عمواوغلی دل نار غمه داغلاما سنه قربان سن آغلوسان من دوزنمیرم آغلاما سنه قربان هامی جوان وقتینی سویرگرچه زندگانلخدا زبس من غصه گورموشم دویموشام جوانلقدان اگر من ئولسم عذاریوه سیل اشکیوی آشما فراقیمه صبر ایله دایان قلبه تیر غم ساشما حسن یانندا عمواوغلی جان کوچه صحبتین آشما چخا علی بلکه کوچنین درد ومحنتی یادان نقدری من ئولمه میشم وار رمق هله تنده اجازه ویر عرض ایدیم علی منده عهد ایدیم سنده امیرالمومنین الین آلدی الینه دیدی عمواوغلی گرک عهد باغلیاخ،زهراسوزون نمنه دی حسین دوشنده چوخور یره سنده گل علی منده گلنده بیر کاسه سو گتیر #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

#روضه_حضرت_فاطمه_زهرا قاپی آغزندا ایلشدی یوزون گیزلتدی زینبدن ننه پوزگون ایوه گلسه قیزی گور اشکبار اولماز (زینب صاقا گچیر زهرا صولا دونور زینب صولا گلیر خانم صاقا دونور باخدی باخدی دیدی) شجاعتلن دیدی گتدوز ورولموش قوش کیمی گلدوز نه گلدی باشیوه (گوردولر امام حسین یواش یواش گلیر ننه نیه اوستو باشون توزا بلنیب ننه) من حسینم یومولان گوزلره قربانم آنا بوکولن قده قرا معجره قربانم آنا منه کوینک توخویان الره قربانم آنا (ابی عبدالله چوخ اسرار اله دی دیدی سنی آند ویریرم آتام علینین حقینه یوزون منن دوندرمه امام حسیندن دا گچنمدی) نشان ویروب یوزون زهرا گوروبدی سیلینین ردین (اله کی یوزون نشان ویردی خانم اوشاقدی امام حسینین آلتی یا یدی یاشی وار باخاندا گوردی ننه نین گوزونه قان لکه گلیبدی ئوزون ایتیردی دوداقین قویدی ننه نین گوزونه بئله محکم اوپدی اله کی محکم اوپدی خانمن گوزونن خانم زهرا آغلیا آغلیا دیدی منن گچدی بالا اما قولاقوی گتی سنه بیر سوز تاپشرم آینده ده کربلاده دردیوه دیر امام حسین دییر دیدیم الله گوره سن نه دیجک دیدی) بیرده یارالی گوزدن اوپنده یواش اوپ #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

#روضه_حضرت_زهراس قاپی یاناندا خانم کوینگون بلشدی قانا چکیلمدین ده اوندا کناره یا زهرا خانم ندندی محسن ئولنده علینی سسلمدین؟ نهان قالوب بو بلا شهریاره یازهرا آچانمیوبدی سنون دردیوی زمانه خانم شهیده وی نجه قویدوم مزاره یازهرا آچوبدی بیر سوزون اوستون قلم کی آز یازلوب چکنمدیم اونی من استتاره یازهرا قاپی دالندا سنه سیلی ویروبدی عمر وقتی کی اولعنتدیخ خانمی ویروردی اباعبدالله پنجه سی اوسته قاخدی ایاقا دیدی ظالم قوی سیلی منه دیسون یانان قاپنین اگر اولماسیدی مسماری تاپاردی جان گینه عمر دوباره یا زهرا یاراندا سینوی مسمار قان آپاردی سنی فدا اولیدیم اوپاکیزه ثاره یازهرا اوقانه قان دیمرم بلکه ده توکولدی یره نه لخته قان جگر پاره پاره یازهرا دینده فضه گل ئولدوم عجب قیامتیدی قاپی دالندا دوران حامله بیر عورتیدی قاپنی یانداران اوچ یوز نفر جماعتیدی یاامام زمان الیکی آنان قالدی دیواریلن قاپی دالندا گوردولر زینب قاچیر اویان بویانا هردن یانا یانا دیور آی مظلوم بابا هردن یانا یانا دیور آی جوان ننه هردن الین قویور ابی عبداللهین گوزونه قارداش سن باخما قاپینان دیوار آراسنا #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

ای قبری کیمین قدری نهان وای ننم ایوای لای لای ننه لای لای پهلولری ظلمیله سنان وای ننم ایوای لای لای ننه لای لای غم تیری سینه پر دردیوی یاردی باران بلا باشیوه هر لحظه یاغاردی سن تک ننه بو دهریده مظلوم ئولن اولماز مظلوم ئولن اولماز ئوز شهرو دیارینده غریب وطن اولماز مظلوم ئولن اولماز گوندوز ئوله هرکیم گجه غسل و کفن اولماز مظلوم ئولن اولماز نه اولدی باجون آغلیا ایوای دیه زهرا نه قارداشون اولدی یانا آخ وای دیه زهرا نه اولدی ننون باش آچا لای لای دیه زهرا ایلوم کیمه بو دردی عیان وای ننم ایوای #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

زبانحال حضرت زینب سلام الله علیها جوانلیقیندا ای فلک قوجالدی مهربان نه نم یخلدی آستانیه قابورقاسی سینان نه نم گئجلر آنا سنه آغلارام گونورزی‌ یانب‌ سینه داغلارام‌ قاپی یاناندا شعله سی دگوب قزاردار آهنی وجوده یاتسا یاندیرار بوغصه آغلادار منی نه حاله بیلمورم سالوب او منظره او سینه نی نجه دوزوب فشارینه شهیده زمان نه نم دیدیم که فضه بس هاچان بو قلبیمیز صفا تاپار دیدی طبیبلر گلر یارالاری دوا تاپار دیدیم نه نم ءولر؟دیدی بو تزلیگه شفا تاپار اولوبدی ثانی قانلسی ءولوبدی تیز جوان نه نم اولوب حسینیلن حسن گیجه یاریسی قول بویون دیدیم نه نم دیوبدی آز قولوزی قوینوزا قویون اورکده گیتدی آرزیسی گورنمدی اوغول طویون آپاردی قبره حسرتین مریض و ناتوان نه نم دیورم هر دم اشکیمی گوزیمده من دایاندیریم اوین بویوک قیزی منم اویمه گوز دولاندیریم گونون باتان چاقی دیم دوروم چراغی یاندیریم بو سوزی تاپشروب مته اوزی ویرنده جان نه نم قباله اوسته روحینون قوشی سالیندی دوستاقا یخیلدی ضرب سیلیدن طلاسی دوشدی توپراقا یوزون گورنده اوخشادیم خزان زمانی یاپراقا بالالاریندان آیریلوب گوزینده پارچا قان نه نم حسینی نازیلن نه نم گتوردی ای فلک بارا آچاندا جانمازینی بو قلبیمی ایدوب یارا دولومسینیب دیوب منه باجی نه نم گیدوب هارا نجه دیوم حسبنیمه ءولوبدی باغریقان نه نم عنادی اوسته سن کیمی او قنفذ دغا دوروب الینده تازیانه سی بساط کینه سین قوروب شفیعه قیامتون قولون ووروبدی سیندروب اورک دوگوندی غش ایدوب عزیزه جهان نه نم #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

یا فاطمه (س) ديار اعظم عشقين نگاري فاطمه دي سراي سبز بهشتين بهاري فاطمه دي جـهـان هسـتـيـده پروردگــار داداريـن منيم عقيده مه  دار و نداري فاطمه دي او آفتــاب مــقـدس كـى ذات اقـدس تك مين آسمانه سيغيشماز وقاري فاطمه دي اگر محبتي بيز بير طلا حساب ايلسوك يقين او ناب طلـانـون عيـاري فاطـمه دي او هفت شهريكي عطاره شهرعشق اولدي من ادعا ادورم شهريـاري فاطــمه دي نماز عصمته مريم امامت ايتسه اگر دئير امامتيمون اعتباري فاطمه دي او ذوالفقاري كي فولاد عشقيلن دوزلوب يازوبلا قبضه سينه اقتداري فاطمه دي قسم او قبضه ده زهرا آدين يازان مَلَك وجـود فاطـمـه عزت وئـروبدي نُـه فَـلكـه #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

#روضه_حضرت_فاطمه_زهرا دایاقیدون منه داغ مثلی الیمده سپریم آدون هر جنگیده سسلردیم اولاردی ظفریم (زهرا سن منه فقط همسر دیردون فقط بالالاریمون ننه سی دیردون تک همسریمی الیمدن ویرسیدیم بیر بئله یانمازدم ) دایاقیدون منه داغ مثلی الیمده سپریم آدون هر جنگیده سسلردیم اولاردی ظفریم ذوالفقار الده بهانیدی سنیدون کسریم قال الله تبارک و تعالی فی یوم القیامه عرصات محشرده غیبیدن الله تبارم تعالی نین طرفینن سس گلر أيها الناس غضوا ابصارکم آی مردم گوزوزی یومون گورلر بیرمحضون نوا گلر جاءت شفیعة المحشر جاءت ام الحسن والحسین جاءت فاطمة الزهرا آی مردم گوزوزی یومون حسینون ننه سی گلیر هامی گوزون یومار مگر سادات مگر زهرا زاده لر اما فقط سیدلر یوخ علامه امینی بویورور قرار دییر سید اولاسان خانمی ئوزوه ننه بوله سن باخ اورگیوه گور زهرانی نقدر چوخ ایستیرسن اگر خانمین محبتی اولسا سنده ننه دیه بولرسن خانم وارد اولار تمام انبیا ، اولیا ، اوسیا پیغمبر رحمت بویورار فداها ابو ها قیزیم آتان سنه قربان بالا اییلر خانمن الینن اوپر دیر قیزیم هرکسی آتاسینان تانیالار اما منه پیغمبر گتدیم معراجه گوردوم ملکلر بیر بیرینن زمزمه الیلر یول ویرین زهرانین باباسی گلور قیزیم امتیمین شفاعتینه نه گتیریبسن بالا خانم دایانار وقالت فاطمة الزهرا یارسول الله بابا ایستیرسن بوله سن نه گتیرمیشم شفانی یدانه المقوئتانل العباس بابا ابوالفضلیمین کسیلن الرین گتیرمیشم #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

سیلی جریانین نه شاعردن نه مندن آل خبر کوچه باریکی یثربده گورندن آل خبر فاطمه دوشدی نه غوغایه حسندن آل خبر (آخی بیر اوشاقین یانندا ننی ورسان اوشاق نه حاله قالار زمانی کی خانما سیلی دیدی امام حسن آقا گورخودان سخلدی دیواره) الدرم شاخدی کانه داغ دیده خرمنه گوزلرین یومدی حسن سسلندی بیر یول جان ننه دیدی درنده پلنگین چنگی ماه انوره صاق یوزوندن ضربه دیدی کوچه دوندی محشره ضربه ازبس محلکیدی صول یوزی دیدی یره #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

#روضه_حضرت_زهرا قاپی یاندی اوجالوب شعله دولوب توسی ایوه (علی ایلشیب ایوده بالالار ایوده ایلشیبلر زهرا قاپی دالندا) قاپی یاندی اوجالوب شعله دولوب توسی ایوه خانمن قالدی جگر گوشه سی پشت درده درو دیوار سخب سینه سینی مثل کتاب صدفه صدمه یتوب اولدی فنا گوهرده اولان اولدی یخلوبدی حسنینین ننه سی ایاقا دورماقا اولمادی توان پیکرده ورسالار هر خانمی ایلسه گر سقط جنین اولار امید گوزی قائده دور شوهرده دل دیدی دلبری سسله ولی شرم ایتدی خانم فاصله آچدی حیا بین دل و دلبردن بیر زمان صحنه قدم قویدی گوروب شیر خدا عصمت الله عباسیز یخلوب منبرده (علی چخدی صحنه گوردی الله ناموسی یخلوب یره ) بالا بیر یاندا دوشوبدور ننه بیر یاندا قالوب ضعف ائدوب صحنیده دل یوخدی گوزل همسرده باغلیوب قید مشیت دیدی افسوس الیمی یاندی قلبیم اله کی عود یانار مجمرده ذوالفقاریم ایتیدور پنجه لریم قوتلی من همان مرهبی نابود ائدنم خیبرده سویگولوم گوزلرین آچ زینب ئوزون ئولدوردی دییر الله کمک ایت ئولدی ننم الرده حسنینین نگراندی دولانور صاغ صولوا ملشولر ایکی جیران کیمی دوروبرده سن دوروب منزله گیت محسنی من دفن الیوم یوخوموش عاطفه بو قوم جفا گسترده صحلیدور یاندی قاپی قتلگه اولدی ایویمیز غنچه میز آچمادی گل سولدی دم سرسرده یازسام ایلر بویی چخمازخانمن دردی باشا سخن ایماعیله زیبادی سخن ور فرده خانما آغلادوقیجا اورگیم آرتور اوتی اشک تر قویمور اثر قلبیده کی آذرده #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

زبانحال حضرت زینب سلام الله علیها در فراق مادر الهی آنامدان ، اوزولدی الیم بو هجران غمیندن نجه دینجلیم اورک دولدی یا رب،یتیم اولدی زینب،آخار گوز یاشیم توکر اشک حسرت،دییَر وامصیبت،حسین قارداشیم مدینه بو غمده سیه پوش اولوب الهی وفا شمعی خاموش اولوب آنام مُحسنیله هم آغوش اولوب باتوب ماه عصمت،معین ولایت،آخار گوز یاشیم آناسیزلارین قلبی سوزان اولار اذان وقتی حالی پریشان اولار آنام گلمسه بو اورک قان اولار قالوب جانمازی،منه سوز و سازی،آخار گوز یاشیم حسین سسلیَنده دوراردی آنام باشی اوسته خیمه قوراردی آنام او رخساره بوسه وراردی آنام دییَردی گُلوم یات،آناوی آز آغلات،آخار گوز یاشیم آنام سالدی الله گوزوندن منی الیمدن چخوب رشتۀ دامنی نشانه منه قالدی پیراهنی اورکده فغان وار،بو کوینکده قان وار،آخار گوز یاشیم #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

غروب وقتی غروب ایلمه سنه قربان ای عصمتین گونی گل چخمائوزمداریندن بیرآزدا صبر ایله قوی زینبین یرین دوتسون غم وبلانی آزاتسین بودل فکارونان (حالوز وار عشقوز وار،خانمین محبتینن ایلشمیسن،خانمین مریضه گونلریدی، یواش یواش ئوزونه بیرتکان ویردی، عمواوغلی منه بیر کمکلخ اله درگوروم ایلشیم،آخرین لحظه لردی سنه نچه دنه وصیتیم وار،) وصیتیم سنه هرچند دردسر اولاجاق سوزوم چوخ اولسادا وقت آزدی مختصر اولاجاق بیری بودورکی منه حقیوی حلال ایله (دادی وار عالمی وار عشقی وار بیرگئجه اولاخ کنار دیوار بقیع سیزلر اولاسوز بزرگان اولا دایاناق اوایتگین قبرین کنارینده خانما یاخنان عرض ارادت الیاخ) وصیتیم سنه هرچند دردسر اولاجاق سوزوم چوخ اولسادا وقت آزدی مختصر اولاجاق بیری بودورکی منه حقیوی حلال ایله ایکمجیسی منی بیرناگران ایدن گئجه دی ایوین بیوک قیزی زینب گلین گیدن گجه دی منیم اوشاخلاریمی گون باتاندا گویلونی آل اولار کی یاتدی منی قبر ایوینده یادیوه سال عمواوغلی قیزین زبس آنادان یوخدی بیر یانانی چخان زمان قاپیدان هر قیز آختارار آنانی حسینی راحت ایله ای شه زمن گجه لر اوآغلیاندا نه سن غفلت ایت نه من گجه لر ایاقه دورماقا عمواوغلی گرچه معذورم دورانمورام ایاقا عف ایله گچن گجه لر عمواوغلی حسین بولوت کیمی دولموشدی دیندیرنمیردیم ازلده نچه گونی محسنوم ئولن گجه لر دیدیم اوغوم نیه منن دینیب دانشمرسان دیب،دیب دله گتدین اونی گچن گجه لر دیدی آنا نیه منن یوزوی گیزلدیسن ئوزون ده علتین یوخسا دیوب حسن گچن گجه لر (آنا گجه نین زمانی ایلشمیشدیم قولون سالدی منیم بوینوما ) قباله پاره لننده حسن یانمدیدی(داشب شهادت یاخنلاشوب هرچه باداباد سیزون عشقوز وار حالوز وار چون قباله پاره قلب اولدی یارا یول گیدیر زهرا ولی بولمور هارا قباله پاره لننده حسن یانندیدی دیور آنام یخلاندا الی الیمدیدی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

‍ سینه زنی فاطمیه ای کمگیم فاطمه سینه یارا قول یارا سن منی تنها قویوب سویله گیدورسن هارا سن شرف حوریسن گوزلریمون نوری سن مدرک حقدون پارا سویله گیدورسن هارا ای منیم همدمیم صبر ایله دلده چوخدی غمیم صبر ایله کاش آناسیزلیق سوزون ایوده فلک سالمیا اوغلان اوشاقی دوزر قیز ننه سیز قالمیا زینب وکلثوم اوچون آیرلقین سختیدور غصه ییر قیز اگر گویلون آنا آلمیا ای منیم هممدمیم صبر ایله دلده چوخدی غمیم صبر ایله عمقیزی گور حیدرین دیده خون پاشینی قالخیزا بولسون الین سیل گوزومون یاشینی غصه لیم غملیم منله دانش فاطمه قویما دیه سینمه آیرلیقون داشینی ای منیم هممدمیم صبر ایله دلده چوخدی غمیم صبر ایله هی دیوسن قویمیون سینه بالام داغلاسون عالم اگر آغلاسا قویما حسین آغلاسون عادت ایدیبدور سنه سن کیمی گلمز ننه سن کیمی کیمدور چکیب نازینی کیم ساخلاسون ای منیم هممدمیم صبر ایله دلده چوخدی غمیم صبر ایله #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

زبانحال به حضرت فاطمه زهرا سلام الله علیها دور ای بهارین گل یاسمنی دور ای بلشن قانا پیرهنی کفن یاراشمور ننه قامتیوه فدا اولوم یاره لی صورتیوه گوزلرون آچ ننه جان ایلمه قلبیمی قان قوی ایاقوندان اوپوم بو گیجه یاتما اویان اسور وجودیم هریانی بو دردیمون یوخ درمانی گوزوندن آتما دنیانی بو نالانی دور ای پیمبر ریحانی ای جانانی گل پیمبر آی ننه عزیز حیدر آی ننه بابام ییغوب باشینه گللرینی ائله چالور بیربیره اللرینی منی قوجاقینده نوازش ایدور دیور ننون ملک بهشته گیدور آغلاما چوخ آناوین روحی نویه گلر بیرگون اولار منیلن کرب وبلایه گلر دینده سن ایوای ننه آنان دیر ایوای سنه یانار مثال پروانه بو ریحانه گلر غمونده افغانه بو ریحانه گل پیمبرآی ننه عزیز حیدر آی ننه #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---