مرحوم شاکی خویی . . گل بئلیم سیندی باجی آغلا علمداریم ئولوب دور ایاقه جگریم یاندی سپهداریم ئولوب . . باجی گل رونق پرگار و جلالیم داغیلوب گلشن آل علی ظلم و ستمله پوزولوب قدّ شمشاد علمدار ، علم تک یخیلوب آغلا باجی نجه گور قافله سالاریم ئولوب . . سالدی آتدان یوزی اوسته عدو میدانه باجی قولّارین بیر طرفه جسمینی بیر یانه باجی لاله تک باشدان ایاقه بویانوب قانه باجی اولدی باغریم داخی قان ناصرِ غمخواریم ئولوب . . گتیمک اولمادی ممکن باجی یاندیردی منی اؤ قدر یاره ووروبلا داغیلوب گل بدنی پاره پاره قوری یر اوسته قالوب یوخ کفنی پاره لندی جگریم یار وفاداریم ئولوب . . آغلاماقدان دوتولوب گلموری ای باجی سسیم کثرت درد دلیمدن کسیلوبدور نفسیم قالمادی آه ، منیم بیرجه نفر دادرسیم وارث منقبت حیدر کرّاریم ئولوب . . دور بئلین باغلا اسیر اولماقا دل یاره باجی عزّتون گئتدی داخی سال باشیوا قاره باجی سنی حسرت ائلدی دشمن علمداره باجی بیرجه قالدوم باجی من ، جمله هواداریم ئولوب . . یازیلوبدور منه ده باجی شهادت رقمی سنه اما ائده جکلر گونی گوندن ستمی «شاکی» بو بیتی یازان وقتیده تیترور قلمی گل بئلیم سیندی باجی آغلا علمداریم ئولوب #گل_بئلیم_سیندی_باجی #عباسیه #شاکی_خویی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

شعر جدید شهادت حضرت ابوالفضل علیه السلام ۱۴۰۲ دور ایاقه یاتما اویان اخا منی گوزدن اتما اویان اخا آل ایاق چالوب اورگیم قانین گوز یاشیما قاتما اویان اخا اویان ایندی آرخام ائلیم منیم ستمیله سیندی بئلیم منیم سنه قارداشیم  سینه داغلورام گوزومون یاشین یوزه باغلورام سنون حالیوه اورگیم یانور بله اودلانوب سنه اغلورام ادیوه فدا دلبریم اویان یاتما دور منیم یاوریم اویان گوزیوه اوخوی کیم ویروب اخا باشیوی عمود سیندیروب اخا صاق سولون دوشوب پیکرونده یوخ قلبیمی عدو یاندیروب اخا قولاریوی کیم سالدی قارداشیم صبریمی منیم الدی قارداشیم سنه ظلم بله اولدوی قارداشیم گوزللریوه قان دولدوی قارداشیم اغلورام سنون گول جمالیوه گول یوزون ندن سولدوی قارداشیم یوزون اوسته حتمن سورونموسن قانیوه او وقت سن بورونموسن قارداشیم سنون ادیوه فدا قیزلاریم ایدور خیمده نوا اصغره رباب سینه داغلیور یوخدوی سو اولا درینه دوا چاره ائله ای مظهر وفا اصغریم اولوب خونجگر اخا اکبریم ویروب بو مکاندا جان قامتیم اولوب قارداشیم کمان شهپریم سینوب منده یوخ توان سنده یاتما قلبیم اولوبدی قان دور یامان گونمدی اوغلسوزام بو بلا   یرینده       آدامسیزا https://eitaa.com/Hazrate_Abalfazll

خطاب حضرت عباس به لشکر کوفه ای سپاه شام و کوفه بو حسینون یاریم من                         یادگار مرتضایم بو شهون سرداریم من غم گونی غمخواریم من باخمیون بیکسدی بو شه یوخدی بیر یار و معینی                       جان بکف قربانیم من قویمارام تک شاه دینی اذن ویرسه محو یکسر ایلرم بو قوم کینی                                      بو شهون جان عدویه تیغ آتشباریم من شیر میدان شجاعت قدرت الله اوغلیام من                             هم شه بی یاره نوکر هم شهنشه اوغلیام من آفتاب چرخ دینون صورتی مه اوغلیام من                                    حیدر کرار آتامدور پور مه رخساریم من من علمدار رشید خسرو گردون مدارم                                        هر فنون جنگه دارا شیرزاده نامدارم من بو شاه کم سپاهون مقدمونده جان سپارم                       قویمارام باتسون ملاله غم گونی غمخواریم من هر یوزون دولدورسا لشگر ذرَه  جه باک ایتمرم من                     اولماسام داخل فراته آرزومه یتمرم من آلماسام سو سیزدن اوللم خیمه گاهه گئتمرم من                       چون وظیفمدور بو امرون ختمنون ناچاریم من حکم دعوا اولسا صادر پادشاه کربلادن                          قویمارام بو  چولده زنده بیر نفر اهل جفادن مقصدیم دور سو آپارماخ یوخدی باکیم اشقیادن                         اهل بیت شاهه سقا ، همده خدمتکاریم من ویرمیشم سو وعده سین چون دختران ماه رویه                      منتظردور تشنه قیزلار خیمه ده بیر شربه سویه اولمگیم خوشدور اگر من یتمییم بو آرزویه                           منصب سقَالیقون چون صاحب اظهاریم  من چونکه سقایم بو چولده ایلرم بو اهتمامی                          سو یولون گوزلور اوشاخلار آغلار اللرده سوجامی من گرک سیراب ایدم بو اهل بیت تشنه کامی                    گللری سولموش حسینون ساقی گلزاریم من بو علم که پرچم آچمیش سو کنارینده جماعت                 یعنی عباسوندی بو سو اختیارینده جماعت بو سویون وار چوخ لب عطشان انتظارنده جماعت         اهل بیت تشنه کامون دیده دن خونباریم من ایشدیلر جام شهادت جمله انصاری حسینون                عالم ظاهرده بیر من قالمشام یاری حسینون باطنا جن و ملکدن وار فداکاری حسینون                    پادشاه انس و جنون خادم درباریم من لشگر شاه حجازه من بو صحراده امیرم                   فارِس میدان قدرت جنگجوی بی نظیرم هم علمدار حسینم هم معین و هم مشیرم                    هم وزیری هم امیری هم سپهسالاریم من اولدروب هشتاد نامی پهلوانی قاشدی لشگر                   نعره ی الله اکبر چکدی دیلدن  زاد حیدر حمله ور اولدی سپاهه الده تیغ تیز او سرور                 من ابوالفظلم بو شاهون تشنه فرمانداریم من مشگینی دولدوردی سقا چخدی دریادن لب عطشان           دوندروب یوز خیمه گاهه مرکب اوستونده شتابان باخبر اولدی بوحاله سعدون اوغلی ویردی فرمان           یاغدیرون عباسه تیری آمر پیکاریم من اوخ آتانلار آتدی باخموب بو مروتدن اوزاخدی          گلدی بیر اوخ دگدی مشکه مشک اولوب پاره سو آخدی اشک حسرت آخدی سو تک ماه رخساره گوزوندن     سسلدی بو اوخ دیور بیل ایمدی مرگ آثاریم من «ذاکر» #ای_سپاه_شام_و_کوفه #عباسیه #ذاکر https://eitaa.com/Hazrate_Abalfazll

ای دردِ بی درمانلارا، درمان ابالفضل باب الحوائج شأنیوه، قربان ابالفضل . . . ای شیعه نین هر یرده امّید و پناهی سنگرنشین زوارلارین پشت و پناهی مظلوملارین سند ن سورا یوخدور پناهی اول منصب و ایمانیوه قربان ابالفضل . . . . هر کس سنین ال آتسا دوتسا دامنیند ن هرگز قییتمز دستِ خالی محضریند ن ال چکمریک بیزده سنین پاک دامنیند ن گؤز تیکمیشیک احسانیوه قربان ابالفضل . . . ای کربلا میدانینین رحمت هماسی شأنون بؤیوک قبرون کیچیک وار ماجراسی بسکی ووروبلار جسمیوه پیکان یاراسی غیر تلی مظلوم جانیوه قربان ابالفضل . . . دیوانه یِ عشقِ حسینوک یا ابالفضل پروانه یِ شمعِ حسینوک یا ابالفضل محتاجِ درمانِ حسینوک یا ابالفضل اول شاهِ لب عطشانیوه قربان ابالفضل . . . قلبیم اولوب هجران غمینده شانه شانه شش گوشه قبرین حسر تی اود ووردو جانه بو حسرتی قبره آپارام یانه یانه باغلی قالان یوللارووا قربان ابالفضل . . . هر کس اولا عشقِ حسینین مبتلاسی وصلِ حبیبه ال تاپار اولسا وفاسی محشر گونو اجرین وئر ر مظلوم آقاسی اول گلشنِ جانانووه قربان ابالفضل . . . آغلار گوزیله ایستریک صاحب زمانی گلسین اؤزو وئرسین براتِ کربلانی قبرین اؤپوب اولسون «وحیدی» نوحه خوانی باب الحوائج شأنیوه قربان ابالفضل . . . #عباسیه #ای_درد_بی_درمانلارا_درمان_ابالفضل #وحیدی سبک نوحه 👇👇👇 https://eitaa.com/Hazrate_Abalfazll

روضه شام غریبان حضرت سیدالشهدا علیه السلام (شام غریبان گجه سی قارداشلار ئولوب بالالار ئولوب اورگی یارالانوب خانم دیدی سجادیم بالا بیردنه خیمه گور قوی بو بالالاریم استراحت السین ) خار ایدیب زینبی گردون زمان یاللعجب گوردی غم خیمه سینی دختر سلطان نجف قاپسین قویدی ولی نعش ابوالفضله طرف آندریبدی سوزونی بحر غم اولدوزلارینا ئوزی اما نگهباندی حسین قیزلارینا مختصر اولدی غرض شام بلادن سپری (شام غریبان گجه سی خیمه لر یانوب ، بالالار یورولوب، قارداشلار ئولوب) خیمیه ساری خانم گوردی گلور بیر نفری (گوردی بیر قرالتی گلور خیمه لر سمتینه ) اظهار ایدیبدی گلمه حسین باغری قان ئولوب من بیکسم قبیله ده پیرو جوان ئولوب قیزلاری مین دیلیه چادردا یاتدمشام گلر ایقلانوبدی گونوز باغبان ئولوب گوندوز منیم ایویم یخلوب خیمه لر یانوب گلمه اگر قوناق گلیسن میزبان ئولوب گوردی عورتدی گلن عترته یوخدور خطری آشنا مثلی حرمخانه دلداره گلور نظر خدمتی وار عترت اطهاره گلور (گوردی بیر خانم عورتدی شام غریبان گجه سی گلدی خیمه لر سمتینه) یتدی عورت خانمین محضرینه ویردی سلام بیر دولی مشک سو قویدی یره اول پاک مرام مرتضانین قیزینا ایلدی تقدیم طعام دیدی گوندوز بولورم اولدی گونوز قاره خانم بو طعامی بو سویی پایلا اوشاقلاره خانم (الینده بیرآز طعام بیرآز سوگلدی خانم، دیدی خانم بولورم بالالار یورقوندولار بو طعامی بوسویی اوشاقلارا پایلا) دیدی زینب هاردان گلیسن موقع شب منزلین هاردادی ای صاحب احسان و ادب کیم سنون گلمگیوه اولدی بو موقعده سبب نه بولوردون چوخالوب دلده غم و محنتیمیز نه بولوردون بو طعامه بو سویا وار حاجتیمیز ایندی کی سن خبرآلدین دیدی ای مام حیا اوبامیز واردی یاخندا منه منزلدی اورا گوندوز اول موقع طوفان خطرناک بلا نهریدن سو آپاروردوم ایویمه نوش الیم (دیدی خانم گونوز گونون اورتا چاقی گلمیشدیم نهریدن سوآپارام خیمه میزه بیر صحنه نی گوردوم اورگیمی یاندردی خانم، نمنه صحنه سی گوروبسن؟) بیر قوجاسیده دوشدی نظریم یوز گوزی قان بیر چوخور یرده دوشوبدور چوبالور سینه ده جان اورگیم یاندی اومظلومه دایاندیم نگران (گوردوم الله اویارالینین اله دوداقلاری دبریر یاخنلاشدیم گوردوم اله دوداقلارین ورور بیربیرینه ) ترپدنده ایکی القانه بویانمش دوداقون (یاخنلاشدیم گوردوم دیور) ئولدورور تشنیه دیوردی بو جماعت قوناقون (گلدیم بیرآز قاباقا سوال الدیم آی یارالی کیمسن؟ گوردوم یانایانا دیور) حجت حقم حسین بن علی روح بتول بی گناهم منی بو حاله سالوب قوم جهول (اله کی دیدی زهرا بالاسیام وردوم باشیما) دیدیم ایوای تاندیم ملتفت اولدوم سوزوی (گوردوم یارالی دوداقلاری وردی تپریر دیدیم آقا) سویوم حاضردی آقا نوش اله قربان گوزوه (گوردوم یارالی دوداقلاری وردی بیر بیرینه) دیدی یوخ آب فراته منیم اصلا هوسیم ایوین آباد اولا اولدون نه عجب دادرسیم (سنن بیر خواهشیم وار، حسینیم ندی خواهشین؟) بیرتمنا ایدیرم من سنه آخر نفسیم چاتا هی هات الیم بیرده آدامسیزلاریما بوسویی ساخلا گجه وقتی آپار قیزلاریما ضمن صحبتده اوعورت ایشیدیب صوت عزا دیدی کیمدور اوخانم ایلوری شدتله نوا (بولار ایکیسی دانشیر بوخانم گوردی بیر خانمن اله آغلاماق سسی گلور) دیدی زینب اومنیم قلبینی ایلوبدی کباب باوفا قارداشیمین همسریدور آدی رباب ملیور اول شبدن گوزونه گلموری خواب (اونون اوغلی ئولوب ، اونون صودامر بالاسی ئولوب اورگی یارالیدی) دیدی زینب اومنیم قلبینی ایلوبدی کباب باوفا قارداشیمین همسریدور آدی رباب ملیور اول شبدن گوزونه گلموری خواب کاش اولیدون غمینه باخبر ای پاک مرام اسرایه گجه وقتی نه سوگتیریدون نه طعام بو اوشاق الده گلیدون بورا ای خوش فرجام اوغلی ئولموش ننیه خدمت اولیدی بو گجه امدیریب دوشلرینی راحت اولیدی بوگجه (او خانم یالواردی زینبه خانم منی آپار ربابین یاننا اوغلی ئولن ننه یاننا زینب گوردی رباب دوشلرین آلوب الینه دیدی خانم کاش منه عصر عاشورا سو ویرمیدون دوشلریمه صوت گلیب منی اذیت الیر چاغردی سکینه نی دیدی قیزیم بو خانملان گیت بولارین قبیله سینه ) گرک سکینه بو گجه منه طبابت ایلیه قبیله دن بیر آج یاتان اوشاق گتور بو خیمیه دامارلانان دوشی امیب ربابی راحت ایلیه دیدی خانم خجالتم خجیل گیدن گلنمیوب خیال ایتمه کلفتون سفارشون بینمیوب گون اورتادان قبیله نین اوشاقلاری صوت امیوب نه واردی بولمورم گویون دوتوب عزا آی اولدوزی نه وار بوگون دونوب سویون دادی غذالرین دوزی اوشاق کی صحلیدور هله صوت امیوب قویون قوزی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

‍ ‍ ‍ متن نوحه حضرت ابوالفضل ع #شهادت_حضرت_ابوالفضل اثر :استاد حسین غفاری اردبیلی فراتون اوسته زینبیم یاتوب یارالی قارداشیم کفن گئیندیر اصغره ئولوب وفالی قارداشیم بلیم سیندی قارداشیم عباسین غمیندن ئوپوردی قرآن کیمی گوردوم پرچمیندن اکوبلر اوخ گوئیا زینب سینه سینده گورونمور صاف یِر شرافت آئینه سینده علمدار ابوالفضل وفادار ابوالفضل باتوب کنار نهریده شرافتین  ستاره‌سی گَلَن وروب گئدن وروب سایلمیاندی   یاره‌سی او قولار کی تلّین اوسته ئوپدوم گئدنده سالوبلار نامردلر یوخ قوللار بدنده آناسی ئولسین دگوب بیر اوخ ساغ گوزیندن دانیشما ام البنینه پیکان سوزیندن علمدار ابوالفضل فادارابوالفضل دیدم گوزآچ حسینه باخ    دیدی گوزوم یارالی دی2 ایاقه دورگئدک دیدیم  دیدی حسین نه حالیدی سینه ام یاره سینه ام یاره  گولاریم یاره باش یارالیدی من اخیامه آپارما قارداش یارالی دی روقیه گورسه منی قولسوزشامی گورمز اولرعباسیون دوباره اخیامی گورمز علمدار ابوالفضل وفادارابوالفضل حاج محمدباقرمنصوری #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰--- #سبک_تا_مشک_تو_آب_زدی_

ای خدا اوزون شاهد اول بونا اوخلانان علی اصغریمدی بو قانینی سنه تحفه یولّورام عرشیوه سنون زیوریمدی بو چکمیشم خزان دردی یِتمیشم عالم وفا نوبهارینه سو یرینه قان ویرمیشم بو گون گلستان دین لاله زارینه رسمیدور قزل گُل نثار ایدر عاشق اوز وفالی نگارینه گرچه بیر صولان غنچه دی ولی دسته ی گُل اَحمریمدی بو تا یازیلدی طومار ابتلا مطلعی من اولدوم او دفترین یازدیلار متمّم او دفتره آدینی ابوالفضل و اکبرین ایله فدیه لر ویرمیشم بو گون گورمیوب فلک مثل و مظهرین دفتر شهادتده حشریده شاهکار و سر دفتریمدی بو مقصد اَلستیم گَلوب اَله بو حسین الهی بو کربلا بو قُماط اصغر او حرمله بو بوغازداکی ناوک جفا ویرمیشم بو گون کوی عشقیده شوق اوزیله یِتمیش نفر فدا تک به تک اولار اصغر اولسالار شاهد اول اوزون اکبریمدی بو ایلدی بنی هاشمین آیی خاک و خون ایچینده بو گون خسوف آسمان عمریمده اکبریم آفتابیدی ایلدی کسوف ظلم اَلیله اوخلاندی اصغریم باشی نیزیه گیچسه یا رئوف باشینی گورن نیزه ده بُلر آی یانینجا بیر اختریمدی بو سوگُلون حسینم کمکسیزم، حالیمی ایدن کیمسه یوخ سراغ اولموری رضا اهل کوفه من غصه دن تاپام بیر نفس فراغ اکبرین هله داغی گیتمیوب چکدیلر او داغ اوسته تازه داغ وار یری دلیم اود دوتوب یانا پاره ی دل مضطریمدی بو یالقوزام غریبم اوغولسوزام دشمنیم منیم چوخدور ای خدا بو دیار غربتده بر نفر دادیمه یتن یوخدور ای خدا سسلینده هَل مِن مُعین منه سس ویرن قلج اوخدور ای خدا قیزلاریم سو ایستور خجالتم رفع خجلته رهبریمدی بو یوخ آلان اَلیمدن جنازه سین سوزِ غم ایدوب قلبیمی کباب اوغلوم اکبرین گَلموری سسی هر چه ایلورم نعشینه خطاب قارداشیم ابوالفضلی سسلورم نیزه و قلجلار ویرور جواب گیزله دَم گرک زیر خاکیده پر بها دُر و گوهریمدی بو بو جماعت شام و کوفه نین وصفه گَلمین دور شقاوتی وار بو غنچه ی نو شکفته نون برگِ گُلدن آرتوق لطافتی سود اَمَر اوشاق نازنین بدن سُمِّ مرکبیله نه نسبتی؟ ایستورم وجودی تاپولماسون دلده مقصد مُضمریمدی بو ای حبیب من اوخلانوب بالام منتهای مقصوده چاتمیشام باغریما باسوب قانلی قونداقین سر به سر اوزوم قانه باتمیشام اصغریم ایله حالیمی پوزوب اکبریمی یاددان چخاتمیشام بُلمورم آخور قانی قلبیمون یا که اشگ چشم تریمدی بو بیر نفر کمک سیز غریبیده نه قَدَر اولور ای خدا دوزوم؟ هر یانا بو چولده بو گون باخور دوغرانان جنازه گورور گوزوم عرصه گهده دورسام قوشون گُلر خیمیه گیدوم گَلموری یوزوم دوشموری دلیمدن علی آدی بسکه دلده چوخ از بریمدی بو قان دوتوب بوغازین باتوب سسی آغلامور داخی ایلیوبدی خواب عُذریله آناسیندان آلموشام وعده ویرمیشم اصغرینه آب نه یوزیله من خیمیه گیدوم خیمه نین قاپوسین کَسوب رباب حقّی وار گوروب قونداقین دیسه بوش قفسدی یا اصغریمدی بو؟ سس یِتیشدی دربار قدسیدن آغلاما حسین، صبر ایله دایان وار بهشتیده دایه سی بونون گوزلوری بالان فاطمه آنان تحفه یولّادون قانین اصغرین درگهیمده قیمتلی دور بو قان باشلاناندا دیوان معدلت لطف و قهریمه مصدریمدی بو باخما اصغره یانما آغلاما، کائناتی یاندورما یا حسین سود اَمَر بالان باغریوا باسوب چوللری دولاندورما یا حسین چرخ اطلسین دامنین بیله قانیله بویاندورما یا حسین چرخیده شفق تک قالار بو قان زینت خورِ اَنوریمدی بو سن منیم یولومدا بو سود اَمَر طفلی ایلدون تشنه لب فدا تا که جدّیوین امّتی اولا نار قهریدن حشریده جدا منده بو بالایه بغیشلرم ایتسه لر حسینی لرون خطا شامل ایلرم لطفیمی دیسه هر او کس منه- سروریمدی بو اولمیوبدی اولماز سنون کیمی بیر نفر وفاسین نشان ویره سو یرینه سو اولمیان زمان نخل دین اسلامه قان ویره ساخلاما اَل اوسته چکیده ی جانیوی یره قوی که جان ویره ایچمیوبدی ایچمز فراتیدن، تشنه ی یَمِ کوثریمدی بو ایچمه میشدی سو تشنه کامیدی، غنچه تک سارالمشدی صورتی قانیله بویاندورموسان یوزین قرمزی گُله وار شباهتی منتظردی زهرا گوزَتلوری بو گُلِ ریاض ولایتی پیشوازینه مرتضی چخوب میهمان پیغمبریمدی بو دوتما گوگلره قانلی صورتون، قان یاشیله دولدورما گوزلرون بارگاهیمه سالما ولوله، قوزاما گویه قانلی اَللرون محضریمده اثبات عهدیوه اکبروندن آرتوقدی اصغرون بو مناده اکبر فدادی بو، چوخ دیمه داخی اصغریمدی بو ای حبیب خلّاق لا مَکان، وی شهنشه انبیا غلام من حسینیم سعدی زمان درگهونده مستخدمم مُدام یازسان آدیمی کلبِ آستان کائناته فخر ایلرم تمام تاج و تختیله ایتمرم عوض سن دیسن اگر نوکریمدی بو #ای_خدا_اوزون_شاهد_اول_بونت #سعدی_زمان https://eitaa.com/Hazrate_Abalfazll

🏴نوحه زنجیرزنی امام حسین🏴 در سبک(قدم قدم) ✍شاعر : علی عبدی قدم  قدم ، شاه  کرم بو  قارا  پرچم  دالیجا  من  گلرم حسین حسین،سسلنرم گوزیاشیمی   صورته   مولا  اَلَرم ای   پور   حضرت   یدالله ای   شه  دین   ابا عبدالله دنیایه  وئرمرم   عشفیوی اربابیم   یاحسین   ثارالله جان یارالی،جان یارالی مرقد ششگوشه وه قربان یارالی 🏴🏴🏴🏴🏴 جانسان آقا ، جانسان  آقا کعبه ی دل عالمه سلطانسان آقا جانسان  آقا ، جانسان آقا سرور  و  سالار شهیدانسان  آقا قاپوندا  یا حسین   نوکرم بو  شانی   عالمه   وئرمرم تاجان وار قاره  پرچملردن یا   مولا    اَلیمی   ئوزمرَم جان یارالی،جان یارالی مرقد ششگوشه وه قربان یارالی 🏴🏴🏴🏴🏴 اکبریوه ، اصغریوه قربان اولوم هم اوجا سرلشکریوه قاسمیله جعفریوه یتمیش  ایکی  عاشق  نام آوریوه مکتبین   مکتب  انسان  ساز هرعصری قبول اِیلیور سرباز هرکیم بو مکتبه عضو اولسا دنیاده   خار  و  رسوا   الماز جان یارالی،جان یارالی مرقد ششگوشه وه قربان یارالی 🏴🏴🏴🏴🏴 حسین من ،حسین من ای  یارالی  پیکری گوداله  دوشن حسین من حسین من ای باشی دالدان لب تشنه کسولن سن چوخور یئره باتدون قانه اوجالدی       ناله       آسمانه یاندیردی   خیمه لری   دشمن قیزلارون     قاچدی    بیابانه جان یارالی،جان یارالی مرقد ششگوشه وه قربان یارالی بقلم کربلایی علی عبدی زنجانی https://eitaa.com/Hazrate_Abalfazll #سبک_قدم_قدم_با_یه_علم_

✔️ تنور خولی سبک : ای وئرن ویرانه یئرده ..... ای کول اوستونده یاتان باش یاره لی سیمایه قربان گلمیشم خولی ائوینده ساخلیام شام غریبان کوللر اوسته یاتما اوغلوم دور منی آغلاتما اوغلوم         ماه غم دوشدی خسوفه گون تنور غمده باتدی عار اولا بو میزبانه دینینی دیناره ساتدی باشوی قویدی کول اوسته بستر دیباده یاتدی بی مروت میزباندا اولمادی بیر ذره وجدان کوللر اوسته یاتما اوغلوم دور منی آغلاتما اوغلوم     گؤر روادور کوللر اوسته باش قویا زهرا مارالی گؤزلرین قربانیم دور سینم اوسته یات یارالی نه اوغول نه قارداشین وار دوشموسن ائلدن آرالی باش یارالی لب یارالی پیکرین مقتلده عریان کوللر اوسته یاتما اوغلوم دور منی آغلاتما اوغلوم                      خیمه لرده منتظردور زینبیم قارداش دالیجا بو ائوه زهراده گلدی بیر یارالی باش دالیجا عترتون حیدر گئدیدی بو گجه ای کاش دالیجا نه چراغ وار خیمه لرده نه فرات اوسته نگهبان کوللر اوسته یاتما اوغلوم دور منی آغلاتما اوغلوم     قوی سیلیم قانلی دوداقین تا اولا شیرین بو وصلت صحبت ایله ای یارالی وار نقدری الده فرصت کربلا کوی غم اولدی کوفه دریای مصیبت آغلادیم کربو بلاده کوفیه گلدیم پریشان کوللر اوسته یاتما اوغلوم دور منی آغلاتما اوغلوم چوخ مصیباته دؤزوبسن صبرده هیبتلی داغسان نانجیبون منزلینده ای نجیب اوغلوم قوناقسان یاتموسان بیگانه ائوده آشنالردن اوزاقسان باشوی یئردن گؤتوررم ساخلارام سینمده مهمان کوللر اوسته یاتما اوغلوم دور منی آغلاتما اوغلوم ابوالفضل عبّاسی معروفان https://eitaa.com/Hazrate_Abalfazll

سبک ای ویرن ویرانه یرده👆👆👆

غارت خیام سبک : ویرانه ده نازلو بالام ... مرحوم یحیوی گل هارداسان قارداش آمان، تئز گل حسینیم گل دولدو خیامه کوفیان، تئز گل حسینیم گل آتلی پیاده یوز قویوب، اخیامه هر یئردهن چیخمیش سمایه قورخولو، سسلر عر‌بلرد‌ن خیردا بالالار قورخوشور، قارداش بو سسلرد‌ن تا ائیلمزلر بیر زمان، تئز گل حسینیم گل بو های و هو، بو کشمکش، زینب ند‌ن ئولمز سند‌ن سوای هئچ کس منیم، احوالیمی بیلمز هی سسلر‌م باعث ندیر، قارداش سسین گلمز گر یاتمیسان، یاتما اویان، تئز گل حسینیم گل بو خیمه لرده بیر بولوک اهل عیالون وار السیز ایاقسیز طفل وار، باشی بلالون وار تأخیر ائدیرسن بیلمیر‌م، هانسی خیالون وار؟ بو سرّه باغریم اولدو قان، تئز گل حسینیم گل عور‌تلره شرعاً جهاد اولسیدی ائیلردیم من دختر شیر خدایم، جنگی باشلاردیم حمله ائدیب بو لشگری، نابود ایلردیم اشراره وئرمزدیم آمان، تئز گل حسینیم گل صبر ائت باجی، صبر ائت باجی، ائی زار و دلخسته امدادیوه گللم سنین، آهسته آهسته دورماقه یارا یوخ، سورونلم اللریم اوسته قلبیم یانیر ائتمه بیان، تئز گل حسینیم گل بو همته، بو غیر‌ته قربان باجون زینب گلمه بو نوعی رقته، قربان باجون زینب چوخدور یاران گئت راحته، قربان باجون زینب بیرده دییم ائتمه گمان، تئز گل حسینیم گل یاز یحیوی افرادلر، ایسته ولی حاجت قصد زیار‌تله مقام پاکه قیل نیت بیر اربعین باب حسین اولسا سنه قسمت قبرینده قیل ورد زبان، تئز گل حسینیم گل https://eitaa.com/Hazrate_Abalfazll

سبک ویرانه ده نازلو بالام👆👆👆👆👆

زبانحال امام حسین علیه السلام در بالین حضرت ابوالفضل علیه السلام ✍حسن حیدری سبک :خداوندا ، خداوندا یتیشدیم باشیوین اوسته گوزوی آچ وفالی قارداش بلیم سیندی امیدیم قطع اولوبدور ای یارالی قارداش اوجا بویلی سپهداریم _ ابوالفضلیم علمداریم قوجالدیم بیر گونون ایچره بو لشگر جفا الیندن عموجان العطش دوشمور بو تشنه قیزلارین دیلیندن دوشن وقته آتین اوستن یاپیشدی قارداشین بلیندن شهادتده سنه چاتدی بیر امتیاز عالی قارداش اوجا بویلی سپهداریم _ ابوالفضلیم علمداریم بلا هر قدر تاپوب شدت دیدیم که ساقدی صاحب پرچم سنون اما بو احوالون سالیب باشیما سایه غم گولور دشمن ایاقه دور گیدک خیامه ایندی باهم ایاقه دورماسون قدیم قالار بیله هلالی قارداش اوجا بویلی سپهداریم _ ابوالفضلیم علمداریم سووا گلدون رباب آلدی علی اصغرین قوجاقه سنی گوزلور رقیه یلن گلنده تیز چیخا قباقه اوزون عطشان ولی بیر قطره ویرمادون سودان دوداقه اوتوز بش ایلدی مولا سسلییبسن آی حیالی قارداش اوجا بویلی سپهداریم _ ابوالفضلیم علمداریم https://eitaa.com/Hazrate_Abalfazll

سبک خداوندا خدواندا👆👆👆👆

‍ سینه زنی، روز عاشورا      . صحرای کربلاده ، طوفاندی یا محمد گوندر کفن حسینه ، عریاندی یا محمد . . یوم عزادی یاران ، یا روز عید اضحی کرب و بلادی یا رب ، یا دشت ذبح مینا برهم دی نظمِ عالم، قان آغلار اهلِ معنا سر نیزه ده حسینین ، باشی اید‌ر تجلا گون بیر جدانین اوسته ، تاباندی یا محمد . . عباسمین کسیلدی ، بازویِ باوفاسی باش کاسه‌سینده قاسم،ایسلاتدی طوی حناسی میداندا یاتمیش اکبر، آغلار قالوب آناسی خاموش اولوبدور اصغر ، حلقینده اوخ یاراسی پستان او شیرِخواره ، پیکاندی یا محمد . . گلسین بو سرز‌مینِ پر انقلابه زهرا گورسون حسینین عریان دوشموش ترابه زهرا سالسین یارالی جسمین تا رختخوابه زهرا غرق ایله‌سین یاراسین ، سیلِ گلابه زهرا فرزند اشکِ ماد‌ر ، درماندی یا محمد . . شمرِ جفا شعارین ، آرتیرسین حق عذابین یاندیردی خیمه‌گاهین ، پیراهن و طنابین تالان ائدیب آپاردی، اجناسِ بی حسابین پرده‌نشین حر‌ملر، الدن وئریب نقابین چوللرده باشلار آچیق ، ویلاندی یامحمد . . گل آخر اهلِ بیتین ، شامه گيدر پیاده قولار طنابه باغلی ، غرقِ غم و بلاده صد پاره نعشلردیر، عریان دوشوب آراده وئرمیشله دسته دسته، قوشلار قاناد قاناده گولگون بد‌نلر اوسته ،پرراندی یا محمد . . زهرا ند‌ن دایانمیش،ترک ائیله‌مز، جنانی بیلمز مگر او خاتون ، اوضاع کربلانی زینب قالوب کمک سیز، سوزاندی خانمانی اود دان چیخاردا بیلمور ، بیمارِ ناتوانی زینب او اوددان آرتیق، سوزاندی یا محمد . . بیر آز قاباق گورئیدین، سن نینو‌ا چولینده ضعف ائیله‌یب حسینین اوز قانلی مقتلینده نه وار دفاعه یارا ، نه وار سلاح الینده نیزه برابر ینده ، اوخلار مقابلینده سینه قلیج دمنده ، قلخاندی یا محمد مرحوم یحیوی اردبیلی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

حسین شام غریباندور سنه یار اولماسام اولماز چوخور یرده دوتوب ماتم عزادار اولماسام اولماز . سنون عشقون سالوب چولدن چوله بو غملی زهرانی اولام لازمدی بو صحراده ناچار اولماسام اولماز . غم اهلی رسم عالمدور همیشه غملینی خوشلار سنون تک غملی بیر سلطانه غمخوار اولماسام اولماز . شکسته دللرون قدرین شکسته دل بیلر اوغلوم ئولوب اوغلون سنوب قلبون طرفدار اولماسام اولماز . بو باشسیز پیکره اولّام نگهبان ساربان قویسا او گلسه دیده سی مقتلده خونبار اولماسام اولماز . نه لر اولدی خانم زهرا دوروب ترک ایتدی گودالی دیدی هر یرده من درده گرفتار اولماسام اولماز . یوخ امکان اگلشم بوردا حسین جان ال کسن گلدی ندور چاره گیجه وقتنده سیّار اولماسام اولماز https://eitaa.com/Hazrate_Abalfazll

شام غریبان حضرت سیدالشهدا علیه السلام آچ گوزون اویان حسینیم فاطمه گلوب نوایه با اجرای زیبای سرور عزیز بزرگوار استاد حاج آقا زیبائی از استان قم شعر از مهدی ملکی زنجانی ملتمس دعا مهدی ملکی

1-10. شام غریبان گودال سس وئر داریخمیشام من نالانه آی بابا گلدیم بو یئرده شام غریبانه آی بابا گلدیم بابا غمینده یانیم سینه داغلییم خلوت ائدیب جنازه وین اوستونده آغلییم امکان یوخومدی یاره لرین گرچی باغلییم گوز یاش گتیرمیشم سنه درمانه آی بابا سس وئر منه دئییم باشیمین ماجراسینی غارت غمین بو لشگر کفرون جفاسینی یوخ باغلیان ایاقلاریمین هیچ یاراسینی غم گور نئجه گتیردی منه جانه آی بابا سند نصورا اورکلرمیز قانه دوندولر باشین اوجالدی نیزیه دشمن سویوندولر غارت هواسی باشدا خیامه توکولدولر یاندی شرار ظلمیله کاشانه ای بابا عمه م اودم کی گوردی گلیر لشگر جفا ائتدی سوال قارداشیما نیلیوم بالا امر ائیلدی کی اهل حرم چوللره قاچا قالدی اوزی خیمده یانا یانه آی بابا هر نه واریدی اهل جفا غارت ائیلدی اهل حرم داغیلدی چوله وحشت ائلیدی الله ولیک عممه چوخ نصرت ائیلدی تاپدی گتیردی خیمه سوزانه آی بابا سندنصورا بابا بیزه دشمن گتیردی سو هر قطره سینده دیلده فغان ائتدیم آرزو بیر قطره سین وئریدیله کاش اصغره عدو اوخ ووردیلا او طفل لب عطشانه ای بابا الان کی گلمیشم بورا ای سرور حجاز نصفی یانان چادیردا بی بیم باشلیوب نماز گوزیاشلی سینه داغلی ائدیر رازیله نیاز قلبی دوندی لاله کیمی قانه آی بابا سندن صورا بو عالم امکاندا یوخ صفا قمچی له ساکت ائتدی بیزی قوم اشقیا کاش عمری اجل گله مقتلده قورتارا یوخ منده تاب کوفه ده زندانه آی بابا

کربلایی سعید سلطانی #شام_غریبان

‍ ‍ روضه شام غریبان حضرت سیدالشهدا علیه السلام (شام غریبان گجه سی قارداشلار ئولوب بالالار ئولوب اورگی یارالانوب خانم دیدی سجادیم بالا بیردنه خیمه گور قوی بو بالالاریم استراحت السین ) خار ایدیب زینبی گردون زمان یاللعجب گوردی غم خیمه سینی دختر سلطان نجف قاپسین قویدی ولی نعش ابوالفضله طرف آندریبدی سوزونی بحر غم اولدوزلارینا ئوزی اما نگهباندی حسین قیزلارینا مختصر اولدی غرض شام بلادن سپری (شام غریبان گجه سی خیمه لر یانوب ، بالالار یورولوب، قارداشلار ئولوب) خیمیه ساری خانم گوردی گلور بیر نفری (گوردی بیر قرالتی گلور خیمه لر سمتینه ) اظهار ایدیبدی گلمه حسین باغری قان ئولوب من بیکسم قبیله ده پیرو جوان ئولوب قیزلاری مین دیلیه چادردا یاتدمشام گلر ایقلانوبدی گونوز باغبان ئولوب گوندوز منیم ایویم یخلوب خیمه لر یانوب گلمه اگر قوناق گلیسن میزبان ئولوب گوردی عورتدی گلن عترته یوخدور خطری آشنا مثلی حرمخانه دلداره گلور نظر خدمتی وار عترت اطهاره گلور (گوردی بیر خانم عورتدی شام غریبان گجه سی گلدی خیمه لر سمتینه) یتدی عورت خانمین محضرینه ویردی سلام بیر دولی مشک سو قویدی یره اول پاک مرام مرتضانین قیزینا ایلدی تقدیم طعام دیدی گوندوز بولورم اولدی گونوز قاره خانم بو طعامی بو سویی پایلا اوشاقلاره خانم (الینده بیرآز طعام بیرآز سوگلدی خانم، دیدی خانم بولورم بالالار یورقوندولار بو طعامی بوسویی اوشاقلارا پایلا) دیدی زینب هاردان گلیسن موقع شب منزلین هاردادی ای صاحب احسان و ادب کیم سنون گلمگیوه اولدی بو موقعده سبب نه بولوردون چوخالوب دلده غم و محنتیمیز نه بولوردون بو طعامه بو سویا وار حاجتیمیز ایندی کی سن خبرآلدین دیدی ای مام حیا اوبامیز واردی یاخندا منه منزلدی اورا گوندوز اول موقع طوفان خطرناک بلا نهریدن سو آپاروردوم ایویمه نوش الیم (دیدی خانم گونوز گونون اورتا چاقی گلمیشدیم نهریدن سوآپارام خیمه میزه بیر صحنه نی گوردوم اورگیمی یاندردی خانم، نمنه صحنه سی گوروبسن؟) بیر قوجاسیده دوشدی نظریم یوز گوزی قان بیر چوخور یرده دوشوبدور چوبالور سینه ده جان اورگیم یاندی اومظلومه دایاندیم نگران (گوردوم الله اویارالینین اله دوداقلاری دبریر یاخنلاشدیم گوردوم اله دوداقلارین ورور بیربیرینه ) ترپدنده ایکی القانه بویانمش دوداقون (یاخنلاشدیم گوردوم دیور) ئولدورور تشنیه دیوردی بو جماعت قوناقون (گلدیم بیرآز قاباقا سوال الدیم آی یارالی کیمسن؟ گوردوم یانایانا دیور) حجت حقم حسین بن علی روح بتول بی گناهم منی بو حاله سالوب قوم جهول (اله کی دیدی زهرا بالاسیام وردوم باشیما) دیدیم ایوای تاندیم ملتفت اولدوم سوزوی (گوردوم یارالی دوداقلاری وردی تپریر دیدیم آقا) سویوم حاضردی آقا نوش اله قربان گوزوه (گوردوم یارالی دوداقلاری وردی بیر بیرینه) دیدی یوخ آب فراته منیم اصلا هوسیم ایوین آباد اولا اولدون نه عجب دادرسیم (سنن بیر خواهشیم وار، حسینیم ندی خواهشین؟) بیرتمنا ایدیرم من سنه آخر نفسیم چاتا هی هات الیم بیرده آدامسیزلاریما بوسویی ساخلا گجه وقتی آپار قیزلاریما ضمن صحبتده اوعورت ایشیدیب صوت عزا دیدی کیمدور اوخانم ایلوری شدتله نوا (بولار ایکیسی دانشیر بوخانم گوردی بیر خانمن اله آغلاماق سسی گلور) دیدی زینب اومنیم قلبینی ایلوبدی کباب باوفا قارداشیمین همسریدور آدی رباب ملیور اول شبدن گوزونه گلموری خواب (اونون اوغلی ئولوب ، اونون صودامر بالاسی ئولوب اورگی یارالیدی) دیدی زینب اومنیم قلبینی ایلوبدی کباب باوفا قارداشیمین همسریدور آدی رباب ملیور اول شبدن گوزونه گلموری خواب کاش اولیدون غمینه باخبر ای پاک مرام اسرایه گجه وقتی نه سوگتیریدون نه طعام بو اوشاق الده گلیدون بورا ای خوش فرجام اوغلی ئولموش ننیه خدمت اولیدی بو گجه امدیریب دوشلرینی راحت اولیدی بوگجه (او خانم یالواردی زینبه خانم منی آپار ربابین یاننا اوغلی ئولن ننه یاننا زینب گوردی رباب دوشلرین آلوب الینه دیدی خانم کاش منه عصر عاشورا سو ویرمیدون دوشلریمه صوت گلیب منی اذیت الیر چاغردی سکینه نی دیدی قیزیم بو خانملان گیت بولارین قبیله سینه ) گرک سکینه بو گجه منه طبابت ایلیه قبیله دن بیر آج یاتان اوشاق گتور بو خیمیه دامارلانان دوشی امیب ربابی راحت ایلیه دیدی خانم خجالتم خجیل گیدن گلنمیوب خیال ایتمه کلفتون سفارشون بینمیوب گون اورتادان قبیله نین اوشاقلاری صوت امیوب نه واردی بولمورم  گویون دوتوب عزا آی اولدوزی نه وار بوگون دونوب سویون دادی غذالرین دوزی اوشاق  کی صحلیدور هله صوت امیوب قویون قوزی بانوای گرم وسوزناک حاج نادر جوادی اردبیلی 👇👇👇