🌹جـــــانــــم ابــــوالفضـــــل (ع)🌹 دِدی گٙل داده آقا عشقیم اگر گُورملیدی قلب عاشیقده اولان خون جگر گُورملیدی باجوون خیر دعاسی یولی هموار ایلدی گُورنه خوش باغلامیشام بار سفر گُورملیدی سروریم گٙلدیقیجا صاق صولوا دقت ایله ایکی اٙل واردی یول اوسته او بتر گورملیدی بیر قوناقیم وار آقا گتمسه تا سن گلنه گوشه ی معجری دنیایه دٙیٙر گُورملیدی

زبانحال حضرت ام البنین (سلام الله)  شعرازمرحوم حاج غلامرضاشیعه خلّص ای مدینه عورتلری گلوب هر گجه گونوز داده آغلارام سو یانیندا لب تشنه جان ویرن اوغلومی سالوب یاده آغلارام   وار یری اگر عالمه تمام اودلی آهیمیله شرر سالام نه روادی که گلشنیم سولا ظلم الیله آخِر ملر قالام وای منه دیولّر جفائیله کربلاده دوغراندی شیر بالام یادیمه سالوب بیر به بیر غمین نی کیمی گلوب داده آغلارام   اُلدورنده عبّاسیمی عدو کربلاده صد حیف اولمادیم غصّه دن خزان یپراقی کیمی شاخه ی مصیبتده سولمادیم باش آچوب آنالار کیمی اونون نعشی اوسته من زلف یولمادیم اود وورار فراق آتشی هر آن بو دل و بو اکباده آغلارام   نار حسرت ازبسکه اود وورار بو یانان دل و جسم و جانیمه باخبر اولان یوخدی بیر نفر دلده کی بو سرّ نهانیمه آغلارام سزادی بیر عمر قان تشنه جان ویرن نوجوانیمه شاد اولام چتین بیرده یوز گوله، تا وارام بو دنیاده آغلارام   بولموسوز ابوالفضلیمی نجه بیر رشید مه رو جوانیدی سرو قدّی واقعده زینت باغ گلشن و گلستانیدی باغریقان بو امّ البنینیده سرو باغینه باغبانیدی گلمیوبدی گلمز او سرو تک بیرده سرو ایجاده آغلارام   کربلاده عبّاس جان ویروب اوز وفاسینی قیلدی آشکار فاطمه یانیندا آناسینی ایتمدی قیامتده شرمسار چکدی داغینی سینمه ولی بیر بالا منه قویدی یادگار اوخشارام بالامی اودا دیر دردینی بو ناشاده آغلارام   قویدی اوز یرینده نشانه سین اوز شبیهی شیرین سخن بالا واریدی ازلدن رضایتیم جانی شاه دینه فدا اولا بیر قبیلیه اکتفائیدی گر قالیدی مظلوم کربلا یادیمه حسین محنتین سالوب متّصل بو ماواده آغلارام   آغلارام حسین تک گلوم سولوب جان ویرونجه من اشک ریزیم چون اونون وجودی اولوب سبب بیله اهل عالم عزیزیم یوخ اونا آنالیق لیاقتی گر قبول ایتسه کنیزیم عزّتیم گیدوبدور، قرا گونه اولموشام من آماده آغلارام   بیرده من حسینسیز وجودیمی عزّتیله همدوش گورنمرم باشه یتدی عزّتلی گونلریم روزگاریمی خوش گورنمرم کاش اُلم داخی بو مدینه ده من حسین یرین بوش گورنمرم مهربانیدی چون گوزوم قالوب ایمدیده او مولاده آغلارام   اوغلونون عزاسینده آغلاماق گرچه هر آنانین سزاسیدور لیک اولوم ابوالفضلیمه فدا آغلادان منی بیر وفاسیدور افتخار امّ البنیندور، دورت بالام حسینین فداسیدور خدمتیله ایلوبدیلر منی سربلند عقباده آغلارام   بیر گورون بو بی کس آناسینون قلبیده نه اندازه صبری وار سرّی واردی گوزیاشلی دیده مین بیله بارش همچو ابری وار کربلا مسافرلری دیور اوغلومون گوزل خوردا قبری وار یادیمه دوشور خوردا مرقدی صبر دل گیدور باده آغلارام   خدمتین حسینه تمام ایدوب دلده کی اولان مقصده چاتوب ایله سرو قامتلی بیر بالام خوردا قبر ایچینده نجه یاتوب اولمادیم او چولده گورنمدیم هاردا او درخشان مهیم یاتوب فکر ایدنده حالین غم و محن یوز ویرر بوناشاده آغلارام   کربلاده زینب بیله دیور بیر مهمّ جنگ اتّفاق دوشوب اوغلومون اولوب قولّاری قلم، صاق قولی صولوندان قاباق دوشوب بولمورم ندور سرّی بس اونون قبری قارداشیندان اوزاق دوشوب تا بدنده روحیم نه قدری وار جور و ظلم بیداده آغلارام   گرچه منله عبّاس آراسینا سالدی بو فلک حسرت وصال یوخدی چاره امّا دوزم گرک، دوزماقیمدا بیر امردور محال چونکه روسفید ایلیوب منی امدیقی سودی ایلدیم حلال باشیمی اوجالدوبدی تا صاقام من اونا هر اثناده آغلارام   صابرم ولی بیرجه نسگلی اوغلومون منه چوخ گران گلور حالینه باخاندا یتیمینون دمبدم سرشک روان گلور یوز دوتور منه سویلوری آنا مهربان بابام بس هاچان گلور فرقتینده بیکس آتاسینون آغلوری بو شهزاده آغلارام   یوخ سوزوم مدینه خانملاری چوخ اوشاق آنادان یتیم اولی خلقتینده گر اوز آتاسینا بنزیه اوشاق واردی چوخ یولی واردی اوغلوم عبّاس تک نه چون بو بالاسینوندا اوزون قولی هیکل ابوالفضلی گوسترور خلقتی سراپاده آغلارام   ساعیا تمام ایت گیلن سوزون طول ویرمه چوخدا کلامه سن سوز یازاندا آز یاز ولی قوتار ویر همین کلامه ادامه سن اولسا دلده هر نه حوائجون عرض قیل شه تشنه کامه سن دی واریمدی بیر درد قلبیده من او درده اخفاده آغلارام

ورود مدینه . دلکش زنجانی . یارسول الله سفردن مایهٔ شیون گتوردوم قبرین اوسته سالماقابیرقانلی پیراهن گتوردوم بیربئله شیون بوشهره گلممیشدی من گتوردوم اذن وئرعرض ایلیم هرمشکلاتین ماجراسین ای وجودنازنینی معنی طاهاویاسین . . بیرزمان خلوت اولیدی محضرپرنورین الان تازیانه یرلری جسمیمده هئچ قالمازدی پنهان دشمنین بی حدجفاسین بیربیرایلردیم نمایان بیلگیلن منلن نجه رفتارائدوبدی قوم عدوان بی حیابی دین جماعت قویمادی ظلمینده نقصان . گرچه چکدیم هرفشاراشقیانی بو سفرده لیک مرعوب اولمادیم هئچ غیاب وهئچ حذرده قدرت بی مثل حقّین قدرتین دوتدوم نظرده چون حسین آخروداعینده منی ائتدی مبلّغ هریره گئتدیم اویرده ایلدیم قرآنی تبلیغ . یتیشدون هریره بیرنوعیله نطق ایلدیم عنوان گروه بی مروت دوشدی دلدن قالدی سرگردان دئدیم بیزآل طاهایوق یزیدآل بوسفیان بیلین ای بیلمینلره‍ئچ حیایوخدی بولشگرده چکوبله جرأتیله دین حقین اوستونه پرده حامیزساکت اولون تامن یتورّم بیرنچه مطلب منم زهراقیزی جدیم رسول الله آدیم زینب امیرالمؤمنین دلبندیم برج حقه کوکب سیزین مستوجب لعنت اولوبدی ظلموزعالمگیر بیزیمده شأنیمیزده نازل اولموش آیهٔ تطهیر . حسینون نیزه ده باشی اوخوردی آیهٔ قرآن اوقرآنون سسین هرکس ائشیتدی باشلادی افغان دیردی بیربیره آل اللهه ظلم ایلیوب عدوان نیه یرتیترموربوعالم امکان خراب اولمور نیه ذات خدادن قوم اعدادن عذاب اولمور او گون ابن زیاده بیرجسارت ایلدیم اظهار دئدیم مرجانین اوغلی مگرسنده شرافت وار بیزوق آل محمداولموشوق اسلامه خدمتکار حسین الله یولونداگوزیوموب جاه وجلالیندن اودورجهدایلیوب گورسون جمال الله جمالیندن یزیدین بزم شومی هرمصیبتدن شدیداولدی ازاینکه بزمیده حاضراولان قوم عنیداولدی مسلمان اولمادی سرتاسراشخاص پلیداولدی یزیدال چکمدی هرگززیارت اشتیاقیندن وروردی خیزران سلطان مظلومین دوداقیندان . . ائله رفتاری گورجک بانوان تاب ائتمدی اصلا خصوصاًخرداجاقیزلارهامی سسلندی واویلا کانّه آشکاراولدی اوساعت محشرکبرا دیردی بیحیانوردوچشم حیدری وورما حیاائت بوسه گاه حضرت پیغمبری وورما #یا_رسول_الله_سفردن_مایه_شیون_گتوردوم ✨اَللّهُمَّ عَجِّل لِوَلیِّکَ الفَرَج✨

رو به قبله آخشام نه یاتموسان قیزلارون پریشاندی فاطمه زینبین یانندا دینمورم قلبیم اود دوتوب یاندی فاطمه گیتمه فاطمه گیتمه فاطمه موج ایدوب داشان وقته سیل غم سن عمو اوغلوون صد سیلی سن چکمیسن قرا معجری یوزه صبر ناقه می بیله پیلیسن سسلیرم نقدری دانشمیسان یوخسا سن علیدن گلیلی سن نیلمیشدیم آیا بو امته حقیمی منیم داندی فاطمه (ئوزلری باخماسا اولماز نه منیم الیمده دی نه بوسرورلرین الینده دی خانم گرک ئوزی دوز، آتا توسله) واقفم کی مشکلدی دورماقون اینجدور اوپهلوده کی یارا باری زینبی آل کناریوه سعی ایله ئوزون زلفونی دارا نچه گوندی روحیه سی ئولوب هی بخور سنه ایلوری نوا هی باخور او صدمه دین یوزه حالتی پریشاندی فاطمه ایندی کی گیدورسن نه چاره گیت قوی علی یانا آتش غمه کربلایه اما ئوزونده گل (خانم ایلشمیدی دیدی عمواوغلی الین بیر ویر منیم الیمه ایستیرم سنن بیر عهد باغلیام دیدی) علی جان نقدری من ئولمه میشم واردی مسئلت سنده اجازه ویر عرض ایدیم علی منده عهد ایدیم سنده حسین دوشنده چوخور یره سنده گل علی منده عمواوغلی گلنده بیر کاسه سوگتیر ایله کی بو عهدی زهرا امیرالمومنیندن آلدی گوردی علی دییر زهرا منده سندن بیر عهد آلمالیام سن منی کربلایه بیر وقته چاغردون گلم اما زهرا بیر نفره ده سن گیتمه لی سن ایندی کی گیدیرسن نچاره گیت قوی علی یانا آتش غمه کربلایه اما ئوزونده گل اونداکی چخار عرشه همهمه اوردا بیر سواوسته یارالی وار تئز یتیر ئوزون نهر علقمه منتظردور اوردا قدومیوه دوره سینده عدواندی فاطمه چون اوگون اولوب گلدی فاطمه نهرین اوسته عباسینی گوره یاره لی علمداری دیندیریب عالمه وفاسین نشان ویره بیر زمان یتیشدی او باوفا گوردی کی ایکی قول دوشوب یره مادرانه عباسی سسلدی آتش غمه یاندی فاطمه آلدی دیزی اوستونده باشینی سسلدی اوغول سینه داغلاما فاطمه گوردی آت اوسته بیر یلی ایستور آتدان دوشه یوخدی الی آلدی دیزی اوستونده باشینی سسلدی اوغول سینه داغلاما عباس منده بیر قولومدان یارالیام #فاطمیه

🏴شهادت حضرت امام حسن عسکری علیه السلام 🏴 . ✍ حاج اصغر فرشچی (عدلی تبریزی) 🎶سبک : ای حرمینه ناز ائدن ... عطری گلورمحرمون .. واردی باشیمدا یا حسین ... . . شیعه بو گون عزایه گل حجت حق عزاسی وار غملیدی صاحب الزمان دیلده بابا باباسی وار . یاسه باتوبدی ماسوا شیعه لرون نواسی وار . . . زهرجفاایدوب اثرایتدی امامی بی قرار تاب وتوانی قالمادی گوزلری اولدی اشکبار مهدی صاحب الزمان قلبی اولوبدی داغدار اشکی رواندی صورته دیلده بیوک بکاسی وار . . معتمدین جنایتی اولدی جهانه برملا میل ایلیوبدی زهرکین دردینه اولمادی دوا سسله دی گل آنا حسن اولدی غریب سامرا سالدی شراره جانیمه اود باشیمون بلاسی وار . . گل آناجان چاتوب منیم زهرجفا دوداقیمه پیک اجل آلارجانی ایندی گلر سراقیمه تک قالی مهدی زمان قلبی یانار فراقیمه یاندی جگرلریم آنا گل نجه گوریاراسی وار . . غربت ایچینده گر اُولم مهدی بالامدی آغلیین واردی اگرچه قارداشیم اولماز او سینه داغلیین باغلا اوزون بوگوزلری یوخدی بویرده باغلیین منتظرم مدیندن سن گلسن صفاسی وار . . ظلمونی اشقیا ندن بولدی منه آنا روا خزانه دونروب منیم بهارعمرومی جفا شام غریبانمدا گل ساخلا اوزون منه عزا سامرده ایکی بالان دفن اولی غم بناسی وار . . گونکیمی باتدی شاه دین کسدی او نورونی حسن گلشن دینیدن سولوب شاخۀ گل سرو وچمن سالدی بو شیعه قلبینه نسگلی درد وغم مِحن آغلا گوزوم بوغمده سن آغلیینین جزاسی وار . . گللرآچاربهاریده هرچمنون گلی اولار غنچیه منتظرقالان عشقلی بلبلی اولار مهدیسی اولسا هرکیمون سانماکه مشکلی اولار (عدلی) اولوبدی عاشقی دلده بو ادعاسی وار . #شهادت_امام_حسن_عسکری_علیه_السلام #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰---

🏴شهادت حضرت امام حسن عسکری علیه السلام🏴 🎶سبک : دولانورعلی قیزی مقتلی 🏴🏴🏴🏴🏴🏴🏴🏴🏴 بو جهانی ترک ائلین زمان گوزون آچدی حضرت عسکری گوروب اوغلی حضرت مهدینی باشی اوسته آغلادی گوزلری دئدی گُل جمالیوی گورجگین دولوب اشگ شوقیله گوزلریم بوشتابیلن بولود آلتینا هله گئتمه ای مه انوریم سوسوزام منه گل ئوزون سووئر سو یانیندا یانمیالبلریم نه گوزلدی هرئولنین اولا باشی اوسته سن کیمی دلبری نه گوزلدی خامه اگریازا سوزایچینده راوی یازان سوزی گوتوروبدی مهدی سو جامینی آتاسینا تا سو وئروب ئوزی سو ایچوبدی حضرت عسکری ایله که سونوبدی اورک کوزی بویوروبدی سال یره جانماز دل ساجد ایستیری داوری بو وداع نمازیدی حضرته ایلیوب اراده آلا وضو کمک ایلیوبدیله اگلشوب ادبیله خادمی گتدی سو اونا وئردی مهدی ئوزی وضو قوتاروبدی بو بیوک آرزو وورلوبدی نه اورگیندن اوخ نه سنوب جبین مطهری آتاسی جان اوسته دی جان وئرور دایانوب باخور اوگوزل بالا جان آلوبدی حاصلی جان آلان بوفنا جهاندان اولوب جدا آقاوای دیوبدی حرملری یتیشوبدی هریانا بو صدا غم آلوبدی بیت امامتی ایتیروبله ماه منوّری ایلیوبدی مهدی ئوزون نهان نه گورن اولوب نه یرین بیلن آتاسین یودی ئوزی مهدی جان ائلیوب ملکلریلن کفن عددی حسابه گلن دگول او گوزل جنازه نی دفن ائدن گیینوبدی اهل حرم قرا گتیروبله یاسه پیمبری نه جسارت ایلدی معتمد توکولوبله بیت امامته دولانیبلا بیت امامتی ولی گلمیوبدیله غارته نه بیری وروبدی بالالارین نه بیری گئدوبدی اسارته ئوز ائوینده تحت نظرده دی او شه جهانین حرملری ✍ جعفری زنجانی #شهادت_امام_حسن_عسکری_علیه_السلام #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 اللّٰهمَّ عَجِّلْ لِوَلِیِّكَ ٱلْفَرَجَ @Hazrate_Abalfazll ---⊱✾♡✾⊰--- ✨اَللّهُمَّ عَجِّل لِوَلیِّکَ الفَرَج✨

💚فراق امام زمان ((عج)) ✍️ شاعر علیرضا علوی زنجانی 🎤#بانوای_حاج_علی_سیفی_افشار ای فخر عالمیان سلطان عصر و زمان یولوی گوزلویوروق سنون یا صاحب زمان (کر) ای گل باغ ولا قائم آل عبا قورخوام گیج گله سن گوزلریم یاشلی قالا باخیرام من یولارا حسرتم من دیدارا عمروم قورتاردی اقا نیلیوم یوخدور چارا (کر) ای گل باغ ولا قائم آل عبا قورخوام گیج گله سن گوزلریم یاشلی قالا یولوا گل سپرم سنه قربان کسرم قدمین قوی گوز اوسته قدمیندن اوپرم (کر) ای گل باغ ولا قائم آل عبا قورخوام گیج گله سن گوزلریم یاشلی قالا عطرون گلردن آلام عرشه ولوله سالام جمعه لرمن ندبه ده سنه منتظر قالام (کر) ای گل باغ ولا قائم آل عبا قورخوام گیج گله سن گوزلریم یاشلی قالا گلسن دونم باشیوا ایکی قلم قاشیوا قربانون اولام اوزوم یاریوا یولداشیوا (کر) ای گل باغ ولا قائم آل عبا قورخوام گیج گله سن گوزلریم یاشلی قالا نیه یاریم گلمدی اورگیم دینجلمدی آه چکدوم من آغلادیم یار دردیمی بیلمدی (کر) ای گل باغ ولا قائم آل عبا قورخوام گیج گله سن گوزلریم یاشلی قالا ادبین کمالیدی شرفین مدالیدی عشقین دنیایه وئرمم حیدرین مارالیدی (کر) ای گل باغ ولا قائم آل عبا قورخوام گیج گله سن گوزلریم یاشلی قالا اورگیم دونوب قانا صبریم ✍️ شاعر علیرضا علوی زنجانی _____

🎼سبک نوحه فوق👆👆 ✍بقلم کربلایی علیرضا علوی #بانوای_حاج_علی_سیفی_افشار

▪️احولات کوفه _ زبانحال خانم زینب س ✍بقلم کربلایی محمد هوشمند(مدهوش) بانوای#کربلایی_منوچهر_حسن_زاده ای نیزه نین اوستونده اولان داشه نشان باش قران اوخی زینب سنه قربان اولا قارداش وئر عالم امکانه صفا اوز نفسونن قران اوخی قلبیم اولا آرام سسونن

احوالات کوفه ✍#کلامی_زنجانی نوحه سینه زنی بانوای 🎤#کربلایی_منوچهر_حسن_زاده یورولدی جانیم. قزشدی قانیم اوخی حسینجان . جداده قرآن غم آشنایی. دلون فداسی اوخی حسینجان . جداده قرآن قسم او جانه . او تازه قانه بو کوفیانون. وفاسی یوخدی بیزه جماعت. ایدور شماتت منه بو شهرین صفاسی یوخدی وروبلا بیر داش. او باشه قارداش منیم الیمده. دواسی یوخدی اولوبدی زینب. غمونده گریان ایدوم نه چاره. فراق یاره ویروبدی قاتل جدایه باشون باجون قان آغلار سنی سراغلار چاتوبدی اهل جفایه باشون ئولوب دیریلدیم الیکه بیلدیم گیدوبدی مطبخ سرایه باشون خراب اولیدی بو چرخ دوران باشیمدا قاره. اورکده یاره دلیمده ناله. دالونجا گللم ندندی ئولمم هایاندا بیلمم چاتام وصاله. دالونجا گللم ئوزون بیلورسن که عاشقم من او مه جماله دالونجا گللم بو جان خسته او باشه قربان اوخی حسینجان جداده قرآن کربلایی منوچهرحسن زاده

نوحه سینه زنی #محمد_هوشمند بانوای#کربلایی_منوچهر_حسن_زاده باخیرام جداده کی باشلارا گلیرم فغانه آی عمه جان نئجه گور گوزومده کی اشک تر قاریشیب دی قانه آی عمه جان ندور علتی بو قشون بیزی بله باغلیبودولا قول قولا نه گناهین اوسته بیزی بئله یولون اوسته هی ورور اشقیا بیزی ائیلیوب بو قشون اسیر اپارور بو نوعی بی بی هارا نیه دمبدم وورور اهل کین بیزه تازیانه آی عمه جان نه اولار قبول ائده نیزه دار وئره بیر قوجاقیمه اول باشی ویره لر اجازه یول اوسته من توکرم عذاریمه گوزیاشی ائله اغلارام یانایانه من سالارام نوایه داغی داشی سالارام بو خرداجا قلبیمن شررین جهانه آی عمه جان باشیمن نقدری بلاسی وار سارالیب سولوب چمنیم منیم وطنمیدن ایری سالیب فلک اولاجاق هارا وطنیم منیم؟ قانا باتدی یکسره ائللریم داخی یوخدی یاد ائدنیم من قولی باغلی شامه چکیر بیزی هله بو زمانه آی عمه جان نئجه آغلاماز باباسی ئولن نئجه صبر ائدیم بو مصیبته نئجه توکمیوم گوزومون یاشین دوزه بیلمیرم بو شقاوته بالامین باشی اولوری نشان ستمیله سنگ عداوته منی تیر محنت و درد و غم ائلییور نشانه آی عمه جان اورگیمده وار نئچه وقتیدور بیلیسن فراق شراره سی ولی زایل ائیلوری دردیمی او یارالی باشین اشاره سی بو شکسته قلبه توان ورور بابامین جداده نظاره سی اورگیم دولوب یارالی باشی ائدیریم بهانه آی عمه جان بانوای کربلایی منوچهرحسن زاده

#مقتل بانوای#کربلایی_منوچهر_حسن_زاده آواز دشتی حضرت زهرا  گلیب ،  مقتلده   نالان   آغلادی تلین اوسته  زینب   مضطر  پریشان آغلادی گون  باتیب  قاره  گیندی عرشیان و فرشیان آسمان ماتم   دوتوب    دنیایه  باران آغلادی شهپرین جبریل آچیب بیکس حسینین باشینا جان وئیرن وقته باخیب اربابه حیران آغلادی مقتله  جاری    اولاندا    خون   دلبند بتول یاندی  قلب   مصطفی،  آیات  قرآن  آغلادی سس سسه وئردی بنات آل طاها دل غمین نو  گل  آواره سی  مخیمده   پنهان آغلادی ظلم   اعدا   جنتی    ائتدی     عزادار حسین باغ   جنتده   گل      زهرایه    غلمان آغلادی ایستدی کسین  حسینین باشینی شمر لعین دوزمدی   بو  محنته   غیرتلی انسان آغلادی روز عاشوراده اولدی،  کون و امکان غمکده تیتردی   عرش    خدا   ملک سلیمان آغلادی گوردی هرکس ظلم اعدانی آلیشدی سینه سی قوم  کافرده او گون  اولدی مسلمان آغلادی بی وفالر  سیندیریب  عهد  و وفا آیئنه  سین اشقیانون   ظلمینه   معناده     پریان آغلادی بانوای کربلایی منوچهرحسن زاده #عبـــــــــــــادے_طارمـــے

▪️زبانحال حضرت اباالفضل(ع) با نوای کربلایی قهرمانی الله هیچ قهرمانین قولارینی باغلاما سین هیچ غریبین اورگین خجلت اوتی داغلاماسین کیم گوروب دشمن ایچینده کیشینن آغلاماسین آقاجان گل اورگیم قاصدی فریاده گلیب اولوب اون یدی نفر قتلیمه آماده گلیب گل حسین جان ورورم یاسیمه زهراده گلیب من که زهرادن اوتاندیم قولاق آس سوزلریمه سن آنانون جانی حسین باخما منیم گوزلریمه ▪️جواب امام حسین(ع) من دیسم لایلای سنه مادرده دوشمز یادیوه گولزون راحت یاتار اصغرده دوشمز یادیوه لایلای ای آل رسولین آبروسین حفظ ائدن لایلای ای ساقی کوثر دیدینه عطشان گئدن چولده سرگردان علم سیز موکبیم آغلار سنه نیلوسن ام البنینی زینبیم آغلار سنه

🔹نوحه امام حسن عسگری🔹 در سبک(تا مشکتو به آب زدی) ✍شاعر : علی عبدی منیم صفالی ای آقام قاپوندا نوکر اولموشام بو جایگاهی وئرمرم ایکی جهانه والسلام سن اون بیرمجی امامیسن یوخ گناهون بو دنیاده وار سنون بیوک جایگاهون گلر گوگدن سامرایه فوج ملائک ئوپر هر صبح و مسا گوزل بارگاهون امام عسگری جان او قبریوه قربان 🔹🔹 اَدبله سامرایه هر مسافر ئوز یولون سالار گوزل مزاریدن گلر بهشتین عطرینی آلار گوزی چخسون بارگاهیوه چپ باخانون بیزه حق چوخ گورمسون بو جنت مکانون آقام امام هادینون گوزل اوغلی سنسن آتاسی سنسن آقام امامِ زمانون امام عسگری جان او قبریوه قربان 🔹🔹 نئچه ائیل آخر عمریوی وئریبسن حبسیده باشا بو درد و محنتین سنون اثر قویوبدی داغ داشا عدو سالدی جسم و جانیوی چوخ فشاره گونوزوی اِیلدی گئجه مثلی قاره تنِ پاکون محبس ایچره مسموم اولاندا جگرلرین زهریله اولدی پاره پاره امام عسگری جان او قبریوه قربان 🔹🔹 اَجل گلوب سراغیوه یتیشدی جان دوداقیوه تحمل ایتدی بیلمیرم نئجه بالان فراقیوه باشینا بیر قاره باغلادی مهدی اوغلون فراقینده سینه داغلادی مهدی اوغلون قوجاقلادی اَللریلن ئوز دیزلرینی جنازه وین اوسته آغلادی مهدی اوغلون امام عسگری جان او قبریوه قربان

▪️شهادت حضرت امام حسن عسکری (ع) و آغاز ولایت عهدی امام عصر(عج) .  . ✍بقلم کربلایی محمد علی مصیبی تبریزی . ای قائمۀ دین پیمبر یر اوزونده آغلاردی بوگون حالیوه گوزلر یر اوزونده . . یابن الحسن ای عزت و حُرّیته ناجی ای بادۀ عشق و شرفین جام زُجاجی وی شیعۀ اثنا عشرین باشدا کی تاجی باخ گور قورولوبدی نئجه محشریر اوزونده . . مولا بورونوب شور و نوا رختینه افلاک نه طاق سما پردۀ آفاقی ائدوب چاک معناده وُرور باشینه پیغمبر لولاک گلمیش له تسلّایه ملکلر یر اوزونده . . دوشموش حرکتدن بو گئجه انجم سیـّار گویلرده دییور وا اسفا جعفر طیـّار فردوس برینده باش آچوب حیدر کرار کوثر جوشوری عدنیده گوزلر یر اوزونده . . طاغوت زمان سالدی جفا بحرینه لنگر موج خفقانی حُمقا ائتدیله سنگر امر ایله دی تا معتمد دون و ستمگر محبوس اولونا سیّد عسکر یر اوزونده . . حبسین اثراتی آتاوی ایله دی رنجور زهر ایچماقا مولا ؛ ائلیوبلر اونی مجبور دستور وئروب معتمد جائر و منفور بو سوز گرک ابلاغ اولا یکسر یر اوزونده . . آگاه ائلیون امت اسلامی تمامین جسمینده مرض واردی بو رنجور امامین بو تئزلیقا الدن وئره جاق رکن و دوامین بیر مرگ طبیعی اولا باور یر اوزونده . . آری آتاوین قتلینه امر ائتدی او کافر بش سینّیده قالدون آتاسیز ای شه خاور بو سینّیدن اولدون آقا سن شیعیه سرور کیمدور اولا سندن صورا سرور یر اوزونده . . تا باتدی ولایت گونی یلدا طرفیندن گلدی بالا وای ناله سی بطحا طرفیندن باشین ساق اولا شیعۀ زهرا طرفیندن ای تاج سر شیعۀ مضطر یر اوزونده . . گل پرچمیوی آل اله ای شمس هدایت گوزلور یولیوی گوزلریم ای تاج ولایت گور کیملر ائدور شیعیه دنیاده جسارت تکفیریلر آلمیش اله خنجر یر اوزونده . . قلبیمده کی هجران اودونا خاتمه یوخدی سندن صورا دین پرچمینه قائمه یوخدی وصلون اله گلسه داخی بیر واهمه یوخدی تئز گل آقا قان اولدی ئورکلر یر اوزونده . . گون سن ولی مولا بولود آلتیندا نهان سان سن گوهر گنجینۀ اقبال جهان سان شهلر سنه سائلدی کی سن شاه شهان سان سن سن شرف و عزته محور یر اوزونده . . ای تاج سر شیعه ، الا یوسف زهرا چیخ پرده دالیندان خلف سید بطحا عطر قدمیندن بیز اولاخ مست و سُکارا ای کوکب تابندۀ اخضر یر اوزونده . . آخر نئجه بو فرقت جانسوزه دؤزورسن صبرین صدفین رشته هجرانه دوزورسن حسرت گوزیلن کوه و بیابانی گزورسن گلسن ایاقیندان ئوپرم گر یر اوزونده . . ای خلقت افلاک و مه و مِهره بهانه اولموش ئورگیم ناوک هجرانه نشانه گوزلور یولیوی غملی ئورکلر یانا یانه سنسیز بیلوسن لنگ اولی ایشلر یر اوزونده . . یابن الحسن ای یوسف گمگشتۀ دوران مشتاق وصالوخ بیز اَلا حجت یزدان جانلار سنه قربان اولاچیخ ،پرده دالیندان وار اوچ یوز اون اوچ لالۀ احمر یر اوزونده . . ای آدی صفا قلبه سالان یوسف زهرا عشقی بوتون آفاقی آلان یوسف زهرا وی پردۀ غیبت ده قالان یوسف زهرا ___________

زبانحال حضرت زینب (س) ✍حاج ولی الله کلامی بانوای:#کربلایی_منوچهر_حسن_زاده #سلیم_نظرآباد ئولورم گل آغلا بیر آز منه سنه من چوخ آغلامیشام حسین آنامین او قانلی امانتین سینم اوسته ساخلامیشام حسین داریخوب بو آخر عمریده اؤرگیم آنام جانی شامیده الیم آشنالره چاتمادی منی یاد ائدن هانی شامیده باجیوین سینوب باشی کوفه ده یارامین آخوب قانی شامیده یارالی باشا نه حنا قویوب نه هوروب داراخلامیشام حسین آنام اوغلی عشق و محبتون هله جان و خون و رگیمده دی بیلن اولسا قرمزی خطیلن یازیلوب آدون اورگیمده دی منی چوخ دوگوبله سنه گوره یئری قمچینین بیلگیمده دی نه بیلور فلک بو الیمله من نچه یاره باغلامیشام حسین دئمورم سنه قوشولوب گله ایکی نازدانه بالام گرک اولاری گتورمه که گلسه لر باشیمی اشاقه سالام گرک سنه عاشقم من ئولنده ده بالا حسرتینده قالام گرک که یر آچماز آیری محبته بو اورک که داغلامیشام حسین نچه یول ئولوب دیریلم اگر اورگیم نشان اولا داغلارا آلیشوب یانام کولومی فلک سؤورا سپه اوجا داغلارا گنه آرزو ائدرم دگه دوداقیم او قانلی دوداغلارا بو هوسله شامه کیمی گزوب یریوی سراغلامیشام حسین بو خمیده قد باجیوین گرک هدفی جوانلارا درس اولا بو رویه مکتب عشقیده هامی قهرمانلارا درس اولا گئده کربلاده کی گلشنی گوره باغبانلارا درس اولا نه خزانه گللری وئرمیشم نه باغون ایاخلامیشام حسین من او زینبم که بو شهریده علم قیامی اوجاتمیشام یوخودان بو خلقی اویاتماقا گجه لر خرابه ده یاتمیشام باشیم اهل شامه اگلمیوب دانیشوب حماسه یاراتمیشام یتش ایندی دادیمه هاردا گور دیزیمی قوجاخلامیشام حسین

💧زبانحال زینب(س) در قتلگاه💧 بانوای:#کربلایی_منوچهر_حسن_زاده شاعر:#استاد_نادر_بابایی قارداش یاسوندا نظم جهان بَرهَم آغلیار سُکّان عَرشه نَصب اولونان پرچم  آغلیار غم چَترینی آچوبدی فلک بو مکانیده درد آغلیار بو حالووَه قارداش غم آغلیار اولمازسنون کیمی اوروج اَلده ئولن اَخا آدون گلنده ، مَحرم  و نامَحرم  آغلیار آخر  وداعووِین  هَله ده داغی سینه دَه داغلار بو نسگیلونده سنه هردَم آغلیار کرب و بلایه گلسه اگر قاره بیر  دومان گوز یاشیمه باخاندا  اودا نَم نَم  آغلیار دور  باخ  رَشیده زینبوون  روزگارینه ایندی اولوبدی گور نجه قَدّی خَم آغلیار کرب وبلاده قالماقا یوخ قسمتیم حسین داغ داش اولار بو یولدا منه هَمدم آغلیار قوی تاپشوروم جَنازووِی صُبحون نَسیمینه عطرون یایلسا گُلشن اَرا  شبنم  آغلیار قاره یل اَسدی توز بورودی گُل جنازووی باغلانمیان  یارالارووا  مَرهم   آغلیار لیلایلن  رباب  یانان  خیمه گاهیده اوغلی ئولنلرون سنیچون باهم آغلیار (نادر)یازاندا خون دلیله بو نوحه نی گوردی که اَلده خامه دوتوب ماتم آغلیار کربلایی منوچهرحسن زاده

طفلان زینب (ع) بانوای:#کربلایی_منوچهر_حسن_زاده سنه هدیه دی مندن ایکی اوغلوم حسین جان بیری اکبره قربان، بیری اصغره قربان حسین جانم حسین جان (2) . دلِ زینبه بیر باخ، دوشوب سوز و گدازه قسم وئرّه م اؤرکدن سنی شاه حجازه تلطّف ائله قارداش! بولاره وئر اجازه بو عون و بو محمد، بو ایثار و بو میدان بیری اکبره قربان، بیری اصغره قربان حسین جانم حسین جان (2) . علی اکبر ئولندن دونوبدور قانا قلبیم غم و محنت اودوندا گره ک دیر یانا قلبیم اوغول داغی چکم تا یانیب اودلانا قلبیم گره ک دیر اولا قربان ره عشقه بو طفلان بیری اکبره قربان، بیری اصغره قربان حسین جانم حسین جان (2) . حسین! سن سن ازلدن منیم روح و روانیم فدا جانیوه اولسون بوگون غصّه لی جانیم یولوندا آخا ای کاش منیم ده یئره قانیم دیء آمین بو دعایه قبول ایلیه سبحان بیری اکبره قربان، بیری اصغره قربان حسین جانم حسین جان (2) . باجی قارداشا قربان روادی اولا ای کاش باجون زینبه بیر باخ دئمور وئر منه پاداش دیور سال یولا گئتسین جهاده ایکی قارداش بولار هر بیری بلکه اولا قانینه غلطان سؤزیمی یئره سالما گلِ یاسیمه خاطر هم اکبر همی اصغر، هم عبّاسیمه خاطر بو طفلانه عزیزیم جوان قاسیمه خاطر اوزون اللریویله گییندیر کفن الان ملولم منه خوشدی دئییم بیله بو چولده گوزوم یاشی سزادی دؤنه سیله بو چولده منیم عرضیمی لطف ائت قبول ایله بو چولده بولار باتماسا قانه اولار عشقیمه نقصان بولاره گوره قارداش قرا باغلامارام من دئمم وای ایکی اوغلوم اؤره ک داغلامارام من باخوب نعش لرینه یقین آغلامارام من سنه آغلیارام تک نقدری اولا امکان

شهادت امام حسن عسکری علیه السلام سبک میگذرد کاروان به قلم کربلایی صابرثمودی 🏴🏴 حضرت مهدی آقا.تسلیته گلمیشوق وئرماقا باش ساغلیقی تعزیته گلمیشوق شیعه لر بو گونده آغلیار سینه سین بو غمده داغلیار رهبریم سروریم تسلیت. ای منیم دلبریم تسلیت یا مهدی جان یا مهدی جان یا مهدی جان یا مهدی جان 🏴🏴 معتمد بی حیا ظالم پست و پلید حاکم بی شرم و دون ظلمی اولوبدی شدید زهر وئروب جبریلن ائتدی آتاوی شهید سینه سی ظلمولن اودلانوب جگری زهریلن دوغرانوب رهبریم سروریم تسلیت ای منیم دلبریم تسلیت یا مهدی جان یا مهدی جان یا مهدی جان یا مهدی جان 🏴🏴 غرق عزا اولموسان بو گئجه شاه جهان غصه لی سن غملی سن چون آتاون ئولدی جوان اشکون اوزه سیدی سیل تک اولدی روان دردیمون درمانی آغلاما گوزلرون قربانی آغلاما 🏴🏴 بو گئجه چون سوندی شمع دوره ده پروانه سی یومدی گوزون باغبان غملیدی ریحانه سی سیلدین اوزوندن ترین سن کیمی دردانه سی سینوی غملن سن داغلوسان آتا باشی اوسته آغلوسان 🏴🏴 سسلدی داده سنی گل دئدی جان اوسته یم گل باشیمی آل دیزون اوسته اوغول خسته یم سو گتور اوغلوم منه مهریوه من بسته یم باباوا سو وئردون سن آقا بوردا یاده دوشدی کربلا 🏴🏴🏴🏴 کرب و بلاده ولی اولمادی بیر سو وئرن نهره باخوب گوزلری اولمادی احسان ائدن ووردی قلینج نیزه اوخ اول شهه گلیب گئدن جسمینده یاره لر قان وئروب سو یانیندا تشنه جان وئروب 🏴🏴🏴🏴 جدیوه آغلار گوزوم هر گئجه گوندوز آقا سسلیرم یاره لی جسمیوه جانیم فدا وئر سن اوزون تذکره سامرا هم کربلا (ثمودی) دلده آه ونوا حسرتی سامرا کربلا 🌴🌴🌴🌴🌴🌴🌴 ‌

✅ حضرت امام حسن عسگری ✍🏾 ابوالفضل عباسی معروفان اهری ( معروف ) نوحه شهادت امام حسن عسکری (ع) تمام شیعه لر گلوب نوایه یابن العسکری باشیندا قاره سنده گل عزایه یابن العسکری باشا قاره باغلیاروق آقا بو عزاده آغلیاروق آقا امام انس و جان ئولوب ولی شیعیان ئولوب بو درده آغلاروق آقا امامیمیز جوان ئولوب فلک آغلیور ملک آغلیور سینه ده یانان ئورک آغلیور ئورک دوشوب تلاطمه تاپوبدی عمری خاتمه خبر چاتوبدی جنته گیوبدی قاره فاطمه دیور آی اسیر محن بالا سنه جان فدادی حسن بالا اگر چه فخر شیعیان ستمدن اولدی باغریقان ائوینده یومدی گؤزلرین سو ایچدی جان وئرن زمان ولی تشنه شاهه جانیم فدا بیر ایچیم سو وئرمدی اشقیا #ابوالفضل_عباسی_معروفان_اهری ﷽ 🎙 اجرای سبک 👇 ✨اَللّهُمَّ عَجِّل لِوَلیِّکَ الفَرَج✨💫