خلاق عالمم ایکی دنیا یاراتمیشام هفت آسمان و عرش معلی یاراتمیشام آفاقه زینت ایلمیشم کهکشانلاری شمس و قمر،ثری و ثریا یاراتمیشام کیم ائدسه اخذ معرفت،اسراری کشف ائدر ئوز خلقتیمده گور نه معما یاراتمیشام حکمت واریدی نسل بشر گلدی عالمه آب و گلیله، آدم و حوا یاراتمیشام هابیل و قابیلیله،سلیمان و خضر و هود یعقوب و نوحیله،ذکریا یاراتمیشام دریاده بطن ماهی ده یونس تاپار پناه باشی بدندن آیریلا یحیی یاراتمیشام انجیلی هدیه وئرمیشم عیسی ابن مریمه توراته صاحب اولماقا موسی یاراتمیشام یوسف گوزلدی حسنی سالوب خلقتی حیرته اوندان چاتا کماله زلیخا یاراتمیشام من انبیاده،خوش سسی داوده وئرمیشم آدین زبوره زینت الإنشا یاراتمیشام ابراهیمی یاراتدیم ائده کعبه نی بنا شأنین صحف دا،واضح و شیوا یاراتمیشام کامل ترین کتابیدی قرآن منیم کیدور ناشر اولا بو مصحفه طاها یاراتمیشام فوج ملک جلالیده چاتماز محمده من خاتم پیمبری والا یاراتمیشام پیوند اولا گرکدی امامت،رسالته طاهایه جانشین تعالی یاراتمیشام مشتق اولوب منیم ئوز آدیمدان علی آدی من اعلمم،علینی ده اعلی یاراتمیشام هر کیم علی جمالینه باخسا منی گویر ئوز جلوه می علیده هویدا یاراتمیشام حب علیدی کفریله،ایمانچون محک عشقین اورکده طوق تولا یاراتمیشام واجب اولوب ولی خدانین اطاعتی حکم علینی لازم الإجرا یاراتمیشام روح الأمینه درس طریقت وئریب علی استاد علم،علم الأسما یاراتمیشام من کعبه نی یاراتدیم اونا زادگاه اولا بیت الحرامی حیدره ماوا یاراتمیشام گتدیم وجوده عالمی پیغمبره گوره علت بودور که طارم خضرا یاراتمشام خلق ایلدیم پیمبری ده،حیدره گوره عالم لره علی کیمی مولا یاراتمیشام نه مصطفانی خلق ایلیردیم نه حیدری هر تک تکین بخاطر زهرا یاراتمیشام زهرا گر اولماسیدی یاراتمازدیم عالمی اسرار خلقته اونی دانا یاراتمیشام زهرا کیمی بشر داخی گلمز بو عالمه زهرانی من ئوزیم کیمی یکتا یاراتمیشام دنیا هاموسی بیر یانا زهراده بیر یانا الحق بو خلقتیمده کی غوغا یاراتمیشام زهرا آدی گلنده ملک لر قیام ائدر درگاهینه کنیزلیقا حورا یاراتمیشام دیوان خلقتیمده آدی شاه بیت دور زهرانی شعر حکمته معنا یاراتمیشام کیم شاعر اولسا درگهینه،افتخار ائدر اهل سمانی مادح زهرا یاراتمیشام وصف جلال فاطمه نی یازما بی وضو وار چوخ قداستی اونی عظما یاراتمیشام محشر گونینده امته باب النجاتیدور خیرالنسانی شافع عقبی یاراتمیشام باخ عز و جاهه اون بیر امامین آناسیدی دخت نبی نی ام ابیها یاراتمیشام اوندان گلر جهانه امام حسن،حسین اهل بهشتیمه ایکی آقا یاراتمیشام حسن جمیل خلقت امام حسنده دی من مجتبانی حسنوده زیبا یارتمیشام کرب وبلایه بسلماقا شاه تشنه لب بیر مادر مقدس و علیا یاراتمیشام من فطرتأ حسینه تمام خلایقی خلق ایلینده عاشق شیدا یاراتمیشام دیل ذکر یاحسین دئماقا خلق اولوب،گوزی ائتسین رخ حسینه تماشا یاراتمیشام دوزدور کی تشنه جان وئره جاقدور حسین،ولی اوندان اوتور من آب گوارا یاراتمیشام شهپر آچار شکوهیله اوج کمالیده قاف شهادته اونی عنقا یاراتمیشام عاشور غمده شاه شهیده شریک غم باشی بلالی زینب کبری یاراتمیشام سردار اولا حسینیمه صحرای عشقیده عباس تک دلاور هیجا یاراتمیشام عباس مرتضانین او غیرتلی اوغلودور عباسیده شجاعتی دریا یاراتمیشام باخسا گوزل جمالینه یوسفده حظ ائدر دردانه ی علینی دل آرا یاراتمیشام غبطه یئیر فرشته لر اول عبد صالحه پور علینی مظهر تقوا یاراتمیشام عباسی صدقیله چاغیران تیز آلار جواب مشکل گشادی درده مداوا یاراتمیشام عباس،باوفادی وار اون یدی منصبی کرب وبلایه گور نجه سقا یاراتمیشام شاعر: فکری مراغه ای 📢حــاج مـــهدی رســولی 🔶خلاق عالمم ایکی دنیا یاراتمیشام... ✅پست ویژه به مناسبت ایام فاطمیه #حاج_مهدی_رسولی #فاطمیه #واحد ●بـروزتــریــن نوحه،شــور و روضـه ها از بـهتـریـن مداحـان کشور🎤 ـمــطـابـق باهــرخـواسته و ســلیقـه ای ایــنــجــا پـــاتـــوق بچه مذهبی هاست @madahichannel https://t.me/joinchat/UBcQP1enBFPSkjzr

تیر فرقتله بو قلب زاری اویدون آخر سنه قربان رخت عشق و علایق بوتندن سویدون آخرسنه قربان فاطمه نولدی کی مرتضادن دویدون آخرسنه قربان تیتردیر عرش و فرشی علینی حال زاری گجه یاری من قازیم تیترین اللریمنن بو مزاری گجه ساری دفن اولار مرتضی اللرینن دارو نداری گجه یاری هر گئجه بقیده آغلارام یارالی قبریوی گلوب قوجاخلارام یارالی *** من نجه بو اریمیش بدنین، یویوم آخر، بئله زهرا هی آخیر قان یاراننان ، یارالی، نئلیوم گل، دیله زهرا قالمیشام من نجه تاپشیراجام، سنی قبره، هله زهرا مغسل اوسته پیکرون قویوم نجه من ؟ میخ در یاراسینی یویوم نجه من ؟ بویوا قربان اولسون علی ، دور، بیر ایاقه، منه رحم ائت کوچه ده نه اولوب؟ گیزلدیبسن، دورد اوشاقه، منه رحم ائت گوشواره‌ن هانی؟ نه گلوبدی، بو قولاقه، منه رحم ائت بیر بونی دی قالمیشین دیمه . یارالی گوشوارن هاردا فاطمه . یارالی شاعر: علی حنیفه 📢حــاج مـــهدی رســولی 🔶تیر فرقتله بو قلب زاری... ✅پست ویژه به مناسبت ایام فاطمیه #حاج_مهدی_رسولی #فاطمیه #واحد #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

عم اوغلی دل نار غمه داغلاما سنه قربان سن آغلیسان من دوزنمیرم آغلاما سنه قربان عم اوغلی گل محفلی بیرمحفل وصال ایله قاباقکیلار مثلی گینه رفع هر ملال ایله ایاقووا دای دورانمورام گل منی حلال ایله  ندیم عم اوغلی یورولموشام چوخ یوروب منی دوران اگرمن ئولسم عذاریوه سیل اشکیوی، آشما فراقیمه صبرایله علی ،قلبه تیرغم ساشما حسن یانندا عم اوغلی چوخ کوچه صحبتین آشما چیخا علی بلکه کوچه نین دردومحنتی یاددان او بلبلم کام آلانمادیم بیردویونجا گلشندن همیشه غم غصه عمروده همره اولدولار مندن اگر چه گیتماقه راضیم دویمادیم ولی سندن ایدیم نه چاره گرک گیدم دعوت ایلیوب جانان بجادی نار فراقیمه سینه یاندیرا زینب اورک خم درد و محنته یا بویاندیرا زینب نه وقتیدی ایندیدن هله ائو دولاندیرا زینب هله بونا تزدی غصه دن نی کیمی ایده افغان بوغم منی نا گران ایدیب ای شهنشه دوران اجازه ویر دل ملالینی ایلیوم سنه اعلان حسینه وقتینده سو ویرین قویمیون قالا عطشان ایچنده سو لبلریندن ئوپ یادایله منی هرآن اگر چه دلگیرم علی وار رمق هله تنده ئورکده وار آرزوم اوتور منده عهد ایدیم سنده حسین دوشنده چوخور یره سنده گل علی منده گلنده بیر کاسه سو گتور؛سوگرک ایچه قربان 📢حــاج مـــهدی رســولی 🔶عم اوغلی دل نار غمه... ✅پست ویژه به مناسبت ایام فاطمیه #حاج_مهدی_رسولی #فاطمیه #واحد گلچین زیباترین اشعار نوحه، و روضه های ترکی🎤 ازبهترین مداحان کشور🎤عاشقان امام حسین ،ع،و حضرت ابالفضل(ع) https://t.me/Asheghane_Hazrate_Abalfazll

‍ سینه زنی @Hazrate_Abalfazll بلایه آغوش آچانیم لای لای بهشته روحی اوچانیم لای لای ایاق یالین یولدا گئجه یاری تیکانلار اوسته قاچانیم لای لای ئولونجه قاره گینیم لای لای همیشه غصه یینیم لای لای هامی یاتانان صورا آخشاملار حسینه نوحه دینیم لای لای خرابده آج ئولنیم لای لای یوزی ئولنده گولنیم لای لای یارالی قلبین آتا هجرینده جفا خدنگین بولنیم لای لای فغانه غمدن گلنیم لای لای عجل سرشکین سیلنیم لای لای خـــــرابه کنجینده بـــــــــلالـــــــردن گوزون یوموم دینجلنیم لا لای جفای زجره دوزنیم لای لای ستاره مثلی سوزنین لای لای #اشعار_ترکی گلچین زیباترین اشعار و نوحه های ترکی https://eitaa.com/joinchat/2348744791Cd1e41b0233 ─┅─⊱✾♡✾⊰─┅─ کانال اشعار عاشقان حضرت ابالفضل(ع) مدیریت کانال:شعبانپور @Haram75 ---⊱✾♡✾⊰---

ــــــــــــــــــــــــــــــــــــــــــــــــــــــــــــــــــــــــ بنام خدا #احوالات_حضرت_زهرا_س_بعد_از_وفات_پدر_بزرگوارشان #قسمت_اول «» «» «» «» سلام اولا سنه کی خوش گـونون کم اولدی خانم جوانلـیقون اسفا بحــر پر غــم اولدی خانم او گــون کی ترک ایلـدی عالمــی آتان احمد غمیله عصـه داخی سنله باهم اولدی خانم آتاوون آیــرلیقــی جانیــوه شــرر ســالــدی آتون کی گئتدی سـنون قامتون خـم اولدی خانم بو غم ده آغلادی زینب سنیله صبح و مسا اوشاقلیندان او قیزغمله همدم اولدی خانم ٱلدی حسـرتیله گـوز یاشـی حسین و حسن علی ده بعـد آتـون غـرق ماتـم اولـدی خانم مدیـنه اهلـی سنیلـن عداوت ایـله دیـلــر سنــه دریای مشقـت بو عالـم اولـدی خانـم اوگون کی سسلدون عجل وفاتی خلوت ده سنون نـهایت رنجـون مسـلم اولـدی خانـم فاخـرم مـنده بو غـم دفتـرینی باغـلایورام منیم بوبحرمحن ده گوزوم یم اولدی خانم 🖊مسلم فرتوت فاخر http://eitaa.com/mo1346 •┈┈••✾✾✾••┈┈• https://t.me/moslm_fakher کانال اشعار فاخر (احباب الهدا) ــــــــــــــــــــــــــــــــــــــــــــــــــــــــــــــــــــــــ

ـــــــــــــــــــــــــــــــــــــــــــــــــــــــــــــــــ بنام خدا #احوالات_حضرت_زهرا_س_بعد_از_رحلت_پدر_بزرگوارشان #قسمت_دوم «» «» «» «» فدک دن سوز آچان دم دیده قاندی یا زهرا سرشـک خـون ایکی گوزدن رواندی یا زهرا اوگون کی باغلادیلار قوم کین مسیری سنه سنون یانانان اورگون بیـرده یاندی یا زهـرا قاپویا حمـله ائـدن وقتـیده او قـوم شـرور سنون او لحـظه ده قلبـون دایاندی یا زهـرا قـاپویا اوت ووران اوباشـی لر سنی ووردی سنـون تـوفـاقون او لحـظه تالاندی یا زهرا نه گلدی محـسنوون باشـینـه رجوعیم یوخ بـو بـارده قـلـمــیــم نـاتـوانــدی یا زهــرا فقط بونی بیلورم ایسـتدون اولوم حـق دن ایکـی گـوزوم دن الان قان روانـدی یا زهـرا بو روضـه نـی قـوتاریم بوردا ای حبیبهٔ حق غـمـوندا شیـعه بوگون نیمه جاندی یا زهـرا گوز آلـتی باخگیلا احبا بیوه بو لحظه خانم بـولار دچــار غـــم بیـــکــرانـدی یا زهـرا 🖊مسلم فرتوت فاخر http://eitaa.com/mo1346 •┈┈••✾✾✾••┈┈• https://t.me/moslm_fakher کانال اشعار فاخر (احباب الهدا) ــــــــــــــــــــــــــــــــــــــــــــــــــــــــــــــــــــــــ