سبک ولادت حضرت زینب کبرا(س) (وصال تبریزی) گلدی دیننون ناجیسی کربلانون حاجیسی گوز آچوبدی عالمه آقاموزون باجیسی مژده وئرون اهل دله ، عقیله العرب گلوب منیم بوگون اربابمون ، دلبری زینب گلوب گویده ملکلر دئدی ، زینب مدد دل دئدی دلبر دئدی ، زینب مدد شیر زن کربلا زینب مدد گللنوب دشت و دمن شاد اولوبدی پنج تن سویونوب دیلدن بوگون هم حسین و هم حسن (بش یره بولسن عشقی گر ، دوردی باجی قارداشدادی قله قاف عشقه باخ ، زینبون آدی باشدادی ) گوردی پیمبر دئدی ، زینب مدد دل دئدی دلبر دئدی ، زینب مدد شیر زن کربلا زینب مدد حامی مذهب گلوب حافظ مکتب گلوب آسمان عصمته بیر ایش کوکب گلوب عرشیدن اعلا پایه سی ، اولوب حیا پیرایه سی ائشیتمیوب حتی سسین ، بو خانمون همسایه سی کاتب محشر دئدی ، زینب مدد دل دئدی دلبر دئدی ، زینب مدد شیر زن کربلا زینب مدد مرتضی دلبندیدی عشقینون پابندیدی نام زیبای حسین زیب گردنبندیدی هاردا آچولسا صحبتی ، سسلیروخ هر سوز باشی حق الیمزدن آلماسون بو ایکی باجی قارداشی ساقی کوثر دئدی ، زینب مدد دل دئدی دلبر دئدی ، زینب مدد شیر زن کربلا زینب مدد ای ولا دردانه سی فاطمه ریحانه سی عالم و آدم اولوب عشقیون دیوانه سی مریم و هاجر چاتمیوب بو خانمون پایه سینه دالدالانار عالم بونون ، چادرونون سایه سینه مریم و هاجر دئدی ، زینب مدد دل دئدی دلبر دئدی ، زینب مدد شیر زن کربلا زینب مدد واردی والا رتبه سی دین حق اعجوبه سی کفر ائوین ویران ائدوب زینبین هر خطبه سی زینب آچوبدی شهپرین ، پر وروب اوج عشقیده پرچم اسلامی وروب ، همتیله دمشقیده شافع محشر دئدی ، زینب مدد دل دئدی دلبر دئدی ، زینب مدد شیر زن کربلا زینب مدد ای ولایت گوهری حُجب و حیا مظهری کشتی دیندور حسین زینب اما لنگری گونده ده بیله جلوه و رنگ و لعاب اولماز آخی سهو ائلدیم من گون دئدیم ، گونده حجاب اولماز آخی انجم و اختر دئدی ، زینب مدد دل دئدی دلبر دئدی ، زینب مدد شیر زن کربلا زینب مدد دوشدی گرچی محبسه توش اولوب خار و خسه بیله حالیلن گینه ایمدی باش ناکسه بزم یزیده گیردی شیر سوزون دیوبدی بیر به بیر دئدی سنون تک ارزنه علی قیز اولماز اسیر اول و آخر دئدی ، زینب مدد دل دئدی دلبر دئدی ، زینب مدد شیر زن کربلا زینب مدد آچدی دل کوثر قزی فاتح خیبر قزی گر تانمورسان تانی زینبم حیدر قزی اسیر عشقم بولگونون ، برج شرفده کوکبم سن طلقانون اوغلوسان من ولی بول زین ابم طشتده اولان سر دئدی ، زینب مدد دل دئدی دلبر دئدی ، زینب مدد شیر زن کربلا زینب مدد بی لیاقت سن یزید مست قدرت سن یزید کس سسون لال اول داخی دینه آفت سن یزید یقین ائله بو مطلبی ، بو شهریدن گر گئتمسم آدیم منیم زینب دئی ، بو تختی بر باد ائتمسم اصغر و اکبر دئدی ، زینب مدد دل دئدی دلبر دئدی ، زینب مدد شیر زن کربلا زینب مدد سبک👇👇👇👇👇👇 @Hazrate_Abalfazll

مدح حضرت زینب (س) #سبک : زینب زینب زینب زینب زینب زینب گنجینه ی غیرت سن آئینه ی عصمت سن زینب زینب زینب سن فاطمه خصلت سن سن حیدره زینت سن وار چوخ جلالین حقدن مدالین روحه صفا زینب درده دوا زینب زینب زینب زینب ای کنز حقیقتده درّنبوی زینب زینب زینب زینب حیدر کیمی عالمده نطقینده قوی زینب زینب زینب زینب یوخ واهمه قلبینده شیر علوی زینب زینب زینب زینب اکسیر شرافت سن سن دخت ولایت سن وار چوخ جلالین حقدن مدالین روحه صفا زینب درده دوا زینب زینب زینب زینب سنده اولان ایثاره عقل بشر حیراندی زینب زینب زینب عشقین ابدی قالدی عاشقلره برهاندی زینب زینب زینب عرش شرفه آدون گون مثلی نمایاندی زینب زینب زینب پروانه ی پر شور مصباح هدایت سن زینب زینب زینب ای جبهه ی اسلامه بی واهمه رزمنده زینب زینب زینب ای تیغ فصاحتله ضلامی چکن بنده زینب زینب زینب ای نهضت خونین حقی ائلین زنده زینب زینب زینب سن حامل پرچم سن سن حافظ نهضت سن زینب زینب زینب پیمان بلایانی امضا ائلین زینب زینب زینب زینب ایثار شهیدانی احیا ائلین زینب زینب زینب زینب طرح شه احراری اجرا ائلین زینب زینب زینب زینب عشق آیه سینه عالی تفسیر وعبارت سن زینب زینب زینب سن عالمه سن علم و حکمتلره صاحب سن زینب زینب زینب هر محنت وآلامه سن صبریله غالب سن زینب زینب زینب غم قامتیوی اگدی سن ام ّمصائبسن زینب زینب زینب بیر کشتی کیمی غرق دریای مصیبت سن وار چوخ جلالین حقدن مدالین روحه صفا زینب درده دوا زینب #ولادت_حضرت_زینب

ـــــــــــــــــــــــــــــــــــــــــــــــــــــــــــــــ بنام خدا #ترکی #سرود_ولادت_حضرت_زینب_س #شاعر_مسلم_فرتوت_فاخر #گلواژه_هاے_اهل_بیت_ع ─┅𑁍🍃🌼🍃𑁍┅─ تهنیت یا مهدی صاحب زمان حی سبحان عالمه احسان ائدیب بیله بیرگونده خدای لم یزل حضرت زهرایه آیری پای وئریب زینب عمه وون عالمی ایلوب منیر غصه و غم شهر یثرب دن گئدیب «آیری بیر زینت تاپوب کون و مکان تهنیت یا مهدی صاحب زمان» ─┅═𑁍🍃🌼🍃𑁍═┅─ بیله بیر گونده گولوب دی ماسوا گوز آچوب دی عالمه دخت وفا موج ائدیب شأن و شرافت دریاسی شاد اولوبدی حضرت خیر النسا «آیری بیر زینت تاپوب کون و مکان تهنیت یا مهدی صاحب زمان» ─┅═𑁍🍃🌼🍃𑁍═┅─ شوریدن مولا ئورک لر سسلنور عرش اعلاده ملک لر سسلنور حق ائدیب دی نور باران گویلری شوقیدن شاها فلک لر سسلنور «ایری بیر زینت تاپوب کون ومکان تهنیت یا مهدی صاحب زمان» ─┅═𑁍🍃🌼🍃𑁍═┅─ شادماندی عالمینون سروری چون خراماندی اونون تاج سری فاطمه باشین یوخاری قوزامور شرم ائدیر حجب و حیانین گوهری «ایری بیر زینت تاپوب کون و مکان تهنیت یا مهدی صاحب زمان» ─┅═𑁍🍃🌼🍃𑁍═┅─ وصفه گلمز مجتبانین حالتی یا حسینون زینب یله صحبتی مصلحت دی بو سرودی قورتارم روضه نین یوخ بیله گونده لذتی «ایری بیر زینت تاپوب کون و مکان تهنیت یا مهدی صاحب زمان» 🖊شاعر:مسلم فرتوت فاخر 1400/9/16 http://eitaa.com/golvajhehaye_ahlbeyt ─┅═𑁍🍃🌼🍃𑁍═┅─ 📌نشر اشعار بروز از شعرای فرهیخته ـــــــــــــــــــــــــــــــــــــــــــــــــــــــــــــــــــــ