احوالات عروس حضرت قاسم عمواوغلی جان نقدر الده چاره وار نیلیم بوقدر دورده اهل نظاره وار نیلیم یوزومی گیزلدیم آیا قولاقیمون یاراسین یوزوم آچخدی قولاقیمده یاره وار نیلیم عمواوغلی الیم باشمدا دوشوم ناقه دن پیاده قاچم دالمجا بیر بئله مرد سواره وار نیلیم بو گوز یاشین بولورم غیرتون قبول المور اورک اولانور آخر شراره وار نیلیم بو قیزلارون هامسیندان باشی بلالی منم آدم گلین ولی باشیمده قاره وار نیلیم عمواوغلی کیمه دییم سیزی تاری منه گلین دیمیون آخی جداده سن کیمی بیر ماه پاره وار نیلیم سنه باخان اله قهرا منی نشانه ویریر بولوله چون آرامزدا اشاره وار نیلیم بئله خیال الدیم من عروسی سویمازلار اگرچه منده ایکی گوشواره وار نیلیم دیمه عروسی هامدان بتر سویارمشلار دیدیم الهی الیمده نه چاره وار نیلیم الیکی گوردی منیم گوشواره می او دنی قاچا قاوا دالدان کعب نیزه یخدی منی عمواوغلی ایندی اورکدن یارالیام نیلیم گوزوم جدایه دوشنده سارالرام نیلیم آخی نجه گلین لیگیمی گیزلدیم جماعتدن گلین کیمی الیم ضیلدی حنالیم نیلیم ورولا دل یاراسی هی بو ال چالان قیزلار اوتانرام گوروسن ابتلالیم نیلیم امام حسین قیزیام هم عموم امام حسنون عروس باادب باکمالیم نیلیم گران گلور هامی یردن مدینه شهری منه اورکده کی اولان اسراره حالیم نیلیم مدینه ده ایکی یردن بیرینده قالمالیام ئوزومده بولمورم اصلا هارالیام نیلیم ولی گینه آناوی قویمارام مدینه ده تک ئولونجه عشقیمه خاطر وفالیم نیلیم (گلدیلر وطنه، هامنین دردی بیر طرفه عروسین دردی بیر طرفه، هامی گیتدی باغلی قالان قاپلارن قفلن آچدی گیتدی ایوینه، زینب هامنی آپاردی ایوه اما بئله بالالارا باخدی گوردی گلین گلمیب، ام کلثوم باجی تئزه گلین هایاندا دیدی زینب وطنه گلنن ایلشیب یولون وسطینده اله عمواوغلی وای دییریانایانا آغلورگلدی گوردی دیزلرین قوجاخلیب بئله دییر عمواوغلی عمواوغلی عجب قره بخت اولدوم ایییییی) حجله سرا تالان اولدی اییییی گلین لیگیم آی یالان اولدی ایییی اوستومه آد قویوب گیتدون دردون منه قالان اولدی ایییییی بلبل اوچا گویه بولمز گل تیکانلخ سویه بولمز آداخلسی ئولن گلین هیچ قاپنی دویه بولمز (زینب گلدی قیزیم دو گیدک ایویمیزه ،قیزیم نیه آغلیرسان؟بئله باخدی عمه سی زینبه عمه هارا گیدیم هانسی قاپنی دویوم،قیزیم بونه سوزدی دیرسن؟ اگر ئوز امیزه گیتسم قاسم ننه سی دیراوغلوم ئولوب گلینیم ایودن چخدی اگر قاسم ایوینه گیتسم دیلر یول ورون یول ورون بد قدم گلیندی گلیر) اله دییردی عموغلی مگر گلین گیدنین قولارون باغلالار؟ عمواوغلی مگر گلین گیدنین گوشواره لرین چخاردالار؟ عموغلی بولمورم دل یاراسینا نجه دوزم دیدی عمواوغلی منی شهریلرده گورن دییر اله بیر بوطوی گونی گورمیب بواگر گلیندی مشاطه لر نیه بو حوروکلرین حورمیب؟ دیه بولمورم منه بیر نفس طویوما نظاره ویرمیب

#روضه_حضرت_قاسم قویوبدی حنجریمه خنجرین عداوتیله یاخندی باشیمی کسون (اله یانایانا دیردی عمو) آتام کی یوخدی یانمدا گله گوره ئولورم منه بو حالیده گل سن ئوزون اله امداد ائدیبدی پیکریمی پایمال سم ستور گویون ستاره سی تک یوخدی زخمیمه تعداد اشیدی خیمده قاسم سسینی امام حسین توکوب عذارینه گوز یاشی ایتدی شیون وشین

روضه حضرت قاسم(ع) قانه بویاندی پیکریم گل عمو تئز گل گل عمو تئز گل یولدا قالوبدور گوزلریم گل عمو تئز گل گل عمو تئز گل چوخ زحمتیمی چکموسن ای شه عالم ای شه عالم اون ائیل آتا اولدون منه قدریوی بولم قدریوی بولم عشقونده من قانه باتوب نوجوان ئولم نوجوان ئولم سندی هما تک شهپریم گل عمو تئز گل گل عمو تئز گل غم چکمه ئولدی قاسمون شاه انس وجان اولما چوخ گریان باشون ساغ اولسون غم یمه صبر اله بیر آن ائتمه چوخ افغان بوخسته جانیم یاحسین اکبره قربان اصغره قربان قالسون سلامت اصغرون ای عمو تئز گل ای عمو تئز گل

احوالات حضرت قاسم(ع) قالدی آتلار ایاقیندا حسنین گل بالاسی آلدی دامادینی آغوشینه ئوز قیناتاسی یری وار حضرت زهرا آچا بو نوحه ده باش دور اشکین الیه قاسیمینه نقل شاباش داش اورکلر اوقدر جسمینه ورموشدولا داش نقشه پیکری گیتمیشدی بکلی آرادان قرمزی نقل کیمی قان توکولوردی یارادان دویولی ات کیمی اولموشدی جگر بند حسن سورونوردی ایاقی یردن اوزانمیشدی بدن قدم آتدیقجا حسین دیلدن ایدوردی شیون تازه دامادینون اوخشوردی ئوزی یولدا بویون نه گوزل پیرهنون واردی مبارکدی طویون یتوروب خیمیه جانسیز جسدی قویدی یره عرضیمه دقت اله منظره نی آل نظره طوی گونی قاره گینلر یغشوب دوروبره گوردولر قان بوروین قاره گوزون قاره قاشون ننسیندن ده قاباخ عمه لری آچدی باشون فاطمه خیمده جریانه خبر دار اولدی دیدی بختیم کیمی روشن گونوزوم تار اولدی گیتدی بختیم بولورم غصه منه یار اولدی دور ایدوب ماه کیمی غصه لی اولدوزلار اونی یوزی گلمیردی گله گتدی سوسوز قیزلار اونی (باشینا بیر قره معجر سالدیلار اوتانا اوتانا گلدی ایلشدی پایین پاده باخدی عمواوغلوسونون قانا بلشن کوینگینه) عمواوغلی اوقانلی کوینگیوی ویر ایدیم یوزه روبند گورن دیسون کی گلیندی نقابی قرمزیدی ویاکی ایله دعا قتلگهده منده ئولوم گورن دیسون بو ئولنلر عمواوغلی عم قیزیدی (کوفیه وارد اولاندا خانم باخدی گوردی داشلارین بیری دیدی قاسمین یارالی باشنا) آی کوفه لی لر تیزی تاری بوقدر جور وجفا باشلامیون ئوزون ئولدوردی گلین نامزدین داشلامیون

روضه حضرت ابوالفضل (ع) نه قارداشیدون من بولورم اوزگه سی بولمز مین عالم اولا عالمه مثلین داخی گلمز بیر قدی کی قارداش ئولومی بوکدی دوزلمز بو مثل مشهور جهاندی آتام اوغلی کاش بیر لحظه یل یاتا طوفان کسیله آخ نیه گوزلریمه باشدان آخان قان کسیله سن گلن یولارا عباس ئوزی قربان کسیله تاپدیم او زمان کی آنادان فیض ولادت وقف ایتدی منی اوندا سنه شاه ولایت باشیمده سنونکیدی که مندیدی امانت بو سن بو امانت کیمه بذل ایلوسن ایله حفظینده قصور اولدی نه عدل ایلوسن ایله سیدی بو باشدا باشلخ قالمیوب گل گور تانی یولاردا سنه یول یولداشدی سعد اوغلی سسلدی که علمدار باشین گورمورم (دا اوباشی نیزیه ورانمازدلار باشدا باشلخ یوخودی) سعد اوغلی سسلدی که علمدار باشین گورمورم بیر نفر چخدی کمیتین تورباسین ویردی

عباس یری بوش آناوین ایندی گوره لشکر ظلالت نجه سالدلار ایاقدان بو گوزل نهالی قارداش قمر عارضینده قاندان چکیلیبدی سرخ پرده توتولوبدی آل هاشم آیی گون گلوبدی درده گونون الری بئلینده آی الی قالوبدی یرده منه گون سنه سپهری یاناجاق هلالی قارداش بئله قامتی که سروین اولا بوستاندا رشکی گر آنان گوره یخوبلار نجه قانه دونمز اشکی گورونوبدی هانسی سقا دولا قانیله سو مشکی ایده مشک چشمی جاری، یوزه اشک آلی قارداش بو نه اوخدی سجده گهده؟ بو نه قاندی یوز گوزونده؟ دوتولان آیا شباهت، گورونور گوزل یوزونده گلورم دالونجا منده، بولوسن بونی اوزونده نجه آی باتار، گونونده یتیشوب زوالی قارداش سن او شیرسن کسوبدور ایکی پنجن اهل کینه سن او سروسن که ساین، یتوشردی هر حزینه قیریلوبدی قول بوداقون، یخلوب تنه زمینه نیه شاخه لر دوشوبدور تنه دن آرالی قارداش باخوب بو حالیوه اولموم نجه من زارو دلخسته آچوب پر پیکرون بسکه دیوب اوخ دسته به دسته عمودیله سنان باشون گوتور قوی دیزلریم اوسته یوزون سوتمه یره