روضه حضرت رقیه (س) بیچاره زینبیده گوردی گسوری واردی گل صاحبی الهی گلدی گلون آپاردی باشیمده یوخ قرا توک اولسیدی ده آغاردی آتا نازی گورموین بالا لای لای ای.... ایاقی قابار اولان بالا لای لای ای.... یوزونه سیلی دین بالا لای لای ای.... (اگر اوچ یاشیندا قیزین وار اونون یوزونه باخ گور نه لطیف یوزی اولار ئوزوده او یوزی که حسین یوزون قویاردی یوزونه یاتاردی ، اکبر آلاردی قوجاقینه ، قاسم آلاردی قوجاقینه یرده قالمازدی عادت ایلمیشدی حسینین قوجاقینده یاتاردی حسین بئله یوزون قویاردی لای لای بالا لای لای ، شام غریبان هامی یاتدی نچه نفر یاتمیوب بیریده رقیه دی یاتمادی دیدی همیشه بابام منه لای لای چالاردی ، سورونه سورونه گلدی تاپدی بابانی دیدی بابا یورولموشام دیمیرم ، سویولموشام دیمیرم، خیمه لر یاندی دیمیرم ، عمه می دویدولر دیمیرم، بابا فقط منیم بیر یوزومه باخ ، هامیز غیرتلیسیز اگر الان چخاسان کوچویه گوره سن بیر اوشاقی بیر جوان ورور نچه نفر توکولر دیر ورما بو اوشاقدی ، اما رقیه نی نچه نفر دوره لدی ، دیدی ورمیون منی قارداشیم ئولوب، ورمیون عموم ئولوب، ورمیون بابام ئولوب ، بولمورم او صورته نیلدی دیدی بابا ) وراندا سیلی منه ننم یادیما دوشدی بابا وراندا سیلی منه اوت دوتوب یوزوم یاندی (امام سجاد دیر عمم رقیه نی قبره قویاندا گوردوم چوخ طول چکدی قبریدن چخماقی دیدیم عمم اولمویا غش ایلیوب ایلدیم گوردوم معجرین وروب کناره یوزون قویوب او سیلی دین یوزه لای لای بالا لای لای ای...) اوزاق اولیدی یزیدین ایوی بورا ایکاش بو سوزده واردی غم بیکارنه آی قارداش اوتانرام دیمگه بولمورم دییم دیمییم؟ دییم قوی ایندیکی گلدی زبانه آی قارداش یزید مطبخینون توسوسی گجه گوندوز دومان کیمی اوجالور آسمانه آی قارداش اونون اوشاقلاری رنگین طعام میل ایلیور من آج قالوب گلرم هی فغانه آی قارداش گلچین زیباترین اشعار نوحه، و روضه های ترکی🎤 ازبهترین مداحان کشور🎤عاشقان امام حسین ،ع، https://t.me/Asheghane_Hazrate_Abalfazll در تلگرام

دولانوب قتلگهی تاپدی باجی قارداشینی گوردو یوخ کوینکی اگنینده توکوب گوز یاشینی اگیلیب آلنین اوپه گوردی کسیبلر باشینی اوپماقا تاپمادی بیر یر باشا باش قاندی گوروب ال آتوبدور الینه اللریده یوخدی گوروب کیم سویوب حضرت زهرا توخویان پیرهنی ؟ کیم قویوب داشلارین آتدا بو یارالی بدنی ؟ کیم یخوبدور یوزی اوسته بو چوخور یرده سنی ؟ باخمیوب پارچالانوب آلنووی اوخدان یارالی گل یوزون یرده کسوب باشیوی دالدان یارالی هانسی الده ئولنون باشی قالوب اللرده ؟ داغیلوب عضولری یرده چکوب قان پرده یوخدی بیر بوسه یری زینبه بو پیکرده باخورام جسمووه باشدان باشا پیکاندی حسین نه باشون وار  نه الون هر طرفین قاندی حسین یرده عریان بدنون داشلارین آلتیندا قالوب کیم بو باشسیز بدنی یرده یوزی اوسته سالوب بیر یاران واردی منیم طاقتیمی الدن آلوب بو نه پیکاندی ویروبلار  اورگوندن یارالی ؟ قلبوون قانی آخوبدور کور گوندن یارالی سویولان پیکره باخدوقجا حسین وای دییرم داشلار آلتندا قالان جسمووه ایوای دییرم قویسالار بوردا قالوب من سنه لای لای دییرم نیلیوم گیتمه لیم شامه  نه  چارم یارالی ؟ یارالی قوش کیمی صیاده دچارم یارالی قانه دوندردیله بو کوفه لیلر گوز یاشیوی سوسوز ئولدور دیله اوغلانلارووی قارداشووی دوداقین اوپماقا گلدیم آپاروبلار باشووی باشون اولسیدی اوپردیم  دوداقوندان یارالی داغیلوب قلبون اوپوم قوی ایاقوندان یارالی بیر  یاران وار  یارالی قلبیمی اوخ مثلی دلیر اورگیم قانینی رخساره سرشکیمله الیر گیجه بوردیدی آنام فاطمنون عطری گلیر بیلمدیم گول گوله مهماندی یارالی یارالی یرده گل پیکرون عریاندی یارالی یارالی باشون اوستونده دونن بوردا کشا کش چوخودی مقتلون گوردوم ئوزوم  دوره سی نیزه اوخودی بو چوخور  یرده گئچن گون بو قدر داش یوخودی باخورام هر داشا القاندی یارالی یارالی مقتلین  قانیله  الواندی یارالی یارالی دور حسین سال یولا بی یار و پناهم گیدورم قویمادیم قلبیده کی یارووه  مرحم گیدورم وئر ابوالفضله خبر شمریله باهم گیدورم دئینن دور  قافله یولاندی یارالی یارالی هم رهیم دشمن ناداندی یارالی یارالی زبانحال حضرت زینب درعصرعاشور

📚شعر جدید 🏴عرض ارادت خدمت سالار شهیدان اباعبدالله الحسین(ع) یاحسین گُل آدوین عاشقیم دیمرم در گهوین لایقیم سنی زهرا منه باخ ایله کرم هرنه اولسام قاپوون سائلیم سنه من آغلاماسام ئولم حسین سینمی داغلاماسام ئولم حسین سندن عاشقلر حرم ایستر آقا بیر نظر ایله کرم ایستر آقا گوگلومیز بین الحرم ایستر آقا سنه من آغلاماسام ئولم حسین سینمی داغلاماسام ئولم حسین گوگلوم ایستر کربلاده وای دیم قتلگاهونده گلوب ایوای دیم خیمه لرده اصغره لای لای دیم سنه من آغلاماسام ئولم حسین سینمی داغلا ماسام ئولم حسین یاتدیقون یر نینوادی یا حسین تربتون درده دوادی یا حسین عشقیمز کرببلادی یاحسین سنه من آغلاماسام ئولم حسین سینمی داغلاماسام ئولم حسین کیم سنه نوکر اولوب احساسی وار ایکی دنیا سن کیمین مولاسی وار هانسی شاهین اوجا بوی عباسی وار سنه من آغلاماسام ئولم حسین سینمی داغلاماسام ئولم حسین قانون الله قاندی باتمیاجاق اجنبی مقصدینه چاتمیاجاق قانلی پرچم یاتمیوب یاتمیاجاق سنه من آغلاماسام ئولم حسین سینمی داغلاماسام ئولم حسین کیم سنه نوکر اولا قیمت تاپار خلعتین سندن آلار شهرت تاپار باخسان عبداللهیه عزّت تاپار سنه یاس ساخلاماسام ئولم حسین کربلایه ایسته سن گلم حسین ✨اَللّهُمَّ عَجِّل لِوَلیِّکَ الفَرَج✨ ___________ #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

👆👆👆👆

((الیمه قاره علم – آللام حسین)) ✍مصیبی تبریزی .. الیمه قاره علم – آللام حسین یول گوزل مرقدیوه – ساللام حسین قید عشقونده سنون – قاللام حسین .. (سنه من آغلاماسام – ئوللم حسین سینمی داغلاماسام – ئوللم حسین) .. .. .. .. من او خوان و خدمین-حسرتیَم آلتی گوشه حرمین – حسرتیَم اوردا یاشیل علمین – حسرتیَم .. (سنه من آغلاماسام – ئوللم حسین سینمی داغلاماسام – ئوللم حسین) .. .. .. .. سینه وه غم یاخانون – وای گونونه قلبیوه اوخ تاخانون – وای گونونه قاپیوا چپ باخانون – وای گونونه .. (سنه من آغلاماسام – ئوللم حسین سینمی داغلاماسام – ئوللم حسین) .. .. .. .. قانه غلطان باشیوا – آغلامیشام گوزده کی قانیاشیوا – آغلامیشام اوجا بوی قارداشیوا – آغلامیشام .. (سنه من آغلاماسام ئوللم حسین سینمی داغلاماسام ئوللم حسین) .. .. .. .. یاز قاپوندا منیده – بنده آقا سنه نوکر یازیلوم – منده آقا سائلم دوت الیمی – سنده آقا .. (سنه من آغلاماسام- ئوللم حسین سینمی داغلاماسام – ئوللم حسین)✨اَللّهُمَّ عَجِّل لِوَلیِّکَ الفَرَج #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

👆👆👆👆👆👆

متن آهنگ یارالی طرلان شاعر استاد حاج حسین غفاری اردبیلی مداح کربلایی مرتضی و امیر جنگی. گل باجی آل اصغری مندن قویما باشی آیریلا تندن قیزلاریما ورمه یاتوبدی زهریلی پیکانی امنن عطشدن اوتلاندی سینمده اوخلاندی یرین سال قوی یاتسین یارالی طرلاندی علی لای لای بالام لای لای حرمله توتموشدی بهانه بیر سه پر اوخ قویدی کمانه اصغریمون تشنه بوغازین دقتلن دوتدی نشانه عطشدن اوتلاندی سینمده اوخلاندی یرین سال قوی یاتسین یارالی طرلاندی علی لای لای بالام لای لای https://eitaa.com/Hazrate_Abalfazll

درده دوا رقیه مشکل گشا رقیه روحه صفا رقیه شیرین لقا رقیه آدون دا سوزه سازه عالم فدا رقیه دییرم هر شام و سحر رقیه مهتاببمدی منیم حرمی دنیایه دیر دختر اربابیم دی منیم بو خانیم اربابیم حسینین روحی دی ریحانی دی بو خانیم اون اوچ سنی وار ملک غمین سلطانی دی بو خانیما منکر اولان انسانلارا  لعن ایلرم آخی رقیه شیعه نین هم جانی هم جانانی دی دییرم هر شام و سحر رقیه مهتاببمدی منیم حرمی دنیایه دیر دختر اربابیم دی منیم خرابه ده آچیلدی بیر غملی استخاره گونون باشی آلاندا دامانیلن ستاره ستاره باشدا قاره گون لبلرینده یاره ددی ایشیقلاندی بابا سنین جمالینن اتاقیم منی گذشت ایله اگر اسیر الیم تیتریر دوداقیم بابا دمیردین باش چکیم چوللرده کی آواره مه بابا دمیردین گوی گدیم چاره قیلیم بیچاره مه بابا منه سیلی وریبلار یاخشی گورمور گوزلریم بابا عدو رحم ایتمدی اکبر آلان گوشواره مه بابا منم او قیز کی آچاردی جانمازین ندن روا بیلیرسن پنهان قالا بو رازیم اولمیا ذبح ائدوبلر دالدان سنین بوغازین بوغازیوا من باخدیخجا من بیبیم کیمین قدیم بوکولور نئجه کسوبلر کی اونو دوداقلارینان قان توکولور بابا گلوب ویرانه نی سن ایله دون وادی طور اوجالور عطشان حنجرینن گویلره هفت واج نور بابا مگر خولی سنی هاردا یاتیردوب کوفه ده نیه گلور قانلی باشینان بوی نان بوی تنور دییرم هر شام و سحر رقیه مهتاببمدی منیم حرمی دنیایه دیر دختر اربابیم دی منیم

#شهادت_حضرت_رقیه سبک استاد عاملی ❣﷽❣ ‍🔻 زمزمه_حضرت_رقیه_س 🔳 ترکی 🔻 حاج سیّد محمّد عاملی اردبیلی آچ گؤزلرین یورقون قوناقیم یورقون بالام دوشدی نفسدن آغلا قارداش آغلا قارداعلیکم السلام ش من سسلیوم لایلای رقیه زهرایه بنذر گؤزلرین سن باغلا قارداش 2 جان وئردی زهرای سه ساله قلبی یاره قلبی یاره ئوز اللرینلن دور بالامی قوی مزاره قوی مزاره 🔳🔻🔳🔻🔳 بو دختر شیرین زبانین الله بیلور من خاطرین چوخ ایستیردیم ایستیردیم زهرا ننم یاده دوشنده زیبا جمالیندن ئوپردیم جان دییردیم جان دییردیم گؤز تیکمیشم شام بلاده آشنایه آشنایه ایکاش ننم زهرا گلیدی بوعزایه 2 🔳🔻🔳🔻🔳 ویرانه ده باب الحوایج جان وئردی یا باب الحوایج گل اماندی گل اماندی زینب باجون قاره باشیندا بیر نوحه خوانین ماتمینده نوحه خواندی نوحه خواندی ویرانسرا دوشدی صفادن آی ابالفضل آی ابالفضل دور شامه گل کرب و بلادن آی ابالفضل آی ابالفضل

احوالات تنور خولی هر درد و غمون سینه ده واردی منه بیلدیر زهرا اورگینن بالاهر گردینی سیلدیر سن بیل علی اکبر جانی اوغلوم منی دیندیر ترک ایلمیشم جنتی من که سنه خاطر سنده گوزون آچ ای گل زهرا منه خاطر آچ قانلی گوزون قانلی باشون خاطرینه زینب غم زده غم یولداشیون خاطرینه (هیچ دیمورم منه خاطر بالا) نهر علقمده یاتان قارداشیون خاطرینه خولینون وار یری زهرا سالا شیون ایوینه کیم گلر دشمنینون اول شبدن ایوینه سن منی گتدین حسین بو گجه دشمن ایوینه شرح غموی یوزدن حسین جان اوخورام من خولینون ایوینده سنه قرآن اوخورام من #هر_درد_غمین_سینه_ده_واردور_منه_بیلدور #تنور_خولی فایل صوتی👇👇👇 https://eitaa.com/Hazrate_Abalfazll

زینبین آیریلیق صبرین آلدی قهرمانین یولون شامه سالدی جان ویرنده دیوردی الهی بس منیم ائلریم هاردا قالدی ای منیم پاسبانیم ابوالفضل لنگ اولوب کاروانیم ابوالفضل زینبی قبلیه دوندرن یوخ باشیوه گل دولانیم ابوالفضل ای دوشن نهرین اوسته وجودی قانلی بازوسی دینین عمودی گل ایاقدان دوشوب غملی زینب جان ویرور  دلده هجران سرودی چوخدی سن تک حسینه علاقم نیلوم کربلادن اوزاقم آند اولا دلده که خاطراته بو گیجه من حسینه قوناقم گوگلوم ایستور گله باشیم اوسته دینجله بلکه بو دلشکسته پیشوازه دورام خسته خسته یولّلارا گل سپیم دسته دسته ای آدامسیزلارین آشناسی غملی امّ البنینین بالاسی  ای گوزل آدی باب الحوائج زینبون دردینون یوخ دواسی خواهشیم بیر  بودور نه گلایه ایله درمان من مبتلایه یا حسینی گتور شامه قارداش یا آپار زینبی کربلایه زینبین حالینه داغلار آغلار چولده ویران قالان باغلار آغلار رسمیدور باجیلار جان ویرنده گوزلرین قارداش باغلار آغلار گل یورولدو گوزوم آغلاماقدان تنگه گلدیم اورک داغلاماقدان بو گوزی باغلاماق آی ابوالفضل چوخ چتیندی یارا باغلاماقدان من همان زینب قهرمانم  عمه پیر صاحب زمانم هر قناد سیز قوشا لانه ویردیم من اوزوم ایندی بی آشیانم قلبیده نسگلیم چوخدی قارداش جانه هجران غمی اوخدی قارداش یدی قارداشه باجیدیم امّا قانلی بیر کوینگون سایه سینده ای فرات اوسته پرچم وران  گل زینبین قلبینی یاندیران گل سیندی قارداش بئلیم آیرلیقدان ای حسینون بئلین سیندیران گل گوگلومی گل ابوالفضلیم آل گیت جان چیخاندا باشیم اوسته قال گیت گون ایونده قالان نعشه خاطر شامیده باشیمه سایه سال گیت هیچ ایو عالمده مشعلسیز اولماز هیچ عزا خانه گیت گلسیز اولماز گل گوزیمی دیدوم باغلا اما هیچ گوزی باغلاماق السیز اولماز اثر : استاد کلامی زنجانی #سبک_ای_قلم_ #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

حسین غریب باجیوام اقربا دوشوب یادیما سارالمیشام چمن با صفا دوشوب یادیما   گوزل گولوم باجی قربان آچوب سولان یریوه نولیدی غم گونی زینب ویریدی جان یریوه   سلام اولا او گوزل تُربته،یاتان یریوه هایانداسان ئولورم کربلا دوشوب یادیما   من آشنای غم و یار عشقیوم قارداش باشمدا قاره علمدار عشقیوم قارداش   یتش هرایمه بیمار عشقیوم قارداش شمیم تربت دارالشفا دوشوب یادیما   یادوندا وار گوزلیم سن گیدنده میدانه؟ گلوب باشیوا دولاندوم مثال پروانه   لیوی سینمه قویدون ئوزون غریبانه غریبم ایندی همان ماجرا دوشوب یادیما   شهادتونده که اورنگ نازه چخدی باشون بدن نشیبده قالدی فرازه چخدی باشون   گلنده کوفیه من،پیشوازه چخدی باشون جدا باشندا کی بدرالدّجا دوشوب یادیما   گرک اورکده باجون آرزوسی دوفن اولونا گوزوم یورولدی زبس باخدی کربلا یولونا   الیم یتشمدب عباسیمین اوزون قولونا علینون اوغلی او مشکل گشا دوشوب یادیما   او زینبی که سو وَردون همیشه خاطرینی مقایسه ایله بیر اولّیله آخرینی   یتور الهب منه یدّی قارداشین بیرینی دلاوران دیار بلا دوشوب یادیما   انیس اولوب سنه خاطر غم زمانه منه نه خانه قالدی غمونده نه آشیانه منه   غریب آنام کیمی چوخ دگدی تازیانه منه بو حالدا حضرت خیر النّسا دوشوب یادیما   کلامی زنجانی #زبانحال_حضرت_زینب_(سلام الله) در حال احتضار https://eitaa.com/Hazrate_Abalfazll

بالا حسرتینده قالام گرک   که یر آچماز آیری محبته بو اورک که داغلامیشام حسین   نچه یول ئولوب دیریلم اگر اورگیم نشان اولا داغلارا   آلیشوب یانام کولومی فلک سؤورا سپه اوجا داغلارا   گنه آرزو ائدرم دگه دوداقیم او قانلی دوداغلارا   بو هوسله شامه کیمی گزوب یریوی سراغلامیشام حسین   بو خمیده قد باجیوین گرک هدفی جوانلارا درس اولا   بو رویه مکتب عشقیده هامی قهرمانلارا درس اولا   گئده کربلاده کی گلشنی گوره باغبانلارا درس اولا   نه خزانه گللری وئرمیشم نه باغون ایاخلامیشام حسین   من او زینبم که بو شهریده علم قیامی اوجاتمیشام   یوخودان بو خلقی اویاتماقا گجه لر خرابه ده یاتمیشام   باشیم اهل شامه اگلمیوب دانیشوب حماسه یاراتمیشام   یتش ایندی دادیمه هاردا گور دیزیمی قوجاخلامیشام حسین   کلامی زنجانی تاريخ: ۱۳۹۷/۱۲/۲۹ #زبانحال_حضرت_زینب_(سلام الله) در حال احتضار

راه شام زبانحال حضرت رقیه (س) . سبک نوحه زینبم جان اوسته یم . مرحوم انور اردبیلی . عمه جان دشمن سالوب محنت قطاریندن منی نجم تک سن آیری سالما غم مداریندن منی . . ای اسارت مکتبینده قزلارا آموزگار هانسی بیر قز من کیمی دنیاده اولدی خوار و زار شاخه می سندیردی گل تک تند باد روزگار آیری سالدی زندگینون نوبهاریندن منی . . آغلاسون آغلار گوزوم تک عمّه دنیانون گوزی قلبنی دوتسون یانان قلبیم کیمی محنت کوزی اؤزگه لرده بُؤلمسه سنکه بُؤلورسن بو سوزی آرتوق ایستردی بابام دار و نداریندن منی . . آشیانسیز بیر قوشام کیمدور یته امدادیمه مانع اولدی ساربانلار نغمه و فریادیمه اُفّ اولیدی آشیانیم یاندیران صیّادیمه بوشلادی بیراهه ده چنگ شکاریندن منی . . ظلمته دوتدی او گونکه عترت طاها گونی باتدی اسلامون چوخوریرده جهان آرا گونی ئولمدوم قالدوم سلامت حیف عاشورا گونی طالعیم قورتارمادی دنیا فشاریندن منی . . دقّتیله هر قدر ایتدوم نظاره یولّارا ردّوزی گوردم نقدری بُلمدوم گتدوز هارا رحم ائدون آخر منه اولدی ایاقلاریم یارا اینجدوب بیراهه یولار نیش خاریندن منی . . دردمندم تیکمشم گوز بیر سنون درمانووه جاندان آز قالدوم دوشم اولسون قسم اؤز جانووه نه الیم چاتمور بو صحراده سنون دامانووه نه خلاص ائتمور اجل اؤز انتظاریندن منی . . سهلدور عمّه ایاقیمدن آخور شدّتله قان پردۀ خاک سیاهیله یوزوم اولموش نهان توز دوتان آئینیه تشبیع ائدوب دور زمان گور نه گرد آلوب ائدوب صحرا غباریندن منی . . مونسم خار مغیلانیله خوار اگلشمیشم دوشومشم دلدن یول اوسته انتظار اگلشمیشم بختیمه یوخ لطفووه امید وار اگلشمیشم گل حساب ائت لطفوون امیدواریندن منی . . سنّمه نسبت بی بی چوخ چوخ بلالیمیش باشیم صورتیم آئینه سینده لکّه سالمش گوزیاشیم من مگر صحبت ائدنده جان دیمزدی قارداشیم با کنار ایلردی بیر لحظه کناریندن منی . . وای منه هر آن منه قربان دینلر هاردادی ؟ بلبل خوش لفظ و خوش الحان دینلر هاردادی کَلمَمَه قیمت وئرنلر جان دینلر هاردادی یوخدی بیر کس قورتارا غم زیرِ باریندن منی . . غصّه سرگردانیَم عالمده هجران یولداشی ساقه سی سنمش گولَم خار مغیلان یولداشی روزگار اکبر غمین ایتدی منه جان یولداشی سالدی عالمده جلالت اعتباریندن منی . . خط سیرین سیر ایدوب مغربده باتدی آفتاب دولدوروب بو قورخلی دشتی سکوت انقلاب تترورم سیماب تک قلبیمده واردور اضطراب چخمیوب آی قورتارا ظلمت حصاریندن منی . . دامن صحرا قرانلوق گورسنور من قورخورام یل اسور خار مغیلان ترپنور من قورخورام تار زلفیم تل به تل قالخور اَنور من قورخورام ترسناک ایلور طبیعت اقتداریندن منی . . آغلاماق جرم اولسا ای عمه یتیمه قزلارا ایلورم پیمان ئولونجه ائتمرم آه و نوا قلب بی روحیم تک اولام من همیشه بی صدا سنده قویمازسان بی بی گوز اختیاریندن منی . . گرچه زحمتدور اؤزون گل ایلورم من التجا یا بی بیم کلثومی گوندر ایلسون غمدن رها زجر گلسه مانع اول گلسه اگر او بی حیا اینجدور یولّاردا زجر و انزجاریندن منی . . صورتین گورسم اونون غیظیله اولام زهره چاک هم او نالمدن گریزان هم من اوندان بیمناک آچسا بئلدن قمچیسین یوخ طاقتیم ایلر هلاک کم قیلار فوج اسیرانون شماریندن منی . . #انورم گر چه نصیبیم اولمیوب جاه و جهان واردی حمدیم حق تعالی لطف ائدوب طبع روان بزم عرفاندا ائدوبدور همدم صاحبدل ...

آرزوی زیارت کربلا   واردی باشیمدا یا حسین هوای بین الحرمین سالار بهشتی یادیمه صفای بین الحرمین   گورمه میشم بهشتی من منزلتین ایشیتمیشم یوخدی بهشته حاجتیم کرب و بلایه گیتمیشم من که بهشت آقاسینا عرض ارادت ایتمیشم کمدی مگر بهشتیدن ؟ صفای بین الحرمین   وار ایکی جلوه لی مکان عالم بی قرینه ده بین بقیع و مرقد ختم رسل مدینده بیرده بهشت کربلا نقشی قالوبدی سینه ده گورملیدی نمای دل گشای بین الحرمین   اول ایکی باصفا حرم شهری ایدوب پر عطر و بو بیر آلتی گوشه قبر شه،قبر وزیر روبرو عرش اوزی آلتی گوشه دی ایلر او قبری آرزو عرشی ایدوبدی منجلی جلای بین الحرمین   صحنه باخاندا جلوه باقیه ایلرم سلام مشکی گورنده تشنه لب ساقیه ایلرم سلام خیمه یانیندا محمل و ناقیه ایلرم سلام زنگ شتردی کوچیده نوای بین الحرمین   تله چیخاندا آغلادیم ناله مته رویدی رهبر کاروان دیدی بو تل زینبیه دی ناله سسی گلور اودا زمزمه رقیه دی آختارور آشیانه سین همای بین الحرمین   دقتون اولسا گورسنور خیمه لرین یانان یری شارع صاحب الزمان اصغرین اوخلانان یری شبه پیمبر اکبرین پیکری دوغرانان یری صحنه ی خاطراتیدی نمای بین الحرمین   جلوه ی مسجد الحرام اوردادی باخ صفا ایله محرم محرمان عشق اوردا ایدله هروله یاده سالار صلابت کعبه نی وقت نافله صوت اذان مغرب و عشای بین الحرمین    ✍بقلم استاد کلامی زنجانی #واردی_باشیمدا_ #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

‍ اخشام اولدی ننه، زبانحال پسر حضرت ابوالفظل در مدینه ‍ آخشام اولدی ننه قربان اولّام سنه سنده یارالی منده یارالی ایندی سس ویر منه باشلیاق شیونه سنده عزالی منده یارالی قاپلاری باغلیاق, سینمیز داغلیاق,سس چکوب آغلیاق آی چیخدی گویده سوندور چراغی خلوت ایدک بو غملی اتاقی هر دم آلدیم خبر, دیدون آخشام گلر, آخشام اولدی سحر هی قاش آغاردی شفق قارالدی بابام گلمدی گوزوم سارالدی هر گون آخشام اولور, قلبیم قانه دولور, گول تک رنگیم سولور گونده آتامی یادیمه ساللام مسجدّن چیخوب قاپودا قاللام قلبیمه غم دولور, غم غم اوستن گلور, گوزلریم اشک اولور یول گوزلمکدن دوشدوم ایاقدان هامّی یتیمی تانور اوزاقدان صبحیدن آخشاما, باشلارام اوخشاما, آز قالور بایراما الله پوزولدی شادلیق اساسیم کهنلدی گیتدی بایرام لباسیم گل دوشک چوللره, یوز دوتاق گویلره, اوخشیاق ئیللره آتام گیدندن گیتمیش قوناقلار سینمی داغلار باغلی اطاقلار غم فلبیم سیخاندا, کوچیه چیخاندا, تای توشوم باخاندا, گورّم ویروبلر باهم باش باشا منه باخانلار ایستور آغلاشا هر کیم منه باخار , گورّم اشکی آخار, هیچ بلمورم نه وار هر دم قلاقیم بیردن سسلنور گورّم دیوللر آتاسیز گلور سبک بانوای مرحوم زنده یاد حاج سلیم موذن زاده اردبیلی 👇👇👇👇

‍ راه شام سبک : میگذرد کاروان... 📝 کربلایی رحیم شایان غملی بیابانیده قالدی بالام ساربان ناقه‌نی ساخلا  دایان ئولدی گولوم قورخودان قارداشیمین دلبری زینبه روح و روان قورخولی چولده قالوب ‌ایندی اولار باغریقان آغلاتما قیزلاری ساربان آختار بو دلداری ساربان گیتمه دایان ای  ساربان ( 2 ) ساخلا ایاق ساربان تاپ سن او شیرین دیلی عترت خونین دله اولموش او قیز سیوگیلی اوچ یاشی واردور ولی چوخدی اونون نیسگیلی تاپ اونی سن شاد ائله خسته پریشان ائلی آغلاتما قیزلاری ساربان آختار بو دلداری ساربان گیتمه دایان ای ساربان ( 2 ) تاپّماساخ اول جیرانی گیتمز آتاسی باشی چشم بصیرتله باخ گوزدن آخور قان یاشی آینه ی بختینه دگدی بلالر داشی کرب و بلاده ئولوب، هم آتا هم قارداشی آغلاتما قزلاری ساربان آختار بو دلداری ساربان گیتمه دایان ای ساربان ( 2 )

نوحه زبانحال خانم زینب کوچ ازکوفه باآهنگ : آچ گوزلریوی قارداشیم وای الده ئولن قارداشیم گوزدن آخوری قانیاشیم قارداش بوکولوبدورقدیم غمدن آغاروبدورباشیم سنله باجون شامه رواندور چکموش مصیبت باغریقاندور یانام باشون نوک جداده جسمون قالوبدورکربلاده(۲) بوکوفه ده چوخ آغلادیم غمدن سینه می داغلادیم مجلسده دوگولدی باشون قانیاش ئوزیمه باغلادیم گئتدیم اخا بزم زیاده اولدی غمیم اوردا زیاده قانلوباشون نوک جداده جسمون قالوبدورکربلاده باشون دوگولنده قارداش گوزدن من آخوددیم قانیاش قول باغلی دوروب اولادین یاندیم دوگولنده اول باش ابن زیادیاندیردی یاخدی ووردی آغاج قان تازه اخدی(۲) قانلوباشون نوک جداده جسمون قالوبدورکربلاده قارداش دئمه سن دینجللم آهیمله داشی من دللم شامه گئدرم ئولسمده باشون دالیسنجان گللم سنله گلم آرام جانم بوکوفه دن شامه روانم قانلوباشون نوک جداده جسمون قالوبدورکربلاده قول باغلو اسیردشمن غصمده ئوزون شاهدسن قیزلاردوگولنده قارداش ال قمچیلره وئردیم من قمچی دگوب ردین سالوبدی دشمن باجون صبرین آلوبدی قانلوباشون نوک جداده جسمون قالوبدورکربلاده(۲) اولموش باجیوی آواره یوخ دردینه اولسون چاره مهمان ائده جاقدورراهب سنله گئدیرم درباره چوخ یرلری سنله دولانام من باشلاراباخدوقجا یانام قانلو باشون نوک جداده جسمون قالوبدور کربلاده(۲) صاحب یانورایلورافغان قارداش سنه جانی قربان دعوت ایله بیرده شامه ائتسون اورقیین مهمان قوی باشینا نوکردی منت شام ودمشقه ایله دعوت ✍حاج عباسعلی دهقان (صاحب)۱۴۰۰/۶/۵ ____ 🏴السلام علیک یا اباعبدالله الحسین(ع) حسین امام من است و من غلام حسین هزار جان گرامی فدای نام حسین https://eitaa.com/Hazrate_Abalfazll

نوحه علمدار کربلا (سبک : ای گوزلریمون نوری) گلدیم  یانووا   ایندی   قربانون  اولوم  عباس دور یاتما بئلیم سیندی  قربانون  اولوم عباس دردیمون  درمانی   لای لای  ابوالفضل گوزلرون قربانی لای لای ابوالفضل(2) ای  قانه   باتان  سرور   اکبرده   سنه   قربان گهواره ده   لب تشنه   اصغرده   سنه   قربان چوللرده   بو لشگر سیز   رهبر ده  سنه قربان دردیمون  درمانی   لای لای  ابوالفضل گوزلرون قربانی لای لای ابوالفضل(2) ای  یار  هواداریم  گوز  یولدا    قالوب    زینب ای غم گونی غم خواریم گوز یولدا قالوب زینب وای قولسوز علمداریم گوز  یولدا قالوب زینب دردیمون  درمانی   لای لای  ابوالفضل گوزلرون قربانی لای لای ابوالفضل(2) ای گوزلریمون  نوری قربان گوزیوه  قارداش بیر لحظه دانیش قربان شیرین سوزیوه قارداش یاخشی منی وابسته  ائتدون  اوزیوه  قارداش دردیمون  درمانی   لای لای  ابوالفضل گوزلرون قربانی لای لای ابوالفضل(2) قارداش   یولیوی گوزلر  بیر  عدّه  آدامسیزلار سقای لب عطشانیم یول اوسته دوروب قیزلار سن خیمه لره  گلسون  زینب  یاراوی   باغلار   دردیمون  درمانی   لای لای  ابوالفضل گوزلرون قربانی لای لای ابوالفضل(2) بو قورخولو صحراده  آرخام  ائلیم  آی قارداش والله کمکیم یوخدی سیندی بئلیم آی قارداش بو گوز لریوون  قانین  الان سیلیم آی قارداش دردیمون  درمانی   لای لای  ابوالفضل گوزلرون قربانی لای لای ابوالفضل(2) **