‍ ولادت حضرت زهرا (س) سبک مولودی :سو سپین کوچه لره گل ویرن الدن اله شاعر :«علیرضا علوی زنجانی » ای نور جاودانه گلوبسن بو جهانه عیدی ویر شیعیانه پیعمبردن نشانه گل ریحان گلوبدی. جان جانان گلوبدی مژده ویر شیعیانه. درده درمان گلوبدی 🌺🌴☘🌴🌺☘🌴🌺 گل اولوبدی هویدا گلوب دنیایه زهرا بند دل پیمبر گلوب ماه دل آرا گل ریحان گلوبدی. جان جانان گلوبدی مژده ویر شیعیانه. درده درمان گلوبدی 🌺🌴☘🌴🌺☘🌴🌺 ویریب الله گوزل پای پیغمبره گوزل آی مثل مانندین بیرده بو جهانه گلمز دای گل ریحان گلوبدی. جان جانان گلوبدی مژده ویر شیعیانه. درده درمان گلوبدی اون بیر عیسی آناسی محمد ین بالاسی افتخار خداسن حسن حسین آناسی گل ریحان گلوبدی. جان جانان گلوبدی مژده ویر شیعیانه. درده درمان گلوبدی گلوب دریای غیرت بودی معنای عصمت الیندن چوخ اوپردی سنین رسول رحمت گل ریحان گلوبدی. جان جانان گلوبدی مژده ویر شیعیانه. درده درمان گلوبدی پناه بی کسان سان امید شیعیان سان حیدریلر دیلر خانم سن قهرمان سان گل ریحان گلوبدی. جان جانان گلوبدی مژده ویر شیعیانه. درده درمان گلوبدی سنه جانلار فدادی آدین درده دوادی شوهرین مرتضی دی شه مشکل گشادی گل ریحان گلوبدی. جان جانان گلوبدی مژده ویر شیعیانه. درده درمان گلوبدی دنیا اولوبدی چراغان شادی ایدون عزیزان پیعمبردن ایوینده کوثر اولوبدی نمایان گل ریحان گلوبدی. جان جانان گلوبدی مژده ویر شیعیانه. درده درمان گلوبدی ✍شاعر :علیرضا علوی زنجانی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

ایولری وار آی امان خانا خانا ولادت حضرت زهرا (س) شاعر :«علیرضا علوی زنجانی» 🌺🌴🌺🌴🌺🌴🌺 میوه قلب پغمبردی زهرا آیت سوره کوثردی زهرا ای کعبه صدق و صفا زهرا خوش گلوب سن ای گهر کنز حیا زهرا خوش گلوب سن الگوی اصل هدف زهرا زهرا ای عشق شورو شعف زهرا زهرا «بایراملیق عطا ایله شیعه لره زهرا زهرا » ویر بو جمعه تذکره کرب وبلا زهرا. زهرا 🌺🌴🌺🌴🌺🌴🌺 مرضیه راضیه یا زهرا زهرا شجر طیبه یا زهرا زهرا ای بضه ی قلب نبی عالمه خوش گلوب سن ای دلبر عشق علی جهانه خوش گلوب سن همسر شاه نجف زهرا زهرا ریشه ی نخل شرف زهرا زهرا «بایراملیق عطا ایله شیعه لره زهرا زهرا » ویر بو جمعه تذکره کربوبلا زهرا. زهرا 🌺🌴🌺🌴🌺🌴🌺 مقدموندن بو جهان اولوب گلشن مهدی فاطمه جان گوزون روشن ای یوسف فاطمه نین آناسی خوش گلوب سن حسن و حسینین آناسی خوش گلوب سن ای گل باغ فدک زهرا زهرا اولان ای عشقه محک زهرا زهرا «بایراملیق عطا ایله شیعه لره زهرا زهرا » ویر بو جمعه تذکره کرب وبلا زهرا. زهرا 🌺🌴🌺🌴🌺🌴🌺 زینت آل عبا زهرا زهرا ای عشق شیر خدا زهرا زهرا سنی بو جهانه خدا اوزی زینت یارادوب نسوان آرا حاجر و مریمه سرور یارادوب شور عشقه صد مرحبا نور عشقه صد مرحبا «بایراملیق عطا ایله شیعه لره زهرا زهرا » ویر بو جمعه تذکره کرب وبلا زهرا. زهرا 🌺🌴🌺🌴🌺🌴🌺 اولماسیدی بو جهاندا مصطفی یارانمازیدی. یقین. بو ماسوا اولماسیدی گر علی المرتضی یارانمازیدی. یقینا مصطفی اولماسیدی اگر هیچ خانم زهرا یارانمازیدی. علی و مصطفی خلق ایلدی فاطمه نی اوز نوریندن خدا زهرایه گوره یارانوبدی علی و مصطفی کنز عشقون گوهریدی مصطفانون کوثریدی «بایراملیق عطا ایله شیعه لره زهرا زهرا » ویر بو جمعه تذکره کرب وبلا زهرا. زهرا 🌺🌴🌺🌴🌺🌴🌺 بیستم. ماه. جمادی الثانی بورودی نوری تمام دنیانی قویدی قدمین بو جهانه خانم ائللر بیلدی مژده گتریب یره روح الامین احمد گولدی سنده دی چشم فلک زهرا زهرا اولان ای دینه کمک زهرا زهرا «بایراملیق عطا ایله شیعه لره زهرا زهرا » ویر بو جمعه تذکره کرب وبلا زهرا. زهرا 🌺🌴🌺🌴🌺🌴🌺 فاطمه یعنی تواضع هم غرور فاطمه یعنی قیام عشق و شور به به یعنی فاطمه مثل هدایت مشعلی جهانه گوز اچدی بو گون همسر علی بودور نور لم یزلدی همسر و دلبر علی «بایراملیق عطا ایله شیعه لره زهرا زهرا » ویر بو جمعه تذکره کرب وبلا زهرا. زهرا 🌺🌴🌺🌴🌺🌴🌺 شاعر #علیرضا علوی زنجانی

🏴#وفات_حضرت_ام_البنین_س 🏴#ترکی 🎤مداح :حاج باقر منصوری ▪️▪️▪️▪️▪️▪️▪️▪️ عباسیم ای غم پروریم بنددلیم تاج سریم گل جان وئرورامّ البنین یولداقالوبدی گوزلریم آخر نفسدی آی بالا گل چال منه لایلای بالا دلده قراریم هارداسان زیبانگاریم هارداسان آچ شهپرون پرواز ائله باز شکاریم هارداسان زیبا جمالی آی بالا گل چال منه لایلای بالا ام البنینم خستیم اوغلوم سنه دلبستیم گل قاز بقیعده قبریمی زهراجانی جان اوستیم یوخ بیر کسیم ایوای بالا گل چال منه لایلای بالا گوز یاشلی عاشق قان اوتار تئزگل بوهجرانی قوتار گلسنده یوخدوراللرون تابوتیمی بس کیم دوتار سالّام حجازه های بالا گل چال منه لایلای بالا من آه اکوب وای درمیشم جنگه اوغول گوندرمیشم ایندی گلن یوخ یاسیمه یوزقبلیه دوندرمیشم بیربیر ملالیم سای بالا گل چال منه لایلای بالا گوز یولدا قالدیم گلمدون هی دردون آلدیم گلمدون گئتدون اوجاقامت بالا سنسیزقوجالدیم گلمدون گوندر منه بیر پای بالا گل چال منه لایلای بالا گل باشیمی آل دامنه روحیم گلور مهمان سنه قانلی علم سینمده دی بوبیر نشان بسدور منه گلمز بالاما تای بالا گل چال منه لایلای بالا جواب حضرت ابوالفضل علیه السلام ای قامتی چوگان آنا آلدیم پیامون جان آنا گل میزبان اولّام سنه ای جنته مهمان آنا دینجلدی روحون آی آنا لایلای آنا لایلای آنا معناده یار اولّام سنه باز شکار اولّام سنه جنتده حزن اولماز ولی من سوگوار اولّام سنه آغلار گوزون یوم دای آنا لایلای آنا لایلای آنا بیلّم آناجان خسته سن عباسیوه دلبسته سن جسمون اَریتدی غصه لر چوخ آغلاما جان اوسته سن من اولدوزام سن آی آنا لایلای آنا لایلای آنا آخر نجه دفنه گلیم آگاهسن یوخدور الیم گل نازیمی جنتده چک باش دامنونده دینجلیم بیربیر یارامی سای آنا لایلای آنا لایلای آنا صود وئردیگون شیرم آنا قان ایچمیشم سیرم آنا گلسم حسینیم تک قالار نیلوم نمک گیرم آنا یاندیم دئمه آخ وای آنا لایلای آنا لایلای آنا مادر قوجالسا ناز ائدر دل دردینی ابراز ائدر السیز منی گورسن اگر روحون قوشی پرواز ائدر اولماز امکلر زای آنا لایلای آنا لایلای آنا عاشق گرک دل داغلاسین یاریله پیمان باغلاسین وئر پرچمی ئوز اوغلوما قوی یادگاری ساخلاسین مندن اونا وئر پای آنا لایلای آنا لایلای انا شاعراستاد کلامی ✨اَللّهُمَّ عَجِّل لِوَلیِّکَ الفَرَج✨💫

‍ روضه حضرت ابوالفضل ✅گریز به احوالات ام البنین باغبان مسرور اولارسوز دوشسه هاردا یاس آدینان گوهریلر سوز سرشار آختارار الماس آدینان یاسیدن الماسیدن گوز یومدوم اما چکمدیم ال عمرومون بیر ثانیه بیر ساعتین عباس آدینان عباسه کیمدی همتا بو عرصه جهاندا مشکلدی شرح عشقیم دیوان و باستاندا بازوی اژدر افکن واردور بو قهرماندا غوغا یاراتدی عشقیم میدان امتحاندا حیدر دیردی احسنت سقا سودان چخاندا اولدون نه عاشقانه حقه فدا ابوالفضل مردانه سسله سنده لبیک یا ابوالفضل عالمده مثل سقا صاحب کرامت اولماز هر قاندا هر داماردا عباسی غیرت اولماز عشق عالمی بونون تک مست شهادت اولماز سو ایچمدی بولوردی وجدانی راحت اولماز سویلردی مرکب اوسته عشقه خیانت اولماز قیزلار اگر سو ایچسه سقا خجالت اولماز اولدون نه عاشقانه حقه فدا ابوالفضل مردانه سسله سنده لبیک یا ابوالفضل یاریمون ایثاری مین شور و قیامت ویردی عشقه اوجونا نهرین سویون آلجاخ وجاهت ویردی عشقه سودیدی ایچ بودیدی یوخ ایچمرم ارباب عطشدی احسنت عباسه عجب مردانه قیمت ویردی عشقه (اما خانم ام البنین یوزون دولاندردی کربلا سمتینه هر یرده ننه عزاسی اولسا ننه دن اوخونسا بالا دایانار قاپیدا) هایانداسان گوزلیم آی جمالی آی پاراسی قالوبدی الری قوینوندا دورت اوغول آناسی خوشا سعادتیوه کامه چاتموسان اوغول دیوله خرداجا بیر قبریده یاتمسان اوغول چتین گونومدی منیم دیلده سوزو سازیم وار نولار اماندی گل آی ابوالفضل سنه نیازیم وار بلالی دشتیده تاپدی اثر منیم عملیم گرک حسینچی اولیدون جهاندا سن گوزلیم سینمده من سند عشقی چونکی بَسلَه میشم ویرنده صوت سنه اولده یاحسین دیمیشم ئولونجه فخر ایدرم من وجود اطهریوه سلام او علقمین اوسته کسیلمیش الریوه بیر زمانیم واریدی اولموشودی بختیم یار منیم ایلردی خوش اقبالیمه غبطه آنالار دیردیلر فخر اله عباس کیمین اوغلون وار من گیدن وقتیده هر مجلسه هر انجمنه یر ویرردی آنالار عرشه مجلسده منه سالدی افسوس زمانه آناوی آیری حالا منی هیچ مجلسه دعوت الین یوخدی بالا ظلمیدور گوردوگی گونلر بالا هر کیمده قالا ظلمیدور بیر آنانون دهریده دورت اوغلی اولا جان ویرن وقته اوغولسوز دوشه تابوتی یولا (اما مدینه ده هرگون بیرینین ایوینده بیر روضه اولاردی هر ئوز ئولنین اوخشاردی زینب لیلا سریه ام البنین اما بیر گون ام البنین گوزی دوشدی گوردی رباب دایانوب بیر گوشه ده اصلا جمعه گوشولموراله یانایانا ربابه بیر باخدی دیدی) آی خانملار مجلسی گرم ایلیون ربابی دیندراخ کربلاده اولمادیم شش ماهه نین دردین بولم اصغره سقا سوقولی ویردی من عذر ایستیرم کاش عکاسان غم محنت بو آهیمنن آلا قول بویون منن رباب عکسین باهم سالا من دیم السیز شهیدیم او دیه دیلسیز بالا #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

سبک وفات حضرت ام البنین(س) (وصال تبریزی) هایاندا قالموسان بویوا من فدا بالا اجل گل ایستوری بو خسته جانیمی آلا یوخومدی بیر کسیم قبره ائوینه یولا سالا شهید آناسیم دورد اوغولوم اولا اولا ئولن زماندا گوزلریم باخیر ساقا صولا سیزدن صورا داخی گویلومی گللر آشمادی ام البنین آدی اصلا منه یاراشمادی یارالی ای بالام منیم یارالی آی بالام.... دئمه کی جسمیدن رخت وصالی سویموشام او قانلی پرچمون سینمون اوسته قویموشام بیر حالدیم داخی حیاتیدنده دویموشام یانمدا گل اوتور دویونجا صحبت ایلیاخ باشیم بلالرون دیوم قیامت ایلیاخ او قدری آغلادیم ، قلبیمه بیر ورم گلوب سو مشکی تک منیم قلبیمی تیر غم دئلوب فراق اوتونداایستمه اوغول یانوب ئولوم الیم الونده ایستیرم کی اوتلانوب ئولوم دوروب ایاقیوه باشیوا دولانوب ئولوم آنا بالالیق حقینی اونوتما لااقل بو صون نفسده ممکن اولسا باشیم اوسته گل یارالی قلبیمه الینده بیر دوا گئتور گلنده بیر اووش تربت کربلا گئتور سنونصورا اوغول خم غمه بویانموشام سو صحبتون باجون دیوبدی منده یانموشام الله بولور اوزوم ربابیدن اوتانموشام فلک ائله منیم ائویمی ائلوب خراب گلسون مدینه ائله گل بولمسون رباب اوغول غمون اورک باشون بولوب مدینه ده اوتانما گل داخی رباب ئولوب مدینه ده اوغول مصیبتون او وقتیدنکی بیلمیشم قسم او جانیوه مین یول ئولوب دیرلمیشم او شمع اوخشورام یانا یانا اریلمیشم دوشر نه حاله گور جوان بالاسی بیر ئولن من آغلورم سنه حالیمی یوخدی بیر بولن سن جان وئرن زمان باشون اوسته اولانمادیم جنازون اوسته بیر زفلریمی یولانمادیم نه حالیله سنی یخوبلا کار زاریده دوغرانموسان اوغول همان او گیر و داریده دیوله یاتموسان بالا کچیک مزاریده زینب باجون دیوب منه شرح مفصلون الی سنیدی کاش گوروم او دمده نوفلون بو داغی قلبیمی بو یرده بیر محن سیخوب نه حالیله قشون سنی آتدان یره یخوب خدنگ کینیله گوزیوی یاشلیوبدولار او باشه گلمین بلانی باشلیوبدولار گوروبله یوخ الین دوروبلا داشلیوبدولار سالوبلا قولارون گوزون یاشی آخا آخا آتدان یخوبدولار زهرا خانم باخا باخا حسینمون بئلین بو محنتینده ایموسن السیز یوز اوسته تپراقا نه حالدا دیموسن بو یرده وار یری عرش اهلی گلسه نالیه عباس آناسینه مصیبتون اوزی دیه سو مشکیمه گلوب بیر اوخ اصابت ایلدی او اوخ منی رقیه دن خجالت ایلدی دوباره آیری اوخ منی بی طاقت ایلدی حصاره صبریمی دئمه غم سیلی سیخمادی هر نیلدیم آنا او اوخ گوزومنون چیخمادی گتوردی لرزیه عمود کین وجودیمی دینده باشیمه داغیتدی تار و پودیمی او دمده اهل کین عداوت اوسته دوردولار کرب و بلاده پاییه جفانی قوردولار یارالی باشیمی نوک جدایه وردولار دئمه کی زینبون بند دیلینی قیرمادی هر نیلدی قشون باشیم جداده دورمادی زینب اورگینی تیر غمیله اویدولار آخریده باشیمی توربانون ایچره قویدولار #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

#السلام_علیک_یا_ام_البنین_س کشتی عمروم اولوبدور غرقه ی طوفان اوغول انتظارم، گوزلریم گوزلَر سنی هر آن اوغول گوزلریم یوللاردا قالدی دلده سوز آهیله آغلارام شام و سحر من ناله ی جانکاهیله باش باشا وئرَّم بو ائوده اوغلون عبداللّهیله سسلینده وای بابامن سسلرم جان جان اوغول رسمیدور بیمار اولا هر کیمسه درمان آختارور دردینین درمانینه درد اهلی لقمان آختارور صون نفس ده گوزلریم دیدارِ جانان آختارور قویما قالسون منتظر بو دیده ی گریان اوغول گَل گَلنده وئر خبر هم عون و فضل و جعفره هم حسینون نور چشمی شاهزاده اکبره دوز بنی هاشم جوانلارین یول اوسته، معبره شائقم دیداروزه هر لحظه و هر آن اوغول روز و شب فکریم بودوربیرده گوریدیم گُل یوزون روحیمه وئرسین صفا نطق ایلدیقجا هر سوزون جان وئرنده هر آنا، باغلار اوغول، مادر گوزون قوللارون اولموش قلم،یوخ بو ایشه امکان اوغول سرو قَدّون یادیمه دوشدوخجا هر آن آغلارام آغلارام رخساریمه سیل سِرشکی باغلارام وای اوغول وای سسلرم قلب جهانی داغلارام سوز آهیم دور اولوب بیر آتش سوزان اوغول اُول قَدَر من آغلادیم دشمن لر اولدی دلکباب سس قوشاردی ناله ی جانسوزیمه بیکس رباب نالیه گلدی منیم نالم دن عرش و نُه قَباب چرخ گردون ایلدی احوالیمه افغان اوغول ماجرای کربلانی هر زمان یاد ا یلرم وای اوغول وای سسلرم هر دمده فریادایلرم یاده سالام مرکب اوستن دوشماقون دادایلرم اولموسان آماج تیر و خنجر و پیکان اوغول واقفم بیر مشک سو اوسته سنی قوم عداوت ایلیوبلر کربلا ده آل طاهادن خجالت مشکیوه بیراوخ دَیوب ایلوب سنه برپاقیامت بیر قیامت کی گورنمز عالم امکان اوغول رحم سیزدشمن سنی ایلوب حسین دن شرمسار تا دَیوب اوخ مشکیوه یوزوئرموش حال انکسار قانیویله کربلا دشتین ائدوبسن لاله زار گل وجودون تا اولوبدور نقشه ی میدان اوغول وای منه کرب و بلاده توش اولوبسان هرغمه ثبت اولوب ایثاریوین معیاری نهرِ علقمه سن قلم قوللاریله حامی اولوبسان پرچمه قویمادون ایثاریده بیر ذره ای نقصان اوغول دلده واربیرنیسگیلیم چیخماز یادیمنان بیر زمان قبریوی من گورمه دیم اولدوم جهاندا باغریقان قالدی قلبیمده بو غم لر قَدّیمی ائتدی کمان خانه ی صبریم اولوبدی گور نئجه ویران اوغول ای خانم اُمَّ البنین یار امیرالمؤمنین بیر گدایم درگهوز ده ایلورم داد و انین سویله عباسه اولوب"دلجو"غمیمده دلغمین لطف قیل ایله اونوندادردینه درمان اوغول #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

دربی وفایی دنیا....گریزبه حضرت اباالفضل.ع... چاره سیز دَردیم دَواسیز قالدی دَرمان اولمادی. غُصّه چَکدیم لبلریم دنیاده خندان اولمادی. گوز آچاندان فانی دنیایه؛ یوروب غَملرمنی. منزل  بختیم  اَزَل گوندن  چراغان اولمادی. مَحرمِ اَسراریم اولدی صبحه تَک دان اولدوزی. گویده اولدوزلار بیلوب؛ اَغیاره عنوان اولمادی. کِچدی عمرومده اورکدن شاد اولوب بیرگولمدیم. روحیمه دنیا قفس اولدی؛ خوش اَلحان اولمادی. گوزآچان گوندن یازیلمیش دَرد وغم اِقبالیمه. لذّتِ  دنیا  منِ  نالانه  اِحسان اولمادی. چرخی سینسین بوفَلک تَنگ ائتدی دنیانی منه. روزگاریم تار اولوب گون تَک دِرخشان اولمادی. مونسیم گوزیاشی اولدی شَهدِ شادی دادمادیم. دور ایدوب غم لَشگری؛مندن گُریزان اولمادی. چوخ  بَلا چکدی باشیم بو فِتنه لی اَیّامیدن. بیر کَسین من تَک بِله حالی پَریشان اولمادی. پوزماق اولماز سَرنوشتین خَطینی پیشانیدن. هئچ کیمون عمرونده من تک قلبی سوزان اولمادی. """"""""""""""""""""""""""""""""""""" مشکله دوشدوم هاچان دوتدوم اباالفضل دامنین. آشنالر حالیمه  بیر لحظه گریان ا‌ولمادی. ای علینون با وِقار وجان فشان اوغلی آقا. وِی خانم ام البنینون قهرمان اوغلی  آقا. لطفیله ائتدون نظر دل یاره سی درمان اولوب. کیم چاغوردی آدووی هرمشکلی آسان اولوب. آدووین قربانی عباس ای شهامت مظهری. هاردا آدون گلسه اُول یئر روضه رضوان اولوب. روز عاشور بلاده وِئردون عالی  امتحان. ایتدیگون ایثارووه راضی حقِ سبحان اولوب. آلدی اطرافین اوسردار؛ دلیرین شامیان. یاره لنمیش پیکری ئوز روحینه زندان اولوب. دوشدی که قولار بدندن ساغ گوزه اوخ سانجیلوب. مَرکَب اوستونده گیدوب قان؛جسمی نامیزان اولوب. لَنگره دوشدی بَدَن میل ائتدی گه صاق وصولا. جسمی میزاندان چیخوبدور.دیزلری لرزان اولوب. گوزباخوردی تلّه چون؛دوشدی یوزی اوسته یِره. وئرمَدی لَشگر اَمان میداندا بیر طوفان اولوب. دل گلَرگلمز دیدی گَل یاحسین جان اوستیم. ای طبیبیم قارداشون شرمنده ی طفلان اولوب. فرصتیم آزدوراَخاگَل باشیم اوسته صُون نفس. قوی دِئسونلر نوکره سلطانیدن احسان اولوب. تَلّین اوستن قارداشین آلدی سَسین یالقوز امام. قفلَتا" رنگی سارالدی گوزلری گریان اولوب.   تاپشوروب تززینبه  قیزلاری آرام ائله سین. زولجناح اوسته مینوبدور عازم میدان اولوب. یول بوئی سویلَردی وای قیزلاریمه وای زینبه. تا گلینجک مَقتلِ عباسه نیمه جان اولوب. آختاروب تاپدی اباالفضلین داغیلمیش پیکرین. آلدی باشین دیزلری اوسته اورک شان شان اولوب. گورنه حاله باشووی سالمیش عَمودین ضربه سی. اوخ دگوبدور صاق گوزوندن کاسه سی ویران اولوب. اولساگر امکانی آچ بوصول گوزیلن باخ منه. اوت دوتوبدور بندبندیم قلب ائوی سوزان اولوب. آز چالیخلا جسمیده سالم یئرون یوخدوراَخا. پیکرون تَرپَشدوقیجه قانیله الوان  اولوب. هِی آچوب تِزتِز  اَیاقلارون  بِله جمع ایلمه. جان وِئرن سَنسَن اباالفضل بوحسین بی جان اولوب. صَف چکوب سوجامی اَلده قیزلاریم یولاروه. بیلمیوللر قارداشیم ئوز قانینه غلطان اولودب. (یاسرم) ای مرتضانون  قهرمان اوغلی آقا. هرزمان آدون چاغیردیم مشکلوم آسان اولوب... اثریاسرگنجی ا التماس دعا #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

شعر جدید وفات حضرت ام البنین (س) روح وروان ابالفضل آرام جان ابالفضل جان اوستیم اولورم گل قهرمان ابالفضل گل گوزللریمی باغلا ام البنینه      اغلا اوغلوم گه سینه داغلا سن گوزللریمی باغلا ام البنینه اوغولوم سن یانه یانه اغلا قلبیمی غملر الدی گوزوم یولوندا قالدی اولدون بو چرخ فلک باشیمه قاره سالدی دنیاده یاوریم گل سن ای دلاوریم گل سنن ساری داریخدیم دلبند حیدریم گل گلن یولیوا قربان صاق و صولیوا قربان حیدر اوپن عزیزم اوزون قولیوا قربان سن قانیوه باتوبسان مقصدیوه چاتوبسان ترک ایلیوب انیوی گوزدن نجه اتوبسان التماس دعا #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

زبانحال حضرت ام البنین سلام الله علیها . . من ام بنینم که علی گویلومی آلدی زهرایه کنیز اولدوم اودور باشیم اوجالدی اولده عزیز اولدوم اوغولّار آناسیدیم آخر ده فلک باشیمه دورد قاره نی سالدی . . من ام بنینم که سوزوم عالمی داغلار کیم بیلسه اورک دردیمی اشکین یوزه باغلار شاهددی بقیع توپراقی بیر حالدیام الان من اوغلوما ، اما وطن اهلی منه آغلار . . من ام بنینم که خزان اولدی بهاریم قرآن مبین اوسته گئدیب دار و نداریم دورد اوغلوم ئولوب ناله مه داغ تیترسه آزدی آزدور گئنه آغلار گچه گر لیل و نهاریم . . یاندیم ولی گیزلیندی بو یانماق گورن اولماز حسرت گولونی غملی باغیمدان درن اولماز بیر بلبلدیم جور خزان دربدر ائتدی بیر حالدیام الان سسیمه سس وئرن اولماز . . چون اهل وفا باشدا اولان عهدینی آتماز دوز عاشق اولان رنگ ریا عشقینه قاتماز عاشقدی هامی فاطمه اولادینه اما دنیا دولی عاشق اولا عباسیمه چاتماز . . من ام بنینم سوزولن کوکبی گوردوم طاهر دولانوب ساجد اولان اطیبی گوردوم غم قافله سی کرب و بلادن قئیدنده شاماتی گزوب تئز قوجالان زینبی گوردوم . التماس دعا #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---