تجــلیل از مــــــقام مــــــــادر اشاره به حالات حضرت زهرا (س) الهی گورمیه لر عمریده جفا ننه لر جهاندا اولمیالار درده مبتلا ننه لر ننه لرین غمین عالمده هر اوغول چکمز اوغول غمین چکر هر لحظه با وفا ننه لر ورالاّر ئوزلرینی اودلارا یامان گونده بالانی تا ائده لر غصه دن رها ننه لر بالا سیزیلداسا شاید چتین بیله آتالار ائشیتجگین ولی سسللّه جان بالا ننه لر بالانی راحت ائدندن صورا ییلله غذا بالا غذا یمیینجه یمز غذا ننه لر بالا مسافرته گئتسه تا گلینجه ائوه تیکلله گوزلرین هر لحظه یولاّرا ننه لر روا دگول بئله بیر مهربانی اینجیتمک خدا سئوَر بالالاردان اولا رضا ننه لر حدیثیدور بیزیچون خاتم پیمبردن مقامه باخ گورون هاردا گلوب هارا ننه لر بهشته گئتمیه جکلر بدون چون و چرا او کسلری که اورلاردان گوروب جغا ننه لر هر ائوده کی ننه واردی صفاسی وار او ائوین گلر گئدر او ائوه چونکه با حیا ننه لر هر ائوده کی ننه یوخدی صفاسی یوخ او ائوین آناسیز ائولره وئرمزله هئچ بها ننه لر ننه ئوله بالالاری اولالاّ پژمرده گورنده غصّه لنللر غم آشنا ننه لر دییللر آغلامیون چوخ ننه فراقینده شریک غمدی سیزه صبحیلن مسا ننه لر آلالاّ دوروزی رسم عزائیلن هر گون دوتالاّ مجلس غمده گوزا عزا ننه لر هره بیر اوخشاماقیلان پوزار بیر انجمنی دییلّه بزمیده چوخ غملی اوخشاما ننه لر گـــــــــریــــز ولی تمام آنالارداندا غملی بیر آنا وار اونون ئورکده اولان دردینه فدا ننه لر قالوبدی دورت بالاسی سینه داغلی گوز یاشلی آدی گلنده ائدر بزمیده نوا ننه لر غمی ورار بو آنانین شراره صبر ائوینه گونوز ئولوب گئجه امّا گئدوبدی قبر ائوینه دییردی اوز قزی زینب ائدون نوا ننه مه وطن خانملاری سیز ساخلیون عزا ننه مه منیم آنام یارالی قبره گئتدی دنیادن توکلّه گوز یاشی دائم بو دورت بالا ننه مه آنامین عمری آز اولدی ولی ئورک غمی چوخ نصیب اولوب بو جهاندا غم و بلا ننه مه آنامین اولمادی قارداشی تا کنارین آلا یامان گونینده اولا یار با وفا ننه مه آنام بو دهریده مظلومه دور آتام مظلوم یانار بو حالیله مظلوم اولان آتا ننه مه دیزین قوجاخلیوب آغلار گونوزلر ائوده آتام گئجه بقیعده گئدوب سؤیلر اوخشاما ننه مه بو ائوده دورت بالادور بیرده قلبی داغلی آتا بولاردان ئوزگه سی کیم وار مگر یانا ننه مه یاناندا درگهیمیز گلمدوز هراینه سیر گوریدوز اوندا ائدوللر ندن جفا ننه مه یاناندا درگهیمیز سسلدی ننه م امّا نه قونشی ائتدی کومکلیک نه آشنا ننه مه یاناندا درگهیمیز ئولدی قارداشیم محسن گویون ملک لری آغلاشدی بی نوا ننه مه یازار غمینده " حسین زاده " روز و شب نوحه خیــــــالی وار اولا زوّار بی ریا ننه مه برداشت از کتاب : دفتر عاشورا اثر استاد : حسین زاده #التماس_دعا

‍ ‍🥀🥀🥀🥀🥀🥀🥀 🥀🥀🥀🥀🥀🥀🥀              ﷽ #مجلس_جوان #دختر_و_پسر_ناکام #سبک_آخشام_اولدی_ننه ... #همه_جا_بروم ✍#شاعر_سیفی_آذری #ترکی اجرا : احسن دهقان #اللهم_عجل_لولیک_الفرج ❤️ آی گوزل جوانیم طاقتیم توانیم نازلی مهربانیم بیلمدیم عمرون گولی سولارمیش جوان ئولومی چتین اولارمیش بیگانه آغلادی 😭😭😭 ائل ماتم ساخلادی هجرون دل داغلادی دنیادن آخر جوان گئدوبسن گوز یاشیمی سن القان ائدوبسن جانه اود سالوبسان نه تئز آیریلوبسان هاردا بس قالوبسان نه تئز عمریوون چراغی سوندی طویون آی بالا عزایه دوندی دست اجل نئودوب جسمون قبره گئدوب فلک جفا ائدوب سن طوی گورمه میش قبره گئدوبسن منی هجرونده نالان ائدوبسن #مختص دختر جوان 😭😭😭 دئدیم طوی ائدرسن مراده یتر سن حجلیه گئدرسن نه طویون گوردوم نه شیرنون ایشدیم خلعت یرینه کفنون بیشدیم     #التماس دعای فرج     🥀🥀🥀🥀🥀🥀🥀 🥀🥀🥀🥀🥀🥀🥀 https://eitaa.com/Hazrate_Abalfazll

‍ یاروی گوردوم الیم بوینومدا قالدی فاطمه آچ گوزون باخ گور نجه حیدر قوجالدی فاطمه بوترابی عیبی یوخ تیره ترابه ساتموسان یات گجه لر یاخمیام زهرا نه راحت یاتموسان (یارالی زهرا گت سنی تاپشیردوم آلها) بیلمورم بو مدتی بویاریه دوزدون نجه سن حسینه الده بیر کوینک توخوردون هر گجه بیلمدوم زهرا چاره ایدردیم یاروه چوخ اورکلندیم اوتاندیم باخماقا رخساروه (یارالی زهرا گت سنی تاپشیردیم آلها) قاخمیوردی بیر الون روشندی بو مطلب منه کاش دیوردی سینوندا یارسین زینب منه ایلیوب الان قرانلوقدا حسینون سینه چاک عاجزم نیلیم اوشاقلارون ئوزین ایلور هلاک غسلیدن اَل ساخلارام فکر اتمه حیدر دینجلور من یودوخجا ایندی مسمارین یرینن قان گلور گوزلریمدن قان سوزور سینده کی یاره کیمی فاطمه آواریم طفلان آوارن کیمی (یارالی زهرا گت سنی تاپشیردیم آلها) من نه حاله قالمیشام گویا فقط زینب بیلور قالخزور خیردا الین گوز یاشیمی یوزدن سیلور وار قاباخدا آگهم نه ماجراسی زینبین بیرده باشیدن آچیلماز باش قراسی زینبین بو فلک قویماز قیزیم عمرینده لحظه دینجله قوی سنه غسل ایلیم زینبده اورگنسون هله بیر گونی زینب دوشر شامه وطندن دور اولار اوچ یاشیندا بیر قیزا غسل ایتمگه مجبور اولار #یاروی_گوردوم_الیم_بوینومدا_قالدی #فاطمیه

شعر از استاد مصیبی مداح مطلبی السـّلام  ای  خسرو  مُلک  خراسان  السلام چاره سیزلر دردینه ای آدی  درمان السلام گرم ائدن  بازارعشقی  رشک  وَجهالمنظرین یوسف   کنعان  خریدارین  رضاجان السلام صحن وایوانین مـُطاف عرشیان و فرشیان مفخر   کرّوبیان   سن سن   کماکان السلام ناز ائدن   جنـّات الاعلایه   صفالی   مأمنی عرشیان اول صحن وایوانه ثناخوان السلام کبر  نعلینین  چیخالدار وادی  طوسه   گلن طور سینادن   مقدس   مُلک  جانان السلام کِلک رحمت سینه لرده نقش احساسون چکن لوح جاه  و عزته ای عشقی عنوان السلام مظهر اسماءِ  اعظم  ،  حسرت  خُلد  برین لنگر بحر شرف وی عرشه  سُکّان السلام زائر صحن و رواقون  فیض عظمایه چاتان اشکبوس مرقدون  دیلدن غزلخوان السلام سن،علی اوغلی ؛ مگرمأیوس ائدرسن سائلی کوی احسانونده  ای سائل ؛ کریمان السلام دفترینده  آد  یازاندا   یاز  بیزی  خادیم   آقا السلام  ای   کشور  ایرانه   سلطان السلام

💚سرود میلادیه امام حسن عسکری💚 🎶باآهنگ ازنگاه یاران به یاران ندامی رسد.... فاطمه بالاسی گوزآچدی     بوگون دنیایا خلق ائدیبدی خالق گلوبدور وصی طاهایا اون اوچومجی معصوم آدیدی حسن عسکری هادی شاداولوبدورباخانداگوزل سیمایا نوره باران اولدی مدینه گلوبدورحسن عسکری گلدی بوجهانه        شادائتدی  یری،گویلری فاطمیله خوشحال ائدیبدی بوگون حیدری وارثی گلوبدور  گوزلدور    ناز ایلور     آیا فاطمه بالاسی گوزآچدی بوگون     دنیایا خلق ائدیبدی خالق گلوبدوروصی طاهایا هادی آدقویوبدوربوگونده اونا شاداولوب سویلویوب اذانلا اقامه  حسن    آداولوب شکرائدوب خدایه گوزلدی اواولاداولوب اون بیرایمجی وارث یارانموش بوگون مولایا فاطمه بالاسی گوزآچدی     بوگون دنیایا خلق ائدیبدی خالق گلوبدوروصی طاهایا شاداولوب حدیثه بالاسی     نازایلورآیا مهدینون آتاسون گتوردی بوگون   دنیایا واله اولدی    هرکیم     باخاندارخ زیبایا تعریفون یازاندا بوصاحب کی گلمزسایا فاطمه بالاسی گوزآچدی     بوگون دنیایا خلق ائدیبدی خالق گلوبدوروصی طاهایا باتبریک به امام زمان (ع)ومحبانش ✍حاج عباسعلی دهقان(صاحب)ارومیه۱۴۰۱/۸/۶ 🌹🌹🌹🌹🌹

زمینه ترکی اجرا:حاج مهدی رسولی گتدون سن سیز ئولرم زهرا دای سنسیز من گولمرم زهرا بالا لاریمی گوتورم من مدینه دن گدرم زهرا بو شهریده قالامرم یاراما دوز ویریلار حیدریوه گولولر سنه سیلی ویرانلار (خانم حیالی خانم-خانم وفالی خانم) ای مردم قلب علی خونه حال این روزام پریشونه دیگه بی زهرا میشم امشب اشک چشمام مثل بارونه خانم خونمون رفت با اشک بی امون رفت شبونه روی دشونه ام بانوی بی نشون رفت (خانم حیالی خانم-خانم وفالی خانم) رفتی دست حق نگه دارت سر شدن روزای دشوارت مهمون پیغمبری امشب ما هم میمونیم عزا دارت دل شکسته داریم چشمای خسته داریم خاطره های تلخ از دستای بسته داریم (خانم حیالی خانم-خانم وفالی خانم) #گتدون_سنسیز_اولرم_زهرا #فاطمیه #شور #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 تعرفه وتبلیغات این آیدی👇🏼 @kianatv @Hazrate_Abalfazll ---⊱✾♡✾⊰---

ای ناز ائلییه‌ن سینه‌ی پیغمبره زهرا بند دل طاها دیداریمیـزی قــوْیـدو فلــک محشـره زهـرا یانسێن بئله دونیا خانیم خانیم مهربان خانیم گوزلریوه قوربان دعا ائله من ده تز اولوم آی دیلیوه قوربان دونیا سنیلن ترسه مدار اۆسته دوْلاندێ ظۆلمینده دایاندی خیر گورمه سین دشمنیوی حقّیوی داندێ نه منده‌ن اوتاندێ اوْد ووردو عدو درگـه ایجـلالیـوه یانــدێ سینه‌ن یارالاندێ تۆش ائتدی گؤزه‌ل دامـه‌نیــوی آذره زهـرا یانسێن بئله دونیا دیداریمیـزی قــوْیـدو فلــک محشـره زهـرا یانسێن بئله دونیا خانیم خانیم مهربان خانیم گوزلریوه قوربان دعا ائله من ده تز اولوم آی دیلیوه قوربان سن همّت ایله دوْققوز ایل اوْلدون منه غمخوار ائی یار وفادار چنگال سیته‌م ائتدی سنی درده گیریفتار دیلخسته وْ بیمار چکدین شرری هئجریله چوْخ سینه‌مه داغلار قوْیدون منی آغلار آیدێن سحریم دؤندۆ منیـم محشـه‌ره زهـرا یانسێن بئله دونیا ظلم اهلی سالێب خیرمن آمالیوی ناره قوْزاندی شراره ناکس سنـی ووردوقـجـا علـی ائتـدی نظـاره باخ صبر و قراره نیسگیل بودو قوْیدوم سنی گیزلینده مزاره پهلولری یاره باخدێم نگران تئـز یـومـولان گؤزلـره زهـرا یانسین بئله دونیا خانیم خانیم مهربان خانیم گوزلریوه قوربان دعا ائله من ده تز اولوم آی دیلیوه قوربان قوْیدو سنی دونیای دنی خوْش گونه حسرت یات قبریده راحت عفـو ائیلـه منـی ساخـلامادێــم یاخچـی امانـت وار منده خیجالت باغـلار سینـه‌ویـن یاره‌سینـی ختـم رسالـت ای لاله‌‌ی جنّت خالیق یئتیرر قاتیلیوی کیفره زهرا یانسین بئله دونیا خانیم خانیم مهربان خانیم گوزلریوه قوربان دعا ائله من ده تز اولوم آی دیلیوه قوربان #ای_ناز_ایلین_سینه_پیغمبره_زهرا #فاطمیه فایل صوتی👇👇👇 #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 تعرفه وتبلیغات این آیدی👇🏼 @kianatv @Hazrate_Abalfazll ---⊱✾♡✾⊰---

نوحه شهادت حضرت زهرا (س) باخ علی گوزلریمه غصه لی سوزلریمه لطف ائدوب ایله عمل بو وصیتلریمه غسلومی وئر گئجه دفن ایله منی سنه تاپشوردوم حسین و حسنی 🌴🌴🌴🌴🌴🌴🌴🌴🌴🌴🌴 آز ملال ایله علی آز خیال ایله علی باغریقان فاطمه نی گل حلال ایله علی تک قویور فاطمه وجه الحسنی سنه تاپشوردوم حسین و حسنی آی منیم دادرسیم منیم عشق و هوسیم باشیم اوسته گل اوتور داخی چخمور نفسیم ترک ائدور فاطمه بیت الحزنی سنه تاپشوردوم حسین و حسنی سیلی دگدی یوزومه اثر ائتدی گوزومه گوردو آغلور حسنی منیم آخر سوزومه کوچه ده گوردی او درد علنی سنه تاپشوردوم حسین و حسنی سینه مون وار یاراسی یارامون یوخ چاراسی یاره مه باعث اولوب در و دیوار آراسی ائتدی مسمار پر افتاده منی سنه تاپشوردوم حسین و حسنی منه یاس ساخلیاسان اوخشیوب آغلیاسان گلن اولماز یاسیما قاپلاری باغلیاسان بالالار گرم ائده بزم محنی سنه تاپشوردوم حسین و حسنی قاپوم اوتلاندی منیم شهپریم یاندی منیم سینه مون آخدی قانی کوینگیم قاندی منیم زینبیم گورمیه اول پیرهنی سنه تاپشوردوم حسین و حسنی عشقیمی آتمیاسان منی آغلاتمیاسان یاتمیونجا زینبیم لطف ائدوب یاتمیاسان قویما پوزقون گوره سولموش چمنی سنه تاپشوردوم حسین و حسنی #باخ_علی_گوزلریمه #فاطمیه #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 تعرفه وتبلیغات این آیدی👇🏼 @kianatv @Hazrate_Abalfazll ---⊱✾♡✾⊰---

‍ ✅ حضرت فاطمه زهرا ( س ) 🌺 نوحه شهادت حضرت زهرا (س) ای مونس و یار علی یار وفادار علی پشت و پناه مرتضی زهرای غمخوار علی ایاقه دور بی کمک قالان حیدرم من فراقینده قلبی اوتلانان حیدرم من ندیم زهرا درد هجرانه یوخدی چاره منی تک قویدون هارا گئتدون سینه یاره مهربان فاطمه قلبی قان فاطمه 🔸🔸🌹🔸🔸🌹🔸🔸🌹🔸🔸 دلخسته یاریم فاطمه دار و نداریم فاطمه سولدون سارالدون غصه دن سولدی بهاریم فاطمه جوان زهرا هجروه باشه قاره سالدیم غمیم چوخ یوخ غمگساریم آواره قالدیم الی قوینوندا فلک قویدی من غریبی سنون یارون تک بودردین یوخدور طبیبی مهربان فاطمه قلبی قان فاطمه 🔸🔸🌹🔸🔸🌹🔸🔸🌹🔸🔸 سن سیز جهانی نیلرم جسمیمده جانی نیلرم یوخ محرمیم سینمده کی درد نهانی نیلرم غمون چوخ گلدی آغیر مهر و ماهه زهرا گرک دردیم من دییم سن سیز چاهه زهرا منه دوقوز ئیل شریک درد و غم اولدون وجودین یوردی بلالر قدی خم اولدون مهربان فاطمه قلبی قان فاطمه 🔸🔸🌹🔸🔸🌹🔸🔸🌹🔸🔸 باخ زینبون آغلور گوزی ایوای ننم اولموش سوزی بنذور قنادسیز بیر قوشا غم غصه دن سولموش یوزی دیور الله دویمادیم من غملی ننمدن آنامین دردی ئولونجن چئخماز سینمدن نجه من طاقت ائدیم بو درده الهی آچیق قالدی جا نمازی یئرده الهی مهربان فاطمه قلبی قان فاطمه #ای_مونس_و_یار_علی #فاطمیه #معروفان #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 تعرفه وتبلیغات این آیدی👇🏼 @kianatv @Hazrate_Abalfazll ---⊱✾♡✾⊰---

✅واحد در سبک بسیار جدید گوزلرون آچ یاتما بئله زهرا حیدری آغلاتما بئله زهرا زینبوون گوزیاشینا رحم ائت ماه علی باتما بئله زهرا آه ای منیم تاج سریم_آه منه نور بصریم۳ نطقه گل فاطمه جان بار بلا یوردی سنی خجلتم ختم رسل کی منه تاپشوردی سنی نقدر یاره لرین گیزلدیسن یارینن بیلیرم من که مغیره نقدر ووردی سنی (فاطمه جان علی فاطمه جان علی) باخ بو یانان قلبیمه سن زهرا. ایله دوا دردیمه سن زهرا باغریمی قان ایلییب هجرانون ایله نظر صبریمه سن زهرا آه ای قرار حیدر_آه ماه تار حیدر۳ ای منیم خسته نگاریم نیه محزون گئدوسن قولی بازوسی یارالی دلی پر خون گئدوسن جان حیدر بو بالالاریوی بیر باغریوا باس دلشکسته گئدوسن قلبیده محزون گئدوسن (فاطمه جان علی_ فاطمه جان علی) #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 تعرفه وتبلیغات این آیدی👇🏼 @kianatv @Hazrate_Abalfazll ---⊱✾♡✾⊰---

زبانحال حضرت زهرا سلام الله علیها . مرحوم سید حسین رجایی . گل عمو اوغلی باشیمی آل دیزیوه توکمه گوز شبنمیوی گل یوزیوه آیریلیق دوزدی چتین مرحله دی آغلاما فاطمه قربان گوزیوه . . یتشوب موسم هجران اولورم غصه دن باغریم اولوب قان اولورم یوخ ئولوم دردینه درمان اولورم آغلاما فاطمه قربان گوزیوه . . دولدوروب سینه می اندوه و محن گدیرم محضره پیغمبره من دویموشام بو دیریلیقدان بولوسن آغلاما فاطمه قربان گوزیوه . . هجر پیغمبره یوخ منده دوزوم آغلری بسر نچه مدّتدی گوزوم گوزلوری قابض الارواحی گوزوم آغلاما فاطمه قربان گوزیوه . . گل غنیمتدی بو آخر نفسیم صون نفسده منیم اول دادرسیم بولوسن ئولماقا وار چوخ هوسیم آغلاما فاطمه قربان گوزیوه . . حقیمی اهل جفا الدن آلوب غصّه تاثیریدی رنگیم سارالوب سنه نسگلدی الیم یوزده قالوب آغلاما فاطمه قربان گوزیوه . . نه روا مجلس شورا قورالار رای آلوب درگهیمی یاندیرالار نیلمیشدیم منه سیلی ورالار آغلاما فاطمه قربان گوزیوه . . بزم خلوتگه یاره گدیرم دلخوشام وصل نگاره گدیرم حیف اولا سینه ده یاره گدیرم آغلاما فاطمه قربان گوزیوه . . بزم یاره هر او کس دعوت اولور زینتی فاخر و پرقیمت اولور محسنین قانی منه زینت اولور آغلاما فاطمه قربان گوزیوه . . دیسه جدّیم که بو رخساره ندور یوزده کی سینه ده کی یاره ندور نه دیوم من باباما چاره ندور آغلاما فاطمه قربان گوزیوه . . سنی شاهد توتورام بو سوزومه لیل تار اولدی ایشیق گون گزیمه دییرم سیلی ویربلار یوزمه آغلاما فاطمه قربان گوزیوه . . سنه قورموشدوم او گون بزم عزا هله یاسلیدی هامی آل عبا وردیلار اوت قاپیه اهل جفا آغلاما فاطمه قربان گوزیوه . . بیر یارام وار یاراسی گتمیه جاق حشر اولونجا منی ترک اتمیجاق قنفذین قمچی یری گتمیه جاق آغلاما فاطمه قربان گوزیوه . . ولی بو سینه مین آثاری بابا کشف ایدیر ضربت مسماری بابا بویادی قان در و دیواری بابا آغلاما فاطمه قربان گوزیوه . . حکم اولوب ظلمیده حدّدن چخالار منی ضرب لگدیله یخالار در و دیوار آراسیندا یخالار آغلاما فاطمه قربان گوزیوه . . هر بلا گلدی دوزوب غم یمدیم حق رضاسی واریدی اینجیمدیم دین یولیدی دایانوب لا دیمه دیم آغلاما فاطمه قربان گوزیوه . . قوی ئولوم قورتولوم ای شاه زمن قالمیوم بو غم ایامیله من سرّیمی غسل ورنده بولسن آغلاما فاطمه قربان گوزیوه . . ای رجایی سوزون آغلاتدی منی پور بینا گتوروب شوره سنی گوردی تا آغلادی بو سر سخنی آغلاما فاطمه قربان گوزووه . #گل_عم_اوغلی_باشیمی_آل_دیزیوه #رجایی_تبریزی #فاطمیه فایل صوتی👇👇👇 #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 تعرفه وتبلیغات این آیدی👇🏼 @kianatv @Hazrate_Abalfazll ---⊱✾♡✾⊰---

منیم وفالی همسریم                          آغلارام زهرا بقیعده قالدی گوزلریم                          آغلارام زهرا بو زندگیده خیر یوخ فاطمه سنسیز گوزیمده وار دیرسن اوخ فاطمه سنسیز بوقان اورک داریخدی چوخ فاطمه سنسیز ئورکده قالدی اللریم آغلارام زهرا  وای زهرا وای زهرا بقیعده مجلس ایلرم هر گجه برپا تک اگلشوب تک آغلارام دردیمه زهرا سسیمه سس ویرر فقط ئوز سسیم تنها آدون اولوبدی ازبریم آغلارام زهرا وای زهرا وای زهرا مزاریون داشین گلیب اشگیله سیلّم ائشیتمه سم گوزل سسون غصّه دن ئولّم گجه اولاندا قبریوه تک دوروب گلّم یاران ساغالدی دلبریم آغلارام زهرا وای زهرا وای زهرا فلک الیمدن آلدی بیر باوفا همسر سن اولماقیلا دهریده تک قالوب حیدر الیم، دلیم، قاپیم، منیم باغلانوب یکسر قرانلق اولدی گونلریم آغلارام زهرا وای زهرا وای زهرا قویاندا قبره جسموی کاش ئولیدیم من بئلیم بوکولدی فاطمه بو مصیبتدن قوجاخلیوبدی دیزلرین مرد خیبرکن باتوبدی ماه انوریم آغلارام زهرا وای زهرا وای زهرا بلال شامیدن گلوب حیدره غمخوار بیلوبدی ئولماقون سنون سینه سین داغلار حسینه گه اذان دییر گه ئوپوب آغلار موذن پیمبریم آغلارام زهرا وای زهرا وای زهرا حسین بلاله یالوارور ایلوری شیون حزین سسیله ای عمو بیر اذان سسلن آنام گلر ائوه اگر سن اذان وئرسن داریخدی قلب مضطریم آغلارام زهرا وای زهرا وای زهرا حسینی ساخلاماق اولوب چوخ بیزه دشوار یوخودا هی گورور سنی دیسگنوب آغلار قبولی یوخ آناسینی ئولدوروب مسمار دیور هایاندا مادریم آغلارام زهرا وای زهرا وای زهرا اولوبدی «عینی فرد» گِنه دیده لر گریان دیور آنام وای آغلوری شاه مظلومان علی دیلیجه یاز سوزون مطلعین باشدان منیم وفالی همسریم آغلارام زهرا وای زهرا وای زهرا #منیم_وفالی_همسریم #عینی_فرد #فاطمیه فایل صوتی👇👇👇 #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 تعرفه وتبلیغات این آیدی👇🏼 @kianatv @Hazrate_Abalfazll ---⊱✾♡✾⊰---

شهادت حضرت زهرا عم اوغلی دل نار غمه داغلاما سنه قربان سن آغلیسان من دوزنمیرم آغلاما سنه قربان عم اوغلی گل محفلی بیرمحفل وصال ایله قاباقکیلار مثلی گینه رفع هر ملال ایله ایاقووا دای دورانمورام گل منی حلال ایله  ندیم عم اوغلی یورولموشام چوخ یوروب منی دوران اگرمن ئولسم عذاریوه سیل اشکیوی، آشما فراقیمه صبرایله علی ،قلبه تیرغم ساشما حسن یانندا عم اوغلی چوخ کوچه صحبتین آشما چیخا علی بلکه کوچه نین دردومحنتی یاددان او بلبلم کام آلانمادیم بیردویونجا گلشندن همیشه غم غصه عمروده همره اولدولار مندن اگر چه گیتماقه راضیم دویمادیم ولی سندن ایدیم نه چاره گرک گیدم دعوت ایلیوب جانان بجادی نار فراقیمه سینه یاندیرا زینب اورک خم درد و محنته یا بویاندیرا زینب نه وقتیدی ایندیدن هله ائو دولاندیرا زینب هله بونا تزدی غصه دن نی کیمی ایده افغان بوغم منی نا گران ایدیب ای شهنشه دوران اجازه ویر دل ملالینی ایلیوم سنه اعلان حسینه وقتینده سو ویرین قویمیون قالا عطشان ایچنده سو لبلریندن ئوپ یادایله منی هرآن اگر چه دلگیرم علی وار رمق هله تنده ئورکده وار آرزوم اوتور منده عهد ایدیم سنده حسین دوشنده چوخور یره سنده گل علی منده گلنده بیر کاسه سو گتور؛سوگرک ایچه قربان #عموغلی_دل_نار_غمه #فاطمیه فایل صوتی👇👇👇 #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 تعرفه وتبلیغات این آیدی👇🏼 @kianatv @Hazrate_Abalfazll ---⊱✾♡✾⊰---

کوچه های سینه زنی حضرت زهرا علیها سلام سبک: شبانگاهان اباصالح شیعه یاسه باتوب شیون عرشه چاتوب هارداسان مولا بقیعه گل وور قرا علمی یوخ آنان حرمی هارداسان مولا دیوللر زهرا جوان ئولدی      جوانلیقدا قد کمان ئولدی      یا اباصالح2 اباصالح باغ دین سارالوب مرتضی قوجالوب هارداسان مولا دگوب سیلی فاطمه یوزینه دولدی قان گوزونه هارداسان مولا نهان اسراری دیوم یا یوخ    غم مسماری دیوم یا یوخ        یا اباصالح2 کلامی #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 تعرفه وتبلیغات این آیدی👇🏼 @kianatv @Hazrate_Abalfazll ---⊱✾♡✾⊰---