#شاهکاری_دیگر 🏴نوحه حضرت علی اصغر( ع) 🎼 دستگاه: شور عرب سو سوزی باشدان آتانیم لایلای ربابی گوزدن آتانیم لایلای بوکربلاده سوسوز اللرده سو اوسته قانه باتانیم لایلای دردیمه درمان علی جان سنه قربان علی بو فلک ایتدی انیوی دربدر چوللری اغلار گزورم من ملر گل منیم اغوشیمه ای دلبریم گلمسون اولام بو گیجه خونین جگر من اورگی قان باخورام یولارا گل گوزوی گریان باخوررام یولارا آه و فغان ایلیورم بوگیجه قلبی پریشان باخورام یولار سویله هایاندا بو گیجه قالموسان دردو محنه باشیمی سالموسان گل ننه قربان منیم اغوشیمه صبرو قراریمی علی الموسان بوگیجه اصغر سینمی داغلورام صورتیمه گوز یاشیمی باغلورام بوش یریوه باخدوقیجان اودلانوب بند دلیم بوش یریوه اغلورام ای علی اصغر منه امداد ایله روح وروانیم انیوی یاد ایله سنسیر علی عالمی ویران منم گل بو سینق قلبیمی سن شاد ایله

): سینونده مسمار یارووه آغلارام زهرا                  آغلارام زهرا سیلی دَیَن رُخسارووه آغلارام زهرا                  آغلارام زهرا یازهــــــــــــــرا - یازهــــــــــــــرا(٢) ⬛️ باشه پیمبر قاره سین باغلادون زهرا ، باغلادون زهرا هجرینده قلب زارووی داغلادون زهرا ، داغلادون زهرا ائوده اوتوردون هر گجه آغلادون زهرا ، آغلادون زهرا من قلب پاره پارووَه آغلارام زهرا ، آغلارام زهرا یازهــــــــــــــرا - یازهــــــــــــــرا(٢) ⬛️ سیلی دگنده صورتون دَیْدی دیواره ، دَیدی دیواره درد و غمه دوشدی حَسَن قالدی آواره ، قالدی آواره سیندی قولاقوندن یره دوشدی گوشْواره ، دوشدی گوشواره یانّام سینان گوشْوارووه آغلارام زهرا ، آغلارام زهرا یازهــــــــــــــرا - یازهــــــــــــــرا(٢) ⬛️ سندن صورا حیدر غمه مبتلا اولدی ، مبتلا اولدی شیر خدانون قلبینه غصّه لر دولدی ، غصّه لر دولدی قلبی شکسته قیزلارون گُل کیمین سولدی ، گل کیمین سولدی غمنن سولان گلزارووَه آغلارام زهرا ، آغلارام زهرا یازهــــــــــــــرا - یازهــــــــــــــرا(٢) ⬛️ غسلون ویرنده بس نَدَن آغلادی حیدر ، آغلادی حیدر بیر حاله قالمیشدی بَدَن آغلادی حیدر ، آغلادی حیدر قانه بویاندی آغ کفن آغلادی حیدر ، آغلادی حیدر اوُل سینهٔ تبدارووه آغلارام زهرا ، آغلارام زهرا یازهــــــــــــــرا - یازهــــــــــــــرا(٢) ⬛️ سندن صورا زینب قیزون خانه دار اولدی ، خانه دار اولدی فِقـــدانُوَه هجـــرانوه بیقرار اولدی ، بیقرار اولدی یاندی گووَرمیش صورته اشکبار اولدی ، اشکبار اولدی زینب کیمین دلدارووه آغلارام زهرا ، آغلارام زهرا یازهرا.......یازهرا......۲ ﷽🍁

‍ روضه قتلگاه قتلگاهی نچه لحظه الیوم منظره باخ شمره باخ زینبه باخ سینه یارا رهبره باخ بوکشاکشده سنی تاری بیرآز دقت ایله اوچوخور یرده ایاق آتدا قالان پیکره باخ (گوردی امام حسین آقا قان دولان گوزلرین آچدی اله یانایانا دیدی باجی نیه گلدین قتلگاهه ؟زینب مگر من دیممیشدیم خیمه لرده قالاسان ) عشقینون یارلی شه باخدی غم آیینه سینه قاتلین ناظریدی پنجه پر کینه سینه آخدی زینب الینون قانی حسین سینه سینه الری قانه باتان یرده پریشان زینب گوردی زهرا ننه سی سسلیوری جان زینب (گوردی الله اله یانایانا ننه سینین سسی گلیر اله یانایانا دیدی) قیزیم الیوه فکرالمه باغلا حسینون گوزونی قویما گوزیاشی توکه دیده خونبارینن (گوردی آقا دییر باجی قالما بوردا باجی . باجی بو نامرد ایستیر سنین یانندا باشیمی کسه .نیلدی خانم زینب؟بیر الین صاقا ویردی بیر الین صولا ویردی ، دیدی حسین دیمیرم قارداشمسان ، یوخ امامیم سن ، حسین امام نمنه امر السه گرک قولاق آساسان چشم قالمارام بوردا اما حسین بو آخرین لحظه ایستیرم بیر ایش گورم ننم ده آغلیا حسین اجازه ویر قوی یانان دوداقونان اوپوم آی قارداش ) کاش خبر دوز اولمیا باتدی قانا یانان باجی آتدی دالی دالی قدم قلبی الولانان باجی گلدی نه حالدا خیمیه الری دوغرانان باجی (خانمین الری کسیلیب ، الینین قانی آخیر ، اله الرین وروب قولتوغونا گلیر خیمه لره ، گلدی خیمه لر قاباقینه همیشه زینب قولارین آچاردی رقیه نی قوجاخلاردی اما بو دفعه خانمین الری کسیلیب اله یانایانا دیدی قیزیم گل قاباقا رقیه گل قولوی دولا عمه وون بوینونا عربده بیر رسم وار اگر بیر ایوین بویوگی ئولسه گللر اگر ایوده بالاجا قیز اوشاقی اولسا اونون حوروهلرین آچالار توکلر یوزونه زینب یانایانا دیدی رباب گل قاباقا رباب گل رقیه نین تلرین آچ بالان یتیم قالدی

یافاطمه الزهرا(س): ‍ ‍ ‍ روضه حضرت فاطمه زهرا سلام الله علیها خداحافظ ای غریب مدینه سنی تاپشوردوم خدای معینه حسینی قویما قوجاقیمه گلسون علیجان نیلوم یارالیدی سینه گئدوب اختیاریم خداحافظ کمکسیزنگاریم خداحافظ دئمم سیندی شهپریم سنه خاطر یانار بلبل اوتدا گلشنه خاطر ئوزوم وئردیم محسنی سنه قربان علی سنده صبر ائله منه خاطر شه بردباریم خداحافظ کمکسیز نگاریم خداحافظ

🍁♥ بو مدینه  منه زنداندی  حبیبیم سن سیز قورخورام  عمر اوزانا،غمدی نصیبیم سن سیز من طبیبم هامیا،یوخدی طبیبیم سن سیز ائویمون ذوق وصفاسی هارا گئتدون زهرا زینبین یوخدی آناسی ،هارا گئتدون زهرا

❤زبانحال حضرت زینب (س)❤ در سوگ مادر با آهنگ (ای گل نازمن) آچ گوزون آی ننه بیرده دون باخ منه دیله گَل بیردانیش جان فدادور سنه ئوز قیزون زینبم بِله یاتما اویان داخی گولمز یوزوم نَنم ئولسه جوان ننه یا فاطمه باخ منیم حالیمه زلفیمه شانه وُر چَک اَلون باشیمه نجه بو ناگران گوزووی باغلیوم یرووی بوش گوروم گجه لر آغلیوم گئتمه گئتمه دایان باغریمی ائتمه قان گنه منله دانیش دردووی ائت بیان باخ پریشان ائووَه بیزی ترک ائتمه سن گجه نون عالمی سفره گئتمه سن باغلاما گوزلرون تک قالور همسرون بیر قوشیدون ولی سیندی بال و پَرون هِچ یاراشمور ننه گیونورسن کفن ئوز ائووندن بِله آیریلورسان نَدن ای عزالی گئدن هانی سن تک ئولن سنه یاس باشلیوب بو حسین و حسن گجه لر قوزانار ننه سیزلر سسی بیز غَریبوک ننه آتامون یوخ کسی

‍ ‍ زبانحال حضرت زهرا سلام الله علیها گل ئولورم چوخدی سوزوم           عم اوغلی عم اوغلی آغلا منه باغلا گوزوم           عم اوغلی عم اوغلی من گل پرپر شدۀ           فراقم فراقم دای بو نفس چکماقا یوخ           علاقم علاقم ایوده سنه آخشاما چان           قوناقم قوناقم بیردی گجیلن گونوزوم           عم اوغلی عم اوغلی   اوندا که اود چکدی شرر           قاپومدا قاپومدا ووردی قضا زنگ خطر           قاپومدا قاپومدا فضّه بیلر اولدی نلر           قاپومدا قاپومدا ایندیده بیمارم ئوزوم           عم اوغلی عم اوغلی گوش دلیم سنده دی بیر           مقال ائت مقال ائت غصه لی قلبی گینه پُر           ملال ائت ملال ائت زینبه خاطر منی گَل           حلال ائت حلال ائت گول ئوزومه گولسون ئوزوم           عم اوغلی عم اوغلی   آیریلیرام آیریلیقا           نه چاره نه چاره دای گوره بیلمم یوزیوی           دوباره دوباره دوشدی بو یورقون نفسیم           شماره شماره وای نئجه سندن اَل ئوزوم           عم اوغلی عم اوغلی   ناله وی مَغسَلده گویه           اوجاتما اوجاتما غسلیمی ویرسن باشیوا           اَل آتما اَل آتما تندن عزا کوینگیمی           چیخاتما چیخاتما پرده لی قالسون بو سوزوم           عم اوغلی عم اوغلی دردیمی دلدن آقا سان           بیلَرسن بیلَرسن تک اوتوروب گوزیاشیوی           الَرسن الَرسن قبریمون اوسته گئجه لر           گلَرسن گلَرسن

قاپی باغلاما نوحه سی ای که عباس آدینا آغلیوسان سینوی چاک ایلیوب داغلیوسان مشکلین اولسا اوزی حل اولاجاق چون خلوصیله قاپو باغلیوسان **** دردینی هر کیم ابوالفضله دئیه اگنینه وقت عزا قاره گییه حاجتون حتمی روا ایلیجاق آند اولا اوز ننه سی فاطمیه **** گل که درمانه سنون وار نیازون چوخدی درد دل و سوز و گدازین آند ویر عالمی دلگیر ایلین صود امر اصغرین اوخلی بوغازین **** سویله دی دردینی عباسه رباب یاردی سوز قلبینی چون تیر شهاب بولدی اصغر که سو سوزدان یانوری ایلدی غم دل سقانی کباب

🎤با نوای کربلایی محمد تقی سبحانی جلفا زبانحال حضرت زهرا سلام الله علیها حاج اصغر فرشچی ( عدلی تبریزی) گل عم اوغلی عمروم یتوب انتهایه سال بولحظه لرده باشیم اوسته سایه روحوم آیرولاندا گلمه چوخ نوایه . ئولوری زهرا دیده تر اولما بسدی من سولدوم سن باری سولما تکرار درهربند دینه زینب گل آناوا آغلا آیرولور روحی گوزلرین باغلا . ویرخبرحسینه شاه کربلایه زینبیله کلثوم خاصّه مجتبایه باتما قا بو ایوده ماتم و عزایه . گُلِ ریحا نین سولوری مولا قانیلن قلبون دولوری مولا . جور اشقیادن فاطمه یورولدی حقی ناحق ایتماق مجلسی قورولدی نیندیم که کینه سیلیسی وورولدی . اود ویروب عدوان درگهیم یاندی سقط اولوب محسن قلبیم اود لاندی حقووی آلاندان یانموشان دایاندیم ثانی اود ورندا باب وحیه یاندیم منم اوز قاپومدا قانیمه بویاندیم . ال اوزوب ایلدن غم نصیب اولدوم درد ی بیدرمان بی طبیب اولدوم صرصر عداوت گلشنیوه اسدی میخ در یاراسی طاقتیمی کسدی منه عمر کوته بو زماندا بسدی گل عمرومی خزان ایتدی خار چوخ فشار ویردی جسمیمه دیوار عفو قیل بتولی ترک ایدور جهانی غسلومی گجه ویر دفن ایله نهانی قبریمه یواش قوی بو یارالی جانی قول سینوب سینم یارا جان خسته منی تابوته قویون آهسته

🏴شهادت_حضرت_زهراعلیهاسلام زبانحال_امیرالمومنین_علیهالسلام ✍رقیه سعیدی کیمیا 🎤حاج علیرضاداداش نژاد میاندوآب 🎼 دستگاه همایون گوشه شوشتری 🎶سبک:می گذرد کاروان گؤزلرون آچ فاطمه اِیله حلال حیدری ســن منـی ترک اِیلمه ای گل نیلوفری چاره م الیمنن گئدیب،باغلی قالیب اللریم درد فراقوندا باخ ، قــانه باتیب گــؤزلریم ریحــــانــهٔ بـــاغ مصــطفـــی آغلار قالدی سن سیز مرتضی یا فاطمـــه یا فاطمـــه (۲) یاره لرون گؤرمگــی ، آلدی منیــم طاقتیم بیر ایلَه دؤندی منه ، غسلی وئرن ساعتیم تا کفنـــون باغلادیم ، نیسگیلیوه آغلادیم آهِ شـــررباریلن ، هِی سینــه می داغلادیم سیندیردی دشمـن آیینه می یاندیردی آیریلماق سینه می یا فاطمـــه یا فاطمـــه (۲) دؤرت بالانین ناله سی عرشه سالیب همهمه آغـــلادی حور و مَلَک ، غربتیوه ، فاطمه گؤز یاشی زینب تؤکؤپ نیلیِ رخساریوه قویدی حسین صورتین خسته اَیاقلاریوه دانیش منلن ای مظلوم ننه تِئزدی کفن یاراشمـیر سنه یا فاطمـــه یا فاطمـــه (۲) اشکیلَــه تابوتیــوی ، ســالدی یُولا زینبون باخدی غریبانه بیر صــاق و صُولا زینبون اِئتدی سفارش منه ، قارداشی یوخ مادری قبره یواش قوی بابا ، یاره لی دیر پیکری اوخشادی زینب یاندی دیلیم سـؤندی یارب شمــع منزلیم یا فاطمـــه یا فاطمـــه (۲) تاب و توانیم گئدیر روح و روانیم گئدیر قبر ائوینه نیمه شب یاس جوانیم گئدیر اولدی فلک پرشتاب ، جانیمه اود سالماقا یوخدی توان،تاپشورام، فاطمــه نی تپراقا ای دردیم درمــانـی فاطمه ترک ائتدون دنیانی فاطمه یا فاطمـــه یا فاطمـه ۱۴۰۲/۹/۱۷ #فاطمیه_۱۴۰۲

#سقیفه شورا ائدیب بیر عده ی نادان سقیفه ده ائدسینله تا خلیفه نی اعلان سقیفه ده پیغمبرین جنازه سی دفن اولمامیشدی لیک قدرت طلب لر ائتدیله جولان سقیفه ده بیر ایش گوروب مهاجر و انصار او صحنه ده آل رسولی ائتدیله نالان سقیفه ده اَل بیراولوب مسلم اولان حقی داندیلار کبر و منییّت ائیله دی طغیان سقیفه ده حکم غدیری داندیلا بیر عده حق نما باطل لر آلدی منصب وعنوان سقیفه ده ایگرمی اوچ ایل رسول خدا خون دل یئدی افسوس امری اولمادی میزان سقیفه ده غصب ائتدیلر خلافتی مکر و جفائیله خلق ایچره سالدی تفرقه شیطان سقیفه ده بیلمم نه اولدی امت حق اولدی منفعل سالدی علی نی فتنه ایاقدان سقیفه ده اوچ دورت گونه پیمبری یاتدان چیخاردتیلار زهرانین ائتدیلر اورگین قان سقیفه ده دوشدی بلا و محنته زهرای مرضیه بو ظلم و جوره یازدیلا فرمان سقیفه ده یاندیردیلار جفاییله وحی آستانه سین ظلم و جفاده قالمادی نقصان سقیفه ده نشر ائلیوبله جعلی روایات شیخ لر تحریف اولوبدی مکتب قران سقیفه ده اسلامیانی سالدیلا گرداب حیرته تاریخه دوشدی آتش خسران سقیفه ده ظلمیله آچدی امته ابواب فتنه نی هر کس غدیری ائیله دی کتمان سقیفه ده باخ امتین وفاسینه سیندیردی بیعیتین گور کیملریله باغلادی پیمان سقیفه ده جنگ و جدل جهانیده اولمازدی بو قدر اولسیدی گر او جمع ده ایمان سقیفه ده بیر فتنه ایله امت اسلامی بولدولر مین فرقه اولدی نسل مسلمان سقیفه ده هر کیم که کفر و ظلمله او گون بیعت ایله دی ائتدی بنای وحدتی ویران سقیفه ده کرب و بلا مصیبتینی ائتدیلر رقم اونلار کی حقی ائیله دی پنهان س

🍁 نجه گلدی نجه گئتدی 🍁 دنیایه بو انسان نجه گلدی نجه گئتدی هچ گورمدی سامان نجه گلدی نجه گئتدی عمرون ناقیلی شَرحه گلر ثانیه لرده تاپدی بِله پایان نجه گلدی نجه گئتدی بیر قافله دی سیری اونون قبره طرفدی کس بیلمدی کَروان نجه گلدی نجه گئتدی مقصده هامی شاه وگدا یان یانا یاتمیش حیرتده دی لقمان نجه گلدی نجه گئتدی سرعتله گئدور عمر قطاری بیلَن اولمور انسان قالورحیران نجه گلدی نجه گئتدی عمرون اولا نوح عمری گنه فانیدی فانی نوحیله اوطوفان نجه گلدی نجه گئتدی جَهلیله مینن توسَن غفلت یخیلار تِز حلقومه چاتار جان نجه گلدی نجه گئتدی بیرگون دانیشوردی ئوزئوزیلن بوسوزی مور یارب بو سلیمان نجه گلدی نجه گئتدی بیصاحب اولوبدورنچه مین تخت سلیمان گور یوسف کنعان نجه گلدی نجه گئتدی نَمرود و خلیل هر ایکیسی تپراقا گئتدی عصیانیله ایمان نجه گلدی نجه گئتدی رستملَری آغوشه چکوبدور قره تپراق یوخ سام نریمان نجه گلدی نجه گئتدی (نادر) گوزون آچ اویما بو دَجّال جهانه حسرتله دئمه خان نجه گلدی نجه گئتدی 🌸🌸🌸🌸🌸🌸🌸🌸