زبان حال حضرت علی (ع) در شهادت حضرت زهرا (س) یارسول الله قلبیم داریخدی گئتدی اویمدن دلداریم ئولدی

روضه حضرت زهرا(س) ای صفای خانه من الوداع گرمی کاشانه من الوداع الوداع ای یار هجده ساله ام الوداع ای یار سیلی خورده ام الوداع ای غنچه پژمرده ام ای هم آوای علی تنها مرو بی کسم من بی کسم زهرا مرو با فراغ خود سیه پوشم مکن من غریب هستم فراموشم مکن ********** گوزلریم ایوده بو دیوارو دره دوشدوخجا فاطمه بیر بولور الله نه مشقت چکورم داد اوغمدن که قیزون گلدی دیسون ئولدی ننم باخدی گوردی باخورام الره حسرت چکورم سن گیدنن گونوز ایوده گئجه چولده یاشورام تار اولوب گون گوزومه دائمی ظلمت چکورم نیلییم الریمی باغلادی تقدیر قضا گوشه گیرم ئوز ایویمده هله غربت چکورم فاطمه بیر گئجه معناده عقلا ایوه گل گور حسین ناز الدیقجا نه محبت چکورم آچیخ اولسیدی الیم قاتیلیوی قویمازدم دولانا گوز قاباقندا چوخ اذیت چکورم قاپیم باغلی قالوب بیر کس گلوب مندن خبر دوتمور غریب ایتمیش فلک ایندی زول القربانی زهراجان دیولر آغلاماق قلبی ایدر غم غصه دن خارج منیم قلبیم بوشالمور غصه دن بیر آنی زهراجان گونوزلر ایوده ایلشوب یانان قاپینی باغلارام یتیم اوشاقلارون باخار دیزیمی من قوجاخلارام هامی ایوه گیدن زمان گلوب بقیعده آغلارام #فاطمیه #اشعار_ترکی ─┅─⊱✾♡✾⊰─┅─ بانوای حاج مهدی علیزاده تبریزی

یا فاطمه الزهرا گل عمو اوغلی باشیمی آل دیزیوه توكمه گوز شبنمیوی گل یوزیوه آیریلیق دوزدی چتین مرحله دی آغلاما فاطمه قربان گوزیوه __________◾◼◾__________ یتشوب موسم هجران اولورم غصه دن باغریم اولوب قان اولورم یوخ ئولوم دردینه درمان اولورم آغلاما فاطمه قربان گوزیوه __________◾◼◾__________ دولدوروب سینه می اندوه و محن گدیرم محضره پیغمبره من دویموشام بو دیریلیقدان بولوسن آغلاما فاطمه قربان گوزیوه __________◾◼◾__________ هجر پیغمبره یوخ منده دوزوم آغلری بسر نچه مدّتدی گوزوم گوزلوری قابض الارواحی گوزوم آغلاما فاطمه قربان گوزیوه __________◾◼◾__________ گل غنیمتدی بو آخر نفسیم صون نفسده منیم اول دادرسیم بولوسن ئولماقا وار چوخ هوسیم آغلاما فاطمه قربان گوزیوه __________◾◼◾__________ حقیمی اهل جفا الدن آلوب غصّه تاثیریدی رنگیم سارالوب سنه نسگلدی الیم یوزده قالوب آغلاما فاطمه قربان گوزیوه __________◾◼◾__________ نه روا مجلس شورا قورالار رای آلوب درگهیمی یاندیرالار نیلمیشدیم منه سیلی ورالار آغلاما فاطمه قربان گوزیوه __________◾◼◾__________ بزم خلوتگه یاره گدیرم دلخوشام وصل نگاره گدیرم حیف اولا سینه ده یاره گدیرم آغلاما فاطمه قربان گوزیوه __________◾◼◾__________ بزم یاره هر او كس دعوت اولور زینتی فاخر و پرقیمت اولور محسنین قانی منه زینت اولور آغلاما فاطمه قربان گوزیوه __________◾◼◾__________ دیسه جدّیم كه بو رخساره ندور یوزده كی سینه ده كی یاره ندور نه دیوم من باباما چاره ندور آغلاما فاطمه قربان گوزیوه __________◾◼◾__________ سنی شاهد توتورام بو سوزومه لیل تار اولدی ایشیق گون گزیمه دییرم سیلی ویربلار یوزمه آغلاما فاطمه قربان گوزیوه __________◾◼◾__________ سنه قورموشدوم او گون بزم عزا هله یاسلیدی هامی آل عبا وردیلار اوت قاپیه اهل جفا آغلاما فاطمه قربان گوزیوه __________◾◼◾__________ بیر یارام وار یاراسی گتمیه جاق حشر اولونجا منی ترك اتمیجاق قنفذین قمچی یری گتمیه جاق آغلاما فاطمه قربان گوزیوه __________◾◼◾__________ ولی بو سینه مین آثاری بابا كشف ایدیر ضربت مسماری بابا بویادی قان در و دیواری بابا آغلاما فاطمه قربان گوزیوه __________◾◼◾__________ حكم اولوب ظلمیده حدّدن چخالار منی ضرب لگدیله یخالار در و دیوار آراسیندا یخالار آغلاما فاطمه قربان گوزیوه __________◾◼◾__________ هر بلا گلدی دوزوب غم یمدیم حق رضاسی واریدی اینجیمدیم دین یولیدی دایانوب لا دیمه دیم آغلاما فاطمه قربان گوزیوه __________◾◼◾__________ قوی ئولوم قورتولوم ای شاه زمن قالمیوم بو غم ایامیله من سرّیمی غسل ورنده بولسن آغلاما فاطمه قربان گوزیوه __________◾◼◾__________ ای رجایی سوزون آغلاتدی منی پور بینا گتوروب شوره سنی گوردی تا آغلادی بو سر سخنی آغلاما فاطمه قربان گوزووه

روضه سوزناک حضرت علی اکبر ع از زبان امام حسین ع لطفا با حال دل بخوانید و برای مریضان دعا بفرمایید 🙏🙏🙏 سنگها صورت او را عوضم بوسیدند تیرها سخت به آغوش علی چسبیدند داشت می رفت به میدان قد و بالایی داشت عمه هایش همگی دور سرش گردیدند سرو من تشنه به میدان شهادت می رفت خواهرانش عوض ابر بر او باریدند پیرمردان همه گفتند رسول الله است جمعیت از نفس افتاد، همه ترسیدند نمک زندگی من پسرم بود ولی نمک زندگی ام را به زمین پاشیدند مجلس ختم گرفتیم کنار بدنش عوض فاتحه خوانی همگی رقصیدند هفت بار از جگر سوخته ام ناله زدم مرد و نامرد همه غربت من را دیدند آمدم جمع کنم زندگی ام را از خاک دسته جمعی به من و گشتن من خندیدند ارسالی از کربلایی منوچهرحسن زاده

🔳 بسم الله الرحمن الرحیم 🔳 قال رسول الله (صلي الله عليه و آله و سلم) فاطمة بضعة منی من اذاها فقد آذانی ومن آذانی فقد آذی الله «فاطمه پاره تن من است،هرکس اورا برنجاند مرا رنجانده وهرکس مرا برنجاند به تحقیق خدا را رنجانیده است.» زبانحال حضرت امیرالمومنین حضرت علی (ع) بعد از شهادت حضرت فاطمه زهرا (س) ☑️ (((( سینه زنی )))) ☑️ سبک (( این گل را به رسم هدیه )) ✍ حاج علی زلفی تبریزی _________________________ محزون زار و دل آزرده غملر یورقونی افسرده تیز دوشدی گوزوندن گلشن اولدون مثل گول پژمرده زهرا وای منه دویوبسان جاندان قلبی یاندیرار امان هجراندان قالدیم دردیوه من عاجز درماندان ای آرام جان ای روحه روان غمدن باغریقان سس ویر یالقوزام _________________________ دخت مصطفی ای ذیشان حیدری چخاتما یاددان دور گور محنتونده بانو قلبیم نه اولوبدی شان شان یاندری منی بو داغ حسرت آیرلیق بیزه تیز اولدی قسمت سینم یاندی دور ایله منله صحبت ای آرام جان ای روحه روان غمدن باغریقان سس ویر یالقوزام _________________________ ای زینت به کون و امکان ای جدی رسوله ریحان تاب قلب حیدر سن سن ای دریای عشقه رجحان باخ سینمده کی بو آه سرده دردون اوستونه چکوبسن پرده دور گور مرتضی نه توش اولدی درده ای آرام جان ای روحه روان غمدن باغریقان سس ویر یالقوزام _________________________ زهرا ای نسیم اطیب چرخ عصمته ای کوکب بو امره یقینیم واردی قان آغلار غمونده زینب دنیانی پوزار بو سوز آهیم دور سس ویر منه دوتولموش ماهیم تک قویما منی امیدیم پناهیم ای آرام جان ای روحه روان غمدن باغریقان سس ویر یالقوزام _____________________ #فاطمیه 🖤🖤🖤🖤🖤🖤🖤🖤🖤

زینبی درد فراقون گتیروب جانه آنا گجه گوندوز ایلیوب دردیله همخانه آنا سن الیمدن گیده لی دوره می درد و غم آلوب درد و غم مونس اولوب زینب نالانه آنا. من هارا بو آناسیزلیق هارا آز سنّیمیله بیر بیله غصّه هارا اُف بیله دورانه آنا قیز عیالی آناسیز قالسا اوشاقلیقدا یانار آناوای دلده ایدر ناله یانا یانه آنا منده دائم دیرم وای آناسیز جانیم وای آناسیزلیق آپارار صبریمی تالانه آنا سن که گیتدون ایویمیزدن قاپیمیز باغلاندی آشنالرده دونوب اولدولا بیگانه آنا بیز غریب وطن اولدوخ بابامیز شهرینده غربت احساس ایدروخ یوز دوتاخ هر یانه آنا چوخ غریبانه سنه شام غریبان دوتدوخ نه بیله یاس اولی نه بیله عزاخانه آنا اولمادی شام غریبانه گلوب شرکت ایدن تسلیت ویرماقا بو جمع پریشانه آنا گلن اولسِیدیده اشرار یولی باغلادیلار گلنی قویمادیلار شام غریبانه آنا الی قوینوندا بابام آغلادی بیز آغلاشدوخ همصدا اولدوخ او شاهنشه دورانه آنا دولانوب سن دولانان یرلری عطرون آلارام جان فدا عطریوه پیغمبره ریحانه آنا گه لباسون دوشرم رسم عزائیله، سنی یاده سالّام توکرم اشکیمی دامانه آنا جانمازون دوشرم گاه مصلّاده سنون عطرون آلّام توکرم اشکیمی دامانه آنا آیریلیق دردی یامان درد اولی من بولمزدیم کاش بطلان وورولا کلمه ی هجرانه آنا قیز عیالی آناسیز قالسا اُلونجه آغلار یوزی گولمز قالی حسرت لب خندانه آنا قول قانادسیز قوشا بنزر آناسیز قیز ایوده گوزیاشی آب اولی خون جگری دانه آنا آنالار نائبه سی قیزلار اولار رسمیدی بو خاصّه من تک قیز اولا، سن کیمی فرزانه آنا جانشینم سنه آز سنّیمیله بو ایوده سرپرستم بو نچه دیده سی گریانه آنا فاطمی لر علوی لر قاریشوب بیر بیرینه هره بیر یاندا گلر ناله و افغانه آنا ایوده مظلوم بابام شمع عزا تک یانوری بیزده اولّوخ یانا یانه اونا پروانه آنا بوینی چیگنینده حسین دلده آنا قان آغلار سالوری ناله سی آتش بو دل و جانه آنا قوپارار حشر آلاندا اله عمّامه سینی برملا لرزه سالار طارم کیوانه آنا حسنینون قویوری یوز یوزه غوغا یارادور شور و شیون اوجالور قبّه ی کیهانه آنا آناسیز ایولرین عالمده صفاسی اولماز اولی غمخانه صفا اولماسا کاشانه آنا. خورداجا سنّیله اولدوم آناسیزلار آناسی مهر مادر ایدرم جمع یتیمانه آنا خاصّه چوخ شیون ایدر شوریله بو خوردا باجیم یاندیرور قلبیمی باخدوقجا یانا یانه آنا اسدی سندنصورا بو گلشنیوه باد خزان ایویمز دوندی داخی گلشن ویرانه آنا لحنی دوندردی خزان دیده اولان بلبل لر دولدی الحان فراقیله بو گلخانه آنا اورگیم درده گلور نسگلیوی یاد ایدرم باغریمی دوندری مظلومه لیقون قانه آنا نوبهاروندا خزان اولماقیوی یاد ایدرم گذریم دوشسته منین طَرفه گلستانه آنا مین بهار اولسا اگر مینلریله گل آچسا آناسیز قلبی آچیلماز قسم اول جانه آنا باغری قان اولماقیوی من ایدرم مدّ نظر دوشسه گلشنده گوزوم لاله ی نعمانه آنا برگ گل اوسته اولان شبنمی تشبیه ایدرم گل یوزونده اوتوران دانه ی مرجانه آنا. دوشه سن یاده یارالی یخلان حالتیله سروری گورسم یخلوب صحنه ی بستانه آنا. گوسترر نقشه ی سیلی رخ گلنارونده لکّه ی ابر دوشنده مه رخشانه آنا. آغلارام محسنیوین حالینی من بنزدرم شاخ گلدن قیریلان غنچه ی عطشانه آنا روشنایی سالی هر بیر ایوه #تائب آنالار بنزر ایولرده اولان شمع شبستانه آنا مهریله باخماقی ایو اهلینه عنوان سرور وای اگر قهر ایلیه یوز چویره یانه آنا .

بالینمه گل پیک اجل گلدی عم اوغلی                  یومدی گوزونی فاطمه دینجلدی عم اوغلی                                                                              پهلوی شکسته گیدیرم دارفنادن                   قرآنی تلاوت ایله ای ناطق قرآن                   باغلا گوزومی ای شه خوبان سنه قربان       زهرانی حلال ایله کنیزیندی عم اوغلی                ویرغسلمی سن بوک کفنه ایله روانه                   باخما گویرن صورته یانمایانه یانه                      نصف شبیلن دفن ایله نعشیم یانا یانه                                                  نالان اولاقویما بو بالالاریم عم اوغلی                                                   قیزلاریم ائده ناله وافغان منه بسددور                                                   اوغلوم حسینیله حسنیم آغلیا بسدور                                                    بویثربین اهلی دییجاخ بو نئجه سسدور                                                    قویماگله لریاسیمه بیرآن آی عم اوغلی                                                   ثانی ستمی یادان عم اوغلی نئجه چیخسین                     اوظالمین الله بیلگینن الی سینسین                              قویما حسنین یادینه کوچه غمی دوشسون                             شیون ائلمه سنده مصیبتدن عم اوغلی                                     جبریل یازیب نوحه نی گوزلرقانا دوندی                      یازما قلمیم یاندی ائوره کلرکوزه دوندی                   بیلمم کی علی غسل وئرنده نجه دوزدی                گوزیاشی ائورک قانیله مبهمدی عم اوغلی

زبانحال حضرت زینب(س)درفراق مادرش 🎵درسبک : سنه من آغلاماسام ئوللم آنا سـنــه مـن آغلاماسام ئوللم آنا سیـنـمـی داغلاماسام ئوللم آنا یاسیوی ساخلاماسام ئوللم آنا آناجان سنسیز اوزوم/ گولمیه جاخ دردیـمی کیمسـه ولـی/ بولمیه جاخ کیمسه بوگوزیاشیمی/ سیلمیه جاخ واگیر سـنــه مـن آغلاماسام ئوللم آنا سیـنـمـی داغلاماسام ئوللم آنا یاسیوی ساخلاماسام ئوللم آنا محنـتـونـده سینـمـی/ داغـلیارام یوزه گوزیاشیمی من / بـاغلیارام بـاخــارام درگـهـیـوه / آغـلیارام سـنــه مـن آغلاماسام ئوللم آنا سیـنـمـی داغلاماسام ئوللم آنا یـاسیوی ساخلاماسام ئوللم آنا بـار غم یوردی سنی/چوخ آنا جان قامتون غمندن اولوب/بیرده کمان گـلـشـن عـمــرون آنـا/ایتدی خزان سـنــه مـن آغلاماسام ئوللم آنا سیـنـمـی داغلاماسام ئوللم آنا یاسیوی ساخلاماسام ئوللم آنا قلبیمی غم شرری/گورنـه سیخیر صبرائوین پایه سینی/غصه یخیر زینبون سنسیز آنـا/چوخ داریخیر سـنــه مـن آغلاماسام ئوللم آنا سیـنـمـی داغلاماسام ئوللم آنا یاسیوی ساخلاماسام ئوللم آنا یـادیـمـه غـصـه لـرون / سالّام آنـا دردیـوی جـانـیـمـه مــن / آلّام آنـا ائـوده سنسیزنجه مـن / قالّام آنـا سـنــه مـن آغلاماسام ئوللم آنا سیـنـمـی داغلاماسام ئوللم آنا یاسیوی ساخلاماسام ئوللم آنا قـانـیـن الله قـانیدی / بـاتمیاجاخ دشـمـنون مقصدینه / چاتمیاجاخ مرامون بـاتمیوب هیچ/باتمیاجاخ سـنــه مـن آغلاماسام ئوللم آنا سیـنـمـی داغلاماسام ئوللم آنا یاسیوی ساخلاماسام ئوللم آنا

‍ ۞زبانحال امیرالمومنین(ع) کنار قبر مخفی حضرت زهرا(س)۞                    ۞سینه زنی۞ 🌹🌹🌹🌹🌹🌹🌹🌹 ئولدروبلر سنی  زهرا  نجه من آغلامیوم قالمیشام بی کس و تنها نجه من آغلامیوم 🌻🌻🌻🌻🌻🌻🌻🌻🌻🌻🌻🌻 ای علی غصّه سینی درک ایلوب تز قوجالان در و  دیوار  آراسیندا  سسی  بیردن اوجالان یاری یانمش قاپودا سینه سینون قانی قالان قانلی  مسماره   باخاندا  نجه  من  آغلامیوم 🍀🍀🍀🍀🍀🍀🍀🍀🍀🍀🍀🍀 منزلیم سنسیز اولوب بیت الحزن فاطمه جان اوز   ائویمده   گجه لر  آغلیا   بیلمم  اوجادان آغلیاندا   اوجادان   ایلور   حسین  دلده فغان وای  ننه   سسلنور   اوندا   نجه من آغلامیوم 🌿🌿🌿🌿🌿🌿🌿🌿🌿🌿🌿🌿 حسنی    زینبی    آرام     ایدورم  حسرتلن یوخیا    ویرم   حسینی  گجه لر   زحمتیلن گلرم   قبریوین    اوسته   دل    پر محنتیلن دولانار   باشیمه   دنیا    نجه  من  آغلامیوم 🌾🌾🌾🌾🌾🌾🌾🌾🌾🌾🌾🌾 چمن عشقیده وقت اولمادی بیر گل دره سن گُله سن گل کیمی اطفالیوی سن گُلدوره سن نازیلهو  بخت   ائوینه   زینبوی   گونده رسن زینبون   اولدی   معزّا   نجه   من   آغلامیوم 🌻🌻🌻🌻🌻🌻🌻🌻🌻🌻🌻🌻 یا حبیبی  اَجبی  جاءَ  الی  قبرک  حبیب ها  علیُّ  بشرُ  کیفَ  بشر  اولدی  غریب دور علی قبریوین اوسته الی قوینوندا گلوب یوخ دیزیمده داخی یارا نجه من آغلامیوم 🌺🌺🌺🌺🌺🌺🌺🌺🌺🌺🌺 غم غم اوستن یارالی قلبیمه زهرا قالانور وای منه سن یخلان کوچه ده ثانی دولانور ذوالفقاری چکه بیلمم ئورگیم پارچالانور بیر بیله صحنه ده آیا نجه من آغلامیوم 🌲🌲🌲🌲🌲🌲🌲🌲🌲🌲🌲🌲 قدرتیم واردی سنون قانیوی ثانی دن آلام ذوالفقاریله  شرر  خرمن  اعدایه  سالام ولی تاپشوردی پیمبر الی قوینوندا قالام صبر ایدوم دین اولا احیا نجه من آغلامیوم 🌷🌷🌷🌷🌷🌷🌷🌷🌷🌷🌷 سنیدون فاطمه دنیاده من یار و معین سن ئولندن صورا خیبرکن اولوب خانه نشین تک قاپوم باغلی دگل باغلادیلار حیدر الین راضیم  مرگیمه  زهرا  نجه  من  آغلامیوم 🥀🥀🥀🥀🥀🥀🥀🥀🥀🥀 "#عینی_فرد"حقّه شفیع حضرت زهرانی آپار چوخ مقرّبدی سنی غصّه و غمدن قوتارا بی ریا یازسان اگر نوحه آدون فوری یازار چوخ گوزل دوشدی بو انشا نجه من آغلامیوم...... 🌹🌹🌹🌹🌹🌹🌹🌹🌹🌹🌹 ✍استـــــاد عیـــــنے فـــرد 🎤اجرای شعربالا توسط استاد عینی فرد

ای غم گونومون یاوری هم محنتی فضه گل فاطمنون وار سنه بیر صحبتی فضه اول بو دوکی من گیدورم دار فنادن نالانم اگر قورتارورام جور جفادن بو چرخ فلک چکموری ال آل عبادن وقت اولدی بو گون عالم عقبایه گئدم من آخر حسنینیله خداحافظ ائدم من من فضه بوگون ایلمیشم منزلی خلوت واردور سنه چوخ قورخولی بیر غملی وصیت بو کوینگی آل ساخلاگینان منن امانت بیر گون گلجک سنبل غارتدی بو کوینک محشر گونی اسباب شفاعتدی بو کوینک اولگون که یاغار بارش غم دشت بلاده غم قافله سی لنگ اولاجاق کربو بلاده اوغلوم بو حسین نعشی قالان وقته آراده عریان بالاما حایل اوگون پیرهن اولسون اللرده ئولن اوغلوما کوینک کفن اولسون سینم گولودور فضه بولورسن بو حسینیم من سیز دوشه جاق زحمته بو نور دوعینیم دریای غمه غرق اولاجاقدور حسنینیم زهریله حسن خانه سی ویران اولاجاقدور یالقیز بو حسین قاننه غلطان اولاجاقدور بیر گون گلجاق قالام اوگون فضه اوغولسوز علقمده دوشر اوغلوم ابالفضلده قولسوز اول وقته قالار تشنه حسین عرصه ده یالقیز حالی اولاسان اوندا اوزون مطلبه فضه بولدورمیسن کوینک ایشین زینبه فضه هر وقته حسین ایستدی بو کوینگی آلسون وقتی باباوای ناله سیدور عرشه اوجالسون کیمدور او زمان زینبیمون قیدینه قالسون زینب باش آچوق قتلگهه ساری قاچاندا قارداش باشی اوستونده باجی باشین آچاندا حیدر قیزیام رحم قیل ای شمر اماندور بیر جرعه سو ویر قارداشیمون حالی یاماندور لشگر داغیلیب اوغلی اولوب قدی کماندور بو یاره لی نون آز گل گلزارینی سولدور ظالم بو حسینین یرینه گل منی ئولدور ای فضه یانار قلبیم او گون نور دوعینه فرمان ویریلر آت چاپیلا نعش حسینه نه حاله قالار زینب .بیچاره رقیه جهد ایله اوگون زینبه امداد ایده سن سن امداده ابالحارثی فریاد ایده سن سن یاز نادری بو مطلب ایدوب باغریمی القان زهرا بالاسی تشنه حسین قورخولی میدان گون ایستی قوم اوسته بدن یاره لی عریان شرم ایلمیوب فاطمه دن قوم عداوت زهرا ویرن اول کوینگیده ایتدیله غارت

#شهادت_حضرت_فاطمه_، س 🖤 شام غریبان🖤 فاطمیه یتیشوب قلبیلر احساسه گلوب هامی قاره گینوب ماتم زهرایه گلوب آی خانمین قره سین گینلر   آی خانم زهرانین شام غریبانینه گلنلر فاطمیه یتیشوب قلبیلر احساسه گلوب هامی قاره گینوب ماتم زهرایه گلوب دم درده دایانار ئولسه هراوغلون ننه سی گوررسن ننه نین یاسندا بالا دایانار قاپنین آغزندا دم درده دایانار ئولسه هراوغلون ننه سی مطمئنم که ابوالفضل ئوزیده یاسه گلوب آی گویون اولدوزلاری زهرا آدامسیز دفن اولور مولا علی زهرانی آپاریر قبر ایوینه هامیز گوروبسوز بیر دودماندان ننه نین جنازه سی چخاندا ننه سی ئولنلر بونی یاخشی بوللر بیر دودماندان ننه نین جنازه سی چخاندا اگر ایوده بالاجا قیز اوشاقی اولسا دوشر تابوتین دالینا مولا علی دیور گوردوم زینب قولارین داراخلادی قاپیا ننه هارا گدیرسن آی ننه ننه بئله باشیوا دولانیم آی ننه 😭😭😭😭 آی گویون اولدوزلاری زهرا آدامسیز دفن اولور سیز اولون شاهد گل طاها آدامسیز دفن اولور آی قرا یللر بقیعده غم فضادن دویمیون آی ، آی اولدوز پیکر شب دن قرانی سویمیون قبری گیزلیندی گلون زهرانی تنها قویمیون ال ایلدی یوزون قویدی زهرانین قبرینه مولا علی گئجه نون عالمی اونچه نفر ده کی مولانین دوره سینده واریدیلار اولاردا گتدیلر اله یانا یانا آغلادی زهرانین قبرینین اوستونده اوخشاما زبانحال مولا علی ع 👇😭 دئدی ئولدی زهرا آی فلک آلدین باشمدان بیر تاجی شهد ناب عمرمی بوغصه دن ایتدون آجی ایندی چولده بیر منم بیرده بوقارداشسیز باجی قویدون آغلار ماتموندن باغری قان بویالقیزی کاش ئولیدیم منده سنن ای حیانین اولدوزی قبریمیز بیر جوت اولاردی بیز عمو اوغلی عم قیزی ،😭😭😭 ✨اَللّهُمَّ عَجِّل لِوَلیِّکَ الفَرَج✨

🌼🌸🍃 💐🌺 🍃 حضرت زهرا سلام الله علیها حاج اصغر فرشچی (عدلی تبریزی) زهرای معصومه ترک ایلیوب جهانی آناوای صداسی دولدوردی نه قبانی بالا طویی گورمدی محسنه سود ویرمدی خدا خدا خدا مظلومه دی زهرا رسالت گولیدی خار الینده سولوبدی بابا سیندان صورا قلبی قانا دولوبدی قاپوسی یاناندا هر نه اولان اولوبدی قانلی درو دیوارمیخ در دور نشانی پشت دره یخلدی قلبی غمه سخلدی پیغمبردن صورا امتی پارچالاندی علینون حقنی بخ دیین لر داندی غم آلدی قلبنی غم اوسته غم قالاندی گورودولر بابالار هرگون سولورآنانی قلبنده غم یاراسی حسینون ماجراسی بغض و کینه الی آچیلدی باغبانه ایکی تیره ثانی بیر قلب ایدوب نشانه اَلی اَیسَر ویردی سیلی هم تازیانه نیلی گون ایلدی ایکی رخِ زهرانی ثانیدی باعث اولدی اورگی قانه دولدی آزعمرونده آچدی قرآن ودینه مکتب اورگددی نسوانه درس حُجب ودیانت لَیلَتُه القَدر تک بولمدی قـدرین اُمّت بهار عیشینه اسدیر دیلر خزانی دوشدی آخر نفسدن روحی اوچدی قفسدن باب وحی اودلانوب شهیداولدی بالاسی یوز کبود سینه ده واردورمسمار یاراسی سودی قانه دونوب بولمیه کاش آتاسی گیدورخسته روحی اولسون آتا مهمانی هیچ گل بوتک سارالماز یارالاری ساغالماز نصف شب گزلینده زهرا گیدوبدی قبره یتیمه قزلارون اشکی دونوبدی ابره دعوت ایلورعلی دوت بالاسینی صبره خلوتده آغلوری هرغم یتن زمانی واردور غم نهانی چاهه ایدور بیانی عزّ و شأن زهرا دهریده جاودانه ذکر مصیبتی دل لره غم ترانه اجری وارنوحه سین یازانه نوحه خوانه لطفونی گوره جاق حشریده شیعیانی «عدلیده» نوحه خواندی آغلیوب آغلاداندی خدا خدا خدا مظلومه دی زهرا 🌾 🌾🌼 🍃🌾🌼

#نوحه_ایام_فاطمیه🏴 ✅در سبک: ممد نبودے و سبک: بزم عزاده گیمیشم ... ⬛️ سینونده مسمار یارووه آغلارام زهرا آغلارام زهرا سیلی دَیَن رُخسارووه آغلارام زهرا آغلارام زهرا یازهــــــــــــرا - یازهــــــــــــرا(٢) ⬛️ باشه پیمبر قاره سین باغلادون زهرا ، باغلادون زهرا هجرینده قلب زارووی داغلادون زهرا ، داغلادون زهرا ائوده اوتوردون هر گجه آغلادون زهرا ، آغلادون زهرا من قلب پاره پارووَه آغلارام زهرا ، آغلارام زهرا یازهــــــــــــرا - یازهــــــــــــرا(٢) ⬛️ سیلی دگنده صورتون دَیْدی دیواره ، دَیدی دیواره درد و غمه دوشدی حَسَن قالدی آواره ، قالدی آواره سیندی قولاقوندن یره دوشدی گوشْواره ، دوشدی گوشواره یانّام سینان گوشْوارووه آغلارام زهرا ، آغلارام زهرا یازهــــــــــــرا - یازهــــــــــــرا(٢) ⬛️ سندن صورا حیدر غمه مبتلا اولدی ، مبتلا اولدی شیر خدانون قلبینه غصّه لر دولدی ، غصّه لر دولدی قلبی شکسته قیزلارون گُل کیمین سولدی ، گل کیمین سولدی غمنن سولان گلزارووَه آغلارام زهرا ، آغلارام زهرا یازهــــــــــــرا - یازهــــــــــــرا(٢) ⬛️ غسلون ویرنده بس نَدَن آغلادی حیدر ، آغلادی حیدر بیر حاله قالمیشدی بَدَن آغلادی حیدر ، آغلادی حیدر قانه بویاندی آغ کفن آغلادی حیدر ، آغلادی حیدر اوُل سینهٔ تبدارووه آغلارام زهرا ، آغلارام زهرا یازهــــــــــــرا - یازهــــــــــــرا(٢) ⬛️ سندن صورا زینب قیزون خانه دار اولدی ، خانه دار اولدی فِقـــدانُوَه هجـــرانوه بیقرار اولدی ، بیقرار اولدی یاندی گووَرمیش صورته اشکبار اولدی ، اشکبار اولدی زینب کیمین دلدارووه آغلارام زهرا ، آغلارام زهرا یازهــــــــــــرا - یازهــــــــــــرا(٢) ⬛️ زینب دییَر مظلوم آنا باتدون القانه ، باتدون القانه سن سیز یتیمه قیزلارون گلدی افغانه ، گلدی افغانه سنسیز بو پوزقون تللره کیم ویرار شانه ، کیم ویرار شانه فقدان محنت بارووه آغلارام زهرا ، آغلارام زهرا یازهــــــــــــرا - یازهــــــــــــرا(٢) ⬛️ #رحیم_فیضی_اردبیلی ـ┅┅❅🥀🏴🥀❅┅┅ـ

🌼🌸🍃 💐🌺 🍃 ━═✿♡﷽♡✿═━ برنامه اقتراح شعرای گروه تخصصی مجمع الذاکرین تبریز با تشکر از استاد الیاس ملک پور خانم یازهرا رحمتون رحمت یزداندی خانم یا زهرا دولتون دولت قراندی خانم یا زهرا سن جلالت گوینون اخترتابنده سی سن یم ژرف ادبین گوهرارزنده سی سن گلشن مصطفوینون گل زیبنده سی سن مادحون خالق منّاندی خانم یازهرا مظهرنور خدا بضعۀ طاهاسن سن محور هل کسا شافع عقباسن سن حسنینین آناسی اُمّ ابیهاسن سن همسرون حجت سبحاندی خانم یا زهرا ره جاناندا او طوفان گونی،جان وئردون سن زَنیدون ،همت مردانه نشان ویردون سن معرفت ریشه سی سیراب اولا، قان وئردون سن جوهرعشق، همان قاندی خانم یازهرا بضعۀ ختم رُسُل معنی کوثرسن سن همدم شیرخدا حامی حیدر سن سن معدن حجب و حیاعفته مصدر سن سن عفتون اُسوۀ نسواندی خانم یازهرا دُختر خَتم رُسُل عِصمَته داراسن سن فَخرِ نِسوان جهان خِلقَته مَعناسن سن قُلزُم مَجد و شَرف مَظهر تقواسن سن عِفًتون دینیمه بُرهاندی خانم یا زهرا محوراهل کساء معنی کوثر سن سن حامی و هم نفس فاتح خیبر سن سن آدوا قربان اولوم پاک و مطهر سن سن پاک آدون دردلره درماندی خانم یازهرا سن اوسان که سنی حق خلق آرابرتریارادوب سنی اوزحسنونه اوصافینه مظهریارادوب انبیا افضلی پیغمبره کوثر یارادوب سَنَدی کوثرقرآندی خانم یا زهرا سنی بی مثل و بدل خالق یکتا یاردوب کل نسوان آراسیندا سنی اعلا یارادوب شأنیوه بسدی بو کی ام ابیها یاردوب بو مقامه هامی حیراندی خانیم یا زهرا سنی الگو یارادیب خالق رحمان هامیا گرَک عالمده سنی سینمیش اورکلر تانیا سیخیلیب دهریده هردردی اولان بوقاپیا پاک آدون دردلـره درماندی خانم یازهرا کیمسه چاتماز سنه بو شان وجلالتده خانم تک و تنها یارادوب خالقون عزت ده خانم کل نسوانه سرآمد ائدوب عصمت ده خانم باخشون جنت ورضواندی خانم یازهرا انتخاب ایتدی ازل خالق یکتا آدوی امرایزدله قویوب فاطمه طاها آدوی صورالارایتدی خطاب اُمّ ابیهاآدیوی بوفقط بیرسنه عنواندی خانم یازهرا عصمت وعفّت آلوب درس نجابت سندن همّت وحکمت آلوب درس بلاغت سندن رأفت وحُرمت آلوب درس شرافت سندن چون بولار محور ایماندی خانم یازهرا سن امیر عربه دلبر دلدار اولدون. تک قالاندا ایاقا دوردون اونا یاراولدون. حقین احقاق ایلدون بانوی ایثار اولدون. همتون شهرۀ دوراندی خانم یا زهرا سنه خالق نجه گور بذل ائلیوبدور جبروت مقدمون گردی اولار سرمۀ چشم ملکوت اهل عرفانه سنون ذکرون اولوب ذکرقنوت هرنه واردور سنه قرباندی خانم یا زهرا دستمازلی آدیوی ذکر ائلییر اهل صواب اسوه ‌سن مرد و زنه، دُرج حقه ای دُر ناب بیزگرَک سعی ائلییاق ایتمیه فرهنگ حجاب بوله دشمن بورا ایراندی خانیم یا زهرا نورحق سن قاپوون شأنی، شرافتدی بیزه گوزل آدین سبب نعمت ورحمتدی بیزه کرمین حشریده امّید شفاعتدی بیزه سنله هرمشکلوم آساندی خانیم یا زهرا سنی هرکیم تانیا،حُسنووه شیدا اولاجاق اَتَگوندن یاپیشان، اهل تولّا اولاجاق سندن اعراض ائلین حشریده رسوا اولاجاق خلقته معرفتون جاندی خانم یا زهرا زیب عرش اولدی آدون همره نور وجلوات او گوزَل آدیوَه هرلحظه یازالّار صلوات فعلاتن فعلاتن فعلاتن فعلات کلّ عالَم سنه قرباندی خانم یا زهرا توکولوبلر قاپیوا حدّتیله اهل جفا نلراولدی دئماقا مانع اولورشرم وحیا یخیلیب دوردون ایاقه یارالی گوردون تا مرتضا قولاری باغلاندی خانم یا زهرا سنه قربان اولا جانیم آدیوا قربان اولوم سن دعا ایله خانیم قبریوه من مهمان اولوم نظرائت روسیه ام من دوزه لوب انسان اولوم کیمه باخسان او خراماندی خانم یا زهرا کیمیا وش باخشون خاکی مطلّا ائلییر نظرمعرفتون قطره نی دریا ائلییر اومسیحا نفسون مرده نی احیا ائلییر سیزه بو معجزه آساندی خانم یا زهرا سن قوامه گتوروبسن شرفین باده سینی صاف هموار ایلیوبسن عظمت جاده سینی عشقین آباد ایلیوبسن گوزل آباده سینی محسنون بوسوزه برهاندی خانم یازهرا ظلمیله سالدی سنی دردوغمه ثانی خانم آستانیونده توکولدی سینه وین قانی خانم ایرمی دورت شاعراولوبدوربوسوزه بانی خانم صدقیله جمله نواخواندی خانم یازهرا ملتمس دعا عدلی تبریزی 🌾 🌾🌼 🍃🌾🌼

شعر جدید چاپ نشده ایام فاطمیه ۱۴۰۳ 🏴🏴🏴🏴🏴 فاطمیه   سینه   داغلار   شیعه لر گوز یاشین رخساره باغلار شیعه لر تسلیت   صاحب   زمانه   سویلیوب حضرت   زهرایه    اغلار    شیعه لر فاطمیه  دردلر درمان اولار بو قاپیدا سائله احسان اولار درد الینن کیم  یورولا دهریده چوخ بلالی باشلارا سامان اولار فاطمیه  هیت عاشق گلر عاشقانه عاشق صادق گلر فاطمه مجلسینه دعوت اولان فخر ایلین   نوکر لایق   گلر فاطمیه  عاشق پرچم گلر اختارا کیم دردینه مرحم گلر هرگلنه قاپی اچمازلار یقین کیم اولا زهرایه او محرم گلر فاطمیه بیز نوادن دویماروق قورولان بزم عزادن دویماروق عالمی بیز بوشلاروق اوز باشینه بو گوزل کوی ولادن دویماروق فاطمیه  کیم اولا با فاطمه مرز عشقی رد ایدر تا فاطمه قاره گیوب دشمنی خوار ایلیر سسلیر   غیرتیله     یافاطمه

حسن طیبان: شعر جدید چاپ نشده شهادت حضرت فاطمه زهرا سلام الله علیها در سبک ابوالفضل یل ام البنین 🏴🏴🏴🏴🏴🏴🏴🏴🏴🏴 ای گل طاها اویان فاطمه حضرت زهرا اویان فاطمه ادیوه قربان اولا حیدرون سرور دنیا اویان فاطمه فاطمه ای نگار علی فاطمه غمگسار علی کوثر قران اویان فاطمه ادیوه قربان اویان فاطمه قلبیمه سلطان اویان فاطمه دردیمه درمان اویان فاطمه فاطمه ای نگار علی فاطمه غمگسار علی گیتمه الیمنن منیم یاوریم قال سنه قربان ،ای همسنگریم قلبیمی القان ایلمه اویان یاتما نگاریم اویان همسریم فاطمه ای نگار علی فاطمه غمگسار علی اغلوری اولدوزلارون یاتما دور سنه آدامسیز لارون یاتما دور یاندیرورور عالملری گور نجه ناله ایدن قیزلارون یاتما دور فاطمه ای نگار علی فاطمه غمگسار علی کفنیون بندینی باغلورام کون و مکانی نجه داغلورام چاره ایله دور منیم حالینه من سنون احوالیوه اغلورام فاطمه ای نگار علی فاطمه غمگسار علی روح وروانیم سنه جان فدا راحت جانیم سنه جان فدا گیتدون الیمدن سنه اغلورام یار جوانیم    سنه   جان فدا فاطمه ای نگار علی فاطمه غمگسار علی

روضه حضرت زهرا سلام الله علیها گل اوتور واردی سنه سرلی سوزوم سنده ننن کیمی یارانبسان مصیبته من ئولمه میش سنی ئوزومه نائب ایلیرم بسکه لیاقتین بولورم وار نیابته گوندوز لرین آغلار گچه جاخ قیزیم کیپریکلرین توکجاخ یوزوه اشک آل قیزیم زینب ای فاطمه نین مظهر تقواسی قیزیم وی علینین مثل صبر و شکیباسی قیزیم آغلاما آغلاماقون آرتیراجاخ رگتیوی گیدجاخ خاطریوین قدرت و یاراسی قیزیم گل اشیت آخر عمرومده وصیتلریمی آناوین واردی ثمر بخش وصایاسی قیزیم قیزلارین عفت و تقوادی قیزیم زیب و زری                                           زینتی عصمت و اخلاق سجایاسی قیزیم فتنه لر یاغسادا صبر ایله ایتیرمه ئوزوی                                            سنده قوی صورته صبرین دوشه معناسی قیزیم مندن آیریلماقا صبر ایت بو ایوین چون سن اوزون                                             من الندن صورا سن سن بو ایوین زهراسی قیزیم سن بوگوندن اولاجاقسان آناسیزلار آناسی                                              واردی سندن آناوین نچه  تمناسی قیزیم آنالیق ایله حسینیله حسن قارداشوا                                              (فضه دییر سحر دوردوم گوردوم خانم دوروب ایاقا منه دییر فضه ایستیرم بیر استحمام الیم اله بو سوزی ایشیدماخ همین گوردوم زینب اول ایشی کی گوردی ننه نین یرین جمع ایلدی الله ننم دوردی ایاقا اله بیر ) واردی سندن آناوین نچه  تمناسی قیزیم آنالیق ایله حسینیله حسن قارداشوا آنا لازمدی اولا عاطفه دریاسی قیزیم همدم گرمیله گرم ایله علی محفلیتی هم بو کاشانه نین اول انجمن آراسی قیزیم اولمویا خاطر آزاد علی غصه لنه (قیزیم بابانان چوخ مواظب اول من بو حالا دوشموشم علی آغلامیا) همدم گرمیله گرم ایله علی محفلیتی هم بو کاشانه نین اول انجمن آراسی قیزیم اولمویا خاطر آزاد علی غصه لنه بابان آدامسیزدی اونا خدمتین تمام ایله خدمتین تمام ایله ایوه گلنده ادبا دور قیزیم قیام ایله دور قیزیم قیام ایله سلام ائدن یوخدی اونا دور قیزیم سلام ایله دور قیزیم سلام ایله همدم گرمیله گرم ایله علی محفلیتی هم بو کاشانه نین اول انجمن آراسی قیزیم اولمویا خاطر آزاد علی غصه لنه غصه لنسه اولاجاخ روحومون ایزاسی قیزیم منکه آز عمرومی صرف ایلمیشم خدمتینه حالتیمدی بوسوزون شاهد گویاسی قیزیم بیعت اوستونده علی خاطرینه ئولدی بالام                                              هم بوکولدی آناوین قامت رعناسی قیزیم بیرده بیر گون گوره سن لعل لبینده حسنین باتاجاخ یاسه اونون یاسمن و یاسی قیزیم اگر من ئولسم عذاریوه سیل اشکیوی آچما سیل اشکیوی آچما فراقیمه صب ایله قیزیم قلبه تیر غم ساچما قلبه تیر غم ساچما حسن یانندا گوزل بالا کوچه صحبتین آچما کوچه صحبتین آچما (قوی حسنین یادنان چخسین بالا ) بیرده بیر گون گوره سن لعل لبینده حسنین باتاجاخ یاسه اونون یاسمن و یاسی قیزیم بیرده بو کلثوم کی چوخ فکریمی مشغول الیب چوخ کیچیکدی یوخ اونون غصه تواناسی قیزیم بیرده سن سن کی ئوزون نایبه سن سنده منه سنده وار فاطمه نین سیرت و سیماسی قیزیم (خانم یانایانا دیدی قیزیم) دیگر برای ماندن مادر دعا نکن من هم عروس بودمو مادر نداشتم شرکتین وار بو حسینیله قیامه گیده سن او قیامیله اولار محشر کبراسی قیزیم گر قاپیم یاندی سنینده یاناجاخ خیمه لرین #فاطمیه  

من فاطمیم زندگیدن دویدوم عم اوغلی خوش گونلریمون جامه سینی سویدوم عم اوغلی گیتسمده مزاره گینه سندن نگرانم دشمن قاباقیندا سنی تک قویدوم عم اوغلی من فاطمیم قلبیمی درد و محن آلدی دوشدی نفسیم تنگه داخی وقتیم آزالدی راحت اولورام رنج و فشار و غم الیندن آغلار بالالاریم سنون امیدیوه قالدی هئچ کیم بیله بیلمز من بی یار ، فشارین ضرب دریلن سینه ده مسمار فشارین بیر ظلمیدی من گوردوم اونی من بیلورم تک هئچ کیم بیله بیلمز در و دیوار فشارین من فاطمیم خون دلیم آخدی گوزومدن درد اهلی بیلر حالیمی بو اودلی سوزومدن پیغمبر آنا سسلدیگی خسته بتولم ئوز حقیمون اوستونده دگوب #من_فاطمیم #فاطمیه فایل صوتی👇👇👇

زهرازهرازهرا؛گل تک سارالان زهرا غمدن قوجالان زهرا زهرازهرازهرا؛غم جانین الان زهرا اواره قالان زهرا زهرا یا زهرا(۲)ای روح باایمان جانیم سنه قربان جانیم سنه قربان ……………………………………………………… زهرازهرازهرا؛اغلارگوزیوه قربان شیرین سوزوه قربان سیلی اثرین ایتدون زلفونله نهان زهرا ای قدی کمان زهرا دوقوزایلی بوایوده ایتدون غمیله سازش هیچ ایلمدون خواهش سنسیزمنه زنداندی بوغملی جهان زهرا ای مونس جان زهرا زهرا یازهرا(۲)ای روح باایمان جانیم سنه قربان جانیم سنه قربان ……………………………………………………… زهرازهرازهرااچ گوزلریوی یاتما بسدورمنی اغلاتما هجرونده علی ایلربیرعمرفغان زهرا گوزیاشی روان زهرا ایستکلی عم اوغلوندان ایانیه تیزدویدون اخرمنی تک قویدون دورزینب وکلثومی قویما نگران زهرا ایللوله فغان زهرا زهرا یا زهرا(۲)ای روح باایمان جانیم سنه قربان جانیم سنه قربان ……………………………………………………… زهرازهرازهراریحانه پیغمبر ارام دل حیدر اولدی یارالی قلبون مسماره نشان زهرا سقط اولدی بالان زهرا دورپرسش حال ایله بیردم حسینوندن بونازلی حسینوندن شربت یرینه دایم ویردی سنه قان زهرا بو دورزمان زهرا قالدی قاپیمیزباغلارچکدون سینمه داغلار قویدون گوزومی اغلار ای فتنه امتدن درگاهی یانان زهرا پهلوسی سینان زهرا دیدارقالور بیرده صحرای غم افزایه گل سنده تماشایه جان اوسته حسین باشین ال ال سینیه یان زهرا ویرمزله امان زهرا من سوگتوروم سنده اچ معجریوی زهرا جان اوسته گوزون باغلا وورباشه اوغول وای دی ای فخرزنان زهرا فردوس مکان زهرا #گل_تک_سارالان_زهرا #فاطمیه #کریمی فایل صوتی👇👇👇

#شهادت_حضرت_فاطمه_، س 🖤 شام غریبان🖤 فاطمیه یتیشوب قلبیلر احساسه گلوب هامی قاره گینوب ماتم زهرایه گلوب آی خانمین قره سین گینلر   آی خانم زهرانین شام غریبانینه گلنلر فاطمیه یتیشوب قلبیلر احساسه گلوب هامی قاره گینوب ماتم زهرایه گلوب دم درده دایانار ئولسه هراوغلون ننه سی گوررسن ننه نین یاسندا بالا دایانار قاپنین آغزندا دم درده دایانار ئولسه هراوغلون ننه سی مطمئنم که ابوالفضل ئوزیده یاسه گلوب آی گویون اولدوزلاری زهرا آدامسیز دفن اولور مولا علی زهرانی آپاریر قبر ایوینه هامیز گوروبسوز بیر دودماندان ننه نین جنازه سی چخاندا ننه سی ئولنلر بونی یاخشی بوللر بیر دودماندان ننه نین جنازه سی چخاندا اگر ایوده بالاجا قیز اوشاقی اولسا دوشر تابوتین دالینا مولا علی دیور گوردوم زینب قولارین داراخلادی قاپیا ننه هارا گدیرسن آی ننه ننه بئله باشیوا دولانیم آی ننه 😭😭😭😭 آی گویون اولدوزلاری زهرا آدامسیز دفن اولور سیز اولون شاهد گل طاها آدامسیز دفن اولور آی قرا یللر بقیعده غم فضادن دویمیون آی ، آی اولدوز پیکر شب دن قرانی سویمیون قبری گیزلیندی گلون زهرانی تنها قویمیون ال ایلدی یوزون قویدی زهرانین قبرینه مولا علی گئجه نون عالمی اونچه نفر ده کی مولانین دوره سینده واریدیلار اولاردا گتدیلر اله یانا یانا آغلادی زهرانین قبرینین اوستونده اوخشاما زبانحال مولا علی ع 👇😭 دئدی ئولدی زهرا آی فلک آلدین باشمدان بیر تاجی شهد ناب عمرمی بوغصه دن ایتدون آجی ایندی چولده بیر منم بیرده بوقارداشسیز باجی قویدون آغلار ماتموندن باغری قان بویالقیزی کاش ئولیدیم منده سنن ای حیانین اولدوزی قبریمیز بیر جوت اولاردی بیز عمو اوغلی عم قیزی ،😭😭😭 ✨ اَللّهُمَّ عَجِّل لِوَلیِّکَ الفَرَج✨💫