بنام خدا #مدح #حضرت_زهرا_سلام_الله_علیها «مدح و منقبت بانوی بی بدیل خلقت حضرت زهراس تا اخر با آرامش بخوانید و...» •┈┈••✾✾✾••┈┈• بحر غم موج ایلیور طوفاندی بو ایامیده انس و جن حور و ملک حیراندی بو ایامیده قوزانور افلاکه یئردن ناله و افغان سسی فاطمیون هاموسی نالاندی بو ایامیده عالم معنا ده آغلور اهل بیت مصطفی انبیاء و اولیاء گریاندی بو ایامیده مجلس ماتم قوروبلار ماسوالار عرشیده قلب آل مرتضا القاندی بو ایامیده •┈┈••✾✾✾••┈┈• مات و مبهوتم خدایا چات منیم فریادیمه تا منه معلوم اولا شأن و مقام فاطیمه کیمدی بو بانو فراقینده ملک لر اغلایور ماخلق لرله خلایق باشه قاره باغلایور خالق ارض و سماوات گویلره قاره چکور یاس توتوب دی عالمینون اهلی گوز یاشی توکور •┈┈••✾✾✾••┈┈• قالموشام آیا نیه سقف فلک لر سینمادی آه زهرآدن زمین و آسمانلار یانمادی جان عالم لر فدا یا فاطمه عنوانیوه شیعه لر گوز باغلایوب الطاف بی پایانیوه جانیوه جانلار فدا بانو عنایت ایلدون عمرون آز اولدی ولیکن چوخ کرامت ایلدون نفرین ائتسیدون خانم بیر دفعه گر اعدانی سن یاندیرارودن نار قهرونلا او دم دنیانی سن جور اعدادن خانم بیر لحظه راحت یاتمادون طول عمروندا بیرین بیر دفعه نفرین ائتمه دون اولدی وردون روز و شب عجل وفاتی ای خدا ایلدون شام و سحر سن کائتاتی هی دعا حق سنه خاطیر جهانه لطف و احسان ایلدی عالم امکانی ازدم خانه ویران ائتمدی فاخرم تا جان وارومدی بو سراده سائلم شاکرم کی جیرهٔ خیر النسایه قابلم قوسالاردا قاشمارام والاهی بو درگاهیدن چون گدای فاطمه باشدی جهاندا شاهیدن 🖊مسلم فرتوت فاخر https://eitaa.com/joinchat/2348744791Cd1e41b0233 گلچین زیباترین نوحه های ترکی 🎤👇 ـــــــــــــــــــــــــــــــــــــــــــــــــــــــــــــــــــــ

بنام خدا «#احوالات_امام_موسی_کاظم_ع» •┈┈••✾✾✾••┈┈• زهر کین یا رب منی آیری بیر حاله سالوب نئچه. گوندی پیکریم گون قاباقینده قالوب ملک غربت ده منیم دوره می دشمن آلوب قالموشام بغدادیده یوخدی بیر درد آشنا تیکموشم گوز یولارا هارداسان اوغلوم رضا •┈┈••✾✾✾••┈┈• اون بیر ایل زندانیده ائتموشم راز و نیاز کنده و زنجیریله قیلموشام هرآن نماز قصهٔ. عمریم منیم چوخ اولوب پر رمز و راز باشیم اوسته گلمه سون آغلارام صبح و مسا تیکموشم گوز یولارا هارداسان اوغلوم رضا •┈┈••✾✾✾••┈┈• ایله دی هارون شوم دیده می گریان اوغول سینهٔ سوزانیمی ائتدی پر سوزان اوغول باشه چاتدی شکر اولاهجر بی پایان اوغول گل لب عطشانم اوغول ایچمو شم زهر جفا تیکموشم گوز یولارا هارداسان اوغلوم رضا تا کی نوش ائتدیم اوغول من شهادت شربتین لحظه آخر منه اولدی ای وای چوخ چتین بیلدیم عاشورا گونی نه چکوبدی شاه دین باشیم اوسته گلگیلن ای گل باغ وفا تیکموشم گوز یولارا هارداسان اوغلوم رضا •┈┈••✾✾✾••┈┈• پیکریم اوسته منیم شکر اولا آت چاپمادی هر طرفدن اشقیا اوستومه اوخ آتمای بن مرجانه منیم سینم اوسته چیخمادی یادیمه دوشدی منیم دشت سوزان بلا تیکموشم گوز یولارا هارداسان اوغلوم رضا 🖋مسلم فرتوت فاخر 🎤خادم الزهرا (س) @maddah_1367: https://eitaa.com/joinchat/2348744791Cd1e41b0233 گلچین زیباترین نوحه های ترکی 🎤👇

بنام خدا «زبانحال حضرت زینب س در فراق حضرت زهرا س» سبک «الا یا ایهاالساقی ادر کاسا و ناولها» قوروب دی شهر یثرب ده عزا بزمی خانم زینب توکور رخساره گوز یاشین دیور چات دادیمه یارب الهی نیلیوم گئتدی منیم غم دیده غمخواریم خزان اولدی گلستانیم سارالدی سولدی گلزاریم جوان اولدی انام زهرا منیم یارو مددکاریم «ایا ای بحر احساسیم سنی الاهه تاپشیردوم خداحافظ گل یاسیم سنی الاهه تاپشیردوم» «» «» «»» فراق جانستانوندا اناجان اغلارام هر آن منی جاندان سالار اخر ایا مادر غم هجران آنا سندن سورا بیر آن منیم زیبا اوزوم گولمز انا مثلی بیری والاه بالانین دردینی بیلمز داخی سندن سورا مادر بیری گوز یاشیمی سیلمز «ایا ای بحر احساسیم سنی الاهه تاپشیردوم خداحافظ گل یاسیم سنی آلاهه تاپشیردوم» «» «» «» «» آنا طول فراقوندا حسینیله حسن آغلاور اولاردان چوخ باجیم کلثوم دل سوزانیمی داغلور اتام مولا علی مادر بقیع دن هئچ کنار اولمور تک و تنها قالوب حیدر اونا بیر کیمسه یار اولمور بیری بو شهر پر غم ده اونیلا غمگسار اولمور ایا ای بحر احساسیم سنی آلاهه تاپشیردوم خداحافظ گل یاسیم سنی آلاهه تاپشیردوم» «» «» «» «» ئورک آرزیم بودی مادر یاتایدیم کاش قوجاقوندا نه دیلده من دیوم آیا نلر چکدوم فراقوندا انا سندن سورا منده داخی بو دنیادان دویدوم چوخالدی غملریم هرگون غمی غم اوستونه قویدوم پریشان آغلادیم هر ان دل سوزانیمی اویدوم آیا ای بحر احساسیم سنی آلاهه تاپشیردوم خداحافظ گل یاسیم سنی آلاهه تاپشیردوم» مسلم فرتوت فاخر 🎤خادم الزهرا (س) @maddah_1367: https://eitaa.com/joinchat/2348744791Cd1e41b0233 گلچین زیباترین نوحه های ترکی 🎤👇

ـــــــــــــــــــــــــــــــــــــــــــــــــــــــــــــــ بنام خدا *#روضهٔ* *#حضرت_زهرا_سلام_الله_علیها* *(بسیار سوزناڪ جریان دفن حضرت زهرا س و ایما و اشاره به گفتگوے مولا علے ع با حضرت زینب س)* آه او ساعت دن کے یومدے گوز لرین جان جهان تیره وتار اولدے یئر گوے آغلادے کون و مکان آرے عاجزدے قلم ئوز دین ینے ائت سین ادا یازسین ایا قالدے نه حاله او گـــون شـیر خدا چاتــدے زهراے بتــول تــا قله آمالینــه نه فلڪ قان آغلادے مولا علینـون حـالینه باغرے قان اولدے او مولا گردش ایام یدن آغلادے بیر لحظه بیر آن شــدت آلام یدن قالدے آواره زمیــن و آسمانلار مفخـــری ختم مرسل مصطفے نین با وفا هم سنگرے شهر یثرب ده اونا اول گون بیرے یار اولمادے بدترین گونده اونا بیر کیمسه غمخوار اولمادی ایلموشدے بیر وصیت حضرت خیـر النسا نصف شب دفن ایلویه اول گوهرے شیر خدا بیرده کے قبرے اونون اغیاره اعلان اولمویا تا مزارینده خانــم زهرا پریشــان اولمویا الغرض اولدے او ساعت کے یاتار پیرو جوان ساکت و ارام اولار اول وقتیده هر بیر مکان مخفیانه حمل اولــوندے پیکر دخــت نبے هامودان چوخ بو محن یاندیردے قلب زینبی قویماموشدے زخم پهلوے جسمیده قالسین توان گوئیا اولموشدے زهرا بیر درے بیر استخوان محنت دوران اریتموشـدے وفا شمعیــن بلے واقف یــدے بعـد حق بو ســـریدن مولا علے الغرض دفن اولدے چوخ حسرتله دلدار علے فاطمه ام ابیها یاور و یار علے وا مصیـــبت الامان اول لحظــهٔ غم باریدن آیریلوب مولا علـــے اول بــا وفا دلداریدن الغرض گلدے ایوه گوردے مصیبت خانه دے غصه و غم دن او منزل سانکے بیر ویرانه دی یوخ رجوعیم بوردا آیا میر شجعــان نیلدے زینبے ائتدے نوازش بیله خواهــش ایلدی آغلایوب زینـب حسینے سینه ســوزان ایلمه سن حسین قارداشــوے زار و پریشـان ایلمه بیر گونے کرب وبلا دشت ینده بیرطوفان اولار قارداشون ئوز قانینه اول دشتیده غلطان اولار بیر کس اولماز آغلایا تا کے حسین تئزجان وئره یا حسین قارداشیوه بیرجرعه سو احسان وئره اغلاماقے ســاخلا سن دشت بلایــه زینبیــم سسـله اول گونـده اناوے سن هرایه زینبــیم فاخــرا عارف لره ایمـــا کفایت ایلویــر پاکبـــاز عاشــقلره زهــرا عنایت ایلویــر باغلا بـو غم نامه نے آچمــا گریزین دفترین یــازما آیا گوردے نه گونلر او دخت بے قرین التماس دعا *🖊مسلم فرتوت فاخر* 1400/9/5 🎤خادم الزهرا (س) @maddah_1367: https://eitaa.com/joinchat/2348744791Cd1e41b0233 گلچین زیباترین نوحه های ترکی 🎤👇

بسمه تعالی احوالات حضرت زهرا یازهرا..یا زهرا .....‌‌‌...... دورمنیم آرخام الیم سیندی بلیم یا زهرا یا زهرا ماتمونده آلیشوب .یاندی دلیم یا زهرا یا زهرا گوز آچ پریشانم...غمونده گریانم علینی تک قویما..غریب و نالانم زهرا جانم.زهرا جانم . زهرا جانم.2. ............ ای یوزی سیلیه خاطر گوگرن یوزینه سیلی دگن.اوغلی اولن سینه سین زهریلی مسمار بولن ای وفالی همسریم.یا زهرا یا زهرا گوز آچ پریشانم. غمونده گریانم علینی تک قویما غریب و نالانم زهرا جانم زهرا جانم زهرا جانم ............ این شعر ادامه دارد شعر از یعقوب رشتبر آلیله مورخه 1400.9.24 https://eitaa.com/joinchat/2348744791Cd1e41b0233 لطفا کانال عاشقان حضرت ابالفضل ،ع، را به دوستان خودتان معرفی کنید ،☝️☝️☝️

🎤خادم الزهرا (س) @maddah_1367: گلچین زیباترین نوحه های ترکی 🎤👇 https://eitaa.com/joinchat/2348744791Cd1e41b0233 لطفا کانال عاشقان حضرت ابالفضل ،ع، را به دوستان خودتان معرفی کنید ،☝️☝️☝️

🎤خادم الزهرا (س) @maddah_1367: گلچین زیباترین نوحه های ترکی 🎤👇 https://eitaa.com/joinchat/2348744791Cd1e41b0233 لطفا کانال عاشقان حضرت ابالفضل ،ع، را به دوستان خودتان معرفی کنید ،☝️☝️☝️