✔️ شهادت حضرت رقیه علیه السلام  ....          عمه جان هاردا قالوب یورقون آتام قویموری درد و غمی ایندی یاتام         چوخ ویروب یولدا منی شمر دنی        سالموشام زحمته یولاردا سنی(2) : عمه سنسن منیم عالمده بوگون دادرسیم وارسنه زحمتیم عمه نچه کی وار نفسیم چاتموری بیر کسه عمه بیله بحراندا سسیم          چوخ ویروب یولدا منی شمر دنی      سالموشام زحمته یولاردا سنی (2) عمه زینب منی بو غصه و غم ئولدورجک دردیمی ئولسم ئولننن صورا هامی بیلجک ئولمه میشدن منه اما بابا مهمان گله جک      چوخ ویروب یولدا منی شمر دنی     سالموشام زحمته یولاردا سنی  (2) عمه ویرانه ده من صبح و مسا آغلامشام قاره معجر باشیما من بی بی جان باغلامشام اکبر ه آغلامشام سینه می من داغلامشام      چوخ ویروب یولدا منی شمر دنی      سالموشام زحمته یولاردا سنی (2) عمه زینب بابامی من یوخودا گوردوم ئوزوم ایندی اونان صورا بیر لحظه منه یوخدی دوزوم بابامی گورسم اگر بیرده اونا چوخدی سوزوم     چوخ ویروب یولدا منی شمر دنی     سالموشام زحمته یولاردا سنی (2) شامیده عمه منیم دردیمه درمان گله جاق قولی ویردی منه سالار شهیدان گله جاق گلسه اما بیلورم مرده دله جان گله جاق     چوخ ویروب یولدا منی شمر دنی     سالموشام زحمته یولاردا سنی (2) گوزلریم یولدا قالوبدی بابا مهمان گله جاق هاچان الله گورسن سویگولی جانان گله جاق گورسم اما بابامی روحیه سامان گله جاق      چوخ ویروب یولدا منی شمر دنی      سالموشام زحمته یولاردا سنی  (2) عمه زینب بابامی گورمک بو دل تلسور گون باتاننان بوگیجه قلب حزین گل تک اسیر گلموری ایندی بابام بیلمورم هالاردا گزیر       چوخ ویروب یولدا منی شمر دنی        سالموشام زحمته یولاردا سنی (2) هر قیزین گیتسه باباسی سفر عمه مگر گنج ویرانه ده بو رسمیدی گر منزل ایدر هاچان الله گورسن باشه چاتار غملی سفر     چوخ ویروب یولدا منی شمر دنی      سالموشام زحمته یولاردا سنی (2) گر گیدوبدی سفره شبه پیمبر هانی بس ئولوب اکبر اگر  عباس دلاور هانی بس نوجوان قاسم هانی تشنه لب اصغر هانی بس     چوخ ویروب یولدا منی شمر دنی       سالموشام زحمته یولاردا سنی (2) آیریلیق دردی منی عمه بو احواله سالوب بابامین گلممگی تاب و توان الدن آلوب گوزلورم من یولونی ایندی گوزوم یولدا قالوب     چوخ ویروب یولدا منی شمر دنی       سالموشام زحمته یولاردا سنی (2) «مهدیم » عرض ایدرم ای گل گلزار وفا دفتره یازدوم آدین دفتریمه ویردی   صفا لطف ایله نوکر درباریوه قیل لطف عطا           چوخ ویروب یولدا منی شمر دنی       سالموشام زحمته یوللاردا سنی (2) #عمه_جان_هاردا_قالوب_یورقون_آتام #حضرت_رقیه #رقیه

حضرت زینب ( س ) در راه شام ای یارالی  گوز  تیکوب   بو کاروان منه      دوش قباقه ویر بو یوللاری نشان منه چوخ یورولموشام دیندیرون منی           ناقیه     گلین       میندرین منی کاروان گیدور  باغری قان گیدور زینبون   حسین    ناگران گیدور قمچی الده   باشیم   اوسته  ساربان  دوروب ساق صولومدا شمر و خولی و سنان دوروب بو    یارالارون    باغلیامادیم                      ایل      قبیلمه      آغلیامادیم   کاروان گیدور  باغری قان گیدور زینبون   حسین    ناگران گیدور کربلاده   آخدی   ظلمیله      آی     اولدوزون جانه دویدی سینه ن اوسته خیرداجا قیزون شامه و کوفیه  قافیلم   گیدور                     زینبون   الینده    علم  گیدور کاروان گیدور  باغری قان گیدور زینبون   حسین    ناگران گیدور گون   اوینده  بی کفن  یارالی  یاتموسان بو یامان گون اهل بیتی گوزدن آتموسان من مسافرم  خسته جان حسین           دور دالیمجا ویر بیر اذان حسین کاروان گیدور  باغری قان گیدور زینبون   حسین    ناگران گیدور ناقه   اوسته   غم   کتابینی  وراقلارام بو رقیّه نی گوز اوسته منده ساخلارام قویمارام  بونا  قمچی لر دَیَه                       بار  غم   بونون  قامتین  اَیَه کاروان گیدور  باغری قان گیدور زینبون   حسین    ناگران گیدور قویمارام  جهاندا  بو آخان  قانون  باتا گر ئولمده  قویمارام  بو  پرچمین  یاتا دخت حیدرم ، زیب منبرم                         حافظ          مرام           پیمبرم کاروان گیدور  باغری قان گیدور زینبون   حسین    ناگران گیدور اهل بیتین ال  قولوندا  قید و سلسله شامه و کوفیه گیدور بو غملی قافیله یولدا ناقه لر گوز یاشین الر                          اصغره   باخوب  آهولر ملر کاروان گیدور  باغری قان گیدور زینبون   حسین    ناگران گیدور هر   دقیقه   قلبیمی   بو   غصّه   تازه لر گون ایوینده عمری تازه ،گول جنازه لر باخ بو باشلارا ، گوزده یاشلارا                 نوک  نیزه ده  ، باغری  قانلارا کاروان گیدور  باغری قان گیدور زینبون   حسین    ناگران گیدور

روضه حضرت رقیه(س) عمه جان هر قیز آنادان ارث آپارار رسمیدور بله سیلی و تازیانه ننمدن چاتوب منه (هم سیلی یمیشم هم تازیانه، اما بو بالا بیر ایش گوروب باخدی باخدی دیدی بابا ) نه اولار نیزه باشندا باشیوی اندیره سن بو رقیه بالاوی بیر یول ئوزون دیندیره سن باشیوون قانی آخوبدور قارشوب گوز یاشوا ایستیور نازلی رقیون ده دولانسون باشوا (زینب دییر وقتی که یارالی باشی گتدیلر ) آتا گلمیشدی قوناق محول عحب محویلیدی جمع شمع و گل و پروانه اودم کاملیدی بیر خرابه دولوسی بلبلودی بیر گلودی خردا بلبلر اوخوردی گله هجران سوزونی حیف تئز یومدی اونون خرداجا بلبل گوزونی گل ئوزی بلبلونون حالینه قان آغلاردی یر گوی اهلی اواحواله باخوب آغلاردی او قیزین قاره گوزون عمه لری باغلاردی او قیز ئولدی اله وضعه اولاری سالمشدی آتانین یاره لی باشی آرادا قالمشدی (اله دیردی عمه اگر من ئولسم منیم قبریمی کیم قازاجاخ نه آتام وار نه قارداشیم ، دییر یرده بیر جمله یازر) علی یادندا وار منه سن گوشواره آلموشدون قولاقیمه اولاری ئوز الینله سالمشدون اولاری دشمن آلاندا هایاندا قالمشدون باجون نشانه نی ویرمزدی قطع اولوب چاراسی قولاقیمون علی العاندا قان ویرور یاراسی حسین قیزون عشقینی هر لحظه چکردیم محکه ایستیوردی اسرانون هامی دردون او چکه عین زهرا گوزونه دوشموشودی قانلی لکه دیدی عمه او آغر ال بوبالا صورتیه گوی گل اکیب ایندی بولدوم ننمه سیلی دینده نه چکوب یالوارادم باشیوی تپراقا قویما بالا سن فکره سالدی ولی بیر گون منی بو درد محن قوری یردن گوتوروب باغرما باسدم اونی من آیری بیر منظره اولدی هامی بولمز دادنی تپراقون اوستونه گوردوم یازور اکبر آدینی دیدی غم کلکی یازام وسعتی العان پوزارام من دیرناقلاریمیلان سنه مقتل قازارام من اکبر آدینی قبریوین اوسته یازارام من (دیدی قیزیم چخ بیر دولان دیدی عمه جان) ایشقلی گون بختیم کیمی قرادی شانه غم زفلریمی دارادی گویلوم ایستیر چخوب گزیب دولانام ولی نیلیم ایاقلاریم یارادی بوداشلی یول کربلانین یولودی بویول هرگون هرایلن دولودی خرابه ده سایه دوشدی چینیمه اله بولدوم عموم ابوالفضلین قولودی

نوحه ی حضرت رقیه خطاب به حضرت زینب عمه جان بلالیم اورگی یارالیام اوچولار دلدن سالوب اکبرین مارالیام    اکبریم نازیم چکردی گول کیمین هی ایگلیردی گولدیرردی هی گولردی باشیمین اوسته منیم گل عمه جان راحت ایندی جان ویریم من عمه جان عمه من آواره یم بیر گوزل مه پاره یم گوشه ی ویرانیده  اکبرین بیماریم خاطریم چوخ ایستیردی دردی مندن گیزلدردی آیریلیخ وار بیلمیردی باشیمین اوسته منیم گل عمه جان راحت ایندی جان ویریم من عمه جان زلفیومی هجرونده یولام ، ابر تک من عمه دولام گول کیمین گلشنده سولام گئتدی اونان خوش گونومده قالدی دیلده نسگلیمده باغلانیب شیرین دیلیمده باشیمین اوسته منیم گل عمه جان راحت ایندی جان ویریم من عمه جان چوخ دگیب  دل یاره سی باشیمین وار قاره سی گئت منه تاپ عمه جان بیر اوشاخ گهواره سی آغلیوم اصغر غمینه اوتلودی  چوخ داغلی سینه عاشقم لایلای سسینه بلبلم گلشندیم گلشنیمده غملیم هر گئجه من صبحه تک اصغره لایلای دیم گئت گتور دیل سیز بالانی فکرینه واردیر قالانی من اونون لایلای چالانی باشیمین اوسته منیم گل عمه جان راحت ایندی جان ویریم من عمه جان

حالات اربعین دور قارداش حسین السیز ایاقسیزلاری گتدیم قارداشی ئولن قاره گین قیزلاری گتدیم زنجیر اسارت قیریلوب ای شه ابرار شاماتی گزوب زار گلوب عترت اطهار اطرافون آلوب زلفی الینده بالا قزلار   یوز قویموش ایاق سمته نچه بیکس اوغولسوز قبرون باشنا دور وروب بیر فلک اولدوز ............................................ بیربیر دیرَم ایندی سنه شمر جفاسین یوللاردا بیلرسن نه چکوب عترت یاسین بو شرطیلن اوّل باشووین سن دی بلاسین            خولیله گیدوب کوفه ده که بیر گجه قالدون   آیا دیگوروم کوللرون اوسته نجه قالدون ........................... بیزده او گجه سن کیمی توکدوک یوزه قانیاش اولدوخ سو کنارینده ابوالفضلیله یولداش وای قارداشیم ایستوردوم ایدم زمزمه قارداش زهرا آنامون ناگه اوغول وای سسی گلدی مظلوم حسین وای بالا وای ناله سی گلدی ...................................... زینب ئوله یاددان بو کراماتی چخاتماز سر نیزه ده ایتدون منی سن کوفه ده پیشواز قرآن سسون ایتدی باجوی گرچه سرافراز    گورجک ولی افسرده اولان حالوی زینب    آز قالدی قویا عمّه سیز اطفالوی زینب ....................................   سن نیزه ده زحمتله محلاتی دولاندون   یاندی ئورگیم سنگ جفادن یارالاندون قرآن اوخودون خلق اویانا قانه بویاندون گلدی ئورگیم درده بهانه اله سالدیم عشق اهلی بیلر من نیه باش محمله چالدیم بیز مجلس اغیاره اولان وقتیده داخل چکمشدی بیزی بیر ایپه بو قوم اراذل ایتمیشدیم عذاره آغاران زلفمی حایل محمل یاراسندان باشیمون قانی آخاردی زهرا قزینا دشمن اوتانمازدی باخاردی گلمز دیله دل صاحبی قاتل یاراسندان اولماز باجون آزرده او محمل یاراسندان اما چتین عالمدی امان دیل یاراسندان گوردونکه زیاد اوغلی منیله نه دانشدی اشگیم دولانوب قانه حسین قلبیم آلشدی گرچه من بی یاوره زندانیدی کوفه کانون جفا معدن عدواندی کوفه با اینهمه شاماتیدن آسانیدی کوفه خوار ایتمدی هچ کوفه او اندازه عروسی شام اهلی کنیز ایستدی بو تازه عروسی شامون آدی گلدوقجه حسین بیر غمه یانام بیر حادثه دور هر ندن آرتوق اونی سانّام کشف ایتمگه گلمور یوزیم افسوس اوتانام ظلم ایتدی نه اندازه دیمم آل امیّه اما بو قدر بیل ئولوب الرده رقیه آغوشنه آلدی بالوی نازیله تپراق یوخ بلکه بیر عالم ادبی ایلدی دوستاق بیر نسگلی ایتدی او قزون طاقتیمی طاق واضح یتورردی منه اولسیدی نه دردی بیر آجلیقین آهسته قولاقیمه دیَردی گورجک تانیدی قانه باتان باشوی قارداش آغوشه باسوب جان کیمی توکدی یوزه قانیاش جان نقدینی ایتدی یارالی باشوه شاباش بیر دفعه منی سسلدی سس گلمدی بیرده بیر آه چکوب باتدی نفس گلمدی بیرده التماس دعا

#فراق_پدر_چهلم🏴 ✍#شاعر_علی_عبدی🏴 #اجر_حبیبی_احسن بو گون قرخ گوندی قاره گیمیشم من گوزل بابامی اَلدن ویرمیشم من بو گون قرخ گوندی درد شمعه یاننام اولوب پراونه قبر اوسته دولاننام بوگون قرخ گوندی سینه داغلیرام من سالیب یاده بابامی آغلیرام من ئولوب یارب منیم پشت و پناهیم قالاندا مشکله یوخ تکیه گاهیم یادیمدان چیخماز هرگز خاطراتین بو فانی دهریده یاخچی صفاتین ئووی ترک اِیلیوب گیتدین بابا جان فراقیندن اورگیم دولدی قاننان اورک گاهی دوشر تاب و تب اوسته مزارین اوسته گللم دلشکسته کنارِ قبریده دل داغلارام من چکوب آهی اورکدن آغلارام من گوزوم یاشی آخور اما سیلن یوخ جوشور دردیم داشور اما بیلن یوخ منه چوخ اِیلَمیشدین مهرابانلیق ائووم سنسیز آتا اولدی قرانلیق ائوین گیتدی صفاسی گیتمگینلن وجودین گوهریدی بیلمدیم من بیوک سرمایه میدین باشیم اوسته اَلیمدن گیتدین اولدوم ورشکسته نئجه طاقت وئریم درد فراقه اَجل بو منزلین سالدی اوزاقه همیشه باشیوی قویدون ترابه منی سالدی بابا چوخ پیچ و تابه ✨اَللّهُمَّ عَجِّل لِوَلیِّکَ الفَرَج✨

💠 دلتنگ کربلا من ایراندایام سن عراقدا من اوزاخدا سن اوزاخدا آدین حک اولوب او دوداخدا من اوزاخدا سن اوزاخدا آیریلیق ابری یاغیر بو توپراقا دای منه هئچ یئر حرم دییر آقا آند ایچیم قوی من او قانلی قونداقا اؤلؤرم آقا کربلاسیز من نه ائیلرم حسین گور نجه قلبیم ائدیب ورم حسین قیل اوزون حتما بو ایل کرم حسین اؤلؤرم آقا من ایراندایام سن عراقدا من اوزاخدا سن اوزاخدا توان قالمیب بو قوناخدا من اوزاخدا سن اوزاخدا آی گوزل سلطان داریخمیشام سنه  قبریوه قربان داریخمیشام سنه قالمیشام حیران داریخمیشان سنه آرام جانیم  رحم ائله جانا بو غملی حالیمه باخ اوزون بیردن جماله زردیمه کربلا قانلا دوادی دردیمه آرام جانیم من ایراندایام سن عراقدا من اوزاخدا سن اوزاخدا آدین حک اولوب بو دوداقدا من اوزاخدا سن اوزاخدا آیریلیق ابری یاغیر بو توپراقا دای من هئچ یئر حرم دییر آقا آند ایچیم قوی من او قانلی قونداقا اؤلؤرم آقا کربلاسیز من نه ائیلرم حسین گور نجه قلبیم ائدیب ورم حسین قیل اوزون حتما بو ایل کرم حسین اؤلؤرم آقا 🖤

#فراق_کربلا #پویانفر ــــــــــــــــــــــــــــــــــــــــ من ایرانم تو عراقی چه فراقی چه فراقی بگیر از دلم یه سراغی چه فراقی چه فراقی جوینم فدا سر ساقی چه فراقی چه فراقی دوری دوستی سرم نمیشه و هیچ کجا واسم حرم نمیشه و از تو دورم باورم نمیشه و دارم میمیرم کربلا واسم ضروری حسین اربعین اوضاع چجوری حسین گار من امسال صبوری حسین دارم میمیرم ——————- من ایرانم تو عراقی چه فراقی چه فراقی جوینیم فدات سر ساقی چه فراقی چه فراقی —————— آرزومه راهی مشایه شم کربلایی بشم باهات همسایه شم پرچم سرخت بشه آسایشم آروم جونم این روزا عطر عقاقی میخوام تلخی چای عراقی میخوام گریه تو صحن ساقی میخوام آروم جونم —————— اومدم هرسال پیاده حسین من ستون به ستون تو جاده حسین نوکری مثل من زیاده حسین خودم میدونم گفتی که‌امسال نیام حرم حسین اربعین امسال کجا برم حسین من چجور امسال حرم نرم حسین بگو بدونم اومدم هرسال پیاده حسین من ستون به ستون تو جادهه حسین نوکر مثل من زیاده حسین خودم میدونم من فقط آقا تو رو دارم من به عشق حرم گرفتارم و من به لطف شما بدهکارم آره ببخش خیلی خیلی آقا حرم لازمم یعنی میشه بگم منم عازمم توی صحن قمر بنی هاشمم ایشالله آقا —————— اشک چکیده روی ورق های لحوف ریخت تا خوندم من از تمامی حروف زخمی تنتو با تیغ سیوف میگم نیزه امونت رو برید زینب بی تو یه روز خوش ندید صل الله علیک یا شهید

شجاعت حضرت زینب (سلام الله) در مجلس‌ یزید ملعون   خیزران دگدی حسینون‌ قوریان لبلرینه اعتنا ایلمدی نغمه‌ ی یارَبلرینه لعنت اولسون اُموی زاده‌لرین دبلرینه زینبون‌ کاسهٔ‌ صبری‌ جالانوب، ‌اسدی اودم دئدی ظالم او دوداقلاره ویروب بوسه ننم   دوردی فورا ایاقا نائبهٔ فخرِ ‌زنان شیرِ تک غُرّش ائدوب خواهر عبّاس جوان چوخ شجاعتله خانم سوزلرینی قیلدی بیان بویوروب بسدی اهانتله دولاندیرما زبان کَس سسون ای طلقازادهٔ آشفته روان   ای یزید آچ گوزوی منده بو تاب و تبه باخ خیزرانیله قانا غرق ایلیوبسن لبه باخ غصّه‌دن گوزیاشی القانه دؤنن موکبه باخ اوجالان نغمهٔ تکبیر و دَمِ یاربَه باخ آسمان عَلَویده بو گوزل کوکبه باخ   نَسَبیم هاشمیدور بو نَسَبِ اَطیَبه باخ آل هاشیمده اولان غیرته باخ منصبه باخ بیز شهادت طلبوک سن بو درخشان دَبَه باخ آتام حیدردی آنام فاطمه اُمّ و اَبَه باخ زینبی شیر بِجَردن عَلَوی مکتبه باخ   او خدائیکه شرف عرش مُعَلّایه وئروب تپراقی دشت و کویره، سویی دریایه وئروب هر کسه اوز چیخاری قَدْری خمیرمایه وئروب بیز بنی هاشمه ده غیرتی سرمایه وئروب یِدّی قارداش گوجونی زینب کبرایه وئروب   رحیم فیضی اردبیلی #شجاعت_حضرت_زینب_، س،

شهادت حضرت علی اکبر (ع) اکبریم      یاره       دگوب        پیکریوه باشیووین      قانی   دولوب     گوزلریوه منی    دیندیر   ئورگیم    قاندی   اوغول نه      گلوب      قامت      جان   پروریوه گوزلیم   یاتما   اویان               منی   آغلاتما   اویان سینووی    آخدوقیجان     قان     بزیوب قان    دیمه    قرمزی    مرجان    بزیوب بورا        صحرای        منادی        بابووا سنی    ئوز   حجّینه      قربان      بزیوب سن     گیدورسن   ئورگیم    درده  گلور گیت     دالونجاق    علی  اصغرده   گلور گوزلیم   یاتما   اویان               منی   آغلاتما   اویان دئمورم     عشقوی        ابراز        ایلمه گویلره     قوش کیمی      پرواز      ایلمه چگدیگیم        زحمتیمون         خاطرینه قوی     ئوپوم     لبلریوی    ناز        ایله باجیوا     خیمه ده     آیا     نه       دئیوم خبر      آلسا    سنی    لیلا     نه    دئیوم گوزلیم   یاتما   اویان               منی   آغلاتما   اویان آغلاماقدان      بابووا      یوخدی     امان آرزو      گُللریمه           اسدی       خزان ئولمگون    یادیمه      سالدی        ننمی ئولدی    زهراده    جوان    سنده   جوان ننم        اولسیدی      باخاردی     بویووا نقشه لر     طرح      ایلیردی       طویووا گوزلیم   یاتما   اویان               منی   آغلاتما   اویان مرحبا               عشقیوه            حریّتیوه آفرین               همّتیوه             غیرتیوه گیدیگون      جامه     مبارکدی     اوغول یاراشور     رخت      شرف         قامتیوه دعوت        حقّی        اجابت       ایلدون خنجر     آلتیندا       عبادت         ایلدون گوزلیم   یاتما   اویان               منی   آغلاتما   اویان سنه      من      لالة     رضوان       دیرم سینوه         قانلی      گلستان       دیرم ایسته  سون     جانیم     قربان     دیرم جانیم    اولسون    سنه    قربان    دیرم قالمیشام    موجلی    طوفاندا      اوغول منی  تک   قویما   بو   میئداندا    اوغول گوزلیم   یاتما   اویان               منی   آغلاتما   اویان **   حسین غفاری اردبیلی  #شهادت_حضرت_علی_اکبر_، ع،

‍ راه شام قالمیشام چوللرده محزون و پریشانم بابا یوخ تن امدادیمه غمگین و نالانم بابا بی پناهان جهانه ای اولان فریاد رس قورخولی صحرا ئوزوم مظلومه بند اولموش نفس کاروان یوللاندی سمعه یتموری بانگ جرس نیلیوم بو قورخولی صحراده گریانم بابا بلبل باغ غم و دردم چمن آواره سی آهوی دشت ختایم من خُتن آواره سی بیر غریب و خانه بر دوشم وطن آواره سی که اسیر فرقه بی دین سفیانم بابا کربلادن آیریلاندان دوزموشم درد و غمه ایتمشوم هر لحظه هر آن آدیوی من زمزمه چوخلی زحمت ویرمیشم یوللاردا زینب عممه عمه مین الطافینه دیلدن ثنا خوانم بابا ناقه دن دوشدوم یئره کیمسه سراغیم آلمادی بیر نفر بو غمکش و بی یاری یاده سالمادی مهربان عممده نولدی قیدیمه هیچ قالمادی بختیمه اقبالیمه واللهی حیرانم بابا من سنی ویرم قسم گوزدن آخان گوز یاشیمه اللرون اوسته سوسوز قانه باتان قارداشیمه گل بابا وحشتلی چولده سایه وی سال باشیمه یاره لی توزلی بلالی باشه قربانم بابا سن بولورسن من علیّ اکبره بیر باجیم یولدا قالمیش بیر قیزام تیر بلا آماجیم لطف قیل گیتمه بو چولده لطفوین محتاجیم صرصر جور و جفادن برگ خندانم بابا ای بابا سندن صورا غمله هم آغوش اولموشام جور و ظلم اشقیادن محنته توش اولموشام شمر ووردوقجا گه آغلوب گاه خاموش اولموشام الامان شمرین الیندن سینه سوزانم بابا چوخ جفالر گورموشم یوللاردا ای میر امم ظلمیله قمچی ووروبدی باشیمه اهل ستم هاردادی بولمم آنام باجیم بی بیم اهل حرم اوچ یاشیندا بیر قیزام مقهور عدوانم بابا یوز قویوب (( یاسر )) بیزیم درگاهه با آه و نوا حاجتی واردور ئورکده ای ذبیحاً مِن قفا عممه خاطر گل ایله حاجتین سنده روا تا دیسون شه لطف ایدوب مشمول احسانم بابا ** یاسر رستگار حسنی #راه_شام_

‍ #سئوال_و_جواب_امام_حسین_با_حضرت_ _ابوالفضل_امان_نامه_ ‍ سئوال و جواب امام(ع) با حضرت ابوالفضل (ع) - امان نامه ای لشکریمون سرور و سرلشکری قارداش وی حق الینون الده کسن خنجری قارداش مانع دگلم قارداشوی ترک ایدوسن ایت دشمندن امان نامه گلوبدور گیدوسن گیت یوللاردا دوزوبسن نچه آیدور زحماته دائم دیموسن جان بولورم خوردا بناته من ئولملیم چک اوزوى سوى نجاته سن هر نیه راضی اولاسان منده رضایم گیتسونده گیدوبسن ابداً یوخدی گلایم حاشا بو قوشون طالب اولا صلح و صفایه سن مندن اوتانما اوزوی سالما بلایه لشگر بو هدفله جمع اولوب کرب و بلایه توکسون بالالاریم یوزینه گوز یاشین ایستور سعد اوغلی حسین ابن علینون باشین ایستور طوفان بلا بو گیجه نون وار سحرینده ریحانه ی زهرا سولاجاق ظلم اثرینده ئولمک ولى آساندی حسینون نظرینده گوگلوم سحرون فیضنه پر شوق و هوسدور گیتسون هامی تک صود امر اوغلوم منه بسدور ای قاف وفاده اولان عنقای وفادار صیادلرون دامنه سن اولما گرفتار شیریندی جان مهلکه دن جانوی قورتار گیت کرب و بلادن اوزوی سالما کمنده عزم وطن ایله منه یاس ساخلا وطنده گر ام بنین آغلاسا چوخ گوگلون آلارسان هر هفته مریضه بالامی یاده سالارسان اما منه خاطر گیجه نی بیزده قالارسان معبودویله راز و نیازه دایانارسان محراب نمازیمده نمازه دایانارسان تز تز او لوسان قبر رسول اللهه زوار ایلرسن اونون تربتینه دردیمی اظهار سو ویرمدیلر اوغلووا ای احمد مختار بیر دشت غم افزاده سنون قرة العینون جان ویردی لب نهریده لب تشنه حسینون أی مظهر و اشرف خلف شاه ولایت بازوی توانای خداوند شجاعت واجبدی گرک من ایلیم درک شهادت مقتلده نماز اوسته باشیم آیریلا تندن گل سن بو اوزون قوللاری کسدیرمه بدندن چوخ خدمت ایدوبسن بیزه ای مرد فداکار گیتسون منه قارداش گنه ده منفعتون وار گورمز بلیمون سینماقنی لشگر کفار میداندا حسینون ایله احوالی پوزولماز داغلار چکلن قلبده قارداش غمی اولماز بو سوزلر ایدوب حالت عباسی دگرگون اسدی بدنی تتردى اول قامت موزون شرمنده لیک اوز ویردی اولوب خاطری محزون حسرتله گوز آلتی باجیسی زینبه باخدی رنگی دوتولوب آلننا خجلت ترى آخدی عرض ایلدی ای سرور دین عصرون امامی لطف و کرمونله منی سن ایله گرامی شاهلار قاپودان رسمیدی قومازلا غلامی خوشدور ره عشقونده گوزوم قانیله دولسا قوؤما منی شاها قانیمون ارزشی اولسا حاشا پوزولا نقش وفا لوح دلیمدن فکرون بودی گر آیرلام اقوام و ایلیمدن آل پرچمیمی آچ صورا شمشیری بلیمدن سنکه قوئوسان نوکری ای شاه محسَّن بیهوده بو شمشیری نیه باغلامیشام من ای روح نبی روح روانیم سنه قربان جریان ایلین دیلده که قانیم سنه قربان قورخوتما ئولومدن منی جانیم سنه قربان آماده ام هر امریوه اوچ قارداشیمیلا خدمت ایلیم من ایکی قول بیر باشمیلا ترک ایتماقمز خیمه وی امکاندان اوزاقدور جان هاردا مگر جلوه ی جاناندان اوزاقدور قویسوق سنی بو حالیله وجداندان اوزاقدور زهرایه گوره یا که آتام حیدره خاطر ساخلا بیزی سن اکبره یا اصغره خاطر ماهیت عباسوی سن یاخشی تانورسان محکمدی ارادم ولی چوخ ضعف ساتورسان وار اولما خلافیم دیمگه سن او تانووسان فرمایش ایله منده نه ایراد گورورسن ایرادیم اگر واردی نیه گزلدوسن سن سایه کیمی مدتدی دالونجا گزیرم من اوز خدمتیمی ایلیم اثبات و مبرهن دوران دولانوب دوره لیوبدور سنی دشمن خدمت گونومه نایل اولان وقته قوئورسان حق لطفی منه شامل اولان وقته قوئورسان هیهات بو نفس و بو علاقه اولا منده سن سیز ایلیم روحیمی زندانی بدنده بیر نچه گون آسایش ایدم ملک وطنده قالسام دیری سندن صورا ای سرور ممتاز گیتسم وطنه ام بنین منله دانشماز سن سیز منه گر وئرسه لر اجلال جهانی بیر مویجه یوخ ارزشی آخر اولی فانی خوشدور ایکیمز مدفن ایدک کرب و بلانی یات اکبرله أصغری سن ساخلا قوجاقدا من نوکرم اما یاتارام سیزدن اوزاقدا (( انور )) سوزی الهام ایلسه ملهمی غیبی عارفلرون اولماز او سوزه ذره ی عیبی وار شرطی گرک گیمیسن جامه ریبی نقصان یتیشر هر عمله ریبه و ریادن خالیدی ریاکار عملی صدق و صفادن ** مرحوم انور اردبیلی

 نوحه ی حضرت ابوالفضل (ع) (سبک : گلمیشم هرایه آی یارالی قارداش) سائیلم قاپوندا با وفا ابوالفضل دردیمیزه ایله سن دوا ابوالفضل یا باب الحوائج یا باب الحوائج نامدار ابوالفضل باوقار ابوالفضل **** سن وزیر جنگ شاه کربلا سن قوللاریوا قربان نه گوزل آقاسان مشگلی اولانون مشگلون آچارسان دردیمیزه ایله سن دوا ابوالفضل یا باب الحوائج یا باب الحوائج نامدار ابوالفضل باوقار ابوالفضل محرم اولاندا آقا اسوری علم لر شیعه لر آدیوا آقا قربان کسل للر هر یردن جماعت عزایه گله لر دردیمیزه ایله سن دوا ابوالفضل یا باب الحوائج یا باب الحوائج نامدار ابوالفضل باوقار ابوالفضل قارداشون حسین ایله بیر نظاره قالمیوبدی قارداش دای الیمده چاره زینبون سالوبسان سن باشینا قاره دردیمیزه ایله سن دوا ابوالفضل یا باب الحوائج یا باب الحوائج نامدار ابوالفضل باوقار ابوالفضل کربلاده قارداش گیچوب سن اوزوندن دشمن اوخ ویروبدی سنون ساق گوزوندن آتام اوغلی قارداش دویمادیم سوزوندن دردیمیزه ایله سن دوا ابوالفضل یا باب الحوائج یا باب الحوائج نامدار ابوالفضل باوقار ابوالفضل خیمه لرده آغلور نازنین سکینه گوزلیور یولوی چوخ ماه مدینه قان دولان گوزون آچ رحم ایله حسینه دردیمیزه ایله سن دوا ابوالفضل یا باب الحوائج یا باب الحوائج نامدار ابوالفضل باوقار ابوالفضل باشیوون یاراسین باغلارام ابوالفضل حالیووه بو چولده آغلارام ابوالفضل قانلی پرچمی من ساخلارام ابوالفضل دردیمیزه ایله سن دوا ابوالفضل یا باب الحوائج یا باب الحوائج نامدار ابوالفضل باوقار ابوالفضل آتام اوغلی قارداش دوشوبسن کمنده قوللارون سالوبلار قالمیوب بدنده دور بلیم بوکولدی چاره یوخدی منده دردیمیزه ایله سن دوا ابوالفضل یا باب الحوائج یا باب الحوائج نامدار ابوالفضل باوقار ابوالفضل خیمه لردن ایندی زینبم گله جاق غصه دن بو چولده قارداشون ئوله جاق ((نویدی)) همیشه نوحوی دیه جاق دردیمیزه ایله سن دوا ابوالفضل یا باب الحوائج یا باب الحوائج نامدار ابوالفضل باوقار ابوالفضل #نوحه_حضرت_ابالفضل _

✔️سیندیریبدی سنگ جفائیله چرخ کجمدارآبگینه نی شام شومده شامیان سالیبدیرخسوفه ماه مدینه نی ✔️طشت خون ایچینده غروب ائدیب نور دیده ختم الانبیا اگلشیب تبخترله تختده اول امیربی شرم وبی حیا خیزرانی وورجاق دوداقینه بندبندعالم ائدیب نوا بانوان آل محمدین قوزانیبدی افلاکه شیوه نی ✔️ناگهان گلیب نطقه زینب اول قهرمان قهار ائدیب بیان سینسین اللرین وورما وورما اول قانلی لبلره چوب خیزران مصطفی اوپردی بو لبلری آز جسارت ائیله دایان دایان خشکه بند ائدیم قانینی بونون باغریما باسیم بو خزینه نی ✔️ای یزیدبی شرم وبی حیا کیم پیمبره نورعیندور وادی ظلالتده امته کیم یزید ؟ نور معیندور امتین چراغی حسیندور کشتی نجاتی حسیندور سوندورنمسن اول چراغی سن غرق ائدنمسن اول سفینه نی ✔️ای یزید بی شرم و بی حیا مشعل هدایت بیزیمکی دور خیمه ضلالت سیزینکی دورخیمه ولایت بیزیمکی دور نفسدن اطاعت سیزینکی دور حقّدن اطاعت بیزیمکی دور هنددور سنون جدون ای یزید آشکار ائدن اوج کینه نی ✔️ای یزید بی شرم و بی حیا زاده پیمبر حسین دور نیزه نین باشیندا اولان باشی آی کیمی منور حسین دور اهل عشقه رهبر حسیندورعالمینه سرور حسیندور گون به گون اولار پرتوی عیان دفن ائدنمسن بو دفینه نی علی شهودی پنجشنبه ۴ مرداد ۱۴۰۳

لای لای گل نازیم بالا همدرد و هم رازیم بالا لای لای گل نازیم بالا    همدرد و هم رازیم بالا آیریلدون عمندن نیه جان خوردا سربازیم بالا لای لای بالا  - لای لای بالا گوردن طبقده قانلی یاش رخساره توکدون قانلی یاش بولدون آقاج محکم دیوب ئوپدون او لبلردن یواش لای لای بالا  - لای لای بالا ای یولدا محملدن دوشن  چولده اوزاق ائلدن دوشن سن کاروان زنگیمسن ای  ویرانه ده دلدن دوشن لای لای بالا  - لای لای بالا دردون بالا گیزلتمرم  داغون فراموش ایتمرم سنسیز اگر امکان اولا  من کربلایه گیتمرم لای لای بالا  - لای لای بالا گیتدون  قوناق پیغمبره چاتدون وصال اکبره گیت آیریلیق دردین دانیش باب و الحوائج اصغره لای لای بالا  - لای لای بالا صبریم گولون دردون بالا پوزدی منی  دردون بالا غربتده ئولدون باغریمی سن قانه دوندردون بالا لای لای بالا  - لای لای بالا سن ناز ایدر دون آفاقا  باتدون نیه توز تپراقا گیت بلکه تاپدون اصغری    لای لای دی قانلی قونداقا لای لای بالا  - لای لای بالا سن آغلیاندا آغلادیم دل داغلادون  دل داغلادیم جان اوسته سن اکبر دیدون آخر گوزون من باغلادیم لای لای بالا  - لای لای بالا نه حال دا سان بیلّم بالا دردون چکوب ئولّم بالا بوردا سنی تک قویمارام گیتسم گنه گلّم بالا لای لای بالا  - لای لای بالا #لایلای_گل_نازیم_بالا #رقیه فایل صوتی👇👇👇

#لایلای_گل_نازیم_بالا #رقیه #مرحوم_منصوری

هفتم شهدای کربلا🏴 ✍شاعر: کربلایی محمدرضامحمدی(ناعـــم) ▪️▪️▪️▪️▪️▪️▪️ یدی گوندورگزورم چوللری آواره حسین قولی باغلی گئدورم کوچه وبازاره حسین یدی گوندورکه باشون نِی ده تجلا الیور گاه قرآن اوخیوب،دشمنی رسوا الیور یدی گوندورسنه من نوحه دیوب آغلیورام یدی گوندوربویانان سینه می من داغلیورام یدی گوندی آتاسیزقیزلاروون رهبریم غملرین جانه آلوب،دردوغمه مشتریم یدی گوندور بویووا حسرتم ای روح وروان آغلیابیلمه میشم قیزلاراخاطر اوجادان یدی گوندورکه گونوز زینبه قارداش گجه دی سویله زینب سنه قربان یارالارون نجه دی یدی گوندورکه شماتت اوخی بوقلبی دلیب غم الیندن نجه گورغملی باجون جانه گلیب یدی گوندورکه منیم یاروهواداریم ئولوب قاسم واکبروغیرتلی علمداریم ئولوب یدی گوندورسنه چوللرده عزاساخلامیشام اوخیوب نوحه رقیه،من اوره ک داغلامیشام دئمورم تیرمصیبتله دلی بولمه میشم قیزلاروندان نگران اولماحسین ئولمه میشــــــــــــــــــم یدی گونده نقدرقمچی دگوب قیزلارووا یانه قدری ویریلوب داش آدامسیزلارووا هامیسین اوّل ئوزوم نوش الیوب جان دئمیشم یورولان جانیمی قیزلارووه قربان دئمیشــــم یدی گونلوک غمیمی حشره کیمی یازسالا گــــــــــــر قوتارارواژه،یانار لوح،قلم جانه گلر یازدی "ناعم"بوغمی،زینت دفتر ائلدی یدی گوندن صورا،عاشورغمین، تازه لدی 🏴🏴🏴🏴🏴🏴🏴🏴🏴🏴 اشعارمحمدی(ناعم)مداح وشاعر #محرم_۱۴۰۳ #هفتم_شهادت_امام_حسین_علیه_السلام

حالات خرابه عمه  جان    درده    درمان   گلوبدي سوگلوم    خسته    يولدان   گلوبدي گوز    ياشيلا     گُلاب    حاضر   ايله لبلرينده       بابام     قان     گلوبدي اي منيم     يار   و   غمخواريم عمه دور    سفردن    گلوب   ياريم  عمه شاه    عالمدی    بو    نازنین    باش هاردادی      بس     علمداریم   عمه كام    آلونجا   بو يورقون   قوناقدان جان  گلوب  تنگه  دوشدوم اياقدان سن   طبقدن  گوتور   قانلي   باشي من  اوپوم   پارچالانميش  دودقدان توختاماز     قلب       بیماریم     عمه درده      گلدی    دلِ     زاریم    عمه شاه    عالمدی   بو    نازنین    باش هاردادی     بس     علمداریم    عمه هي  ديريديم    بابام  كاش   گليدي هيچ  ديمزديم  كسيك  باش گليدي گلدي  يورقون  بابام  كاش  عمومدا بو كسيك    باشه  يولداش   گليدي گور  نه   پوزگوندی   پرگاریم   عمه یولدادی       چشم     بیداریم   عمه شاه    عالمدی   بو    نازنین    باش هاردادی     بس     علمداریم    عمه من   پوزولدوم   جگر    داغلاماقدان سن    يورولما   بي بي   آغلاماقدان وار     نه  حظّی     مگر    روزگارين منتظر        گوزلري       باغلاماقدان باغلا     بو   چشم    خونباريم   عمه بسدی    بو     نیمه    دیداریم  عمه شاه    عالمدی   بو    نازنین    باش هاردادی     بس     علمداریم    عمه من  نه لَر چكميشم  بو  باش اوسته ياتميشام تپراقاوسته داش  اوسته سن    ديردون     عزيزيم   آز    آغلا من ديرديم گوز اوسته  باش  اوسته گور   نه  گرم  اولدی   بازاریم  عمه خُرد    اولوب    دُرّ    شهواریم  عمه شاه    عالمدی   بو    نازنین    باش هاردادی     بس     علمداریم    عمه ساربانلار           بابامي       يوروبلار فاطمه          قلبيني        يانديروبلار الله  الله    شَل    اولسون    اولاركي بو   باشين    آلنينا    داش  ويروبلار دلده     وار   درد      بسیاریم    عمه آفته     دوشدی        گلزاریم    عمه شاه    عالمدی   بو    نازنین    باش هاردادی     بس     علمداریم    عمه سن   قلينجا   بي بي شَب   نمازين من  يوروم   قوي  بابامين   بوغازين وير    اوپوم   خيزران    ياره سيندن آرتيريم         عشقيمن       امتيازين بوردا    یوخ    یار  و    انصاریم عمه ئوز       بابامدی      هواداریم    عمه شاه    عالمدی   بو    نازنین    باش هاردادی     بس     علمداریم    عمه ميزبانم     بو      مهمان      منيمدي ئولمگه     نوبت      الآن      منيمدي ياز      قَرا     پرچمه    بو     شعاري هيئت       خردسالان          منيمدي قوي  چوخ  اولسون هواداريم  عمه دور   سفر دن   گلوب   ياريم   عمه شاه    عالمدی   بو    نازنین    باش هاردادی     بس     علمداریم    عمه  (حاج ولی اله کلامی)

حالات خرابه☝️☝️ عمه جان درده درمان گلوبدی بانوای‌زنده یاد حاج محمدباقرمنصوری

‍ نوحه حضرت رقیه س زبانحال حضرت زینب سلام الله علیها 😭 ئولدی بالام خرابه ده ای شه کربلا حسین غسلونا کفن و دفنینه چاره یوخومدی یاحسین شامیده بو خرابه یر اولدی وطن رقیمه آی کفنه بوکولموین یوخدی کفن رقیمه بو بالا باغ عشقیده تئز سارالان بهاره دی زخم زبان وروبلا چوخ غصه لی قلبی یاره دی تپراقون اوسته جان ویرن خرداجا سویگلومدی بو سرسر تازیانه دن پرپر اولان گلومدی بو دفتر دلده مو به مو درد و غمین یازانمارام دادیمه گوندر اکبری قبرینی من قازانمارام کیمدی باخا اوشاقلارون گوزده کی قانلی یاشینه یرده قالان جنازه نین حلقه وروبلا باشینه بعضی لری اوپور یوزون  بعضی لری اوپور گوزون باشینون اوسته باش آچوب قیزلاریم ئولدورور ئوزون چاره سیزم بیر عده بو قلبی کبابی نیلییم قیزلاریمی دوتوم دیله غملی ربابی نیلییم آرزو ائدردی سن گلوب بیر آلاسان قوجاقیوه گوردی یارالی باشیوی قویدی دوداق دوداقیوه گویده گزن ستاره تک آخدی بو قاره گوزلری غملرینی دینمدی قالدی اورکده سوزلری هی سنی اوپدی ایلدی باغرنا باسدی وای دیدی بولمدیم اصغر اوغلوا یا سنه لای لای دیدی لای لای رقیه

ئولدی بالام خرابه ده ای شه کربلا حسین حاج طاهر قلندری🖤🖤😭😭

حضرت زینب ( س ) در راه شام ای یارالی گوز تیکوب بو کاروان منه دوش قباقه ویر بو یوللاری نشان منه چوخ یورولموشام دیندیرون منی ناقیه گلین میندرین منی کاروان گیدور باغری قان گیدور زینبون حسین ناگران گیدور قمچی الده باشیم اوسته ساربان دوروب ساق صولومدا شمر و خولی و سنان دوروب بو یارالارون باغلیامادیم ایل قبیلمه آغلیامادیم کاروان گیدور باغری قان گیدور زینبون حسین ناگران گیدور کربلاده آخدی ظلمیله آی اولدوزون جانه دویدی سینه ن اوسته خیرداجا قیزون شامه و کوفیه قافیلم گیدور زینبون الینده علم گیدور کاروان گیدور باغری قان گیدور زینبون حسین ناگران گیدور گون اوینده بی کفن یارالی یاتموسان بو یامان گون اهل بیتی گوزدن آتموسان من مسافرم خسته جان حسین دور دالیمجا ویر بیر اذان حسین کاروان گیدور باغری قان گیدور زینبون حسین ناگران گیدور ناقه اوسته غم کتابینی وراقلارام بو رقیّه نی گوز اوسته منده ساخلارام قویمارام بونا قمچی لر دَیَه بار غم بونون قامتین اَیَه کاروان گیدور باغری قان گیدور زینبون حسین ناگران گیدور قویمارام جهاندا بو آخان قانون باتا گر ئولمده قویمارام بو پرچمین یاتا دخت حیدرم ، زیب منبرم حافظ مرام پیمبرم کاروان گیدور باغری قان گیدور زینبون حسین ناگران گیدور اهل بیتین ال قولوندا قید و سلسله شامه و کوفیه گیدور بو غملی قافیله یولدا ناقه لر گوز یاشین الر اصغره باخوب آهولر ملر کاروان گیدور باغری قان گیدور زینبون حسین ناگران گیدور هر دقیقه قلبیمی بو غصّه تازه لر گون ایوینده عمری تازه ،گول جنازه لر باخ بو باشلارا ، گوزده یاشلارا نوک نیزه ده ، باغری قانلارا کاروان گیدور باغری قان گیدور زینبون حسین ناگران گیدور #ای_یارالی_گوز_تیکیبدور #کاروان_گئدور #راه_شام