شعر نوحه شهادت والد مکرم صاحب العصروالزمان امام حسن عسکری (ع) ✍حجت مرتضایی(کیان) سبک عموغلی چوخ گول سارالار غریب آتان زهریلن ئولوب سامراده یامهدی سامراده یامهدی باشون ساق ای پور عسکری بوعزاده یامهدی بوعزاده یامهدی وروبدی زهرجفا اونا معتمدعباسی معتمدعباسی اورکده واردی گول آدینه شیعه یانون احساسی شیعه یانون احساسی بوگون تمام جهانیده واردی مجلس یاسی واردی مجلس یاسی قراگیوبدی بو ماتمه نه سماده یامهدی نه سماده یامهدی گهی ادوب معتمد اونی بارگاهینه احضار بارگاهینه احضار گهی آپاردی حضورینه ایلدی اونی اجبار ایلدی اونی اجبار ربیع الاولده ایلیوب زهریله اونی بیمار زهریله اونی بیمار گرگ اورکلر اولا حزین بوجفاده یامهدی بوجفاده یامهدی اولاردی تحت نظر آتان بیرمحل غربتده بیرمحل غربتده تمام عمرونده قالدی او غصه لرده محنتده غصه لرده محنتده قالوبدی بیرپادگانیده معرض جسارتده معرض جسارتده یانار ا ونا هم غریبه هم آشناده یامهدی آشناده یامهدی جوانلیقیندا اولوب آتان آغلیار اونا زهرا آغلیار اونا زهرا قرا گیوب شیعه لر بوگون غرق غمدی سامرا غرق غمدی سامرا ویرورباشا سینه زن بوگون ذکری آه واویلا ذکری آه واویلا جناندا غمگین اولوب آقا مرتضاده یامهدی مرتضاده یامهدی ورنده جان سسلدی سنی گل بالا منه آغلا گل بالا منه آغلا بیوردی ای وارث حسین گوزلریمی گل باغلا گوزلریمی گل باغلا دوداقیوی قوی دوداقیمه بیرآتاوی قوجاقلا بیر آتاوی قوجاقلا یوخومدی چون بیرکسیم منیم بوسراده یامهدی بوسراده یامهدی آتان غمی سختیدور سنه یابن العسکری مولا یابن العسکری مولا بیزایلوروک عرض تسلیت شیعه رهبری مولا شیعه رهبری مولا کیانه ده بیرعنایت ایت قووما نوکری مولا قووما نوکری مولا نصیب ایله بیرزیارت کربلاده یامهدی کربلاده یامهدی ✨ اَللّهُمَّ عَجِّل لِوَلیِّکَ الفَرَج✨💫

#امام_حسن_عسکری_ع_شهادت 🎤کربلایی سعید سلطانی #نوحه #ترکی

▪️احوالات حضرت امام حسن عسکری علیه السلام ✍بقلم استادکربلایی رحیم شایان 🎼 سبک :ای صفای قلب زارم... —--------------------------------- نفسیم دوشدی شماره مهدی اوغلوم هارداسان گل قولاقون ویر آه و زاره مهدی اوغلوم هارداسان گل یتوب وقت سفر گلوب پیک اجل آنام زهرا گلوب یوبانما سنده گل گل ای روح و روان گل ای آرام جان گل ای صاحب زمان گل ای صاحب زمان —--------------------------------- آتاوین حالی یاماندی زهر کین دن باغریقان دی منی مسموم ایلیوبلر معتمد ظلمی عیاندی اهل بیتیم اوخشویوللار عسگری الله جوان دی ولی یوخ تقدیره چاره مهدی اوغلوم هارداسان گل یتوب وقت سفر گلوب پیک اجل آنام زهرا گلوب یوبانما سنده گل گل ای روح و روان گل ای آرام جان گل ای صاحب زمان گل ای صاحب زمان —--------------------------------- یرمی دوققوز ایلده چاتدی باشه عمروم بو جهاندا سامرا ده بیر کسیم یوخ باشیم اوسته جان چیخاندا گوزلریم قالدی یولوندا اول جمال دلرباندا قلبیم اولدی پاره پاره مهدی اوغلوم هارداسان گل یتوب وقت سفر گلوب پیک اجل آنام زهرا گلوب یوبانما سنده گل گل ای روح و روان گل ای آرام جان گل ای صاحب زمان گل ای صاحب زمان —--------------------------------- منه تای مظلوم اوءلن یوخ غربت اءلده بیر گلن یوخ طول عمروم حصریدیدیم بیر منی آزاد ایدن یوخ لحظات آخریمدی گوز یاشیمی بیر سیلن یوخ دوشدوم حال احتضاره مهدی اوغلوم هارداسان گل یتوب وقت سفر گلوب پیک اجل آنام زهرا گلوب یوبانما سنده گل گل ای روح و روان گل ای آرام جان گل ای صاحب زمان گل ای صاحب زمان —--------------------------------- منه نور هر دو عین سن نایبیم سن جانشین سن شیعیانه هر زاماندا ملجا و حبل المتین سن هم عزادار حسینی هم که خونخواه حسین سن راهیَم کوی نگاره مهدی اوغلوم هارداسان گل یتوب وقت سفر گلوب پیک اجل آنام زهرا گلوب یوبانما سنده گل گل ای روح و روان گل ای آرام جان گل ای صاحب زمان گل ای صاحب زمان

#امام_حسن_عسکری_ع_شهادت 🎤کربلایی سعید سلطانی #نوحه #ترکی

🏴( نوحه شهادت امام حسن عسکری علیه السلام)🏴 🎶( درآهنگ شبانگاها) ...‌ بوگون باتدی آفتاب ولا غملی یل اسدی کون امکانه باشا سالدی فاطمه قاراسین باغ جنتده گلدی افغانه دیدی حسن عسکریم ئولدی محن تیری قلبیمی بولدی اغلارام اوغلوم اغلارام اوغلوم جفای دشمن من زاری قویدی بوگونده اوغلوما حسرت الی سینسون ویردی زهرجفاایلدی مسموم پست بی فطرت یتیم قویدی قائم عصری بوغمه اغلار مهدی حجت نجه یانموم بومصیبتده توکمیوم اشگیم بحر طوفانه گلون داده وای بالام ئولدی جفا تیری قلبمی بولدی اغلارام اوغلوم اغلارام اوغلوم جنایات معتمدایلیوب قلبمی شان شان ای حق داور سالوب دلدن فاطمه بالاسین شیعه لر اقاسین کان بد اختر جوان ئولدی بوبالامدا منیم عین لیلانون دلبری اکبر بو محنتده وای حسن دیرم باشیمی اچارام گلم افغانه دیرم ایوای بالام ئولدی محن تیری قلبمی بولدی اغلارام اوغلوم .اغلارام اوغلوم داخی گورمز بیر بیله مظلوم جان ویرن حسرت عالم دیگر اولوب ایرمی سگز ایل عمری نوجوان گیتدی بو حسن عسکر ایدوب تشییع گل جنازه سینی مرد وزن سسلوب هارداسان حیدر نوون اکبر تک جوان ئولدی ساق اولا باشون گل یانا یانه دینن ایوای عسکریم ئولدی محن تیری قلبمی بولدی اغلارام اوغلوم اغلاارام اوغلوم بیر آیری کرب وبلا اولدی سامرا شهری اه واویلا دیدیلر ایوای اقام ایوای یاده تیز دوشدی روز عاشورا اودمده که اوغلونی تاپدی قوملار اوستوندن شاه کرمنا دیدی اوغلوم اچ گوزون بیرده باخ باشون اوسته چشم نالانه دیدی زینب گل بالام ئولدی جفا تیری قلبمی بولدی اغلارام اوغلوم اغلارام اوغلوم #شهادت_امام_حسن_عسکری_علیه_السلام

🏴شهادت امام حسن عسکری.ع.🏴 ایکی امامی جوان ئولدوروب‌دی اهل جفا بیری امام محمدتقی‌دی اِبن رضا.ع. ایگیرمی‌بئش ایل اونون عمری اولدی دنیاده شهادتینده گلیب عرش و فرش فریاده ایکینجی شهدشهادت ایچن امام جوان آدی حسن‌دی اونا یاس دوتوب‌دی کون‌ومکان گؤر اؤن‌بیرینجی امامین ملال و محنتینی ورقله دفتر آلامی یاز مصیبتینی ایگیرمی‌دوققوز ایل عمرین‌ده باغری قان یاشادی جفای امّت نادان‌دن نهان یاشادی او قدری ظلم ائلییب حضرته بنی‌عباس فشار و ظلمینی ‌آرتیردی قوم حق نشناس امامت امرینه نَصّ اولدو آلتی‌ایل دارا وجود اقدسینه فخر ائدردی ارض و سما اوچ ایل امام حسن عسکری او میر جوان بهار عمرینی سالدی حصارینه زندان قالیبدی اوچ ایلی زنداندا چون امام شریف واریدی حاکم زندانی«صالح‌ابن‌وصیف» ایکی غلام شروری موکّل ائتمیشدی ائده او حضرته آزار همدل ائتمیشدی غلام‌لر بئله تعریف ائدیر قضایانی کِاَنَّ عمریمیزین اَوّلیدی پایانی گونوز اطاعته مشغول‌دی صیام‌ایله گئجه زمانی ائدیر ذِکر حق قیام‌ایله گؤرنده صورت مولانی اَسدی دیزلریمیز او ماه صورته مجذوب اولوب‌دی گؤزلریمیز گونوز اوروج توتور اول محبس ایچره یالقیز امام گئجه زمانی ائدیر ذِکر ذات حقّه دوام نماز وقتی دعاسین‌ده چوخ اثر واریدی حزین سسیله گؤزل گؤزده اَشکِ تر واریدی غلام‌لر آقانین گؤردولر عبادتینی گئجه نمازینی گوندوز صیام و طاعتینی معاشرت‌ده آلیبدور نتیجه هر ایکیسی طلای خالصه تبدیل ائدیبله قلب مسی نقدری حضرته چوخ تنگ اولوندی دور زمان خلیفه‌ی بنی‌عباسی ائیلییب نگران ایکی غلام کی آزاد اولوب اسارتدن آلیبلا بهره هدایت گونو امامتدن «موفّق» آدلی خلیفه او مرد پست و لعین امامی شدّت آزاردن ائدیبدی غمین واریدی شخص جفاپیشه مرد تیره ضمیر صفات رذلینه آگاه‌ایدی صغیر و کبیر اونانجیب ستمکاردیر آدی«نحریر» موکّل اولدو امامه او فرد بی تدبیر ائدیب اذیت و ایذا امام والایه او مرد بی‌ادب عاقّ اولدو آل طاهایه جوان امام مریض اولدی کنج زندان‌دا دوشوب‌دی بستره زندان ایچینده بحران‌دا سیاست‌ایله روانه ائدیبله منزلینه کی سِرّ مخفی مولا خلیفییه بیلینه گئجه گونوزلر اونا اؤن‌نفر محافظ اولوب بئشی گئجه بئشی گوندوز رقابت اوسته قالوب گزارشات وئریللر گئجه‌ایله درباره امامه باغلانیب هر سمت‌دن رهِ چاره خلاصه«معتمد»اؤز کینه‌سین عیان ائله‌دی تمام شیعه‌لرین گؤزیاشین روان ائله‌دی وئریب‌دی سَمّی غذادن اَوَل گونو شاهه علاجی اولمادی سگگیز گونو دوشوب آهه نتیجه سگگیز ماه ربیع‌الاول‌ده امام مفترض‌الطاعه غملی مقتل‌ده همان او زهر اثریندن شهید اولوب مولا باتیب‌دی ماتم عظمایه شهر سامرّا امام عصر آچیب باشینی ئورک داغلار تؤکر عذارینه گؤزیاشینی نهان آغلار او گون‌کی تعزیه‌دار اولدو شیعه‌لر یاندی جوان امامین عزاسی بونوعی باشلاندی اَیا امام حسن عسکری سنه قربان گلیب‌دی شیعه‌لرون یاسووه ‌ئورک‌لر قان دئییلله تسلیت اوّل‌ده ناگران بالاوا همان او پرده‌ی غیبت‌ده‌کی قالان بالاوا آقا امام زمان جانیمیز سنه قربان تمام عالم امکانیمیز سنه قربان آتان امام حسن‌ده قالاندا زنداندا وجود اطهرینی تب آلاندا زنداندا گتیردیلر ئوز ائوینده شهید اولوب آقاجان بو نیسگیلی نئجه بس ائیلییم بو جمعه بیان امام موسیِ کاظم‌ده اولدو زندانی ولیک چیخدی همان حبس‌خانه‌ده جانی ئولونجه توختامادی سینه‌ده ئورک یاراسی ئولوب‌ رطوبت زنداندا شیعه‌لر آقاسی او گول وجودینی جور و ستم اریتمیشدی صفای عمرینی زنجیر غم اریتمیشدی گلون دییک آقام ایوای زبانحالیلن ئولن غریب ئورکده غم و ملالیلن سلام اولا سنه ای گؤزیاشی دؤنن قانه سلام اولا سنه ای شمع عشقه پروانه سنون مصیبتووه جمله اهل غم آغلار یازاندا شاعر الینده«قیزیل‌قلم»آغلار

«گوزلرون قربانی هارداسان» یا مهدی ادرکنی سبک: می گذرد کاروان مصیبی تبریزی 🌷🌷🌾🌾🌷🌷 سرولرین قامتی قامتِ مهدیده دی ماه لرین طلعتی طلعتِ مهدیده دی . اهل کسا ئوزلری پنج تنین سوزلری فاطمه نین گوزلری صورت مهدیده دی . گوزلرون قربانی هارداسان؟ دردیمین درمانی هارداسان؟ . گوزلریمیز یولدا قالوب سن گله سن یابن الحسن یابن الحسن یابن الحسن . . . سن علوی زاده سن بیر شه آزاده سن گوزلریمیز یولدادی تا چاتاسان داده سن . حرمت سجاده سن ذائقۀ باده سن شیعه لرین رهبری هرایکی دنیاده سن . هجره وئر خاتمه هارداسان؟ یوسف فاطمه هارداسان؟ . گوزلریمیز یولدا قالوب سن گله سن یابن الحسن یابن الحسن یابن الحسن . . . باده وصلون جوشور ساغریمون اوستونه شعله چکور فرقتون مِجمریمون اوستونه . وورما گیلن سن قدم کوه و بیابانیده گل قدمون قوی آقا گوزلریمون اوستونه . وارسنه چوخ سوزوم هارداسان؟ یولدا قالدی گوزوم هارداسان؟ . گوزلریمیز یولدا قالوب سن گله سن یابن الحسن یابن الحسن یابن الحسن . . . عالمی محنت دوتوب بسط صفا سنده دی درده«مُصَیّـب» دوشوب بذل دوا سنده دی . کرب و بلا مُلکینه ظاهر اولان دمده گل جدّین حسینون گوزی گل کی آقا سنده دی . دوغراندی پیکرلر هارداسان؟ عطشان یاندی اصغرهارداسان؟ . گوزلریمیز یولدا قالوب سن گله سن یابن الحسن یابن الحسن یابن الحسن استاد مصیب تبریزی ✨اَللّهُمَّ عَجِّل لِوَلیِّکَ الفَرَج✨

خداحافظ آی جوان بالا آغلارام فراقونده بو دنیادن تیز دویان بالا آغلارام یانا یانا خداحافظ آی گوزوم نوری آغلارام فراقونده خداخافظ آی یامان گونده یاوریم خداحافظ گیجه گوندوز آغلارام بالا گیتمه یاوریم بالا گوزوم نوری مهربان بالام آغلارام خداحافظ مهربان بالام لای لای گیتمه سن بالام لای لای مداح اهل بیت حاج مرتضی صفری از استان آذربایجان شرقی شهرستان کلیبر

شهادت امام حسن عسکری (ع) ایستدی ائدسین اوزونن رفع تهمت مکریله معتمد توتدی استشهاد کذبی مطلبی گلدی اله یعنی بو سید ئوزی ناخوشدی ممکندی ئوله ایتدی مدرک بیر نچه امضانی یا صاحب زمان (شهرین بیوکلرین یغدی امام مسموم بسترده گتدی اورا  اولارین یاننا دیدی باخون ها بو مریضدی سحر دیرسیز خلیفه ئولدوردی استشهاد توتوبلا بیوکلرده امضالیب ) جمع ایدیب اعیان شهری مکریله ئوز باشینه جدیوی گلدی عیادت ایتماقا ئوز باشینه آچدی باشین ظاهرا رخصت ویروب گوز یاشینه کیم گوروب بو حیله شیوانی یا صاحب زمان گوزلرین آچدی امام عسکری زار و هزین صاق صولا باخدی گوروب ئوز باشی اوسته قاتلین چکدی بیر آه آغلادی کشف ایتمدی درد دلین دولدوروبدور دیده گریانی یا صاحب زمان یادیمه دوشدی بو یرده بیر مؤثر قائله بیر امامینده گوزی دوشدی ئولنده قاتله اوت توتوب یانام اولونجه آغلارام بو نیسگیله یاده سالدوخجا شه عطشانی یا صاحب زمان (گوردی جبرئیل او لای لای دین بدن  قالوب گونلر قاباقندا، بیر طرف ناله وفریاد اوغلی ئولن ننه لردی بیر طرف ناله و فریاد قارداشی ئولن باجیلاردی و بالاجا بالالاردی خیمده وبیر طرف صدای هلهله و پایکوبی و کف زدن دشمن بیر طرف بیر یارالی بدن بیر طرف الینه نیزه و شمشیرو خنجر آلان و بیر طرف بیر اورگی سنمس باجی که امیدین باغلامشدی قارداشنا اودا گوردی یارالی دوشوب قوملارین اوستونه خانمن هر یردن امیدی قطع اولدی یوزون توتدی گویه )

🏴شهادت امام حسن عسکری (ع) سبک : : می گذرد کاروان شیعه بو گون آغلیار سینه سینی داغلیار ئولدی امام عسکری باشه قرا باغلیار یابن الحسن تئز گل الامان العجل العجل الامان جانم مهدی جانم مهدی جانم مهدی جانم مهدی (۲) مرتضی آغلار بوگون مصطفی آغلار بو گون سیلی دئین یوزونه فاطمه آغلار بو گون یابن الحسن تئز گل الامان العجل العجل الامان جانم مهدی جانم مهدی جانم مهدی جانم مهدی (۲) مهدی بو گون آغلیار باشه قرا باغلیار آتا مصیبتینده سینه سینی داغلیار یابن الحسن تئز گل الامان العجل العجل الامان جانم مهدی جانم مهدی جانم مهدی جانم مهدی (۲) ✨اَللّهُمَّ عَجِّل لِوَلیِّکَ الفَرَج✨

خوش نواز مرندی: تسلیت به مناسبت شهادت جانگداز امام حسن عسکری(ع) شعر جدید احوالات امام حسن عسکری(ع) آتان دوشوبدی غم بی شماره مهدی جان دوزوبدی ظلمیله درد و فشاره مهدی جان بو آخرین دمی آل باشیمی دیزین اوسته ایشیقلانا گوزوم آی تک عزاره مهدی جان بو غربت  ایچره منی معتمد ایدوب مسموم جگرلریم دوتوب اوت اولدی پاره مهدی جان اسوبدی باد خزان برگ تک اسور بدنیم که یوخدی زره امیدیم بهاره مهدی جان غریب عالمم و گوز یوموب غریب ئولورم الیمده یوخدی داخی هیچ، چاره مهدی جان باشیمی آل دیزون اوسته منیله اوز اوزه قوی دویونجا بیرآتان ائتسون نظاره مهدی جان وور ایندی لبلریمه بوسه گور دوتوب نچه اوت دوشوب نفسلریم آخر شماره مهدی جان آتام مثالی اسیرم بو ملک غربنده سپاه کین منی سالمیش حصاره مهدی جان جوانلیفیمدا اوغول دویموشام بو دنیادن دونوبدی گوندوزوموز لیل تاره مهدی جان بو سامراده من ایللردی کی غریبم اوغول که دوشموشم وطنیمدن کناره مهدی جان بو غمده صاحب عزا صاحب الزمانسان سن سن دوتوب عزا منه گی همده قاره مهدی جان آدامسیزام غریبم یاسیمه گلن اولماز اوز  اللریله  منی  قوی  مزاره  مهدی جان آز اولدی عمریم انام فاطمه مثالی اوغول هزار اوف اولا بو روزگاره مهدی جان بو گونلریدی قورولدی سقیفه شوراسی گلور خیالیمه غملر دوباره مهدی جان آنامی ظلمیله ئولدوردی ثانی اللرده قاپیسی یاندی چکوب اوت شراره مهدی جان جوان بیر ئورتیدی حامیلیدی غملی ننم قاپی دالیندا سالیبلار فشاره مهدی جان بو محنت و غمه من چوخ یانوبدی آغلامیشام توخاندی سینه سی بیرمیسماره مهدی جان قاپی دالیندا سینیب ساغ الیله پهلوسی ننم اوگوندن اولوب بختی قاره مهدی جان‌ فدکده غصب اولوب هم جدیمون خلافتیده قباله نی ائلیوب ثانی پاره مهدی جان سینیدی کاش الی سیلی ووراندا زهرایه گویردی صورتی گوز اولدی یاره مهدی جان دگوبدی سیلی ساغا سول طرفده دیواره دوشوبدی کوچیه بیر گوشواره مهدی جان ددی گلون ننم ئولدی مدینه اهلی هارای که گلمدی داخی قلبی قراره مهدی جان اثر خوش نواز مرندی