شهادت حضرت امام حسن عسکری علیه السلام حاج روح اله رمضانی #سبک_زینبم_جان_اوستیم ... 4 سبک بوگجه صاحب عزا سن سن آقا یابن الحسن تسلیت سویلور سنه اهل ولا یابن الحسن تسلیت یابن الحسن (۲) شهر غربتده آتون اولدی غریبانه شهید اولدون ای زهرا گلی غربت ولایتده وحید اول عمرونده دلده غملرون اولدی شدید درد جانسوزه سن اولدون مبتلا یابن الحسن تسلیت یابن الحسن (۲) اف اولا بو عالمه تازه واریدی بش یاشون سیندی قلبون غصه دن آخدی جماله گوزیاشون بش یاشیندیدون آقا درده دچار اولدی باشون جان عزالی جانوه اولسون فدا یابن الحسن تسلیت یابن الحسن (۲) بیلمورم سن نه چکوبسن ای عزیز فاطمه طاقت ایلوبسن اوشاقلیقدا بو جان فرسا غمه واریری حشره کیمی ائتسون همیشه زمزمه ای اولان دلده غمی بی انتها یابن الحسن تسلیت یابن الحسن (۲) واریری آهون آقا قلب جهانی داغلاسون حشره جک قلبون داریخسون گوزلرون قان آغلاسون شیعه لر بو غمده دائم باشه قاره باغلاسون اولدی روشن گوندوزون لیل دجا یابن الحسن تسلیت یابن الحسن (۲) #سبک_زینبم_جان_اوستیم ... 4 سبک    ╰━━⊰❖✨  ❖⊱━━╯

حضرت امام حسن عسکری علیه السلام ابوالفضل عباسی معروفان اهری #سبک_الهی_غملی_کوفه_نون تمام شیعه لر گلوب نوایه یابن العسکری باشیندا قاره سنده گل عزایه یابن العسکری باشا قاره باغلیاروق آقا بو عزاده آغلیاروق آقا امام انس و جان ئولوب ولی شیعیان ئولوب بو درده آغلاروق آقا امامیمیز جوان ئولوب فلک آغلیور ملک آغلیور سینه ده یانان ئورک آغلیور ئورک دوشوب تلاطمه تاپوبدی عمری خاتمه خبر چاتوبدی جنته گیوبدی قاره فاطمه دیور آی اسیر محن بالا سنه جان فدادی حسن بالا اگر چه فخر شیعیان ستمدن اولدی باغریقان ائوینده یومدی گؤزلرین سو ایچدی جان وئرن زمان ولی تشنه شاهه جانیم فدا بیر ایچیم سو وئرمدی اشقیا #سبک_الهی_غملی_کوفه_نون (#جوادی) مشابه👇👇

سبک:👆👆👆شعر بالا

در شهادت امام عسکری (ع) 📝 حجت مرتضایی 🎵سبک: خداحافظ ای آنام باجی... ➖➖➖➖➖➖➖➖ غـریب آتان زهــریلن ئولوب سامـراده یامهدی باشون ساق ای پور عسکری بو عزاده یامهدی وئروبدی زهر جفا اونا معتمد عباسی اورکده واردی گول آدینه شیعیانون احساسی بوگون تمام جهانیده واردی مجلس یاسی قرا گیوبدی بو ماتمه نه سماده یامهدی گهی ائدوب معتمد اونی بارگاهینه احضار گهی آپاردی حضورینه ایلدی اونی اجبار ربیع الاولده ایلیوب زهریله اونی بیمار گرگ اورکلر اولا حزین بو جفاده یامهدی اولاردی تحت نظر آتان بیر محل غربتده تمام عمرونده قالدی او غصه‌لرده محنتده قالوبدی بیر پادگانیده معرض جسارتده یانار اونا هم غریبه هم آشناده یامهدی جوانلیقیندا ئولوب آتان آغلیار اونا زهرا قرا گیوب شیعه‌لر بوگون غرق غمدی سامرا ویرور باشا سینه‌زن بوگون ذکری آه واویلا جناندا غمگین اولوب آقا مرتضاده یامهدی وئرنده جان سسلدی سنی گل بالا منه آغلا بیوردی ای وارث حسین گوزلریمی گل باغلا دوداقیوی قوی دوداقیمه بیرآتاوی قوجاقلا یوخومدی چون بیرکسیم منیم بوسراده یامهدی آتان غمی سختیدور سنه یابن‌العسکری مولا بیز ایلوروک عرض تسلیت شیعه رهبری مولا «کیانه» ده بیر عنایت ایت قوقما نوکری مولا نصیب ایله بیر زیارت کربلاده یامهدی #شهادت_عسکریه

اعجاز کلام حضرت امام حسن عسکری علیه السلام در اثبات امامت حضرت امام زمان عجل الله تعالی فرجه الشریف #گریز به #قتلگاه . حاج داود بیدق داری (داور) . قادر اللهدان عنایت اولونا گر سوزومه چکرم خاک سر کوی ولانی گوزومه قلبیمین قانی آخارگوزیاشیمیلان یوزومه دوزرم رشتیه مرجان کیمی سوز گوهرینی یازارام مدح امام حسن عسکرینی . . ابوالادیانه وئروبدور ئوزی بیر نامه امام بویوروب راضیدی سندن بیلورم خیرالانام سامرادن یولا دوش ایله مدائنده مُقام عَددین ساخلا بوگون که وئرولور نامه سنه اولار اون بئش گجه گوندوز قئیدرسن وطنه . . سن گلن وقته ولی محشر اولار بوردا عیان شیعه لر باشه وورار اوج ائلیر عرشه فغان زهر ظلمیله عدو مندن آلار تاب و توان ایندی باخ گوز دولوسی گورمیه جکسن منی سن عمریمون آخریدور گئتمه لیم جنته من . . ابوالادیان دئدی مولایه که ای محرم راز شیعه سندن صورا ایلر کیمه اظهار نیاز بویوروب جسمیمه کیم قیلسا ئولن گونده نماز جانشینیمدی یتیم اولسادا عزت واریدی نه فقط یرده اونون گویده ده حرمت واریدی . . عرض ائدوب آیری علامتده وار ای جان جهان؟ بویوروب ایستسه کیم نامه جوابین او زمان او اماموندی عیاندور اونا هر راز نهان عرض ائدوب آیری علامت بویور ای عالمه یار قیلدی فرمایش او کسدور دئیه همیاندا نه وار . . نامه نی آلدی یولا دوشدی یئدی خون جگر گئچوب اون بئش گجه گوندوز قئیدوب دیده سی تر گوردی شهر اهلی ائدور ناله توکور اشک بصر بیلدی مولاسی گئدوب فاطمه نین محضرینه معتمد زهر وئروب شاه ولا مظهرینه . . وئرولوبدور او زمان جعفر کذابه خبر که نمازین قیلا زهرا بالاسین دفن ائده لر ابوالادیانه ائدوب بو جریان آیری اثر بار الها دئدی بس رهبریمیز هاردا قالوب رهبرین اولماماقی تاب و توان مندن آلوب . . ناگهان گوزده اولان غم بولودی اولدی کنار اولدی آی مثلی عیان عالم عرفانه نگار یوزده کی هاشمی خالی ائلیور قلبی شکار قیلدی فرمایش او کسکه سیزه مولادی منم بو نمازی قیلا الان او که اُولادی منم . . آتانین قیلدی نمازین اؤزی مولای زمان ابوالادیانی مخاطب ائلیوب قیلدی بیان نامه نین ایندی جوابین من ایچون ایله عیان آتامین امریدی بو گرچه جوابین بیلورم یاغیشین قطره سی یاغدیقجا حسابین بیلورم . . شکر ائدوبدور ابوالادیان صمد دادگره اوچ علامتدن آلوبدور ایکیسین چون نظره بیر علامتده گزوردی شه عالی سِیَره تا ائشیتدی دئیولور گرد غم و دردی سیلون شهر قم شیعه لری سامریه گلدی بیلون . . الده همیانلاری گلمیشدیله دیداره اولار دئدیلر امر امامتدی اورکلرده قرار کیم امام اولسا دئیر الده کی همیاندا نه وار گتدی بو مطلب ائله جعفر کذّابه تعب عِلم غیب ایستوری مندن دئدی قم اهلی عجب . . او زمان خادم مولا یریوبدور قاباقا احترامیله دئیوب امر امامی قوناقا کیسه نین مبلغینی چونکه بویورموشدی آقا دئدی مین اشرفیِ زردی بو همیاندا اولان اونی روکشدی قیزیلدان بودور اصلینده نشان . . ابوالادیانه نشانلار هاموسی اولدی گواه عرض ائدوب شکر اولا الطافیوه ای قادر الاه سایه ی مهدی اولوب ماخَلَقُ اللّهه پناه طلعتی جلوه وئروب قلبیمی روشن ائده جک بو گل فاطمه دی عالمی گلشن ائده جک . . آتانین قیلدی نمازین بلی طاووس بهشت قویدی سالم بدنین قبره اوپاکیزه سرشت شیعه لر آغلادی قبر اوستونه تا قویدولا خشت تسلیت وئردیله اشکیله امام ... التماس دعای فرج 🤲

عرض تسلیت به محضر مبارک امام زمان (ع) در شهادت امام حسن عسکری (ع) 📝 حاج روح اله رمضانی 🎵سبک: بزم عزاده گیمیشم... ➖➖➖➖➖➖➖➖ ای عالمینه مقتدا مهدی یامهدی شاهنشه ارض و سما مهدی یا مهدی دنـیایه ســـرورسن زهرایه مفخر سن ای عالمون پیرایه سی هارداسان مولا باشلاردا رحمت سایه سی هارداسان مولا سیندی عدالت پایه سی هارداسان مولا مظلوم اولوب اهل ولا مهدی یا مهدی چوخداندی چشم ماسوا انتظاروندی هجرونده انسان و ملک اشکباروندی غرق مصیبت سینه ی داغداروندی اولدون بوگون غرق عزا مهدی یامهدی ای لاله زهرا نه تز غصه دن سولدون غم تیری دگدی قلبوه ابر تک دولدون ئولدی او ایستکلی آتون سن یتیم اولدون دوندی گوزون یاشی قانا مهدی یامهدی دورت بش یاشیندیدون سنی سالدی غم دامه دوندی مصیبتدن ایشیق گوندوزون شامه گیدون اوزیبا پیکره سن سیه جامه اولدون بلایه مبتلا مهدی یا مهدی غربت ولایتده آتون تا کی وئردی جان سالمیشدی طاقتدن سنی درد بی پایان اولسون او آغلار گوزلره جانیمیز قربان ای قلبی درده آشنا مهدی یا مهدی #مهدیه #شهادت_عسکریه

سبک:👆👆👆شعر بالا 👇👇👇

🍂امام زمان (عج)🍂 🎼(سبک : بزم عزاده گیمیشوک)....‌ شیعه اولوب گریان سنه ، مهدی یامهدی گل جانیمیز قربان سنه ، مهدی یامهدی مولا جان مولا جان (۲) هاردا قالوبسان گَل گوزل ، گوزلره قربان گَل کل دنیا سن دییَن ، سوزلره قربان بیز ریشه ی ظلمی کسن ، اللره قربان گل جانیمیز قربان سنه ، مهدی یامهدی مولا جان مولا جان (۲) سن سن ولایت اهلینه ، یار باعزت سن سن علینون وارثی ، معدن غیرت ظللامی نابود ائتمگه ، سنده وار جرات گل جانیمیز قربان سنه ، مهدی یامهدی مولا جان مولا جان (۲) سن سن بیزه مشکل گشا ، ای شه خوبان گل گور قالوبدی شیعه‌نون ، گوزلری گریان حسرت چکور یوللارووه ، ملت ایران گل جانیمیز قربان سنه ، مهدی یامهدی مولا جان مولا جان (۲) جدَون غمینده سن آقا ، قاره باغلارسان بزم عزاده اگلشوب ، دیلدن آغلارسان دائم ننون زهرا کیمین ، سینه داغلارسان گل جانیمیز قربان سنه ، مهدی یامهدی مولا جان مولا جان (۲) عالم بیزه زندان اولوب ، هارداسان مولا گل سینه ‌لر غمدن دولوب ، هارداسان مولا گلشنده‌کی گوللر صولوب ، هارداسان مولا گل جانیمیز قربان سنه ، مهدی یامهدی مولا جان مولا جان (۲) فانی جهاندا گولمدون ، ای مه تابان گوز یاشووی هئچ سیلمدون ، ای مه تابان جمعه سووشدی گلمدون ، ای مه تابان گل جانیمیز قربان سنه ، مهدی یامهدی مولا جان مولا جان (۲) سن سیز بو عالم یکسره ، اولدی ویرانه گل شیعه شمع عشقووه ، اولدی پروانه سسلر مقدس آدووی ، مست و مستانه گل جانیمیز قربان سنه ، مهدی یامهدی مولا جان مولا جان (۲) زهرا مزاری هاردادی ، گل عیان ایله بو عاشقانیله گلوب ، سن فغان ایله سینونده‌کی هر دردووی ، سن بیان ایله گل جانیمیز قربان سنه ، مهدی یامهدی مولا جان مولا جان (۲) عشقون بیزی بیمار ائدوب، وئر بیزه درمان تئز گل امور عالمه ، وئر سر و سامان هر امرون اولسا امر ائله ، وئر بیزه فرمان گل جانیمیز قربان سنه ، مهدی یامهدی مولا جان مولا جان (۲) #امام_زمان_عج_الله #جمعه_های_دلتنگی