مداحی صابر رهنما سنه کیم اولسا گدا هر زادی واردی

زبانحال خانم امّ البنین (س) معزی اردبیلی ای دوشن قوللاری قولسوز ئولن اوغلوم ئولورم صاق گوزون زهریلی پیکان اؤپن اوغلوم ئولورم آز قالور حمل ائده لر خاک بقیعه ننووم گل چاتوب سانلی گونوم باشه من اوغلوم ئولورم نچه آیدور آیا بنذر یوزوی گورممیشم گل گورنسون منه وجه الحسن اوغلوم ئولورم ننه ایستر گوره جان اوسته اورک پاره سینی عمرینون شمعی ستمله سونن اوغلوم ئولورم سنی گورسم ئوپرم اول اوزون قوللاریوی قوللاری تپراقا تندن دوشن اوغلوم ئولورم کاش کاش دورت بالام ئولمیدی منیم غربتده حیف اولا ایندی همان غصه دن اوغلوم ئولورم دورت اوغول چیگنینون اوستونده گئدردیم قبره چاتمادیم عهدیمه شیرین سخن اوغلوم ئولورم اوغلون عبدالله اولوب قدّن اوجا قولدان اوزون دیورم آی بالاما بنذین اوغلوم ئولورم وئر ابوالفضل علمین باغریما جان اوسته چکیم سسلنوم آی منه سرو چمن اوغلوم ئولورم دوتمیوبسان سنه قربان نچه ایلده آدیمی منه چون محبس اولوبدور وطن اوغلوم ئولورم گل اوخی یاسینی ای عترت یاسین کمکی زندگیده منی چوخ ایستین اوغلوم ئولورم ائتدیم اعلان منه بیرده دئمیون امّ بنین علّتین قلبیدن ائتدیم علن اوغلوم ئولورم دئدیم اوغلانلاریم اللرده ئولوب قاره گونم یاندی بو صحبتیمه مرد و زن اوغلوم ئولورم عزتیم گئتدی حسینیملن آدامسیز ننیم گوز یولوزدا اورگیمده محن اوغلوم ئولورم قبریوی گورممیشم دیلر اوغول خرداجادی آغلیوب حالیمه بیت الحزن اوغلوم ئولورم نیه کوچکدی مزارون اوجا قامتلیدون قامتین زهریلی خنجر بیچن اوغلوم ئولورم یوزون آغ فاطمه قیزلارینه خدمت ائلدون جامه ی مهر و محبت گین اوغلوم ئولورم اولمادیم کرب و بلاده باشیمی منده آچام ننه سیز قانلی مناده ئولن اوغلوم ئولورم روز و شب آغلامیشام یاندیریجی بیر غموه جنگیده آلنینا پیکان دگن اوغلوم ئولورم نجه چکدون اوخی قوللار بدنونده یوخوموش گل حسین چک بو اوخی سسلنن اوغلوم ئولورم بئله دیلر که سنون مشکیوه پیکان ویریلوب سویون اوستونده خجالت چکن اوغلوم ئولورم #معزی_اردبیلی ﷽🍁 ✨اَللّهُمَّ عَجِّل لِوَلیِّکَ الفَرَج✨

. وار نیتیم وقایع دورانیدن یازوم بیر شِکوه نامه عالم امکانیدن یازوم . آلام رویداد جهان بی شماریدور حیرتدیَم نه مطلب و عنوانیدن یازوم . ابراهیمون عریضه ویروم سرگذشتینی نمرود ظلمین آتش سوزانیدن یازوم . یا ثبت ایدوم سرآمد یحیانی دفتره یا اشک ریز کلبۀ احزانیدن یازوم . یا شرح حال یوسف صدیقی نظم ایدوم چاه بلا و محنت زندانیدن یازوم . درد کلیمی یا که مسیحا غمین دیوم یا که حبیب حضرت سجانیدن یازوم . یا شرح ایدوم شهادت جانسوزِ محسنی درد و ملال خیرة نسوانیدن یازوم . یا عرض ایدوم غم و محنِ بوترابیدن محراب طاعته توکولن قانیدن یازوم . یا مجتبی مصائبنی ایلیوم عیان زهر مؤثریله چیخان جانیدن یازوم . یا اینکه دشت کرب و بلایه چکوم سوزی دلدادگان مکتب عرفانیدن یازوم . ای خامه همت ایله قوتاردی مقدمه عباس تک مجاهد قرآنیدن یازوم . بولفضلیدور فضیلت ابوالفضل آدیندادور ورد زباندی لذت ابوالفضل آدیندادور . 2 . #حیدریه_ازدواج . اثبات مطلبه گرک الده دلیل اولا محکم شهودیله یازیلا سوز ثقیل اولا . واردور محل شبهه مگر بو روایته بیر حالدا که روایته راوی عقیل اولا . بیرگون دیور بویوردی منه قارداشیم علی بیر عورت ایستورم ایویمه تا کفیل اولا . شرط اول منزّه اولا خانواده سی خویش و تبار و طایفه سی چوخ اصیل اولا . عورت اوزی محجبه پابند حکم دین قدی کشیده صاحب خلق جمیل اولا . فکریم بودور که حق منیچون بیر اوغول ویره یوم بلاده حامی آل خلیل اولا . ارباب حاجتون ایلیه حاجتین روا درمانده لر گیدوب قاپوسندا دخیل اولا . پرچم گتورسه جعفر طیاره اوخشیا عیناً شباهتی منه از هر قبیل اولا . صف سندیرا جهاد ایده سرلشگر ئولدوره معناده آفرین دیَنی جبرئیل اولا . عشق حسینه روحینی اورگشدیرم اونون آخر نفس حسین دیوب اوندان قتیل اولا . یتسه الی فراته حسین سیز سو ایچمیه مشتاق حوض کوثر و یا سلسبیل اولا . آب روان نهره باخوب شرمسار ایده تیپ مجاهد همتینه افتخار ایده . . آگاه اولوب عقیل امامون مرامنه جهد ایلدی یتورسون او سلطانی کامنه . بیربیر گزوب قبایل ملک مدینه نی بیر قیز تاپوبدی لایق امامون مقامینه . بیر فرقۀ سعادت و عزت نتیجه ده خوشبخت ایدوبدی فاطمه نون چیخدی نامنه . قویدی یوزون گلنده او پاک آستانیه تسلیم اولوب یانان قاپونون احتشامنه . زوار اولوبدی محسنون اؤپدی مزارینی یوزویردی اشک غصه دولوب چشم جامنه . باشلاندی عمرینون عظمتلی زمانه سی عزت یتیشدی گوندوزینه صبح و شامنه . مجذوب اولوب علی قیزی صدیقه زینبون سیر وسلوک و طرز و سجود و قیامنه . تفسیر ایدردی آیه خواتین یثربه آگه قیلاردی خلقی حلال و حرامنه . روحاً اولاردی ام بنین بسکه شادمان حمد و سپاس ایدردی خدای گرامنه . یارب دیردی ائتدون عجب بختور منی چکدون کمینه بنده وی عزت مقامنه . خوش حالیمه منیم کیمه گور اولموشام آنا بختیم هماسی شهپر آچوب عرش بامنه . توفیق اولوب رفیق یتیشدوم مرادیمه زهرا ایوینده لطف ایت اولوم یاخشی خادمه ﷽🍁 ✨اَللّهُمَّ عَجِّل لِوَلیِّکَ الفَرَج✨

🌹🌹🌹🌹🌹 #شاه_بیت حالات حضرت ام البنین(س) جان چیخور گل آی بالام گویما گوزیولدا قالام گل حسینون عطرینی ایستورم سندن آلام گل دوشن قوللارووه قربان ابوالفضل عطشان ابوالفضل قلبی غمله بولیم آی ابوالفضل ئولیم 🔹🔹🔹🔹🔹🔹 از بریم دور غم سوزی سو سوزی علقم سوزی بیر داغیلمیش گوزسوزی قانلی بیر پرچم سوزی اوخ ویران اللر شل اولسون آی ابوالفضل ای وای ابوالفضل قلبی غمله بولیم آی ابوالفضل ئولیم 🌹🌹🌹🌹🌹 ﷽ ✨اَللّهُمَّ عَجِّل لِوَلیِّکَ الفَرَج✨

🌴زبانحال حضرت ام البَنین (ع) قسمت منی چون خانه ی زهرایه گَتوردی دورت نورس اوغول شأنیمی افلاکه یئتوردی أفسوس فلک رسم وفانی تئز ایتوردی چرخ اینجیدی بیلمم مَنیم هانسی عملیمدَن دورت اوغلومی بیردن نئجه گور آلدی ألیمدَن.... سجاده سینی هر گون عبادتگهه سالّام عباسیمون ئوز عطرینی محرابیدن آللام اوغلی دایانور ایندی نمازه من اوجاللام ای عابد صالح اوجا تکبیره نه گلدی قرآن سحرناله ی شبگیره نه گَلدی.... ﷽🍁 ✨اَللّهُمَّ عَجِّل لِوَلیِّکَ الفَرَج✨

حضرت ام البنین (س) شاعرحسین دلگیر باخاردی کرب وبلایه غم وملالیلن دیردی درددلین بوزبحالیلن دیردی ای منه دنیاده افتخاراوغلوم هژیره بیشه هیجاده نامداراوغلوم نفس دوشوبدی شماره یوبانماگل ئولورم اناوی درک ایلیرحال احتضاراوغلوم غمونده صبح ومسااغلیان گوزوم یومولور بدندن ایستیری روحوم اولاکناراوغلوم الوب کناره منه زاری اوغلون عبدالله اواغلیوب منه مسکینی اغلاداراوغلوم سنه چوخ اوخشوری اوغلون خصوص قامتده بالاندان عطریوی دائم آنان الاراوغلوم دوشوبدی یادیمه زینب دین مصیبتلر پوزوبدی حالیمی الدن الوب قراراوغلوم باجونله چوخ گجه گوندوزدانیشموشوق سندن منه حزینه ایدوب شرح اختباراوغلوم اوبیربه بیرنلراولموش دیوب من اغلامیشام ‌عذاره گوزیاشیمی ایتمیشم نثار اوغلوم ایشیتمیشم که فراتی الوب سوایچمه میسن جهاده اکبرایدوب اولموسان کناراوغلوم حسین سیزایچمه میسین سوصودوم حلالون اولا غریبه ایلموسن امرشاهکار اوغلوم باجون یانیندامنی یاخچی سرفرازایلدون اینان که سندن اناوین رضاسی وار اوغلوم اولوبدی صولدان ازل صاق قولون دیوله قلم دونیدی کاش گوروم چرخ کجمدار اوغلوم گوزوم چیخدی دیوله که اوخ دگوب گوزیوه نه چکدون اوندایقین چوخ یتوب فشار اوغلوم الین که تنده یوخیدی نچه چخادون اوخی یقین که زحمته چوخ اولموسان دچار اوغلوم ‌ عمودمحنتینی گیزلدورباجون مندن اورکده بومحنی ایلوراستتار اوغلوم دوشنده تپراقااتدان نه چکموسن بولورم سالاربوغم اناوین قلبینه شرار اوغلوم باجون دیورکه انان اولماسیدی اول دمده اولاردی گل بدنون جمله تارومار اوغلوم دیوله سن یخلانداقاچان قیتدی بالا آلوبدی دوریوی بیرعده نیزه دار اوغلوم نه حاله قالمیشدون حمل اولونمیوب بدنون بوغملی مطلبون ایانه سری وار اوغلوم انان ئولیدی نه گلدی اوسروقامتیوه ندن قازوبلاسنه خردابیرمزار اوغلوم یقین که سالم واعضامزاره گیتمه میسن دگوبدی پیکریوه زخم بیشمار اوغلوم الینی دامن پاکوندن اوزومه دلگیرین که نوکرون آقادان انتظاری وار اوغلوم ﷽🍁 ✨اَللّهُمَّ عَجِّل لِوَلیِّکَ الفَرَج✨

نوحه ✍سیدبشیرحسینی میانجی غصّه لی ایّامیده گلمه دی قارداشلاریم جان وئریرم شامیده گلمه دی قارداشلاریم یولدا قالوبدور گوزوم دیلده واریمدور سوزوم *** چاره لری اولمادی یوخسا گلردی اولار غمله یانان قلبیمه گونده گلوب غم دولار علّت اودور دمبدم گول کیمی رنگیم سولار خانه ی غم فامیده گلمه دی قارداشلاریم بیلمورم هئچ هانسی بیر درد و غمه آغلیوم چاره یوخومدورگرک قلبیمی من داغلیوم قبلیه ساری دؤنوم اؤز گوزومی باغلیوم قالمیشام آلامیده گلمه دی قارداشلاریم شیرخدانین قانی شیر ائلیوب زینبی لیک حسینون غمی پیر ائلیوب زینبی محنتی بو دهریدن سیر ائلیوب زینبی بو چتین هنگامیده گلمه دی قارداشلاریم زینبم عمروم بویی چوخ یارالار باغلادیم آتش آهیمله من سینه لری داغلادیم یدّی گؤزل قارداشا شام و سحر آغلادیم حیف، سرانجامیده گلمه دی قارداشلاریم الّی بئش ایل اولدی کی آغلادی القان گوزوم غصّه و غمدن منه قالمادی ذرّه دؤزوم حیف دیه بیلمه دیم قالدی اؤرکده سؤزوم آیریلیق آخشامیده گلمه دی قارداشلاریم آغلامیشام قبره جک آغلا «بشیر»ا منه منده نظر ایلرم محشر اولاندا سنه یاد ائله بو لحظه می سؤیله دیلیمجه گئنه جان وئرروم شامیده گلمه دی قارداشلاریم ﷽🍁 ✨اَللّهُمَّ عَجِّل لِوَلیِّکَ الفَرَج✨

آرزوی کربلا سبک نوحه : به ذکر یا خدا یا الله سنه دل داغلیانلار قربان غمونده آغلیانلار قربان کربلا، کربلا، کربلا آدی ورد زبان کربلا جنّت جاودان کربلا باغریمیز اولدی قان کربلا کربلا، کربلا، کربلا حسرتونده ئورکلر قاندی داغ هجرونده دللر یاندی تربتون دردلره درماندی کربلا، کربلا، کربلا سنده باشلاندی غم طوفانی آخدی لب تشنه شاهون قانی ائتدی معنا بو قان قرآنی کربلا، کربلا، کربلا سنده زهرا دلی داغلاندی خوردا قیزلار عطشدن یاندی زینبون قولّاری باغلاندی کربلا، کربلا، کربلا سنده بیر شیرخوار اوخلاندی غملی قلبی ربابین یاندی قاسمون پیکری دوغراندی کربلا، کربلا، کربلا ﷽🍁 ✨اَللّهُمَّ عَجِّل لِوَلیِّکَ الفَرَج✨

🔹🔹🔹زبانحال حضرت ابوالفضل خطاب به آبِ مشک🔹🔹🔹 ئورکلر یاره دی آخما رباب آوارده دی آخما منِ بیچاریه رحم ائت وجودون چاره دی آخما خیامه آز قالور آخما قوشون هی اَل چالور آخما یارالی پیکریم هی ساغ صولا لنگر سالور آخما سنی زینب جانی صبری ئورکدن آلما دای آخما آنام امّ البنین باشین اشاقه سالما دای آخما دوشوب بال و پریم آخما چالیخلور اصغریم آخما تمام سرنوشتیم سن امید آخریم آخما وفا پابندیم آخما آدامسیز بندیم آخما رقیه مدن نچه گوندی ائله شرمندیم آخما بو قلبی یاندیروب یاخما نفس سن روح سن آخما طبیبیم سن مداوای دل مجروح سن آخما بیلورسن یوخدی قوللاریم بیلورسن خستیم آخما الیمدن هر نئیم گئتدی سنه دل بستیم آخما شریک اولما بئله بیر ظلم و بی انصافیه آخما طبیعی حالیدن چیخدی ردیف و قافیه آخما منی عشقین طریقینده قصاص ایله ولی آخما سن ای مهریه زهرا دئنن بیر یا علی آخما چالیش بیر جرعون اخیامه یتیشسون عاقبت آخما به عشق زینب و لیلا به حُکم معرفت آخما اوجالت عباسوون باشین منه عزت گتیر آخما ملر آهولره خاطر بیر آز طاقت گتیر آخما منی کابوسیدن قورتار یتیر آمالیمه آخما مروتدن اوزاق گزمه نظر سال حالیمه آخما (وفا منافی اردبیلی) ﷽🍁 ✨اَللّهُمَّ عَجِّل لِوَلیِّکَ الفَرَج✨

نوحه حضرت رقیه ( س ) 😭😭😭😭😭 یتیمه  بیر قیزام  بابا یارالیام  یارالیام باشیمدا قاره  معجریم عزالیام عزالیام -------------- بابا بابا ديور  ديليم آخور  عذاره گوزياشيم نه وارعليّ اكبريم  نه واردي خيردا  قارداشيم خرابه يرده گوزياشيم اولوبدی یار و یولداشیم نواليام  نواليام   نواليام  نواليام _ نيه بو نازدانه وی  گوزوندن آتموسان بابا مني گوزوندن آتموسان مرامه چاتموسان بابا گجه چاقيندا من اوياق  هاياندا ياتموسان بابا فراقوه   دوز نمورام    ياراليام   ياراليام _ خرابه گوشه سينده گل بالووي آل قوجاقوه آلاندا سن  قوجاقوه دوداق  قويوم  دوداقوه گرگدي جاني بذل ايدم  سنون گوزل اياقوه ديم  بابا گوزل بابا  وفاليام   وفاليام غروب اولاندا بو یره گلور بو شامون اهلی چوخ گلن باخوب منه دیوريتيمه دورآتاسي يوخ دلور بو طعنه لر منيم   اورگيمي مثال اوخ باشيم بلا ليدور بابا  بلاليام  بلاليام _ آخوندي ايستيور گوره منيم مزاريمي بابا منيم فراقيم  ايليوب  يانان ديلین  بابا يارا رقيه واي رقيه جان    اولور   ياراسينا   دوا ديور منيم كيمين  اودا  عزاليام  عزاليام                 رباعی یتیمت را پدر جان یاد کردی  مرا زین  آمدن.  دلشاد کردی  در این ویرانه این ویرانه دل را به یمن  مقدمت   آباد کرد ﷽🍁 ✨اَللّهُمَّ عَجِّل لِوَلیِّکَ الفَرَج✨

احوالات بسیار سوزناک حضرت ام البنین و حضرت عبدالله ابن عباس علیهم السلام ✅ فارسی و ترکی ✅ فارسی سیاه بخت من و تیره روزگار من است انیسِ هر شب من چشمِ اشگبار من است چو من به ارک جلال اندراین مدینه نبود سیاه جامه کنون آه و ناله کار من است به دودمان علی سربلند میگفتم کنیزی حسنین اوج افتخار من است چهار شیر دمان بود در برم روزی که هر یکی ز وفا مایه ی وقار من است شکست پشت مرا گردش فلک آخر افول خاطره ها مرگ اعتبار من است به نام اُمّ بنین بعد از این نخوانیدم اگر چه نام من از لطف شهریار من است تسلّیَم ندهید در عزای عبّاسم خبر ندارد و عبداللّهش کنار من است لوا و مشک و یتیمی گذاشت بوالفضلم که هر سه داغ دل و هر سه یادگارمن است ✅ ترکی نه آتماقا ئورگیم وار نه اوتماقا چارم یانان بو غمده منیم قلب داغداریمدی گورنده قانلی عَلَم گیزلین آغلارام اِئوده بلا یولوندا یتیم اوغلی هم قطاریمدی دییَم اوشاقدی هله بیلمَسین ائویم یخیلوب گوزلدی نازیدی شیریندی گوز خماریمدی اودورکی آغلامارام ائوده اولسا عبدالله تحمّل ایله مییَن روح بی قراریمدی سالاندا مشکی ئوزی چیگنی اوسته آخشاملار گِئدن الیمنن اَوَل گورّم اختیاریمدی ئورکده نوحه دیوب آغلارام سَسیم چخماز فشاره قلبی سالان گونده بو فشاریمدی ئولوبدی دورد اوغولوم آغلیانمورام راحت دلیمده گیزلی قالان درد آشکاریمدی اوقدری نوحه لریم واردی اودلی سینمده یوخومدادا گجه لر وای بالا شعاریمدی یوخومدادا ، گجه لر، آغلارام ابالفضله دلیمجه نوحه دیین روح سوگواریمدی دورار ولی سسیمه نصف شبده ، عبدالله خیال ائدر کی منیم حال احتضاریمدی دویونجان آغلامامش سسلیوب منی اویادار او رنج صبحیدی بو درد لیل تاریمدی قوجاقیمه سخلوب ایستیر دییَم لای لای بو صحنه هر گجه لر ائوده انتظاریمدی دوشر یوخی باشنا درد دل ائدر منّن دییَر باشمدا آنا دوز دئنن نه واریمدی؟ هاچاندی گورمه میشم کربلا علمدارین ئولوبدی کیمسه ، قرا جامه ی محاریمدی ندن گورنده منی آغلیور بیبیم زینب؟ اسیر غصّه ندن ایلِ نامداریمدی؟ باخاندا من آتالار اوپمیور نیه اوغلون؟ ندن بیلولّه منیم اوج انکساریمدی؟ چکیلَّر اَل باشما قونشولار نوازشلن بولار اگر چه منیم شرح اعتباریمدی بابامنان ئوزگه سینه ناز اِئتمرم هرگز منه بو درسی وِئرَن سنمیان وقاریمدی آنا هایاندادی بس با وفا ابالفضلون غمینده تنگه دوشن قلب غصه خواریمدی گوزوم دولوب دییرم شِکْوَه ائتمه عبد الله بابون همیشه منیم ، اوغلوم افتخاریمدی گدیبدی کربو بلایه ، عمون حسینیله حسینه نوکر اونون اولماقی قراریمدی دییَر ندن وطنه گلمیور عموم آنا جان؟ جوابی یوخدی دییم؟ قوزانان شراریمدی من آغلارام گجه لر ، آغلیار یتیم اوغلوم منه ،اوغول، دییَرم ، ئوز ائویم مزاریمدی آماندی سعی ائله بو کوچه لرده تک قالما اگر چه حافظ اولان حیِّ کردگاریمدی ویرالاّ طعنه سنه تک گورنده شهر اهلی نصیحتیم سنه بو پند پرده داریمدی قوجالمشام اگیلیب قامتیم الیمنن دوت یخان بالا ائویمی چرخ کج مداریمدی سالار باشین اشاقا آغلیار یتیم اوغلوم دییَر غلامون آنا روح جان نثاریمدی بو کوچه لرده منیم چوخ بلا چکوبدی باشیم اشاره لر کی دیورسن یک از هزاریمدی تحمّل ائتمه لیدی غصّه و مِحَن دردی چتیندی بایرامنان کهنه پیرهن دردی... ✍️ حاج علیرضا امانی اردبیلی ﷽🍁 ✨اَللّهُمَّ عَجِّل لِوَلیِّکَ الفَرَج✨

✍️ سیاه بخت من و تیره روزگار من است 📣 حاج علیرضا امانی اردبیلی