⊰┅─

حضرت زینب (س) در شهادت مادر ✍️ حاج اصغر فرشچی ( عدلی تبریزی) 🎤: علیرضاداداش نژادمیاندوآب الهی اورکده واریمدورغمیم جبینیمده مُهر مُصیبت منیم نیه بش یاشیندامن اولدوم یتیم منیم نازلی یاریم گول اوزلی نگاریم یاتوپ توپراق آلتدا دینه جان نثاریم یتیم اولموشام خدا یتیم اولموشام جوانلیقدا یومدی گوزونی آنام دیموردی باباما سوزونی آنام نشان ویرمدی هیچ یوزونی آنام من بی قراره بابام غمگساره یامان وقتی الله اوزون ایله چاره یتیم اولموشام سالارجانه الله فراقی شرر گجه یاری ایتدی ندندی سفر دئدیم گیتمه قال گیت آناجان سحر ایدور دل بهانه بو جورزمانه قوروب غم بناسی اولوبدی کرانه یتیم اولموشام الهی بو ایوده قالیدی آنام حریمینده سایه سالیدی آنام گویول غملننده آلیدی آنام باشیمدا نلروار سرشک بصر وار گیدم کربلایه قاباخدا سفر وار یتیم الهی سنه وار بو دلده سوزوم تو کور ابرتک سو عذاره گوزوم آنا فرقتینده نجه من دوزوم گیدن وقته قبره گوزوم دوندی ابره گرک من اگم باش مصیبتده صبره یتیم او منِ اشک ریزه دوزوم ویر خدا نیه راضی اولدون بابام تک قالا آنام قبری اولدی خدا بس هارا گجه غسلی دفنی اولوب جسمی مخفی قیامت اولونجا قالارمخفی قبری یتیم او آنام نصف شب لر قیلاردی نماز او معراجی اوسته تاپاردی فراز نقدر آلدی سندن خدا امتیاز او قرآنه بسته نقدر اولدی خسته قاپی اود لاناندا اولوب قو ل شکسته یتیم او اولان دین حقه شهیده آنا نظر ایت بو جَمعَه رشیده آنا یازان «عدلی» موی سفیده آنا غمیم ایتدی تأثیر ایدوب گورنه تحریر بشر معصوم اولماز چوخ ایلوبدی تقصیر یتیم اولموشام

❣زبانحال حضرت زینب(س)بامادر❣ شاعر . استاد حاج نادر بابایی ذاکر کربلایی منوچهرحسن زاده آزعمر ائدن جوان ئولن گجیله گئتمه آی ننه نَه تِز گینموسن کفن ،گجیله گئتمه آی ننه گورَنده هَر کبوترین سینوب قَنادی آغلارام اذان سَسینده جَدّیمون گلنده آدی آغلارام بوائوده سَنسیزآی ننه گونوم قرادی آغلارام سولوبدی گلشن وچمن گجیله گئتمه آی ننه یتیم اوشاقلارون ننه نجه بوائوده ساخلاشار باخانداگُل جنازووَه حسن حسین قوجاقلاشار قوجاقلاشار ایکی بالون ائواهلی باهم آغلاشار دیَرحسین دیَرحسن گجیله گئتمه آی ننه جوانلیقوندا قبره سن سفربساطی باغلادون بوگئتمگونله آی ننه یارالی قلبی داغلادون کچَن گجه بو زُلفیمه وراندا شانه آغلادون اولوبدی یولداشیم مِحن گجیله گئتمه آی ننه اوجادان آغلاسام اولار بوآیریلیق جهانه فاش اَلیمی قوینوماقویوب سیزیلدارام یاواش یاواش نَنم گنَه بوزُلفیمه وریدی شانه بیرده کاش شکسته قلبی ائت وطن گجیله گئتمه آی ننه کچَن زمانه بو ائوَه دوباره یوخ گمان گَله پیمبره قوناق گئدن گئدور ولی هاچان گله آماندی گئتمه قورخورام قاپونی یاندیران گله گلر او عامل فِتَن ، گجیله گئتمه آی ننه

زبانحال حضرت زینب کبری (س) با حضرت اباعبدالله الحسین (ع) در شهادت مادر (س) مرحوم انور سبک:دل شب ایلیوب سفر..... حسین گل ایلیک نوا ئولوبدی مهربان ننم الی ئورکده جان وئروب عزیز خانمان ننم لباس تازه گیمدی همیشه کهنه پوشیدی عبادتینده خالقه بصیر و سخت کوشیدی نیایشینده خاضعه نداسی پرخروشیدی کما و خوی و الفتی پیمبره نشان ننم کنیزه دلنواز ائدن زبان دلنوازینی گوزه بو ائوده چکمین خانملیق امتیازینی منیم کیمی قرا گونون چکن همیشه نازینی سنون کیمی گوزل گوله همیشه باغبان ننم صفای زندگی بُلن اذانووی اقامه وی یووب مرتّب ایلین گوزل بدنده جامه وی غبار و لکّه دن حسین تمیز ائدن عمامه وی یاتان دا باشون اوستونه سو جامینی قویان ننم شداد معاشینه تحمل ائتدی دینمدی نشست ائدوبدی قلبینه بلا توزی سیلنمدی جلیله قدریدیی ولی جلالتی بولونمدی فشار روزگاریدن قوجالدی نوجوان ننم شمایلین اجل پوزوب حسین بو ماه منظرون دوشوبدی نطقدن دیلی نجه بو نازلی دلبرون چراغ مصطفی سونوب ائوی یخلدی حیدرون یوموب همیشه لیک گوزون آتاما پشتبان ننم باشینون اوسته گل اوتور نظاره قیل نماسینه تلاوت ایله یاسینی عزی آل یاسینه ز بس علاقه مند اولور آنا اوغول صداسینه دییر زیان جانیله سسووه فوری جان ننم شبیه اولوبدی غصّه دن ئورک دومان دوتان داغا گوزوم یاشی جمالیمه گرک یاغیش کیمی یاغا نه دردی آرزو گولون نه سیره چخدی بیر باغا ئولونجه هی سنه منه باخاردی ناگران ننم بابام بو نازنینی نون حسین چوخ اوخشادی بویون وفاسیز امّته دئدی امانته امان قویون طبیعی عمرون ایلسه گورر حسین حسن طویون یاشادی ظلمدن ولی ائوینده بی امان ننم او گون که باب منزله یغشدی قوم فتنه گر ملک زیارت ایلین قاپیا ووردیلار شرر قاپونی گوردوم آچدیلار یتیشدی محسنه خطر یخلدی داده فضّه نی چاغوردی ناگهان ننم آتامدان ایلدی حیا کنیزینه هرای دئدی گورنده شاخه دن دوشوب کناره غنچه وای دئدی بالامون عمری فضه جان گل اولدی آلتی آی دئدی حزین حزین سیزیلدادی یارالی ناتوان ننم باشینون اوسته من گئدن زماندا آچمادی گوزون الیندن ئوپدوم هر قَدَر منه دییَنمدی سوزون دئدیم ایاقه دورماسون بالالار ئولدورَر ئوزون چالشدی چوخ دورانمادی قابورقاسی سینان ننم صوابدور گوزوم یوزه ئولونجه توکسه گوز یاشی مدینه نون غریبی دور نه باجی وار نه قارداشی بیزه گوره بو بینوا نقدری چکدی ال داشی معاشمزدن اوتری چوخ اولاردی جانفشان ننم حسین قارداش دویمادیم من غملی ننمدن آنامین دردی ئولونجن چئخماز سینمدن نجه من طاقت ائدیم بو درده الهی آچیق قالدی جا نمازی یئرده الهی مهربان - آنام وای قلبی قان - آنام وای ـــــــــــــــــــ ✨ اَللّهُمَّ عَجِّل لِوَلیِّکَ الفَرَج✨💫

حال دلتنگی با پروفایل استوری مذهبی💔 وقتی دلتنگی؛ مداحی ها شو پلی کن و غرقِ عاشقی شوو ❤️‍🩹🔊🔊 🎤کربلایی ستوده میگه: ✍نوشتم از حال دلتنگی♡ ꨄکه دردلتنگی غیاثی نیست 🥺 ♨️↜ࡅߺ߲ߊ‌ ߊ‌ࡄܝߺ̈ߺߺوریܣߊ‌ی ߊ‌ین ࡏߊ‌ܢߺ߭ߊ‌ࡋ ߊ‌ܩߊ‌ܩ زمانی شوو💚👇👇👇 https://eitaa.com/joinchat/2323841260Cb2fdd54246 اگه عاشق واقعی امام زمانی الان پیوستن رو بزن !!به بعد موکول نکن❤️☝️☝️

فاطمیه سال ۱۳۶۵☝️☝️☝️ با نوای : استاد سلیم موذن زاده شعر از : نوای نینوا -نادر بابایی 🖤🖤🖤🖤🖤🖤🖤🖤 ﷽🍁 ✨اَللّهُمَّ عَجِّل لِوَلیِّکَ الفَرَج✨💫

‍ #روضه_حضرت_زهراس قاپی یاناندا خانم کوینگون بلشدی قانا چکیلمدین ده اوندا کناره یا زهرا خانم ندندی محسن ئولنده علینی سسلمدین؟ نهان قالوب بو بلا شهریاره یازهرا آچانمیوبدی سنون دردیوی زمانه خانم شهیده وی نجه قویدوم مزاره یازهرا آچوبدی بیر سوزون اوستون قلم کی آز یازلوب چکنمدیم اونی من استتاره یازهرا قاپی دالندا سنه سیلی ویروبدی عمر وقتی کی اولعنتدیخ خانمی ویروردی اباعبدالله پنجه سی اوسته قاخدی ایاقا دیدی ظالم قوی سیلی منه دیسون یانان قاپنین اگر اولماسیدی مسماری تاپاردی جان گینه عمر دوباره یا زهرا یاراندا سینوی مسمار قان آپاردی سنی فدا اولیدیم اوپاکیزه ثاره یازهرا اوقانه قان دیمرم بلکه ده توکولدی یره نه لخته قان جگر پاره پاره یازهرا دینده فضه گل ئولدوم عجب قیامتیدی قاپی دالندا دوران حامله بیر عورتیدی قاپنی یانداران اوچ یوز نفر جماعتیدی یاامام زمان الیکی آنان قالدی دیواریلن قاپی دالندا گوردولر زینب قاچیر اویان بویانا هردن یانا یانا دیور آی مظلوم بابا هردن یانا یانا دیور آی جوان ننه هردن الین قویور ابی عبداللهین گوزونه قارداش سن باخما قاپینان دیوار آراسنا ✨ اَللّهُمَّ عَجِّل لِوَلیِّکَ الفَرَج✨💫