🌸🍃🌾🌼 🍃🌺🍂 🌿🍂 💐 ورود اهل بیت پیغمبر به شام .. .. مرحوم شهاب تبریزی ... زینب او گونکه داخل بازار شامیدی شامون او گونکه صبحی اونا تیره شامیدی .. نه شام صبحی شام غریبان کیمی سیاه نه صبح شامی تیره چو قلب ظلامیدی .. شامه گیرنده آل پیمبر نظامیلن شامون شقی جماعتی چوخ بی نظامیدی .. کسمیشدی کوچه لرده تماشاچیلر یولی تقریره گلمیری که نجه ازدحامیدی .. گیمشدی مرد و زن هامی فاخر لباسلر چون پیشواز عترت فخر انامیدی .. فخر انام عیالی خجل باشلاری آچوخ مه یوزلرونده طرّۀ مشگین غمامیدی .. هر محملین مقابلی بیر قانلی باشیدی زینب برابرینده ده رأس امامیدی .. قرآن اوخوردی نیزه باشندا حسین باشی ذکری همین کلام حق لاینامیدی .. اثبات ایدردی حقّینی حق بولمینلره بولسونله حق ولیسنه قایم مقامیدی .. کیم سالدی نطقدن اوباشی بیر عجوزه ای بولمم او بیحیا نجه بی ننگ و نامیدی .. بیر داش گوتوردی ایتدی نشانه حسین باشین دلده کلامی باخمادی الله کلامیدی .. دوشموشدی بیر منادی قباقه چکردی جار ای فرقۀ یهود بو گون وقت کامیدی .. هر کیمسه نون پیمبریله وار عداوتی گلسون گلوب عیالی دم انتقامیدی .. اول دم مجوس و کافر و گبر و یهودیان مملودی او که در و دیوار و بامیدی .. گه داش آتوب توکردیله گه باشلارینا کول چون ارثیدور عیال رسول گرامیدی .. محمللره توکردیله گه باملردن اود آل الله ایتدیلر او که صبر و دوامیدی .. شامی تمام کوچه به کوچه دولاندیلار شام اهلنون جفاسی هله ناتمامیدی .. شام اولدی بیر خرابه ده یر ویردی شامیان کیم باخبردی شامون او شامی نه شامیدی .. منزل خرابه اهل حرم خسته آج سوسوز نه فرش و نه چراغ و نه طبخ و طعامیدی .. بیمار امامین اولمادی زنجیرینی آچان یولدان گلوب مریضدی با احترامیدی .. صبحه کیمی خرابه ده نی تک سیزیلداشوب تا صبح اولوب نه صبح قیامت قیامیدی .. صبح اولدی گور عیادت بیماره کیم گلوب الده طناب نچّه ستمگر غلامیدی .. باغلوب طنابه آل رسولی نظامیلن معلوم اولان بودور بو نظام اختتامیدی .. بزم یزیده ایتدیله داخل او ساعتی تا که یزید مست شراب خرامیدی .. دوتموشدی تخت سلطنت أوسته اوگون قرار کرسی نشین بزم أُمراءِ عُظامیدی .. صوت مغنی نالۀ چنگ و نوای نی هر دمده سرکشی فلک نیلی فامیدی .. قویموشدی پای تختنه بیر نازنین باشی عرش برین أو رأس شریفه مقامیدی .. بیماری ساخلیوب ایاق أوسته او ضعفلن اول بی حیانی گور نه أَلَدُّالخصامیدی .. مشغول اولوردی صحبته اویناردی گه قمار گَه الده خیزران آغاجی گاه جامیدی .. گاهی ووروب پیمبر اؤپن لبلره آغاج گاهی شماتت ایتمگیلن شاد کامیدی .. اجدادینون قصاصینی آچدی حسیندن یتدی یزید دون أو که دیده مرامیدی .. اولماز بو شام محنتی تحریریلن تمام الدن شهاب سال گیله بو خامه خامیدی .. ملتمس دعا عدلی تبریزی 🌾 🌾🌼 🍃🌾🌼 🌸🍃🌾🌼

🍃🌾 🌸🍃🌼 🌼🌸🍃🌼 💐🌺💐 🌼 ورود به شام حاج اصغر فرشچی ( عدلی تبریزی) سبک: زینیم جان اوسته دی.... کاروان غم که چاتدی شامه شام اولدی عیان باخدی قارداش باشینا زینب اودم ایتدی بیان . شامه وارد اولورام دل دونوری قانه حسین باجووی بو داش آتانلار گتورور جانه حسین . عشق زنجیرینه چکدی بیزی بو چرخ جفا ایلدی خانه به دوش اولدی اسیر آل عبا من هارا زین العبادیله بو شام اهلی هارا شامه دوندی گونوزوم شام اولا ویرانه حسین . . نه قدر چوللری بو خیل اسیران دولانوب یولی بیراهه گلوب رنگ غمیله بویانوب تاب ایدوب شمرین الینده بو روقین دایانوب اُولمیوب وار نفسی اول دُر دُردانه حسین . . زینب عاشقدی سنه باشوون آردونجا گلر قیدعشقونده اسیر عشقینی جانانه بولر شامیده باشین آغاردار نقدر غصه چکر اولمیوب بیر بیله ظلم بیر جه مسلمانه حسین . . باخورام نیزده اکبر گهی اصغر باشینا قاتوری رأس ابوالفضل قانیمی گوز یاشینا او فرات ایچره مساوات ایلیوب قارداشینا ایچمه دی حقین اداء ایتدی او عطشانه حسین . . ناقه ده حفظ اولا باقر آناسی چوخ چالوشور الی بند اولموری بیر یرده اورکدن آلوشور گه حجابون دوتوری گه بالاسیندان یاپوشور گورجاقین توکدی علی گوز یاشی دامانه حسین . . گلمییدیم دیدی کاش عمه جهانه آنادان بو مصیبتده دوزوم ویر منه ای جان یارادان من خجل اولدوم الهی آنادان هم بالادان شمع تک یاندی علی من اونا پروانه حسین . . حقی وار سید سجادین حسین من تانورام نیلیوم صحنة غم گوز که گورور اودلانورام لیک علیدن ایشیدوب بو سوزی دیلدن یانورام یتموری بو غم زینب نیه پایانه حسین . . دونسون عالمده سنون گردشون ای چرخ فلک داخل شام اولوروخ یوخدی ایدن کیمسه کمک چشم نامحرم اولوب قرخایاخین قاره لچک خارجی آد قویولور حافظ قرآنه حسین . . هره فاخر گیینوب جامه سی وار رنگ به رنگ آندولا حقه بوظلمی ایله مز اهل فرنگ داش آتانلار ایلیوب باخ گوزومه عالمی تنگ ندن حرمت ایله مز شاملی انسانه حسین . . چون گل اوسته یاشیور بلبل مستانه حسین یغوشار بزم غمه عارف و فرزانه حسین شمعسن «عدلی» سنه عمرودی پروانه حسین حُب عشقیندن ایچوبدور دولی پیمانه حسین 🌼 🍃🌼 🌸🍃🌼 🌾 🌸🍃🌼

بسم رب الحسین #مصیبات_شام ✍سروده_رقیه_سعیدی_کیمیا 🎶سبک : به سمت گودال از خیمه دویدم من... (سلامٌ علیٰ قلبِ زینبِ الصبور) 𖠇࿐ྀུ༅༅࿇═‎‌‌‌‌‌‌═‎‌‌‌‌‌‌═‎‌‌‌‌‌‌┅─‌ قـــافـلـــه ســــالار  کــرب و بـلا زینب شــکستــه قلبـــش از شـــام بلا زینب دختـــر زهـــرا و بــزم شـــراب ای وای خنـــدهٔ شامیهـــا داره عــذاب ای وای 𖠇࿐ྀུ༅༅࿇═‎‌‌‌‌‌‌═‎‌‌‌‌‌‌═‎‌‌‌‌‌‌┅─‌ وای از دل زینب(۴) 𖠇࿐ྀུ༅༅࿇═‎‌‌‌‌‌‌═‎‌‌‌‌‌‌═‎‌‌‌‌‌‌┅─‌ سنــگ جفـــا بـود و جســارت اَغیـــار کــوی یهــودیهــا ، گــذشتــن از بـازار وقتــی به دنبـــال قــافلــــه افتـــادن در وســـط بــازار هـلهــله ســـر دادن 𖠇࿐ྀུ༅༅࿇═‎‌‌‌‌‌‌═‎‌‌‌‌‌‌═‎‌‌‌‌‌‌┅─‌ وای از دل زینب(۴) 𖠇࿐ྀུ༅༅࿇═‎‌‌‌‌‌‌═‎‌‌‌‌‌‌═‎‌‌‌‌‌‌┅─‌ نگفتن این خــانوم ، داغ جــوون دیده گلشــــن آل الله ، فصــل خــزون دیده بــوده چهـــل منــزل همســـفرِ ســرها ســوزونــده قلبـــش رو داغ بــرادرها 𖠇࿐ྀུ༅༅࿇═‎‌‌‌‌‌‌═‎‌‌‌‌‌‌═‎‌‌‌‌‌‌┅─‌ وای از دل زینب(۴) 𖠇࿐ྀུ༅༅࿇═‎‌‌‌‌‌‌═‎‌‌‌‌‌‌═‎‌‌‌‌‌‌┅─‌ نگفتن این خانوم ، بند دل زهــراست نشـــونهٔ حیــــدر ، نایبـــهٔ طــاهاست شنیده دشـــنام و زخـــم زبـون زینب دیده حسینش رو غرقِ به خون زینب 𖠇࿐ྀུ༅༅࿇═‎‌‌‌‌‌‌═‎‌‌‌‌‌‌═‎‌‌‌‌‌‌┅─‌ وای از دل زینب(۴) 𖠇࿐ྀུ༅༅࿇═‎‌‌‌‌‌‌═‎‌‌‌‌‌‌═‎‌‌‌‌‌‌┅─‌ منــزل زینب شــد گوشـــهٔ ویـــرونه برای این غــــربت ، خــرابه گـریـونه امــان از این شـام و مصیبت دیگـر امــان از این داغ ســه ســالهٔ پر پر 𖠇࿐ྀུ༅༅࿇═‎‌‌‌‌‌‌═‎‌‌‌‌‌‌═‎‌‌‌‌‌‌┅─‌ وای از دل زینب(۴) 𖠇࿐ྀུ༅༅࿇═‎‌‌‌‌‌‌═‎‌‌‌‌‌‌═‎‌‌‌‌‌‌┅─‌ یه دختـــر نالان ، ســری به دامانش رسیده بود از راه ، چاره و درمانش رقیـــه زد داغـــی بر جگـــر زینــب نیمــهٔ شـب پــر زد همسفــر زینــب 𖠇࿐ྀུ༅༅࿇═‎‌‌‌‌‌‌═‎‌‌‌‌‌‌═‎‌‌‌‌‌‌┅─‌ وای از دل زینب(۴) 𖠇࿐ྀུ༅༅࿇═‎‌‌‌‌‌‌═‎‌‌‌‌‌‌═‎‌‌‌‌‌‌┅─‌ #محرم_۱۴۰۳ #اسارت #شام_بلا ─‌┅═‎‌‌‌‌‌‌༅❃ ༅࿇༅࿇༅═‎‌‌‌‌‌‌┅─‌ ______________________

#قوتاردي_كوفه_غمي_آیری_غم_یا_زیب_خامه_ چكوبدی قافله عشقی ساربان شامه یوخيدي اذن بيري ائيله سین نوا يولدا يانان ياناردي غم و درده بيصدا يولدا كيمن صداسي اوجالسيدي ني كيمي بير آن ووراردی باشینه قمچیله اشقیا یولدا گیدیردی شامه طرف قافله پریشان حال يوخيدي قافیلیه بير غم آشنا يولدا نئجه چتیندی سفر، اولسا ساربان قاتل مگر اولاردی اورک غصه دن رها یولدا گئدیردیلر يولي گوزیاشلی ديل لري داغلي شهيد اولانلارا دوتموشدولار عزا يولدا یارالی باشلاریلا همدمیدی اهل حرم گئدوردی شامه طرف خویش و اقربا یولدا باخاندا حسرتیله نیزده اوغول باشینا ائدردی درد دل آهسته هر آنا یولدا باخیردی اهل حرم دمبدم حسین باشینا او باش ائدوردی اورک دردینه دوا یولدا اوشاق بیوک هامی مشتاقیدی تلاوتینه وئره اورکلره بیر رونق و صفا یولدا گئدوردی سرعتیله شامه عشق قافله سی واریدی جلوه آیات کبریا یولدا مسیریده دایانیب قافله یول اوستونده هامي تعجب ائدوب وار نه ماجرا يولدا تکان یئمیر داخی سر نیزه ده کسیک باشلار نقدر زور وئریر حامل جدا یولدا نه وار مگر حرکتدن دوشوب زمین زمان ائدیب حسین باشینا عالم اقتدا یولدا قویوبدی اهل جفانی بو امر حیرتده گزردی چاره بو اعجازه برملا یولدا خلاصه بیلمدی بیر کس بو سرّ عظمانی اولوب دی حضرت سجاد رهنما یولدا بویوردی قافله دن آیریلیب قالان واردی بابام نظاره ائدیر خردا قیزلارا یولدا چاغیردی بیر بیر آدیلا حرملری زینب گوروبدی وئرمدی سس نازلی بیر بالا یولدا یانیب یانان اورگی نی کیمی فغانه گلیب اولوب دوباره غم و درده مبتلا یولدا یانا یانا دیدی الله بالام هایاندا قالیب آدامسیزام نه ائدیم من گئدیم هارا یولدا بالام تاپولماسا دنیانی یاندریب یاخارام اولونجه ائیلییرم شیون و نوا یولدا گوروبله قافله لنگ اولدی قالدیلار ناچار مصمم اولدولا مشکل اولا روا یولدا ائدیبئله تاپماقا زجر ستمگری مامور گلن مسیری قیتدی او بی حیا یولدا تاپيب گتیردی نه حالدا او نازنین بالانی گلیب پیاده، ایاقلار اولوب یارا یولدا یئتیشدی قافلیه نیزیه طرف قاچدی يا نا يانا ديدي قالمیشدیم آی بابا يولدا یورولموشام منی لطفیله بیر دانیشدیر سن دئیوم گلیب باشیما هر نه ابتلا یولدا بابا گوزوندن ایراق گلمیشم پیاده یولی گتیردیلر منی قمچی ورا ورا يولدا بي بي مه بيرده سفارش ائله بو خونجگري کی سالماسین بئله گوزدن او با وفا يولدا اگر چی زحمتیمی چوخ چکیب خانیم عمه م محبتلیه ائدیب گوگلومی رضا یولدا یئتیرسه شامه منی زحمتیم تمام اولاجاق گر اولماسا گل عمریم بئله فنا یولدا یزیدی خوار ائله سم آرزومه من چاتارام همیشه لیک یومارام گوز خرابه ده یاتارام زمانه گر چه منی ائتدی درد و محنته توش خرابه شامیده دنیانی ائیلرم  #مدهوش #مدهوش #هوشمند

#ورود_به_مدینه_ #زبانحال_حضرت_زینب_(س) مرحوم سید یوسف نجمی تبریزی حسینون کربلاده تشنه باتدی قانه یا جدّا گتوردوم کوینگون یوسف کیمی کنعانه یا جدّا او یوسف کی گوزی یاشلی قویوب اوز پیر کنعانین دل شب ترک ائدوب بلبل کیمی صحن گلستانین وفا بازارینه کالا صفت الده سر و جانین آپاردی مصر محنتده دوشوب زندانه یا جدّا او یوسف کی حجازی دوندروب دشت غم افزایه گئجه گیزلنجه آیرلدی وطندن دوشدی صحرایه شبیه کامل اولدی خائفا لفظینده موسایه بیابان گرد اولوب غمله اولوب هم خانه یا جدّا همان یوسف دالنجا دوشموشم صحرایه سرگردان پریشان خسته دل آزرده خاطر غصه لی نالان گئدوب هر شهره منده گئدمیشم سرگشته وحیران نجه کی گون دالینجا آی گئدر هر یانه یا جدّا جهاندا کیم گوروب بوندان بیوک دل یاندیران نسگیل او یوسف دوره سینده بیرجماعت جمله خونین دل گئدوب بیر اودلی چولده سو کنارینده ائدوب منزل قالوب اوچ گون سوسوز باخ گردش دورانه یا جدّا همان چولده وئروب یوز چوخ مصیبت آل طاهایه اوجالدی پرده  پرده ناله لر عرش معلایه یتیشدی پارچالانمیش بیر عمامه ام لیلایه نه عمامه باتوب اکبر باشیندا قانه یا جدّا همان چولده اله قاندان حنا نو کدخدا یاخدی طویی یاسه دونوب تازه عروسین گوز یاشی آخدی سریه گورنه حاله قالدی بو کیفیته باخدی نه چکدی کیمده وار قدرت گتورسون سانه جدّا علی اصغر آناسی ایمدیده اشکین الر آغلار آچار گه اصغرین قانلی قماطین گه بلر آغلار بالاسی اوخلانان آهو کیمی دائم ملر آغلار شکسته نی کیمی دلدن گلر افغانه یا جدّا همان چولده سوسوزدان گل کیمی گل رنگلر سولدی سو اوسته تشنه سقانین سو مشکی قانیله دولدی آخوب قان کاسه فرقی سینوب قولار قلم اولدی یانار اود سالدی حالی عالم امکانه یا جدّا همان چولده شراره محنتیله قلبیم اودلاندی او اوددان ایمدیده یوزده سرشک حسرتیم قاندی علم یاتدی قوشون سیندی شه ئولدی خیمه لر یاندی گئدوب جمله اساس سلطنت تالانه یا جدّا عیالون رشته بیداده باغلاندی او صحراده توکوب اشک بصر گلدی یارالی قلبیلر داده قاچان غولار کیمی زنجیریله باغلاندی شهزاده جهان تنگ اولدی غمدن عابد نالانه یا جدّا او صحراده بنات عصمته شام اهلی ال آچدی دل صد پاریه غارتده قیزلار تیر غم ساچدی عروس قاره معجر آت دوشونده صاق صولا قاچدی قولاقی پارچالاندی قان آخوب دامانه یا جدّا دلیم دوتمور دیم بیر بیر سنه جمله قضایانی گلن کرب و بلاده باشیمه درد و بلایانی بو قدری واردی غمدن گلمیشم جانه حسین جانی خدنگ غم یتوب هر دم دل شان شانه یا جدّا خطور ائتمزدی بو غم خاطر ناشاد زینبدن دولار گوش فلک غملر الیندن داد  زینبدن اولار نی لر نوا  و شوریده ارشاد زینبدن ائده للر تا جهان وار ناله یانه یانه یا جدّا گرک عمری نقدری زینبون وار دلدن اودلانسون چو پروانه شرار شمع محنتده الولانسون نجه « نجمی » یانار کیم یانماسا ایله گوروم یانسون اونی روز جزاده آتش نیرانه یا جدّا #سبک_منیم_ای_تشنه_قربانیم #حسینون_کربلاده_تشنه_باتدی_قان

زبانحال دختر از ناقه افتاده با سر امام بعد از رسیدن به کاروان اُسرا عجب کَرَم قیلوب بابا بو کاروانی ساخلادون یارالی باشیله نجه بو ساربانی ساخلادون قیزون فدا اولا سنون گوزونده اشک آلوه خدایه شکر اولا گینه یتشمیشم وصالوه خدا بولور بو چولده من اَسفلی حاله قالمیشام قاچاندا داشلار اوسته من ئولومی یاده سالمیشام ایاقیمه تیکان باتوب غم اوستونه غم آلمیشام باتاندا خارلر دیمم حصار صبری یخمادی یر ایلیوبدی بعضی سی ایاقدا قالدی چخمادی ندن بو آیدا چخمادی بیر آز ایشیقدا آغلیم ایاقیمون تیکانلارین چکوب جهانی داغلیم نه وقتیمیدی آی بابا اوزوم یارامی باغلیم بو خیردا جا قیزین ایله باتوبدی قورخودان سسی سفارش ایله عمه مه منِ غریب و بیکَسی شکایت ایلرم بابا خدایِ حیّ و داوره مصادف اولموشام ندن گروه پَست و کافره بیری قوور بیری سویور بیری دوتور وورور یره خدا بولور کی قوم دون نقدری دویدولر منی بو قدر غصه و جفا یقیندی ئولدورر منی بو چولده زجر دون منی زبس قوووب اویان بویان حیاتیدن اوسانمیشام ئولومدی آرِزوم اینان اوقدر سیلی لر ووروب گوزومده تار اولوب جهان وورانمورام یوزومه اَل دگنده اینجیری بابا دوشوب مَحاقه صورتیم آناوا بنذیری بابا گلایه ایتمرم بابا اوزون قضاوت ایت ولی یانار ایشیتسه غصه می نجفده مرتضی علی نه نسبتی کیچیک یوزون بوزجر کافرین اَلی گوروم شل اولسون ای بابا بو زجر شوم و کافری اَلو چکور یوزوم بابا زبس آغیردی اللری فلک سالوب بلالره بو بینوا یتیمه نی اسیر ایدوبدی دشمنه سالوبدی وحشته منی دوشوبدی قورخی جانیمه هرایه سسلدیم سنی زبس بو چولده قاچمیشام صاقا صولا منِ غریب یانیبدی قلب فاطمه هرایمه آنان گلیب اگر چه (بیکَسا) سنون یوخوندی قدرت بیان کَرَم لَه لطف ایدوب سنه امیر مُلک انس و جان اجازه ویردی یازمیسان بو نچّه خطی بس دایان بورسمدور غلاملر سوزون دیوب دورار گیدر غلام دردینه ولی امیرلر دوا ایدر #راه_شام #محرم #شور #جلالت #عرض_ارادت #زیارت التماس دعای فرج الاحقر مهدی عبادی

زبانحال امام حسین (ع) در شهادت حضرت علی اصغر(ع) (سبک : باز هوای وظنم ...) یوردی سنی تیر کمان اصغریم اصغریم یوخلا بیر آز ائتمه فغان اصغریم اصغریم اوچ گئجه گوندوز سن اوغول آغلادون یاتمادون اشک ترون گول یوزووه باغلادون یاتمادون آهیویلن سینه میزی داغلادون یاتمادون هی ایلدون داد و فغان اصغریم اصغریم آلدی قوجاقینه سنی گه باجی گه آنا سیلکه لیوبلر دئدیلر آی بالا آی جانا اولمادی بیر جرعه سویون لبلرون ایسلانا گلمدی هیچ یانه گمان اصغریم اصغریم من سنی گتدوم سو آلام دشمنون یوخ دئدی جرعه سویی لبلرووه حرمله چوخ دئدی گوردی جفا ایله بیر ایش لایلایون اوخ دئدی ائتدی سنون غسلووى قان اصغریم اصغریم بیلدون اوغول وئرمیه جک دشمنون سو سنه گوردون اوخی گولدون اودور رحمسیز دشمنه حسرتیله باخدون ازل سن منه من سنه باشیمه تنگ اولدی جهان اصغریم اصغریم تشنه بوغازوندن اوخی من چکوب آغلادیم اوخ یئرینى گورمک همان سینه می داغلادیم قبله یه ال اوسته سنی روبرو ساخلادیم وئردون ائله قوش کیمی جان اصغریم اصغریم درد و غمون جامه سینی جسمدن سویمادیم لب لرووى گوزلرووی هى اوپوب دویمادیم باغریما باسدیم سنى من هیچ یئره قویمادیم قالمادی قلبیمده توان اصغریم اصغریم آخدی منیم خیمه دالیندا اوزه گوز یاشیم قبرووى تک قازدیم اوزوم اولمادی یولداشیم من سنى دفن ائتدیم علی گلمه دی قارداشیم سیخدی منی دور زمان اصغریم اصغریم * مرحوم تفاخری اردبیلی #حضرت_علی_اصغر_

‍ ‍ : شهادت امام حسن علت عاشقی ام دست کریمانه توست چشم امید من آقا به در خانه ی توست روی خاک قدمت صورت خود میکشم و به اشاره همه گویند که دیوانه ی توست من که آواره ی شهرم تو چنین خواسته ای دل آشفته ی من از می و پیمانه ی توست پرچـــــــــم یاحسنم روزقیامت بالاست نوکرت تا به ابد بر در کاشانه ی توست با حسن گفتنمان عرش خدا ریخت به هم علتش غربت و آن نام غریبانه ی توست اقایا امام زمان شب شهادت امام حسن مجتبی اقا بیلمورم الان قبرستان بقیده سن یا پیغمبرین حرمینده یا دولانیسان پوزقون قبرین باشینا اقا اوامامی که اوزی غریب اولدی جنازه سی غریب تابوتی تیرباران اقا اوز منزلینده غریب اوز اعیالی   قاتل گیجه نین عالمی گوزون آچدی اقا سو میل ایلدی اولین جرعه سو کی دیدی امامین دلینه باخدی بلالی زینبه اوگیجه زینب اومولایه قوناق گلمیشیدی رختخوابیده  یاتیب نازیله دنجلمیشیدی اقا گیجه نین عالمی گوردی جگرلری یانیر یوزون دولاندیردی زینبه آچ گوزون بیر دور ایاقه لبلریم دوغراندی زینب بو سوئی ایچدیم وجودیم اود دوتوب اودلاندی زینب باجی گوزون آچ باجی جگرلریم یاندی آچدی زینب گوزونی باخدی امام حسنه دیدی کول باشه قارداش بونه حالتده گنه باخدی امامه سنین سارالان رنگینه الله هیچ باجیا گورستمه تیز دی حالون منه جانیم سنه قربان دی حسن آی سنه باجون قربان اولا باجون اولسون لب لعلونده بو نه قاندی حسن دور آنام باجی دایانما ویر خبر گلسون حسینیم جسمیمه بیر تازه جاندور چون او شاه مشرقینیم گلمسه اودلار یقین آفاقی سوز شور و شینیم گوزلریم یولدا قالوبدور موسم هجراندی زینب آچدی ناگه گوزلرین زینب باتوب بحر ملاله ووردی باشه یولدی زلفین آغلادی گلدی سواله عرض قیلدی که برادر کیم سنی سالدی بو حاله اود دوتوب بو حالدن آخر آلیشدی یاندی زینب ایلدی فرمایش اول شه آز بو قلبون داغلا باجی آچما باشون یولما زلفون صبر قیل آز آغلا باجی جان دوداقیمه یتیشدی گل گوزومی باغلا باجی شاهباز مرگه بو روحیم قوشی اولاندی زینب بو بلالی باشوون عالمده چوخ چوخدور بلاسی باشه یتمز کربلاده وار بیر اوزگه ماجراسی دستگیر غم سنی ایلر او گون بو عشق اساسی کیم حسین جسمین گوررسن زینت میداندی زینب آه او گوندن کربلاده زینبون گلزاری سولدی بلبلان گلشن حق دستگیر دشمن اولدی دمبدم پیمانه تک خوناب غمدن قلبی دولدی عاقبت زنجیر ظلمه ظلمیله باغلاندی زینب دوردی بیر قدری یارالی جسمینه حسرتله باخدی خون دل جوشه گلوب تا چشمه چشمیندن آخدی گوتدی قارداش قانینی هم زلف هم رخساره یاخدی عرض ایدوب قارداش نجه گور مایل جاناندی زینب آتش ظلمه بو گون بو دشت پر وحشتده یاندیم هر بلا یوز ویردی دوزدوم هر ستم یتدی دایاندیم عاقبت منده سنون تک گور نه بو قانه بویاندیم لطف ایدوب دیندیر باجون بیر آن سنه مهماندی زینب سنده اول یکدل سهیلی دامن مقصوده وور چنگ عاشق صادق گرک یکرنگ اولا جانانلا یکرنگ یکدل اولسان هر قدر اولسا گناهون اولما دلتنگ هول محشردن سنی قورتارماقا عنواندی زینب هر کجا پر بکشم باز بقیع جای من است چون کبوتر که فقط جلد به میخانه ی توست بر سرم میزنم و اشک امانم ندهد غصه ی چشم من از گنبد ویرانه ی توست استادطالبی #شهادت_امام_حسن_

زبانحال حضرت اباعبدالله (ع) با حضرت زینب (س) در شهادت حضرت علی اصغر (ع) ‍ #سبک_سینه_زنی_ ای منیم همسفریم بال و پریم قارداشوی یوخلا باجی ئولدی مرغ سحریم صودامریم گل بالاما آغلا باجی واگیر : غنچه   نازیم    ئولوب خوردا سربازیم ئولوب گل آپار خیمه لره بو قوزی قربانیمی گهواریه سال دی رقیه اونا لایلای دئسون آخ سنده منیم فکریمه قال آناسیندان منه حلّیت آلوب باری اونون گویلونی آل او دئسون اصغریم ایوای یارالی سنده عزا ساخلا باجی عطشیندن بالامون گل دوداقی گل کیمی سولموشدی باجی سوسوزوندان او قَدَر ناله ائدوب جان بسر اولموشدی باجی اونی آغوشه آلان لحظه ده غم قلبیمه دولموشدی باجی شرح ائدیم محنتیمی نار غمه قلبوی سن داغلا باجی الیم اوستونده بو زیبا گهره قدر و بها وئرمدیلر عمری تاپمیشدی فنا اصغریمه آب بقا وئرمدیلر بیر ایچیم سو بالاما لشکر بی شرم و حیا وئرمدیلر دئدیم آهسته گوزون یوم باشوی سینمه قوی یوخلا باجی حرمله چکدی کمان اوچ پر اوخون آتدی بو   دیلسیز بالیا سبب اولدی سه پر اوخ داغ یارادوب کاسه صبریم جالیا انّنی اوخ نیلدی قوش تک بالامون باشی آخیندی دالیا اوزولور باشی بدندن گل آپار یاره لرین باغلا باجی معروفان اهری

#آی_منیم_همسفریم_ #با_نوای_بابک_مهرنیا_

اوخشاما کانالی: #زبانحال رقیه(س) من بیر قیزام الله یوزوم گولمدی اورگیمون دردین بیرکس بیلمدی زجرلعین سیلی ووردی آغلادیم بیرکس گلوب گوزیاشیمی سیلمدی زبانحال حضرت رقیه اورک باشین داغلارام گه اگلشوب آغلارام باشدان آچوب معجری یاره لریم باغلارام باشه قرا سالمیشام دردی جانه سالمیشام دشمن ویروب باشیمه یامان گونه قالمیشام 😭😭