👆👆👆

  جستجو... تلگرامخوراکآندروید تلگرامخوراکآندروید 05 طفلان زینبترکیسیفی اردبیلی ای سرور و مولا حسین بند دل زهرا حسین 5 سپتامبر 2019 نظر دهید 3 دقیقه خوانده شده طفلان زینب (ع) .  زبدة الاشعار  . سیفی اردبیلی . ای سرور و مولا حسین بند دل زهرا حسین اکبر ئولوب تک قالموسان جان یا حسین جان یا حسین ایثاره رخصت وئر منه اوغلانلاریم قربان سنه . . من زینبم غم خَسته سی پاک عشقوین دل بسته سی درده گتوردی قلبیمی مقتلده کی هَل مِن سسی یانسون گوروم دنیا بئله قویدی سنی تنها حسین . . عشقون ازل پیمان گونی پی ریزی قرآن گونی عهد ائتمیشم قربان وئرم جانانیمه قربان گونی طومار پیمانه ووروب زینب باجون امضا حسین . . سالما شرار غم دله ساقه سولا باخما بئله قارداشلارون قانه باتوب یالقوز دوشوبسن مشگله گتدیم ، باجون اوغلانلارون قیل عازم دعوا حسین . . عشقون سعادتدور منه هجرون مصیبتدور منه قربانلاری تئز سال یولا فرصت غنیمتدور منه قوی عشقیمه ایثاریمه احسن دئسون زهرا حسین . . پیمانیمون پابندیَم فرمانِ حقّه بندیَم فاخر اولوب ایثاریمه عفو ائت منی شرمندیَم قورتار خجالتدن منی ای نفسِ کَرَّمنا حسین . . سیارۀ بختیم باتوب دشمنلریم کامه چاتوب اوغلان نه لازمدور منه اکبر عبا ایچره یاتوب هاردا اولا مینلر اوغول بیر اکبر لیلا حسین . . دیدار یاره نائلم درمان عشقه مایلم قیترمه بو قربانلاری من درگهونده سائلم آل برگِ سبزِ زینبی فرض ائت گل حمرا حسین . . مشتاق محنت دور دلیم خمدور بلالردن بئلیم آز تحفه می چوخ فرض ائله شرمنده ام بوشدور الیم قیل ذره پرور لطفیوی بو زینبه اعطا حسین . . رحم ائت بو زار و مضطره سالما تَمَنّاسین یره چاتماز ایکی اوغلوم منیم بیر شیر خواره اصغره قربانیوه قربانلیقا لایق دیلر اما حسین . . حاصل شه کرب و بلا قربانلاری سالدی یولا گلدی ئولوم میدانینه بیر جوت کبوتر قول قولا قوشلار قاناتلاندی اوچا ائتدی دعا آقا حسین . . سرعتله سیر ائتدی زمان قوزاندی صوت الامان سولدوردی زینب گوللرین تیرِ جفای کوفیان ئولدوک دائی امداده گل صوتین ائدوب اصغا حسین . . آچدی حسین همّت پرین تیهولره اولدی قرین گتدی خیامه زینبون جاندان دوشن آهولرین یکسر حرملردن گوگه قالخوب صدای واحسین . . آل عبای خون جگر گیسو پریشان دیده تر خیمه سراده زینبه بو مطلبی وئردی خبر پرپر گتوردی گوللرین بی یاور و یارا حسین . . گلدی اوغوللارون آدی زینب ئوزین سندرمادی یالواردیلار چخ خیمه دن اصلا یریندن دورمادی گورسون دئدی قوی زینبی صبر و غمه دریا حسین . . من پیروم اوتادیمه زهرا کیمی استادیمه رهبر حضورینده چتین ایوای دیم اولادیمه مین وای اوغول دان خوشدی من بیر یول دئسم مولا حسین ـــــــــــــــــــ .

ای شمع من بسوز که پروانه می رود زین آستان صاحب این خانه می رود بانوای ملکوتی سلطان والذاکرین حاج سلیم موذن زاده اردبیلی

دورسنه قربان گئدیرم رقیه رقیه بیادسلطان والذاکرین حاج سلیم موذن زاده

دور سنه قوربان گئدورم رقیّه ،رقیّه دور سنه قوربان گئدورم رقیّه ،رقیّه گور نه پریشان گئدورم رقّیه ،رقیّه   دور بالا عمّون قولونی آچوبلار،آچوبلار هم صاقینی هم صولون آچوبلار،آچوبلار کرب و بلانین یولونی آچوبلار،آچوبلار اکبره مهمان گئدورم رقیّه،رقیّه   دور ئوزوم آلّلام گوزون قاداسین،قاداسین الده قالوب غارت اولان اساسین، اساسین من کیمه سوغات آپاروم لباسین، اساسین دیده سی گریان گئدورم رقیّه،رقیّه   گون که باتار روشن اولار چراغلار، چراغلار کیم سنی غربتده گلوب سراغلار، چراغلار قبرورون اوسته اوتوروب کیم آغلار، چراغلار من که یانوندان گئدورم رقیّه،رقیّه   گئتدون ئوزون قالدی آدون دیلیمده، دیلیمده یوخدی فراقونده توان دلیمده ، دیلیمده خورداجا گوشواره قالوب الیمده، دیلیمده قلبیم اولوب قان گئدورم رقیّه،رقیّه   وای منی گوزدن نیه بس آتوبسان، آتوبسان خون دلیم گوزیاشیما قاتوبسان، آتوبسان قبریده یورقون یارالی یاتوبسان، آتوبسان من ولی نالان گئدورم رقیّه،رقیّه     وادی بطحا یولووی گوزتلور، گوزتلور عترت طاها یولوی گوزتلور، گوزتلور غمزده صغرا یولوی گوزتلور، گوزتلور ایلورم افغان گئدورم رقیّه،رقیّه   گوزلرون آچ بیر بیره وور دوداقون، دوداقون سویله عزیزیم نجه دی ایاقون ، دوداقون وای بالا ئولدوردی منی فراقون، دوداقون مونس هجران گئدورم رقیّه،رقیّه  

‍ زبانحال رباب ای بوغازین اوچ پراوخ تشنه بیچن اصغریم ئوز یاراسنان آخان قانی ایچن اصغریم تشنه ویرن جان بالا؟ جان سنه قربان بالا گل نجه گور دوتموشام شام غریبان بالا مونسیم دلبریم هارداسان اصغریم اصغریم هارداسان من گچن آخشام بالا صبحه کیمی غم یدیم ساکت اولوب یاتمادین هی سنه لایلای دیدیم شب عاشورا نیلیدی اصغری آرام الیه بولموردی بئله یانا یانا دییردی لایلای ننه قربان گوزوه صود امر اوغلوم یات بوگجه نی بلکه سو اولدی سخر اوغلوم نقدر اله دی آرام الیه بولمدی من گچن آخشام بالا صبحه کیمی غم یدیم ساکت اولوب یاتمادین هی سنه لایلای دیدیم سن منی علت ندور گوزدن آتوبسان بالا آختارورام بولمورم هاردا یاتوبسان بالا مونسیم دلبریم هارداسان اصغریم اصغریم هارداسان بانوای حاج نادر جوادی اردبیلی

‍ سبک شور منه ده وار-اولومدن قبریوینن منه ده وار بو اولمه ده سوزول دن منه ده وار چتین گوندی بو گونن منه ده وار یوخودان هچ اویانمادیم دیدیلر من اینامادیم گچدی عمریم ولی سنه یاخچی نوکر اولامادیم (اقام اقام اقام اقام سنه قربان آتام آنام) منه ده وار-بو دنیا عبرتینن منه ده وار قیامت وحشتینن منه ده وار او قبرین ظلمتینن منه ده وار عهدیم اوسته دایانمادیم حرمتین ساخلیامادیم حیف اولا روضه لرده من سنه چوخ آغلیامادیم (اقام اقام اقام اقام سنه قربون آتام آنام) منه ده وار-سولوپ هر دم سارالماخ منه ده وار یقینیم وار قوجالماخ منه ده وار لحد آلتیندا قالماخ منه ده وار منی اغیاره قاتماران فکریوی باشدان آتماران هامی یادان چیخاتسادا منی یادان چیخاتماران (اقام اقام اقام اقام سنه قربون اتام انام) منه ده باخ-قیامت باشلاناندا منه ده باخ صف محشر ده اقا منه ده باخ غریبم جان زهرا منه ده باخ هر گجه آغلارام حسین یاسیوی ساخلارام حسین سنده منیم یاسیمه گَل گلمسن آقلارام حسین 📢حـاج مـــهدی رســـولی 🔶منه ده وار... #سبک شور بانوای حاج مهدی رسولی

کربلا ئوزائتدیگیم امضایه خاطرگلمیشم بیادسلطان والذاکرین حاج سلیم موذن زاده

نوحه زیبا وسوزناک دروصف سروروسالارشهیدان حضرت اباعبدالله الحسین علیه السلام بانوای ملکوتی سلطان والذاکرین حاج سلیم موذن زاده اردبیلی

ددی شمره خنجرآلتینداشاه مظلومم تشنه ام تشنه ام بانوای ملکوتی ودلنشین سلطان والذاکرین حاج سلیم موذن زاده اردبیلی روحش شاد و نام ویادش گرامی باد