در احوالات حضرت امام رضا (ع) قویمیوب   بو   زهر   کینه   قلبده   دؤزوم  الهی اوغلومی  یتور   اماندور  یولدادور  گوزوم   الهی بیر نفر یانمدا یوخدور من غریبی یاده   سالسون باشیمی کناره  آلسون  درد  و محنتیم  آزالسون قویما بیله وقتده سن حسرتیم اؤرکده  قالسون اوغلوما دیماقه  دلده  واردی چوخ سوزوم الهی نه یانیمدا واردی  باجیم  بیر نفر نه  محرمیم وار غربت ایچره باغری قانم دلده درد  مُدغمیم  وار یوخدی بیر نفرکه بولسون ای خدا نه عالمیم وار ظلمدن   دونوبدی آخر   شامه   گوندوزوم   الهی خوشدی باشیم  اوسته ایندی مهربان باجیم  اولیدی حالیمه  باخوب   یانیدی   ابر تک   پوزی دولیدی گوزلریمی  باغلییدی  باش اچیدی ساچ  یولیدی قالمییدی    حسرتیله   یرده     تا   یوزوم   الهی دوشموشم  بیر عمردور من   ائل  قبیله دن کناره عاقبت   ووروبدی مأمون   اودلی  قلبیمه   شراره صون  نفسده  اولما راضی گوز یاشیم  آخا عذاره بو  قدر   ملاله   هانسی   محنته    دؤزوم    الهی بس که چوخ  اثر ائدوبدور زهرکین یانور   بو جانیم نه   بو حاله   واردی طاقت   درد  هجره نه توانیم گوزلریم   قالوبدی   یولدا   گلمدی   خدا   جوانیم قان   اولان   گوئلده  آخر  قالمیوب  دؤزوم  الهی ای خدا   آدیم   رضادور   راضیم   هامی    قضایه من بیر عمریدور  بولورسن دؤزموشم غم و بلایه هر   قدر   جفا   یتشسه   ائتمرم    سنه    گلایه مین   بئله    بلایه   دلدن   راضیم   اؤزوم   الهی اللریم  اؤرک   باشندا گوزلریمده  اشک حسرت قویمیوب بو زهر کینه منده صبر و تاب و طاقت بو   منیم غم  و  ملالیم  ای خدا   بو درد  غربت نه روا  بو  حسرتیله  جاندان   ال   اوزوم  الهی (( عاصیا  )) زیارت  ایسته یالوار عجزیله   خدایه یا   ائده   بو شاهه   زائر   یا   شهید    کربلایه اوردا  بو سوزی مکرّر  ذکر  ائداخ  گلاخ   نوایه قویمیوب   بو  زهر  کینه   قلبده   دؤزوم   الهی ** ✍  مرحوم عاصی #شهادت_امام_رضا_علیه_السلام

حضرت امام رضا(ع) -(ای حرمی باصفا)ای حرمی باصفا با نوای_علی حیدرزاده اللری مشکل گشا مشهدی دارالشفا جان سنه قوربان رضا درگهی باب سخا مرقدینه جان فدا ای آدی شمس الشموس ضامن آهو رضا ایرانه سلطان سان یا رضا دینینه قوربانسان یا رضا گون حرمینن ئوپور آی علمینن ئوپور گویده ملک لر بوتون هی قدمینن ئوپور ای گوزل آدی رضا زائری حاجت روا چوخلی مریض وار آقا ایله کرامت شفا ایرانه سلطان سان یا رضا دینینه قوربانسان یا رضا ذکر ائده کیم آدیوی یاد ائده اجدادیوی کامه چاتار ئوپسه گر پنجره فولادیوی شافع روز جزا حافظ اولان ایرانا فاطمه دردانه سی جان سنه قوربان رضا ایرانه سلطان سان یا رضا دینینه قوربانسان یا رضا. سبک میگذرد کاروان

در مدح و توسل بر حضرت امام رضا علیه السلام 📝 محمدرضارمضانی 🎵سبک: چو گیسوی تو من... آدون درده دوادی یابن زهرا ای رضاجان قاپون باب شفادی یابن زهرا ای رضاجان دئمه بیگانه ام من یانان پروانه ام من سنون عشقونده مولا بئله دیوانه ام من گدایم سنه نظرقیل منه قاپونداسائلم من سن ای مه لقا آقا سن آقا ولی ناقابلم من رضاجان رضا رضاجان رضا رضاجانم رضاجان ویرار طعنه بهشت جاودانه بارگاهون ائدر حیران سلیمان نبی نی عزّ و جاهون گوزل صحن و رواقون واروندی چوخ قوناقون روادور اوپسه حاتم رضاجان ال ایاقون صفالی آقام وفالی آقام بو درگاهه دخیلم بجان جواد منی ایله شاد الیمدن دوت ذلیلم رضاجان رضا رضاجان رضا رضاجانم رضاجان #رضویه_مدح

#زمزمه #شهادت_امام_رضا 🎤کربلایی صادق گل محمدی

عرض ارادتی خدمت امام حسن مجتبی علیه السلام (مناسب برای آهنگهای مختلف) ای زَهرِ کینه قلبین ، سوزان ایدن حسن جان زهرایه جَنَّت ایچره ، مهمان گیدن حسن جان کانِ کَرم حسن جان ای بی حرم حسن جان دردین کیشی ایوینده ، سویلَر وفالی یاره غَمخوار اولار عیالی ، اِیلَر او درده چاره سالدی وفاسیز عورت ، درده سنی دوباره نامَحرم اولدی مَحرم ، بولمَم نَدن حسن جان اصحابِ بی وفاچوخ ، ایتدی سنی اذیّت واردار ایدوبله صُلحه ، چَکدون نه چوخ مصیبت خنجر جراحتیندن ، جسمونده وار علامت ایتدی هَره جَسارت ، بیر گوشه دن حسن جان قبره گیدنده نَعشون ،گلمیشدی دوزدی چوخلار کیم بیر امام جسمین ، آخر بو نوعی یوخلار؟ گویا او پیکروندن ، چخموردی بعضی اوخلار گیتدی مزاره آخر ، قانلی بدن حسن جان مظلوم اولان سنون تَک ، واردور جهاندا آیا؟ بِش ، آلتی سینّیدِیدون ، حَشرون اولوبدی برپا سن اوندا جان ویریبسن ، گوردون یخیلدی زهرا دوشدون اودور اَیاقدان ، سن غُصّه دن حسن جان بیر تنگ کوچه افسوس ، تنگ اولدی رهگذاره بیر اَل گیدیب هوایه ، رَدّی دوشوب عُذاره دردین آپاردی گیزلین ، آخر آنان مَزاره توپراقه قان سوزوبدی ، گوشواره دن حسن جان ثانی یارالی بیر گول ، توپراقلار اوسته سَردی بیر گول یوزونده اَکدی ، بیر قانلی گولده دَردی بیر سیلی دَیدی اَمّا ، صاقی صولی گووَردی بِیْله سولان گُلُستان ، یوخ گورسه دن حسن جان شیعه سنه حسن جان ، آخر حرم دوزه لدَر شایسته بیر ضریحی ، چوخ محترم دوزه لدَر چون سن کریمیدون بیر ، بابِ کَرم دوزه لدَر دوشمَز یادا گورنده ، باغِ عَدَن حسن جان خونِ دیلون آخیبدی ، آخر دوداقلاروندان ظُلمیله آیری دوشدون ، مظلوم اوشاقلاروندان آلدیم خبر مزارون ، وضعین قوناقلاروندان پوزقوندی نه گَلن وار ، نه وار گیدن حسن جان #امام_حسن_مجتبی_علیه_السلام التماس دعای فرج الاحقر مهدی عبادی

در احوالات حضرت امام رضا (ع) قویمیوب   بو   زهر   کینه   قلبده   دؤزوم  الهی اوغلومی  یتور   اماندور  یولدادور  گوزوم   الهی بیر نفر یانمدا یوخدور من غریبی یاده   سالسون باشیمی کناره  آلسون  درد  و محنتیم  آزالسون قویما بیله وقتده سن حسرتیم اؤرکده  قالسون اوغلوما دیماقه  دلده  واردی چوخ سوزوم الهی نه یانیمدا واردی  باجیم  بیر نفر نه  محرمیم وار غربت ایچره باغری قانم دلده درد  مُدغمیم  وار یوخدی بیر نفرکه بولسون ای خدا نه عالمیم وار ظلمدن   دونوبدی آخر   شامه   گوندوزوم   الهی خوشدی باشیم  اوسته ایندی مهربان باجیم  اولیدی حالیمه  باخوب   یانیدی   ابر تک   پوزی دولیدی گوزلریمی  باغلییدی  باش اچیدی ساچ  یولیدی قالمییدی    حسرتیله   یرده     تا   یوزوم   الهی دوشموشم  بیر عمردور من   ائل  قبیله دن کناره عاقبت   ووروبدی مأمون   اودلی  قلبیمه   شراره صون  نفسده  اولما راضی گوز یاشیم  آخا عذاره بو  قدر   ملاله   هانسی   محنته    دؤزوم    الهی بس که چوخ  اثر ائدوبدور زهرکین یانور   بو جانیم نه   بو حاله   واردی طاقت   درد  هجره نه توانیم گوزلریم   قالوبدی   یولدا   گلمدی   خدا   جوانیم قان   اولان   گوئلده  آخر  قالمیوب  دؤزوم  الهی ای خدا   آدیم   رضادور   راضیم   هامی    قضایه من بیر عمریدور  بولورسن دؤزموشم غم و بلایه هر   قدر   جفا   یتشسه   ائتمرم    سنه    گلایه مین   بئله    بلایه   دلدن   راضیم   اؤزوم   الهی اللریم  اؤرک   باشندا گوزلریمده  اشک حسرت قویمیوب بو زهر کینه منده صبر و تاب و طاقت بو   منیم غم  و  ملالیم  ای خدا   بو درد  غربت نه روا  بو  حسرتیله  جاندان   ال   اوزوم  الهی (( عاصیا  )) زیارت  ایسته یالوار عجزیله   خدایه یا   ائده   بو شاهه   زائر   یا   شهید    کربلایه اوردا  بو سوزی مکرّر  ذکر  ائداخ  گلاخ   نوایه قویمیوب   بو  زهر  کینه   قلبده   دؤزوم   الهی ** ✍  مرحوم عاصی #شهادت_امام_رضا_علیه_السلام

✅یا ضامن آهو ✍غفاری اردبیلی هشتمین اختر تابان امامتدی رضا بضعۀ فاطمه خورشید هدایتدی رضا شمع جمع عرفا روح کرامتدی رضا بارگاهی ملکوتی،ئوزی مافوق مَلک تحت امرینده دی کلّیۀ اجرام فلک مرقد طیّبه سی شیعه لره قبله نما قیزیل ایوانلری کنگرۀ اهل ولا حرمی صحن جنان مقبره سی بیت خدا چشم حق بینیله هرکیم باخا آئینه سینه لمعه لمعه توکولر نور خدا سینه سینه مشهد اقدسی عرش اهلینه پاکیزه مطاف ائلیر حور و ملک مرقد مولانی طواف نَفَسیندن اولارون نشر اولونار عطر عفاف مُتَبرکدی اونون قبرینون اوستنده ضریح اونا خاطردی ضریحیندن ئوپر گونده مسیح چشمه چشمه آقامون صحنیده کوثرلری وار الده جاروی نظافت قوجا نوکرلری وار اصغری یاده سالان غملی کبوترلری وار دسته دسته دولانوللار باشینا صبح و مسا تشنه قویمور اولاری اصغرین احسانی رضا فرصتون اولسا اگر ایله سفر ماه صفر ملتین عشقینه بیر گوشه ده قال ایله نظر موج دریا کیمی زوّاری تلاطم ائلیر صاحب خانه کرم ایلسه بیگانه گَلَر شعله هر یردن اوجالسا اورا پروانه گَلَر نوکرین چونکه تمناسی اولار شاهیندن نا امید ایلمیوب هیچ کسی درگاهیندن ئورگنوبدی کرمی ذوالکرم اللهیندن آری انسان تانیسا مثل رضا ذات حقی قاپوسیندان یولا سالماز الی بوش مستحقی درگهی باب رجادور حرمی خُلد برین سوزی آیات مبین دور ئوزی مرآت یقین شیعه دوغرانسادا وئرمز اونون الدن اتگین اونی الله بگنوبدور ئوزی ایمانلی لارا بیر گلستان گُل ایچیندن وئروب ایرانلی لارا ابن هارون اونا تکلیف ائلدی سلطنتی دئدی ای نور خدا آل نظره مصلحتی یاراشور قامتوه سلطنتین منزلتی تخت زّرینیده اگلش هامیا فرمان وئر کیمه گویلون وار اگر ثروت بی پایان وئر طُرفَةُ العینده درک ایلدی جریانی رضا بیلدی باشدان باشا نیرنگیدی بو لطف و عطا دئدی حاشا ائلیم ملّت اسلامه جفا مصحفین آیه لریندن من عدول ایلمرم تختوی تاجوی ئولسمده قبول ایلمرم سن دییَن عاریه بو منزلتی نیلیورم خلقی اغفال ائلین مصلحتی نیلیورم من بهشتین شاهیام سلطنتی نیلیورم حقّی تشخیص وئرن باطله اغفال اولماز تاج و تخته گوره زهرا بالاسی لال اولماز من علی اوغلی رضایم شرفین دریاسی خلقتین علّتیم ماخلقین مبناسی مصحفین سوره سینون آیه سینون معناسی بو خلافت کی دئدون عین ذلالتدی منه پَرِ جبریل امین تخت خلافتدی منه کربلا شاهی منیم باشرف استادیمدی قانلی صحراسی اونون مکتب ارشادیمدی دوغرانان عضولری معتبر اسنادیمدی قویمادی آیئه دینینه ظالم وورا داش تشنه جان وئردی،ستمکاره ولی اگمدی باش آه یابن الحسن ای مظهر الطاف خدا بیلمورم اولمادی دنیا نیه بالمرّه فنا دئدیگی سوزلرون اوستونده شهید اولدی رضا گوردی زهرین اثری پارچالیور لحم و رگین بستری ووردی کناره یری قویدی ئورگین دئدی یا فاطمه گَل یاندی یانقلی جگریم یارالی قوش کیمی غربتده سنوب بال و پریم گلمسون خوار اولارام قانه دونر اشک تریم دئمورم بند دل شاه حُنینم آناجان نچه لحظه بیله فکر ایله حسینم آنا جان گلمسون گلمه ولی بو سوزی دلداره یتیر دئنن ای کرب و بلا دشتینه سلطان شهیر یاری گونده او نه غمدی ائلدی زینبی پیر قمچیلر یورقونی قیزلاروه قربانم من تشنه لب قولسوز علمداروه قربانم من.    🌴🌴🌴🌴🌴

عرض ارادتی خدمت امام رئوف حضرت ثامن الحجج علیه السلام وبا استعانت از شاهکار مرحوم حسینی سعدی زمان (با آهنگی زیبا و شور انگیز زینتِ طوس ، اَبالحسن شَمسِ شموس ، اَبالحسن عشقیوه ، مُبتَلایم سائلِ ، بینوایم کَرَم قیل ، جانِ زهرا اَلی بوش ، بیر گَدایم لُطفووه ایتمیشم ، همیشه عادت شَه ایدَر غُلامه چونکی عنایت گویلومه ، دوشوبدی، شوقِ زیارت قبروندن اوتری گوگلوم اَسور مثل برگ بید بیر سائلم قاپوندا سیَه روی و مو سفید ویرّم قسم جوان بالاوا ایتمه ناامید قیل مُفتخر عنایتیوه یا ابا الحسن السُّلطان ، ابا الحسن وَجهِ خُدا ، نورِ جَلی کانِ کَرَم ، مِثلِ علی بَرتر از ، هر بَیانسان عزّتِ ، شیعیانسان اولموسان ، بِیله مشهور امامِ ، مهرَبانسان نَظر قیل، گَدایه ، ای گُلِ رضوان سُفره ی ، لُطفووه ، قیل منی مهمان جانِ نا قابلیم ، آدیوا قربان سن مظهر جمالِ خدای عَطوف سن کَشّافِ هَمّ و غَمّ و کُروب و لُهوف سن معروف سن بو اِسمه امامِ رَئوف سن جانلار فدا عطوفتیوه یا ابا الحسن السُّلطان ، ابا الحسن جلوه گَرِ ، خاتَمِ عشق بَحرِ سَخا ، حاتَمِ عشق مُعینَ الضُّعَفاسن غَریبَ الغُرَباسن همیشه ، زائرون وار کی حَجِ ، فُقَراسن قلبیمی ، قان ایدوب ، تیرِ فَراقون دوتور خسته دیلیم گینه سُراغون نولور بیرده منی اِیْله قوناقون ای جود و بخشش و کَرَم و فضل معدنی اوغلون جواد جانینه ویرّم قسم سنی بیرده قوناق چاقور او گوزل قبریوه منی مشمول قیل کرامتیوه یا ابا الحسن السُّلطان ، ابا الحسن ای گول آدی ، قلبه جَلا یارِ دلِ ، اَهلِ ولا عالَمه ، ای شَهنشاه درگَهون ، حَقّه درگاه اَلیمدن ، دوتماسِیدیز اولاردیم ، منده گُمراه مُریدم ، مُریدِ ، راهِ ولایت دامَنون ، دوتموشام ، تاپام جَلالت عُمرومون ،کاش اولا ، خَتمی ، شهادت جدّون اوزی بیله بویوروبدی مُفَضَّله قرآندی اصل مدرکی، روشندی مسئله واللهی قبریدن دوراجاقدی گوله گوله قائل اولان ولایتیوه یا ابا الحسن السُّلطان ، ابا الحسن #امام_رضا_علیه_السلام #ثامن_الحجج التماس دعای فرج الاحقر مهدی عبادی

زینت طوس اَبالحسن

ای زهر کینه قلبین سوزان ایدن حسن جان