🏴شهادت حضرت امام حسن عسگری علیه السلام🏴 🎶سبک : دولانورعلی قیزی مقتلی 🏴🏴🏴🏴🏴🏴🏴🏴🏴 بو جهانی ترک ائلین زمان گوزون آچدی حضرت عسکری گوروب اوغلی حضرت مهدینی باشی اوسته آغلادی گوزلری دئدی گُل جمالیوی گورجگین دولوب اشگ شوقیله گوزلریم بوشتابیلن بولود آلتینا هله گئتمه ای مه انوریم سوسوزام منه گل ئوزون سووئر سو یانیندا یانمیالبلریم نه گوزلدی هرئولنین اولا باشی اوسته سن کیمی دلبری نه گوزلدی خامه اگریازا سوزایچینده راوی یازان سوزی گوتوروبدی مهدی سو جامینی آتاسینا تا سو وئروب ئوزی سو ایچوبدی حضرت عسکری ایله که سونوبدی اورک کوزی بویوروبدی سال یره جانماز دل ساجد ایستیری داوری بو وداع نمازیدی حضرته ایلیوب اراده آلا وضو کمک ایلیوبدیله اگلشوب ادبیله خادمی گتدی سو اونا وئردی مهدی ئوزی وضو قوتاروبدی بو بیوک آرزو وورلوبدی نه اورگیندن اوخ نه سنوب جبین مطهری آتاسی جان اوسته دی جان وئرور دایانوب باخور اوگوزل بالا جان آلوبدی حاصلی جان آلان بوفنا جهاندان اولوب جدا آقاوای دیوبدی حرملری یتیشوبدی هریانا بو صدا غم آلوبدی بیت امامتی ایتیروبله ماه منوّری ایلیوبدی مهدی ئوزون نهان نه گورن اولوب نه یرین بیلن آتاسین یودی ئوزی مهدی جان ائلیوب ملکلریلن کفن عددی حسابه گلن دگول او گوزل جنازه نی دفن ائدن گیینوبدی اهل حرم قرا گتیروبله یاسه پیمبری نه جسارت ایلدی معتمد توکولوبله بیت امامته دولانیبلا بیت امامتی ولی گلمیوبدیله غارته نه بیری وروبدی بالالارین نه بیری گئدوبدی اسارته ئوز ائوینده تحت نظرده دی او شه جهانین حرملری ✍ جعفری زنجانی ✨اَللّهُمَّ عَجِّل لِوَلیِّکَ الفَرَج✨

‍ (( سلام برمهدی موعود عج الله)) دلبریم بسدور بوقدری غارت جان ایلَمَه آفتابی زلفِ مشکین آلتدا پنهان ایلَمَه گورهاچاندور دیدۀ مَخمورون مجنونیم قلبیمی، ای یاس نَرجس چوخ پریشان ایلَمَه دوشمشم جاندان اگرچه انتظارم وصلوه بوندان آرتیق سائلی سَردَر گریبان ایلَمَه خنجر ابرولرون جان آلسامندن راضی ام صیدی ای صیاددل، چوللرده حیران ایلَمَه بیرجهان دل باغلیدورجانا شکنجِ زلفووه یا ظهور ایله و یا قصد دل و جان ایلَمَه صبریوسف یوخدی منده ای مَلَک سیمانگار روحیمی زندانی چاه زنخدان ایلمه شهرغیبتدن کناراول یوسفیم بازاره گَل عشقیمون کاشانه سین هجرونله ویران ایلَمَه یاحجاب آچ صورتوندن باشه چاتسون افتراق طرّۀ طرّاروی یا عنبر افشان ایلَمَه گوزلریم قربان نقدری آخ دیوم یول گوزلیوم قامتی خَم عاشقی هجرونده ویلان ایلمه "سیفی ام"من هفت شهرعشقوون عطّاریم صبح امیدی منه شام غریبان ایلَمَه استادسیفی ﷽🍁 ✨اَللّهُمَّ عَجِّل لِوَلیِّکَ الفَرَج✨💫

امام_حسن_عسگری ای شـه درد آشنا - یا حسن العسگری دردلره سن وئر دوا - یا حسن العسگری مفخـر آل عبـا - یا حسن العسگری قلبیلر ه وئر صفا - یا حسن العسگری قسمت اِلـه کربـلا - یا حسن العسگری یـازدیغیجـا آدیـوی اَلـده قلـم شور آلیر کیـم چاغیـرور آدیوی عشق الیور زور آلیر آدیـوی اوُپسـه شفـا گـوزلرینـه کُور آلیر گویده کی آی، همده گون، سنن آقا نور آلیر عالمه سن سن آقا - یا حسن العسگری ای شه جـود و کرم – پادشه ذوالکرم سهلیـدی سن خـادم درگهیوه نوکرم سن بول آنان فاطمه نوکریوه قیل کرم هـم ئـوزوه نوکـرم ؛ نوکـریوه چاکرم نوکریوه قیل عطا - یا حسن العسگری قبریوون عشقینـده بو غملی اورکلر اَسر جذبـة عشقـون ائـدر یـاره لی قلبه اَسر حُسـن کمالاتیـوی گـر دئسه لر مختصر بارماقی کی سهلیدی باشینی یوسف کسر سن هارا یوسف هارا - یا حسن العسگری معـدن ایمـانی سن - معنـی قرانی سن دردی اولان بی کسین سن آقـا درمانی سن قوی سوزی واضح دئییم جنته ریحانی سن یوخدی تایون چونکی سن فاطمنون جانی سن آدیوه جانلار فـدا - یا حسن العسگری ظلم وشقاوت سنون حقیوه وار یوخ اولوب صبـر و کمالیـن ولی دشمنـه پاسخ اولوب گرچـه اَزلـدن آدون دشمنیـوه اوخ اولوب سامـرده قبـریوه ظلـم الین چـوخ اولوب چوخ الیوبلر جفا - یا حسن العسگری دللری مستـور ائدوب بو علـوی سرمدون دست یهودیّتـه گرچـه دوشـوب مرقدون دوزدی یوخوندی الان زائر ورفت آمادون داعـش و وهابیلـر گرچـه وئرور گنبدون مهدی آلار خون بها - یا حسن العسگری ✍پریشان ✨اَللّهُمَّ عَجِّل لِوَلیِّکَ الفَرَج✨

🏴شهادت حضرت امام حسن عسگری علیه السلام🏴 🎶سبک : دولانورعلی قیزی مقتلی 🏴🏴🏴🏴🏴🏴🏴🏴🏴 بو جهانی ترک ائلین زمان گوزون آچدی حضرت عسکری گوروب اوغلی حضرت مهدینی باشی اوسته آغلادی گوزلری دئدی گُل جمالیوی گورجگین دولوب اشگ شوقیله گوزلریم بوشتابیلن بولود آلتینا هله گئتمه ای مه انوریم سوسوزام منه گل ئوزون سووئر سو یانیندا یانمیالبلریم نه گوزلدی هرئولنین اولا باشی اوسته سن کیمی دلبری نه گوزلدی خامه اگریازا سوزایچینده راوی یازان سوزی گوتوروبدی مهدی سو جامینی آتاسینا تا سو وئروب ئوزی سو ایچوبدی حضرت عسکری ایله که سونوبدی اورک کوزی بویوروبدی سال یره جانماز دل ساجد ایستیری داوری بو وداع نمازیدی حضرته ایلیوب اراده آلا وضو کمک ایلیوبدیله اگلشوب ادبیله خادمی گتدی سو اونا وئردی مهدی ئوزی وضو قوتاروبدی بو بیوک آرزو وورلوبدی نه اورگیندن اوخ نه سنوب جبین مطهری آتاسی جان اوسته دی جان وئرور دایانوب باخور اوگوزل بالا جان آلوبدی حاصلی جان آلان بوفنا جهاندان اولوب جدا آقاوای دیوبدی حرملری یتیشوبدی هریانا بو صدا غم آلوبدی بیت امامتی ایتیروبله ماه منوّری ایلیوبدی مهدی ئوزون نهان نه گورن اولوب نه یرین بیلن آتاسین یودی ئوزی مهدی جان ائلیوب ملکلریلن کفن عددی حسابه گلن دگول او گوزل جنازه نی دفن ائدن گیینوبدی اهل حرم قرا گتیروبله یاسه پیمبری نه جسارت ایلدی معتمد توکولوبله بیت امامته دولانیبلا بیت امامتی ولی گلمیوبدیله غارته نه بیری وروبدی بالالارین نه بیری گئدوبدی اسارته ئوز ائوینده تحت نظرده دی او شه جهانین حرملری ✍ جعفری زنجانی ✨اَللّهُمَّ عَجِّل لِوَلیِّکَ الفَرَج✨

عرض ادب خدمت حضرت ثامن الئمه علیه السلام سبک ای صفای قلب زارم.... ای سینیق دیللر صفاسی ای آدی دردیم دواسی دَهریده پشت و پناهیم سن سن ای زهرا بالاسی اَیا شاهِ ولا سنه جانیم فدا اولوب ذکریم منیم علی موسی الرضا علی موسی الرضا عشقیوه من مبتلایم آستانونده گدایم افتخاریمدور جهاندا سائل کوی رضایم منیم تاجِ سَریم امام و رهبریم بَسیمدی وار آقا سنه تای دلبَریم علی موسی الرضا ای رئوفِ آل طاها اِیله احسان جانِ زهرا حالیمی یاخجی بولورسن لطفووه محتاجم آقا آدون هِی سَسلَرَم قاپوندا نوکرَم سنی اوغلون جَواد منه اِیله کَرَم علی موسی الرضا لطف ایدوبسن غم سیخاندا صبر ایوین غُصّه یخاندا نه اولار گَل باشیم اوسته جان دوداقیمدن چیخاندا حَبیبی یا رضا ویرنده جان، گَدا نَکیر و مُنکَره منی تاپشیر آقا علی موسی الرضا #امام_رضا_علیه_السلام #ثامن_الحجج التماس دعای فرج الاحقر مهدی عبادی

شهادت حضرت امام حسن عسکری (ع) و آغاز ولایتعهدی امام عصر(عج) . . محمد علی مصیبی تبریزی . ای قائمۀ دین پیمبر یر اوزونده آغلاردی بوگون حالیوه گوزلر یر اوزونده . . یابن الحسن ای عزت و حُرّیته ناجی ای بادۀ عشق و شرفین جام زُجاجی وی شیعۀ اثنا عشرین باشدا کی تاجی باخ گور قورولوبدی نئجه محشریر اوزونده . . مولا بورونوب شور و نوا رختینه افلاک نه طاق سما پردۀ آفاقی ائدوب چاک معناده وُرور باشینه پیغمبر لولاک گلمیش له تسلّایه ملکلر یر اوزونده . . دوشموش حرکتدن بو گئجه انجم سیـّار گویلرده دییور وا اسفا جعفر طیـّار فردوس برینده باش آچوب حیدر کرار کوثر جوشوری عدنیده گوزلر یر اوزونده . . طاغوت زمان سالدی جفا بحرینه لنگر موج خفقانی حُمقا ائتدیله سنگر امر ایله دی تا معتمد دون و ستمگر محبوس اولونا سیّد عسکر یر اوزونده . . حبسین اثراتی آتاوی ایله دی رنجور زهر ایچماقا مولا ؛ ائلیوبلر اونی مجبور دستور وئروب معتمد جائر و منفور بو سوز گرک ابلاغ اولا یکسر یر اوزونده . . آگاه ائلیون امت اسلامی تمامین جسمینده مرض واردی بو رنجور امامین بو تئزلیقا الدن وئره جاق رکن و دوامین بیر مرگ طبیعی اولا باور یر اوزونده . . آری آتاوین قتلینه امر ائتدی او کافر بش سینّیده قالدون آتاسیز ای شه خاور بو سینّیدن اولدون آقا سن شیعیه سرور کیمدور اولا سندن صورا سرور یر اوزونده . . تا باتدی ولایت گونی یلدا طرفیندن گلدی بالا وای ناله سی بطحا طرفیندن باشین ساق اولا شیعۀ زهرا طرفیندن ای تاج سر شیعۀ مضطر یر اوزونده . . گل پرچمیوی آل اله ای شمس هدایت گوزلور یولیوی گوزلریم ای تاج ولایت گور کیملر ائدور شیعیه دنیاده جسارت تکفیریلر آلمیش اله خنجر یر اوزونده . . قلبیمده کی هجران اودونا خاتمه یوخدی سندن صورا دین پرچمینه قائمه یوخدی وصلون اله گلسه داخی بیر واهمه یوخدی تئز گل آقا قان اولدی ئورکلر یر اوزونده . . گون سن ولی مولا بولود آلتیندا نهان سان سن گوهر گنجینۀ اقبال جهان سان شهلر سنه سائلدی کی سن شاه شهان سان سن سن شرف و عزته محور یر اوزونده . . ای تاج سر شیعه ، الا یوسف زهرا چیخ پرده دالیندان خلف سید بطحا عطر قدمیندن بیز اولاخ مست و سُکارا ای کوکب تابندۀ اخضر یر اوزونده . . آخر نئجه بو فرقت جانسوزه دؤزورسن صبرین صدفین رشته هجرانه دوزورسن حسرت گوزیلن کوه و بیابانی گزورسن گلسن ایاقیندان ئوپرم گر یر اوزونده . . ای خلقت افلاک و مه و مِهره بهانه اولموش ئورگیم ناوک هجرانه نشانه گوزلور یولیوی غملی ئورکلر یانا یانه سنسیز بیلوسن لنگ اولی ایشلر یر اوزونده . . یابن الحسن ای یوسف گمگشتۀ دوران مشتاق وصالوخ بیز اَلا حجت یزدان جانلار سنه قربان اولاچیخ ،پرده دالیندان وار اوچ یوز اون اوچ لالۀ احمر یر اوزونده . . ای آدی صفا قلبه سالان یوسف زهرا عشقی بوتون آفاقی آلان یوسف زهرا وی پردۀ غیبت ده قالان یوسف زهرا

‍ ‍ در شهادت امام حسن عسکری (ع) شاعرکربلایی رضا ماه پری زنجانی جهانه غصه و غم حکمراندی محبت شمعینه پروانه یاندی دل اهل ولا بو غمده قاندی غروب عمر مولای جواندی بو گون صاحب عزا صاحب زماندی دوتوبدی سامرانی غصه و غم یاقیر گویدن یره باران ماتم ایدوبدی زهر اثر مولایه کم کم یانوبدی گل وجودی اوتا ازدم جفای زهریدن دل باغریقاندی بو گون صاحب عزا صاحب زماندی جفای معتمدن جانی خسته باشین خم اتمیوب ظلام پسته قویاردی سجدیه باش دل شکسته سلام ایلردی یر اول حق پرسته گوزل قبری بیزه باغ جناندی بوگون صاحب عزا صاحب زماندی واریدی قدرتی ارض و سمایه رضا اولموشدی اما هر بلايه گلردی هر گئجه شور و نوایه دوتاردی یوز غریب کربلایه یوزه گوز یاشی گوزلردن رواندی بوگون صاحب عزا صاحب زماندی دیردی ای دوشن ائلدن آرالی سنه قان آغلارام زهرا مارالی سوسوزدان سولدی جسمون گل مثالی نجه تاپدی سنی زینب. یارالی گوروبدی اوخلارا قلبین نشاندی بوگون صاحب عزا صاحب زماندی الی باشدا توکوب رخساره قان یاش قاچوبدی تلیدن گوداله بیر باش نجه گلدی قلم یازمیدی ای کاش نه گوردی بیلمورم سسلندی قارداش گوزون آچ خیملر یکسر تالاندی بوگون صاحب عزا صاحب زماندی دیدی قارداش جهانی داغلارام من پوزولموش جسمیوه قان آغلارام من عزا بزمی قوروب یاس ساخلارام من ئولونجه قاره معجر باغلارام من ایشیم بونان بیله آه و فغاندی بوگون صاحب عزا صاحب زماندی ــــــــــــــ #سبک_بیا_یابن_الحسن_آرام_جانم

شهادت حضرت امام حسن عسکری علیه السلام حاج روح اله رمضانی بوگجه صاحب عزا سن سن آقا یابن الحسن تسلیت سویلور سنه اهل ولا یابن الحسن تسلیت یابن الحسن (۲) شهر غربتده آتون اولدی غریبانه شهید اولدون ای زهرا گلی غربت ولایتده وحید اول عمرونده دلده غملرون اولدی شدید درد جانسوزه سن اولدون مبتلا یابن الحسن تسلیت یابن الحسن (۲) اف اولا بو عالمه تازه واریدی بش یاشون سیندی قلبون غصه دن آخدی جماله گوزیاشون بش یاشیندیدون آقا درده دچار اولدی باشون جان عزالی جانوه اولسون فدا یابن الحسن تسلیت یابن الحسن (۲) بیلمورم سن نه چکوبسن ای عزیز فاطمه طاقت ایلوبسن اوشاقلیقدا بو جان فرسا غمه واریری حشره کیمی ائتسون همیشه زمزمه ای اولان دلده غمی بی انتها یابن الحسن تسلیت یابن الحسن (۲) واریری آهون آقا قلب جهانی داغلاسون حشره جک قلبون داریخسون گوزلرون قان آغلاسون شیعه لر بو غمده دائم باشه قاره باغلاسون اولدی روشن گوندوزون لیل دجا یابن الحسن تسلیت یابن الحسن (۲) #سبک_زینبم_جان_اوستیم ... 4 سبک