نوحه ارادت به محضر اباعبدالله ع بانوای#کریلایی_منوچهر_حسن_زاده شهریار عالمین ای جان جانان یا حسین ای قویان عالملری عشقینده حیران یا حسین ای شه خوبان حسین.عالمه سلطان حسین ای گوزل آدی اولان هر چاره سیز درده دوا سن حبیب لم یزل سن شافع روز جزا کشتی امید سن عشاقه مصباح الهدا بحر عشقین ائیلوب دیللرده طوفان یا حسین كيم گليب درگاهیوه تاپدي جلال و اعتبار كوي عشقیندن گدالر اخذ ائدر عزّ و وقار سفره جودونده اولموش اهل عرفان ریزه خوار درگهین دارالکرم دی کوی احسان یا حسین اولماسا گر عشق، يول تاپماز سنه عقل و خرد کوکب اجلالیوی خامه ائده بیلمز رصد قالميشام حيران اليمدن دوت اوزون ائيله مدد مكتبونده اولموشام طفل دبستان يا حسين سن طریق عشقده هر سالکین منهاجی سن تاج خلقتسن قويوبسان باشه قاندان تاجي سن روز محشرده اولارسان اهل عشقه ناجی سن قویماسان قالسونلا محشرده پریشان یا حسین آدم و حواني چكدین ساحیله بحرانيدن جان عيساني قوتاردین فتنه دونانیدن كشتي نوحي آپاردين مقصده طوفانيدن سن خليله ائیله دین ناري گلستان يا حسين بحر صبرین داشمادی هر قدر موج ائتدی بلا عهدیوه ائتدین وفا چون البلاء للولا ائيله دین کرب و بلا توپراقيني خاك شفا تربت پاکوندی هر بیر درده درمان یاحسین حق یولوندا ائتمیسن ایثار، ثارالله سن سن حقیقت اهلینه هم رهنما هم راه سن کایناته حکم ائدن یالقیز یارالی شاه سن تحت امریندور سنون بو کون و امکان یا حسین قتلگهده ائیلدون معبودیله راز و نیاز قانلي محراب ايچره قیلدین شوقیله قانلی نماز سن شفاعت امرینه آلدون چوخور یئرده جواز بلکه سوزان ائتمسین عشاقی نیران یاحسین نیزیه چیخدی باشین حق اهلینه یول گوستره باشلادی قرآن يارالي ديللره تسكين وئره وئردی تاریخه ندا ذلت یاراشماز بیز لره آخدی قان ناحقّه چکدی خط بطلان یا حسین بیلمیرم محشر نمایان اولمادی آیا ندن اوندا کی کسدی جفاییله باشین قوم فتن قالدی اوچ گون پیکرین توپراق لار اوسته بی کفن تاپمادی زینب او چولده بیر مسلمان یا حسین اون بیرماه محرم گلدی زینب مقتله گوردی نعشین یئرده دی باشین دوشوب الدن اله آز قالیب دی خرمن صبرین خانیم وئرسین یئله سسلدی جانیم اولا بو جانه قوربان یا حسین جان زینب دین یولوندا تشنه قانه باتمیسان باش و جانیندن گئچیب الحق مرامه چاتمیسان وای منه گونلر قباقینده نه راحت یاتمیسان وار یئری ائتسم اولونجه داد و افغان یا حسین اولموشام #مدهوش شاها عشق پاکیندن مدام فخر قیلام شاهلارا اولسام بو درگهده غلام دوت الیمدن قیل کرم ای پادشاه ذوالکرام سائیله سیزدن اولار لطف فراوان یا حسین ای شفاعت ائیلیین قنداق ایچینده فطرسی قورتاران ظلمات دریادن جناب یونسی بیر اشاره یله قوتار محشر گونی بو بیکسی منده هر آن اولموشام عشقونده نالان یا حسین #محمد_هوشمند

آغاز محرم🍁 بانوای#کربلایی_منوچهر_حسن_زاده گئنه بزم ماتم قورولدی یا زهرا حسینه عاشقلر پریشان آغلار قره پرچم یاده سالار پرچمداری وفالی سقایه ئورک قان آغلار نقدر وار شیعه حسینه نوکردی فدای اکبردی ئوز عشقین ساتماز آقامیز مولادی سخاسی دریادی غلام دربارین گؤزوندن آتماز قالاجاق دیللرده حسین آدی والله حسیندور حبل الله ابا عبدالله قره پرچم حقدی صفالی بیرقدی قسم پرچمداره بو پرچم یاتماز علم ثارالله لوای عزتدی وقار و شوکتدی قسم طاهایه بو قرا کوینکلر نشان غیرتدی جواز جنتدی قسم مولایه کیم عزاده آغلار قرا باشه باغلار حسینه یاس ساخلار جهنم گؤرمز دوتاجاق مولاسی او احسان دریاسی الیندن محشرده قسم زهرایه ای حسینه عاشق ئوز عشقینده صادق گل اول شاهه لایق باشیندا قاره گل اگر دردون وار دئنن یا ثار الله جواب ائتمز والله تاپاریان چاره یئتیشوب ماه غم گیوب قاره عالم اسور قانلی پرچم محافللرده یوزه اشکین جاری ایله گؤزدن باری دوادی گؤزیاشی دل بیماره گلور عطر یاس و هوای احساس و لوای عباس و صدای زهرا اوجالور هر یئردن صفا و زمزمدن کنار علقمدن نوای زهرا دیور هر دم ایوای اوجا بوی اوغلوم وای علمداریم لایلای دوشوب قوللارین ئوپوب آلنون پیکان سنه جانیم قربان وئرر اجرین والله خدای زهرا #استادمعروفان اهری

در جلالت حضرت ابا عبدالله الحسین علیه السلام ➖➖➖➖➖➖➖➖➖➖ امید عالم امکان ( حسیندی ۳) پناه خیل مظلومان (حسیندی ۳) عشقون اولوب سرشتیم کربلا بهشتیم جان او قبره قربان سن سن گوزل نگاریم تاج افتخاریم شاه انس و جانسان دوای درد بی درمان ( حسیندی ۳) صفای جنت و رضوان ( حسیندی ۳) کونلوم نوایه خوشدی کربلایه خوشدی دلده قالدی حسرت بیر اربعین ده ایسته ای شه خجسته ایلیوم زیارت من فدا آدیوا نوکرم قاپیوا سسلرم گیجه گوندوز - شهریاریم حسیندی اعتباریم حسین گویده ماهیم حسین یرده شاهیم حسین هر ایکی عالمده - افتخاریم حسیندی اعتباریم حسین زاده زهرا یا حسین مولا شأن و شوکتیوه باش اگر دنیا (۲) باخ بو مدهوشه قان گلوب جوشه باشدا دور گنه شوق قبر ششگوشه (۲) ✍ امین اکرمی - تبریز

یتوب ماه غم ماه احساس فضادن آل عطر گل یاس بوآیدا سوو اوستونده آخر وریب قوللارین تشنه عباس تندن دوشن قوللارا من فدااایم(۲) من عاشقم عاشق کربلایم(۲) حسین جان حسین جان حسین جان حسین جان حسین جان حسین جان رُخصت آلدی شاهیدن ۲ آیریلدی اوغلون قومیدن آماده اولدی رزمه عباااس سالدی دوشه مَشکینی حیدردن آللمیش مَشکینی ثابت ادوب اوز إسمون عباااس سالدی میدانه نظر پورٕ علی صاحب نظر دعوا گونونده حیدرعباااس آل هاشم ماهیدی بو اکبرین خون خواهیدی هل من مبارز سسلر عبااااس(۲) حیدر ساااااقی (۲) شیریزدانی تشنه لب ساقی کوه غیرتسن ،باشهامتسن تا قیامتسن یاابافاضل یاابافاضل یاابا فاضل

بحر طویل در آرزوی کربلا وئرّوک آنان فاطمیه بیز قسم قیل نظر عاشقلریوه یا حسین قویما قالاخ قبریوه حسرت بو ایل ایسته بیزی محضریوه یا حسین ** یاده دوشر چون او ضریح طلا پُر جلا ، مُشک سا نی کیمی دلدن ائدروک بیز نوا بَر ملا ، ایلروک حقدن دعا ائتسون او قبری بیزه قسمت خدا اخذ ائلیک خاک دروندن شفا تربت پاکون ائلیک طوطیا جاری ائدک شوقیله صبح و مسا دُرج بصردن گُهرِ پر بها اوُل حرمِ اَطهریوه یا حسین یاده دوشربلبل خونین پرون ، نوبرون سینَوون اوستونده علی اصغرون مرهمِ زخمِ دلِ غم پرورون زیر قدومونده ملک منظرون ماه لقا ، زهره جبین ، اکبرون صبح حیاتونده ، ایشیق اخترون شبه نبی ، مظهر پیغمبرون گول کیمی صد پاره او گول پیکرون ایسته حضورونده بو عاشقلرون دوتسون عزا اکبریوه یا حسین بخشش و جودون سالوب آفاقه سس قیلّوق او ششگوشه مزاره هوس گوز یاشیمیز یوزده چو رودِ ارس ناله و افغان ائدروک چون جَرَس سنسن او کس نورِ رُخوندن زبس طوریده موسایه گوروندی قَبَس حیف بو شأنیله سنون ، خار و خس اولدی کفن پیکریوه یا حسین عاشقوک عبّاسِ وفا داریوه یاریوه ، غم گونی غمخواریوه یار و مددکاریوه ، محرم اسراریوه منشی و مصطوفی درباریوه شیر ژیان ، ضیغم قهّاریوه خصم شکن یاریوه سرداریوه بحر سخا گوهر شهواریوه عجز ائدروک خالق غفّاریوه لطف ائله سون جمله عزاداریوه زائر اولاخ یاروریوه یا حسین ** مرحوم جلیل ناصر اردبیلی

نوحه فرارسیدن ماه محرم سبک:ای قلم سوزلرونده.... شیعه لر باغلیون باشه قاره گلدی ماتم آیی چون دوباره وارمریضون اگر مطلبونده تاپ بودرگهده سن بیرده چاره شیعه لر عشقی مولا حسیندور صدقیله سسله شاه حنیندور اون بیر آی یرمی گون دوزموشوک بیز گوزیاشین آغلیوب سوزموشوک بیز دایر اولسون حسین یاسی بیرده هرقاپی واردی ال ئوزموشوک بیز شیعه لرعشقی مولا حسیندور صدقیله سسله شاه حنیندور ماه ماتم حسین ماهیدور گل غصه لی سینه گر آهیدورگل آغلا سسلن دئنن فاطمه جان سنده گل مجلسه شاهیدورگل شیعه لر عشقی مولا حسیندور صدقیله سسله شاه حنیندور جان حسین جان حسین جان حسینجان کاروان گلدی  یولدان  حسینجان نینوا دشتی چوخ غم فزادور یار و  انصاره  قربان حسینجان شیعه لر عشقی مولا حسیندور صدقیله سسله شاه حنیندور سینه وور سن دئنن وای حسینیم سالگیلان عالمه های حسینیم سسله ای شیعه لر مقتداسی ناله ایله دی لای لای حسینیم شیعه لر عشقی مولا حسیندور صدقیله سسله شاه حنیندور سسله ای خون سرخ الهی شیعه نون تکیه گاهی پناهی ای حسین باخ بیزه دردمندوک قوزانوب گویلره غصه آهی شیعه لر عشقی مولا حسیندور صدقیله سسله شاه حنیندور بو یانان  دیللره گل صفا وئر دیده لر قاندی نور  ضیا وئر چوخ مریض گوزلری یولدا مولا گل اباالفضل  الیله  شفا وئر شیعه لرعشقی مولا حسیندور صدقیله سسله شاه حنیندور 🏴🏴🏴🏴🏴🏴🏴🏴 التماس دعا

مداح اهلبیت،ع،شعبانپور: سلام وعرض ادب خدمت اعضای محترم کانال خواهران محترمی که می خواهند درگروه مداحی بانوان شرکت کنند به آیدی زیر مراجعه کرده و باویس خودشان رامعرفی کنند خادم حاجیه شعبانپور👇👇 پیوی مدیر: @Haram75 🌹التماس دعا🌹 گروه مداحی فارسی👉 گروه مداحی ترکی 👉 فقط برای بانوان👉 فقط باویس خودتون رو در پیوی معرفی کنید📣📣📣📣📣📣📣 باتشکر شعبانپور👉 درایتا👉 خواهش می کنم خواهران محترم فقط باویس خودتونو معرفی کنیدگروه ترکی یا فارسی👇👇👇👇 باویس حتما بگید گروه ترکی یا فارسی چندساله مداح هستید👉👉👉👉👉👉 گروه ترکی👉 گروه فارسی👉 گروه احکام👉👉 فقط باویس📣📣📣📣📣📣

سن سیز علی روز و شب ذکریم اولوب وای اوغول من سنه لای لای دیوم یا دیوم ای وای اوغول اوچ گیجه گوندوز علی هر نه دیدیم یاتمادون باشدا کی سو فکرینی باشدان اوغول آتمادون ویرمدیلر سو سنه مقصدیوه چاتمادون من سنه لای لای دیوم یا دیوم ای وای اوغول دل یوخیدی حالیوی ایلیه سن یاخشی فاش یاندون اوغول آغلادون سینه­می ایتدون خراش منده ئولیدیم سنی گورممیش اولده کاش من سنه لای لای دیوم یا دیوم ای وای اوغول چون سنون اسکاتوی حرمله ایجاب ایدوب هم سنی دلدن سالوب هم منی بی تاب ایدوب اوز بوغازوندان آخان قانیله سیراب ایدوب من سنه لای لای دیوم یا دیوم ای وای اوغول دوتموسان الفت علی گوردیله پستانیله آچدیلا سوددن سنی زهریلی پیکانیله قویدولا یاخشی منی ناله و افغانیله من سنه لای لای دیوم یا دیوم ای وای اوغول گیتمز علی سینه دن دیرناقیوون یرلری حشره گلنده آنون تک بو یری گوستری فاطمه نی یاندیری آغلادی پیغمبری من سنه لای لای دیوم یا دیوم ای وای اوغول بسکه سکینه یانور سن کیمی قارداشینه خیردا اوشاقلار باخور آغلوری گوز یاشینه هی دولانولار اوغول بوش بشگون باشینه من سنه لای لای دیوم یا دیوم ای وای اوغول گه سنی بوش امجگه سالدیم اوغول آغلادیم گوردوم علی دوزموسن اللریوی باغلادیم اکبر آناسی کیمی منده جگر داغلادیم من سنه لای لای دیوم یا دیوم ای وای اوغول خیمه لری سو دیوب هر نه دولاندیم علی اولمادی بیر کیمسه دن چاره دایاندیم علی گاه اوز احوالیمه گه سنه یاندیم علی من سنه لای لای دیوم یا دیوم ای وای اوغول حالیمی آنلار گورن دیده گریانیمی سینمه بیر اود دوشوب یاندوریری جانیمی گرچه دیوب اوخشارام سن قوزی قربانیمی من سنه لای لای دیوم یا دیوم ای وای اوغول گاه بو بوش سینه دن عطرون آلیب آغلارام گاه ایاق دوتماقون یاده سالوب آغلارام اللری قوینوندا من گرچه قالوب آغلارام من سنه لای لای دیوم یا دیوم ای وای اوغول هر آنا اوز اوغلونی اوخشیوب آغلار یانار هر باجی قارداشینه گرچه سیزیلدار یانار لیک رباب ایندیدن هر نه قدر وار یانار من سنه لای لای دیوم یا دیوم ای وای اوغول قالدی اوغول اودلانان قلبده نیسگیلریم هانسی الیله منیم حل اولی مشکل لریم داشه دیسم بولمیشم یاندیری بو دللریم من سنه لای لای دیوم یا دیوم ای وای اوغول نه یوزیله یثربه ای علی بیرده گیدیم گورسم اگر سود امر بیر بالا بس من نیلئیم هانسی زمانون سنون یاده سالوب ذکر ایدیم من سنه لای لای دیوم یا دیوم ای وای اوغول من نجه سن سیز باخوم بیرده گوله گلشنه آغلامیوم گلمیوم صبح و مسا شیونه یاخشی ملر قالمیشام وای منه ای وای منه من سنه لای لای دیوم یا دیوم ای وای اوغول نیلر او ساعت آنان گر دوشه بیر گون اله سو ایچه سیراب اولا سینه سینه سود گله ای سبب هجرت صبر دل و حوصله من سنه لای لای دیوم یا دیوم ای وای اوغول ای گئجه لر یاتمیان ایمدی نولوپ یاتمسان یوخسا سوسوزلوق غمین دلدن اوغول آتمیسان من سنه لای لای دیوم یا دیوم ای وای اوغول آغلامورام من سنه آج و سوسوز اولموسن سن اوغول اوخلانماقین لذتینه گولموسن قان آتاوا آغلورام سرین اوزون بولموسن من سنه لای لای دیوم یا دیوم ای وای اوغول آخشام اولی وقت اولی سود امره سود امر سود امرین شوقونا سینه لره سود گلر هانسی آنا صبر ایدور اوخلانا گر سود امر من سنه لای لای دیوم یا دیوم ای وای اوغول صافی اگر ایسته سن فاطمه دلشاد اولا اصغر آناسی گرک ذکر اولونا یاد اولا بسدی اولونجه بو سوز موجب فریاد اولا من سنه لای لای دیوم یا دیوم ای وای اوغول

السلام علیک یا اباعبدا...الحسین(ع) علی نوروزی نوین گینه گلوبدی ماه غصه و غم محرم اولدی باشلانوبدی ماتم(2) اولوب عزای شاه مشرقین دوشوب جهانه بانگ یاحسین شه لب عطشان حبیب یزدان سیدی حسین شیعه سسله یاحسین(4) ............. چکیلدی قاره عرش کبریایه ملکلر آغلور شاه کربلایه بهشتیده گلموش نوایه زهرا اولوبدی یزدان بانی هر عزایه سالوبدی زهرا باشینه قرا دییور اوغول وای ایلوری نوا نوای زهرا صدای طاها وای اوغول حسین شیعه سسله یا حسین .............. تزلزله سال عالمینی شیعه جهان گوره بو شور و شینی شیعه حسینچی اگمز باش جهاندا ظلمه بولر نچون رهبر حسینی شیعه مراد عالم مقتدا حسین اورک صفاسی خسروا حسین صفا حسیندور رجا حسیندور شاهیمیز حسین شیعه سسله یاحسین ................... حسین ویروبدی شیعیانه عزت حسینیله بیز تاپموشوق شرافت شعار هیهات من ذله دیلده بو دین یولوندا ایستروخ شهادت حسیندی شانیله وقاریمیز اولوب شهادت افتخاریمیز حسین وقار حسین شعار شهریاریمیز شیعه سسله یاحسین ................ حبیبی مولا سیدی حسین جان طبیب المی شهریار خوبان و کنت اعمی انت نور العینی وآنی عبدک انت شاه و سلطان قتیل العبرات میر نشاتین اسیر کربات سیدی حسین غریب عالم عزیز خاتم سیدی حسین شیعه سسله یا حسین .......... تاریخ نگارش محرم 94 ......... دلنوشته های علی نوین(ذالقلم تبریزی) السلام علیک یا اهل بیت النبوه

هیئت مکتب العباس، ع، آذری ها قوانین گروه، #تبلیغ_لینک_گروه_یا_کانال_وچت_وشوخی_کردن_ممنوع_می_باشد_⛔⛔ درصورت مشاهده مطالب لینک دار برابر با حذف از گروه❌❌❌❌❌ لطفا به قوانین گروه احترام بگذارید👉🏻 https://eitaa.com/joinchat/1805844674C67a5cb0b59 باسلام واحترام خدمت شما عزیزان بزرگوار مادحین گرامی،،، گروه مکتب العباس درخدمت شماست. برای فعالیت در مداحی و ویس گذاری موفق وپایدار وسربلند باشید 💐💐💐💐💐

بانوای#کربلایی_منوچهر_حسن_زاده شاعر#محمد_هوشمند سینه لره غم گلور . غصه و ماتم گلور قاره گییوب شیعه لر . ماه محرم گلور عالمی دولدوروب شور و شین سسلنور اهل دل یا حسین یا ثارالله، مولا حسین آیت اعظم گلور . گورملی عالم گلور شوری دوشور عالمه . تا قره پرچم گلور عاشق لر، اون گون ائیلر نوا گوزیاشلی سسلییر وای آقا یا ثارالله مولا حسین مجلسه آدم گلور . حضرت خاتم گلور دیل که دئیور یا حسین . گوزلره شبنم گلور دولدوروب یئر گویی غم سسی حضرت زهرانین ناله سی یا ثارالله مولا حسین کیم قره کوینک گیر . وای آقام ایوای دییر حشریده خوش حالینه . فاطمه اجرین ویرر بو غمده پیغمبر آغلیار سینه سین مرتضا داغلیار یا ثارالله مولا حسین شیعه نوا آختارور. بزم عزا آختارور توکماقا گوزیاشینی . کربوبلا آختارور تا جان وار بو عشقی بسلروخ عشقیله یا حسین سسلروخ یا ثارالله مولا حسین عشقه کیم اولسا دخیل . دهریده اولماز ذلیل عشقیم حسیندور حسین . حقه حسیندور حسین چراغ هدایت دور حسین منهاج سعادت دور حسین یاثارالله مولا حسین عزت حسیندور حسین . دولت حسیندور حسین هر ایکی دنیا بیزه . قیمت حسیندور حسین اربابیم سلطانیم یا حسین سویملی جانانیم یا حسین یاثارالله مولا حسین یولدا گلور قافله . تا یتیشه مقتله سروریمز تک قالیب . شیعه ویرون ال اله تا جان وار بو شاهه نوکروخ عشقینه جان قربان ائلروخ یاثارالله مولا حسین

1-4. هوای اربعین بانوای#کربلایی_منوچهر_حسن_زاده شاعر#محمد_هوشمند نی کیم گللم نوایه باشیمی ساللام بلایه اربعین گلم دوباره قسمت اولسا کربلایه ای شهید راه قرآن.جان سنون تک شاه قربان یا حسین جان 2 ثابتم عهد و وفاده وار گوزوم باب سخاده دعوت اولسام بیرده گلم کربلایه پا پیاده قطره ام دریایه گللم.سن یاتان ماوایه گللم یا حسین جان سنله شان و عزتیم وار. آدیویله شهرتیم وار اربعینه دعوت ائیله . دیلده چوخلی حسرتیم وار بیر گلیم شور و نوایه . اربعین بزم عزایه یاحسین جان کربلا کوی وفادور عاشقه دار صفادور توپراقی خاک شفادور هر نه درد اولسا دوادور دردیمنین درمانی سسن . روحیمین ریحانی سنسن یا حسین جان ای محبت کیمیاسی عالمین شور و صفاسی دولدوروب بو قلب زاری وای حسینیم وای نواسی اغلارام گلم فغانه . سسلرم من یانه یانه یا حسین جان باب رحمت ده دایانام آتش محنتده یانام یاده عاشورا دوشنده اشگ ماتمله بویانام وای نه لر اولدی او چولده . گوللرون سولدی او چولده یا حسین جان احتیاجیم وار براته تا یئتم فُلک نجاته قستمیم اولسا اورکده . چوخ سوزوم واردور فراته سو اخاندا اغلارام من . قلب زاری داغلارام من یا حسین جان سن شهید کربلاسن شافع روز جزاسن کس قاپوندان بوش قیتمز . سن آقااوغلی آقاسن صاحب لطف و کرم سن. پادشاه محترم سن یا حسین جان دین یولوندا قانه باتدون پرچم دینی اوجاتدین وای منه باشسیز یارالی بی کفن چوللرده یاتدون ای گئدن قبره لب عطشان . ای قویان دنیانی حیران

نوحه اول محرم وگریز به قتلگاه به سبک ای شمع حرمخانه زینب گلوب افغانه باشلاندی مه ماتم باشلاندی مه ماتم آغلور نه غریبانه باشلاندی مه ماتم باشلاندی مه ماتم قلبیلر غصه دن قان اولدی زهرا حسینه جنتده آغلادی طاها 2بار بو آیدا قرا یللر اسدی سارالوب گللر اسدی سارالوب گللر جان ویردیله مردانه یتمیش ایکی نام آور یتمیش ایکی نام آور شهزاده علی اکبر عباس هنرپرور عباس هنرپرور اوچ شعبه لی پیکانلان اوخلاندی علی اصغر اوخلاندی علی اصغر قلبیلر غصه دن قان اولدی زهرا حسینه جنتده آغلادی طاها 2بار آی باتدی چخوبدی گون عرشه چکلوب قاره عرشه چکلوب قاره آماده ی جنگ اولدی اکبر کیمی مه پاره اکبر کیمی مه پاره احيا ائده تا دینی عزم ایلدی پیکاره عزم ایلدی پیکاره زنده قالا تا قرآن قربان کسیله یاره قربان کسیله یاره قلبیلر غصه دن قان اولدی زهرا حسینه جنتده آغلادی طاها 2بار بو آیدا دوشوب طوفان صحرای غم افزاده صحرای غم افزاده انصاری شه دینین یکسر گلوب امداده یکسر گلوب امداده لب تشنه شهید اولدی یاران لب دریاده یاران لب دریاده باشسیز یارالی پیکر پخش اولدی او صحراده پخش اولدی او صحراده قلبیلر غصه دن قان اولدی زهرا حسینه جنتده آغلادی طاها 2بار قاسم کیمی دلدارین دین اوسته چخوب جانی دین اوسته چخوب جانی قانیله اولوب الوان ترک ائتمدی میدانی ترک ائتمدی میدانی اوخلار ائلیوب شان شان میداندا او اعضانی میداندا او اعضانی شه آلدی قوجاقینه اول پیکر شان شانی اول پیکر شان شانی قلبیلر غصه دن قان اولدی زهرا حسینه جنتده آغلادی طاها 2بار شمع شهدا عباس اول معرفتین کانی اول معرفتین کانی بیر حمله ده قورخوتدی دورت مین نفر اعدانی دورت مین نفر اعدانی پوزدی قوشونون نظمین شاد ایلدی طفلانی شاد ایلدی طفلانی آرام دل حیدر فتح ایلدی دریانی فتح ایلدی دریانی قلبیلر غصه دن قان اولدی زهرا حسینه جنتده آغلادی طاها 2بار سو ایچمدی دریادن لب تشنه چخوب سقا لب تشنه چخوب سقا نیزاره یولون سالدی رزمنده ی بی همتا رزمنده ی بی همتا بیر مشک سوا خاطر سالدی قولونی اعدا سالدی قولونی اعدا قان آغلادی سقانین احوالینه اول دریا احوالینه اول دریا قلبیلر غصه دن قان اولدی زهرا حسینه جنتده آغلادی طاها 2بار نهر اوسته شهید اولدی سر لشگری مولانین سر لشگری مولانین قان گوزلرینه دولدی سقای لب عطشانین سقای لب عطشانین گلدی باشینین اوسته فرماندهی سقانین فرماندهی سقانین آلدی دیزینین اوسته سیلدی گوزونون قانین سیلدی گوزونون قانین قلبیلر غصه دن قان اولدی زهرا حسینه جنتده آغلادی طاها 2بار گول مثلی علی اصغر بو آیدا اولوب پرپر بو آیدا اولوب پرپر اوچ شعبه لی پیکانلان قانه بویانوب اصغر قانه بویانوب اصغر قول باقلی شهید اولدی میداندا گل احمر میداندا گل احمر یاندیردی حسین قلبین گوردی داغیلوب حنجر گوردی داغیلوب حنجر قلبیلر غصه دن قان اولدی زهرا حسینه جنتده آغلادی طاها 2بار میداندا قالوب یالقوز شاهنشه دو عالم شاهنشه دو عالم سرداری دوشوب آتدان قانه بویانوب پرچم قانه بویانوب پرچم بیر حمله ده اعدانین ائتدی صفینی برهم ائتدی صفینی برهم باشدی یارالی پیکر تپراقه دوشور هر دم تپراقه دوشور هر دم قلبیلر غصه دن قان اولدی زهرا حسینه جنتده آغلادی طاها 2بار جان دین و نماز اوسته ویردی او گل زهرا ویردی او گل زهرا بیر سید مظلومی ظلمیله ورور اعدا ظلمیله ورور اعدا جسمی یارالی یورقون گوداله دوشوب مولا گوداله دوشوب مولا ئوز قانینه غلطاندی میداندا قالوب تنها میداندا قالوب تنها قلبیلر غصه دن قان اولدی زهرا حسینه جنتده آغلادی طاها 2بار اول لشگر بی دینین گویا اورگی داشدی گویا اورگی داشدی تا حرمله ی معلون شه قلبینه اوخ ساشدی شه قلبینه اوخ ساشدی ال باشدا خانم زینب گوداله طرف قاشدی گوداله طرف قاشدی قارداش باجی سین گوردی قانلی گوزونی آچدی قانلی گوزونی آچدی قلبیلر غصه دن قان اولدی زهرا حسینه جنتده آغلادی طاها 2بار جان ویردی غریبانه عالملری یاندیردی عالملری یاندیردی اول امت نادانی طاهادن اوتاندیردی طاهادن اوتاندیردی ناحقلری سیندیردی حقی اوجالاندیردی حقی اوجالاندیردی آزاد یاشاسین شیعه ظالملره آندیردی ظالملره آندیردی قلبیلر غصه دن قان اولدی زهرا حسینه جنتده آغلادی طاها 2بار تاوار نقدر دنیا زنده قالاجاق نهضت زنده قالاجاق نهضت دین اوسته حسین چکدی الحق نقدر زحمت الحق نقدر زحمت اخیامینه اود وردی ظلمیله ولی امت ظلمیله ولی امت زینب خانم عالمده چوخ چکدی یقین محنت چوخ چکدی یقین محنت قلبیلر غصه دن قان اولدی زهرا حسینه جنتده آغلادی طاها 2بار

🍂خطاب به کربلا 🍂 . . 🎼سبک:ای_باد_صبا_کرببلایه_گذر_ایله . ای کرب و بلا سندہ کی قربانلارا قربان ناحق او بیاباندا آخان قانلارا قربان . ای کرب و بلا سن نه گوزل آدلی مكانسان اسموندی قویان چشم حسینی لری گریان جانانینه بیر جمع وئروب سنده سوسوز جان جانلار ائله بیر جمعه، ائله جانلارا قربان . . ای قانینی توپراقینه بیر جمع قاتان یر یوخ شأن و شرافتده سنه بیرجه چاتان یر اشرفدی هامی یردن او بیر عده یاتان یر سنده باش اگن شاهلارا سلطانلارا قربان . . بیر یر هانی سندن اولا تا شأنیده برتر ای تربتی محبوب خدا جسمینه بستر دل سنده کی شش گوشه اولان قبری چوخ ایستر بیر شه ایکی شهزاده او عطشانلارا قربان . . قان اولدی گوگل کرب و بلا ذکر غمینده بیرجه نولی گوز یاشلی دوریدوق حرمینده وار چشم امید اول شه خوبان کرمینده ائتدیکلری چوخ لطف و چوخ احسانلارا قربان . . یوخدور بو شهین دهریده مانند و نظیری حیرتده قویوب همتی هر شاه و امیری اسلامه فدا پیر و جوان طفل صغیری بیر گونده ائدن جان او مسلمانلا ... التماس دعای فرج 🌹

سبک ای منیم نازنین نگاریم 🌹زباحال حضرت زینب( س) به حضرت رقیه( س)🌹 شعرازکربلای محمدرضا صادقی ای منیم نازلی مهرباینم ای منیم شیرین دیلّی جانیم یوللارین فکرین آت رقیه گل قوجاقیمده یات رقیه لای لای ای «۲» ((دردی عمه سین درده سالان)) لای لای ای«۲» حسرتله گوزی یولدا قالان بالام لایلای گلوم لایلای شیرین دیل بلبلیم لایلای سینمه نسگلین وورار اوخ عمه جان چوخ دئمه بابام یوخ کربلا یوللارینا باخما یاندروب بو سینمی یاخما لای لای ای «۲» ((دردی عمه سین درده سالان)) لای لای ای«۲» حسرتله گوزی یولدا قالان بالام لایلای گلوم لایلای شیرین دیل بلبلیم لایلای قوی ئوپوم من قیزیم دوداقدان چوخ دئمه دوشموشم ایاقدان لیلیده باخ قیزیم نوایه اکبری سسلمه هرایه لای لای ای «۲» ((دردی عمه سین درده سالان)) لای لای ای«۲» حسرتله گوزی یولدا قالان بالام لایلای گلوم لایلای شیرین دیل بلبلیم لایلای سوزلرین یاندورور ربابی آغلیوب قورتولوبدی تابی آغلیوب خیمه لر یاناندا چوخ دئمه اصغریم هایاندا لای لای ای «۲» ((دردی عمه سین درده سالان)) لای لای ای«۲» حسرتله گوزی یولدا قالان بالام لایلای گلوم لایلای شیرین دیل بلبلیم لایلای چوخ قیزی خوار ائدر زمانه گل ووروم تللریوه شانه اولدوزوم باتما گوزلریمدن گل بالا چخما سوزلریمدن لای لای ای «۲» ((دردی عمه سین درده سالان)) لای لای ای«۲» حسرتله گوزی یولدا قالان بالام لایلای گلوم لایلای شیرین دیل بلبلیم لایلای آغلیوب صبرایوین یخورسان آهیله قلبمی سیخورسان آز منیم قلبیمی آلشدیر گل دیله عمه وی دانشدیر لای لای ای «۲» ((دردی عمه سین درده سالان)) لای لای ای«۲» حسرتله گوزی یولدا قالان بالام لایلای گلوم لایلای شیرین دیل بلبلیم لایلای «صادقین »وار گوزی الونده جان خانم سسلیور دیلینده ویر صله سن بو سوزلرینه ایستیور چوخ دییور مدینه لای لای ای «۲» ((دردی عمه سین درده سالان)) لای لای ای«۲» حسرتله گوزی یولدا قالان بالام لایلای گلوم لایلای شیرین دیل بلبلیم لایلای

ورد مخصوص حلول ماه عزا ( نوحه شماره ۵) قلبیم گئنه دولدی غمیلن ٬ مظلوم حسینون یاسی گلدی ٬ آغلا ای دل آغلا ای دل عاشقلرین اگنینده قاره ٬ فریاد یا عباسی گلدی ٬ آغلا ای دل آغلا ای دل باهم یون یاسه گلنلر یا ابالفضل یا ابالفضل سنلن دئسون گؤیدن ملکلر یا ابالفضل یا ابالفضل یئتمیش ایکی عاشق بو آیدا ٬ گئیدی کفن القانه باتدی ٬ الله الله. الله الله اکبر عباده گلدی اما ٬ اصغر سوسوز گؤز یومدی یاتدی ٬ الله الله. الله الله ششماهه دن تنها ربابه ٬ قانه باتان قنداقی چاتدی ٬ الله الله. الله الله ماه محرم باشه قاره باغلارام من باغلارام من هر یئرده اصغر آدی گلسه آغلارام من آغلارام من قلبیم اسور سینمده قوش تک ٬ الده قرا پرچم اسنده ٬ یابن زهرا یابن زهرا زهرا دیور لایلای حسینیم ٬ ایوای دیور مظلوم حسنده ٬ یابن زهرا یابن زهرا عالم عزا دوتدی حسینه ٬ باغلا قرا گل یاسه سنده ٬ یابن زهرا یابن زهرا جدون یاسی باشلاندی مولا گل نوایه گل نوایه سال یوللارین یاسه گلنده کربلایه کربلایه

نوحه علی اصغر (ع) (نوحه شماره ۶) سن حسینون صودامر سربازیسان سینه مه خاطره ی غم یازیسان ال ایاق چالما بالا صبریمی آلما بالا یات لب عطشان بالا یات (۲) برج غم اولدوزی تک باتدین علی آتا آغوشین اوخا ساتدین علی اوخا گولدون منی آغلاتدین علی آرزووا چاتدین علی نازیلن یاتدین علی یات لب عطشان بالا یات (۲) گولومی حرمله قئردی ولدی اوچ پر اوخ حلقوه ووردی ولدی آتادان اوغلون آییردی ولدی سنی قانه بلدی چولده جیران مله دی یات لب عطشان بالا یات (۲) نه بیلیدیم بئله بیر ساعت اولار منه حسرت سنه اوخ قسمت اولار سپرم عرشه قانین زینت اولار مقتلین خلوت اولار فاطمه دعوت اولار یات لب عطشان بالا یات (۲) وار هله حرمله نین بهتر اوخی منه قسمت اولاجاق آخر اوخی بوغازیندان چکرم اوچ پر اوخی گؤرمه سین مادر اوخی ائتمسین باور اوخی یات لب عطشان بالا یات (۲) الیم اوسته سنه لایلای دییرم آناوین حالینه ایوای دییرم زحمتی اولدی علی زای دییرم من اوغول وای دییرم یوخ سنه تای دییرم یات لب عطشان بالا یات (۲) سن اوغول گلشن غم بلبلوسن سن رقیه بالامین سویگولوسن محسنین یولداشی جنت گولوسن باغ غم سنبلوسن آغلورام سن گولوسن یات لب عطشان بالا یات (۲) #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

نوحه جدید ... زبانحال امام حسین (ع) در بالین علمدار کربلا (نوحه شماره ۸) آچ گؤزون یاتما وزیریم یارالی باتما ای ماه منیریم یارالی باخ حسین قارداشوا دولانیم من باشوا قیل کرم مرد کرم یاتما اویان ساقی اهل حرم یاتما اویان غم آلیب قلبیمی قارداش منه باخ صاحب مشک و علم یاتما اویان ای منیم آرخام ائلیم غصه دن سئندی بئلیم کیم ووروب صدمه عزیزیم خولوا نه گلوب یاره لی شیریم قولوا تکیه وئر چیگنیمه دور منله گئدک گؤز تیکوب خیمه ده قیزلار یولوا سو گزور تشنه لریم جان وئرور صودامریم گؤزلرینده گؤرورم اوخ یاراسی قان وئرور پیکروین چوخ یاراسی ای اولان قوللاری نهر اوسته قلم کیم دیور قارداشیوین یوخ یاراسی سن ائلوندن آرالی من ئورکدن یارالی بیر دانیش منله فدایم سؤزووه هم فدا قوللاریوا هم ئوزووه یوخدور امکان آچاسان گؤزلروی آلنوین قانی دولوبدور گؤزووه قویما تپراقه یوزون قوی سیلیم قانلی گؤزون التماس دعا یا حضرت عباس به دشمنانت لعنت —---- #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

۞﷽۞ ((( حلول ماه محرم  ))) گلدی  گینه  ماه  عزا  یا حسین شیعه لرون گیدی قرا یا حسین الیاس ملک پور: یاسه   باتوب   آل  عبا   آغلیور کون و مکان ، عرش خدا آغلیور قاره  گئیوب   اهل  عزا  آغلیور             عالم  اولوب  غرق  عزا یا حسین مقصود ارفعی خسروشاهی: نظم عوالم پوز لوب بر ملا اولدی گینه یِئر یوزی ماتمسرا حضرت زهرا دییوری وای بالا           ناله اِئدیر ارض و سما یاحسین رمضان نقاش( شاهد): ماه محرم گینه اولدی عیان شیعه لرین قلبی گینه اولدی قان یاسه باتوب حضرت صاحب زمان             سسلنوری ای تشنه فدا یاحسین حاج ولی الله کلامی: الده نشان قاره علمدور بیزه ورد زبان نوحۀ غمدور بیزه هارداد آدون گلسه حرمدور بیزه            ای حرمون عرش خدا یاحسین علی جعفری( عاجزتبریزی): شوره گینه گویده ملکلر گلیب ناله و فریاده اورکلرگلیب ماتمینه قاره لچکلرگلیب          اوج ایلیور عرشه نوا یاحسین حسن تقی لو( سالک): اهل عزا قاره سینی باغلیور فاطمه جنتده سینه داغلیور ارض سما اهلی بوتون آغلیور             دشت بلا اولدو منا یا حسین اصغر گلمحمدی( دلجو): نغمه و آهنگ نوا باشلانور درد و غم آل عبا باشلانور بزم عزای شهدا باشلانور      گول آدی هر درده دوا یاحسین حاج ستار رزاقی: گلدی محرم آچیلیبدور عَلَم دللره گلدی گینه اَندوه و غم یئر گویی دولدوردی مَلال و اَلَم              یاسه باتوب اهل وَلا یا حسین محمدرضا بحری: طره‌ی غم که آسیلیب پرچمه سلسله‌جنبان دی بنی‌آدمه راه ولا گوستروری عالمه         یئل‌لنوری سسلنه تا "یاحسین" پاشایی( ناطقی): عشقو یله گونده صفا ایلروخ عهدیمزه یعنی وفا ایلروخ قلبیمزی بزم عزا ایلروخ      سسلنروخ صبح ومسا یاحسین رحمان شاجری زنجانی: کرب وبلا سینه ی سینا اولوب نور حسین اوردا  هُویدا اولوب تربتینون  رتبه سی اعلا اولوب تاپدی اویر  سنلَه صفا یاحسین رحیم ارفعی خسروشاهی: اهل  جفا   منزلتون   بیلمدی هیچ بیریسی گوزیاشوی سیلمدی مرتبتون ذره ده اسکیلمدی چون هدفون تاپدی بها یاحسین حاج محمدتقی جابری: بوآی عوالم اورگی اودلانوب کرب بلاده سویولی باغلانوب اهل حرم سوزعطشدن یانوب           جمله دیوب واعطشا یاحسین جمعی از شعرای مجمع الذاکرین تبریز وبنده حقیر سراپا تقصیر ❇️التماس دعا 📝علی جعفری(عاجز تبریزی) ❣ الّلهُــمَّ عَجِّــلْ لِوَلِیِّڪَـــ الْفَــــرَجْ ❣