زبانحال حضرت فاطمۀ زهرا علیها سلام (سبک : ای ویرن ویرانه یئرده ...) باغبانم باغ عشقه دویمادیم اوز گول لریمدن بو غمه بلبل لر آغلار آیری دوشسم ائل لریمدن باب کینه مِحنت و غم تا آچیلدی باغبانه دست ظلمیله ویرولدی سیلی و هم تازیانه من بتول مصطفایم همسر شیر خدایم من گل باغ رسالت خار الینده پرپر اولدوم یاندی درگاهیم یاناندا ابرتک آلامه دولدوم پشت درده تا یخیلدیم گول کیمی اول یرده صولدوم یوز کبود بو سینه ده وار سوزش مسمار یاراسی قویدی مادرسیز جهاندا زینبی ثانی جفاسی من بتول مصطفایم همسر شیر خدایم داندولار مولا علینون حقینی درده دچارم من ولایت اوسته محزون هرگیجه شب زنده دارم من مرید شاه مردان شهریار تاجدارم سسلرم گلسون او مولا گویلومی بو یرده آلسون ایلسون قرآن تلاوت غصه و دردیم آزالسون من بتول مصطفایم همسر شیر خدایم عمر کوته ده من آچدیم مکتب عشق و محبت ویرموشم نسوانه درس عفّت و حُجب و دَیانت حیف مثل لیلۀ قدر قدریمی بولمز بو اُمّت خسته جسمیم نصف شبده تا گیده تاریک قبره بش بالام آغلار سرشکین اوخشادار بیر قاره ابره من بتول مصطفایم همسر شیر خدایم ربِّ گلهای امیدم باغ حُسنون باغبانی اورگدن درس حجابی فکر و بینش هم بیانی بسلیین آغوش نازه دین فدا و قهرمانی بو حسین شمع حقیقت عشقینه پروانه زینب دور شمعه یاندورار پر عاقل و فرزانه زینب من بتول مصطفایم همسر شیر خدایم ثانی تا اود ویردی یاندی باب وحیه من دایاندیم زخمدار اولدوم قاپومدا قانیمیله من بویاندیم کربلانون محنتیندن بو غمی من سهل ساندیم وار باشوندا بو حسینون کربلانون ماجراسی یوم عاشوراسی الده اوخلانان عطشان بالاسی من بتول مصطفایم همسر شیر خدایم وار نقدری ((عدلی)) عمرون الده خامه فرصت ایله عشقینی قلبینده هتک ایت نوحه سین یاز هِمّت ایله نوحه خوان اول بزم غمده درگهینده خدمت ایله توک گوزون یاشین عذاره آغلا آغلات عاشقانی جمع ایدیم گوز یاشلارون من سنده اول بوامره بانی من بتول مصطفایم همسر شیر خدایم ** حاج اصغر فرشچی (عدلی تبریزی )

گلچین نوحه ها و مرثیه های ترکی اهل بیت (ع)  -  شاهکار شعرا زبانحال حضرت زهرا (س) به حضرت زینب (س) زبانحال حضرت زهرا (س) به حضرت زینب (س) گر منی قیزیم گوگلون ایسته سه ای بلالرین کانی زینبیم عطریمی بو مسمار دردن آل سینمون قالور قانی زینبیم **** ختم الانبیا من بلاکشی رحلتینده تاپشوردی امّته سویلدی که روحیمدی فاطمه قویمیون دوشه رنج و زحمته بهر قهر حق جوش ایدر اگر فاطمه دل آچسا شکایته حق رضاسی زهرا رضاسیدور ایلدی بو اعلانی زینبیم تا منیم آتام خاتم النبی بو جهانیدن رحلت ایلدی گون به گون فزون اولدی غملریم درد و محنتیم شدّت ایلدی داندی امّت اجر رسالتی هر جفا منه امّت ایلدی تار اولوب ایشیق گوندوزوم گوزه آچدی ظلم الین ثانی زینبیم اود ووروبلا دربار رحمته سالدیلار منی ایله حالته ایلدیم حیا سسلدیم آتان مرتضانی من استعانته محسنیم شهید اولدی سسلدیم فضّه نی او دمده حمایته گَلمسِیدی فضّه او نانجیب ئولدوروردی زهرانی زینبیم عاقبت ایاقدان سالوب منی بو کمرشکن غصّه و محن آز قالور گیدم جدّیمه قوناق ترک ایدم بو دار فنانی من سن بو ایوده مندن صورا قیزیم بو شهیده نون جانشینی سن مهربان آنا اول حسینیمه باشه یغ یتیمانی زینبیم تا علاقه کسدیم بو نشئه دن ایتمیشم وصیّت من نزار همسر ایلسه اختیار آتان اوز باجیم قیزین ایتسون اختیار خورداجا باجوندان گوتورمه گوز اول او بی کسه یار و غمگسار زلفین ایله شانه نوازش ایت دوت دیله او نالانی زینبیم امر مجتبایه اطاعت ایت قویما یوز ویره قلبینه کدر چوخ محبّت ایله حسینیمه ایتمسون آناسیزلیقی اثر سن اونا مصیبت شریکی سن وار قاباقدا بیر پرخطر سفر عزم جنگ ایدنده بوغازین اوپ سال یولا او عطشانی زینبیم باشینی سوسوز شمر دون کسر سانما ظلمیدن اشقیا دویار کوفه نون او ارزل جماعتی رخت جسمینی سر به سر سویار بیر گیجه اونون قانلی باشینه خولی دنی میزبان اولار ظلمیده قصور اولماسون قویار کوُللر اوسته مهمانی زینبیم (مونسی) (عزیزی) ((حسینیه)) یازدیروب بو دلسوز نوحه نی جدّه جان مریضم قوجالموشام غصّه درد ایاقدان سالوب منی مرتضی علی جانینه آنا گوز یاشیله ویرّم قسم سنی دی دعا ایله اوز غلامیوی ای بلالرین کانی زینبیم ** مرحوم سیدرضا حسینی (سعدی زمان) برچسب‌ها: سیدرضا حسینی سعدی زمان

ـــــــــــــــــــــــــــــــــــــــــــــــــــــــــــــــ به نام خدا #فراق_مادر_سینه_زنی #زبانحال_حضرت_زینب_س #سبک: عم اوغلے مرحوم سلیم مواذن زاده منے قویدون یانا یانا هارا گیتدون گوزل آنا غصه ون الدورر زینبے غموندن گلمیشم جانا جانم آنا جانم آنا من سنه قربانم آنا 2 جوان ننه دردون منه نه گلدے بیلمدیم سنه جوانلقیون یالان اولدے مظلوم اولن جوان ننه جانم آنا جانم آنا من سنه قربانم آنا .2 آز سینیده جانه دویدون/ زندگیدن نه تیز سویدون بالا لارون یتیم قالدے /سن زینبے آغلار قویدون جانم آنا جانم آنا من سنه قربانم آنا 2 ظالم لر ظلمه دایاندی/ظلم ایدوب ظلمینے داندی درگاهوه اود وردیلار/اود دوتوبدور قاپون یاندی جانم آنا جانم آنا من سنه قربانم آنا 2 باخمادے سانے سوزوه/ور‌وبدے سیلے یوزوه ایله ور‌وبدے سیلینی/قان دولوب آنا گوزوه جانم آنا جانم آنا من سنه قربانم آنا. 2 قرا بختیم قرا گلدی/غم غصه قلبیمے دلدی نیه قالخمور قولون آنا/سنه قربان ده نه گلدی جانم آنا جانم آنا من سنه قربانم آنا گوزل ننه جوان ننه/قلبے غصه دن قان ننه اوزے جوان دردے نهان/قابورقاسے سینان ننه جانم آنا جانم آنا من سنه قربانم آنا 2 فلڪ منه کمند آتدی/بش سینیمده بختیم یاتدی آلدے انامے الیمدن منے یتیم لره قاتدی/جانم آنا جانم آنا من سنه قربانم آنا 2 باغریما غصه غم دولوب/قلبیم بوغمدن قان اولوب بش سینیمده یتیم قالدیم/منیم آنام جوان اولوب جانم آنا جانم آنا من سنه قربانم آنا 2 🖋شاعر: یعقوب رشتبر آلیله ✨ اَللّهُمَّ عَجِّل لِوَلیِّکَ الفَرَج✨💫 👇👇

زبانحال حضرت زینب (س) در فراق مادر اولوبدی گلشن عمرون نه تیز خزان آنا جان منی بو غصه و غم ایتدی باغریقان آناجان سنون فراقیوه صبح و مسا بو عالمده نئجه من ایلمیوم اشگیمی روان آنا جان ندندی چرخ جفا منله دوندروب رویشین همیشه تیر غمه ایلیوب نشان آنا جان اوگون کی ترک ایلدون بو وفاسیز عالمی سن اولوب او گوندن ایشیم ناله و فغان آنا جان فلک ندن منی بو سینیده قویوب آناسیز اودور زمانه ده یوخ حالیمه یانان آنا جان گوزومده جلوه لنور سن دولاندیقون یرلر ایدور بو خاطره لر حالیمی یامان آنا جان خزانون آفتی گول تک سنی ایدوب پرپر دوا تاپانمادی بو درده باغبان آنا جان نقدر جور و جفا گلدی دهریده دوزدون ئورکده غملریوی ایلدون نهان آنا جان هاچان کی ایوده گوزوم آستانیه ساتاشور او غملی صحنه گوزومده اولور عیان آنا جان دوشور خیالیمه اول گونکی رحمسیز اشرار آچوب جسارته ال ویرمیوب امان آنا جان ووروبلا اود او زمان باب رحمت اودلاندی اوجالدی عرشه همان لحظه ده دومان آناجان تلاش ایدوردی عدو تا یانان قاپی آچیلا همان قضیه چتیندور اولا بیان آنا جان شهامتیله دایاندون قاپی دالیندا او گون کی صدمه گورمیه شاهنشه جهان آنا جان نه باک ایدوبله خدادن نه ده پیمبردن ئورکده کینه لرون ویردیلر نشان آنا جان ووروب آچوبلا او نامردیلر یانان قاپونی او لحظه اولمادی امدادیوه چاتان آنا جان قاپی دالیندا نه چکدون فقط خدا بیلدی او ظلم اولوب سنه بیر درد جان ستان آناجان ولایت اوسته اوزون هم بالان فدا اولدوز بو یولدا ویردون عجب عالی امتحان آناجان بو غمده اشگینی (( رزاقی )) عارضه باغلار دییر حزین حزین ای قامتی کمان آناجان ** ستار رزاقی تبریزی برچسب‌ها: ستار رزاقی تبریزی

نوحه شهادت حضرت زهرا (س) 😭😭😭😭😭 سبک:🙏👇 یافاطمه من عقده دل وا نکردم آچگوزلرون یافاطمه هجرانه بیرباخ سینم یانور بو سینهٔ سوزانه بیرباخ شانون اوجالدی حیدر قوجالدی صبریم گئدوب الدن اولوب قلبیم پریشان سنسیز نجه قالسون علی ای جان جانان هجرونده بوگوزلر اولار هرلحظه گریان حیدر ائوینده بو دوشن بحرانه بیرباخ شانون اوجالدی حیدر قوجالدی دور بی‌کمک دلدارووی آغلاتما زهرا غملر چکن غمخوارووی آغلاتما زهرا قلبی یارالی یارووی آغلاتما زهرا آچگوزلرون غملر یوران جانانه بیرباخ شانون اوجالدی حیدر قوجالدی یاتما بئله یافاطمه دور بیر ایاقه دوزمز گوزل آهولرون درد فراقه گئتمز ئورکدن حشره‌جک عشق و علاقه هجرونده بو آغلار قالان طفلانه بیرباخ شانون اوجالدی حیدر قوجالدی ظلم و جفاییله نجه قانه باتوبسان تابوت ایچینده وای منه راحت یاتوبسان بیکس علینی بس ندن گوزدن آتوبسان دور ماتمونده آغلیان جانانه بیرباخ شانون اوجالدی حیدر قوجالدی حقونده چوخ ظلم و جفالر اولدی زهرا سیلی ویروبلار رویِ ماهون سولدی زهرا علّت اودور که گوزلره قان دولدی زهرا سن قانلی گوزلرله شهِ مردانه بیرباخ شانون اوجالدی حیدر قوجالدی آللهه تاپشوردوم سنی دلبند طاها اولماز بو قلبیمده اولان درده مداوا گوزدن آخان گوزیاشیمی قان ائتدی دنیا یافاطمه دور ناطق قرآنه بیرباخ شانون اوجالدی حیدر قوجالدی به قلم افتخار کانالمون شاعر اهلبیت (ع) برادر بزرگوارم کربلایی حسن طیبان

🔊با نوای : #کربلایی‌بهنام‌تخت‌مینا السلام علیک یا ثامن الحجج آقام آقام آقام آقام امام رضا بو جمعیدن سنه سلام امام رضا { 2 } فدا اولوم سنون آقا جلالیوه نصیبیم اولموری گلم مزاریوه هاچان اولور دوشه گوزوم رواقیوه آقام آقام آقام آقام امام رضا آقام آقام آقام آقام امام رضا بو جمعیدن سنه سلام امام رضا { 2 } او درگهه گلن گلر حوائجه تمام دردینه اولار معالجه حریمیوه گلن چاتار نتایجه آقام آقام آقام آقام امام رضا آقام آقام آقام آقام امام رضا بو جمعیدن سنه سلام امام رضا { 2 } صفا ویرر اورک لره رضا آدی غریبه کسلره دوا رضا آدی تمام دردلره شفا رضا آدی آقام آقام آقام آقام امام رضا آقام آقام آقام آقام امام رضا بو جمعیدن سنه سلام امام رضا { 2 } طبیب سن دوا سنون الونده دی مریض لره شفا سنون الونده دی دیوله کربلا سنون الونده دی آقام آقام آقام آقام امام رضا آقام آقام آقام آقام امام رضا بو جمعیدن سنه سلام امام رضا { 2 }

✅گریز به حضرت ابوالفضل(ع) قباله اولدی سنه مایه ی بلا بوللم او کوچه صحبتینی آچسا گر حسن ئوللم فدک سوزون هله سالما غمیله یانیمده قباله ده سنه قربان فدکده جانیمده سوروشما هاردا منه دمبدم خطر گلدی خدا بولور قاپیدا باشیمه نلر گلدی غروب اولاندا عم اوغلی جهانی داغلاردوم سوروشما هاردا منه دمبدم خطر گلدی غروب اولاندا عم اوغلی جهانی داغلاردیم بهانه محسندی سندن اوتری آغلاردیم اورگده ایلمه شکوه بوقوم اعدادن ئوزوم سلاموی آلام بهشت اعلادن اوگونکه امرخدائیله همسرون اولدوم همیشه سعی ائلدیم یارویاورون اولدوم غریبه گونلریدی شوقیله اورک دولدی سنیله خوش گونوموز ائوده دوقوزایل اولدی بودوقوز ایلده سنه هیچ سفارش ایلمدیم سنی فشاره سالوب آیری خواهش ایلمدیم ولیک ایندی سنه بیرسفارشیم واردی گجله غسلیمی وئرفوری ائت روانه منی ئوزون نمازیمی قیل دفن ائله شبانه منی اگرچه نازل اولار نعشیم اوسته میکائیل گلرجنازه می آلسون ال اوسته جبرائیل اوجات منیم باشیمی ای پناه عالمیان جنازه می ئوزون ال چگنوه سنه قربان (علی بنا به وصیت گجه غسل اله دی فاطمیه هر یرده رسمیدی ننه ئولنده کفنین بندین آچالار دیلر بالالاری گلسین گورولر حسن گلدی قاباقا یوزون قویدی او سیلی گویردن یوزونه ،زینب گلدی یانایانا دیدی آی گلین ئولن ننه لای لای ، سیلی دیوب گوزونه قان دولان ننه لای لای گوردی حسین دایانوب اوغول نیه گلمیرسن ننله وداع الیه سن گوردی گلدی قاباقا یوزون قویدی ننه نین قدملرینه دیدی ننه) ایاقیوی اوپورم کربلایه تئز گله سن دیمورم عونیله فضل و جعفر ئولنده گله سن ننه منت قویاسان ابوالفضلیم ئولنده گله سن (بیر یرده ده آدام قهرمان اولا پهلوان اولا ئولنده دیر کاش ننم اولیدی ، آتنان یخلاندا یره قولسوز ابوالفضل دیدی کاش ننم اولیدی منی بیر قوجاقینه آلیدی گوردی عالم معناده بیر بئلی بوکولن ننه بله یانایانا دییر ابوالفضل اوغول گل قولی قابرقاسی سنان ننوم فاطمیم آی بالا اوتوز دورد ایلده قارداش دیمین بله یانایانا دیدی حسین قارداش گل ئولورم ) جنگ و جدلیم خاتمه گل تاپدی یوبانما السیز بدنه الیلر ال تاپدی یوبانما (ابی عبدالله بله گلدی اوتوز دورد ایلدن صورا دیدی عباس منه قارداش دیدین ابوالفضلین باشین آلدی دیزلرینون اوستونه ) برج محنتده کی اولدوزلاریمون وای گونونه بو چولده آدامسیزلاریمون وای گونونه سایه لطفوه دالدالانان قیزلاریمون وای گونونه

بانوای عبداللهی ======👆 🏴زبانحال حضرت زینب (س) در شهادت مادر 🎼سبک : ای قلم سوزلرینده اثر یوخ عمری آز دردی دریا ننم وای سینه سی یاره زهرا ننم وای نیلمیشدون سنی درده سالدى بو یوزی قاره دنیا ننم وای زینبی سن نه تئز گوزدن آتدون آخدون اولدوز مثالینده باتدون دویمیوب دورت بالون گول یوزوندن نصف شبده گئدوب هاردا یاتدون زینبون غملی غمخواری لایلای آغلیان هر گیجه یاری لایلای گول یوزینده قالان ظلم الیله سیلی نون نیلی آثاری لایلای تاپشوروبسان منه جان وئرنده آغلاما بیر نشانیم گورنده نیله رم من گونی قاره زینب زلفومی فضه اسماء هورنده من گئچن گونلری یاده سالّام عطرووی قانلی کوینکدن آلّام گوزلریم یول چکر دیلده ناله بوینی چگنیمده حسرتله قالام آغلیاندا من آغلار حسینون قلبیمی غمله داغلار حسینون اوتلانان درگهی حسرتیله گون باتان وقته باغلار حسینون سویلیر گل باجی آغلیاق بیز اشک حسرت یوزه باغلیاق بیز سوز آچاق هجر اوتوندان بو ائوده بو یانان سینه نی داغلیاق بیز توش اولوب درده قلبیم هاچاندی اوت دوتوب قلبیمون باشی یاندی سن دی نوحه باجی آغلیوم من گور حسینون نئجه باغری قاندی یاندیرار بو حسینون جهانی سوزسه گر جام چشمینده قانی بو سببدن ئورک قان اولاندا سسلیر دادینه لامکانی